السينما في قطر= مجالس شعبيه !!!

[Qt.1]

صار لي فتره تقارب اكثر من 3 سنوات يمكن مادخلت السينما اهني عندنا في قطر , كل ماسافر برع اروح السينمات الي اهناك اي بلد اروحه ويعرضون فيه فلم جديد احضره , من كم يوم اتصل لي رفيجي قالي خل انروح فلم في السيتي سنتر فلم جديد وحلو , قلت يالله معليه وبالمره اشوف السينما اشلون لاني ولا مره دخلت سينما السيتي من قبل , المهم رحنا الفلم , والله شي يقهر الحين ناس اتطالع فلم طبعا الواحد يبي يندمج , لكن ماشاء الله الشباب الفاهم الواعي , الي قاعد على المسنجر حق البي بي , والي قاعد ايسولف اتقول مجلس , والي تلفونه كل اشوي ايرن , والله كرهوني بالسينما والفلم , لدرجة ان رفيجي راح يشتكي للي اينظمون الجلوس وعصبو وقالو وينهم وراحو كلمهوهم يعني سكتو خل الناس اتشوف , في امريكا قبل ليبدى الفلم ايحطون لقطه عن الاازعاج خلال الفلم بما معنى لازم الواحد ايخلي الناس اتابع بصمت , وعقب يطلبون اتكون الااجهزه على السايلنت , واذا حد مصخها يطردونه !!
ياخي ناس اتشوف فلم تبي اتسولف ليش جاي كان قعدت في كوفي وسولفت لين الله ايشوف لك , لهذا السبب اكره ادخل السينما عندنا, ولااراح ادخل مره ثانيه !!

[البدع]

واضح انك ما خلت سينما الخليج

الله يرحم ذيك الايام

أنا اتفق معاك

بس أنا متقبله

لأني شفت الي العن منه

[بـن عدوان]

انا اتفق معاك اخوي في كل كلمه

في الفترة الاخيرة كل ما اروح فلم لازم اجوف شباب يسولفون وصوتهم مزعج

لا واذا جيت تفهمه يقفل عليك !!!

تلفونه يرن ويرد مايقول انا في السينما بكلمكم بعدين ؟

لا يتم يسولف وياليته لو بصوت خفيف

يصارخ يسمع الكل

وياليت لو شي ضروري



بلشتية ياخي

[بوطويشم]

السلام عليكم

للأسف في ناس صارت حياتهم كلها بلاك بيري حتى فالمسجد

السينما ما دخلتها من سنتين والسبب هالأزعاج

و الله يهدي بعض البنات لازم مؤثرات صوتية اذا طلعت صورة فيها دم أو حشرات

للأسف ثقافة احترام الغير اصبحت شبه معدومة !!!

[A l i]

اي والله انك صادق يابن عدوان

[الجوكر90]

هههههههههه
عيل لو جيت سينما فيلاجيو اول ايام
تعرفون من اقصد

حتى كل مره لازم تحصل واحد يضحك ضحك ماله معنى
واذا سمع واحد ضحك ضحكه عاليه لازم يدرها

بلشتيه

[بـن عدوان]

لهذا السبب اكره ادخل السينما عندنا, ولااراح ادخل مره ثانيه !!

اخوي الكريم تقدر تروح في الايام العادية العصر او المغرب مابتحصل احد

واذا تبي سينما هدوء اكثر عندك سينما رويال بلازا

[BoYousuf]

نفس ماقلت في امريكا يحترمون القوانين ويدرون انه بينطرد الواحد لو سوه ازعاااج,, والعكس اف قطر ما ايبالوون بالقونيين

اتمنى انه ايشددون عليهم اكثر عشان يمشوون علا القوانين
انصحك اخوي اتروح اف ايام الاسبوع وأوقات الظهر ولا اول العروض,, السينما شبه فاضيه ومافي ازعااج

[Al Capone]

من سنة 2006 يوم حطيت المسرح المنزلي في الغرفه صار هو مكاني المفضل لمتابعة الأفلام ومن يومها نسيت شي اسمه سينما
مافيه ازعاج وضحكات مصطنعه تخترق الفضاء الخارجي :nice:
وضعية الأنبطاح مع وضع اليدين خلف الرأس هذي ميزة حتى مو موجوده في صالة الـVIP في الستي سنتر :nice:
التلذذ مع الحب الشمسي والمصري وذرة مجانيه صنع منزلي لكن مو على طريقة سينما الخليج :nice:
في الحالات الطارئه اروح و رد مستحيل شي يطوفني من الفلم يعني وداعاً لمقاومة نداء الطبيعة :nice:
عدم ازعاج المرافق عند العوده بأسئله مثل ،شصااار؟؟ شقااال؟؟ شلون مات؟؟ وتفادياً لسماع المقوله الشهيره (طافك نص عمرك!) :nice:

عدم التعرض لدعسه مؤلمة على اطراف اصابع قدمي اثناء مرور شلة مشتطة داشين الفلم بعد مابدا :nice:
مادري شسالفة هالفيس لكن عاجبني واحس اعرفه من زمان :nice:

[Industrial]

اخوي هذا كله يرجع لاربع اسباب:

الاول : هو للاسف تفاهة بعض الحضور حيث ان بعض البزران يحاول يكون كوميدي ويعلق على اي لقطه وكانه هو الممثل في الفلم !! وقد حدث ان تمشكلت مع بعضهم وطردوه من السينما

الثاني : هو اهمال الحضور وسكوتهم على هذي النماذج حيث من المفروض انهم يشتكون لان كل واحد دافع فلوس حتى يقعد يشوف فلم مهب يقعد في سوق حراج

الثالث هو تقصير شركات السينما لانهم حاطين موظفين فلبن بس اصنام لو يشوفون شله يلعبون كوره في صالة السينما ما سووا شي

الرابع وهو الاهم : نشر ثقافة الرقي الاجتماعي وهذي كان اهلنا في الماضي يكتسبونها في مجالس الرياجيل ولكن في العصر الحالي اغلب الشباب في هذا الوقت تربوا على اللامبالاه

في الماضي كان شيبانا اذا كانوا في مكان عام لا يتلفظون بلفظ او يقومون بعمل الا باخذ الاعتبار لشعور الاخرين






عدم التعرض لدعسه مؤلمة على اطراف اصابع قدمي اثناء مرور شلة مشتطة داشين الفلم بعد مابدا :nice:



هههههههههههههههه

ياما صارت لي

[Al Capone]

هههههههههههههههه

ياما صارت لي

انا صارتلي مره وحده لكن ما انساها ياهوو طرقع اصابعي هههههههه
العجيب الغريب ليش مصرين على صغر المساحه بين كل صف وصف ! متمسكين فيها الشركات وكأنها قاعده مبنيه عليها الصاله
يعني شفيها لو زادو كم سنتي يخلي الواحد يمر وهو مرتاح وبشكل اسرع مايضايق المشاهدين !

عموما ماهمني خلني بغرفتي ابرك :nice:

[الجسراوي]

اخوي الكريم تقدر تروح في الايام العادية العصر او المغرب مابتحصل احد

واذا تبي سينما هدوء اكثر عندك سينما رويال بلازا

رويال بلازا:omg:

في وين هاي بعد الرويال بلازا :eek5:

في قطر عندنا :telephone:

هههههه والله :tease::whistling: وانا اقول ليش مسندرينا كل يوم omen قطر الاول في كل شي عندنا رويال وانا ماعرف هههههه:fight:

[شمعة الدوحه]

من سنة 2006 يوم حطيت المسرح المنزلي في الغرفه صار هو مكاني المفضل لمتابعة الأفلام ومن يومها نسيت شي اسمه سينما
مافيه ازعاج وضحكات مصطنعه تخترق الفضاء الخارجي :nice:
وضعية الأنبطاح مع وضع اليدين خلف الرأس هذي ميزة حتى مو موجوده في صالة الـVIP في الستي سنتر :nice:
التلذذ مع الحب الشمسي والمصري وذرة مجانيه صنع منزلي لكن مو على طريقة سينما الخليج :nice:
في الحالات الطارئه اروح و رد مستحيل شي يطوفني من الفلم يعني وداعاً لمقاومة نداء الطبيعة :nice:
عدم ازعاج المرافق عند العوده بأسئله مثل ،شصااار؟؟ شقااال؟؟ شلون مات؟؟ وتفادياً لسماع المقوله الشهيره (طافك نص عمرك!) :nice:

عدم التعرض لدعسه مؤلمة على اطراف اصابع قدمي اثناء مرور شلة مشتطة داشين الفلم بعد مابدا :nice:
مادري شسالفة هالفيس لكن عاجبني واحس اعرفه من زمان :nice:



ههههههههههههههههه ضحكتني

نرجع لصاحب الموضوع

بالنسبه للناس البلشته والمزعجين

روح ايام عاديه موب ويكند عالساعه 11 الظهر تتابع الفيلم بروحك :tease:

[simsim1963]

معظم شباب قطر الآن لا يعرفون الذرابه ولا يعرفون اساسيات الأدب ولا الومهم وذلك لقله التركيز على الآداب والاحترام والابتعاد عن تعاليم الدين الاساسيه . وانما اللوم والديهم واهلهم بالأساس .

[المتحدث الرسمي]

والله انك صادق اخوي في كل كلمه قلتها :weeping:

انا ما يبطون جبدي الا الي جايين السينما و يسولفون وما يخلونك تندمج مع الفلم كلش :anger1:


جاتني ايام قمت اروح فيها السينما حزة الضحى ((طبعا اذا عندي اجازه عشان ما تقولون متسيب :tease:))
او بعد الدوام على طول

وقمت ابعد كل البعد اني اروح الويكند لانه شاقولك يعني انواع الضيقه والغلقه و الحشره هناك :rolleyes2:

[shadad]

ذكرتني بفلمين حضرتهم بالسيتي وتوبه ما اشوف اي فلم في ذاك الوقت ( الجمعه بالليل )..المرة الاولى واحد قاعدد يقرقر جنبي ويشرح للاخ الاني احداث الفلم اثناء الفلم !!!
والمرة الثانيه ياهل قاعد يرفس بالكرسي اللي كنت جالس عليه بس من ورا .

الحل ؟؟؟
اشتر شاشه 24 انش من اللند مارك, ثبتها على طوفة غرفتك. ونزل الفلم من الانترنت تورنت . وطفي ليت الغرفه واستانس ...لا ويوم تبي تروح في نص الفلم والا تسوي شي تقدر توقفه .

[rayyani4ever]

و شرايكم باللي حضر فيلم و على نص الفيلم لقى اللي يمه نايم على كتفي!!:eek5:


و المشكله احاول اصحيه و الحبيب ولا مفتكر:anger1:

[abn qatar]

المصيبه اذا شخصين واحد منهم شايف الفلم كذا مره ويكلم رفيجه ويعطيه الاحداث كلها

صار لي سنوات عده مارحت السينما بسبب الازعاج عندي مسرح منزلي وشاشه 3d ومريح

بالي بالبيت لاسينما ولا بطيخ

[قطرية وافتخر]

اذا تبي تلوع جبدك صح ادخل سينما الاندمارك لا بك من الكراسي اللي في جبد بعض ولا من الهذره والسوالف الله يعين

[المتحدث الرسمي]

المصيبه اذا شخصين واحد منهم شايف الفلم كذا مره ويكلم رفيجه ويعطيه الاحداث كلها

صار لي سنوات عده مارحت السينما بسبب الازعاج عندي مسرح منزلي وشاشه 3d ومريح

بالي بالبيت لاسينما ولا بطيخ


بل بل بل بتصيدني جلطه من القهر هههههههههههههههههههههههههه

و شرايكم باللي حضر فيلم و على نص الفيلم لقى اللي يمه نايم على كتفي!!:eek5:


و المشكله احاول اصحيه و الحبيب ولا مفتكر:anger1:


ههههههههههههههههههههه صج وهقه :omen2:

[eXpert*]

هههههههههههههههههههههههههههههههههههههههههههههههههه

حاسين فيني شكلكم ،، أكره شي لما يدخلون فريق كامل ويلاقون لهم فريق موجود داخل وقاعد ويقومون بيسلمون على بعض داخل السينما !! وخذ عاد !؟ أشكر فنكم ما لقيتوا مكان غير السينما تتبادلون السلام فيه !؟

انا من يوم ورايح اللي بيزعجني بعطيه 50 وبقوله شف لك فيلم غير اللي انا فيه (35 تذكرة + 15 تسالي) .

[do7awi]

قلة ادب .. هذي تربية الخدامات شفتوا اشطلع منها

مشتاق حق السينما بس ما اقدر اروح .. كل ما اروح اتنرفز من هالاشكال.

حاولت مرة اسكتهم .. قاموا يعاندون .. قلة حيا

[وطن]

اخوي الحل انك تروح السينما بوسط الاسبوع
وحلاتها بعد الدوام على طول

قمة الهدووووء

بلا هاليهال وازعاجهم

[Miss WoW]

انا معااااااااااااااااك يا اخوي do7awi تربية الخدم ونتائجها على الفرد والمجتمع لأن من المستحيل يزرعون فيهم اخلاق ومبادئ انا بمووووووووووووووت من الأهل يخلون التربية على الخدامة والمدرسة انتوا شنو دوركم وربي قلبي يحترق من اللي اشوفه واذا تكلمت يزعلووووون يعني فهموني الام بس تحمل وتولد والابو بس ينفق عليهم والبعض بعد ما ينفق يخليهم بس يحملون نفس الاسم يا ناااااااااااااااس حراااااام اللي قاعد يصير الاطفال امانه عندكم مسؤولين عنهم يوم القيامه

[بوخالد911]

احلى شي نسمع اللي ياكلون الذرة واللي يقشرووون حب

[barod]

كلامكم صحيح عندنا شباب متخلف بشكل غير طبيعي

[" Snake "]

نصيحتي لك اخوي تروح اخر عرض في السينما
لان في هالوقت ماضن بتحصل اليهال الي تتشكى منهم
بتحصل البابا والماما راصينهم على السرير من الساعه 10 في الليل ههههههههه
لان فعلاً هالاشكال الوصخه في زياده بس اخر الليل نادريين يكونون

[مخطط قطري]

من سنة 2006 يوم حطيت المسرح المنزلي في الغرفه صار هو مكاني المفضل لمتابعة الأفلام ومن يومها نسيت شي اسمه سينما
مافيه ازعاج وضحكات مصطنعه تخترق الفضاء الخارجي :nice:
وضعية الأنبطاح مع وضع اليدين خلف الرأس هذي ميزة حتى مو موجوده في صالة الـVIP في الستي سنتر :nice:
التلذذ مع الحب الشمسي والمصري وذرة مجانيه صنع منزلي لكن مو على طريقة سينما الخليج :nice:
في الحالات الطارئه اروح و رد مستحيل شي يطوفني من الفلم يعني وداعاً لمقاومة نداء الطبيعة :nice:
عدم ازعاج المرافق عند العوده بأسئله مثل ،شصااار؟؟ شقااال؟؟ شلون مات؟؟ وتفادياً لسماع المقوله الشهيره (طافك نص عمرك!) :nice:

عدم التعرض لدعسه مؤلمة على اطراف اصابع قدمي اثناء مرور شلة مشتطة داشين الفلم بعد مابدا :nice:
مادري شسالفة هالفيس لكن عاجبني واحس اعرفه من زمان :nice:

الحال من بعضه:):nice::nice::nice:

[fhd4]

ذكرتوني بأيام سينما الخليج ... يوم تدخل الفيلم ...

خشخشخشخشخشخشخشخخشخشخشخشخشخشخشخشخشخشخخشخشخشخشخش

صوت الشباب وهم يفصفصون في هالحب ... تقول كأنه صوت البحر ...


لا ... وتطلع من الفيلم وحضنك كله قشر حب وانت ما كلت شي .... !!!!

[فيزيائية]

تره حاله شبابنا مستعصية وانا مادري ؟!!

[fhd4]

تره حاله شبابنا مستعصية وانا مادري ؟!!

أنا أشوووف إنهم يرجعون الاستراحة اللي في نص الفيلم ... يمكن حالهم يطيب ... وصدقني بيحلون أكثر المشاكل اللي في السينما ...


وخاصة على قولة أخونا Al Capone ... نداء الطبيعة ... :nice:

[khaleeji]

في الحقيقه دخلت ابغي اشوف العلاقة بين السينما والمجالس الشعبية

واشوف انك ظلمت المجالس بهالمقارنة

[فتى الجود]

صحيح اخوي كلامك

بس ياليتك ما شبهت السينما بالمجالس
لان

اللى أنا اعرفه انه مجالسنا تربي رجاجيل وتربي عادات وتقاليد اسلامية في أعيالنا.

[Al Capone]

الحال من بعضه:):nice::nice::nice:

تعجبني:)

[Mili]

هاي جزء كبير من شباب قطر

كل واحد شكبره وحركاتهم حركات يهال

اذا دشيت فلم مشهور تصير ذي الاشياء

[Rashid554]

الحمدالله ريحت راسي وحطيت لي مسرح منزلي hd بغرفتي واطالع الافلام على راحتي
من كثر ما ارقد بالسينما قلت احط سينما بالبيت اريح لي بلا كل يوم تجي تقعدني هالمنظمة

[Mili]

الحمدالله ريحت راسي وحطيت لي مسرح منزلي hd بغرفتي واطالع الافلام على راحتي
من كثر ما ارقد بالسينما قلت احط سينما بالبيت اريح لي بلا كل يوم تجي تقعدني هالمنظمة

بس متسحيل تقرب للسينما

في الاصوات ووضوح الشاشة

[تحداني]

السينما ثقافه ..وللأسف الكثير ماخذها تقليد وموضه
يعني شاف الناس داخله دخل وراهم ..الي ما يعرف اتيكيت السينما مشكله
لان مهما تسكته او تلمح له .. او تبين ازعاجك منه مافي فايده .. لانها ما اتشوف انها على خطأ .. بالفعل العروض الي تكون في منتصف الاسبوع افضل حل .. او بعد الضحى ..

صعب تهذب ناس يفتقدون للأدب .. بنات كانوا ولا شباب



جملك الله برضى الرحمن

[do7awi]

بس متسحيل تقرب للسينما

في الاصوات ووضوح الشاشة

ليش مستحيل؟ بالعكس الـ Blu-Ray احسن من السينما بوايد .. السينمات في الدوحة ما زالت تستعمل الاشرطة القديمة في وقت العالم بدا يتجه فيه لافلام الديجيتال. و نفس الشي الاصوات توزيعها ضعيف

[Rashid554]

بس متسحيل تقرب للسينما

في الاصوات ووضوح الشاشة

مثل ماقال اخوي دوحاي نسخ البلوراي على ديسك دي في دي بنفس وضوح السينما وادق بعد طبعا هذا بالافلام الاجنبية وقلة من الافلام العربية
وغير هذا السماعات كل سماعه لها مؤثرات معينه مثل صوت الارجل ( تكرم ) صوت صاروخ يطلع من سماعه ووصل السماعه الثانيه ومن هالكلام :victory:

[حنان الدنيا]

ردودكم عجيبه هههههههههههههههههههههه


عاد انا اكره ماعلي صج لما يرن التلفون ويازعم مايسمعه ولا يصكره اف حركه بايخه

وحركه بصراحه المواعد في السينما او واحد يجي مع زوجته ويقعدون يسولفون ااااااف

حبكت السوالف وحركات الحب والمسخره في السينما

[NeverLand]

انتوا وينكم؟؟ ليش لما اروح السينما ماحصل الا الحبربش جدامي؟؟ والله العظيم كرهت روحة السينما بقطر بسبب الاشكال اللي يدخلونها .. ثقافة السينما عندنا معدومه .. اغلب اللي داخلين عبالهم قاعدين بصالة بيتهم سوالف و ضحك وتليفونات ..

صرت اتجنب احضر العروض الليليه واجبر نفسي اروح اي عرض من الصبح للعصر مع اني ادوام بس عشان اتفادى هالنوع من الجمهور .. والمشكله ان اغلبهم يا تحصلونهم يهال صغار حابين يتفرعنون ويفردون عضلاتهم ويثبتون وجودهم .. او كبار ماتعرف شلون تسكتهم او تتفاهم معاهم ..

في فيلم ثور اخبر ادخلوا فوق العشر بنات صغار كأنهم بالاعداديه دفعه وحده .. وكل وحده تصارخ وتتطنز .. الاولى تقول للثانيه وين نظارتج ؟ والثانيه ترد عليها نسيييت اخذها بعد داخله فلم ثور لازم اصير بقره .. واجنبي قاعد مع زوجته يطالعونهم ومستغربين شهالكائنات المزعجه الصغيره اللي اهجمت عالقاعه وحاس فيهم مستصيبين مثلي .. قلت باسكت عنهم لين مايبدا الفلم اذا ماسكتوا بصارخ عليهم .. وفعلا ماسكتوا .. من اول ثانيه وهم صراخ وضحك وسوالف شخصيه وتعليقات مالها معنى .. اخر شي وقفت وافتريت صوبهم وفصخت النظاره وعطيتهم ذيك الهوشه اللي من ألبك يحبه .. طبعا توقعت انهم بيرجعون يتطزون اول ماقعد .. بس تموا ساكتين وردت وحده وقالت السموحه اخوي .. وما مرت ربع ساعه الا وشالوا قشهم وراحوا .. حبيت ردت فعلهم وواضح انهم بنات محترمين بس لقلة وعيهم بأداب المكان ولانهم كانوا بروحهم شاغبوا ..

ومن اسبوعين كنت مع رفيجي عند الكافتيريا الخاصه بسينما فيلاجيو وكانوا في شباب كبار اعمارهم تقريبا على 24 و25 .. قاعدين يلعوزون الفلبيني اللي يبيع البوب كورن .. مادين يدهم على ثلاجة الكولا وكل وشوي يفتحونها ويوصخون المكان ومادري ايش .. والفلبيني يحاول يخرعهم المسكين وشايل موبايله على اساس انه بيتصل بالامن وهم مب مفتكرين .. اخرتها نط رفيجي وقالهم شباب شقاعدين تسوون ؟ تبيون كولا والله بشتري لكم !! .. بس شافوا حد تكلم استحوا على وجوهم وراحوا .. وكان في اجنبي قاعد يشوف اللي يصير .. بعد هالموقف قرب من رفيجي وتم يشكره ويحييه ويقوله زين سويت فيهم ..

وحسب كلام رفيجي مره كان حاضر اخر عرض بيوم الجمعه بسينما الستي .. وكانوا في شلة شباب داشين وقاعدين بالسطر اللي بعد سطر العوائل .. وطول الوقت يقطون تعليقات قذره وكلام بذيء ماينقال على اساس انهم يضحكون وكوول .. فقرب منهم شاب جاي مع اهله عمره بحدود 27 وقالهم ممكن بس نشوف الفلم وتخففون من هالالفاظ لان في عوائل قاعدين معاكم بالسينما .. ماخلص كلامه واسلوبه المحترم الا ورد عليه واحد من هالشباب رد قذر وقاله شدخلك يا ... و ... الشاب ثارت غيرته لانهم سبوا امه بعد وهو كان جاي مع خواته .. وكلها ثواني ويفصخ لهم العقال ويلشطهم فيه وشوي الا ونصهم طبوا فوقه والنص الثاني حاول يفككهم عن بعض .. وخوات الشاب المؤدب يصارخون ويقولون له خلهم خلهم خلاااص .. خايفين على اخوهم .. ومع انه كان يضربهم بروحه الا انه سطرهم وقدر عليهم كلهم .. اخر شي افتحوا ليتات الصاله ووقفوا عرض الفلم وجا الامن وطرد الشباب المستهتر واعتذرت ادارة السينما من الشاب اللي جاي مع اهله .. لكنهم ماتموا واطلعوا ..

عشان جذي انا شايل من بالي احضر اي عرض متأخر تفادياً لهالنوع من البشر اللي عنده 35 ريال زياده مايدري وين يقطها ..

[بو الجوري]

اي و الله مجالس :..
صج يقهرون الواحد :.. اللي يسولف و اللي يضحك على شي ما يضحك :..
واللي يطلع صوت ويرد عليه واحد قاعد قدام :.. و خذ العبط :..

أنا عن نفسي أتنرفز الصراحه :..:(

فـقررت دايما إني ماروح لأي فيلم توه نازل :.. أنطره لين ما يصير قديـم وعقب أروح :..
و أروح سينما الرويال أو المول أو اللاند :.. صج إصغار لكن أهدى وأريح وأخف زحمه :.. :)

[Qt.1]

شكرا شباب لتافعلكم , والله ماتوقعت ان في فئه كبيره مثلي حاسه ان هالشي غلط وعيب اصلا , والله الحل سهل كل الي يبي لك شاشه سامسونج 55 بوصه led و surround sys واقعد نزل افلام لين تشبع , افلام جديده حتى بعضها للحين مانزل اهني واشتر راحة بالك , مادري متى الناس بتكون عندها ثقافة سينما :)

[do7awi]

ههههه عجيب كلام Neverland اي والله انتو وينكم؟ لازم كلنا نتفق نروح السينما مع بعض عشان نشوف الفلم بهدوء

موضوع المسرح المنزلي ليس حلا وانما بديل قد يجده البعض مكلف او غير مناسب. نحن نبحث عن حل يجد فيه هؤلاء من يؤدبهم و يوقفهم عند حدهم .. :(