المستقلات وبعدين !!!

[sh50]

السلام عليكم ورحمه الله وبركاته

(الساكت عن الحق شيطان اخرس )

من وااقع تجربتي في العمل في المدارس المستقله وبما اني بنت البلد واللي اندرسهم اعيالنا وبناتنا واخوانا .. اللي قاعد يصير من اهدار للاموال وللوقت وللجهد يحتم علي ان القي الضوء على بعض النقاط واعتبره اضعف الايمان بما ان احنا يالمرسات مانقدر انغير الوضع .. اتمنى يوصل صوتي للمسؤوولين واصحاب القرار ..

1- في اغلب مدارس النموذجيه بنين طلاب الصف السادس بالغين وتوصل اعمارهم الى 13 و14 سنه والهيئه التدريسيه كلهم مدرسات .. اشرايكم ؟!

2- بوصف لكم المدرسه شتسوي في يوم عمل عادي من 7 صباحا الى 2 الظهر
*حصص من 3 الى5 حصص.
* احتياط.
* اجتماعات.
*تحضير للدروس وطبعا هذا مستحيل المدرسه تقر اتسويه فالمدرسه بسبه الضغط الواقع
عليها فتحضر فالبيت تاخذ من وقت عيالها وبيتها وحياتها الاجتماعيه مب اقل من ساعتين
الا 4 ساعات اذا صادف معاها تصحيح كوزات او غيرها .
*انشطه
*مناوبات
* ورش
وغيرها وغيرها ولاتنسون تراه يوم عادي

انشالله قدرت اوصل لكم بعض من معانات المدرسات



والخافي اعظم

[قطريه ماركه]

حسبي الله و نعم الوكيل .. اعيزوا العالم و هم يشتكوون في وطني الحبيب ..

لكن وين !!!

محد يسمع لهم ...

الله يكون بعونكم و يصبركم على هالابتلاء ....

[سيزن]

الله ياجركم خير .

[نفسي عزيزه]

حسبي الله ونعم الوكيل

ياليتهم يردون المدارس الحكوميه ويفكونا من المستقله ومشاكلها


لاحول ولاقوة الا بالله

[بوخالد911]

الله يكون بالعوون

[سيزن]

طالبوا بإنشاء , نقابة مدرسين .

[مسك روز]

من بيسمعج ياحسره

اذكر واحد من طلابي بصف سادس اطول مني ههههههه

لاحول ولا قوة الا بالله

[روعة الجوري]

من يرضاها على مرته ولا بنته انها تدرس في مدرسة نموذجية وفيها صبيان كل واحد اطول من الثاني؟ بعض المدارس تقول ممنوع العباية والشيلة

لا واخرتها تقييمنا ليش نازل لان ما نسوي انشطة ليش ما نسوي انشطة لان ما عندنا وقت بس كله من صميم عملنا

حسبنا الله ونعم الوكيل وكفى بالله حسيبا ووكيلا

نشوف فيهم يوم

[Mili]

الي في صف سادس لازم يكون عمره مايزيد عن 11 سنة، اكيد حسبتج غلط. (مب ضد الي تقولينه بس اصحح الخطأ)

[التيما]

بصراحة انا كل شغلي سويه في الدوام ما اخذ معاي فتفوتة ورقة او تحضير مستحيل والحمد لله شغلي اول باول اخلصه .. وموضوع كراف المدرسة اتفق معاج خاصة في اشياء ماتخص العملية التعليمية كمدرسة .. والنموذجي صف خامس وسادس انا ولدي صف خاس اطول مني والله ولمن اروح مدرسته انصدم من طول الطلاب .. موضوع سادس صراحة ! قوي الله لايبارك في اللي اقترح ان سادس نموذجي .. وللاسف ايد انها مرة ..
اعترف ان ما ورا خراب التعليم الا حريم قاعدين في البرج ومايدرون شالطبخة .. *

[STAR]

انا اللي اشوفه ان المفروض القطاع التدريس يكون اعلى راواتب في الدولة..

والمفرووض ما يقل عن 25 الف مع امتيازات وعلاوات وتأمين صحي..الخ

بصراحة وااااايد تنكرفوون .. هذا غير انكم تداومون ايام الاجازة والايام العادية لين الساعة 6 المغرب..!!

[واقعية]

اعتقد ان تطبيق فكرة المستقلة يحتاج اتخاذ قرار بخصوص

هل ستكون كوادر التدريس قطرية

و اذا كان نعم :

فلابد من الاخذ بعين الاعتبار الجانب الاجتماعي للمرأة من ناحية تخفيف العبْ و زيادة نسبة المعلمين للطلبة
يعني انا كمعلمة ما اقدر اشتغل اكثر من 12 حصه اذا كانوا يبغون شغل عدل و انشطة و خطط دعم

و الا

فالوضع صعب و بعد خبرة التدريس مضطرة اروح مكان ثاني

اللود لا يحتمل

[ابن التويم]

اعترف ان ما ورا خراب التعليم الا حريم قاعدين في البرج ومايدرون شالطبخة .. *

:nice:

[هبوب الكوس]

1- في اغلب مدارس النموذجيه بنين طلاب الصف السادس بالغين وتوصل اعمارهم الى 13 و14 سنه والهيئه التدريسيه كلهم مدرسات .. اشرايكم ؟!



ويقولون بعدين ليش هالجيل رخوا ويربون اشعورهم ويحطون مكياج :rolleyes2:

ترى يشوف مدرسته ويقلدها

انا افهمتكم

[intesar]

بصراحة المدرسين والمدرسات لازم تكون رواتبهم عالية رزفة ورحمة بأصواتهم وتحملهم لعيالنا .. وجهودهم المبذولة .. مو شوي الله يآجرهم بصراحة .. ياريت يزودونهم يمكن نوف مدرسات هالقطر يدرسون عيالنا ويخافون عليهم وعندهم ذمة وضمير ..

[sh50]

اشكركم على التفاعل في الموضوع ..

واتمنى ان موضوع الصف السادس ينحل لان من ابرز المشاكل اللي يواجهونها مدرسات المدارس النموذجيه

وبالنسبه للقطريات اللي اطلعو من التدريس ماينلامون اساسا شاللي بيحدهم يدرسون وفيه مليون مكان غيره يوظف وبرواتب افضل .. واتوقع حتى لو زادو الرواتب بعد الضغط لا يطاق

نزلو قرار من كم يوم يقول نصاب المدرسه 16 ساعه في الاسبوع ويرجعون يطبقون قرار المكافاه الماليه بعد توقفه 3 شهور للي يتاخرون في الددوام او ياخذون شغل زياده انا ناسيه اشكان مكتوب فالجريده بس هذا بما معني
اساسا ماكانو يعطون قبل ولا يعطون اللحين


قرارات .. تصريحات .. وعود

الى متى ؟؟