من لا يشكر الناس لا يشكر الله (شكرا لحكومة قطر)

[almaf1a]

السلام عليكم ورحمة الله وبركاته

في البدايه احب انوه ان مستشفى سبيتار اصبح يعالج القطريين بالمجان
وهذي خطوه تشكر عليها حكومة قطر والقائمين على هذا المستشفى
خبر افرحني كثيرا
والله يدوم عز بلادي ويخليها لنا يارب

مستشفى على مستوى عالي ويقدم خدمات عاليه المستوى
اسأل الله ان يقبل دعوات عجايزنا وشيبانا الي بيعالجون عندهم يارب لدولتنا وشيوخنا

[طير حوران]

امين يارب العالمين

ماهو هذا المستشفى ؟؟واين يقع ؟؟وماتخصصه؟؟

[Rider]

من متى بدأ يعالج القطريين بلاش وين المصدر اخوي

[الـخـالـدي]

امين يارب العالمين

ماهو هذا المستشفى ؟؟واين يقع ؟؟وماتخصصه؟؟

يقع خلف فيلاجيو بالظبط

يعالج مختلف الأمراض اللي متأكد منها الكسور و العلاج الطبيعي

هذي خطوه طيبه من الحكومه جزاهم الله خير .. بس الله يعين على الزحمه اللحين

[BoYousuf]

الي اخبره انه ايعالج اقطريين بالمجان,, بس المشكله بأنه تلقاك موعد
تقرريبا شبه مستحيل انك تلقاك موعد في مستشفى سباير بدون واااسطه للاسف !!!


المستشفى يمتاز بمعدات وكفائات عاليه بشهاده ناس عالميين,, بس اتمنه ايخلصونه من سالفه الواسطه في المواعيد

[بوخالد911]

بورك فيهم وفيكم

[n.a.w]

اللهم لك الحمد خبر جميل جدااا ويريح المواطن فعلا الحمد لله رب العالمين هالشكل للي نبية الاهتمام بالمواطن القطري يعني اسمه من اسم بلادها حقه في بلادة اكبرمن حق غيره فيها
الله يبارك لنا في حكومتنا وفي صاحب هالقرار يارب

[BIG-VEGA]

مستشفى في قطر ... اصبح يعالج القطرين .... وبالمجان


الله اكبر ...الله اكبر ....الله اكبر

اللهم لك الحمد والشكر

[ارين]

مستشفى في قطر ... أصبح يعالج القطريين .... وبالمجان


الله أكبر ...الله أكبر ....الله أكبر

اللهم لك الحمد والشكر


اللهم لك الحمد والشكر

[Dawn]

خطوه طيبه حكومة قطر تستحق الشكر عليها

شكرا عالموضوع والخبر الإيجابي

[بوسعيد2]

الله كريم

[f111242]

مصدر الخبر ياجماعه... مافي شي رسمى لحد الحين

[sendarala]

بس يوم تعالجت فيه من 3 سنين كان بفلوس


الا اذا الحين سووووا بالمجان الله اعلم


ان شاء الله يكون بالمجان ومثل ما قالوا الاخوة ( الله اكبر ،،، الله اكبر ،،،، الله اكبر )

[الخفي]

الله اكبر

[The Watcher]

ونحن بدورنا نشكر الحكومة على هذا الانجاز الرائع والذي يصب في مصلحة البلد اولا واخيرا

[الشمالي111]

نعم نعم بالمجان

انا من اللي يتعالجون هناك وبالمجان بس انك تدفع 320 ريال رسوم دخول وباقي كل شي بالمجان بس هذا اذا لقيت موعد لان الرياضين لهم نصيب الاسد من كل شي في سبيتار

[Al Capone]

ابوي يتعالج فيه من شهر تقريباً مجاناً ومن غير واسطه وكان يروح كل يوم بس صارله كم يوم ماراح لأنه تحسن ولله الحمد

[خزامئ]

جزاك الله خير
كيف انودي له الوالده
على طول او نحتاج حويل من المركز الصحي ارجو التوضيح
دوامهم متا يبدا ومتا ينتهي

[الشمالي111]

ابد بدون تحويل

بس اذا فيه تقارير لها يكون احسن وتقدر تروح انت بنفسك تسجل لها موعد

[سويسرا]

مستشفى في قطر ... اصبح يعالج القطرين .... وبالمجان


الله اكبر ...الله اكبر ....الله اكبر

اللهم لك الحمد والشكر

الحمدلله رب العالمين

[روح الاطلس]

اللي سمعته فقط للاصابات الرياضية والركب هل هذا صحيح؟

العمود الفقري والديسك هل يعالجونهم؟

[موضي قطر]

خبر ممتاز ويحسب لهم ونتمنى اتاحة الفرصة للعلاج فيه لكل القطريين

[سويسرا]

بسم الله الرحمن الرحيم

(( فَأَمَّا مَن طَغَى** وَآثَرَ الْحَيَاةَ الدُّنْيَا** فَإِنَّ الْجَحِيمَ هِيَ الْمَأْوَى **
وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى** فَإِنَّ الْجَنَّةَ هِيَ الْمَأْوَى ))


صدق الله العظيم

[Al Capone]

اللي سمعته فقط للاصابات الرياضية والركب هل هذا صحيح؟

العمود الفقري والديسك هل يعالجونهم؟


الوالد كان يروح عندهم بشكل يومي الضحى يعاني من الديسك ثلاث فقرات والحمدلله بفضل الله ثم بفضلهم تحسنت حالته

نصيحه لاتتردد والله يشفي مرضاكم ومرضى المسلمين

[فرقة الصقور]

شكرا وزير الصحة العامة

كنت عارف ان نجاحك في الاسياد راءه رجال تشتغل

[intesar]

صحيح هذا سمعته من ناس تتعالج عندهم

شكرا قطر

[الطيبة كلها]

زين سووا بس نبي الخبر الاكيد وحده قطريه عجوز سوت عمليتين بركبها كلفها مسكينه 160 الف

[تحداني]

معادله غريبه
بالرغم من مجانيه العلاج في المستشفيات الحكوميه التي دائما ما يشار لها بالبنان
احدث الاجهزه .. افضل كادر طبي .. افضل صرح .. جوده عاليه في النظافه
وهذا ما تفتقده الكثير من الدول العربيه

الا ان مازالت هناك اصوات كثيره تنادي
بعدم الرضى عن ما يبدر من تلك المستشفيات

مواقف كثيره اقول فيها الحمد لله على هالنعمه
بس ما اعرف وين المشكله الي يعانون منها الناس بالضبط



جملكم الله برضى الرحمن

[بويعقوب]

:nice: خبر حلو وان شاء الله يكون اكيد الصراحه مستشفى ماعليه كلام

[كاشف الغطاء]

الحمدلله والمفروض من اول مايستوي يكون مجاني

[bittersweet]

السلام عليكم ورحمة الله وبركاته

في البدايه احب انوه ان مستشفى سبيتار اصبح يعالج القطريين بالمجان
وهذي خطوه تشكر عليها حكومة قطر والقائمين على هذا المستشفى
خبر افرحني كثيرا
والله يدوم عز بلادي ويخليها لنا يارب

مستشفى على مستوى عالي ويقدم خدمات عاليه المستوى
اسأل الله ان يقبل دعوات عجايزنا وشيبانا الي بيعالجون عندهم يارب لدولتنا وشيوخنا

' من لا يشكر الناس لا يشكر الله (شكرا لحكومة قطر) '

خل الحكومة تشكر الله اولا وتقدر الناس ثانيا وبعدين نفكر نشكرها اذا كانت تستحق الشكر

[almaf1a]

للعلم المستشفى لا يعالج اصابات العمود الفقري
هم متخصصين للركب والكتوف والايادي والمفاصل
وكل دكتور متخصص لجزء من الجسم
اهم شئ الركب للعجايز
اول نصيحه بينصحونها للعجوز انها تعمل رجيم علشان تخف الضغوطات على الركب
طبعا انسى عجايزنا يسون رجيم

[simsim1963]

الشكر موصول لصاحب نهضه قطر الحديثه سمو الامير الشيخ حمد بن خليفه آل ثاني والى ولي عهده الامين سمو الشيخ تميم بن حمد آل ثاني على ما يقومون به من سعي وجهد لأضفاء البسمه على وجه كل قطري . اللهم مد في عمره بالصحه والعافيه .

[لابس بشت]

مستشفى في قطر ... اصبح يعالج القطرين .... وبالمجان


الله اكبر ...الله اكبر ....الله اكبر

اللهم لك الحمد والشكر

:nice::nice::nice::nice::nice:

[الساهر 17]

اعتقد الكلام غير صحيح ....... لازم تحويل مستشفى حمد وانتظر دورك واتمنى انه يكون صحيح اهل قطر يستاهلون كل خير

[Al Capone]

للعلم المستشفى لا يعالج اصابات العمود الفقري
هم متخصصين للركب والكتوف والايادي والمفاصل
وكل دكتور متخصص لجزء من الجسم
اهم شئ الركب للعجايز
اول نصيحه بينصحونها للعجوز انها تعمل رجيم علشان تخف الضغوطات على الركب
طبعا انسى عجايزنا يسون رجيم

يعالجون اخوي تأكد اللي قالك غلطان

[almaf1a]

يعالجون اخوي تأكد اللي قالك غلطان

عمي مراجع عندهم على مفاصل الرقبه قالوا ماعندنا

[Al Capone]

عمي مراجع عندهم على مفاصل الرقبه قالوا ماعندنا

اخوي ما دري عن مفاصل الرقبه والله يشفي عمك ومرضى المسلمين

انا ماقالي لا فلان ولا غيره اقولك (الوالد) كانت عنده مواعيد يوميه الضحى وقالوله لازم تسوي رجيم لان الوزن يثأر زياده على الديسك واخر مره سولفت وياه عن علاجهم واذا يحس بفرق
قالي شغلهم مافيه كلام مستشفى صح و كان مرتاح ومتسانس جداً على طريقة عندهم للمساج يقول ريحت ظهري وخففت الألام اللي احس فيها كل يوم .

[Al Capone]

ونسيت ازيدك بمعلومه سبيتار مجاني للقطريين فتره معينه من كل سنه

[almaf1a]

ونسيت ازيدك بمعلومه سبيتار مجاني للقطريين فتره معينه من كل سنه

هذي معلومه جديده الصراحه
مواسم يعني؟

[القيسي]

الحمد لله

[Al Capone]

هذي معلومه جديده الصراحه
مواسم يعني؟


تقريباً بس ماعرف بالتحديد من اي تاريخ الى اي تاريخ من السنه بسأل ان شاءالله وبقولك

[علي رشيد]

من قال بالمجان


خبر عار من الصحه !!

[Al Capone]

من قال بالمجان


خبر عار من الصحه !!

يعني كلامنا كله كذب في كذب :)

[روابي]

جزاهم الله خيرا ووفقهم لمصلحة البلاد والعباد