حظر دخول 6 أنواع من قطع الغيار والإطارات(البالون) إلا بشهادة المواصفات

[حليتان*]

بسم الله الرحمن الرحيم


شددت إدارة حماية المستهلك بالتعاون مع إدارة المرور والجهات المختصة على أن المرحلة تجريبية ستبدأ بداية من 1/6/2011 وإلى غاية 15/9/2011 وتقتصر على التوعية لإفراد المجتمع في قطر بأهمية المنتجات المطابقة للمواصفات ذات الجودة العالية عن طريق توزيع الكتيبات وتنظيم اللقاءات والندوات وزيارة المدارس والجامعات، مؤكدة على أنه بعد هذا التاريخ سيتم الدخول في المرحلة الإلزامية وتشمل عدم استيراد الإطارات لسيارات الركوب التي تقل عن 180 كم/ س وتحمل الرمز s وأكثر وعدم استيراد إطارات البالون لسيارات الركوب وقطع الغيار المذكورة إلا بوجود شهادة تثبت مطابقتها للمواصفات والمعايير مع وجود شهادة تثبت خلو السفايف من مادة الاسبتوس المحرمة دوليا. أما إطارات البالون الحالية الموجودة عند أصحاب المحلات فيمنع بيعها في المحلات والورش أو استخدامها اعتبارا من 15/ 9/ 2011. وسيبدأ تطبيق الاشتراطات المتعلقة بالإطارات المستعملة اعتبارا من 1 / 6/ 2011.


منقول من بلاك بيري جريدة الشرق

[شبح الصمت]

صـج

زين يعني البالون بيصير سعره الحيـن 1000 ريال التاير

اقول الواحد بيقلب من جيات ياخوك لين الماني يمدحونه خلاص ما بقى شيء

:eek5:

اهم شيء أنت شد حيلك ولك مني تايرين بالوون لعيوونك على لفة الفرضـه

2 - 3 - 2 - 3 وعقبها 8

:tease:

[بوخالد911]

تسلم للنقل


لا هنت

[الـخـالـدي]

تحمل الرمز s وأكثر وعدم استيراد إطارات البالون لسيارات الركوب وقطع الغيار المذكورة

اخوي مب من مزين شوارعنا عشان تكون فقط تحمل حرف s شوارع قطر شوف اغلب المرسدسات تلقاها مبنجره بسبة الحفر

ماينفع لها غير تواير الـ off road ومنها البالون

غير هذا عندك اهل البر صعبه يستغنون عنه لانه لين على الموتر فالبر وغير اهل سيلين لان التاير مخصص بـالذات حق الرمل

غير هذا الماكسم سبيد حق البالون هو 120 كيلو .. ومافي اي شارع في قطر اسرع من هذي السرعه

؟؟؟؟؟

[khaleeji]

تخبط

خل يطلعون شطارتهم على التجار ... ولا يبون يرووننا انهم شغالين صح

[نفسي عزيزه]

يعني من عقب 1-9 مافي بوالين هيرو ولا مالون ولاسيم ولادنلوب ولاشي ؟؟؟

[حمد بن سعد]

المشكله انهم مهب فاهمين السالفه

15 سنه وان راكب بالون الحمدالله ولا عمري شتكية منه

المشكله ان الربع مايركبون ال البالون الي نقشته على الريحه منتهي ويقولك حق الممشى هذا الي يجيب الحوادث والمشاكل يعني حتى لو ركبت ميجر وناحل بعد تصير مشاكل .

معلينا للبيع بالون مالوان 17 خمسه جدد لأعلى سعر هههههههههههههههههههههههه امزح معاكم

الله يحفظنا وياكم من كل شر

[المحقق كونان]

حسبي الله و نعم الوكيل

خل ادارة المرور تطلع شطارتها على اصحاب الشاحانات و باصات العمال الي لاعبين لعبتهم الصبح

مب كفو يتكملوون

[فارس قطر333]

مافي شغل غير انهم يمنعون البالون

من شهر ٩ البالون بكون تركيبه ممنوع

[boamir]

بااال الله يعييينا والله
البالون ريف وشوارع الدوحه ماترحم
ماأقدر اتخيل بعض المواتر شلون بتكون اشكالها بالميجر ههههههه
نيسان - جمس - ستاندرات الله يعيينهم والله

[البحار00]

دولة مصالح

كل قرار يطلع فيه مستفيد واحد منه


ياترى على من الدور هالمرة

[حسن]

انا اشوف منع تركيب البالون بيخفف من الحوادث

[ليث العرين]

من كثر هل قطر
والله كل الخربطه والدعمات الي مالها داعي والمشاكل من الاجانب،،،
وانا مع مراقبه جوده البوالين الي تنباع
و وضع حد للنصب والاحتيال الي يتعرض له القطري وين ما حط رجله

ودمتم سالمين

[مهل]

دولة مصالح

كل قرار يطلع فيه مستفيد واحد منه


ياترى على من الدور هالمرة

مشاركتك عباره عن ١٤ كلمه

شرحت فيها معاناة لايكفيها ١٤ كتاب ليحتويها

[..er..]

امس بالليل ركبت بالون نوع مالوان التاير ب 600 :(

انواع التحلطم والتحطيم واول ماركبتها وشغلت الا واصلني رساله من بلاك بيري الشرق ههههههههههههههه

[مهل]

كم رقم البن حق بلاك بيري الشرق ؟
واضيفهم عادي ولا فيه طريقه ؟

[بوسلمان 2010]

الله المستعان بنركب تواير سيارات المزدا الطويله 14 كنويس يعني ينتهي الموتر والتواير فيها النص


لاحول ولا قوة الا باالله

[انتر ميلان]

والله تخبط

يتكلمون عن القوانين والسلامة المرورية ..

مداخل ومخارج الشوارع الجديدة تفتقر للسلامة المرورية ،، ولا حسيب ولا رقيب
والحفر والمطبات منتشرة بشكل عشوائي
الصبيات منتشرة في كل شارع وتاخذ جزء من الشارع

تركوا كل هالأسباب وجايين على البوالين !!!!!!!

[بو طالب]

نعم للمياجر :nice: ... لا للبالون :omen2:

[G0LD]

هذي شركات كبيره خارجيه متفقه مع بعض روؤس الاموال الي عندنا كيف ياترى ؟

ألحين الأغلبيه يركبون البالون وبعدين يخلون الاطارات الثانيه حق من وخسارة الشركه !!

ف اتفتقوا بأن يمنعون تلك الاطار حتى تمشي الاطارات الثانيه - هذي الزبده

تحياتي

[khaleeji]

سؤال بريء واذا في حد مطلع أو عنده فكره يعلمني

الحين اذا توايري ميجر وضرب حفره من حفر الشوارع وانشق او انكسر جامبين هل في جهه مسؤوله عن الضرر الي لحق بي ؟؟

[A bin M]

شكلي اليوم بروح اركب لي جداد .!!!!

السؤال هل بعد شهر 9 لازم انزل البالون ؟ وله شسالفه ؟؟؟؟

[البيرق]

خافوا ربكم :weeping:
نسيتوا حوادث البوالين :omg:
البوالين خطره وتم التحذير منها كم مرة في دول العالم وهي غير مخصصة للشوارع الخارجية
وما تم هذا القرار الا بتوصيات بخطرها وكثرة حوادثها وشفنا ذلك في عيالنا ولاحول ولاقوة الابالله اما عن الشركات فما يهمها الا مربحها :secret:
والضحية انتم الشباب او ربعكم فكل من يحاول ان ينكر هذا القرار عليه ان ينتبه ان فيه مغرر بهم بيحتجون بحجته ويهملون خطره
اخطارة جسيمة ولو ان واحد منكم حسب الحوادث حولة واحتمال ان يصيبه مكروه لاقدر الله بيتعض من كلامي :nice:
وسؤال لكم من يلتزم بحدود السرعة اذا كان مركب بالون فالشباب مايردعهم الا جيبهم
حسنة البوالين الوحيد الريافه فقط اما عن التغريز فعليه كلام :shy:
فلذلك لاتمدحون سوقها بل انصحوا ربعكم والله يهدي عيالنا ويتركون كل ما يضرهم

[khaleeji]

البيرق انا مثل الاخ الي يقول لنا حول 15 سنة ونركب بوالين ولا جانا شي والحمدلله

المشكله في السرعه وليس التواير البالون الي نحن باشد الحاجه لها لشوارعنا المكسره ولروحة البر

[A bin M]

اخوي البيرق : هاي الحدوادث ماتصير إلا اذا بيجيك واحد توايره ناحله حده .. حتى خط مافيها ويتسابق

من هالشكل يصير حق الواحد حادث لا قدر الله ..

[البيرق]

البيرق انا مثل الاخ الي يقول لنا حول 15 سنة ونركب بوالين ولا جانا شي والحمدلله

المشكله في السرعه وليس التواير البالون الي نحن باشد الحاجه لها لشوارعنا المكسره ولروحة البر





اخوي البيرق : هاي الحدوادث ماتصير إلا اذا بيجيك واحد توايره ناحله حده .. حتى خط مافيها ويتسابق

من هالشكل يصير حق الواحد حادث لا قدر الله ..




هذا رايكم وراي عيالي على ماذكرتوا
ولكن السالفة مايؤخذ هذا القرار الا بأحصائيات وتوجد تسجيلات لحوادث تجريبية على الاطارات وبينت البوالين وقدرها مكابحها الضعيفة
وصارت سوالف الحوادث حولنا بسبب هذه البوالين فكيف نؤيدها والمتضرر شباب قطر
فلا تأخذكم العاطفة وحكموا عقولكم مجردة

[fhd4]

الصراحة .... مب بس التواير ... المفروض كل شي مستورد يكون مطابق للمواصفات ...

[boamir]

هذا رايكم وراي عيالي على ماذكرتوا
ولكن السالفة مايؤخذ هذا القرار الا بأحصائيات وتوجد تسجيلات لحوادث تجريبية على الاطارات وبينت البوالين وقدرها مكابحها الضعيفة
وصارت سوالف الحوادث حولنا بسبب هذه البوالين فكيف نؤيدها والمتضرر شباب قطر
فلا تأخذكم العاطفة وحكموا عقولكم مجردة

معليش اخووي
بس التواير الحجريه اسوء بكثييير من البالون ليش مايمنعونها مافيها ثبات ولاتمسك بالشارع وتكسر السياره لأنها مب ريفه
جاات عالبالون ؟؟ المفروض هم يمنعون الإطارات القديمه مثلا إلي تايره ناحل ولا متششق من الشمس

وفوائد البالون إنها ريفه وتساعد كثيير في الرمله ورزتها كلااام ثااني
وحنا من عرفنا المواتر نستعمل بالون !

[البيرق]

معليش اخووي
بس التواير الحجريه اسوء بكثييير من البالون ليش مايمنعونها مافيها ثبات ولاتمسك بالشارع وتكسر السياره لأنها مب ريفه
جاات عالبالون ؟؟ المفروض هم يمنعون الإطارات القديمه مثلا إلي تايره ناحل ولا متششق من الشمس

وفوائد البالون إنها ريفه وتساعد كثيير في الرمله ورزتها كلااام ثااني
وحنا من عرفنا المواتر نستعمل بالون !

هنيه دور المواصفات وهي التي تحدد الصالح من الطالح واكبر شي فيه الامن والسلامه وهذا الي نطلبه بالدرجة الاولى

[عضو قديم]

عااااااااااااادي مشوار للحسا وامرك خالصة
او دبي دار الحي حجه بحاجه وخلاصنا

[khaleeji]

هذا رايكم وراي عيالي على ماذكرتوا
ولكن السالفة مايؤخذ هذا القرار الا بأحصائيات وتوجد تسجيلات لحوادث تجريبية على الاطارات وبينت البوالين وقدرها مكابحها الضعيفة
وصارت سوالف الحوادث حولنا بسبب هذه البوالين فكيف نؤيدها والمتضرر شباب قطر
فلا تأخذكم العاطفة وحكموا عقولكم مجردة

ياطويل العمر احنا محكمين عقولنا وهذا بواقع تجربتنا الشخصيه طال عمرك

والي سعى في هالقرار من المرور كان من الاولى ان يصدر عقوبات قصوى على السائقين الي تحت تاثير المسكرات ، الي مايتوقف الا كم يوم وهو معرض ارواحنا جميعآ للخطر.

ولا شرايك

[طبـ الود ـعي]

والله ياخوي اللي بيتسابق بيتسابق سواء ركب بوالين والا مياجر والا صناقل دبابه

يعني المخ ضارب ضارب

واهل المقناااص والبر شبيسوون ،،

ماتخيل نفسي وانا اقنص بميجــــر ( انوااع الملوووع )

من سنين واحنا نركب بوالين ولاشفنا منها اي مضره ،، لكن اللي يخلي التاير لين يصير مثل المنضره املس هذي موضوع ثاني

واللي يركب تواير صارلها 5 سنوات محذوفه فالشمس ويقولك البالون خطــر

بتشوفون بكره المياجر كم توصل اسعارها اذا ماوصل التاير بــ2000 ريال لاتسلمون علي

واذا جاء 1-9 وانا مركب بوالين على موتري بيودونه الحجز :eek5:

انا مب معترض على شي بس اذا قالوا ركب تواير وانا توايري مافيها شي باقولهم ان شاءالله روحوا اشتروا لي التواير وانا باركب لكم تامرون امر

لكن مانقول الا الله كريم

[نفسي عزيزه]

للرفع للاهميه

[bo-ibrahem]

بخصوص اهل البحر كيف يعني ؟؟؟؟ الي طلع التصريح يروح العديد ويكشت ولا بس نظرته ان غلط ؟؟

اغلب الي يركبون البالون مراهقين مستهترين فهذا شي اكيد يعني بتشوف نسبة الحوادث كثيرة

يعني العلة في الشباب اكثر من العلة في الاطارات

[Al Capone]

ما احب اسوق سياره عليها بالون
لكن واضح من القرار انه لعبه من سلسلة العاب شفط جيب المواطن وهالسلسلة مستمره وما راح يرتاحون الى لما يصير المواطن تحت خط الفقر في ناس هدفها ذلك

[خالد32]

الخلاصة ما يبون تعطب و تطعس
و يبون تقليل مبيعات التيوتا
يعني باي باي كروزر

[وحش قطر]

على الطاري اخبار قانون العزاب في المناطق السكنيه

ونسيت اسالكم صار شي على توزيع الاراضي شمال بني هاجر

وسمعت انه في تعديل على رواتب المتقاعدين

واليوم جاني على البلاك بيري عن موظفين بروه والصحه والجامعه انهم اشتغلوا صج

[نيساني]

يمنعون البالون مب مشكله

اهم شي ماتطير اسعار التواير الثانيه

[البحار00]

يمنعون السيارات بعد

ويصرفون لكل مواطن سيكل أبرك


بس على شرط أنا ابي سيكل bmx التيواني القديم

[Bo_5alifa]

ذكرتوني بسالفة واحد من الشباب يدرس فامريكا رجع الدوحه فالاجازه وطلعله جي من الوكاله وركبله بالون جديييد وكان بيشحنه امريكا لاكن شركة الشحن ارفضوا الشحن قالوله التواير مش اصليه وممنوعه تدخل امريكا

حسافه على هل الجيات راحت عليكم مليون صفر

بكرة باركب بوالين جداد باستعملهم لين شهر 9 عشان يكون ختامها مسك:nice: هههههههههه*

[بوعلي2]

عااااااااااااادي مشوار للحسا وامرك خالصة
او دبي دار الحي حجه بحاجه وخلاصنا

على طول بيصكونك مخالفه شيسوى عليك وبيحجزون موترك :omen2:

قرار محزن واحزني لكن مانقدر نقول شي ولعله خيره

امافووه الجمس الي عندك ركب عليه مياجر :tease: ووف قومته ههههههه

[القيسي]

اتمنى تطبيق معايير الجودة على مستوى اكثر من ذلك

[نفسي عزيزه]

هل بيمنعون كل اطارات البالون او في انواع معينه اتمنى احصل اجابه من ذوي الخبره

[الحال مايساعد]

أعتقد الدول المجاورة بعد مانعته لكن في سوق سوده

[السامـي]

ما يخلونهم الشيبان، بيشتكون عليهم:)،وبيصير مثل المخفي
بتصريح،والتركيب لما فوق سن الـ 40 :).

[ذويبان]

انا مب معترض على شي بس اذا قالوا ركب تواير وانا توايري مافيها شي باقولهم ان شاءالله روحوا اشتروا لي التواير وانا باركب لكم تامرون امر

لكن مانقول الا الله كريم





لا بيخالفونك و بيقولون لك عندك اسبوع تبدل تواير و تعال خذ ملكيتك والا ليسنك


شافوا ان اغلب الحوادث المواتر مركبه بوالين .... لان اصلا 99% من الشباب يركب بالون
يعني على الميجر مافي حوادث؟

والا التواير لين تخلص ولا فنا منها شي لا حوادث ولا هم يحزنون

بس يبون يضيقون على الشباب بأي طريقه

والله لو يتولعون الشباب بالسياكل ان يطلعون لهم قانون يديد حق السياكل


الله كريييم

[حليتان*]

على طول بيصكونك مخالفه شيسوى عليك وبيحجزون موترك :omen2:

قرار محزن واحزني لكن مانقدر نقول شي ولعله خيره

امافووه الجمس الي عندك ركب عليه مياجر :tease: ووف قومته ههههههه

ههههههههههههه

يارجال مع شوارع الدوحه ومياجر ابشر بالخير :nice:

ولا دووار صنااعية الخور :weeping:

الي صج بياكلونها الي عندهم ستاندرات والنياسين القديمه هههههههه <<< بتصير مواتر بتاان بالميااجر
الي عنده جي اكس بيخليه حق الدريول هههههههههههه


بوعلي يمدحون الافلون والا شرايك ؟

[ألعب بعيد]

الله يعز الددسن بس

بر بحر طيران مطبات اودية منحدرات

مافي احلى منها اللهم رفعها ونزلها خخخخ

والاهم ماتتعامل مع البوالين هع

[بوعلي2]

هلا والله اماااااف

اي والله شوارعنا احسن الحين

والله يالذيب الافلون موتر وخوش موتر بعد شكل ريافه وسيعه ماشاء الله عليها

وسريعه ههههههههه(وجه مستحي) هههههه ولؤلؤيه بعد بالمبارك مقدما عيل

[boamir]

ههههههههههههه

يارجال مع شوارع الدوحه ومياجر ابشر بالخير :nice:

ولا دووار صنااعية الخور :weeping:

الي صج بياكلونها الي عندهم ستاندرات والنياسين القديمه هههههههه <<< بتصير مواتر بتاان بالميااجر
الي عنده جي اكس بيخليه حق الدريول هههههههههههه


بوعلي يمدحون الافلون والا شرايك ؟






زين جمس ورى بوالين قدام حجري يمشي ولا لا ؟؟ هع
ولا شتنصحوني اركب الصراحه غير البالون ماينفع عليييه كلللللش
شكلي بشوف له سلكات حقة الدراق هع