سامسونج جالكسي أس 2 هل يستحق الشراء ؟

[كرستال]

السلام عليكم ورحمة الله


سامسونج جالكسي أس 2 هل يستحق الشراء ؟

http://www.swalif.net/swalifsite/wp-content/uploads/2011/05/samsung-galaxy-s2.jpeg


الكثير ينتظر هذا الجهاز الذي تحدثت عنه أغلب المواقع التقنية بدون إستثناء ، جهاز سامسونج جالكسي أس 2 أستخدمه الآن لأكثر من 3 أسابيع و أصبح بدون منازع الجهاز الرسمي لدي وهذا إنطباعي عن الجهاز و إن كان يستحق الشراء من عدمه

دائما التقرير عن أي جهاز يجب أن يكون حقيقي و بعد تجربة كافية حتى يعطى التقرير حقه ، وهذا تقريري عن هذا الجهاز بعد أن إستعملته لمدة كافية جدا والتي تعدت 3 اسابيع تقريبا ، بالنهاية أنت تقرر هل شراء الجهاز يستحق أم لا !!

مواصفات الجهاز الجبارة والتي تصل إلى مواصفات جهاز كمبيوتر !
يجب العلم أن الجهاز الذي اتكلم عنه هو النسخة الخاصة ببريطانيا ، وتدور الشائعات أن النسخة الموجهة للشرق الأوسط تختلف بكثير مثل المعالج ونوع الشاشة !! ننتظر وبعدها نحكم ،

وجهازنا الذي نتكلم عنه يمتلك هذي المواصفات :

المعالج 1.2 Dule Core Exynos
ذاكرة داخلية اما 16 او 32 جيجا بالإضافة إلى ذاكرة خارجية تصل إلى 32 جيجا
الرام 1 جيجا
واجهة خاصة من سامسونج TouchWiz 4.0
شاشة بحجم 4.3 إنش وبتقنية Super AMOLED Plus
نظام أندرويد 2.3.3
كامرة امامية 2 ميجا بكسل
كامرة خلفية 8 ميجا بكسل + فلاش والتصوير HD لغاية 1080
بطارية بسعة 1650 mAh
وزن الجهاز فقط 116 جرام


الإنطباع عند مسك الجهاز أول مرة

خفيف جدا جدا على الرغم من كبر حجم الجهاز في اليد !! الجهاز بالكامل من البلاستك وهذا الشيء الذي جعل من جهاز سامسونج جالكسي أس 2 يكون بهذا الخفة والوزن الرهيب فعلا ، بنظري مازال الى الآن لايوجد إبداع في التصميم كما تفعل أبل في أجهزتها على سبيل المثال ، ولكن بشكل عام الجهاز عبارة عن قطعة بلاستك خفيفة و قوية بنفس الوقت ، فالجهاز صلب عند مسكه باليد ولا تسمع او تحس بتحرك قطع مثل غطاء البطارية أو ما شابه ، أعتقد أن سامسونج أبدعت نوعا ما في خلط القوة بالخفية في جهازها هذا


اللغة العربية في الجهاز بعد تعريبه

http://www.swalif.net/swalifsite/wp-content/uploads/2011/05/arabic-in-samsung-galaxy-s-ii.jpeg

كما تشاهدون في السكرين شوت أن اللغة العربية ممتازة جدا ، بما أن الجهاز غير عربي كما ذكرت لأنه من بريطانيا ، فإن جهود الأخوة في تعريبه جيدة جدا ، ولكن لساعة كتابة هذا الموضوع توجد ( مشكلة ) في المتصفح الرسمي للجهاز بأنه يغلق من نفسه أو كما يقال Force Close غير ذلك لا توجد مشكلة أخرى تذكر تقريبا ، ونعم مازال الأخوة يجتهدون لحل مشكلة المتصفح أو ينتظرون النسخة الموجهة للشرق الأوسط والتي ستكون معربة بطبيعة الحال و عندها ربما سيتم نسخ المتصفح ووضعه في نسخة أوربا ، لذلك وجب الإنتباه لهذي النقطة قبل شراء الجهاز وتعريبه من الخارج !

اربط حزامك مع سرعة هذا الجهاز !!

لا أستطيع أن أصف لكم السرعة الجنونية التي يعطيك أياها جهاز Samsung Galaxy S ii فهو بحق سريع في كل شيء !! إستجابة خرافية عند لمس الشاشة والأزرار الي في الأسفل ، فتح التطبيقات جدا سلس وسريع ولا يوجد أي تأخير يذكر ، سأكتفي بهذي الفقرة بأن أقول عن سرعة الجهاز و إستجابته بإنها فوق الممتازة بكثير ولا أبالغ في هذا


لماذا تشتري كامرة فيديو مع إمتلاكك لكامرة هذا الجهاز ؟

اممم التصوير في هذا الجهاز سواء الفوتوغرافي أو الفيديو رائع ، عند دخولك لتطبيق الكامرة فأنك ستشاهد الكثير والكثير من الخيارات والفلاتر و أحجام التصوير المتاحة لك ، أعتقد بإمتلاكك لهذا التلفون فإنك لا تحتاج إلى حمل كامرة فيديو بعد اليوم !! و كلنا سمعنا بموضوع شركة سيسكو و تخليها عن كامرة الفيديو الصغيرة Flip بشكل نهائي و بنظري انهم محقين بهذا القرار لأنهم عرفوا ان اجهزة الهواتف النقالة بدأت تمتلك كامرات رائعة وتتعدى كامرتهم بمراحل ، إذا الوصف لكامرة سامسونج جالكسي كالآتي ( جبارة ) و ستسعدك كثيرا عند إستخدامها لتصوير ما تحب


هذا مقطع لجودة الكامرة ( التصوير بداخل البيت ) والإضاءة العادية للبيت فقط (http://www.safeshare.tv/v/YRMII9_C5kM)

وهذا المقطع أثناء عودتي من الدوام ( التصوير بالشمس ) وأعتذر على الإهتزاز لأني أقود السيارة و أصور (http://www.safeshare.tv/v/Oc3Bat-A4cM)


البطارية جيدة على الرغم من مواصفات الجهاز

نعم البطارية اخضعتها لعدة إختبارات ، المعدل كان 12 ساعة للإستخدام الثقيل ، وللإستخدام المتوسط فإنها ستصل إلى يوم كامل إن شاء الله بدون الحاجة للشحن ، طبعا الجهاز بما أنه يملك معالج قوي وشاشة كبيرة ( إلا ) أنهم يقولون أن الشاشة لها دور في إطالة عمر البطارية وكذلك النظام المستخدم من سامسونج و تطويعه ليتناسب مع قوة البطارية ، بشكل عام البطارية مناسبة و كنا نطمح للأفضل بدون شك


الخلاصة :

إن كنت متردد في شراء الجهاز فأقولها لك ترددك ليس في محله ! الجهاز لا يعلى عليه وبنظري هو الأفضل حاليا في السوق للحظة كتابة هذا الموضوع ، الكثير سألني هل هو أفضل من الآيفون 4 ؟ وكانت إجابتي لهم ( مستحيل ) وحرام نقارن الآيفون 4 بهذا الجهاز لأنه يملك كل شيء أفضل منه ، ننتظر رد أبل على هذا الجهاز بجهاز أقوى أو أننا سنقولها صراحة سامسونج سحبت البساط من تحت أبل وبقوة

هذا مقطع فيديو عملته للجهاز و أتمنى أني استطعت أن أوصل الفكرة والمعلومة بشكل مبسط ، مشاهدة مفيدة (http://www.safeshare.tv/v/FBzGg8fSYrA)


_منقول_

[شمعة الدوحه]

ماشاء الله تقرير اكثر من رائع

تحمست اكثر اني آخذه

بس اتصلت لفرع السد وقالوا لي انه أجلوه لين نهاية 6 على ماينزل أو بداية 7

الود ودي اشتريه اليوم :(

[ام السعف]

اممم
مراحب ،،

عندي جالكسي اس ون ،، للاسف كان بطيئ جدا مع اي حركة اسويها،،وخاصة مع الاستعمال
وتعرض للفورمات 3 مرات ،، ولأني عندي جوالي العزيز htc الشي هذا
خلاني اترك السؤال والاستفسار عن السبب في المشكلة الموجودة في الجهاز ،،

لكن اللي شفته وقريته عن جالكسي اس 2 شجعني اقول
لو كلامهم بالفعل صحيح بخصوص البطارية و خاصية اللمس
ونسخة الأندرويد وقوة المعالج وسطوع ووضوح الصورة ،
الجوال يستحق الاقتناء وخاصة انه خفيف جدا جدا جدا ،،

لكن ان شاءالله غطى البطارية ما يكون بلاستك ،،

اما لو بنتكلم عن الجهاز كتقنية نازلة السوق المختصين يميلون
الى مدح الاجهزة اللي تشتغل الى الاندرويد ،،

وبما ان Htc نزل htc desier s فهو انعم للبنات ،، وكمواصفات يؤدي ما هو مطلوب
منه وعلى كفاءة عالية ،،عندي htc desier مرتاحة جدا معاه واداءه جدا مريح ،،
اما اللي ينافس الجالكسي htc desier hd في الكيرمة ،، وبشكل عام
htc وسامسونج تقنيات محترمة واسعارها غير مبالغ فيها

[رهيب]

ما شاءالله تقرير ممتاز

اخوي ممكن تجرب الواي فاي و اتقييم لنا قوة ارساله لانه عندي جالاكسي اس 1 و اشوف انه الواي فاي فيه اضعف من غيره

[AlWakRa]

أم السعف ، مشكلة التهنيق واللاق بالجالاكسي الأول تم حله بالاصدار الثاني
السبب كان يرجع إلى نظام الملفات بالذاكرة ، المهم غيروها إلى نظام أفضل وأحدث وأختفت هالمشكلة


الجوال أمتلكه ، الصراحه رائع جداً وسريع ، بس المشكلة اللي فيه هي البطارية ، وأكثر من شخص يرجع السبب إلى الرومات المعدلة ، (لأني حاط به روم معدل لأجل اللغة العربية) ، والكثير من الأشخاص يمدح الروم الرسمي الأخير باستهلاك بطاريته والحرارة (اللي البعض اشتكى منها بأول الأيام)

أما الواي فاي ، فما أقدر أقول عنه قوي أو ضعيف لاني ما جربت الجالاكسي الأول بس كان عندي الأومنيا 2
أهم الفروقات ، الجالاكسي لما أكون قريب من الوايرلس يلقط بسرعة ويشبك بالنت ، الأومنيا كان يتأخر أشوي
لما أروح أبعد الإشارة تخف ويلقط بشكل أقل ، بس يتم شابك مع الجهاز وما يقطع (حتى وهو خط واحد فقط)

[ام السعف]

أم السعف ، مشكلة التهنيق واللاق بالجالاكسي الأول تم حله بالاصدار الثاني
السبب كان يرجع إلى نظام الملفات بالذاكرة ، المهم غيروها إلى نظام أفضل وأحدث وأختفت هالمشكلة


الجوال أمتلكه ، الصراحه رائع جداً وسريع ، بس المشكلة اللي فيه هي البطارية ، وأكثر من شخص يرجع السبب إلى الرومات المعدلة ، (لأني حاط به روم معدل لأجل اللغة العربية) ، والكثير من الأشخاص يمدح الروم الرسمي الأخير باستهلاك بطاريته والحرارة (اللي البعض اشتكى منها بأول الأيام)

أما الواي فاي ، فما أقدر أقول عنه قوي أو ضعيف لاني ما جربت الجالاكسي الأول بس كان عندي الأومنيا 2
أهم الفروقات ، الجالاكسي لما أكون قريب من الوايرلس يلقط بسرعة ويشبك بالنت ، الأومنيا كان يتأخر أشوي
لما أروح أبعد الإشارة تخف ويلقط بشكل أقل ، بس يتم شابك مع الجهاز وما يقطع (حتى وهو خط واحد فقط)

اهااا،، عيل اللاج كان عيب تصنيعي ،، فمن جذيه لاعت جبدي من الجوال ،،
اخليه للاتصال بالنت خارج البيت للضرورة مع كرت فودافون ،،،

اما بخصوص البطارية في مقارنة مسويها شاب سعودي يعيش في بريطانيا
ما بين الجالكسي 2 والديزاير اتش دي والايفون 4 ،، يقول ان بطارية الجالكسي
هي الاقوى وعاشت معاه يومين ،، وهو بعده يستخدمه باللغة الانجليزية ،،
وعاب ديزاير اتش دي انه بطاريته ضعيفة ،، فهل السبب في الرومات الكثيرة
المتوفرة للديزاير اتش دي سبب في ضعف البطارية بشكل اسرع ؟

احترم الجالكسي جدا ،، لأنه يحترم نفسه و يحترم زباينه ،،
واسعاره معقولة قياسا مع الامكانيات اللي يوفرها لنا ،، مب الايفون
اسعار غالية وبعض الامكانيات البسيطة ما تشتغل فيه ،،

[qtr-1234]

انا ابي واحد وين احصله فالدوحه مب لازم عربي

[AlWakRa]

اهااا،، عيل اللاج كان عيب تصنيعي ،، فمن جذيه لاعت جبدي من الجوال ،،
اخليه للاتصال بالنت خارج البيت للضرورة مع كرت فودافون ،،،

اما بخصوص البطارية في مقارنة مسويها شاب سعودي يعيش في بريطانيا
ما بين الجالكسي 2 والديزاير اتش دي والايفون 4 ،، يقول ان بطارية الجالكسي
هي الاقوى وعاشت معاه يومين ،، وهو بعده يستخدمه باللغة الانجليزية ،،
وعاب ديزاير اتش دي انه بطاريته ضعيفة ،، فهل السبب في الرومات الكثيرة
المتوفرة للديزاير اتش دي سبب في ضعف البطارية بشكل اسرع ؟

احترم الجالكسي جدا ،، لأنه يحترم نفسه و يحترم زباينه ،،
واسعاره معقولة قياسا مع الامكانيات اللي يوفرها لنا ،، مب الايفون
اسعار غالية وبعض الامكانيات البسيطة ما تشتغل فيه ،،

اللاج ممكن نعتبره أكثر عيب برمجي (سوفتوير) وكانوا يقدرون يتلافونه بس ما ادري شالسبب اللي خلاهم يستخدمون نظام الملفات ذاك، المهم إنهم تلافوا المشكلة بالجديد

وبخصوص البطارية والرومات المعدلة، يعتمد على المطورين ، في بعضهم يزيدون من استهلاك البطارية علشان يزيد أداء الجوال ، البعض الآخر يوزان بين الأداء والبطارية ، مدة استخدام البطارية تعتمد على حجمها واستخدام الجهاز ، لو على طول شابك وايرلس و 3g وعندج شغال فيسبوك وتويتر وايميل وكل شي ، لازم تستهلك بسرعة ، أما إذا مب شغال شي فالأمور طيبة

أنا أستخدم جهازي على شبكة الـ 3g على طول ، الايميل شغال ويتحدث لي فور وصول الايميلات ، الفيسبوك والتويتر شغالين بس على ما اعتقد ما يتحدثون على طول (يعني أنا أدخل عليهم وأحدثهم) ، والبطارية تبقى معي يوم كامل ، من وقت اللي أقول أفصله من الجارج إلى وقت اللي أنام فيه أحطه على الجارج ، حزات تكون البطارية فيها 10% وحزات أكثر ، مرة من المرات كان 30% تقريباً ، فأشوف إن استهلاك البطارية فيه ممتاز خصوصاً مستقبلاً ما راح أتعبث فيه كثر الحين (ما شاايف خير هههههه) وإذا تم على الستاندباي فيه توفير حلو ، يعني مره شليت من الجارج بالليل ورقدت ، ثاني يوم قمت لقيته 91% وأنا راقد حول 10 ساعات


انا ابي واحد وين احصله فالدوحه مب لازم عربي

بالدوحة صعبه تلقاه وحتى إن لقيته يضربون بسعره ، في واحد عارضه بـ 3600 بقطر ليفينج خخخخ ، أنا شاري جهازي بـ 2600 ريال تقريباً ، الحين سعره اشوي أزود بسبب الباوند مرتفع سعره اشوي ، الجهاز من الشركة تطلع الحروف العربية بس مقطعه ، بعض البرامج ترتيب الحروف عدله وبعضهم معكوسه ، في برامج تقدر تنزلهم علشان تحل المشكلة بالرسايل وسجل الهاتف وتصفح الانترنت ، وفي شباب جزاهم الله خير اشتغلوا على الجوال ونزلوا له روم ممكن تقرى وتكتب بالعربي فيه بشكل صحيح ، بس يستهلك بطارية زيادة عن روم الشركة



إن شاء الله أفدتكم باللي أعرفه

[ام السعف]

AlWakRa

كلامك حلو وجميل ومبشر،، لأني اثنيت للحين 3 من انهم ياخذون ايفون 4
وشجعتهم ينتظرون الجالكسي اس 2 ،،

او ياخذون HTC desier hd على الأقل شكله رجالي
وسعره معقول ونظامه خفيف وحلو مسلي ويأدي ماهو مطلوب منه ،،

[AlWakRa]

شكله يعطونج نسبة جوجل للتسويق لنظامهم خخخخخخخ ، بس صج تمللنا كل ما شفنا واحد شفنا معاه آيفون

إذا تبين الصراحه ، اللي ناطر للحين حرام ياخذ ديزاير اتش دي ، خصوصاً إنه راح يدفع مبلغ ، فأشوف ياخذ له الاتش تي سي سنسيشن أفضل ، أو موتورلا آتريكس إذا نزل عندنا ، لأنهم أفضل من الديزاير وأقوى ، يجون بمعالج ثنائي النواة ، ورام أفضل ، وبيكونون أحدث (طبعاً خيارات أخرى بجانب الجالاكسي اس 2) ، أفضل من الديزاير وحتى الآيفون ، الديزاير راح يوقف بما أن السنسيشن بينزل (التوب من مجموعة جوالاتهم) ، والسنسيشن راح ينزل بالامارات الاسبوع الجاي حسب كلام وكيلهم ، فيعني بيجيبونه عندنا قريب بعد ، والآيفون في أقاويل وايد إن شهر سبتمبر راح ينزل الجديد باسم 4s وبيكون بمعالج الآيباد يعني ثنائي النواة أيضاً وبيكون أسرع وأفضل ، فحرام الواحد يدفع الحين 3 آلاف بالابيض ومب فارق بينه وبين الاسود بشي ، وفي جواويل أفضل منه نازله أو بتنزل قريب

[ام السعف]

شكله يعطونج نسبة جوجل للتسويق لنظامهم خخخخخخخ ، بس صج تمللنا كل ما شفنا واحد شفنا معاه آيفون

إذا تبين الصراحه ، اللي ناطر للحين حرام ياخذ ديزاير اتش دي ، خصوصاً إنه راح يدفع مبلغ ، فأشوف ياخذ له الاتش تي سي سنسيشن أفضل ، أو موتورلا آتريكس إذا نزل عندنا ، لأنهم أفضل من الديزاير وأقوى ، يجون بمعالج ثنائي النواة ، ورام أفضل ، وبيكونون أحدث (طبعاً خيارات أخرى بجانب الجالاكسي اس 2) ، أفضل من الديزاير وحتى الآيفون ، الديزاير راح يوقف بما أن السنسيشن بينزل (التوب من مجموعة جوالاتهم) ، والسنسيشن راح ينزل بالامارات الاسبوع الجاي حسب كلام وكيلهم ، فيعني بيجيبونه عندنا قريب بعد ، والآيفون في أقاويل وايد إن شهر سبتمبر راح ينزل الجديد باسم 4s وبيكون بمعالج الآيباد يعني ثنائي النواة أيضاً وبيكون أسرع وأفضل ، فحرام الواحد يدفع الحين 3 آلاف بالابيض ومب فارق بينه وبين الاسود بشي ، وفي جواويل أفضل منه نازله أو بتنزل قريب

شوف يالوكرة ،،، في ناس ودهم يشلون جوال ،، وفي ناس ودهم ينقال لهم
وااااو عندهم جوال ،، وفي ناس يحبون يشلون تقنية محترمة تتوافق مع سعرها ،،

وفي ناس ينتظرون لما التكنالوجيا توصل حدها وللحين عايشين
على نوكيا بو ليت ،،

اللي استغرب منه وايد يقولون نبي جوال فيه العاب ،، ومستعدين يدفعون 3000
ريال علشان يكون عندهم ايفون :( في حين هناك جواويل يتعطيهم تقنيات عالية
وباسعار اقل ،،

لكن لما ما نلقى في السوق خيارات،، غير الايفون 4 والجالكسي اس ون و ديزاير اتش دي ،،عني انصح بالديزاير اتش دي ،، واستبعد الباقي ،، مب لأن الكل عنده بس لأني احترم الشركة هذي احترام كبييير ،، المنتج ما يكررونه يعدلونه ويوقفونه ويقفزون فيه ،، غير انه
نظام اندرويد ( اعجبني كثير ) ولقيته خفيف وسهل ويفتح لنا امور كثيرة ،، ويأدي
ما هو مطلوب منه ضمن حاجتي لاستخدام التطبيقات اللي احتاجها ،،

لرجال انصح بالديزاير اتش دي ،، والحريم الديزاير اس ( حلو شكله وانسيابي اكثر )
من الديزاير العادي ،،

بعدين يا الوكرة جوجل بعد يستحقون الإحترام ،، النظام اللي مسوينه انك عن طريق حسابك
في الجي ميل تفتح لك حساب في موقعهم وتتحكم في جوالك لو نسيته في البيت او انباق
او ... او ..... او ....... شي محترم وحلو :shy:

اما الآيفون مب عارفة ليش ما قمت احبه هالماركة كلش ،، احترم تفوقه
في امور لكني صرت اشوف مدى اعتماده على قوة سمعته لنشر منتجاته ،،

[AlWakRa]

كلام جميل واتفق بالكثير من ما قلتيه

الناس أنواع ، وكل له ذوقه ، وهاي أهم أساس أعتمد عليه لما أحد يحاول يناقشني بالأمور التكنولوجية ، حتى أن البعض اللي يحاول يقلل من مستوى الأجهزة التي تختلف عن أجهزتهم يحتارون معاي ههههه

نرجع للجوالات وأنظمتها ، الآيفون طلع بسبب ذكاء ستيف جوبز التسويقي ، وبما إن التسويق هو تخصصي ، فهو شخص استطاع أن يجذب الكثير إلى جهازه وذلك لذكائه وتوفيره الكثير لمطوري البرامج على جهازه ، فهو قدر يخلي المطورين يطورون تطبيقات لجهازه بسبب العائد المادي اللي يرجع لهم عن طريق شرائهم عن طريق الآيتونز ، وخصوصاً مع تصعيبه أمر الحصول على نفس التطبيقات من الخارج -وهنالك الكثير من الأسباب بس اختصرت لأن موضوعنا أندرويد- ، أنا أعتبر الآيفون جهاز يجب على المستخدم أن يتأقلم معه كي يستطيع أن يحبه ، أو أن يعشقه لكي يتغاضى عن محدوديته

أما الأندرويد ، فهو نظام أتى لكي يكون طوع أمر المستخدم ، يعني اللي تبي منه ما يقول لك لا ، ما أبي أسهب بالكلام بمميزاته لأني لست بالقديم باستخدامه ، هاي أولاً ، ثانياً ، ما اقتنيت آيفون من قبل علشان أقدر آخذه كأساس لمقارنتي بمحدوديته ، بس أكثر الأمور اللي أقرى عنها ، الأبسط هو عدم القدرة على استخدام البلوتوث لنقل الملفات واقتصاره على الهاندفري وسماعات البلوتوث، ننتقل إلى حاجتك للآيتونز لمزامنة الأغاني وغيرها إلى الجهاز ، وأيضاً عدم وجود مدير للملفات لمساعدتك على تنظيمها أو حتى حذفها من جهازك بشكل مباشر ، كل هاي ممكن عمله بالأندرويد ، وأكثر ما يحببني فيه هو الويدجتز ، أفضل بوايد من مجموعة قوائم مصفوفه ههههه ، يعني تقدر أشوف الفيسبوك والتويتر واليوتيوب والايميل وكل شي قدامي من دون الدخول إلى أي برنامج ، وغير هاي أقدر أخليهم يتحدثون كل ساعة بروحهم ، بدون التعني والدخول للبرامج كل دقيقة لأشوف الجديد

أنا جربت الأندرويد بشكل مبسط على الأومنيا (اللي ما قدر يقدم لي تجربة كاملة له بسبب إن الجهاز مب أندرويد بس المطورين ما قصروا وخلونا قادرين على تشغيله) ولذلك فكرت بأن أخطو خطوتي وأشتري الأندرويد ، كنت بروح آخذ النكسس اس ، بس شفت سامسونج معلنين عن جهاز جديد بهاردوير حديث ، وشفت شركة lg بعد معلنه عن جهاز جديد (هم أول من أعلن عن جهاز ثنائي النواة) ، وموتورلا واتش تي سي وسوني بلاي -اللي له ألعاب حصرية-، فقلت أنتظر وآخذ أول ما ينزلون ، لأن التقنية بسرعة تتقدم فلما أكون مع الركب من البداية يكون أفضل لي مستقبلاً ، خصوصاً إني من النوع اللي يحب يحلل الجهاز قبل لا يآخذ غيره

أما عن الأجهزة الموجودة ، فهي مسألة وقت وينزل الجديد ، فلذلك ذكرت سابقاً إني أنصح بالانتظار قليلاً أفضل من شراء المتوفر حالياً وبعدها بفترة بسيطة جداً ينزل اللي أفضل منهم وبيكون سعره مقارب والجهاز الموجود الحين بينزل سعره ، إلا بحالة وحدة ، الواحد يكون صج محتاج لجوال جديد وما يقدر يصبر -سواء جهازه الحالي خربان وإلا يرفع الضغط-

يمكن تحسين إني دايماً أجيب سيرة الآيفون ، مب لأنه مسوي لي عقدة خخخخ ، بس لأنه الجهاز الأنسب للمقارنة معه ، ليش ؟؟ لأن الجهاز المنتشر واللي ينصح فيه الكل ، ولذلك أحب أقارن معاه لتبيان إنه مش أفضل المتوفرين ، وخصوصاً للي راح يقرى الردود ، راح يستفيد من معرفة الخيارات الأخرى غيره ، يعني الوالد -الله يحفظه- لما شافني جايب الجالاكسي اس 2 بعد ما شافه اشوي ، قالي وايد كبير وكان خذيت آيفون دام الكل يشتريه ، فحتى الوالد اللي ماله بارض بالتقنية والجواويل الجداد يقترح الآيفون ، وهو ما يدري شنو مميزاته وشنو سلبياته ، بهاي أثني على بو جوبز ومهارته الفذة بالتسويق ، ويدفعني دايماً للمقارنة معه وترجيح جهاز على حسابه :)



وأرجع من جديد ، إللي وده يستفسر عن الجالاكسي اس 2 أنا بكون موجود للإجابة عن الأسئلة ، السبب الأكبر هو إن البعض يحب يسئل ويعرف عن الجهاز وما يلقى جواب فيخليه يغض البصر عنه ، لاعتقاده إن ماله سوق ، مما يخليه يغلط ويشتري جهاز آخر وما يطلع نفس توقعاته ، ويكتشف بعدها إن الجهاز الأول كان الأفضل ، ما قاعد أمدح بالجهاز ، بس حصلت مع الكثير وأنا منهم ، شريت الأومنيا 2 وبالنهاية تحسفت لأني ما نطرت أشوي وخذيت لي جهاز أندرويد مثل النكسس 1 أو خذيت لي الاتش تي سي اتش دي 2 (مع إني صج حبيت الأومنيا بسبب شاشته بس نظامه الويندوز كان منتهي)

[ام السعف]

الوكرة اعجبتني مشاركتك ــ برجع لها في وقت ثاني ،، بس حبيت اسجل رايي فيها
وان شاءالله برفع لياقة اصابعي بس اخلص اللي في يدي ،،

تحية لك

[شمعة الدوحه]

الوكره ماشاء الله عليك كفيت ووفيت بالشروحات

بس يمكن احتاجلك عقب اذا خذت الجالكسي :)

[بولينجر]

حبيت اسجل تقديري لهذا الموضوع... مع قراءتي لكل المشاركات لكن للان لم اقتنع بالاندرويد... على الرغم من اهتمامي بمعرفته.....

[ام السعف]

حبيت اسجل تقديري لهذا الموضوع... مع قراءتي لكل المشاركات لكن للان لم اقتنع بالاندرويد... على الرغم من اهتمامي بمعرفته.....

جربه مرة ومش حتستغنى عنه بالمرة :d

[ام السعف]

الوكرة : احنا ما نقدر نقول الاندرويد احسن من نظام تشغيل الايفون الا لو جربنا
الاثنين مع بعض او اطلعنا على العيوب والمميزات في نظام تشغيل ،،

اتفق معاك اللي يميز الاندرويد انه رهن اشارة المستخدم ،، وغير عن المميزات
الحلوة التي تلقاها بدعم من جوجل بخصوص الجي ميل ،، وهذي امور للأسف
تحتاج الى واير وكمبيوتر في الآيفون ( حركة بدائية ومحتاجة مراجعة منهم ) ،،


لكن خلني اخذ رايك في شي يدور في بالي :

هل من المهم الواحد يشل اطور جوال موجود في الوقت الحالي ؟

فمثلا انسان استخدامه عادي للكمبيوتر ،، ما اتشوف من غير الحكمة تنصحه
ياخذ كمبيوتر مواصفاته خارقة في كل شي ؟

فمن اهنيه ،، اقول ،، لو وجدت ما تفيد حدود حاجة المستهلك ما يحتاج الواحد ياخذ
اطور التكنالوجيات وهو ما يستخدمها ،،

فاليوم لو باشتري جهاز جوال حق سين من الناس يهتم في كل شاردة وواردة في جواله
ويسخدم برامج ويشوف كفاءة جواله من حيث امكانياته المستخدمة ،، اكيد باكون حريصة
اني اشتري له اطور تقنية او انتظر لما تنزل الأحدث علشان فرحته تكون أكبر حتى لو السعر كان اعلى ،،


إما اشتري جوال فيه امكانيات عالية وبسعر عالي والمستخدم اللي بهديه هالجوال
استخدامه جدا بسيط وعادي ومحصور في التصفح والمواقع واليوتيوب ،،
وحده العاب وبرنامج الأذان ،، اعتقد الموجود في السوق يوفي بالغرض ،،

فهل تتفق معاي في هالنقطة ؟

[شمعة الدوحه]

الوكرة : احنا ما نقدر نقول الاندرويد احسن من نظام تشغيل الايفون الا لو جربنا
الاثنين مع بعض او اطلعنا على العيوب والمميزات في نظام تشغيل ،،

اتفق معاك اللي يميز الاندرويد انه رهن اشارة المستخدم ،، وغير عن المميزات
الحلوة التي تلقاها بدعم من جوجل بخصوص الجي ميل ،، وهذي امور للأسف
تحتاج الى واير وكمبيوتر في الآيفون ( حركة بدائية ومحتاجة مراجعة منهم ) ،،


لكن خلني اخذ رايك في شي يدور في بالي :

هل من المهم الواحد يشل اطور جوال موجود في الوقت الحالي ؟

فمثلا انسان استخدامه عادي للكمبيوتر ،، ما اتشوف من غير الحكمة تنصحه
ياخذ كمبيوتر مواصفاته خارقة في كل شي ؟

فمن اهنيه ،، اقول ،، لو وجدت ما تفيد حدود حاجة المستهلك ما يحتاج الواحد ياخذ
اطور التكنالوجيات وهو ما يستخدمها ،،

فاليوم لو باشتري جهاز جوال حق سين من الناس يهتم في كل شاردة وواردة في جواله
ويسخدم برامج ويشوف كفاءة جواله من حيث امكانياته المستخدمة ،، اكيد باكون حريصة
اني اشتري له اطور تقنية او انتظر لما تنزل الأحدث علشان فرحته تكون أكبر حتى لو السعر كان اعلى ،،


إما اشتري جوال فيه امكانيات عالية وبسعر عالي والمستخدم اللي بهديه هالجوال
استخدامه جدا بسيط وعادي ومحصور في التصفح والمواقع واليوتيوب ،،
وحده العاب وبرنامج الأذان ،، اعتقد الموجود في السوق يوفي بالغرض ،،

فهل تتفق معاي في هالنقطة ؟


أم السعف
بعضهم حتى لو ماكان يحب يستكشف ومن محبي التكنولوجيا وفاهم للتلفون اللي بيده
بس يبي التلفون الفلاني علشان شوفوني ترى عندي هالتلفون وتراني متطور
مع انه في الاساس يستخدمه حق اتصالات ومواقع بس

[بولينجر]

جربه مرة ومش حتستغنى عنه بالمرة :d
هلا اختي ام السعف.... طيب لو افترضنا اني قررت اشتري جوال بنظام الاندرويد... اي جهاز تنصحين فيه مستخدم الاندرويد للمرة الاولى؟

[ام السعف]

أم السعف
بعضهم حتى لو ماكان يحب يستكشف ومن محبي التكنولوجيا وفاهم للتلفون اللي بيده
بس يبي التلفون الفلاني علشان شوفوني ترى عندي هالتلفون وتراني متطور
مع انه في الاساس يستخدمه حق اتصالات ومواقع بس
ايه صح كلامج ،، ودايما هالنوعية من الناس ،، ياخذون المتوفر في ايادي الناس
والمطروح في السوق ،، فليش نقول له انطر بتنزل تقنية يديدة وخذها
وهو اصلا ما بيستخدمها بس ممكن يصرف عليها فلوس اكثر :threaten:

[ام السعف]

هلا اختي ام السعف.... طيب لو افترضنا اني قررت اشتري جوال بنظام الاندرويد... اي جهاز تنصحين فيه مستخدم الاندرويد للمرة الاولى؟

يعتمد على مدى تعلقك في عالم التصفح في الجواويل واستخدام البرامج
والتطبيقات ،، اذا استخدامك كان عادي او متوسط
عني اشوف ديزاير اس حلو ،، بس اما لو اتحب اتمتع نفسك بكل
فيديو اتشغله طبعا ديزاير اتش دي ،،حجمه اشوفه يليق بيد الرجل ،،
اما لو مب مستعيل انصحك بصراحة بجالكسي اس 2 ،، دش مخي
انتظر عليه شهر شهرين واخذه واستمتع بالتقنية المتطورة :strong

[AlWakRa]

مرة أخرى أعوود ، أختي أم السعف

بالنسبة للنظام ، فهو يعتمد على الشخص نفسه وكيف يرى استخدامه للجوال ، في ناس تهمهم الألعاب والاتصال فقط فأكيد راح يكفيهم ويزيد الـ iOS أما ناس ثانية تحب الجهاز أكثر كانتاجية ، يعني أنا أستخدم الجهاز بالايميلات والتويتر مثل ما ذكرت سابقاً (أعتقد) فلذلك الريل تايم ابديت هامني جداً وهاي موجود بالاندرويد ، ما ادري إذا موجود بالآيفون ، وغير هاي كل خواص الآيفون تقريباً موجودة بالاندرويد فما أعتقد إني بحصل قصور من هالناحية ، هاي مثال لتفضيل النظام ، ولكن كتفوق ، يبيلنا فترة أكبر لمعرفة من يتفوق من ناحية جذب المطورين وجعلهم يطورون برامج حصرية مثلاً

أما نقطتج بالجهاز ، فما أقدر أخالفج أبداً، في ناس ما يستفيدون من نص مواصفات الجهاز ، ومثل ما ذكرتي الأفضل ياخذون شي سعره معقول ويأدي اللي عليه مب ملاحقة الأجدد ، مع ذلك ما زلت معترض على اقتراح الديزاير اتش دي خخخخخ ، مب معترض بشكل كبير يعتمد بشكل كبير على التحديثات اللي راح تقوم فيها الشركة للجهاز ، يعني لو رحنا لسوني ، فأكبر غلط إنك تاخذ الـ X10 بحجة إنه قديم والناس عرفت مشاكله ، هالأيام ما في مشاكل هاردوير وإذا فيه تنعرف بأول شهر من نزوله ، الموضوع سوفتويري بالـ X10 فحين إن العالم وصلوا للزبادي الرايب (فرويو) ووصلوا لخبز الزنجبيل (جنجربريد) فهم توهم محدثينه للإكلير الفرنسي خخخخ ، تحملوا لا يصيدكم سكر من الاندرويد ، أما أجهزتهم الجديدة فراح تلقى الدعم أول بأول مثل الآرك والبلاي والنيو ، إلا صح الآرك خيار ممتاز جداً وواحد من الشباب عنده ويمدحه ويمدح بطاريته وخفة السستم ، وحتى شكله عصري ومش كلاسيكي ، والمفروض ما يكون غالي ، فلذلك إن كان راح ياخذ جهاز توقف الدعم الرسمي منه ، فراح يتعب وما يلقى تحديثات من الوكيل ، أما الأجهزة الحديثة -خصوصاً إن في تباين بفئات الأندرويد لتلبي جميع الاحتياجات- فهم الأولى لدعم الشركة لهم من خلال التحديثات أو البرامج

إن شاء الله النقطة اللي أقصدها وصلت ، خلاص تخليت عن موضوع أقوى جهاز بالسوق :)



شمعة الدوحة ، خذي راحتج وراح أساعد باللي أقدر عليه وأعرفه ، وأهم شي الاستفاده من النقاش



أخوي بولينجر ، يعتمد على احتياجاتك بالجوال ، ما نقدر نجبرك تحب نظام انت مب مقتنع فيه ، إحنا نصف مزاياه وانت اللي تحكم بينهم ، إذا كنت ناوي تتحول إلى الأندرويد ، فشوف النصيحة ، إن كنت من مستخدمي الآيفون فما أنصحك بجهاز غير الجالاكسي اس 2 لما ينزل الدوحة ، ليش ، لأن التجربة اللي راح تعيشها معاه ما بتقل عن الآيفون ، لأن معظم مستخدمي الآيفون يتركون الحجات المهمة بالأندرويد ويتحججون باستجابة اللمس اللي يمكن تتأخر اجزاء من الثواني بالأجهزة القديمة ، بس الحالية والجديدة تحسنت فيها الاستجابة بشكل كبير ، أما إن كنت تبي تجربة بسيطة وحلوة ، فأشوف السوني آرك ممتاز جداً، جديد وكاميرا لا يعلى عليها ، والبطارية ممتازة والشاشة مدعومه بتقنية برافيا للتلفزيونات ، ممكن تقول أحد أفضل الأجهزة من الفئة أحادية النواة ، وإذا بتطلبه من برع فبيكون داعم للعربية 100% ، ما ادري إذا نزل عندنا بس في دبي موجود

[بولينجر]

يعتمد على مدى تعلقك في عالم التصفح في الجواويل واستخدام البرامج
والتطبيقات ،، اذا استخدامك كان عادي او متوسط
عني اشوف ديزاير اس حلو ،، بس اما لو اتحب اتمتع نفسك بكل
فيديو اتشغله طبعا ديزاير اتش دي ،،حجمه اشوفه يليق بيد الرجل ،،
اما لو مب مستعيل انصحك بصراحة بجالكسي اس 2 ،، دش مخي
انتظر عليه شهر شهرين واخذه واستمتع بالتقنية المتطورة :strong
خلاص باخذ جالاكسي اس 2 لما ينزل.... لين نزل علميني عنه... ما اتابع اخبار السامسونج.....

[شمعة الدوحه]

ام السعف وبولينجر
الكشك اللي في السيتي حق سامسونج عندي رقمه واتتصلت له اليوم يقولي احتمال عالاسبوع الجاي ينزل موب اكيد
واذا خذته بقولكم

الوكره ماتقصر اخوي :)

[اخت جوجو]

للي جربوا هالجهاز,,
شالفرق بين الايفون والجالكسي؟
وفيه اب ستور نفس الايفون ؟؟
مشكورة كريستال ع الموضوع :)

[ام السعف]

للي جربوا هالجهاز,,
شالفرق بين الايفون والجالكسي؟
وفيه اب ستور نفس الايفون ؟؟
مشكورة كريستال ع الموضوع :)

الجالكسي يشتغل على نظام تشغيل مختلف عن الايفون
وله ماركت تدخلينه بحساب في جي ميل هذا هو المطلوب منج
لا اي تونز ولا كمبيوتر ولا شي ،، تشبكين بالنت من الجوال
وتاخذين راحتج فيه ،، واغلب البرامج المعروضة في الماركت
مجانية ،، وبعد هناك رومات مطبوخة تفتح لج برامج عليها حماية ،،



بولينجر احيل الموضوع الى شمعة الدوحة
شمعة الدوحة الموضوع محال لج وبانتظار اخر المعلومات

[ام السعف]

مرة أخرى أعوود ، أختي أم السعف

بالنسبة للنظام ، فهو يعتمد على الشخص نفسه وكيف يرى استخدامه للجوال ، في ناس تهمهم الألعاب والاتصال فقط فأكيد راح يكفيهم ويزيد الـ iOS أما ناس ثانية تحب الجهاز أكثر كانتاجية ، يعني أنا أستخدم الجهاز بالايميلات والتويتر مثل ما ذكرت سابقاً (أعتقد) فلذلك الريل تايم ابديت هامني جداً وهاي موجود بالاندرويد ، ما ادري إذا موجود بالآيفون ، وغير هاي كل خواص الآيفون تقريباً موجودة بالاندرويد فما أعتقد إني بحصل قصور من هالناحية ، هاي مثال لتفضيل النظام ، ولكن كتفوق ، يبيلنا فترة أكبر لمعرفة من يتفوق من ناحية جذب المطورين وجعلهم يطورون برامج حصرية مثلاً

أما نقطتج بالجهاز ، فما أقدر أخالفج أبداً، في ناس ما يستفيدون من نص مواصفات الجهاز ، ومثل ما ذكرتي الأفضل ياخذون شي سعره معقول ويأدي اللي عليه مب ملاحقة الأجدد ، مع ذلك ما زلت معترض على اقتراح الديزاير اتش دي خخخخخ ، مب معترض بشكل كبير يعتمد بشكل كبير على التحديثات اللي راح تقوم فيها الشركة للجهاز ، يعني لو رحنا لسوني ، فأكبر غلط إنك تاخذ الـ X10 بحجة إنه قديم والناس عرفت مشاكله ، هالأيام ما في مشاكل هاردوير وإذا فيه تنعرف بأول شهر من نزوله ، الموضوع سوفتويري بالـ X10 فحين إن العالم وصلوا للزبادي الرايب (فرويو) ووصلوا لخبز الزنجبيل (جنجربريد) فهم توهم محدثينه للإكلير الفرنسي خخخخ ، تحملوا لا يصيدكم سكر من الاندرويد ، أما أجهزتهم الجديدة فراح تلقى الدعم أول بأول مثل الآرك والبلاي والنيو ، إلا صح الآرك خيار ممتاز جداً وواحد من الشباب عنده ويمدحه ويمدح بطاريته وخفة السستم ، وحتى شكله عصري ومش كلاسيكي ، والمفروض ما يكون غالي ، فلذلك إن كان راح ياخذ جهاز توقف الدعم الرسمي منه ، فراح يتعب وما يلقى تحديثات من الوكيل ، أما الأجهزة الحديثة -خصوصاً إن في تباين بفئات الأندرويد لتلبي جميع الاحتياجات- فهم الأولى لدعم الشركة لهم من خلال التحديثات أو البرامج

إن شاء الله النقطة اللي أقصدها وصلت ، خلاص تخليت عن موضوع أقوى جهاز بالسوق :)







اتفق معاك يا الوكرة ،، واخر خبر قريته ان الديزاير اتش دي نزل له تحديث لخبز الزنجبيل
ضحكني هالمصطلح بس الظاهر له معنى عندهم باللغة الانجليزية ،،،،

مافي شي اسمه اقوى جهاز ،، هناك ما يسمى ما يميز الجهاز,, وكل حسب
حاجته ياخذ الجوال ،، الحين لو بنتكلم عن اطور جهاز جوال اكيد الأجهزة
اللي تشتغل بنظام 4g فهل من الحكمة اني اروح اخذ جهاز يشتغل
على نظام الفور جي واحنا ما عندنا الياف بصرية في قطر :court:

او لأني بتواجد في دولة تتمتع بالنعمة هذي لشهر ادفع مبلغ في احدث
جهاز يشتغل على النظام هذا وارد قطر واخليه في الدرج :eek3:

عقدة حب نوكيا تحول الى عقدة حب ايفون ،،
ولله الحمد عمري ما حبيت نوكيا بديت مع سامسونج وسوني اريكسون
وتوقفت مع نظام اندرويد ،، بنشوف وين بنوصل :whistling:

[النــادر]

انا عندي الجهاز واستخدامه فوق الممتاز اللي اعجبني فيه البطاريه تجلس معي اكثر من يوم

طبعاً استخدامي للحاجه ... وحقيقه الاتصال ممتاز والصوت واضح والصوت الخارجي ممتاز

والتصفح جربته مع اني لا اعتمد عليه لكن ممتاز ..

بالتوفيق للجميع

[AlWakRa]

للي جربوا هالجهاز,,
شالفرق بين الايفون والجالكسي؟
وفيه اب ستور نفس الايفون ؟؟
مشكورة كريستال ع الموضوع :)

أول فرق راح تلاحظينه هو تعدد الأجهزة اللي تحمل نظام الأندرويد ، تقدرين تختارين بين الأجهزة الصغيرة قليلة المواصفات ، إلى الأجهزة المتوسطة واللي تحمل تقنية أصبحت عادية هالأيام ، وبالنهاية الأجهزة المجهزة بأحدث التقنيات الموجودة حالياً
ثاني شي ، لا يوجد أي حاجة لوصل الجهاز بالكمبيوتر أبداً أبداً ، إلا إذا تبين تنقلين ملفاتج إلى الجهاز ، بس افتحي لج خدمة انترنت الجوال أو اعتمدي على الواي فاي لتحديث الجهاز ووصله بأكاونت خاص لج بالجيميل
وبعدين الماركت موجود فيه وفيه تطبيقات كثيرة ، الماركت تم فتحه في قطر ففيه تطبيقات مدفوعه وتطبيقات مجانية ، الماركت في نمو وتطبيقاته كثيرة تتحدث فيه يومياً ، والكثير من تطبيقات الآيفون يتم تطويرها للأندرويد أيضاً

هاي كل شي باختصار



اتفق معاك يا الوكرة ،، واخر خبر قريته ان الديزاير اتش دي نزل له تحديث لخبز الزنجبيل
ضحكني هالمصطلح بس الظاهر له معنى عندهم باللغة الانجليزية ،،،،

مافي شي اسمه اقوى جهاز ،، هناك ما يسمى ما يميز الجهاز,, وكل حسب
حاجته ياخذ الجوال ،، الحين لو بنتكلم عن اطور جهاز جوال اكيد الأجهزة
اللي تشتغل بنظام 4g فهل من الحكمة اني اروح اخذ جهاز يشتغل
على نظام الفور جي واحنا ما عندنا الياف بصرية في قطر :court:

او لأني بتواجد في دولة تتمتع بالنعمة هذي لشهر ادفع مبلغ في احدث
جهاز يشتغل على النظام هذا وارد قطر واخليه في الدرج :eek3:

عقدة حب نوكيا تحول الى عقدة حب ايفون ،،
ولله الحمد عمري ما حبيت نوكيا بديت مع سامسونج وسوني اريكسون
وتوقفت مع نظام اندرويد ،، بنشوف وين بنوصل :whistling:

GingerBread = خبز الزنجبيل ، نوع حلى عندهم خخخخ
صحيح ، الديزاير اتش دي ، تم اصدار خبز الزنجبيل له ، ويتوقع أن يكون آخر تحديث له حالياً ، مع ذلك المطورين ما يقصرون بالنسخ الجديدة بس مشكلة الـ HTC إن البوتلودر (اللي يساعد على تغيير الرومات) مقفل من الشركة /// خلاص خلاص بوقف ، مب كل واحد يبي يغير ويلعب بالرومات ويجرب نفسي خخخخخخ

وصحيح ، الـ 4G مثلاً ماله لزمه حالياً ، إلا بعد سنتين ثلاث اربع ، حزتها بنغير اجهزتنا إلى أجهزة تدعم تقنية الاتصالات الموجودة عندنا ، وإن شاء الله أنشوف الأندرويد مكتسح السوق عندنا ، أو على الأقل يكون له نصيب من السوق ووزن ، مب الحين ، كل اللي نعرفه من الناس آيفون وبلاكبيري وفي ناس للحين نوكيا هههههه



انا عندي الجهاز واستخدامه فوق الممتاز اللي اعجبني فيه البطاريه تجلس معي اكثر من يوم

طبعاً استخدامي للحاجه ... وحقيقه الاتصال ممتاز والصوت واضح والصوت الخارجي ممتاز

والتصفح جربته مع اني لا اعتمد عليه لكن ممتاز ..

بالتوفيق للجميع

المتصفح اللي فيه أسرع متصفح (حالياً) على مستوى الأجهزة الكفية وأجهزة التابلت ، ويعطي تجربة كامله مع دعم الفلاش وكل شي ، بس عيبه بعدم دعم العربية + النسخة المضاف لها دعم العربية فيها اشوية مشاكل مع المواقع الثقيلة ، بس بالنهاية هالمشاكل راح تنحل مع روم الشرق الأوسط الرسمي

أنا أستخدمه كجهازي الرئيسي [بالرغم من أني شغلته بكرت الثاني أول شي وخلال نص ساعة حولته إلى الكرت الرئيسي خخخخخ] والجهاز ما في مثله ، خصوصاً إن عندي حزمة انترنت الجوال وهذي بحد ذاتها مخليتني أستفيد من الجهاز أكبر قدر ممكن

لذلك شريت له كفر وشريت له حماية للشاشة لأن استخدامي من العيار الثقيل جداً وخايف عليه ههههه

[anas.7779]

لو سمحتوا ممكن تقولون لي كم سعره في الدوحه ووين الاقيه

[سهم قطر]

منو جربة يفيدنا

[AlWakRa]

^
^

من أي ناحية ؟؟ علشان أقدر أفيدك أكثر ، معلومات عامة عن النظام موجودة ، وجهاز الجالاكسي 2 خفيف وسريع وما شفت منه أي مشكلة إلا الدعم العربي (لأن جهازي بريطاني وما نزل عندنا للحين) ، لما ينزل عندنا راح يكون دعم اللغة العربية 100%

[ام السعف]

gingerbread = خبز الزنجبيل ، نوع حلى عندهم خخخخ
صحيح ، الديزاير اتش دي ، تم اصدار خبز الزنجبيل له ، ويتوقع أن يكون آخر تحديث له حالياً ، مع ذلك المطورين ما يقصرون بالنسخ الجديدة بس مشكلة الـ htc إن البوتلودر (اللي يساعد على تغيير الرومات) مقفل من الشركة /// خلاص خلاص بوقف ، مب كل واحد يبي يغير ويلعب بالرومات ويجرب نفسي خخخخخخ

وصحيح ، الـ 4g مثلاً ماله لزمه حالياً ، إلا بعد سنتين ثلاث اربع ، حزتها بنغير اجهزتنا إلى أجهزة تدعم تقنية الاتصالات الموجودة عندنا ، وإن شاء الله أنشوف الأندرويد مكتسح السوق عندنا ، أو على الأقل يكون له نصيب من السوق ووزن ، مب الحين ، كل اللي نعرفه من الناس آيفون وبلاكبيري وفي ناس للحين نوكيا هههههه



مع اني ما استخدمت رومات مطبوخة ابدا ،، الا ماركت حملته واشوف مب راضي يشتغل
فهل هذا له علاقة بالتسكير ؟

وليش الشركة سكرت البوت لورد ؟

المطورين يتجهون صوب حرية التطوير دون قيود او مصاعب،، واللي يميز
الاندرويد انه سهل وحرية التعامل معاه سهل وسلسل ،، فمب عارفة ليش
الشركة سكرت البوت لورد ،،

وتعتقد يا الوكرة الحركة هذي راح تجتذب المطورين والطباخين (هيهيهي )
صوب جالكسي اس 2 ؟

ويقال ان مدير الشركة قال فهمتكوا ،، وانه بيسمح ببعض من الطبخات(هيهي)
من الولوج من خلال منتجاتها ،،،

بس تقدر لو سمحت لي يا الوكرة تقول لي عن اتش تي سي سنسيشن
شنهي سالفته ؟

[Muslim Investor]

يعطيكم العافية على هالنقاش الحلو

بس بصراحة فيه اشياء مافيهمتها .. يعني ايش رومات؟!
أنا استخدم الاندرويد من حوالي 5 شهور ومرتاح عليه
بس الجهاز مواصفاته ضعيفة
فباغيره الحين وأفكر بالجلاكسي
بس حاب افهم يعني شنو رومات واشلون استخدمها

بالمناسبة جلاكسي 2 نزل الدوحة (شفته في بوت سامسونج في اللاند) وسعره 2999 ريال

تحيتي

[ام السعف]

يعطيكم العافية على هالنقاش الحلو

بس بصراحة فيه اشياء مافيهمتها .. يعني ايش رومات؟!
أنا استخدم الاندرويد من حوالي 5 شهور ومرتاح عليه
بس الجهاز مواصفاته ضعيفة
فباغيره الحين وأفكر بالجلاكسي
بس حاب افهم يعني شنو رومات واشلون استخدمها

بالمناسبة جلاكسي 2 نزل الدوحة (شفته في بوت سامسونج في اللاند) وسعره 2999 ريال

تحيتي

حسب فهمي البسيط ،، ان الرومات المطبوخة ،، هي عبارة النظام
بنفس النسخة بس المبرمجين ضافوا لها امور هم يرغبون فيها ،،

يعني اللحين الجالكسي مب معرب،، ممكن يعربونهم عن
طريق طبخ روم جديد واضافة اللغة العربية له ،،

وفي مبرمجين يطبخون ( حلو يطبخون ) رومات تتوافق مع برامج
معينة مثل برامج المحادثة او الاتصال او غيره او غيره،،

وان كان فهمي غلط اتمنى من الوكرة تصحيحه او اي حد ثاني ،،

سؤال فضول : شنهو نوع جهازك اللي تقول عنه مواصفاته قليلة ؟

[Muslim Investor]

مشكورة يا ام سعف

جهاز جلاكسي 551 (الصغير اللي تاش وكيبورد)

بس ما قلتي لي وين احصل هالرومات واشلون اركبها؟

[ام السعف]

مشكورة يا ام سعف

جهاز جلاكسي 551 (الصغير اللي تاش وكيبورد)

بس ما قلتي لي وين احصل هالرومات واشلون اركبها؟

العفو ،،

بس اصحح شي ،، كنت اتكلم مع ولدي اليوم ،، قال لي ان اللغة تضاف لنفس
نسخة الشركة من نظام الاندرويد يعني لنفس الروم ،، ما يحتاج طبخ روم يديد ،،

لكن وين تلقى هالرومات واشلون اتركبها
الكذب خيبة ،، ما قط جربت ابدا ،، حتى الحركة اللي سويتها
اطلعت مالها خص في تركيب الرومات ،، طلعت اللهم اضافة ماركت
مكسور الحماية على جهازي ،،

كل اللي فهمته من ولدي اليوم ،، ان لكل روم راديو ،، ولازم اتركب الراديو
اول شي وعقب اتركب الروم ،،وكل هذا يعتمد على فتح البوت لورد
اللي حسب كلام ولدي انه مفتوح ،،يعين الشركة افتحته خلاص :telephone:

لكن هل هذا صعب ؟
اقول لك مب صعب ابدا ،، ولدي الكبير كان عنده htc hd 2 - 7
فرقم 7 لو شفته مع اي جوال يعني الجوال يشتغل على نظام ويندوز 7

حاول ينزل عليه الاندرويد من طريق الوكيل قالوا له ما يصير ما يصير
ومب متذكرة بالضبط شنهي المشكلة ،، الموضوع هذا كان بعد شهر
رمضان تقريبا يمكن او مع قرب عيد الأضحى ،،

دخل النت ،، عسس فيه وقلب فيه .. وكل يوم مسيطر على كمبيوتري
الكبير وحارمني منه ،، لين شفته عقب كم اسبوع فرحان انه فرمت جواله
ونزل عليه الاندرويد ،، وعقب فترة سافر يكمل دراسته رد اجازة عندنا
الا هو متعلم سالفة الرومات ،، واليوم مب محتاجين نسأل اهنيه او هناك
لأي جهاز يشتغل بالاندرويد ،،
من وين تعلم كل هذا ؟

من النت ،،

كل ما هو مطلوب منك ،، تبتدي اول خطوة بانك تتعرف على مواصفات جوالك
ونظام تشغيله وتبحث عن سبل ترقيته او تبديل النظام فيه ،، وبتلقى شروحات كثيرة،،
سواء باللغة العربية او الانجليزية ،،

وان شاءالله في رد لاحق بعد ردي هذا راح احط نموذج منقول لقيته في النت عن
شرح تركيب روم بالصور مع شرح اساسيات مهمه في الاندرويد

فاستعد :shy:

[ام السعف]

تم تقسيم الموضوع إلى مراحل :-
المرحلى الاولى : اساسيات لابد ان تعرفها
المرحلة الثانية : التركيب
المرحلة الثالثة : اخطاء شائعة + حلول


بالبداية كما تعلمون ان الجالكسي اس يمتلك مواصفات قوية في الهاردوير لكن امام هذي المواصفات القوية اغلبنا عانى من البطء والتعليق البسيط في اصدارات الجالكسي وذلك بسبب الملفات التي تستخدمها سامسونج في النظام
خصوصا اصحاب اصدار 2.2 يعانون بشدة من التهنيق ، والقلة من اصحاب 2.1


اليوم بذلت كل ما استطيع من اجل ان اجعل هذا الشرح بالتفصيل للمبتدئين لمعرفة كيفية تركيب الرومات والملفات على الجالكسي اس بنجاح وبشكل ممتاز ..


وبعد مايتم تركيب الروم المطور بنجاح على الجالكسي ، راح تنبهر من سرعة الجالكسي واداءه الجميل ، وراح تحس فعلا بقوة هذا الجهاز ..
انت تبي شيء جميل ، لذا حاول تتعلم لتستفيد ، مع العلم ان الخطوات بسيطة لكن كتبتها بالتفصيل وبكذا صارت طويلة
ولا تخـاف قو قلبك ، وجهازك ماراح يخرب ان شاء الله ..
وإذا خرب الحلول موجودة ..


لكن حاول تقرأ الموضوع كله من اوله لآخره قبل التركيب ، لين تستوعب زين
ولا تسوي اي خطوة الا بعد التأكد من فعالية الازرار الثلاثة في جهازك


واللي عنده الازرار الثلاثة غير مفعلة يعلمني افيده بالطريقة لتفعيلها



المرحلة الاولى :


قبل لا نبدأ بالشرح فيه بعض الامور و المصطلحات لابد ان نعرفها جميعا :
Room : اصدار النظام
Root : بمثابة كسر حماية النظام ، لكي يتيح لك التعديل واضافة وإزالة ملفات النظام


الازرار الثلاثة لابد ان تكون مفعلة في جهازك :-
عند اطفاء الجوال هناك وضعيتن يمكننا الدخول إليهما :
1- وضعية الـ download : بحيث تتيح لك تركيب الرومات
طريقة الاستخدام : اضغط على زر خفض الصوت + زر الهوم (اللي بالوسط ) + زر البور (تشغيل الجهاز ) جميعها مع بعض
راح يطلع مثل اللي بالصورة


http://www.3rbco.net/uploads/13077399762.jpg


2- وضعية الريكوفري : تعديل واضافة وتثبيت ملفات النظام
طريقة الاستخدام : اضغط على زر رفع الصوت + زر الهوم( الوسط ) + زر البور ( تشغيل الجهاز )
راح يطلع لك مثل اللي بالصورة

http://www.3rbco.net/uploads/13077399761.jpg


الحين خلصنا من بعض الامور الاساسية اللي لازم يعرفها اي شخص يبي يطور النظام
نجي للامور الفنية


دائما وابدا قبل تركيب اي روم على الجهاز ، خل جهازك يكون نضيف من كل شيء ، لكي لا يحدث تعارض اثناء التركيب ، يعني احسب حسابك وسو نسخة احتياطية لملفاتك المهمة على الكمبيوتر ..


اللي عليك تسويه :
1- اعادة ضبط المصنع
الطريقة : الذهاب إلى الضبط + الخصوصية + اعادة ضبط المصنع


2- فورمات الجهاز
الطريقة : من الجالكسي رح للهاتف وادخل هالكود من اليسار لليمين : #*3855*2767*
كما في هذا المقطع [ اضغط هنا ]....> انسخ السطر التالي في يوتيوب
How to factory format and reinstall the phone firmware in Samsung Galaxy S


بعد ماتسوي فورمات وكل شيء وجهازك يكون نظيف
الله لا يهينك سو روت للجهاز
نحمل برنامج z4root من الماركت
او حمله من الرابط هذا
http://www.mediafire.com/?d7avaeskkqnk9x2




المرحلة الثانية :التركيب


فيه طريقتين للتركيب
جرب الاولى إذا مانفعت معك ، جرب الثانية


حمل ملف الروم المطور ، ( تم تطويره من قبل الدكتور هاني ، فله جزيل الشكر على جهوده )
للتحميل اضغط الرابط التالي :
http://www.mediafire.com/?glsq9kwrhdgitb7


بعد التحميل
انسخ الملف وهو مضغوط إلى سطح الذاكرة في الجالكسي


بعدين نحمل برنامج الاودين لانه يعتبر اساسي
حمله من الرابط

http://www.mediafire.com/?91e2x6ghm1ccjn2

بعد تحميل برنامج الاودين
نفتحه
ونروح للجالكسي وندخل على وضعية Download كما شرحناها سابقا ، طبعا للخروج من هذه الوضعية اضغط ضغطة مطولة على زر تشغيل الجهاز
لكن حاليا نبي ندخل على الوضعية من خلال الضغط على زر خفض الصوت + زر الهوم + زر البور


http://www.3rbco.net/uploads/13077399762.jpg

نشبك الكيبل بين الجالكسي والكمبيوتر
راح تلاحظ ان البرنامج اتصل مع الجالكسي وظهرة العلامة الصفراء اعلى البرنامج كما في الصورة

http://www.3rbco.net/uploads/13077399763.jpg


لابد ان تكون العلامة الصفراء موجودة دائما عند قيامك في اي شيء بالاودين ، لمعرفة ان الجهاز متصل بنجاح


إذا لم يتعرف البرنامج على الاودين ، حاول تطفي الاودين وتشغله ثاني مرة وتشبك الكيبل بالجالكسي
او من الجالكسي رح للضبط + التطبيقات + التطوير + حط علامة صح عند اول وحدة


واشبك الكيبل ، وإن شـاء الله يتعرف عليه البرنامج


نحمل ملف الفودو
للتحميل اضغط الرابط التالي

http://www.mediafire.com/?88ctwjdsn262lad


نركب الفودو في برنامج الاودين كما في الصورة


http://www.3rbco.net/uploads/13077399775.jpg


ثم نضغط على Start لتركيبه بالجهاز


بعد مايتم التركيب بنجاح ، نفصل الكيبل عن الجالكسي


وندخل على وضعية الريكفري لتثبيت ملف الروم المطور


نضغط على زر رفع الصوت + زر الهوم + زر البور
راح تظهر لنا هالشاشة



http://www.3rbco.net/uploads/13077399761.jpg

طبعا للتنقل بين هذه القوائم بالضغط على ( ازرار رفع وخفض الصوت )
بعد الدخول على هذه شاشة الريكفري
نختار wipe data/ factory reset
ومن ثم نرجع للريكفري ونختار install zip from
ثم اختر choose zip from sdcard
ثم اختر الروم blue1.2I9000JPJPG.zip


بعد مايتم تثبيت الروم بنجاح
نختار reboot system now


سيتم اعادة تشغيل الجهاز ، انتظر دقائق
وهكذا تم تركيب الروم بنجاح واستمتع بالروم المطور


اخطاء شائعة قد تحدث :-
اثناء التشغيل يظهر لك صوت امرأة تقول ( The system not avaliable )
الحل انك تعيد تثبيت الروم من وضع الريكفري في الخطوة الاخيرة
راح يطلع صوت المرأة ثاني مرة ، انتظر دقائق وراح يشتغل الجهاز ان شاء الله



الطريقة الثانية للتركيب ، ان لم تنجح الاولى
حمل الكيرنل
من الرابط
http://www.mediafire.com/?x4oh9kagwama64i


نفتح برنامج الاودين ونحط الكيرنل فيه كما في الصورة



http://www.3rbco.net/uploads/13077403121.jpg


ندخل على وضع الـ Download من خلال الطريقة السابقة
ونشبك الكيبل بالجهاز
بعد مايتم الاودين التعرف على الجالكسي ، نضغط Start


بعد ماتم تركيب الكيرنل بنجاح
نفصل الكيبل ونختار install zip from
ثم اختر choose zip from sdcard
ثم اختر الروم blue1.2I9000JPJPG.zip
ونعمل الخطوات السابقة
وهي الدخول على وضع الريكفري


طبعا عند اختيار احد القوائم في وضع الريكوفري مع استخدام هذا الكيرنل ، غالبا يكون زر الاختيار هو ( زر الرجوع



وراح يتم التثبيت بنجاح



المرحلة الثالثة :


قد يحصل خلل او مشكلة بالجهاز سواء لا يشتغل الجهاز او خلل اخر
الحل انك تشيل بطارية الجالكسي ، وتنتظر دقيقتين
وشغل الجالكسي بالدخول على وضع ال Download


نفتح برنامج الاودين ، وشبك الجالكسي بالكيبل


نرجع الجهاز إلى الروم الرسمي من سامسونج
نحمل هذا الروم http://www.multiupload.com/7FEESNQ0U0


لفك الضغط samfirmware.com


ونحطه بالاودين كما في الصورة


http://www.3rbco.net/uploads/13077399764.jpg


ونضغط Start
بعدها يتم تركيب الروم بنجاح ان شاء الله


أو
نحمل الروم هذا بالطريقة الاخرى :
http://www.4shared.com/file/oowiukbF...o_version.html
او
http://www.multiupload.com/U8BRA0UTZH
الباسود samsung-firmwares.com


ونعمل كما في الصورة


http://www.3rbco.net/uploads/13077403621.jpg


طبعا ملف الـ pit موجود داخل ملف الاودين اللي حملناه في السابق
وباقي الملفات موجودة في ملف الروم الرسمي في الاعلى



بعد تحميلك احد هالرومين ، إن حبيت تركب الروم المطور بعدها ارجع لنفس الخطوات السابقة لتركيب الروم المطور


الحياة تجارب حاول لين تقول بس




بعد مايتم تركيب الروم المطور بنجاح ، غالبا راح يكون الروم انجليزي
نعمل اعادة ضبط المصنع للجهاز من خلال هالطريقة بالجالكسي :
Settings + privacy + factory data reset


ولاختيار اللغة العربية هذي الطريقة :
settings + Locale and text + select locale + Arabic


قد تجد بعض الايقونات ناقصة في سطح المكتب
اضغط ضغطة مطولة على سطح المكتب + نختار ثاني وحدة الاختصارات + التطبيقات
او اضغط زر الخيارات + بعدين اضافة + الاختصارات + التطبيقات



وبعدها تمتع بسرعة الجالكسي وراح تشوف الفرق كيف




اتمنى ان الجميع استفادوا من هذا الموضوع
اللي اخذ من وقتي الكثير طلعا ليس وقتي انما وقت صاحب الموضوع وهو t3bk ra7a من الانترنت الرقمية


الى اللقاء



المصدر: منتديات عربكو التكنولوجي - من قسم: ترقيات وتحديث هواتف الاندرويد Android

[ام السعف]

اممم

عقب ما نسخت الموضوع المنقول ،، وقريته ،، شي يقول لي اجرب
العب في جالكسي اس اللي عندي لأنه بالفعل غثيث ويفقع المرارة وخاصة
في التصفح مع شبكة فودافون :( ومرات كثيرة ما يقبل التصفح :(

يبي لي تشجيع :(... قبل ما اجرب واعفس الدنيا :(

[Muslim Investor]

يعطيج العافية يا ام سعف

بصراحة .. شرح وافي .. لكنه يخرع :)
أفضل أروح بعيد وأرجع سالم .. وآخذ لي جهاز من الأصل سريع بدون ما اطلع مصارينه
:)

تحيتي

[ام السعف]

يعطيج العافية يا ام سعف

بصراحة .. شرح وافي .. لكنه يخرع :)
أفضل أروح بعيد وأرجع سالم .. وآخذ لي جهاز من الأصل سريع بدون ما اطلع مصارينه
:)

تحيتي

صدمتني :anger1:

خلاص انتظر جالكسي اس 2 ..............> للحين هو الأفضل
حسب كلام اللي شافوه وجربوه :telephone:

[AlWakRa]

اسمحولي على التأخير

المهم ، الرومات المطبوخة ، مثل ما قالت أختي أم السعف ، تضيف فيها مزايا أو تشيل ، يعني مثلاً لو رحنا للجالاكسي اس الأول ، معظم المطورين يشلون التتش ويز (واجهة السامسونج) ويشيلون برامج السامسونج اللي مالها لزمة ، ويخلون الروم أخف من قبل ، في مطورين ثانيين ، يستخدمون نسخة خام من الأندرويد مثل اللي على أجهزة جوجل نكسس ، ومنها يطورون توافقية النسخة مع الجهاز اللي يبونه ، مثل Cyanagon عندهم روم مطور من الصفر عن طريقه ويستخدمون تعريفات الأجهزة ليحطونها للنسخة وتناسب أجهزة مختلفة

أما عن البوت لودر المسكر ، نفس HTC وموتورلا ، هم يسكرونه علشان يمنعون تغيير الروم ، أعتقد السبب أكثر لعدم وجود مشاكل من الرومات المطبوخة ، بعض الطباخين ما يدرون شالطبخة ويحرقونها أشوي أو يزيدون الملح فلذلك يدمرون لك الجهاز بالاجهاد الزائد لهاردوير الجهاز ، بس في طباخين معروفين ومختلفين يعرفون الطبخة صح ومضبطين الوصفة والمقادير ، ولذلك البعض ياخذ الطريق السالم بالبوتلودر المغلق والآخرين يخلون للمشتري الحرية بذلك مع شرط الضمان اللي يطيح لما تغير الروم

سامسونج ، البوت لودر مفتوح ، وأرسلت أجهزة لأحد المطورين بعد ، ونشرت الكود المصدري لنظامها على النت ، يعني تقريباً قدمت كل شي يحتاجونه المطورين لذلك ، فأعتقد إن هالسياسة وايد وايد ممتازة وذات فائدة لهم، لأن معظم اللي يروح للمصادر المفتوحة ليس إلا للحرية اللي يجدها ، البعض قد ينتقل بس لأنه راح يقدر يجرب كل يوم روم جديد وراح يشوف اضافات حلوة للنظام

في ناس مرتاحين مع رومات الشركة ببعض التعديلات مثل اللاق فكس ، وفي ناس يحبون يستخدمون الجهاز بنظام الأندرويد الخام المصدر من قبل المطورين ، عن نفسي ناطر روم Cyanagen اللي قاعدين يشتغلون عليه حالياً ، هم يستخدمون اندرويد خام وبنفس الوقت فيه دعم عربية 100% ، وبنفس الوقت ناطر روم الشركة العربي اللي للحين ما راضي ينزل


نروح لتغيير الرومات ، قبل لا واحد يفكر بتغيير الرومات لازم يآخذ نسخة احتياطية من برامجه ومن رسايلة وأساميه ... الخ ، لأن بعض الرومات يبيلها مسح لكل البيانات ورومات ثانية ما يحتاج لها ، وإذا شخص يبي روم مستقر ، يشوف بمنتديات المطورين والمهتمين بها مثل الكمبيوتر الكفي وراح يشوف آراء المشاركين وإن كان في أي مشاكل بالروم ... الخ ، بهالطريقة الواحد يقدر يستفيد ويعرف الروم قبل لا يجربه ، والحجات الأساسية في تغيير الرومات هو الـ Wipe data والـ Wipe Cache ، يمسحون المعلومات بس يساعدون مع بعض الرومات بعدم وجود أي مشاكل ، الـ Download mode أو البوت لودر ، وهو الوضع اللي يمكنكم من تحميل الرومات عليه ، وبرنامج الأودين للسامسونج (وفي برامج مختلفة للأجهزة الأخرى) ، في خطوات ثانوية يذكرها المطورين إن كنت تحتاجها ، مثلاً ببعض الرومات يتطلب الرجوع إلى الروم الرسمي رقم 2.2 مثلاً ، وبعدين يتم الانتقال إلى الروم المطبوخ، فالأهم من كل هاي تعرفون الحجات الأساسية واتباع الخطوات المذكورة بالتعليمات الخاصة بالروم المطبوخ


والله يخليلج ولدج الكبير يا أم السعف ، شكله حاك النت حك ، وحلو إنه يستفيد ، والله يوفقه وانشوفه مبرمج كبير :)

[ام السعف]

اسمحولي على التأخير

والله يخليلج ولدج الكبير يا أم السعف ، شكله حاك النت حك ، وحلو إنه يستفيد ، والله يوفقه وانشوفه مبرمج كبير :)

مسموح والله يبارك فيك وييسر لك امورك ،، ويخلي لك اللي يعزون عليك ،،

تخصصه هندسة كهربية الكترونية ،، عني فرحانة فيه لأنه بالفعل اشوفه
تغير بدأ يفكر اشلون يخدم نفسه بنفسه من خلال الاطلاع في النت،،

وان شاءالله يواصل في كل المجالات :shy:

وشلكي اشجع نفسي اغير الروم في الجالكسي اس،، بس يبي لي وقت
اقنع نفسي وابتدي :shy:

[شمعة الدوحه]

عندي لكم خبر حلووو ..

الجالكسي اس 2 نزل في الكشك اللي بالسيتي مقابل الصيدليه

واللي موب حلو ..

انه موب معرب :(

[ام السعف]

عندي لكم خبر حلووو ..

الجالكسي اس 2 نزل في الكشك اللي بالسيتي مقابل الصيدليه

واللي موب حلو ..

انه موب معرب :(

انطروا عليه اشوي ،، اولا بينزل معرب ثانيا بينزل سعره :shy:

[شمعة الدوحه]

انطروا عليه اشوي ،، اولا بينزل معرب ثانيا بينزل سعره :shy:

تعبت وانا انطر

تلفوني مخبط وابغي اغيره :(

[qtr-1234]

شمعه الدوحه كم سعره ؟؟؟

[شمعة الدوحه]

شمعه الدوحه كم سعره ؟؟؟

كأنه قالي 2700
موب متأكده

بس بغيت اسأل اخوي الوكره
اذا موب معرب يعني ماراح توصلني مسجات بالعربي ؟؟
وهل أقدر أعربه
والا تنصحني انطر المعرب

[Galbi]

كأنه قالي 2700
موب متأكده



انا رحت له يوم الاحد ولقيت التلفون عندهم وقال لي بـ 2700 وانجليزي
وسألته متى بينزل العربي ؟

قال لي ما راح ينزل بالعربي اصلاً !!!!


على كيـــــفه الحبيب ، بروحها شركه سامسونج اعلنت ان النسخه العربيه بتوصل على شهر 6 و 7
ويايني هالفلبيني يقول لي ما بتنزل نسخه عربيه

[شمعة الدوحه]

انا رحت له يوم الاحد ولقيت التلفون عندهم وقال لي بـ 2700 وانجليزي
وسألته متى بينزل العربي ؟

قال لي ما راح ينزل بالعربي اصلاً !!!!


على كيـــــفه الحبيب ، بروحها شركه سامسونج اعلنت ان النسخه العربيه بتوصل على شهر 6 و 7
ويايني هالفلبيني يقول لي ما بتنزل نسخه عربيه

كلمت سامسونج اللي بالنصر اليوم

وقالي موجود بــ 2699

وبالنسبه للعربي قالي يقدر يخليه لي عربي

ناويه اروح هاليومين ان شاء الله

[شمعة الدوحه]

للتصحيح

انا قلت انه بيسوي لي اياه عربي

طلع النسخه العربيه اولريدي موجوده عندهم :)

على بالي انه بيعربونه

[AlWakRa]

رفيجي شرى الجهاز وشفته ، الجهاز عربي :)

وسعره 2700 ريال إلا ريال ، بس احتمال تلاقون أخطاء بالتسميات نفس الايميل مكتوب تحته (ساعة مزدوجة ههههه)


أما إن ما كان معرب ، فأكيد يصير عربي ، تغيير الروم والأمور طيبة :) أو تنزيل برامج ثانوية لتعريب الأسماء والرسائل مؤقتاً إلى نزول الروم رسمياً -حسب معلوماتي إن عندنا بقطر بس نازل عربي-


ودام عليه الضمان الوكيل ملزم إنه ينزل لكم الروم العربي الجديد لما ينزل




ومبروك عليكم الجوال ، والله يهني كل من شراه ومن بيشتريه

[AlWakRa]

إلا صح تذكرت


بالنسبة للي شروا الجوال ، يطلع مثلث أصفر عند تشغيل الجهاز ، أول ما يكتب Galaxy S II

[ام السعف]

إلا صح تذكرت


بالنسبة للي شروا الجوال ، يطلع مثلث أصفر عند تشغيل الجهاز ، أول ما يكتب Galaxy S II

يالوكرة اسمح لي اسئلك :
لما سألت ولدي عن سبب وجود برامج معينة في ماركت جواويل
وعدم وجودها في جواويل ثانية مع انهم كلهم يشتغلون على الاندرويد
قال لي هذا يرجع لنسخة الاندرويد الموجودة ،،

فإن كان كلامه يلامس الحقيقة ،، هل الجالكسي اس 2 بما انه يستخدم
احدث نسخة للاندرويد واللي هي 3.1 ( صح ؟ )
هل البرامج كلها يبي لها وقت لما تترقى لمستوى نسخة الأندرويد ؟

اللحين اللي عندهم نسخة 2.3.3 خبز الزنجبيل
برنامج Msn talk & Msn mercury
مب موجودين في الماركت عندهم ،،

فاشلون مع النسخة 3.1 ؟

فهل هناك برامج خاصة لكل نسخة ؟

والا البرامج يتم تطويرها للتوافق مع النسخ الأكثر حداثة ؟

[PGR]

توني شاري التلفون من سامسونج اللي في اللاند

والشي الحلو انه نزل رسمي باللغة العربية

!!

2700 ريال 16 قيقا

[Galbi]

انتوا متأكدين انه تعريب رسمي ؟

يعني مب المحل نفسه هو اللي عربه ؟

لان سمعت ان التعريب خرابيط وفيه اخطاء حتى في مسميات البرامج المعربه

[AlWakRa]

يالوكرة اسمح لي اسئلك :
لما سألت ولدي عن سبب وجود برامج معينة في ماركت جواويل
وعدم وجودها في جواويل ثانية مع انهم كلهم يشتغلون على الاندرويد
قال لي هذا يرجع لنسخة الاندرويد الموجودة ،،

فإن كان كلامه يلامس الحقيقة ،، هل الجالكسي اس 2 بما انه يستخدم
احدث نسخة للاندرويد واللي هي 3.1 ( صح ؟ )
هل البرامج كلها يبي لها وقت لما تترقى لمستوى نسخة الأندرويد ؟

اللحين اللي عندهم نسخة 2.3.3 خبز الزنجبيل
برنامج msn talk & msn mercury
مب موجودين في الماركت عندهم ،،

فاشلون مع النسخة 3.1 ؟

فهل هناك برامج خاصة لكل نسخة ؟

والا البرامج يتم تطويرها للتوافق مع النسخ الأكثر حداثة ؟


خليني أوضح أشويه

الأندرويد الخاص بالجوال ، أحدث نسخة له هي كرك وزنجبيل -جنجربريد- 2.3.4 والمتوفرة رسمياً فقط في جوالات النكسس حالياً ، وقريباً بيتوفر على الجالاكسي اس الأول والثاني ، وباقي الشركات أيضاً ، وفي منه رومات مطبوخة للمعظم أجهزة الأندرويد
والنسخة الجديدة أعلنوا عنها باسم عسكريم -آيس كريم- بس للآن مش معروف رقمها ، هل راح تكون 2.4 وإلا بتكون 4.0 ، وأيضاً ما أتذكر إن كانت بتكون خاصة بالجوال أم بيكون نظامها مرن ليكون على الجوال والتابلت


الجالاكسي اس 2 النسخة اللي عليه هي 2.3.3 جنجربريد والتطبيقات اللي حملتها جميعها شغالة 100% ، يمكن تظهر برامج مب متوافقة بسبب قدمها وعدم تحديثها


نظام الهوني كومب -قرص العسل- اللي هو 3.0 والحين بعد التحديث الأخير صار 3.1 -متوفر فقط عند موتورلا زوم تي موبايل حالياً- هو نظام اندرويد مخصص للتابلت ، والنظام الصراحه وايد وايد حلو وممتاز ويغني عن الكمبيوتر ، وما راح يتوفر على الجوالات :)



pgr ، تراني مشبه عالاسم ، ومبروك الجالاكسي تكسره بالعافية



يا قلبي ، التعريب رسمي من الوكيل ، ورقم الاصدار رقم رسمي ، بس المرجح إنه مش نسخة كاملة والوكيل حسب اللي عرفته إنه ما حب ينزله بدون العربي فلذلك وفره بالأجهزة
أنا رحت ونزلت من عنده النسخة ورفعتها بالنت للشباب بالكمبيوتر الكفي خخخخ ، يعني اللي طالب من بريطانيا يقدر يعرب جهازه بدون مشاكل

[ام السعف]

خليني أوضح أشويه

الأندرويد الخاص بالجوال ، أحدث نسخة له هي كرك وزنجبيل -جنجربريد- 2.3.4 والمتوفرة رسمياً فقط في جوالات النكسس حالياً ، وقريباً بيتوفر على الجالاكسي اس الأول والثاني ، وباقي الشركات أيضاً ، وفي منه رومات مطبوخة للمعظم أجهزة الأندرويد
والنسخة الجديدة أعلنوا عنها باسم عسكريم -آيس كريم- بس للآن مش معروف رقمها ، هل راح تكون 2.4 وإلا بتكون 4.0 ، وأيضاً ما أتذكر إن كانت بتكون خاصة بالجوال أم بيكون نظامها مرن ليكون على الجوال والتابلت


الجالاكسي اس 2 النسخة اللي عليه هي 2.3.3 جنجربريد والتطبيقات اللي حملتها جميعها شغالة 100% ، يمكن تظهر برامج مب متوافقة بسبب قدمها وعدم تحديثها


نظام الهوني كومب -قرص العسل- اللي هو 3.0 والحين بعد التحديث الأخير صار 3.1 -متوفر فقط عند موتورلا زوم تي موبايل حالياً- هو نظام اندرويد مخصص للتابلت ، والنظام الصراحه وايد وايد حلو وممتاز ويغني عن الكمبيوتر ، وما راح يتوفر على الجوالات :)





طيب ليش وحدة مب قادرة اتنزل Msn talk & Msn mercury
على نسخة الجنجر بريد ؟
ولا السكايب ،،

عني نزلت السكايب تجربة من حول شهرين وزود من ماركت Applanet
وحذفته
لكن الماركت نفسه
اشوفه مب شغال الحين ،، وحسب ما سمعت انه يبي ينقل لسيفرفر يديد ،،

اما بخصوص التابلت الماترولا زوم xoom
اشوف اليهال متولعين فيه وطايحين لعب فيه وكل اشوي في يد واحد ،،
بس للحين ما قربته :shy:.............> ما حبيت هالأجهزة :(


والديزاير اتش دي نزل الجنجر بريد عليه ،، بس مب راضي
ينزل البرامج المذكورة بعد ؟؟!! شنهو الحل ؟

بما ان بنتكلم عن اندرويد خلنا نقول ان جوجل
انها وفرت ميزة الاتصال المرئي ما بين اجهزة تستخدم نظام الاندرويد
اعتقد برنامج talk المعني في هالميزة ،، صح ؟

لأن اي تحرك في مجال جوجل لازم يكون عن طريق الجي ميل ،،

وبعد خلني احط في الموضوع هذا خبر عن العملاق اندرويد ويقول :

شركات تطوير الألعاب تفضل أندرويد على أبل
woooow
خبر عجيييب
تقول التفاصيل ،،

أندرويد أصبح الحديث الشاغل للصناعات المختلفة




بالرغم من أجهزة أبل الحديثة iPhone وiPad وiPod Touch تعتبر فعلاً من منصات الألعاب الواعدة في صناعة الألعاب باعتراف شركات عريقة مثل نينتيندو، ولكن هذا لا يمنع أن شركات وأسماء أخرى كبيرة أعربت عن اعتقادها بأن نظام أندرويد يعتبر أيضاً منصة ألعاب رائعة قد تتفوق على منتجات أبل.

ومن بين هذه الشركات التي تدعم أندرويد:

1- NVIDIA

معالج Tegra 2 لشركة NVIDIA يعتبر المعيار الرئيسي لاستخدام أندرويد كمنصة ألعاب سواء للهواتف الذكية أو الكمبيوترات اللوحية، وهو المعالج الذي يقدم تجربة لعب عالية التحديد، كما أن المعالج يفتح للمستخدم إمكانية الوصول إلى متجر التطبيقات Tegra Zone والذي يمنح الفرصة للمستخدم الاختيار من بين العديد من الألعاب عالية التحديد.

2- GameStop

متاجر GameStop في أمريكا المتخصصة في الألعاب ستدخل قريباً عالم خدمات تشغيل الألعاب عبر الإنترنت بعد أن اشترت Spawn Labs لتنافس الخدمة الأبرز OnLive، وقد أوضحت سلسلة المتاجر أن لديها خطط طموحة لتقديم خدماتها على نظام أندرويد.

3- OnLive

تعاونت خدمة OnLive مع شركة HTC لتطوير جهاز Flyer، وهو الجهاز الذي يحظى بقبول كبير يتضح من طلبات الحجز المسبق له عبر المتاجر المختلفة.

4- سوني

تعتبر سوني من أكبر الداعمين لنظام أندرويد في دنيا الألعاب حيث قدمت جهاز Xperia Play "أول هاتف بلاي ستيشن" بجانب جهازين لوحيين أيضاً تابعين لمنصة PlayStation، وهي جميعاً أجهزة تعمل بنظام أندرويد وبما أنها أجهزة تابعة لمنصة PlayStation فبالتالي يمكن لمستخدميها الاستفادة من ألعاب PlayStation وتنزيلها كما يمكن لأصحابها الدخول على شبكة PlayStation Network.

5- Dell

تقوم بإنتاج العديد من الأجهزة التي تعمل بنظام أندرويد، كما أنها لم تنفي التقارير التي تتحدث عن تطويرها لكمبيوتر لوحي خاص للألعاب.

ولكن لماذا هذا الاهتمام بنظام أندرويد كمنصة ألعاب؟

الاهتمام ينبع من عدة محاور، فالمحور الأول هو أن تلك الشركات وغيرها تقدم خصائص وخدمات مستفيدة من أندرويد لعدم قدرته على أداء ذلك في أجهزة أبل المختلفة لعدة أسباب.

والمحور الثاني والأهم هو أن العديد من مطوري الألعاب أكدوا أن أندرويد يعتبر منصة أفضل بالنسبة للألعاب من نظام iOS كما أنها على الصعيد التجاري قد تحقق أرقام أكثر وهو ما أوضحته مؤخراً شركة Spacetime.

كما أن شركات أخرى مثل Gameloft و Rovioتدعم منصة أندرويد من خلال طرق أخرى من خلال التعاون مع أمازون لتقديم متجرها الخاص لنظام أندرويد.

هذي ميزة الاوبن سورس ،، ولا عزاء للمحتكرين والمقفلين :shy:

خاطري في كمبيوتر يشتغل بنظام الاندرويد :telephone:

[ام السعف]

يالوكرة ،،

على طاري الـ xoom

يوم سألت ولدي من كم يوم اذا كان الزوم اللي عنده ثري جي او لا

قال لي ازعل منج يالغالي : عندج جوال شغال على الاندرويد
واتروحين تاخذين تابلت ثري جي :(

حزتها ذكرني بامكانية تحويل الجوال لمودوم واير لس
يشل عدد اعتقد في الجالكسي كان مكتوب 5 اجهزة ،،

في حين اتذكر واحد كان فرحان انه شرى برنامج يحول الايفون مودوم :(
قلت له حلال عليهم الفلوس اللي اشفطوها منك احنا ببلاش عندنا ومع النظام ينزل ،،

فمن جذيه نقول للي يبي يشتري تابلت لا ياخذه ثري جي دام انه عنده جوال
شغال على الاندرويد نفس نظام جواله :)

[AlWakRa]

غريبة ، الماركت عندي شغال بدون أي مشاكل وموجودة عندي البرامج المدفوعة والبرامج المجانية بعد
بس رفيجي عنده الاس 2 ومب ظاهره عنده إلا المجانية للتصفح بس لما يسوي بحث يطلعون له الكل والتنزيل شغال عنده

وفي ماركت حلو اسمه 1 mobile تحصلين فيه برامج وايد بس ما جربت إذا فيه برامج مكركه نفس الأبلانت وإلا
وفي منتدى اسمه mobilism ينزلون فيه البرامج أول بأول بعد تكريكها :)

التابلت وايد حلو واستخدامه حلو ، بالنسبة لي ، دام الكمبيوتر موجود والجوال يقدر يسوي كل اللي بالتابلت ، فأشوف ماله أي لزمه
بس بديت أفكر فيهم بعد ما شفت الرزلوشن بدى يزيد وخصوصاً السامسونج الـ 8 انش ، مع الرزلوشن القوي 1280×800 راح يكون تصفح النت والايميل اريح ههه

أما عن الجي توك ، الميزة انضافت بالتحديث الأخير 2.3.4 بس المطورين ما قصروا وخلوه ممكن مع تحديثات الـ 2.3.3 وقبل ، بس يتطلب رووت للتحكم بملفات النظام
وصحيح ، جوجل وايد مهتمه عن طريق الجيميل ، تقدرين تقولين إنه طريقة التعرف على جهازج ، يعني أنا مسوي مليون مرة اعادة لضبط المصنع لجوالي خلال شهر خخخخ من كثر ما أغير الرومات ، وكل مرة لما أحط عنوان بريدي ببداية الضبط وأدخل الحساب ، ينزل لي الأسامي والمواعيد والبرامج اللي كنت منزلها ترد تنزل اوتوماتيكياً


أما عن الألعاب ، الاندرويد لعب لعبته ، مثلاً بسبب المصدر المفتوح ، الشركات المصنعة للجوالات مب ملزمة بمواصفات معينة ، فلذلك نجد تنوع بالمواصفات والفئات ، حلو ، سامسونج عندهم معالجهم الخاص فيهم (الاكسينوز) اللي على الجالاكسي اس 2 ، انفيديا عندهم معالجهم التيجرا2 والحين بعد شغالين على التيجرا3 رباعي النواة ، وبروسسر انفيديا موجود بالموتورلا اتريكس وزوم وموجود بالال جي اوبتيمس ×2 وفي معظم التابلتات الأندرويد ، مثل ما ذكرت الزوم والجالاكسي تاب 8 انش و 10 انش وبعد اسوس وأيسر وال جي أوبتيموس تاب ، نقدر نقول انفيديا مركزة أكثر على الهاردوير من الطلوع بجهاز خاص فيها ، انفيديا تسوق لمعالجها عن طريق طرح ألعاب حصرية ما تشتغل إلا عن طريق معالجهم ، اشلون ؟؟

كل معالج معاه معالج رسوميات (الـ GPU) ومواصفات معالج الرسوميات اللي بالانفيديا فيه خواص مفتوحة مب موجودة بمعظم معالجات الرسوميات الأخرى ، وهالخواص تستفيد منها الألعاب الحصرية على الجهاز ، مب شرط إن هالخواص تأمن أفضل أداء للرسوميات ، خصوصاً إذا عرفنا إن التيجرا 2 يدعم الفيديو فل اتش دي 1080p ولكن عند 24 فريم بالثانية ، بينما الاكسينوز والسنابدراجون (اللي على السنسيشن) يدعمون تشغيل الفيديوات افل اتش دي 1080p عند 30 فريم بالثانية ، يعني سلاسة أفضل بالصورة (وحسب معلوماتي إن في تجارب تقول إن العين البشرية عند 23.9 فريم بالثانية تعتبر اللي تشوفه حركته انسيابية) أي صورة سلسة من دون تقطيع أو تجمد

وعشان جذي انشوف توجه لبعض الشركات على استخدام معالجات انفيديا ، ونقدر نقول إن هاي ميزة تحسب له ، وتيجرا زون يحتوي على الألعاب اللي تشتغل فقط على معالجات تيجرا ، بس الله يخلي المطورين بعد خخخخخ ، حالياً أقدر أشغل على الاكسينوز ألعاب التيجرا بكل سلاسة


وممكن نقول من الحجات الباقية اللي ذكرتيها ، أقوى خبر لمحبي الألعاب هو خبر سوني ودعمهم للاندرويد بمتجر للبلاي ستيشن، خصوصاً بعد تقديمهم للاكسبيريا بلاي واعتقد إن البلاي ستيشن المحمول الجديد راح يتم تشغيله عن طريق الأندرويد


عن الكمبيوترات ، في نت بوكات توها نازله بنظام Chrome OS عبارة عن متصفح فيه كل الخدمات اللي تبينها هههه


والزوم ، توه من فترة بسيطة جداً انزلت نسخة الـ 3G ، عن نفسي حزات أفكر إن وجودها ميزة بدل عدمها ، بس أيضاً ميزة الهوت سبوت وايد حلوة بس تصرف البطارية خخخخ ، بدليل لما أشبك الكيز أير الخاص بالجالاكسي مع الكمبيوتر ، يقولي تبي تشبك بشبكة ثانوية وإلا هوت سبوت ، ويحذرني إن الهوت سبوت راح يستخدم بطارية أكثر
وعن نفسي ما أشوف التابلت ضرورة كبيرة ، بس ممكن نقول إن البعض يقدر يستبدله باللابتوب ، خصوصاً ربعنا اللي يستخدمون النت بوك ، ليش ، امكانياته بتكون مساوية لامكانيات النت بوك مع بطارية أفضل وحسب اللي أشوفه رزلوشنه أفضل وبيكون أخف لهم

بس المشكلة من كيوتل ، يوم أشوف الـ 3G سرعته حلوة ويوم كلش بطيء ، مع إني أخليه على الـ HSDPA اللي المفروض يوصل 21 ميغابت على الجالاكسي أي 2.6 ميغابايت بالثانية (سرعة التحميل) ، بس شنقول غير الله كريم وإن شاء الله ترخص خدمات البيانات عندنا ، واحد بريطاني يقول إن شركة O2 عارضين عليه عقد سنوي يكلفه بالشهر 180 ريال بعد تحويل الباوند للريال ، ويعطونه 2000 دقيقة اتصال ، 1200 رسالة نصية ، وفوقها خطة بيانات جوال مفتوحة ، ما في أحلى من هالدلع ، أحول الجوال هوت سبوت للبيت كامل خخخخ


ولا تنسين الحين ، جوجل متبنيه خدمة الـ NFC وهذي عبارة عن رقاقة ممغنطة داخل الجهاز تقدرين تبرمجينها مع أي بطاقة بنك أو بطاقة عمل ، عموماً البطاقات العاملة على الشريحة ، وتستغنيين عنهم مقابل استخدام الجوال عند عمليات الشراء بالجوال :)
وبعد في لها استخدامات أخرى مثل نقل البيانات بين تلفونيين يحملون نفس التقنية

وبعد الاندرويد يدعم Wifi Direct وحالياً سامسونج مزوده اجهزتها بهالخدمة ، شنو هالخدمة ، الخدمة هذي بعد خاصة بنقل البيانات ، بس بسرعة عالية جداً ، تذكري بالبلوتوث لما تنقلين ملف من الكمبيوتر إلى جهازج ، اشكثر ياخذ للـ 1 ميغا ، حسب ما أذكر ياخذ كمتوسط 15 ثانية ، في تلفونات سرعة النقل فيها بالبلوتوث اشوي سريع ، بس ما يتعدون حاجز الميغا أبداً (حسب معلوماتي) ، الوايفاي مثل ما انعرف سرعته المعتاد عليها هو 52 ميغابت ، يعني 6.5 ميغابايت بالثانية ، وأعتقد حالياً سرعتهم 100 ميغابت (مب متأكد) يعني 12.5 ميغابايت بالثانية ، تخيلي الوقت اللي تستغرقينه إذا بتنقلين فلم حجمه 700 ميغابايت من جهازج لجهاز آخر ، 700 تقسيم 6.5 (إن أخذنا على المتوافر أكثر) = 108 ثواني ، أقل من دقيقتين

والكثير والكثير ، الواحد ما يقدر يعددهم


عموماً ، الحلو بالجهاز إن الشخص يقدر يشتغل عليه من ما يشتريه إلى بيعه من دون أن يشبكه باللابتوب أبداً ، غير عن الآي أو أس اللي لحد الآن لازم تشبكينه بالآيتونز لتفعيله ، بس راح يتخلصون من هالعقدة بالـ آي أو أس 5


هاي اللي عندي حالياً ، والحديث صراحة وايد جميل وأستفيد منه

[ام السعف]

الوكرة بالفعل الموضوع ممتع ومفيد ،، بس القى فراغة اشوي استفيد منك بشكل اوسع
ان شاءالله تعالى ،، تحية لك

[شمعة الدوحه]

باركوا لي صرت جالكسيه :victory:

للحين جاري التعبث في التلفون واستكشافه

بس كبدايه عاجبني

[ام السعف]

باركوا لي صرت جالكسيه :victory:

للحين جاري التعبث في التلفون واستكشافه

بس كبدايه عاجبني

بالمبارك ،، قولي باركوا لي صرت اندرويرية :shy:

اشلون اتشوفين مسكته في اليد ؟ كجوال ينفع يكون حريمي ؟

والا حجمه عريض قياسا مع ستايل الحريم ؟

وبعدين خليني اقول لج ان الجي ميل Gmailممتع ووايد حلو ويبي له موضوع وسالفة
علشان تستمتعين بمزاياه ،، اشقلتي لج خاطر تتعرفين عليه ؟

[ام السعف]

الوكرة صباح الخير :
بغيت اسئلك يا اخي ماركت Applanet مب شغال
وسألت كذا واحد نفس الشي قالوا انه مب شغال .................> اشلون عندك شغال ؟

[شمعة الدوحه]

بالمبارك ،، قولي باركوا لي صرت اندرويرية :shy:

اشلون اتشوفين مسكته في اليد ؟ كجوال ينفع يكون حريمي ؟

والا حجمه عريض قياسا مع ستايل الحريم ؟

وبعدين خليني اقول لج ان الجي ميل Gmailممتع ووايد حلو ويبي له موضوع وسالفة
علشان تستمتعين بمزاياه ،، اشقلتي لج خاطر تتعرفين عليه ؟

الله يبارك فيج ام السعف

اممم هو كبير مااقول لا بس موب ذاك الزود يعني تقدرين تمسكينه
خلي عنج ستايل حريمي رجالي اهم شي مزاياه :tease:

اكيد لي خاطر اتعلم

بس حاليا رصيدي زيروو مااقدر افتحه والله كيوتل حراميه
مانزلت الا الواتس اب ولعبه وحده
100 ريال راحت كلها

مشكله اللي ماعندهم واير ليس :(

[ام السعف]

الله يبارك فيج ام السعف

اممم هو كبير مااقول لا بس موب ذاك الزود يعني تقدرين تمسكينه
خلي عنج ستايل حريمي رجالي اهم شي مزاياه :tease:

اكيد لي خاطر اتعلم

بس حاليا رصيدي زيروو مااقدر افتحه والله كيوتل حراميه
مانزلت الا الواتس اب ولعبه وحده
100 ريال راحت كلها

مشكله اللي ماعندهم واير ليس :(

اوف :(
مشكلة من غير الواير لس :(

المهم الجي ميل ، ممكن تتعاملين معاه من اللابتوب والكمبيوتر العادي
وتعدلين وتضيفين فيه والتعديلات تتطبق على الجوال ،،


انت فعلتي الماركت لما سويتي اشتراك في الجي ميل ،،

راح تلقين ايكونين الأول اسمه Mill والثاني اسمه Gmaill


تقدرين من خلاله الحساب هذا تتواصلين مع لستة اصدقائج في
اي بريد الكتروني ثاني مثل الياهو والهوت ميل وغيره وغيره ،،

اللي يميز الحساب هذا ،، لما بتيين اتسوين لج رسالة
وتبين ترسلين موضوع يحتوي صور ، كل اللي مطلوب منج
كوبي وبيست ،، راح ينزل الموضوع مثل ما هو من غير حاجة لتلوين
الخطوط او تحجيمها او وضع روابط للصور ،،

واي رسالة توصلج راح تلقين تنبيه بحرف M بيطلع لج دليل وجود
رسالة في البوكس،، اذا حابة اتغيرين في اعدادات حفظ وتخزين الرسايل
عليج تغيير الستنيج ، لأن الرسايل لو حذفتيها مرات راح تلقين نسخ منها
في Rash or sImap rash
So
حسب رغبتج لام تعيدين تعديل السيتنج الخاص فيج ،،

ممكن تدخلين المتصفح جوجل من خلال حساب الجي ميل
هناك راح تختارين خدمة الجي ميل Gmail
ان كانوا معاج اصدقاء تقدرين تتواصلين معاهم صوت وصورة وكتابة
من خلال الاكسبلوور ،، اللي بيسمح لج بفتح برنامج Goggle talk
والبرنامج هذا راح تلقينه موجود بعد في الجوال
فلو جوالج فيه كاميرة امامية ممكن تتواصلين مع صديقتج صوت وصورة
من خلال برانمج Talk بتقية اتصال عالية وجودة عالية في الصوت ،،

Buzz
هذي نفس خدمة التويتر بس بتكون محصورة بشكل عام وخاص
لمستخدمي حساب الجي ميل ،، وطبعا انت ادرى بقائمة اصدقائج
اللي حابة تتواصلين معاهم في المسجات هذي ،،

هناك مميزات وايدة وكل شي في الجي ميل وجوجل بصراحة
يستاهلون الواحد يمنحهم وقته ،،

[AlWakRa]

الابلانت ما نزلته، منزله من قبل وما اشتغل

بس يقولون لود على السيرفر

عندج موقع mobilism فيه برامج مكركه

http://forum.mobilism.org/portal.php?mode=articles&block=aapp


ردي مختصر قاعد اكتب من الجوال هههه

[ام السعف]

الابلانت ما نزلته، منزله من قبل وما اشتغل

بس يقولون لود على السيرفر

عندج موقع mobilism.com فيه برامج مكركه


ردي مختصر قاعد اكتب من الجوال هههه

يقولون تغيير في السيرفر ....> خلنا انشوف شنهي السالفة :shy:
هذي مشكلة الجواويل الوحيدة الكتابة عليها صعب :(

[شمعة الدوحه]

اوف :(
مشكلة من غير الواير لس :(

المهم الجي ميل ، ممكن تتعاملين معاه من اللابتوب والكمبيوتر العادي
وتعدلين وتضيفين فيه والتعديلات تتطبق على الجوال ،،


انت فعلتي الماركت لما سويتي اشتراك في الجي ميل ،،

راح تلقين ايكونين الأول اسمه mill والثاني اسمه gmaill


تقدرين من خلاله الحساب هذا تتواصلين مع لستة اصدقائج في
اي بريد الكتروني ثاني مثل الياهو والهوت ميل وغيره وغيره ،،

اللي يميز الحساب هذا ،، لما بتيين اتسوين لج رسالة
وتبين ترسلين موضوع يحتوي صور ، كل اللي مطلوب منج
كوبي وبيست ،، راح ينزل الموضوع مثل ما هو من غير حاجة لتلوين
الخطوط او تحجيمها او وضع روابط للصور ،،

واي رسالة توصلج راح تلقين تنبيه بحرف m بيطلع لج دليل وجود
رسالة في البوكس،، اذا حابة اتغيرين في اعدادات حفظ وتخزين الرسايل
عليج تغيير الستنيج ، لأن الرسايل لو حذفتيها مرات راح تلقين نسخ منها
في rash or simap rash
so
حسب رغبتج لام تعيدين تعديل السيتنج الخاص فيج ،،

ممكن تدخلين المتصفح جوجل من خلال حساب الجي ميل
هناك راح تختارين خدمة الجي ميل gmail
ان كانوا معاج اصدقاء تقدرين تتواصلين معاهم صوت وصورة وكتابة
من خلال الاكسبلوور ،، اللي بيسمح لج بفتح برنامج goggle talk
والبرنامج هذا راح تلقينه موجود بعد في الجوال
فلو جوالج فيه كاميرة امامية ممكن تتواصلين مع صديقتج صوت وصورة
من خلال برانمج talk بتقية اتصال عالية وجودة عالية في الصوت ،،

buzz
هذي نفس خدمة التويتر بس بتكون محصورة بشكل عام وخاص
لمستخدمي حساب الجي ميل ،، وطبعا انت ادرى بقائمة اصدقائج
اللي حابة تتواصلين معاهم في المسجات هذي ،،

هناك مميزات وايدة وكل شي في الجي ميل وجوجل بصراحة
يستاهلون الواحد يمنحهم وقته ،،

مشكوووره على هالشرح ام السعف
والماركت شغال عندي نزلت منه لعبتين والواتس اب
صاحب المحل فتح لي حساب في الجي ميل وانا عنده وفكني من العباله
انا حاليا بوقف استخدام النت بتلفوني بس مادش الا الواتس اب
يمكن احول تلفوني فاتوره علشان اخذ ون قيقا للنت
بدال ماقاعد يسحب رصيدي
أو عندي شريحة برودباند يمكن اضطر اركبها بالسامسونج
أوفر لي

[Muslim Investor]

الوكرة صباح الخير :
بغيت اسئلك يا اخي ماركت Applanet مب شغال
وسألت كذا واحد نفس الشي قالوا انه مب شغال .................> اشلون عندك شغال ؟

مرحبا أم سعف

إذا تبين ماركت مكسور فعليج بـ
Aptoide
تقدرين تنزلينه من انرويد ماركت
وعقب اتبعي الخطوات
واستمتعي بكل البرامج مجانا
:)

عن طريقه نزلت كويك اوفيس النسخة الكاملة .. وشغالة 100%

تحيتي

[شمعة الدوحه]

ياجماعه المسجات عندي لما اطرش لحد رساله تطلع لهم علامات استفهام
ومسجاتهم عادي توصلني اقراها مافيها شي

وبالنسبه للواتس اب لما اكتب تطلع لي كلمات تلقائيه تلعوزني
انا ماابغي هالخاصيه

حاولت اتعبث بس ماعرفت

اذا حد يعرف الطريقه يساعدني :(

[Muslim Investor]

ياجماعه المسجات عندي لما اطرش لحد رساله تطلع لهم علامات استفهام
ومسجاتهم عادي توصلني اقراها مافيها شي

وبالنسبه للواتس اب لما اكتب تطلع لي كلمات تلقائيه تلعوزني
انا ماابغي هالخاصيه

حاولت اتعبث بس ماعرفت

اذا حد يعرف الطريقه يساعدني :(

مرحبا شمعة

بالنسبة للمسجات
دخلي على المسجات
وكبسي زر المينيو
دخلي على سيتينج
وروحي على انبوت مود
واختاري اوتوماتيك

وادعي لي
:)

[شمعة الدوحه]

مرحبا شمعة

بالنسبة للمسجات
دخلي على المسجات
وكبسي زر المينيو
دخلي على سيتينج
وروحي على انبوت مود
واختاري اوتوماتيك

وادعي لي
:)

اي سويتها خلاص تعبثت لين مالقيته
لاني كلمت محل سامسونج وقالوا الصيانه بس بكره وانا مااقدر انطرهم
ومشكووور عالمساعده انفستر والله يوفقك

بس اللحين باقي لي مشكلة الكلمات التلقائيه ابغي اشيل هالنظام

[ام السعف]

اي سويتها خلاص تعبثت لين مالقيته
لاني كلمت محل سامسونج وقالوا الصيانه بس بكره وانا مااقدر انطرهم
ومشكووور عالمساعده انفستر والله يوفقك

بس اللحين باقي لي مشكلة الكلمات التلقائيه ابغي اشيل هالنظام

هذي تلوع الجبد وخاصة في اللغة الإنجليزية وااايد اتلعوز منها فألغيتها ،،
الخطوات الله يسلمج كالتالي :
تروحين

settings
وعقب تختارين
local and text
وعقب
Swype setting
بتلقين
word prediction

عطلي تفعيله ،، شلي علامة الصح

وان شاءالله يستوي :shy:

[ام السعف]

مرحبا أم سعف

إذا تبين ماركت مكسور فعليج بـ
Aptoide
تقدرين تنزلينه من انرويد ماركت
وعقب اتبعي الخطوات
واستمتعي بكل البرامج مجانا
:)

عن طريقه نزلت كويك اوفيس النسخة الكاملة .. وشغالة 100%

تحيتي

تدري للامانة ما حاولت انزل برامج كثيرة ،، بس اللي اللاحظه اني
ما اقدر انزل برامج معينة من الماركت مع وجود نسخ من البرامج
هذي تدعم نسخة الاندوريد اللي عندي ،، وللأسف هالشي حاصل
معاي في الجوالين الجالكسي اس وال HTc
لكن لما نزلت الماركت المعدل نزلت كذا برنامج وححذفتهم،،

بس راح اجرب طريقتك وجزاك الله كل خير :nice:

[شمعة الدوحه]

هذي تلوع الجبد وخاصة في اللغة الإنجليزية وااايد اتلعوز منها فألغيتها ،،
الخطوات الله يسلمج كالتالي :
تروحين

settings
وعقب تختارين
local and text
وعقب
swype setting
بتلقين
word prediction

عطلي تفعيله ،، شلي علامة الصح

وان شاءالله يستوي :shy:


معطل عندي اولريدي

انا استخدم سامسونج كيبورد
مااستخدم السويب

[Muslim Investor]

تدري للامانة ما حاولت انزل برامج كثيرة ،، بس اللي اللاحظه اني
ما اقدر انزل برامج معينة من الماركت مع وجود نسخ من البرامج
هذي تدعم نسخة الاندوريد اللي عندي ،، وللأسف هالشي حاصل
معاي في الجوالين الجالكسي اس وال htc
لكن لما نزلت الماركت المعدل نزلت كذا برنامج وححذفتهم،،

بس راح اجرب طريقتك وجزاك الله كل خير :nice:

أنا نفسج .. لحد الحين مانزلت برامج (مكسورة) على جهازي .. كويك اوفيس نزلته على جهازي القديم بس عشان اشوفه يشتغل والا لاء

عموما .. فكرة هالبرنامج بسيطة .. انتي لما تشترين اي ابلكيشن .. تقدرين بطريقة معينة (ممكن تقدرين عنها في البرنامج) ترفعينه على على سيرفر .. والناس بعدين ينزلون الأبليكيشن من هالماركت ببلاش

بصراحة .. افكر أرفع الأبليكيشنز اللي شريتها ، وخل الناس تستفيد :)

[ام السعف]

معطل عندي اولريدي

انا استخدم سامسونج كيبورد
مااستخدم السويب

اول شي تاكدي ان اللي مفعل عندج هو كيبورد السامسونج
لو كان هو اللي مفعل
نروح ل setting
locale and text
samsung keyboard
نشيل علامة الصح من Xt9
وان شاء الله بيضبط

[Muslim Investor]

معطل عندي اولريدي

انا استخدم سامسونج كيبورد
مااستخدم السويب

دامج تستخدمين كيبورد سامسونج
دخلي عليه من السيتنج
وشيلي التفعيل من
xt9

وادعي لي :)

[شمعة الدوحه]

دامج تستخدمين كيبورد سامسونج
دخلي عليه من السيتنج
وشيلي التفعيل من
xt9

وادعي لي :)

ثاااااانكس انفستر وماتقصر :nice:

خلك متابع للموضوع يمكن احتاج شي عقب :tease:

[ام السعف]

أنا نفسج .. لحد الحين مانزلت برامج (مكسورة) على جهازي .. كويك اوفيس نزلته على جهازي القديم بس عشان اشوفه يشتغل والا لاء

عموما .. فكرة هالبرنامج بسيطة .. انتي لما تشترين اي ابلكيشن .. تقدرين بطريقة معينة (ممكن تقدرين عنها في البرنامج) ترفعينه على على سيرفر .. والناس بعدين ينزلون الأبليكيشن من هالماركت ببلاش

بصراحة .. افكر أرفع الأبليكيشنز اللي شريتها ، وخل الناس تستفيد :)
انت تتكلم عن Aptoide صح ؟:shy:

طيب سؤال لو سمحت لي ،، هل ماركت الجواويل اللي تشتغل في قطر
غير عن اللي في دبي او السعودية او البحرين ؟

اللي اعرفه ان ماركتز الدول الاوروبية وامريكا تكون غير عنا
بس هل ممكن يوصل الإختلاف لدرجة ان البرامج اللي انزلها من الماركت
في قطر السعوديين ما تنزل عندهم او الاماراتيين ما تنزل عندهم ؟

سؤال وحابة اعرف الجواب عليه لو سمحت ..

[Muslim Investor]

انت تتكلم عن Aptoide صح ؟:shy:

طيب سؤال لو سمحت لي ،، هل ماركت الجواويل اللي تشتغل في قطر
غير عن اللي في دبي او السعودية او البحرين ؟

اللي اعرفه ان ماركتز الدول الاوروبية وامريكا تكون غير عنا
بس هل ممكن يوصل الإختلاف لدرجة ان البرامج اللي انزلها من الماركت
في قطر السعوديين ما تنزل عندهم او الاماراتيين ما تنزل عندهم ؟

سؤال وحابة اعرف الجواب عليه لو سمحت ..

نعم أتكلم عن Aptoide

أما بخصوص الماركت .. أنا الحين عندي ثلاث أجهزة .. ال جي ابتيموس ، سامسونج جالكسي 510 وسامسونج جالكسي اس 2 .. نتايج البحث في الماركت تختلف في هالأجهزة الثلاث!! طبعا 95% من النتايج نفسها ، وباقي النتايج مختلفة

فالظاهر ان الاختلاف في الجهاز ، وبمكن بعد في الدولة .. لكن .. هل جربتي تبحثين في موقع الانرويد ماركت نفسه؟
https://market.android.com/

الموقع يطلع لج كل النتايج ، وطلع لج قائمة بأجهزتج (اللي شابكة على نفس حساب الجي ميل) وانتي تختارين الجهاز اللي تبين تنزلين عليه الأبليكيشن .. في مرات كثيرة يقول لج الأبليكيشن (نوت كومباتابل) وصادفني في ابليكيشن واحد (جوجل بوكس) قال لي نوت فور يور ريجن :(

عموما ... أنا كل بحثي عن طريق الويب سايت مب عن طريق الجوال نفسه (عقب ما لاحظت انه مب كل النتائج تطلع في الجوال).

دوري عن اللي تبينه وادعي لي :)

[ام السعف]

نعم أتكلم عن Aptoide

أما بخصوص الماركت .. أنا الحين عندي ثلاث أجهزة .. ال جي ابتيموس ، سامسونج جالكسي 510 وسامسونج جالكسي اس 2 .. نتايج البحث في الماركت تختلف في هالأجهزة الثلاث!! طبعا 95% من النتايج نفسها ، وباقي النتايج مختلفة

فالظاهر ان الاختلاف في الجهاز ، وبمكن بعد في الدولة .. لكن .. هل جربتي تبحثين في موقع الانرويد ماركت نفسه؟
https://market.android.com/

الموقع يطلع لج كل النتايج ، وطلع لج قائمة بأجهزتج (اللي شابكة على نفس حساب الجي ميل) وانتي تختارين الجهاز اللي تبين تنزلين عليه الأبليكيشن .. في مرات كثيرة يقول لج الأبليكيشن (نوت كومباتابل) وصادفني في ابليكيشن واحد (جوجل بوكس) قال لي نوت فور يور ريجن :(

عموما ... أنا كل بحثي عن طريق الويب سايت مب عن طريق الجوال نفسه (عقب ما لاحظت انه مب كل النتائج تطلع في الجوال).

دوري عن اللي تبينه وادعي لي :)

نبتدي ونقول الله يوفقك للي يحبه ويرضاه ،،

اشوف البحث في الويب سايد مب متوافق مع التطور الحاصل في التكنالوجيا هذي :(
في كذا برنامج للأسف طلع مب متوافق على نسخة الاندرويد الموجودة عندي
مع اني مرقيته لآخر نسخة يستحمله الجهاز ،، لكن مع ماركت ال Applannet
لقيت البرامج بسهولة ،،

حتى مرات احاول اطرش برامج عن طريق App Sharing عن طريق
my Gmail account لجوال ثاني بنفس النظام فالعملية تفشل :anger1:

يبي لنا نعسس فيه عدل هالجوال ،،

وشكرا كثيرا وايد يا اخوي:nice:

[بولينجر]

شكلي هونت.... هالكثر مشاكل في الجهاز والماركت؟!

[ام السعف]

شكلي هونت.... هالكثر مشاكل في الجهاز والماركت؟!

تعال وين ابدا مافي هالكثر مشاكل ،،

احنا نتكلم من باب اكتشاف امور ما يحتاجها المستخدم العادي ،،
يعني انت راح تختار كذا تطبيق واتمشي نفسك عليه في الجوال،،

وماركت الجوال وااااااايد اشياء موجودة فيه ،، واذا لقيت بعض البرامج
تحتاج يندفع لها فلوس ،، تدخل الماركتز اللي يسمح لك اتنزل البرنامج
من غير فلوس مثل ما شرح لنا اخونا Muslim Investor
او فيه برامج مكسورة حمايتها وتنوجد في الماركتز ذول،،

اهل الايفون يحتاجون للجيل بريك ،، احنا في الاندرويد ما نبي جيل بريد
وممكن مع الابديت تخترب علينا البرامج ،،

فإنت ما عليك من كلامنا ،، لأن نتكلم من خلال التعمق في الجهاز ،،
وصدقني متى ما تعمقت في الشي راح اتحبه وايد وجدا خالص ،،

الجهاز راح يوصلني كهدية بعد كم يوم :shy:
وشخصيا احب الاجهزة اللي تكون لايقة ليد المرأة ما احب الجهاز
يكون عريض ،، بس لأن الجهاز بيوصلني هدية ما اقدر ارفضه :shy:

بس بنفس الوقت فرحااااااااااااانة انه بيكون عندي هالجهاز
لأن اولا القطعة البلاستيكية غيروها ثانيا صلحوا العيب السابق في البطئ
ثالثا اقوى جهاز للحين من حيث الاستخدام سواء للمستخدم العادي
او المتوسط او المتطور ،،:shy:

اخذه وما عليك مننا ،، وعقبها نتواصل بالجي ميل :nice:

طبعا اتكلم عن مستخدي الجي ميل ،،

[شمعة الدوحه]

اول شي تاكدي ان اللي مفعل عندج هو كيبورد السامسونج
لو كان هو اللي مفعل
نروح ل setting
locale and text
samsung keyboard
نشيل علامة الصح من Xt9
وان شاء الله بيضبط

مشكوووره وماقصرتي ام السعف والعذر والسموحه لانه توني اشوف الرد :shy:

[ام السعف]

OMG

الجوال حجمه كبير ...........> عفته من أول نظرة :weeping:
حسيت بصدمة من حجمه وما توقعته جذيه ،، كان خاطري يتم معاي
واستغل مميزاته ،، بس جنى على نفسه بكبر حجمه قياسا مع ذوقي :(

سامسونج بليز نبي كواليتي افضل في الهيكل الخارجي :(

[ام السعف]

مشكوووره وماقصرتي ام السعف والعذر والسموحه لانه توني اشوف الرد :shy:

العفو ولو ،،
شوفي امس شغلت تطبيق Maps

بالستلايت وطلعت من بيتنا لمدرسة العيال ،، وعسست ولقيت
اني اقدر اطرش دعوة لطرف آخر في اي مكان واشوف تحركاته ويشوف تحركاتي،،
في أي دولة في العالم ،أعجبني التطبيق كثيرا جدا خالص :shy:

[shadad]

اللاج ممكن نعتبره أكثر عيب برمجي (سوفتوير) وكانوا يقدرون يتلافونه بس ما ادري شالسبب اللي خلاهم يستخدمون نظام الملفات ذاك، المهم إنهم تلافوا المشكلة بالجديد

وبخصوص البطارية والرومات المعدلة، يعتمد على المطورين ، في بعضهم يزيدون من استهلاك البطارية علشان يزيد أداء الجوال ، البعض الآخر يوزان بين الأداء والبطارية ، مدة استخدام البطارية تعتمد على حجمها واستخدام الجهاز ، لو على طول شابك وايرلس و 3g وعندج شغال فيسبوك وتويتر وايميل وكل شي ، لازم تستهلك بسرعة ، أما إذا مب شغال شي فالأمور طيبة

أنا أستخدم جهازي على شبكة الـ 3g على طول ، الايميل شغال ويتحدث لي فور وصول الايميلات ، الفيسبوك والتويتر شغالين بس على ما اعتقد ما يتحدثون على طول (يعني أنا أدخل عليهم وأحدثهم) ، والبطارية تبقى معي يوم كامل ، من وقت اللي أقول أفصله من الجارج إلى وقت اللي أنام فيه أحطه على الجارج ، حزات تكون البطارية فيها 10% وحزات أكثر ، مرة من المرات كان 30% تقريباً ، فأشوف إن استهلاك البطارية فيه ممتاز خصوصاً مستقبلاً ما راح أتعبث فيه كثر الحين (ما شاايف خير هههههه) وإذا تم على الستاندباي فيه توفير حلو ، يعني مره شليت من الجارج بالليل ورقدت ، ثاني يوم قمت لقيته 91% وأنا راقد حول 10 ساعات



بالدوحة صعبه تلقاه وحتى إن لقيته يضربون بسعره ، في واحد عارضه بـ 3600 بقطر ليفينج خخخخ ، أنا شاري جهازي بـ 2600 ريال تقريباً ، الحين سعره اشوي أزود بسبب الباوند مرتفع سعره اشوي ، الجهاز من الشركة تطلع الحروف العربية بس مقطعه ، بعض البرامج ترتيب الحروف عدله وبعضهم معكوسه ، في برامج تقدر تنزلهم علشان تحل المشكلة بالرسايل وسجل الهاتف وتصفح الانترنت ، وفي شباب جزاهم الله خير اشتغلوا على الجوال ونزلوا له روم ممكن تقرى وتكتب بالعربي فيه بشكل صحيح ، بس يستهلك بطارية زيادة عن روم الشركة



إن شاء الله أفدتكم باللي أعرفه

مشاء الله عليك الوكرة .. :)
ما في داعي ارد بعد ردك لانك تعرفني زين . عساك على القوة .:)

شي ثاني التعريب الرسمي نزل من شركة سامسونج خلاص ما عاد لا نحتاج لا روم خارجي ولا كيبورد ولا روت .

[شمعة الدوحه]

بغيت سماعة بلوتوث للجالكسي وين بحصلها
لاني مااحب استخدم السلكيه تلعوز
أدري اني سنداره لعوزتكم بالاسئله :(

[شمعة الدوحه]

واخيرا سماعة النوكيا اشبكت عالتلفون
حاولت ومااشبكت
وديتها محل نوكيا واشبوكها لي عالتلفون
كبيييير ياسامسونج :victory:

صج انه الالعاب والصوتيات مااشتغلت عالسماعه

بس يالله اهم شي المكالمات :)

[شمعة الدوحه]

العفو ولو ،،
شوفي امس شغلت تطبيق Maps

بالستلايت وطلعت من بيتنا لمدرسة العيال ،، وعسست ولقيت
اني اقدر اطرش دعوة لطرف آخر في اي مكان واشوف تحركاته ويشوف تحركاتي،،
في أي دولة في العالم ،أعجبني التطبيق كثيرا جدا خالص :shy:

حلووو والله

بس شلون اطرش دعوه لغيري واعرف تحركاته

وترى فيه من ضمن الخيارات كلمة buzz

واتوقع تكلمتي عنها قبل

شسوي بهالخيار :secret:

[شمعة الدوحه]

OMG

الجوال حجمه كبير ...........> عفته من أول نظرة :weeping:
حسيت بصدمة من حجمه وما توقعته جذيه ،، كان خاطري يتم معاي
واستغل مميزاته ،، بس جنى على نفسه بكبر حجمه قياسا مع ذوقي :(

سامسونج بليز نبي كواليتي افضل في الهيكل الخارجي :(

بالعكس موب كبير وايد جدا خالص :(

حجمه معقول ومناسب حق تصفح النت

اهم شي تقنية الهاتف :tease:

[ANONYMOUS]

حسستوني انه ايفون مع هالموضوع بو ٩٠ رد

من كم يوم خذته حق الاهل وتصفحت فيه النت وكان روعه

[qtr-1234]

انا البطاريه كلش ما تقعد معاي :(

[AlWakRa]

مشاء الله عليك الوكرة .. :)
ما في داعي ارد بعد ردك لانك تعرفني زين . عساك على القوة .:)

شي ثاني التعريب الرسمي نزل من شركة سامسونج خلاص ما عاد لا نحتاج لا روم خارجي ولا كيبورد ولا روت .


هلا شداد ، منور :)

أنا كنت ناطر الروم الرسمي علشان أروت الجهاز خخخخ ، تم تنزيله وعمل الروت

جهازي صار اصداره jpkf3 واعتقد إن الابديت متوفر اليوم بالشركة ، بس اللي ما يبي شي ينحذف راح أنزل الطريقة لما أرد البيت :)

[AlWakRa]

حلووو والله

بس شلون اطرش دعوه لغيري واعرف تحركاته

وترى فيه من ضمن الخيارات كلمة buzz

واتوقع تكلمتي عنها قبل

شسوي بهالخيار :secret:


البز هو نفس التويتر بس عن طريق سستم جوجل :)

عن نفسي افضل التويتر عليه

[AlWakRa]

بخصوص البطارية ، صحيح بالاستخدام الجامد يدوب تكمل معاي الدوام كامل ، يعني حول 7 ساعات

بس لما استخدمه بشكل متوسط تقعد يوم كامل


هو معظم التلفونات الذكية بطارياتهم ما تقعد وايد والسبب يرجع إلى استهلاك البرامج للبطارية وأحجام الشاشة الحالية الكبيرة تآخذ من البطارية بعد ، والاندرويد بعد تشتغل فيه برامج بالخلفية وهاي يسبب استهلاك للبطارية بعد ، يعني إن كان الجهاز يكمل معاك اليوم كامل فهاي أكثر من كافي وتعتبر البطارية جيدة جداً

[ام السعف]

حسستوني انه ايفون مع هالموضوع بو ٩٠ رد

من كم يوم خذته حق الاهل وتصفحت فيه النت وكان روعه

ايفون ؟

ازعل منك لو قلت انه ايفون :shy:

بس ممكن اسامحك بس لأن كواليتي البودي افخم في الايفون :(

الشاشة عجييبة والتصفح رهيب والوضوح والسذوع شي حلو وزاهي،،
عليهم بالعافية :nice:


بالعكس موب كبير وايد جدا خالص :(

حجمه معقول ومناسب حق تصفح النت

اهم شي تقنية الهاتف :tease:

بالنسبة كبير ،، ما احب الجواويل اللي بالحجم ذيه ،،
وخاصة اني غالبا استخدمه للمكالمات اما التصفح في النت
ما افضل التصفح من شاشات صغيرة لأني احرم نفسي متعة الاستمتاع
بالقراءة والتنقل بكل سهولة ما بين السطور ،، فحجم الشاشة
شخصيا ما يغنيني من حاجتي للابتوب ،، او شاشتي اللي العب عليها
الالعاب 22 بوصة واتصفح فيها النت فلما ايي اتصفح جوال بذول الكف
احس اني مب متراحة ابدا ،، فمن جيه ما عجبني حجمه كجوال ،،:(


حلووو والله

بس شلون اطرش دعوه لغيري واعرف تحركاته

وترى فيه من ضمن الخيارات كلمة buzz

واتوقع تكلمتي عنها قبل

شسوي بهالخيار :secret:

نقول مثلا عندج في قائمة ال Gmail
عشر اصدقاء وكلهم يستخدمون نظام الاندرويد في الجوال
مجرد ما تفتحين تطبيق ال maps
وقبلها تفعلين خاصية الستاليت او النيتوورك من الاعدادات في الجوال نفسه

ومع فتح التطبيق
بتلقين ايكون ( ايقون) على يسار الشاشة من تحت تضغطين عليه
بتلقين ثلاث خيارات على يمين الشاشة من فوق ضغطي على ايكون
ظل الانسان اللي محطوط عليه علامة +
بيدخلج على خيارات يديدة
من ضمنها يسئلج من وين تبين تضيفين اللي تبينهم يتبعون تحركاتج
من قائمة المضافين عندج او بتضيفينهم يدويا او ..

احنا قلنا عندج عشر اعضاء من بينهم ام السعف
تضغطين على ايميل ام السعف او رقم جوال ام السعف
وبتوصلني دوعوة اقبل الطلب ومجرد ما اقبل الدعوة
ممكن تفتحين الماب واتشوفيني وين اروح او ويني فيه من على
الخارطة ، ونفس الشي ممكن اشوفج ،،

اما خيار الـ buzz
تلقينه في حسابج على جوجل
فكرته حلوة لو كنت بالفعل عندج مجموعة اصدقاء يستخدمون نفس الخدمة
على حساب الجي ميل ،،

وممكن من تدخلين حساب الجي ميل من الكمبيوتر تتكلمين كتابة وصوت وصورة
من خلال المتصفح نفسه :shy:

وان حبيتي تتعرفين على كيفية الغاء الرسايل من صندوق الجي ميل في الجوال
قولي لي احط لج الطريقة ،،


بغيت سماعة بلوتوث للجالكسي وين بحصلها
لاني مااحب استخدم السلكيه تلعوز
أدري اني سنداره لعوزتكم بالاسئله :(

الوكيل ما عنده ؟
شوفيه في شارع النصر مقابل الرغيف الساخن

[أبويوسـف]

مشاءالله

[شمعة الدوحه]

ايفون ؟

ازعل منك لو قلت انه ايفون :shy:

بس ممكن اسامحك بس لأن كواليتي البودي افخم في الايفون :(

الشاشة عجييبة والتصفح رهيب والوضوح والسذوع شي حلو وزاهي،،
عليهم بالعافية :nice:



بالنسبة كبير ،، ما احب الجواويل اللي بالحجم ذيه ،،
وخاصة اني غالبا استخدمه للمكالمات اما التصفح في النت
ما افضل التصفح من شاشات صغيرة لأني احرم نفسي متعة الاستمتاع
بالقراءة والتنقل بكل سهولة ما بين السطور ،، فحجم الشاشة
شخصيا ما يغنيني من حاجتي للابتوب ،، او شاشتي اللي العب عليها
الالعاب 22 بوصة واتصفح فيها النت فلما ايي اتصفح جوال بذول الكف
احس اني مب متراحة ابدا ،، فمن جيه ما عجبني حجمه كجوال ،،:(



نقول مثلا عندج في قائمة ال Gmail
عشر اصدقاء وكلهم يستخدمون نظام الاندرويد في الجوال
مجرد ما تفتحين تطبيق ال maps
وقبلها تفعلين خاصية الستاليت او النيتوورك من الاعدادات في الجوال نفسه

ومع فتح التطبيق
بتلقين ايكون ( ايقون) على يسار الشاشة من تحت تضغطين عليه
بتلقين ثلاث خيارات على يمين الشاشة من فوق ضغطي على ايكون
ظل الانسان اللي محطوط عليه علامة +
بيدخلج على خيارات يديدة
من ضمنها يسئلج من وين تبين تضيفين اللي تبينهم يتبعون تحركاتج
من قائمة المضافين عندج او بتضيفينهم يدويا او ..

احنا قلنا عندج عشر اعضاء من بينهم ام السعف
تضغطين على ايميل ام السعف او رقم جوال ام السعف
وبتوصلني دوعوة اقبل الطلب ومجرد ما اقبل الدعوة
ممكن تفتحين الماب واتشوفيني وين اروح او ويني فيه من على
الخارطة ، ونفس الشي ممكن اشوفج ،،

اما خيار الـ buzz
تلقينه في حسابج على جوجل
فكرته حلوة لو كنت بالفعل عندج مجموعة اصدقاء يستخدمون نفس الخدمة
على حساب الجي ميل ،،

وممكن من تدخلين حساب الجي ميل من الكمبيوتر تتكلمين كتابة وصوت وصورة
من خلال المتصفح نفسه :shy:

وان حبيتي تتعرفين على كيفية الغاء الرسايل من صندوق الجي ميل في الجوال
قولي لي احط لج الطريقة ،،



الوكيل ما عنده ؟
شوفيه في شارع النصر مقابل الرغيف الساخن


مشكوره يام السعف وايد جدا خالص :shy: << من عاشر قوم :tease:

بالنسبه للسماعه ابشرج ركبت سماعة نوكيا عليه خلاص

حق المكالمات بس

اما الاستوديو والالعاب صوتها خارجي

الوكيل اتصلت له قالي حاليا مافيه ومجرد مابتوصل السماعات بيتصلي

وخاطري في كفرات بعد لحد اللحين موب منزلين شي

[AlWakRa]

بالنسبة للكفرات والحماية ، أنصحكم تطلبونها من برع

أنا طالب لي كفر وحماية من الموقع التالي

www.exportprive.com

وأسعارهم حلوة الصراحه ، طالب كفرات الجالاكسي الأول بـ 7 دولار الواحد (طالب 3) وفي الوكيل نفس الكفر حكم بـ 100 ريال

وناوي أطلب كفرات ثانيين لأن انزلت أشكال جديدة

[مالي ومال الناس]

,,

عندي سؤال (للسامسونجيين)

جهاز الاس2 لقيته انجليزي فقط , وقال الوكيل بنسوي له تعريب باخر اصدار نزل

ايهما افضل : اشتريه انجليزي واسوي له تعريب , او انتظر لين ينزل العربي من الشركة ؟؟

[AlWakRa]

الجهازيين نفس الشي بدون أي فرق يذكر بين الانجليزي والعربي اللي بينزل بعدين

لك الخيار تآخذه أو تنتظر ، بس إن كنت تتوقع أي يكون في فرق فتطمن ، ما راح يكون في أي فرق بينهم

[ام السعف]

انا البطاريه كلش ما تقعد معاي :(

طيب حاول اتعدل في الاعدادات الخاصة في الجوال مثل الإضاءة الخلفية للجوال
الوضع العادي او الانتقائي بشكل عام تلقاه في حدود نص دقيقة
خله لأقل وقت مسموح ،،

غير من وطوع الإضاءة ،، جوالي htc مخلي السطوع على اقل شي
والرؤية اشحلوها فيها ،، وما بالك بجوال بمواصفات الجالكسي اس 2 ،،

سكر البلوتوث او اي تطبيق يستهلك طاقة وانت مب محتاج له ،،

في حال كنت تستخدم الجوال للمكالمات مثلا ،، الأمور اللاسلكية الثانية
مرة شفت فيديو لشاب سعودي مدح الطريقة هذي ،،

مرات هناك شباب شالين جوالين ولأثنين شابكين فيهم في النت :(
يارباااه ماهذا ؟

[ام السعف]

مشكوره يام السعف وايد جدا خالص :shy: << من عاشر قوم :tease:

بالنسبه للسماعه ابشرج ركبت سماعة نوكيا عليه خلاص

حق المكالمات بس

اما الاستوديو والالعاب صوتها خارجي

الوكيل اتصلت له قالي حاليا مافيه ومجرد مابتوصل السماعات بيتصلي

وخاطري في كفرات بعد لحد اللحين موب منزلين شي

شوفي الوكرة يقول لج 7 دولار يعني بالكثير 25 ريال :rolleyes2:
واهنيه خذت واحد على 100 ريال :( للجالكسي اس 1 ،،

يعني يابلاش قياسا مع سعره في قطر ،،
الوكرة ورد كفرات و اعرضهم للبيع من اللحين :shy:

[مالي ومال الناس]

الجهازيين نفس الشي بدون أي فرق يذكر بين الانجليزي والعربي اللي بينزل بعدين

لك الخيار تآخذه أو تنتظر ، بس إن كنت تتوقع أي يكون في فرق فتطمن ، ما راح يكون في أي فرق بينهم

مشكور يالوكره , خذت واحد من النصر عربي يقول اخر سوفت وير نزل , خووووش جهاز :nice:

بس الخرايط احسها قدييمه ومن ضمن الفنادق ريدجز اللي هدموه :rolleyes2: , شلون تجديد الخرايط اذا تعرف ؟

[شمعة الدوحه]

بالنسبة للكفرات والحماية ، أنصحكم تطلبونها من برع

أنا طالب لي كفر وحماية من الموقع التالي

www.exportprive.com

وأسعارهم حلوة الصراحه ، طالب كفرات الجالاكسي الأول بـ 7 دولار الواحد (طالب 3) وفي الوكيل نفس الكفر حكم بـ 100 ريال

وناوي أطلب كفرات ثانيين لأن انزلت أشكال جديدة

اطلب انت واحنا بنشتري من عندك :tease:

مااعرف اشتري من هالمواقع الا اذا بتعلمني

وبعدين شرايك بستيكرات الحمايه تتوقع الواحد يشتري والا ماله داعي

لانه الشاشه ماشاء الله مقاومه للخدش وايد جدا خالص :nice:

[شمعة الدوحه]

مشكور يالوكره , خذت واحد من النصر عربي يقول اخر سوفت وير نزل , خووووش جهاز :nice:

بس الخرايط احسها قدييمه ومن ضمن الفنادق ريدجز اللي هدموه :rolleyes2: , شلون تجديد الخرايط اذا تعرف ؟


تتهنى فيه ان شاء الله كنت بقولك تروح للنصر

لان اللي في السيتي ماعندهم الا الانجليزي :)

وبالنسبه للخرايط اترك الاجابه للوكره :shy:

[شمعة الدوحه]

شوفي الوكرة يقول لج 7 دولار يعني بالكثير 25 ريال :rolleyes2:
واهنيه خذت واحد على 100 ريال :( للجالكسي اس 1 ،،

يعني يابلاش قياسا مع سعره في قطر ،،
الوكرة ورد كفرات و اعرضهم للبيع من اللحين :shy:

انا معاج قلبا وقالب حلوى في اللي قلتيه :tease:

الوكره احنا اول زباين انا وام سعف :)

[ام السعف]

انا معاج قلبا وقالب حلوى في اللي قلتيه :tease:

الوكره احنا اول زباين انا وام سعف :)

اوبس ،، ما عاد عندي الجالكسي الاس ولا الاس 2 :shy:
الجالكسي اس 2 خذه ولدي من الفرحة اختفى :omen2:

وحاليا موقفة فكرة شراء اي جوال يديد ،، لأني سمعت ان خدمة
الالياف البصرية قريب بتهل علينا :telephone:
فما ابي احط فلوسي في جواويل 2G 3G
منتظرة ال 4G يتطبق عندنا علشان اخذ لي جوال متوافقق وياه ،،

ال htc ديزاير ماشي حاله وطيب وحبوب ومطيع مع انه من كثر الترضخ
تقشر اشوي بس على قولة ولدي الصغير شكله صاير احلى :(

فإذا في غلاف جديد ل htc ديزاير اكيد ابي اشتري منه :shy:

[شمعة الدوحه]

اوبس ،، ما عاد عندي الجالكسي الاس ولا الاس 2 :shy:
الجالكسي اس 2 خذه ولدي من الفرحة اختفى :omen2:

وحاليا موقفة فكرة شراء اي جوال يديد ،، لأني سمعت ان خدمة
الالياف البصرية قريب بتهل علينا :telephone:
فما ابي احط فلوسي في جواويل 2G 3G
منتظرة ال 4G يتطبق عندنا علشان اخذ لي جوال متوافقق وياه ،،

ال htc ديزاير ماشي حاله وطيب وحبوب ومطيع مع انه من كثر الترضخ
تقشر اشوي بس على قولة ولدي الصغير شكله صاير احلى :(

فإذا في غلاف جديد ل htc ديزاير اكيد ابي اشتري منه :shy:


اهم شي انه عندج التلفون اللي انتي مرتاحة له

وبالنسبه للشراء

نقيت لي كم من كفر وستيكر علشان بصمات الاصابع

واللحين قاعده امشي خطوه خطوه

بس آخر شي عالدفع يبغوني احط رقم الفيزا هاي محلوله

بس فيه خانه احط رقم الــ cvc

وشكله يتكون من رقمين او 3

اقولب في الفيزا كارد ماشفت شي اسمه cvc :anger1:

[شمعة الدوحه]

يس تمت العمليه

لقيت الرقم في الفيزا من ورى 3 ارقام تجي بعد الرقم الطويل :)

وان شاء الله توصل قريب

لاني اخترت الشحن اللي خلال يومين

[ام السعف]

يس تمت العمليه

لقيت الرقم في الفيزا من ورى 3 ارقام تجي بعد الرقم الطويل :)

وان شاء الله توصل قريب

لاني اخترت الشحن اللي خلال يومين

ايه هذا الكود اللي ينحط ورا الكارد ،،
للنت اخذي لج بطاقات مسبقة الدفع ابرك لج من الكارد الاساسي
وبالمبارك عليج مقدما :nice:

[AlWakRa]

مشكور يالوكره , خذت واحد من النصر عربي يقول اخر سوفت وير نزل , خووووش جهاز :nice:

بس الخرايط احسها قدييمه ومن ضمن الفنادق ريدجز اللي هدموه :rolleyes2: , شلون تجديد الخرايط اذا تعرف ؟


الخرايط ، خرايط جوجل ياخذها من النت دايركت ، وأنا لاحظت إنها قديمة أشوي ، ما في غير ننطر إلى نهاية السنة يتجددون -ما أعرف كل كم شهر يجددونهم- ، في برامج ثانية موجودة مثل Ndrive و iGo و Sygic ... الخ ، معظمهم موجودة خرايط الربع الرابع من 2010 ، للحين ما في وايد خرايط حق 2011 بس راح تحصل برامج نافيجيشن ببلاش أوفلاين مثل اللي ذكرتهم توه

[AlWakRa]

أم السعف ، يبيله تجارة بس راس المال عليج خخخخخ
أفكر بالموضوع من فترة بس متعيز << مشكلتي كسلاان حددي -زين مني أداوم ههه-

شمعة الدوحة ، مبروك الكفرات وإن شاء الله يوصلون لج بسرعة بدون تأخير ، والـ csc مادري cvs اللي هو، هو آخر 3 أرقام مكتوبة على البطاقة من ورى

[شمعة الدوحه]

أم السعف ، يبيله تجارة بس راس المال عليج خخخخخ
أفكر بالموضوع من فترة بس متعيز << مشكلتي كسلاان حددي -زين مني أداوم ههه-

شمعة الدوحة ، مبروك الكفرات وإن شاء الله يوصلون لج بسرعة بدون تأخير ، والـ csc مادري cvs اللي هو، هو آخر 3 أرقام مكتوبة على البطاقة من ورى


بتوهقها ههههههههه

فكره حلوه يالوكره اذا محتاج لك مصدر دخل ثاني صج شيبه :tease:

انا اتمنى يوم من الايام اكون تاجره وراح اشتغل على هالشي في القريب العاجل او البعيد مايندرى

وربي يبارك فيك

اي سألت موظفه معاي بالبنك وقالت لي :)

< في بنك وماتعرف :rolleyes2:

خبرك أول مره اطلب من النت

واكيد موب الاخيره اذا اعجبتني الكفرات

بس سؤال واحد هو بيجيني عالبريد والا وين

اذا موب عالبريد هل لازم اسجل في الدي اتش ال

لان من ضمن الخيارات حطيت لهم صندوق البريد

[UniCorn-80]

والله شكله حلو
كم سعره تتوقعون

[شمعة الدوحه]

والله شكله حلو
كم سعره تتوقعون

2699 :)

[ام السعف]

أم السعف ، يبيله تجارة بس راس المال عليج خخخخخ
أفكر بالموضوع من فترة بس متعيز << مشكلتي كسلاان حددي -زين مني أداوم ههه-

شمعة الدوحة ، مبروك الكفرات وإن شاء الله يوصلون لج بسرعة بدون تأخير ، والـ csc مادري cvs اللي هو، هو آخر 3 أرقام مكتوبة على البطاقة من ورى

اوكي خلاص عندي 5000 ريال :shy:

شمعة نبي دعاية :shy:

[شمعة الدوحه]

اوكي خلاص عندي 5000 ريال :shy:

شمعة نبي دعاية :shy::nice:

حاضرين
ماطلبتي شي

[ام السعف]

:nice:

حاضرين
ماطلبتي شي

شرد الوكرة :(

:telephone:

[AlWakRa]

شمعة الدوحة ، الأغراض توصل للبريد الممتاز بالمطار -قبل سامكو- ، وأعتقد يقدرون يرسلون على صندوق بريدج إذا تبين ، عن نفسي رحت خذيتهم دايركت ولا أعور راسي وانتظر على ما يوصلون البريد
عاد مشكلة تداومين في بنك وما تعرفين ذي ههههه ، الظاهر مب صوب البطايق، أنا صار لي اسبوعين أداوم في بنك بعد في قسم البطاقات والصرافات -عوار راس- وعرفت كل شي خاص فيهم ، بس زين بيغيرون قسمي الحين (تدريب صيفي من الجامعة)



خذ الفلوس وشررد يا أم السعف خخخخخ

الموضوع يبيله اشوية تفكيير :)

في البداية ، بوضعي الحالي أنا ما حاط الخسارة خيار أبداً ، اللي حاط في بالي إني أطلع هامش ربح بسيط يضمن استمرار التجارة ونموها حبه حبه حلو ، لأني ما أشتغل رسمي ، باقي لي آخر كورس الجامعة والله ييسر وأفتك من جامعة قطر الخريف الجاي -اقصد الشتا، ما عندنا خريف بالدوحه خخخخ-

الموضوع يبيله تسويق جامد للجهاز أولاً علشان تمشي الكفرات ، وعندنا الناس مشكلة نسبة قليلة تحب المخاطرة وأخذ أجهزة ثانية ، ممكن نقول إنهم بدوا يغيرون لأن الجهاز أثبت نفسه ، بس بعد يبيله فترة


إذا بديت التجارة فعندي ايجابيات على الثانيين، إني بجيب كفرات لأجهزة قلة من يجيبون لها ويمكن بعد ما في لها إلا عند الوكيل ، السعر بيكون مناسب إن قارناه مع الوكيل ، ووجود تشكيلة بالنت حلوه للجهاز
السلبيات هي إن أسعار الكفرات نفسها غالية من برع ، أرخصهم على 10 دولار تقريباً ويوصل سعرهم ويوصل للـ 60 دولار للحافظات الجلدية ، والسعر المتوسط تقريباً 25 دولار

إن يعني أسعار البيع راح تتراوح بين 50 ريال وممكن توصل لـ 150 ريال ، طبعا استثنيت المحافظ الجلدية لأن أسعارهم الأغلى ومالها اقبال كبير :)

بعدين عندنا حماية الشاشة ، ترى الشاشة ضد الخدش بس مب كل أنواع الخدش ، يعني لما مفتاح مع الشاشة ويتهاوشون الوضع بيكون أوكيه ، بس إنه يطيح على الأرض فهاي راح يخدشه ، أنا عن نفسي جبت نوعية ضد البصمات لأني كلش ضاق خلقي من كثر ما أمسح الشاشة ههه وهذول أسعارهم تقريباً 12 دولار يعني راح ينباع بـ 50 أو 60 ريال خخخخ

بس إن كنت أبي هامش ربحي لازم السعر يرتفع أكثر لأن فرق ريال وإلا ريالين وإلا عشر عن سعر الشراء ما راح يأمن لي الربح الكافي للاستمرار لأن في تكاليف الشحن وأعتقد ببعض الحالات يكون في جمارك للكميات الكبيرة والكثير من المؤثرات الخارجية

مع كل هاي في تهديدات Threat << ما عرفت أجيب مصطلح أحسن بالعربي خخخ
أحدهم وأبسط مثال أقدر أفكر فيه هو إن يطلع لنا واحد من التجار القدامى والثقة يحسدني على التجارة الماشية ويجيب الكفرات بكميات أكبر ، وطبعاً الثقة اللي بينه وبين الأعضاء هي اللي راح ترجح كفته (وتجارنا فيهم الخير والبركة بس مجرد مثال عاابر وما أقصد إنهم حسودين بس مجرد إضفاء نوع من الطرافة على الكلام ههه)


بتتعقدون معاي لأن هاي في عميق تخصصي ههههه (تسويق، تراه مب مجرد ترويج للبضايع) وطبعاً إن بديت التجارة راح أحط هدفي إني أوصل لعمل عقد تجارة مع الشركات المصنعة للكفرات وينفتح محل خاص وموقع للشراء الالكتروني يعني أحلام اليقظه الحين لووووول



والله يوفق الجميع باللي يثابر لأجله

[ام السعف]

الوكرة مشاركتك يبي لها تركيز ،، خلني اشحن المخ بالنوم اول شي
وان راد الله رديت اشوف شنهي سالفة التجارة هذي ......> ما تدري يمكن صرنا احسن من
مالك فيرجن :(

[شمعة الدوحه]

شمعة الدوحة ، الأغراض توصل للبريد الممتاز بالمطار -قبل سامكو- ، وأعتقد يقدرون يرسلون على صندوق بريدج إذا تبين ، عن نفسي رحت خذيتهم دايركت ولا أعور راسي وانتظر على ما يوصلون البريد
عاد مشكلة تداومين في بنك وما تعرفين ذي ههههه ، الظاهر مب صوب البطايق، أنا صار لي اسبوعين أداوم في بنك بعد في قسم البطاقات والصرافات -عوار راس- وعرفت كل شي خاص فيهم ، بس زين بيغيرون قسمي الحين (تدريب صيفي من الجامعة)



خذ الفلوس وشررد يا أم السعف خخخخخ

الموضوع يبيله اشوية تفكيير :)

في البداية ، بوضعي الحالي أنا ما حاط الخسارة خيار أبداً ، اللي حاط في بالي إني أطلع هامش ربح بسيط يضمن استمرار التجارة ونموها حبه حبه حلو ، لأني ما أشتغل رسمي ، باقي لي آخر كورس الجامعة والله ييسر وأفتك من جامعة قطر الخريف الجاي -اقصد الشتا، ما عندنا خريف بالدوحه خخخخ-

الموضوع يبيله تسويق جامد للجهاز أولاً علشان تمشي الكفرات ، وعندنا الناس مشكلة نسبة قليلة تحب المخاطرة وأخذ أجهزة ثانية ، ممكن نقول إنهم بدوا يغيرون لأن الجهاز أثبت نفسه ، بس بعد يبيله فترة


إذا بديت التجارة فعندي ايجابيات على الثانيين، إني بجيب كفرات لأجهزة قلة من يجيبون لها ويمكن بعد ما في لها إلا عند الوكيل ، السعر بيكون مناسب إن قارناه مع الوكيل ، ووجود تشكيلة بالنت حلوه للجهاز
السلبيات هي إن أسعار الكفرات نفسها غالية من برع ، أرخصهم على 10 دولار تقريباً ويوصل سعرهم ويوصل للـ 60 دولار للحافظات الجلدية ، والسعر المتوسط تقريباً 25 دولار

إن يعني أسعار البيع راح تتراوح بين 50 ريال وممكن توصل لـ 150 ريال ، طبعا استثنيت المحافظ الجلدية لأن أسعارهم الأغلى ومالها اقبال كبير :)

بعدين عندنا حماية الشاشة ، ترى الشاشة ضد الخدش بس مب كل أنواع الخدش ، يعني لما مفتاح مع الشاشة ويتهاوشون الوضع بيكون أوكيه ، بس إنه يطيح على الأرض فهاي راح يخدشه ، أنا عن نفسي جبت نوعية ضد البصمات لأني كلش ضاق خلقي من كثر ما أمسح الشاشة ههه وهذول أسعارهم تقريباً 12 دولار يعني راح ينباع بـ 50 أو 60 ريال خخخخ

بس إن كنت أبي هامش ربحي لازم السعر يرتفع أكثر لأن فرق ريال وإلا ريالين وإلا عشر عن سعر الشراء ما راح يأمن لي الربح الكافي للاستمرار لأن في تكاليف الشحن وأعتقد ببعض الحالات يكون في جمارك للكميات الكبيرة والكثير من المؤثرات الخارجية

مع كل هاي في تهديدات Threat << ما عرفت أجيب مصطلح أحسن بالعربي خخخ
أحدهم وأبسط مثال أقدر أفكر فيه هو إن يطلع لنا واحد من التجار القدامى والثقة يحسدني على التجارة الماشية ويجيب الكفرات بكميات أكبر ، وطبعاً الثقة اللي بينه وبين الأعضاء هي اللي راح ترجح كفته (وتجارنا فيهم الخير والبركة بس مجرد مثال عاابر وما أقصد إنهم حسودين بس مجرد إضفاء نوع من الطرافة على الكلام ههه)


بتتعقدون معاي لأن هاي في عميق تخصصي ههههه (تسويق، تراه مب مجرد ترويج للبضايع) وطبعاً إن بديت التجارة راح أحط هدفي إني أوصل لعمل عقد تجارة مع الشركات المصنعة للكفرات وينفتح محل خاص وموقع للشراء الالكتروني يعني أحلام اليقظه الحين لووووول



والله يوفق الجميع باللي يثابر لأجله

وانا شدراني انها اوصلت :(
انا مشكلتي ماارد على ارقام غريبه يعني لو يتصلون من اليوم لين باجر مابرد
الا اذا ارقام أرضيه

وبعدين ترى الكورات اللي خذيتهم اللي منقطه نفس المشخال في الموقع ب 8 دولار

لقيتها امس بمحل في حياة بلازا حق الجوالات والكفرات اللي جنب المخازن بــ 35 ريال واشوفه سعر حلو صراحه ومايفرق عن اللي بالموقع .. بالعكس في الموقع ياخذون عليك دفعة شحن

ولقيت عنده كورات حلوه بعد اللي بالحديد القولد وتشكيلات هذي بــ 90

وبالنسبه لستيكر الحمايه طلبته من الموقع

تعبت وانا امسح تلفوني من بصماتي :(

والله يالوكره انا توني منتقله لقسم الريسك اللي هو خاص بالقروض والبطاقات فللحين توني اتعلم

وموفق ان شاء الله بدراستك

وكلامك ماشاء الله يدل على انك فاهم بالتجاره

وان شاء الله لك مستقبل باهر

بس لاتنساني انا وام السعف

ترى احنا اصحاب الفكره يعني لازم نكون شركاء :tease:

والا شووو رايج ام السعف :omen2:

[AlWakRa]

يتصلون من رقم أرضي :)

والله يوفقج بقسم الريسك ، قسم مهم وله دور كبير ، وإن شاء الله انج قدها


وإن شاء الله راح أطرح أسهم حق تجارتي خخخخخ

[شمعة الدوحه]

يتصلون من رقم أرضي :)

والله يوفقج بقسم الريسك ، قسم مهم وله دور كبير ، وإن شاء الله انج قدها


وإن شاء الله راح أطرح أسهم حق تجارتي خخخخخ

اوووكي حلو

والله يوفق الجميع ان شاء الله

بالنسبه للكفر لاتروحون للمحل

طلع اللي بالمحل امس غبي

اقوله عندك حق جالكسي اس 2 طلع لي اشكال وقالي اي هذيلا لهم وانا مادققت بس شفت اسعارهم واشكالهم وماخذيت

مريته من ساعه لاني قررت اخذ الا لقيت واحد غير اللي امس قلت له وين كورات جالكسي اس 2 قال مافيه

قلت يعني خلصت

قال اصلا هاي مايجي للحين :(

قلت واللي امس قالي انه فيه وشفتهم

قالي يمكن غلطان :omg:

[كرستال]

السلام عليكم ورحمة الله

اود تسجيل اعجابي بكل المتحاورين بالموضوع

بالذات الاخ AlWakRa والاخت ام السعف
ولا يهونون البقية

ما شاء الله عليكم اثريتم الموضوع وخليتوا الي ما يشتري .. يتابع :)


عساكم على القوه