هل شركات الشحن تطلب نقود عند شراء اى شئ على الانترنت ؟

[ccontent]

هل تقوم شركات البريد مثل دى اتشل ال و غيرها بالحصول على جمارك او اى نقود عند تسليم اى منتج قمت بشراءه على الانترنت؟

وهل موقع باى بال يتيح استقبال النقود فى قطر ؟

[eXpert*]

اذا البضاعه عليها جمارك يتصلون فيك يقولون لك روح أدفع الجمرك اللي عليه .

وعقب ماتدفع تودي لهم الوصل وبعدها يروحون يخلصونه لك ويكلمونك تستلمه .

[Dawn]

ياخذون في حالة ان التاجر حط قيمة الشي وكانت اعلى من 3000 ريال لاغراض معينه
لكن التجار الامريكان شطار ويقللون قيمة الاغراض او ما يحطون فاتوره

وسؤال الباي بال ما فهمته صراحه اذا تقدر تصيغه بطريقه اخرى .. ممكن اساعد
وهو عالعموم يقبل البطاقات القطريه وممكن التجار القطريين يستعملونه مع زباينهم وانا كثير ادفعوا لي عن طريقه عادي ..

[ccontent]

انا يعنى اذا اشتريت غرض فوق ال3000 ريال يطلبون عليه جمارك حتى ولو كان هدية

و السؤال التانى لو بغيت ابيع شئ هل الباى بال يتيح امكانية استقبال النقود على حسابى
وشكراً

[Dawn]

انا يعنى اذا اشتريت غرض فوق ال3000 ريال يطلبون عليه جمارك حتى ولو كان هدية

و السؤال التانى لو بغيت ابيع شئ هل الباى بال يتيح امكانية استقبال النقود على حسابى
وشكراً

بخصوص الاغراض اللي فوق 3000 مب كلها اخوي يعني فيه اشيا مثل قطع غيار السيارات تجيك فوق 3000 لكن ما تدفع عليها جمارك
لكن لو شريت تحفه مثلا او ساعه التاجر غبي كتب قيمتها الفعليه في الفاتوره اللي على الطرد راح يدفعونك ،،، وسالفه الهديه ممكن تجنبك موضوع الجمارك ..
بخصوص باي بال بحكم اني تاجره في ايباي اقولك نعم تستقبل النقود لكن يجب ان يكون العنوان الخاص بك مؤكد يعني متطابق مع عنوان فاتورة البنك لبطاقتك ..
بس تصبر من 7 -10 ايام حتى تكون الفلوس موجوده عندك في البطاقه وتقدر تستخدمها في قطر اما اونلاين ممكن تستخدمها في نفس اللحظه

[ccontent]

شكراً كثيرا والله افدتينى

اصل موضوع الباى بال والشراء من الاى باى جديد بالنسبة لى

ولكن سؤال اخر اذا قمت باستخدام بطاقة اليه تى ام تنفع اصلى دخلتها فى حساب الباى بال قبلت بس خايف ايه رأيك ؟ ولا اعمل حساب اخر ببطاقة ديبت استخدمها لحق الشراء من الانترنت

[ccontent]

و بطاقة الايه تى ام الى دخلتها مبتخلينى استخدم خاصية withdraw

[Dawn]

انصحك تاخذ e-card هذي اللي تتعبى افضل لك لكن ان كنت تبغي تتاجر وتسحب المبلغ بعد ما يدفع الزبون اعتقد الإي كارد ما تنفع ..
فعندك خيار ثاني انك تاخذ كردت كارد بس خل الليمت بسيط نقول 10000 مثلا ؟
بس الدتكارد هذي مالة الاي تي ام .. يعني ما انصحك صراحه .. انا عن نفسي ما جربتها وما احس ان هالحركه مضمونه ...
الكردت كارد او الاي كارد افضل لان المبلغ اللي فيها محدود ..

[ccontent]

كفيتى ووفيتى شكرا جزيلا

[@north_star@]

بطاقة ايه تي ام العادية ما تصلح للشراء عبر النت بس بطاقات الفيزا والماستر كارد او البطاقات للي يصدرها البنك مثل pay & go او غيرها من البطاقات هي اللي تصلح للشراء عبر النت

[ccontent]

لكننى سجلت ببطاقة الايتى ام ومشى الحال لانها مكتوب عليها فيزا الكترون

[@north_star@]

لكننى سجلت ببطاقة الايتى ام ومشى الحال لانها مكتوب عليها فيزا الكترون

انتا سجلت بس ما شريت فيها اخوي

[شميرام]

بطاقة ايه تي ام العادية ما تصلح للشراء عبر النت بس بطاقات الفيزا والماستر كارد او البطاقات للي يصدرها البنك مثل pay & go او غيرها من البطاقات هي اللي تصلح للشراء عبر النت
يصير بالبطاقة العاديه بس مب مضمونه أنا شريت كم مره بس مره خذو مني المبلغ مرتين وطبعا لازم تسوي مطالبه ماليه اذا خذو اكثر من المبلغ او سلعه طلعت غير متوفره غير ان يمكن يبقون فلوسك اذا الجهاز مخترق عشان جيه ناس تفضل بطايق النت او مسبقه الدفع


اما الشحن اذا شي بسيط ثياب او تلفون او اي شي بسيط عندك أرمكس بس غالي يعني اذا طلب سي دي يخذون 40 ريال حتي لو سعر السي دي 10

اذا مثلا شي غير ثمين وخفيف ملابس مثلا البريد العادي أنا مرتين طلبت عليه يتأخرون شوي يعني شهرين او اكثر بس الخدمه مجانيه

[Dawn]

انتا سجلت بس ما شريت فيها اخوي

انا ما جربتها للدفع
لكن وايد جربوها في بعض المواقع
بس اعتقد انها فكره غير موفقه لانها مرتبطه بحساب البنك .. عالاقل الكردت كارد لو انسرقت راح ينسرق منها مبلغ محدود اما الحساب لو انسرق هذي مشكله .. عالعموم الباي بال موقع مضمون .. لكن المشكله في بعض المواقع اللي التشيك اوت سستم مالها ممكن يكون غير آمن للزباين ..