حرام عليكم يالجنة التثمين في حق اهل قطر

[احب قطر]

تنص المـــــادة ( 18 ) من الدستور

يقوم المجتمع القطري على دعامات العدل، والإحسان، والحرية، والمساواة، ومكارم الأخلاق.

ياجماعة الخير قطروخيرها مغرقين اللي داخل واللي برع ، انا عندي قطعة ارض وابغي ابني عليها ، قالوا لي ان في استقطاع مايقارب من 45 متر من الارض ، قلنا مايخالف مع ان توني شاري الارض ، المنطقة اللي انا فيها قيمة الفوت اقل شي 350 ريال يعني المفروض تطلع القيمة 169 الف ريال.

تخيلوا كم قالوا لي التعويض .... 58 الف ريال....

هل يعقل ياجماعة الخير انهم يظلمون الناس في حلالهم بهالطريقة ، لا وقالوا ل اذا بتتظلم تدفع 200 ريال وبتحصل بس 15%...

يالجنة التثمين ترى حرام عليك ظلم الناس بهالطريقة وخيرنا طالع من بلادنا .

[do7ani]

الله يعينك اخوي
ويعوضك خير يالغالي

[The Watcher]

من حقك تتظلم وتطلب زيادة .. وتثبت انك شريت الارض بأكثر من هالسعر

[فلور]

الله يعينك اخوي
كل شيء توقع يصير

[دولة قطر.]

قطر تغيرت والظلم اصبح علنا

والضغط يولد الانفجار
كل شي تاخدة الدولة بس الى نشوفة انه يروح لغير الدولة

[المستثمرVIP]

ياخوي الله يعينك
بس ترا الدوله لها فوت ثاني كل منطقه لها سعر معين
والله يوفقك

[الصدى الخالد]

الله يعينك اخوي

حاول ترفع الامر للديوان اخوي

[الصدى الخالد]

ياخوي الله يعينك
بس ترا الدوله لها فوت ثاني كل منطقه لها سعر معين
والله يوفقك

ياخوي بما ان الدولة لها فوت ثاني

ليش ما ينحط قرار يمنع تجاوز السعر عن السعر الدولة

واذا في زيادة بحد اقصى 1 - 2%عن سعر الدولة

ولكن يكون الفرق شاسع !!!!!!!

[حسن]

شوف يا اخوي لاتتظلم لانه بيوقعونك على تعهد انك تقبل الحكم انصحك انك ترفع عليهم قضيه وتطلب بالتعويض اللى انت تستحقه واطلب من القاضي ان يقيمون الارض بواسطه مثمنين معروفين لدى المحكمه مثل مكتب بن حمده واضن مكتب الحق هذولا مخولين لدي المحكمه وهماللي يقدرون سعر العقار واتمنى لك التوفيق

[حمد بن سعد]

من ترك شيئا لله عوضه الله خيرا منه

[راشد محمد]

الله يعينك ويصبرك

[barod]

انا ثمنوا ارض بيتي على ميتين والاراضي الي بمنطقتنا على 250 اقل شيي واذا الارض زادت عن ثلاثه الاف متر يقيمونها 180 ريال الناس اول تفرح لي جاهم القص الحين العكس

[الخزرجي قطر]

الله يعينك ويعوضك خير ان شاالله
ترى بتتعب نفسك مالك غير التعويض وزيادة اللجنه

[Al Capone]

( التثمين لناس وناس )

[مايبخ]

كل شي يصير بأسم الدولة
ولكن لمصلحة فئة معينة

لكن الله يصبرك ياخوي

[بودحوم]

قمة الظلم بصراحة

وين كلام وزير البلدية في برنامج لكم القرار ؟؟؟

عندما قال له مقدم البرنامج ( الناس في الأول يفرحون بالقص . لكن الحين يخافون بسبب قيمة التعويض )

كان رد الوزير (أكيد تتكلم عن دولة ثانية . بالعكس الحين يجونا ناس يبونا نستملك عقاراتهم عشان التعويض )

أنا عندي أرض في الوكره من ضمن الأراضي اللي بتستملكها الدوله ( نزع ملكية )

وللأسف الدوله معطلتني من كم سنة ولا يبون يدفعون لي التعويض لين يقررون البدء في مشاريعهم في المنطقة. ( قمة الظلم )

السعر في ذروة الغلاء وصل 420 ريال للفوت .
والله يعلم كم بيحسبون الفوت عند التثمين .

السؤال : من اللي بيعوضني فرق السعر إذا ثمنوها بأسعار هذي الأيام ؟؟؟

[متداول عالمي]

الله يعينكم الان نافورة الدولة محولينها لليبيا

والشعب اخر الاهتمامات

الله يعينك

[بوسعيد2]

[quote=حمد بن سعد;7285210]
من ترك شيئا لله عوضه الله خيرا منه[/quot
لله طيب مختلفنا بس الحرميه لا

[هبوب الكوس]

عين ما صلت على النبي

حسد خارجي خلت الفلوس تروح للخارج :(

وما توصل للقريب

جرب غير جوازك يمكن يعوضونك اكثر

[مستجدة]

الله يعين اهل قطر حتى حلالهم ناشبوهم عليه :secret:

[مضاد]

تنص المـــــادة ( 18 ) من الدستور

يقوم المجتمع القطري على دعامات العدل، والإحسان، والحرية، والمساواة، ومكارم الأخلاق.

.


ااااالله كلام جميل .

________________




اكثر من قول : حسسسسبي الله ونعم الوكيل .


ماباليد حيله :(

[بوسلمان 2010]

الله يعيضك خير ويمكن تكون اخيره لك وشلة عنك قضاء الله المستعان

[بوخالد911]

الله يعيينكم

[G0LD]

الحين لو تطالب بيقولون لك كل منطقه ولها سعرها ماعلينا بسعر السوق

حسبي الله ونعم الوكيل

[abn qatar]

الله يعينكم الان نافورة الدولة محولينها لليبيا

والشعب اخر الاهتمامات

الله يعينك

انت الصادق محوله الى مصر استثمارات بالملاييين وهناك تعليمات ان تكون

قطر هي الدوله الاولى في الاستثمار بقطر وصاحبه اعلى استثمار لان يحبون

الفشخره ويحبون يكونون الاول حتى في التبرعات خصوصا للاخرين

[قطريه ماركه]

لا حول ولا قوة الا بالله .... الله المستعاااااااان ....

[يحفظك ربي]

الله يكون بعونك اخوي ويفرجها عليك

[لعديد]

قمة الظلم لجنة التثمين .....قمة الظلم لجنة التثمين
سمو الأمير ماااقصر بتشكيل لجنه من أهل قطر
لكن للاسف قمة الظلم تثمين الجنة لي
ولا يمنع محاباتهم لبعض من أهل قطر بالتثمين
وظلم لكثير من أهل قطر
وجزاه الله ألف خير ولي العهد لولا إنصافه لي فقد تعرضة لظلم من قبلهم
وجزاء الله خير البطانه الصالحة لولي أمرنا الذين رفعوا ظلمي إليه

ومع ذلك رجع الموضوع لهم وتم ظلمي مره آخرى .... وللاسف بتفسيرات وجتهادات شخصية

[الـخـالـدي]

عند الله خير ... والمظلوم دعوته مستجابه .. وتروح السما مثل الشراره ..

الله يكون في عونك اخوي