دوار التضامن والمآسي اليومية

[bohilal191]

السلام عليكم اشرايكم بالازمة اللي صايرة في دوار التضامن عقب ماأغلقوا المسار الايمين من كل شارع صار الوضع مأساة والزحمة في كل اتجاه تخيلوا الزحمة من دوار المول الى دوار التضامن والزحمة من اشارات المنتزة لين دوار التضامن والزحمة من جسر الدائري الرابع لين التضامن وسكان فريج العلي ماعندهم الا مخرج واحد

[تحداني]

هذا الدوار بالفعل مصيبه .. ومده الانتظار عليه تفقدك لذه الطريق السريع الي بعده
سمعت ان سيتم ازالته بعد ما تم تعديل الشارع المؤدي لمطار الدوحه الدولي
يعني ازاله دوار المول مع دوار التضامن هذا والله اعلم

انا مع غلق الجانب الايمن من الشارع
ولكن ان لايوجد سوى منقذ واحد هنا المتعب .. وما اعرف حقيقه وين المرور عن هذا الدوار


جملك الله برضى الرحمن

[بدون]

الله يعين المضطرين لاستخدام هذا الطريق كل صباح

[الخزرجي قطر]

والله انك صدقت في طرحك الموضوع عن الدوار وهمومه
الله يعين مستخدمي دوار التضامن بشكل يومي مستمر

[Realistic]

اصبر اخوي .. ان الله مع الصابرين .. مسكرين المسار الايميل عشان يضبطون التحويلات الي بتصير لما يتسكر الدوار .. وانشالله الدوار بيتحول لتقاطع اشارات + نفق << هالكلام ينطبق على دوار التظامن ودوار المول

[بو طالب]

مو بس دوار التظامن الي فيه زحمه .. كل الدواوير في قطر عليها زحمه حتى الدواوير الي فــ ( الفرجان )
ومو بس الصبح اتكون الزحمه ... لآ!! الزحمه اتكون صبح وظهر وعصر ومغرب وعشاء وليل وكل وقت فــ اليوم
والسبب؟؟؟
والزحمه على هــ الدوار من 4 جهات المول والمنتزه والدائري الرابع والعلي
وما نقول غير ..
الصبر ... الصبر ... الصبر ياارب

[ابوسعود]

الله يعين المضطرين لاستخدام هذا الطريق كل صباح

:weeping::weeping::weeping::weeping::weeping:

[الخفي]

للاسف اني واحد من ضحايا هالدوار وبشكل يومي. لكن خلاص تعودنا حتى اني

جيت مره الساعه ١٢ بالليل. ماشفت الا سيارتين عالدوار دقيت دنجر احتفالا

بالانسيابيه في الدوار

[بوخالد911]

الله يعيينا بس

هالمنطقة مكتظة بالسكان

معليه نستحمل اشوي


موفقيين

[بنـ ابوها ـت]

الله المستعان هذا طريقي كل يوم للدوام وكل يوم تاخير بسبب هذا الدوار

[@north_star@]

انا لازم امر منه كل يوم الصبح والله يعين الجميع ونتمنى يشوفون حل جذري لهالدوار

[wadha-qa]

ترى فيه طريق بديل
مب شرط تمرون ع الدوار

[bohilal191]

ترى فيه طريق بديل
مب شرط تمرون ع الدوار

قول لنا اي طريق ،،انا واحد ساكن في فريج العلي وأبغي اروح المنتزة ،،بعض المرات ماطلع من البيت الا الساعة 10 ولا 11 بالليل بس عشان الزحمة تكون اخف

[almaf1a]

وضع دوار التضامن مختلف عن الباقي
لانه يعتبر نهاية الشارع السريع الاوحد في قطر
فالمفروض انك من خط الشمال ماتوقف الا في مطار الدوحة
فبدال من عمل جسور على دوار التضامن والمول تم اضافه اشارة زيادة قدام اللولو
ايعقل ان اخذ 5 الى 10 دقايق من جسر الشمال الى دوار التضامن واقعد على الدوار اكثر من ربع ساعه وربع ساعه ثانيه على دوار المول
مافائدة الخط السريع اذا
الي ساكن في المناطق الشماليه ماله الا الكورنيش وخط سلاح الجو ويدخل للمطار من جهة الجنوب

[برق لمع]

صار لي سنة ما امر عليه
مأساه صراحة ،،لازم حل جذري وسريع

[تحداني]

وضع دوار التضامن مختلف عن الباقي
لانه يعتبر نهاية الشارع السريع الاوحد في قطر
فالمفروض انك من خط الشمال ماتوقف الا في مطار الدوحة
فبدال من عمل جسور على دوار التضامن والمول تم اضافه اشارة زيادة قدام اللولوايعقل ان اخذ 5 الى 10 دقايق من جسر الشمال الى دوار التضامن واقعد على الدوار اكثر من ربع ساعه وربع ساعه ثانيه على دوار المول
مافائدة الخط السريع اذا
الي ساكن في المناطق الشماليه ماله الا الكورنيش وخط سلاح الجو ويدخل للمطار من جهة الجنوب




وهاذي المصيبه والكارثه
الا اذا حضراتهم عندهم خيال وخطه ثانيه احنه مو شايفينها
العلم عند الله


جملك الله برضى الرحمن

[وطن]

يا جماعة خل نتصبر شوي
هالدوار فعلا ازمه خصوصا بعد ما سكروه
بس اكيد لصالحنا بعد ما يشلونه ويحطون اشارات

هم مشكلتهم في التنسيق
يبون يخلصون كل شي بسرعه
بس ما يفكرون في عواقب هالسرعه والازمه اللي بتصير بسبب اغلاق المسارات

ان شاء الله يخلصون بسرعه ونفتك

[bohilal191]

الله المستعان

[boamir]

انا اعتقد هم يتلذذون بالزحمه
اي مكان في زحمه شووي لازم يسكرون خط ولا لفه عشان الزحمه تزيييد

يعني كل شارع بالدوحه تحصل صبيات وشاحنات
طريق سلوى إلي يجيه اول مره مايدري شموضوعه
خط 22 فبراير تمشي فيه تقول بنفسك باخذ هاللفه إلا تشوف امة محمد جدامك وتقول خلني اكمل واخذ المخرج إلي بعده وتروح وتحصل الوضع اخس


شوارع الدوحه معااناااااه ودوار التضامن اضطر إني ازرق من داخل الفريج ليييين ماأطلع من عند اللفه إلي قريبه من الدواار وتعال شوف الهواش وشغل المنااحس
الله المستعاان

[فارس قطر]

وتعال شوف الهواش وشغل المنااحس
الله المستعاان

خخخخخخخخخخخخخخ

كل يوم الله وكيلك انا على هذا الحال وياهم

الله يعينا على اشغال

عندي سؤال
المهندسين الي في اشغال ويخططون هذة شوارع

الى ماتخلص
شنو جنسياتهم!!!

[المتحدث الرسمي]

جانزين ياخوي جات على دوار التضامن بس :weeping:



دوار التضامن و ما جاوره من الدواوير

دوار خميس العبيدلي

الاشارات الي قبل خميس العبيدلي في نهاية الهايوي

دوار المول

اشارات المنتزه


و

و

و

و


والقائمه تطول


مع تحيات اشغال

[clouds]

انا الحمدلله مب من سكان هالمنطقه لكن رحت مرتين المستشفى المغربي واروح الساعه 3 ونص عن الزحمه وبعد تصادفني في الروحه اما لما اطلع منا لمغربي ويكون الوقت قريب المغرب استغفر الله ماتم سب ولادعاوي ماقولها حتى عيالي يقولون لي ماما ليش تسبين!!!!!!!الصراحه الله يعين اللي ساكن في هالمنطقه ماداني هالشارع متعب متعب ويبيله صبر وطوله بال عاد تخيل الحراره 50 والشمس حارقه والسيد شطوله...

[شميرام]

بللل أنا ما روح ذك الصوب وايد بس امس قلنا المول اقرب (بالكثير عشر دقايق مع زحمه العاديه )خل نروح له وقعدنا في عنق الزجاجه اقصد دوار التضامن ساعه الا ربع والله لاند مارك ابعد شي صار نوصله في ربع ساعه الله يعين سكان ذي المنطقه*

[فارس قطر]

معقولة من دوار العبيدلي الى اشارات حفصة في المنتزة ساعة وعشرين دقيقة

يالله المستعان

[شموع قطريه]

خخخخخخخخخخخخخخ

كل يوم الله وكيلك انا على هذا الحال وياهم

الله يعينا على اشغال

عندي سؤال
المهندسين الي في اشغال ويخططون هذة شوارع

الى ماتخلص
شنو جنسياتهم!!!

اكثرهم لبنانيين ..

[اي شي]

الله يعين المضطرين لاستخدام هذا الطريق

[bohilal191]

معقولة من دوار العبيدلي الى اشارات حفصة في المنتزة ساعة وعشرين دقيقة

يالله المستعان

معقولة ونص

[Doha Sun]

ياعوينهم الناس اللي طريقهم اليومي .. انتحار بطئ

[بوخالد911]

أمس الززحمة لا تُطاق

من اشارات المنتزة ليييييييييييييييين دوار التضامن

:(

[تحداني]

:(

هذا شعور كل من يقف امام هذا الدوار
الله يعينهم



طيب شالحل ؟؟
عطونا اشويه اقتراحات مؤقته .. " ومنا الى جهات الاختصاص " :)




جملكم الله برضى الرحمن

[boamir]

أمس الززحمة لا تُطاق

من اشارات المنتزة ليييييييييييييييين دوار التضامن

:(

امس العصر جاي من صوب الخط السريع على دوار التضامن
زحممممممممه مووووووت ولما وصلت قريب الدوار طلع في حادث والهندي موقف موتره وتخيل سيد وااحد بس يمشي وقفت لهم وقلت لهم ارحموا النااس وحركوا مواتركم وصفوا على جنب ماافي الريال يقولي الهندي مب راضي يعترف إنه الغلطان اقول له الشرطه بتجي بس وقفوا على جنب مااافي مايتحركون إلا لما الشرطه تجي

قسسسم بالله قهروني يعني حتى لو الشرطي جا هو بس بيشوف مكان الحادث مابيقول لهم تعالوا مثلوا الحادث
وفوق هاي بيعطيهم مخالفة عرقلة سير بس من يفهم

الله يعيييينا والله مادري متى بيخلصون من هالدواار

[علي رشيد]

اللي يصير شي مب طبيعي

من يومين طحت بالغلط هناك

و تميـــت 45 دقيقه فـ نفس المكان



وين الدوريات !!


لازم الإشارات اتسكّر و المرور يتدخّـل !!

[boamir]

:(

هذا شعور كل من يقف امام هذا الدوار
الله يعينهم



طيب شالحل ؟؟
عطونا اشويه اقتراحات مؤقته .. " ومنا الى جهات الاختصاص " :)




جملكم الله برضى الرحمن


الحل إنهم لو ينتظرون شوي لين ما الناس تسافر وتخف الزحمه شوووي
والإمتحانات تخلص وطلاب المدارس يقعدون في بيوتهم بعدين يبدأون ويبدأون واحد واحد مب كل الدواوير مره وحده يسكرونها خصوصا لو مكان عليه زحمه نفس دوار التضامن

والمرور بعد يتدخل وينظم السير
معقوله امس حادث بسيط وبهدل العاااالم زيااده

[ضوى]

سبحان الله صار لي فترة اشوف طريقي سلس ومفتوح الحمد لله ، الطريق لدوامي كان ياخذ مني من ربع ساعة لين نص ساعة ، الحين سبحان الله عشر دقايق اكون بشغلي ولله الحمد ، ملاحظة وايد الزحمة خفت عن قبل

[boamir]

سبحان الله صار لي فترة اشوف طريقي سلس ومفتوح الحمد لله ، الطريق لدوامي كان ياخذ مني من ربع ساعة لين نص ساعة ، الحين سبحان الله عشر دقايق اكون بشغلي ولله الحمد ، ملاحظة وايد الزحمة خفت عن قبل

وشنهووو هالطرييييق :tease:
نبي نعرف عشان نفك عمرنا
اتوقع من إشارات رمادا والمنتزه والسينما

[تحداني]

الحل إنهم لو ينتظرون شوي لين ما الناس تسافر وتخف الزحمه شوووي
والإمتحانات تخلص وطلاب المدارس يقعدون في بيوتهم بعدين يبدأون ويبدأون واحد واحد مب كل الدواوير مره وحده يسكرونها خصوصا لو مكان عليه زحمه نفس دوار التضامن

والمرور بعد يتدخل وينظم السير
معقوله امس حادث بسيط وبهدل العاااالم زيااده



يعني ما عندهم الا شهر واحد بس
المدارس ما راح اتصك ابشكل كامل ومع الدور الثاني الا شهر " 7 "
وشهر " 8 " ارمضان ومن الله ارمضان زحمه

والناس اذا سافرت ما عندها وقت الا اسبوع او اسبوعين

هذيلن يمديهم يعدلون دوار دوار في شهر
او نص شهر

هذيلن شارع فرعي يبيلهم سنه الين ما يقررون ايش يسون فيه
لا هالحل ما ينفع يا اخوي .. دور لنا حل ثاني :) بعد اذنك
ضوى حبيبتي " صباح الخير "
هالدوار مصيبه انتي ما اتمرين عليه .. انا اعرف الشوارع الي اتمرين عليها الصبح
هالدوار لو صادفك راح تتذكرين الميتين الله يرحمهم والحيين وللحين السيد مثل ماهو
انتي بس جربي يوم الي ما يكون عندج مشوار :)
ووقتها بتعرفين الزحمه ليش خفت في كل مكان
اظاهر تجمعوا الناس على هالدوار .. وهاي كله عشان الطريق " الهاي وي "
ما يسوى علينا هالطريق



جملك الله برضى الرحمن

[ضوى]

وشنهووو هالطرييييق :tease:
نبي نعرف عشان نفك عمرنا
اتوقع من إشارات رمادا والمنتزه والسينما

طريقي مختلف تماما عن اللي ذكرته :)

[تحداني]

طريقي مختلف تماما عن اللي ذكرته :)



شفتي يا جميل
انا قلت لج ..:shy:

[PGR]

السالفه مب سالفة الزحمة ,,, اللي صاير كله بسبب سوء التخطيط ,,,, سكروا الخط الاول في الشوارع من كل اتجاه ,,, ويشتغلون على راحتهم والقهر تجيهم عقب العصر والليل مايشتغلون مخلين الشوارع مسكره انزين ليش ما تشتغل 24 ساعة عشان تخلص الشغل ولا الناس في الشوارع مب مهمين وخل يتنقعون في الزحمه مب مهم ؟ مافي فايده في كل شارع يشتغلون فيه السبب هو سوء التخطيط

[boamir]

الله المستعااان يبيله في الويكند اروح بالليل الساعه 1 استكشف الطرق يمكن اكتشف شي جديد هع

عن نفسي بيتي في المريخ ودوامي عند إشارات السينما
اول شي ازرق من داخل الفريج لين إشارات النصر واطلع عالخط
وعقبها المأساه في دوار وااحد بس
والمشكله لو أروح من السد امر على اشاراة السد وبعدين إشارة وبعدين عند طوارئ الاطفال وبعدين الرمادا والمنتزه ليييين ماأوصل السينما عقب طلعة روح وماأتذكر متى اخر مره وصلت الدوام عالوقت بالضبط ههههههههه

[boamir]

السالفه مب سالفة الزحمة ,,, اللي صاير كله بسبب سوء التخطيط ,,,, سكروا الخط الاول في الشوارع من كل اتجاه ,,, ويشتغلون على راحتهم والقهر تجيهم عقب العصر والليل مايشتغلون مخلين الشوارع مسكره انزين ليش ما تشتغل 24 ساعة عشان تخلص الشغل ولا الناس في الشوارع مب مهمين وخل يتنقعون في الزحمه مب مهم ؟ مافي فايده في كل شارع يشتغلون فيه السبب هو سوء التخطيط

شي طبيعي وانا اخووك
من زماااااااااااان واحنا على هالحاال مافي مكان في الدوحه مافيه حفريات وصبياات

[الـخـالـدي]

هذي عوايده اشغال مب شي جديد .. الله يعينا عليها شيبو روسنا معاهم

[قطرية ونص]

والله اليوم وصلت المكتب سبع و40 دقيقة .. وانا طالعه من البيت 6وعشرين دقيقة

[بوخالد911]

سبحان الله صار لي فترة اشوف طريقي سلس ومفتوح الحمد لله ، الطريق لدوامي كان ياخذ مني من ربع ساعة لين نص ساعة ، الحين سبحان الله عشر دقايق اكون بشغلي ولله الحمد ، ملاحظة وايد الزحمة خفت عن قبل

طيب

جربي تمرين مثلا من اشارات المنتزة وباتجاه دوار التضامن بالساعة 1و40 ظهرا

وجربي من
دوار خميس العبيدلي الى دوار التضامن بالساعة 6ونص المغرب

وعطيني النتيجة
:secret::secret::secret:

[هارودز]

مافي الا الصبر

[بيانو]

كل يوم على هذا الدوار ويا إشاره ما أطولك

اليوم من نزلة الجسر إلى الداوار واقف

زحمه يا دنيا زحمه
زحمه وتاهو الحبايب
زحمه وماعادش رحمه

أجى من هنا(دوارالتضامن) زااااحمه
أروح هنا ( دوار المول) زاااااحمه
هنا أوهنا ( إشارات) زااااحمه
زحمه يا دنيا زحمه

مع تحيات احمد عدويه

[ضوى]

شفتي يا جميل
انا قلت لج ..:shy:

صحيح كلامج ، طريقي مختلف عن اللي يتكلمون عنه الحمد لله لك يارب :shy:

[الحال مايساعد]

جيت مره الساعه ١٢ بالليل. ماشفت الا سيارتين عالدوار دقيت دنجر احتفالا

بالانسيابيه في الدوار

:):):)

[الجاهر]

اه بس لو بدل المليارات الي الدوله توزعها في استثماراتها الخارجيه

تعدل الشوارع قبل فيها وتجيب شركات عالميه مثل الي في الامارات كان محد تشكى من تخطيط الشوارع الغلط ولي كل يوم مرقعين لنا شارع ولا صاكين شارع انا ما عرف متى راح تحس العالم عندنا اهنيه بالمسؤلية وحب الوطن

دوار التضامن الدول الحين قامت تشيل الاشاارت وتسوي جسور معلقه وعندنا اهنيه لين الحين عندهم مصطلح الدوار

الله المستعان

وهرمنا من قلب

[وطن]

الله المستعااان يبيله في الويكند اروح بالليل الساعه 1 استكشف الطرق يمكن اكتشف شي جديد هع

عن نفسي بيتي في المريخ ودوامي عند إشارات السينما
اول شي ازرق من داخل الفريج لين إشارات النصر واطلع عالخط
وعقبها المأساه في دوار وااحد بس
والمشكله لو أروح من السد امر على اشاراة السد وبعدين إشارة وبعدين عند طوارئ الاطفال وبعدين الرمادا والمنتزه ليييين ماأوصل السينما عقب طلعة روح وماأتذكر متى اخر مره وصلت الدوام عالوقت بالضبط ههههههههه

الكورنيش ما يقول شي

:victory:

صج ينزحم بس اسرعهم






طريقي مختلف تماما عن اللي ذكرته :)

ضوووووووووووى عطيني طريقج الله يخليج
لان انا اقل شي اخذ 20 دقيقه
مع ان نفس المسافة والمناطق انا وانتي

[boamir]

الكورنيش ما يقول شي

:victory:

صج ينزحم بس اسرعهم




الكورنيش لازم امر على دوار المكافحه وبعدين دوار الرياضه واشارات بن عمران بعدين البدع واخذ الكورنيش لين اشارات المصرف وبعدين الدوار واروح لين راس ابوعبود عشان اطلع على اشارات عبد الغني عقبها اوصل إشارات السينما

مشوار طوييييييييل جدا

افكر اخذ لي دراجه ناريه بس مادري تنفع في الصيف :omen2:

[وطن]

الكورنيش لازم امر على دوار المكافحه وبعدين دوار الرياضه واشارات بن عمران بعدين البدع واخذ الكورنيش لين اشارات المصرف وبعدين الدوار واروح لين راس ابوعبود عشان اطلع على اشارات عبد الغني عقبها اوصل إشارات السينما

مشوار طوييييييييل جدا

افكر اخذ لي دراجه ناريه بس مادري تنفع في الصيف :omen2:

:secret:

ما يصير تداوم من منازلهم
الصراحة انا تأزمت عنك

طريقك وايد أزمه

[المحقق كونان]

انا من سكان الفريج و من يوم ماسكرو المسار صار الوضع مب طبيعي

زحمة زحمة زحمة

حاليا ما امر على هالدوار

شوف عندك طريقيين

يا انك تروح صوب سفارة بنغلادش و تكمل سيدة لين يجيك الطريق السريع و انزل من النفق لين توصل اشارة خليفة العطية عند المعمورة

و الطريق الثاني عندك الخط السريع

حتى لو بروح الكورنيش ادق لين مدينة خليفة و احول على الكورنيش ولا امر على هالدواريين العلي و المول


هرمنا هرمنا

[Locale]

دوار فريجنا الجميل
مو بس وقت انصراف الدوامات زحمه على طوول زحمه
ودوار المول ايضا لايطاق
الله يعينا على الزحمه والحر هالشيين ينرفزون

[راسي براسك]

انا اكثر انسانه تعاني من هالدوار يومياً !!
نطلع من بيوتنا بدري واحنا دواماتنا 7 ونص
بس عشان ندري أن أحنا بنتأخر من هالدوااار
يعني مثلاً أنا أطلع 6 وانا دوامي 7 ونص
والطريق من البيت للدوام ياخذ أقل من 20 في الرجعه
الكن الروحه ساعه عشان هالدوار اللي مغربلنا

[atb]

والله اللي عنده فورويل كلهم ركبوا الرصيف عند مدرسة النور ..طبعا القادمين من الخط السريع
صراحه صار دوار التضامن مركز المدينه من كل النواحي الناس تدخل

الله يعين

[بيانو]

تحديث 02/06/2011 الخميس صباحاً 7:30

الحق يقال

الله يعطيهم الف عافيه رجال المرور

اليوم الدوار أوكى وثلاث سيارات مرور و6 من أفراد الشرطه المروريه واقفين على الدوار بجميع الجهات

ماكنت مصدق نفسى أنى وصلت الدوام ب15 دقيقه بس

الله يعطيهم العافيه يارب

[وطن]

بيانو انا قطعت الدوار من يوم ما شفت الزحمة

تنصحني ارجع اسلك هالطريق في مشاويري اليوميه ؟؟ :)

[غير البشر]

والله اللي عنده فورويل كلهم ركبوا الرصيف عند مدرسة النور ..طبعا القادمين من الخط السريع
صراحه صار دوار التضامن مركز المدينه من كل النواحي الناس تدخل

الله يعين



اخوي هي ماجات على دوار التظامن
كل المنطقه الي حولها تأثرت كثير

بصراحه صار لنا كم يوم زحمه لاتطاق

وانا اقولكم الحمدلله ماتأخر في مشاويري :secret:

والسبب اني ماخليت رصيف ماركبته
ولاخليت رانسيد مارحت له
وماخليت تجاوز ماسويته

حتى الدواوير ركبتها

لاحد يطلع لي فيها ويقول غلط ومادري شنو :(

[بيانو]

بيانو انا قطعت الدوار من يوم ما شفت الزحمة

تنصحني ارجع اسلك هالطريق في مشاويري اليوميه ؟؟ :)



مرحبا أختى وطن
والله ماأقدر أعطيكى الأوكى 100%

طبعاً كل يوم زحمه غير طبيعيه (بس اليوم) بعد غير طبيعى لأن مافى زحمه خالص وذلك لوجود رجال المرور ع الدوار

نقدر نحكم عليه يوم الأحد

وبنبلغك إن شاء الله

[حسن]

انا مب قاهرني الا الافته الي عقب ماطوف الخليفات يقولك يمين المطار واليسار الوكره طوف الافته الا المفرق في ويهك تحتار وين تروك مالك الا الصبيه الي في النص مهندس غبي:anger1:

[تحداني]

تحديث 02/06/2011 الخميس صباحاً 7:30

الحق يقال

الله يعطيهم الف عافيه رجال المرور

اليوم الدوار أوكى وثلاث سيارات مرور و6 من أفراد الشرطه المروريه واقفين على الدوار بجميع الجهات

ماكنت مصدق نفسى أنى وصلت الدوام ب15 دقيقه بس

الله يعطيهم العافيه يارب





هالخبر يستاهل يكون " عاجل"
الحمد لله الدوريه ادركت عمق المعاناه والله يعطيهم العافيه دايما

شكرا



وطن
خلج على الكورنيش وخذي هاللفه الطويله
الا اذا واضبوا الدوريه في التواجد عند الدوار ذيك الساعه ردي لهالمشوار :) مجرد اقتراح
عاد انتي وابكيفج

جملك الله برضى الرحمن

[بيانو]

اخوي هي ماجات على دوار التظامن
كل المنطقه الي حولها تأثرت كثير

بصراحه صار لنا كم يوم زحمه لاتطاق

وانا اقولكم الحمدلله ماتأخر في مشاويري :secret:

والسبب اني ماخليت رصيف ماركبته
ولاخليت رانسيد مارحت له
وماخليت تجاوز ماسويته

حتى الدواوير ركبتها

لاحد يطلع لي فيها ويقول غلط ومادري شنو :(



لك عذرك لأن الزحمه تعصب أصلاً

فى مثل هذه المواقف - نحن من سكان المعموره بجانب البيت عندنا مدااااااااارس كتير مصريه وهنديه وكامبردج ومجمع مش فاكر اسمه ايه بالضبط الحكيم يمكن ........ إلخ

فالعمعموره الدخول إليها صعب والخروج أصعب :anger1:

[وطن]

تحداني الزمن

يختي احيانا ابي اروح شارع سلوى ولا الوعب
او السد
والخط الجديد وايد سريع

قبل شحلاتنا نروح دوار التضامن ودقيقه وحده الا احنا واصلين وجهتنا مع الخط الجديد
بس الحين ان رحتي دوار التضامن ضاع الوقت كله
وعادي يسكرون المحلات واحنا واقفين في الزحمة crazy








اخوي هي ماجات على دوار التظامن
كل المنطقه الي حولها تأثرت كثير

بصراحه صار لنا كم يوم زحمه لاتطاق

وانا اقولكم الحمدلله ماتأخر في مشاويري :secret:

والسبب اني ماخليت رصيف ماركبته
ولاخليت رانسيد مارحت له
وماخليت تجاوز ماسويته

حتى الدواوير ركبتها

لاحد يطلع لي فيها ويقول غلط ومادري شنو :(


هاهاهاهاهاهاها

لووووووووووووووول

جميع انواع المخالفات سويتها
تدري انا شسوي
ازرق من وسط الفرجان من مكان لين مكان
ودوار التضامن حاطه على X

اروح الدوارات اللي حوله لانهم اسرع منه

[غير البشر]

لك عذرك لأن الزحمه تعصب أصلاً

فى مثل هذه المواقف - نحن من سكان المعموره بجانب البيت عندنا مدااااااااارس كتير مصريه وهنديه وكامبردج ومجمع مش فاكر اسمه ايه بالضبط الحكيم يمكن ........ إلخ

فالعمعموره الدخول إليها صعب والخروج أصعب :anger1:


اي الله يعينكم عندكم عفسه مع المدارس :(

انا من سكان منطقه اسلطه صوبكم
مشكله دوار التظامن واصله صوبنا
اوصل اعيالي المدارس واطلع بدري ومافي فايده يتأخرون مافي الا اضرب فيهم ارصفه :rolleyes2:

[out]

والله متبهدل من هالموضوع والصبح اتاخر على الدوام والسبه الزحمه وحتى وانا راد البيت من الصبح لين الساعه 9 بالليل الزحمه مب طبيعيه :(

[out]

اي الله يعينكم عندكم عفسه مع المدارس :(

انا من سكان منطقه اسلطه صوبكم
مشكله دوار التظامن واصله صوبنا
اوصل اعيالي المدارس واطلع بدري ومافي فايده يتأخرون مافي الا اضرب فيهم ارصفه :rolleyes2:

صدقت ياخوي احنا سكان اسلطه شنقول عيل :secret:

[غير البشر]

تحداني الزمن

يختي احيانا ابي اروح شارع سلوى ولا الوعب
او السد
والخط الجديد وايد سريع

قبل شحلاتنا نروح دوار التضامن ودقيقه وحده الا احنا واصلين وجهتنا مع الخط الجديد
بس الحين ان رحتي دوار التضامن ضاع الوقت كله
وعادي يسكرون المحلات واحنا واقفين في الزحمة crazy






هاهاهاهاهاهاها

لووووووووووووووول

جميع انواع المخالفات سويتها
تدري انا شسوي
ازرق من وسط الفرجان من مكان لين مكان
ودوار التضامن حاطه على X

اروح الدوارات اللي حوله لانهم اسرع منه



اهم شي لاتدخلين فريجنا هههههههههههههههه
ترا بدعمج :tease:

اختي وطن شنسوي والله مافي حل
الحرب خدعه

[غير البشر]

صدقت ياخوي احنا سكان اسلطه شنقول عيل :secret:


الظاهر انك من اعيال العم ههههههههه :victory:

[out]

الظاهر انك من اعيال العم ههههههههه :victory:

:nice:

نعم يا ولد العم

[وطن]

اهم شي لاتدخلين فريجنا هههههههههههههههه
ترا بدعمج :tease:

اختي وطن شنسوي والله مافي حل
الحرب خدعه

هاهاهاهاهاهاها


بقول لك
مع اليهال انت قدوتهم
لازم ما تضرب ارصفه فيهم وتخالف
ترى من الحين يثبت في راسهم وباجر تشوف سواقتهم رايحه فيها بسبتك crazy

[غير البشر]

:nice:

نعم يا ولد العم


ونعم بحالك ماعليك زود :nice:

[غير البشر]

هاهاهاهاهاهاها


بقول لك
مع اليهال انت قدوتهم
لازم ما تضرب ارصفه فيهم وتخالف
ترى من الحين يثبت في راسهم وباجر تشوف سواقتهم رايحه فيها بسبتك crazy


هههههههههههههههههههه
مره من المرات صرت مؤدب :shy:
وقفت مع الزحمه ولدي عمره 4 سنوات
يقول يبا روح مناك نفس قبل :rolleyes2:

[out]

:



هههههههههههههههههههه
مره من المرات صرت مؤدب :shy:
وقفت مع الزحمه ولدي عمره 4 سنوات
يقول يبا روح مناك نفس قبل :rolleyes2:

:eek5:

ههههههههههه الله يعينك يا ولد العم والله ارصفة اسطله تتشكى منا احنا ومن اللي يمرون

مرور الكرام من الفريج

[almaf1a]

بالنسبه للي طالع من الهلال والمطار سالك الخط السريع باتجاه الشمال فهناك طريق ممتاز ولا يحتاج للوقوف لا على اشارات التضامن ولا دوار خميس العبيدلي
كل الي عليه يسويه انه يوصل دوار خميس العبيدلي من جهة دوار فريج العلي
وياخذ دوار خميس العبيدلي يمين باتجاه الخط السريع (مخرج من دون الوقوف على اشارات دوار خميس العبيدلي)
والطرق الي تودي على دوار فريج العلي كثيره مثلا من دوار نيوهرايزن
او من داخل فريج الهلال

نصيحه للي جاي من جهة دوار المول ويبي الخط السريع لا يتجه لدوار التظامن
يدخل بين النادي الاهلي ومسجد علي بن علي وصولا لدوار نيوهورايزن ومن ثم دوار فريج العلي وبعدها مخرج دوار خميس العبيدلي يمين

[وطن]

هههههههههههههههههههه
مره من المرات صرت مؤدب :shy:
وقفت مع الزحمه ولدي عمره 4 سنوات
يقول يبا روح مناك نفس قبل :rolleyes2:

شفت انك زرعت المخالفات في الولد :anger1:

[وطن]

بالنسبه للي طالع من الهلال والمطار سالك الخط السريع باتجاه الشمال فهناك طريق ممتاز ولا يحتاج للوقوف لا على اشارات التضامن ولا دوار خميس العبيدلي
كل الي عليه يسويه انه يوصل دوار خميس العبيدلي من جهة دوار فريج العلي
وياخذ دوار خميس العبيدلي يمين باتجاه الخط السريع (مخرج من دون الوقوف على اشارات دوار خميس العبيدلي)
والطرق الي تودي على دوار فريج العلي كثيره مثلا من دوار نيوهرايزن
او من داخل فريج الهلال

نصيحه للي جاي من جهة دوار المول ويبي الخط السريع لا يتجه لدوار التظامن
يدخل بين النادي الاهلي ومسجد علي بن علي وصولا لدوار نيوهورايزن ومن ثم دوار فريج العلي وبعدها مخرج دوار خميس العبيدلي يمين

كشفت لهم خطتي اللي اسويها تفاديا للزحمة

crazy


تصدق ان امس حتى الخط السريع زحمه !!!

[almaf1a]

كشفت لهم خطتي اللي اسويها تفاديا للزحمة

crazy


تصدق ان امس حتى الخط السريع زحمه !!!

بالعكس هذي خطه مدروسه
الضغط بيكون على هذا الطريق
وبيفضى لج دوار التضامن :nice:

[بوخالد911]

س بريء : ليش ما أجلوا أعمالهم الى بعد الانتهاء من الامتحانات ؟!؟!؟

[out]

س بريء : ليش ما أجلوا أعمالهم الى بعد الانتهاء من الامتحانات ؟!؟!؟



لان هيئة الاشغال العامه عمرها ما سوت شغل منسق بالصراحه :nice:

[@north_star@]

الحمد لله اليوم حاطين على الدوار شرطة المرور الله يعطيهم العافية والحمد لله الزحمة اخف اليوم

[راسي براسك]

تحديث 02/06/2011 الخميس صباحاً 7:05
اليوم الحمدالله الوضع كان متحسن

[عذب الكلام 1]

اى والله ماقصرو المرور بس لو يشتغلون على الدوار 24ساعه في خلال شهرين يخلصون بس اشغال ترص على المقاول ويشد حيله

[bohilal191]

بالنسبه للي طالع من الهلال والمطار سالك الخط السريع باتجاه الشمال فهناك طريق ممتاز ولا يحتاج للوقوف لا على اشارات التضامن ولا دوار خميس العبيدلي
كل الي عليه يسويه انه يوصل دوار خميس العبيدلي من جهة دوار فريج العلي
وياخذ دوار خميس العبيدلي يمين باتجاه الخط السريع (مخرج من دون الوقوف على اشارات دوار خميس العبيدلي)
والطرق الي تودي على دوار فريج العلي كثيره مثلا من دوار نيوهرايزن
او من داخل فريج الهلال

نصيحه للي جاي من جهة دوار المول ويبي الخط السريع لا يتجه لدوار التظامن
يدخل بين النادي الاهلي ومسجد علي بن علي وصولا لدوار نيوهورايزن ومن ثم دوار فريج العلي وبعدها مخرج دوار خميس العبيدلي يمين

اللي ساكن في فريج العلي ويبغي يروح المووووول شلون

[وطن]

اللي ساكن في فريج العلي ويبغي يروح المووووول شلون

اطلع من الدوار اللي بين دوار العلي وخميس العبيدلي
وغاور من وسط الفريج لين توصل اخر فتحه تطلعك قريب دوار المول
والدوار بيمشي سهالات ان شاء الله

بس هذا في حالة انهم ما ينكبونه مثل دوار التضامن

:(

[وطن]

بالعكس هذي خطه مدروسه
الضغط بيكون على هذا الطريق
وبيفضى لج دوار التضامن :nice:

هاهاهاهاهاهاها

زين ممكن تفضي لي كل الدوارات

:tease:

[رحال]

بصراحة لابد من حل عاجل لهذا الدوار

[الألماسي]

bad planning

[bohilal191]

امس واليوم مامريت على الدوار بس سمعت حتى المسار الثالث في الدوار سكروه بس في شي ثاني المفروض يسوون فتحة من بعد الجسر مباشرة عشان نقدر ندخل الفريج ،،،اول امس وانا راجع من خط الشمال والطريق فاضي بس عديت الجسر ابغي ادخل الفريج وحياتكم 45 دقيقة بس عشان ادخل اول فتحة اللي بعد مدرسة نور الخليج مادري نيوتن

[بيانو]

تحديث الأحد 05/06/2011
الساعه 7:30 صباحاً

الدوار ماعليه زحمه الحمدلله والشرطه متواجدون ع الدوار (الله يعطيهم العافيه فى هذا الجو)