مشاهدة النسخة كاملة : كم نسبة البطالة في قطر؟
مساهمة بسFresh
30-05-2011, 11:07 AM
صباح الخير لكم كلكم :shy:
كم نسبة البطالة في قطر؟
ومتى نقدر نقول عن الشخص انه عاطل؟ وشنو تعريف البطالة؟
حسب كلام العطيه لاتوجد بطاله في قطر
يعني نسبتها رسميا 0%
المحقق كونان
30-05-2011, 11:12 AM
تقريبا 8 الاف مواطن عاطل عن العمل
و العاطلين عندهم شهادات اعدادية و ثانوية و دبلوم و بكالرويا و ماجستر
و المصدر من ادارة العمل :)
ام السعف
30-05-2011, 11:16 AM
يحول السؤال الى المختصين ،، هذي نسبة محتاجة الى تصريح رسمي
مب موضوع انزله في منتدى
مساهمة بسFresh
30-05-2011, 11:19 AM
يحول السؤال الى المختصين ،، هذي نسبة محتاجة الى تصريح رسمي
مب موضوع انزله في منتدى
:shy:يوميا اقرا مشاركات وردود عن نسبة البطالة وانها وايد وكبيرة وان وايد قطريين مايشتغلون والحين يبي لها تصريح رسمي :shy:
انزين متى نقدر نقول عن الشخص انه عاطل؟يعني شنو تعريف البطالة؟:shy:
ام السعف
30-05-2011, 11:24 AM
:shy:يوميا اقرا مشاركات وردود عن نسبة البطالة وانها وايد وكبيرة وان وايد قطريين مايشتغلون والحين يبي لها تصريح رسمي :shy:
انزين متى نقدر نقول عن الشخص انه عاطل؟يعني شنو تعريف البطالة؟:shy:
بطالة من غير شغل ,, وبطالة مقنعة ،،
البطالة اللي من غير شغل ،، ناس ودي بشغلة تتوافق مع تخصصهم
وطموحهم لكن يفرضون عليهم وظائف بعيدة عن تخصصاتهم وميولهم
او من الأساس مب لاقيين شغلة وينتظرون في القائمة ،،
البطالة المقنعة التوظيف يصير لمجرد التوظيف والموظفين
سوالف وشرب شاي قراية جرايد ،، لأن من الأساس مافي شغل :telephone:
فشوفي كم مسؤول قطري كبرت كرشته من البطالة المقنعة
ماسك مليون منصب ومب مستفيدين من منصبه شي ،،
وفي المقابل شوفي كم مواطن يتوظف في وظيفة ما تتوافق
مع تخصصه ،، او ينجبر يقعد من غير عمل علشان يلقى
وظيفة تتوافق مع تخصصه ،،
بالنسبة لي البطالة..اني اتخرج من الجامعة وادور ع شغل ومحد يعطيني ويه..!!
يعني ماراح اشتغل الا بالواسطة؟!!
)=
مساهمة بسFresh
30-05-2011, 11:27 AM
بالنسبة لي البطالة..اني اتخرج من الجامعة وادور ع شغل ومحد يعطيني ويه..!!
يعني ماراح اشتغل الا بالواسطة؟!!
)=
هلا فديتج يعني اللي يتخرج من الجامعة من ثاني يوم بعد التخرج يسمونه عاطل عن العمل؟او بعد شهر او شهرين؟:shy:
غشيمة فالبورصه
30-05-2011, 11:37 AM
سبحان الله البطاله اللي درسنا عنها في كتاب المجتمع القطري ايام اول
صاارت واقع أليم انك تشوف اللي اقل منك بالثقافه والاسلوب منصب بين يوم وليلة
وانت الدارس الفاهم حاط ايدك على خدك الدنيا حظوظ بس ما دام انهم يدرون بتصير بطاله
بالفتره المعينه ليش ما سووا خطط للقضاء على البطاله من ذاك الوقت القطري يحط يده على خده ينطر الفرج
والاجنبي يجي من بلاده ماعليه الا ثيابه وشنطه وارثها من جد جده يشيخ علينا "سبحان الله"
مساهمة بسFresh
30-05-2011, 11:38 AM
بطالة من غير شغل ,, وبطالة مقنعة ،،
البطالة اللي من غير شغل ،، ناس ودي بشغلة تتوافق مع تخصصهم
وطموحهم لكن يفرضون عليهم وظائف بعيدة عن تخصصاتهم وميولهم
او من الأساس مب لاقيين شغلة وينتظرون في القائمة ،،
البطالة المقنعة التوظيف يصير لمجرد التوظيف والموظفين
سوالف وشرب شاي قراية جرايد ،، لأن من الأساس مافي شغل :telephone:
فشوفي كم مسؤول قطري كبرت كرشته من البطالة المقنعة
ماسك مليون منصب ومب مستفيدين من منصبه شي ،،
وفي المقابل شوفي كم مواطن يتوظف في وظيفة ما تتوافق
مع تخصصه ،، او ينجبر يقعد من غير عمل علشان يلقى
وظيفة تتوافق مع تخصصه ،،
تسلمين فديتج :shy:
بس هذا تعريف المختصين ولا تعريفج انتي؟
هبوب الكوس
30-05-2011, 11:39 AM
يحول السؤال الى المختصين ،، هذي نسبة محتاجة الى تصريح رسمي
مب موضوع انزله في منتدى
ستفسري على 180 :telephone:
فعلا نحتاج الى تصريح رسمي و مواجهه المسؤول عن هذه النسبه
و العطيه يفتي من مخباه الفوقي
شنهو ٠٪ نسبه بطاله هذا اذا فعلا صرح بهالشي
اعتقد ان الرقم اكثر من ٨ الاف
مساهمة بسFresh
30-05-2011, 11:52 AM
فعلا نحتاج الى تصريح رسمي و العطيه يفتي من مخباه الفوقي
شنهو ٠٪ نسبه بطاله هذا اذا فعلا صرح بهالشي
اعتقد ان الرقم اكثر من ٨ الاف
على اي اساس؟:shy:
ام السعف
30-05-2011, 11:55 AM
تسلمين فديتج :shy:
بس هذا تعريف المختصين ولا تعريفج انتي؟
ما اقدر ادعي اني مختصة ...> اتفقنا ؟
بس حسب فكرتي العامة واللي اعرفه عن مفهوم البطالة وضحت لج ردي ،،
اما اذا يرضيج اسوي بحث عن مفهوم البطالة بشكل عام و خاص ،، عطيني
فرصة شهر لشهرين ،، لأني مشغولة في حملة مع ( خذاني موتش )
من اخلص وياهم ارجع لج في هالموضوع ،، عاد ان ما تسكر كالعادة ،،
احس انج غراب البين كل ما فتحتي لج موضوع سكروه لج ( ما اتحسين باضطهاد ؟) :shy:
على اي اساس؟:shy:
مافهمت السؤال .. ليس اعتقد ان الرقم اكثر من ٨ الاف ؟
مساهمة بسFresh
30-05-2011, 11:57 AM
احس انج غراب البين كل ما فتحتي لج موضوع سكروه لج ( ما اتحسين باضطهاد ؟) :shy:
لا فديتج احس ان ام السعف والليف ملازمتني :shy:
مساهمة بسFresh
30-05-2011, 11:58 AM
مافهمت السؤال .. ليس اعتقد ان الرقم اكثر من ٨ الاف ؟
ايوه اخوي
يعني من وين جبت الرقم؟
ام السعف
30-05-2011, 12:02 PM
لا فديتج احس ان ام السعف والليف ملازمتني :shy:
عيل ابشري يا سعد حظج :shy:
مساهمة بسFresh
30-05-2011, 12:11 PM
البطاله بالنسبة لتعداد الشعب وكثرة الوظائف الموجوده .
نقطة مهمة
انا معاك النائب لان عددنا بسيط احنا بس الكل يقول في بطالة انزين شنهي نسبتها وشنو تعريف البطالة والعاطل عن العمل؟
ومشكور اخوي
اعتقد انج نزلتي الموضوع بسبب موضوع توفير قطر 1200000 فرصه وظيفيه في مصر
نسبة البطاله في قطر كبيره مانقدر نجاوب جواب عشوائي يبي لها احصائيه
بس والله ضحكتني سالفة ان البطاله في قطر0%
العاطل لما الشخص يدور شغل كل يوم من الصبح الين الظهر و مايلقى و يراجع في الامكان اللي قدم فيها لين اشكره يقولون له بكل وضوح اذا ماعندك واسطه الله يعينك
<<<< يا ما انقالت لها هالجمله
انتي شتعريفج للعاطل ؟؟
:)
اعتقد نسبه البطاله لاتذكر في قطر لكن لو كان موضوعك عن كم نسبه المتقاعدين اجباري اتوقع بتكون نسبه تخوف سواء مدنين وعسكرين
هلا فديتج يعني اللي يتخرج من الجامعة من ثاني يوم بعد التخرج يسمونه عاطل عن العمل؟او بعد شهر او شهرين؟:shy:
امممم من اول ما يتخرج ويقدم ع وظيفة ويطنشون له...:shy:
بنظري العاطل عن العمل هو اللي مايشتغل سواء تخرج من جامعة او مدرسة او عمره مادرس اصلا..
ويدور على وظيفة ومالقى ...
ايوه اخوي
يعني من وين جبت الرقم؟
من هنا :rolleyes2:
تقريبا 8 الاف مواطن عاطل عن العمل
و العاطلين عندهم شهادات اعدادية و ثانوية و دبلوم و بكالرويا و ماجستر
و المصدر من ادارة العمل :)
النائب
30-05-2011, 12:51 PM
نقطة مهمة
انا معاك النائب لان عددنا بسيط احنا بس الكل يقول في بطالة انزين شنهي نسبتها وشنو تعريف البطالة والعاطل عن العمل؟
ومشكور اخوي
بنتي مساهمه بس فرش بارك الله فيك .
طبعا النسبه ماودي أجيب رقم يكون غلط ويحسب علي ...! ولكن العدد كبير ومازال في تزايد مع كثرة عدد المقيمين ومعرفتهم باللغة الأجنبية والحاسب الآلي .
انا كمواطن عندي الآن من السيفيات ما يقارب 15 سي في مابين ثانوي وإعدادي لم يجدوا وظائف إلى هذه الساعة .
ومنهم إخوان ثلاثه حاصلين على ثانوية ما خلوا مكان ماقدموا عليه ولم يكتب لهم الله الوظيفة وهم مواطنين يحملون الجواز العنابي وشهادة ميلاد ورقم شخصي .
تعريف البطالة / أن هناك عدد من المواطنين ليلهم كنهارهم لا يعملون ومتسكعين في الشوارع يبحثون عن لقمة العيش الشريفه وإلى الآن لم يحصلون عليها مع العلم بأن الوظائف الموجوده تفوق الحاجة 200 % ولكن اكثرها يعمل بها غير مواطنون للأسف وتعني البطالة وجود مواطنين لا يعملون في أي قطاع سواء كان حكومي او خاص ولا يجدوا قوت يومهم إلا من والدهم او من إخوتهم والأقرباء . هذا تعريف البطالة ..
العاطل عن العمل / هو كل مواطن او مواطنة وصل إلى السن القانوني للعمل وهو 19 عام وأنهى مرحله من المراحل التعليمية وأراد أن يعمل في عملا يخدم به وطنة ويعيش منه هو وعائلته وينصدم بعدم وجود وظيفة له في بلده ويصبح عاطلا عن العمل .
ثم يقوم بالشكوى في وطني الحبيب صباح الخير ولم يستمع له المسؤولين ويصرح البعض منهم بأنه لا يوجد في قطر بطاله . وبعد ذلك يكتب في منتدى الأسهم القطرية وتطلع له الأخت مساهمه بس فرش وتقول مامعنى البطاله وهل يوجد بطاله وترفع ضغطه ويرد عليها وهو مقهور ويقول لها إللي في خاطره .
مساهمة بسFresh
30-05-2011, 12:51 PM
من هنا :rolleyes2:
:nice: تسلم تسلم مهل :shy:
الله يخليك عطني الرابط مال وزراة العمل اللي فيه الاحصائيات
مساهمة بسFresh
30-05-2011, 12:54 PM
بنتي مساهمه بس فرش بارك الله فيك .
طبعا النسبه ماودي أجيب رقم يكون غلط ويحسب علي ...! ولكن العدد كبير ومازال في تزايد مع كثرة عدد المقيمين ومعرفتهم باللغة الأجنبية والحاسب الآلي .
انا كمواطن عندي الآن من السيفيات ما يقارب 15 سي في مابين ثانوي وإعدادي لم يجدوا وظائف إلى هذه الساعة .
ومنهم إخوان ثلاثه حاصلين على ثانوية ما خلوا مكان ماقدموا عليه ولم يكتب لهم الله الوظيفة وهم مواطنين يحملون الجواز العنابي وشهادة ميلاد ورقم شخصي .
تعريف البطالة / أن هناك عدد من المواطنين ليلهم كنهارهم لا يعملون ومتسكعين في الشوارع يبحثون عن لقمة العيش الشريفه وإلى الآن لم يحصلون عليها مع العلم بأن الوظائف الموجوده تفوق الحاجة 200 % ولكن اكثرها يعمل بها غير مواطنون للأسف وتعني البطالة وجود مواطنين لا يعملون في أي قطاع سواء كان حكومي او خاص ولا يجدوا قوت يومهم إلا من والدهم او من إخوتهم والأقرباء . هذا تعريف البطالة ..
العاطل عن العمل / هو كل مواطن او مواطنة وصل إلى السن القانوني للعمل وهو 19 عام وأنهى مرحله من المراحل التعليمية وأراد أن يعمل في عملا يخدم به وطنة ويعيش منه هو وعائلته وينصدم بعدم وجود وظيفة له في بلده ويصبح عاطلا عن العمل .
ثم يقوم بالشكوى في وطني الحبيب صباح الخير ولم يستمع له المسؤولين ويصرح البعض منهم بأنه لا يوجد في قطر بطاله . وبعد ذلك يكتب في منتدى الأسهم القطرية وتطلع له الأخت مساهمه بس فرش وتقول مامعنى البطاله وهل يوجد بطاله وترفع ضغطه ويرد عليها وهو مقهور ويقول لها إللي في خاطره .
:weeping: الله يسامحك والله مابي ارفع ضغطك :weeping:والله
وتسلم على معلوماتك وترى انا ماقلت هل يوجد بطالة وارجع للموضوع والعنوان بعد :shy:
تاجر كشخة
30-05-2011, 12:56 PM
امممم 25 في المية ؟
النائب
30-05-2011, 01:07 PM
:weeping: الله يسامحك والله مابي ارفع ضغطك :weeping:والله
وتسلم على معلوماتك وترى انا ماقلت هل يوجد بطالة وارجع للموضوع والعنوان بعد :shy:
مساهمه هذي المشاركه لك بروحك عسى قلبك يحن على بعض العاطلين ولك هذه الحقيقه وانا مسؤول عنها ...!
عندي 3 سيفيات 2 شباب وإختهم .
الشباب ثانوية عامة واحد 2009 والثاني 2010 يعني العام وقبل العام . وإختهم 2008 م .
هذي العائله ابوهم متوفي وهم صغار وكان امل أمهم إنهم يخلصون الثانوية ويشتغلون تصدقين إلى الآن ما نكتب لهم وظيفه مع إني قدمت لهم في كذا وظيفه وكل ماقدم أحصل اوراقهم قدامي هم أنفسهم مقدمين من شهور وقدموا على المعرض المهني وهم مبسوطين يقولون ابشرك كلهم اخذوا منا الشهادات يفكرون إذا أخذوا اوراقهم تم توظيفهم . لكن للأسف إنصدموا بالواقع وهذا قيض من فيض والله يزينها علىيهم ويبدل الحال بحال .
أنا حبيت اقول لك القصه على اساس ما تستميتين عند الحكومة وتصورينها بأفضل من الصورة الحقيقية لأن كذا راح تكسببن كره الناس وحقدهم عليك وإحنا عارفين مافي يدك شي بس مصدوووووووووووومه من المشاركات إللي كلها ضدك والسبب إنك تمشين عكس التيار .
وسلامتك وربي يعطيك على نيتك .
مساهمة بسFresh
30-05-2011, 01:10 PM
مساهمه هذي المشاركه لك بروحك عسى قلبك يحن على بعض العاطلين ولك هذه الحقيقه وانا مسؤول عنها ...!
عندي 3 سيفيات 2 شباب وإختهم .
الشباب ثانوية عامة واحد 2009 والثاني 2010 يعني العام وقبل العام . وإختهم 2008 م .
هذي العائله ابوهم متوفي وهم صغار وكان امل أمهم إنهم يخلصون الثانوية ويشتغلون تصدقين إلى الآن ما نكتب لهم وظيفه مع إني قدمت لهم في كذا وظيفه وكل ماقدم أحصل اوراقهم قدامي هم أنفسهم مقدمين من شهور وقدموا على المعرض المهني وهم مبسوطين يقولون ابشرك كلهم اخذوا منا الشهادات يفكرون إذا أخذوا اوراقهم تم توظيفهم . لكن للأسف إنصدموا بالواقع وهذا قيض من فيض والله يزينها علىيهم ويبدل الحال بحال .
أنا حبيت اقول لك القصه على اساس ما تستميتين عند الحكومة وتصورينها بأفضل من الصورة الحقيقية لأن كذا راح تكسببن كره الناس وحقدهم عليك وإحنا عارفين مافي يدك شي بس مصدوووووووووووومه من المشاركات إللي كلها ضدك والسبب إنك تمشين عكس التيار .
وسلامتك وربي يعطيك على نيتك .
يعني اقول اي شي مب مقتنعة فيه علشان بس ارضي الناس :shy:
كل واحد حر في رايه وانا احترم رايك
شاعر المليون
30-05-2011, 01:28 PM
مساهمة من المسؤول عن اعلان عدد العاطلين القطريين في الدولة ؟
من المسؤول عن إعلان عدد المتقدمين على الوظايف من القطريين سواء ذكور او اناث ؟
أعتقد انها إدارة العمل طيب اذا الجهة المسؤولة ما تعلن في وسائل الاعلام هذه الارقام
بيكون الرقم عند المواطن القطري العادي
اعتقد سؤالك المفترض يوجه للجهة نفسها وليس لأعضاء المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مساهمة بسFresh
30-05-2011, 01:32 PM
مساهمة من المسؤول عن اعلان عدد العاطلين القطريين في الدولة ؟
من المسؤول عن إعلان عدد المتقدمين على الوظايف من القطريين سواء ذكور او اناث ؟
أعتقد انها إدارة العمل طيب اذا الجهة المسؤولة ما تعلن في وسائل الاعلام هذه الارقام
بيكون الرقم عند المواطن القطري العادي
اعتقد سؤالك المفترض يوجه للجهة نفسها وليس لأعضاء المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ايوه اخوي صح كلامك والله وانا معاك بس لاني كل يوم اشوف مشاركات تقول النسبة عالية فحبيت اعرفها :shy: قلت يمكن في شي رسمي واحنا ماندري عنه يمكن
وفي مشاركة قال صاحبها في احصائية من وزارة العمل وانا طلبت منه الرابط وانشاء الله اول مايحطه بشوفه
شاعر المليون
30-05-2011, 01:40 PM
ايوه اخوي صح كلامك والله وانا معاك بس لاني كل يوم اشوف مشاركات تقول النسبة عالية فحبيت اعرفها :shy: قلت يمكن في شي رسمي واحنا ماندري عنه يمكن
وفي مشاركة قال صاحبها في احصائية من وزارة العمل وانا طلبت منه الرابط وانشاء الله اول مايحطه بشوفه
لا تعبين نفسك مافيه اي ارقام اعلنت من ادارة العمل بخصوص عدد العاطلين القطريين .
مستحيل يعلنون لان عدد العاملين الاجانب نصهم ماعندهم شهادات يتعدون مليون و متين الف فاعلانهم لعدد القطريين العاطلين حجة عليهم ومو من صالحهم الاعلان
مكتوب على القطري يشوف الاجنبي ياخذ مكانه ويدفع له من دولته وهو متعذب يدور وظيفة وقطري اب عن جد والغريب الجهات العليا بالدولة ساكتين عن هالمهازل .
بخصوص ادارة العمل يقولون ما نقدر نلزم اي جهة بالتقطير فدورهم للاسف ثانوي ومافيه اي عقاب على اي شركة لا تقوم بتوظيف القطريين .
مساهمة بسFresh
30-05-2011, 01:41 PM
لابخصوص ادارة العمل يقولون ما نقدر نلزم اي جهة بالتقطير فدورهم للاسف ثانوي ومافيه اي عقاب على اي شركة لا تقوم بتوظيف القطريين .
:eek5::eek5::eek5: يعني مافي تقطير؟ شنو فايدة سياسة التقطير؟:eek5:
اي شركات اللي يقصدونها؟يعني القطاع الخاص؟
شاعر المليون
30-05-2011, 01:45 PM
:eek5::eek5::eek5: يعني مافي تقطير؟ شنو فايدة سياسة التقطير؟:eek5:
اي شركات اللي يقصدونها؟يعني القطاع الخاص؟
مثال فقط :
شركة قطر لنقل الغاز المحدودة ( ناقلات )
شركة قطر للألمنيوم
قناة الجزيرة الإنجليزية
الجهات أعلاه تملكها الدولة بالكامل (جميع الموارد المالية من الدولة ) نسبة القطريين بها من 8 إلى 10 % .
تهقين احد كلمهم او جاء صوبهم للعلم الشركتين الاولى من القطاع النفط والغاز
الي يرددون شعارات التقطير بشكل مستمر طول السنة
فارس قطر333
30-05-2011, 02:00 PM
يقولون في مصر قطر بتوظف مليون مصري
لا احنا يا القطريين ما نوصل ٣٠٠ الف
ولا قادرين يوظفونا
Abdulraman
30-05-2011, 02:22 PM
تقريبا 8 الاف مواطن عاطل عن العمل
و العاطلين عندهم شهادات اعدادية و ثانوية و دبلوم و بكالرويا و ماجستر
و المصدر من ادارة العمل :)
مااظن
حبوبه
بخصوص انج رديتي على الكل الا انا لا يكون انا من ضمن المقصودين في توقيعج
مع ان ردي مافيه شي يسئ لج ودام نزلتي موضوع المفروض تتوقعين ان مب كل الردود راح تعجبج
عموما شكراً
:)
اخوي النائب القصه اللي ذكرتها عن الاخوان الثلاثه تكسر القلب
الشكوى لله
الله يرزقهم و يغنيهم عن منة الناس
آمين يارب
النائب
30-05-2011, 02:43 PM
حبوبه
بخصوص انج رديتي على الكل الا انا لا يكون انا من ضمن المقصودين في توقيعج
مع ان ردي مافيه شي يسئ لج ودام نزلتي موضوع المفروض تتوقعين ان مب كل الردود راح تعجبج
عموما شكراً
:)
اخوي النائب القصه اللي ذكرتها عن الاخوان الثلاثه تكسر القلب
الشكوى لله
الله يرزقهم و يغنيهم عن منة الناس
آمين يارب
وعلشان يحسون بالألم إللي أحس فيه من الإتصالات والأسئله إللي تجيني ..
اليوم كلمني واحد من الثلاثه قال مالقيت لي شغل قلت يجيب الله خير .. قال زين ولا أحد من إخواني قلت ابشر قريب إنشاءالله . وفعلا كسر خاااااااااطري .
بس وانا اشوف الوظائف تتحذف على ناس إلا الآن مادقوا الإقامه فهذا شي يقهر .
موضي قطر
30-05-2011, 10:54 PM
يقولون في مصر قطر بتوظف مليون مصري
لا احنا يا القطريين ما نوصل ٣٠٠ الف
ولا قادرين يوظفونا
ياجماعة لا تنسون من هالعدد التقريبي انه فيه كبار السن والطفال وذوي الاحتياجات الخاصة اللي تمنع العمل يعني كم عدد القطريين من الجنسين اللي المفروض يتوظفون اتوقع العدد بيكون صدمة لأنهم ماتوظفوا وينطرون الفرج :rolleyes2:
سما الوطن
30-05-2011, 11:22 PM
عزيزتي
الكل يتكلم على نسبه كبيره من البطاله
بدون أي سند ولا دليل
قد يواجهه بعض الاخوه 5 ..10 ...يبحثون عن عمل ... فيقولون هناك نسبه كبيره من العاطلين
انا لا انفي وجود بطاله في المجتمع .. لاني لا اعرف ان كانت موجوده او لا وكم نسبتها ؟
والكل مثلي على ما اظن ... ولكنه داخليا مقتنع ان هناك بطاله
والله اعلم
سما الوطن
30-05-2011, 11:23 PM
وعلشان يحسون بالألم إللي أحس فيه من الإتصالات والأسئله إللي تجيني ..
اليوم كلمني واحد من الثلاثه قال مالقيت لي شغل قلت يجيب الله خير .. قال زين ولا أحد من إخواني قلت ابشر قريب إنشاءالله . وفعلا كسر خاااااااااطري .
بس وانا اشوف الوظائف تتحذف على ناس إلا الآن مادقوا الإقامه فهذا شي يقهر .
الله يفرجها عليهم
أخي ليه ما حاولوا بالإلتحاق بالشرطه او الجيش
سما الوطن
ليش يلتحقون بالجيش شفيج نكذب عليج احنا ترى هم موظفين ومافيه بطاله في قطر حتى اتصدقين من زود البطره القطري الواحد عنده ما يقل عن 8 وظائف مو ملحق يحك راسه
احنا بس نتذمر ماشي يرضينا ولا مانكون قطريين اذا ماتذمرنا
انتي واللي مثلج هم بس الصح واحنا الباقين كلنا غلط
هاه الحين اوكي ؟؟
:)
بوخالد911
31-05-2011, 12:08 AM
الله اعلم
ولكن لو وُجدت النسبة الحقيقية ؛ هل سيعلنون عنها؟!؟!؟
الله اعلم
ولكن لو وُجدت النسبة الحقيقية ؛ هل سيعلنون عنها؟!؟!؟
اخر نسبه رسميه للبطاله تم نشرها كانت في العام 2007 قريتها في جريدة العرب ،،، مادري من كان وزير العمل في ذيك السنه بس مبين ان كان شغله صح ....
المفروض كل سنه يسوون احصائيه وتنشر في الجرايد الرسميه علشان محد يتبلى على جهات العمل .. لكن واضح ان وزير العمل اهمل هالشي المهم في اظهار نسبه المتوظفين والعاطلين خلال السنه ... لانها تعتبر مثل نسبة النجاح في الشهاده .. وتوضح اذا فيه تحسن او خلل في اداء وزارته
مخطط قطري
31-05-2011, 12:21 AM
هو اكيد في بطاله بس اعتقد مش النسبه الي تخوف او يدق لها ناقوس الخطر يعني اتوقع من 5-10% مو اكثر ونتمنى انها تكون صفر
وفي شي ثاني اذكر انه في صديق لي خريج جامعه قطر بكالوريوس هندسه مدنية
اللهم انه معدله مقبول او جيد مب ذاكر بالضبط المعدل بس اهم شي انه خريج قعد سنه كامله في بيتهم
لو راجعنا ملفات موظفين البلديه والتخطيط واشغال وشفنا المدراء شنهي معدلاتهم المهندسين وغير المهندسين ترا 99% معدلاتهم مقبول
بس الحمدالله في الاخير توظف بس عقب ماكان عاله مكسين على هله وهو قطري وولد البلد ومهندس
فتى الجود
31-05-2011, 12:39 AM
حسب كلام العطيه لاتوجد بطاله في قطر
يعني نسبتها رسميا 0%
كلامك صحيح اتذكر هذا التصريح
بـــــس ســـــــؤال ؟
ايش مفهوم البطاله عند الاخــــــــــــوه المسؤولين ؟؟ !!
ابن البيطار
31-05-2011, 12:49 AM
البطاله بمعنى الكلمه غير موجوده في قطر .
الي موجود تأخير في التوظيف ممكن يوصل لسنه
او الشخص نفسه يختار مكان محدد ومايبي غيره
او وجود مشكله سلوكيه على المتقدم يعني ماعنده حسن سيره وسلوك
ســـارة
31-05-2011, 01:31 AM
\
منذ وقت ليس بالقصير كانت العائلة الواحدة يوجد بها عاطل واحد عن العمل ، ويكاد لا يوجد بطالة في قطر
والآن يوجد على الأغلب وكما أشاهد عاطلان وثلاثة ، ومن جملة ما أرى وأشاهد
_ عاطلان اثنان وهما : أخ وأخت من حملة الشهادة الجامعية بتقدير جيد جدا ً .. ؟؟!!!!
_ 3 أخوات عاطلات وشهادتهن الثانوية العامة .؟؟!!!!!!
_ أرملة من حملة الشهادة الثانوية ؛ لديها 3 أيتام تعيلهم حيث راتب أبيهم لا يكفيهم ؟؟!!!!!!
_ أخوة من حملة الإعدادية وأختهم ثانوية ، يبحثون من سنتين عن وظيفة ولم يجدوااا شاغر لهم ؟؟؟!!!
_ خريجة جامعة بتقدر جيد وبنت عمها مثلها ؛ عاطلات من سنة 2008 م .
\
هؤلاء العاطلين ؛ محسوبين على من ؟؟
أين القوانين التي تنصفهم كون لهم أحقية في الوظائف وأنهم مقدّمين على أي أجنبي .؟؟!!!!
وزارة العمل : وما أدراك ما وزارة العمل !!! التي أثبتت فشلها الذرررريع في توظيف
هذه الأعداد المتزايدة من خريجين الجامعات والمعاهد ؛ والتي يوّظف منها عدد قليل وأكثر هذه
الوظائف بـ ( الواسطة ) ،، ما هو عمل هذا الوزير هل تقدّم له الكشوف بالمتقدمين
للوظائف وعدد الذين توظفوا منهم ، وكم تبقى منهم وهل للمتبقين آلية آخرى معتمدة لتوظيفهم
ومن ثم فسح المجال للمتقدّمين الجدد ؟؟
لماذا لا يقدم الوزير تفاصيل معلنة عن المتقدمين ؟؟ هل يخشى الإفصاح عن الفوضى التي تعج
بالوزارة ؟ أم لا يدرررررررري فهذه مصيبة أكبررررررررر ...
\
تقديري لك مساهمة بس فريش على هالموضوع ...
ام السعف
31-05-2011, 06:50 AM
البطاله بمعنى الكلمه غير موجوده في قطر .
الي موجود تأخير في التوظيف ممكن يوصل لسنه
او الشخص نفسه يختار مكان محدد ومايبي غيره
او وجود مشكله سلوكيه على المتقدم يعني ماعنده حسن سيره وسلوك
هل هناك فترة زمنية يجب توافرها حتى نقول الشخص هذا عاطل ؟
يعني وجود شخص بعد تخرجه شهر في البيت في دولة عدد سكانها قليل
والمشاريع الحكومية بالمئات ما ينطبق عليه مثل عاطل عن العمل
وبطالة ؟
يعني لازم يقعد في البيت سنة او سنتين ؟
ام السعف
31-05-2011, 06:52 AM
الله يفرجها عليهم
أخي ليه ما حاولوا بالإلتحاق بالشرطه او الجيش
هل يعقل للقضاء على البطالة نفتح ابواب الشرطة والجيش لحملة الثانوية ؟
الشباب راحوا الجيش البنت وين تروح يا سما ؟
طيب راحوا الجيش لكنهم غير لائقين صحيا :( والدبرة ؟
كانوا لائقين صحيا ،، بس ما شدوا حزم الحياة العسكرية ،،
الحل شنهو ؟
ام السعف
31-05-2011, 06:55 AM
:eek5::eek5::eek5: يعني مافي تقطير؟ شنو فايدة سياسة التقطير؟:eek5:
اي شركات اللي يقصدونها؟يعني القطاع الخاص؟
يوووووووووووومممممممممممممة ، صدمة بصراحة
توج تدرين ان التقطير مب ذاك الزود ؟
زعلتيني منج يا فرش ،،
عيل ليش اتدافعين في كل ردودج وانت ما تدرين عن شي؟ :(
ام السعف
31-05-2011, 07:00 AM
هو اكيد في بطاله بس اعتقد مش النسبه الي تخوف او يدق لها ناقوس الخطر يعني اتوقع من 5-10% مو اكثر ونتمنى انها تكون صفر
وفي شي ثاني اذكر انه في صديق لي خريج جامعه قطر بكالوريوس هندسه مدنية
اللهم انه معدله مقبول او جيد مب ذاكر بالضبط المعدل بس اهم شي انه خريج قعد سنه كامله في بيتهم
لو راجعنا ملفات موظفين البلديه والتخطيط واشغال وشفنا المدراء شنهي معدلاتهم المهندسين وغير المهندسين ترا 99% معدلاتهم مقبول
بس الحمدالله في الاخير توظف بس عقب ماكان عاله مكسين على هله وهو قطري وولد البلد ومهندس
نقطة جدا رائعة يا مخطط قطري ،،
دام ان الجامعات تخرج الطالب وتمنحه الشهادة مهما كان تقديره ،،
ليش يتم رفضه في الشركات والدوائر الحكومية بحجة حصوله على معدل
مقبول ؟
كيوبي قطر غاز راس لفان ،، وغيرهم ،، يبون القطري اللي معدله التراكمي
فوق 2.5 او 3 ،، والا ما له مكان بينهم ،،
طيب ليش ما تكون هناك خطة لاستيعابهم فترة تدريبية للحكم عليهم
بدل اعتماد تقدير تخرجهم من الجامعة ؟ ويبقى المواطن هذا في
عمله بدل جلوسه في البيت سنة كاملة او سنتين ،، او ينتقل ما بين
البنوك الربوية كوظائف بديلة بدل القعدة في البيت :(
مساهمة بسFresh
31-05-2011, 08:21 AM
يوووووووووووومممممممممممممة ، صدمة بصراحة
توج تدرين ان التقطير مب ذاك الزود ؟
زعلتيني منج يا فرش ،،
عيل ليش اتدافعين في كل ردودج وانت ما تدرين عن شي؟ :(
في شي ياام السعف اسمه سؤال استنكاري (اتمنى تكونين عارفة شنو يعني سؤال استنكاري ) وحتى لو ماكنتي عارفة مب قايلة عنج ماتدرين عن شي :)
وعن شنو دافعت في كل ردودي؟:)
ياريت تذكرين لي الردود هاذي واللي ادافع عنه على قولتج علشان مااخليج تزعلين مرة ثانية لانج عارفة شكثر مهتمة بزعلج انا :)
مساهمة بسFresh
31-05-2011, 08:23 AM
اعتقد انج نزلتي الموضوع بسبب موضوع توفير قطر 1200000 فرصه وظيفيه في مصر
نسبة البطاله في قطر كبيره مانقدر نجاوب جواب عشوائي يبي لها احصائيه
بس والله ضحكتني سالفة ان البطاله في قطر0%
العاطل لما الشخص يدور شغل كل يوم من الصبح الين الظهر و مايلقى و يراجع في الامكان اللي قدم فيها لين اشكره يقولون له بكل وضوح اذا ماعندك واسطه الله يعينك
<<<< يا ما انقالت لها هالجمله
انتي شتعريفج للعاطل ؟؟
:)
همسة حبيبتي اسفة والله ماركزت على مشاركتج علشان جذيه مارديت :shy: اسفة حبيبتي :shy:
انتي تقولين نسبة البطالة في قطر كبيرة انزين هي كم يعني؟:rolleyes2: وشلون حكمتي انها كبيرة؟وانا بعد اقول يبي لها احصائية
وانا لو اعرف تعريف العاطل ماكنت نزلت الموضوع :weeping: بس لاني اشوف كل وايد وايد اعضاء يتكلمون عن البطالة وان نسبتها كبيرة واتمنى هالاعضاء يفيدوني ويفيدونج:shy:
مساهمة بسFresh
31-05-2011, 08:26 AM
حبوبه
بخصوص انج رديتي على الكل الا انا لا يكون انا من ضمن المقصودين في توقيعج
مع ان ردي مافيه شي يسئ لج ودام نزلتي موضوع المفروض تتوقعين ان مب كل الردود راح تعجبج
عموما شكراً
:)
اخوي النائب القصه اللي ذكرتها عن الاخوان الثلاثه تكسر القلب
الشكوى لله
الله يرزقهم و يغنيهم عن منة الناس
آمين يارب
همسة حبيبتي مب سالفة عجبتني ولا ماعجبتني
اسفة والله ماركزت على مشاركتج علشان جذيه مارديت :shy: اسفة والله حبيبتي :shy: حقج علي :shy:انا رديت فوق ويشرفني هذا الشي وصدقيني اي مشاركة مافيها استظراف وتفاهة احب ارد عليها وياريت لو تكملين مداخلاتج في موضوعي :shy:
تسلمين حبوبة:victory:
شاعر المليون
31-05-2011, 08:33 AM
لقيت لك مصدر اخت مساهمة بس ارقام قديمة في 2007
بحسب إحصائيات أكتوبر 2007:
نسبة العاطلين في قطر %0.48 وعددهم 4303 أشخاص
تشير البيانات الإحصائية الرسمية إلى أن عدد المتعطلين بقطر من فئة السكان (15 سنة فما فوق) بلغ 4303 أفراد حتى أكتوبر 2007، منهم 4048 شخصا لم يسبق لهم العمل، و219 شخصا سبق لهم العمل، وهو ما يوازي نسبة تصل إلى %0.48 من إجمالي النشيطين اقتصاديا، والذين يبلغ عددهم 813 ألفا و886 شخصا.
ويصل عدد القطريين المتعطلين (ذكورا وإناثا) والذين لم يسبق لهم العمل نحو 1887 قطريا، مقابل 2197 غير قطري.
وتبين المعطيات أن عدد القطريات اللواتي يشتغلن 21 ألفا و223 قطرية، مقابل 40 ألفا و322 قطريا.
وتسجل البيانات أن عدد القطريات المتفرغات لأعمال المنزل بلغ 25 ألفا و8 إناث، مقابل 48 ألفا و566 من غير القطريات.
وتلاحظ البيانات أن عدد المتفرغين للدراسة وصل 57 ألفا 453 متفرغا، منهم 14 ألفا و946 قطرية و13 ألفا و612 قطريا، هذا في وقت ووصل إجمالي عدد المتقاعدين نحو 5608 متقاعدين كلهم من القطريين، منهم 4707 في صفوف الذكور و901 في صفوف الإناث.
مساهمة بسFresh
31-05-2011, 08:39 AM
لقيت لك مصدر اخت مساهمة بس ارقام قديمة في 2007
بحسب إحصائيات أكتوبر 2007:
نسبة العاطلين في قطر %0.48 وعددهم 4303 أشخاص
تشير البيانات الإحصائية الرسمية إلى أن عدد المتعطلين بقطر من فئة السكان (15 سنة فما فوق) بلغ 4303 أفراد حتى أكتوبر 2007، منهم 4048 شخصا لم يسبق لهم العمل، و219 شخصا سبق لهم العمل، وهو ما يوازي نسبة تصل إلى %0.48 من إجمالي النشيطين اقتصاديا، والذين يبلغ عددهم 813 ألفا و886 شخصا.
ويصل عدد القطريين المتعطلين (ذكورا وإناثا) والذين لم يسبق لهم العمل نحو 1887 قطريا، مقابل 2197 غير قطري.
وتبين المعطيات أن عدد القطريات اللواتي يشتغلن 21 ألفا و223 قطرية، مقابل 40 ألفا و322 قطريا.
وتسجل البيانات أن عدد القطريات المتفرغات لأعمال المنزل بلغ 25 ألفا و8 إناث، مقابل 48 ألفا و566 من غير القطريات.
وتلاحظ البيانات أن عدد المتفرغين للدراسة وصل 57 ألفا 453 متفرغا، منهم 14 ألفا و946 قطرية و13 ألفا و612 قطريا، هذا في وقت ووصل إجمالي عدد المتقاعدين نحو 5608 متقاعدين كلهم من القطريين، منهم 4707 في صفوف الذكور و901 في صفوف الإناث.
:nice::nice::nice: ماقصرت والله العظيم :shy:
بس ابي اسالك اللي عمره 15 مسموح له يشتغل؟لان مكتوب 15 وفوق :rolleyes2:
والنسبة طلعت اقل من واحد في المية:rolleyes2:ومافي تعريف للعاطل:weeping:
يعني مكتوب 1887 كم واحد فيهم ماوصل 18 سنة؟ومن اللي سوا الاحصائية؟:shy:
ومرة ثانية اشكرك وايد والله تسلم :shy:
شاعر المليون
31-05-2011, 08:40 AM
3 في المائة نسبة البطالة بين المواطنين:
كشف السيد محمد المريخى مساعد مدير ادارة تنمية القوى العاملة بوزارة العمل ان معدل البطالة المواطنة بالدولة طبقا للارقام المتوافرة حتى نهاية العام 2007 بلغ 3 بالمائة من مجموع المواطنين. وقال المريخى فى ورقة العمل التى قدمها فى ورشة العمل حول البطالة بدول مجلس التعاون التى اختتمت اعمالها بالدوحة امس ان عدد المواطنين العاملين فى الدولة بلغ 60 الفا و948 شخصا حتى نهاية العام 2007 .. بينما بلغ عدد الباحثين عن عمل المسجلين منذ ستة اشهر فاكثر حتى نهاية العام ذاته "1893" شخصا منهم "1239" من الاناث، ومن ذلك يتبين ان معدل البطالة بين المواطنين 3 بالمائة فقط. واكد المريخى انه على الرغم من ان هذه النسبة منخفضة طبقا للمقاييس الدولية ومقبولة عالميا فان الدولة عملت على تخفيضها او على الاقل تثبيتها من خلال التوسع فى تعيين المواطنين لمواجهة الزيادة فى عدد الباحثين عن عمل من المسجلين الجدد. واشار الى العديد من الاجراءات التى اعتمدتها الدولة فى التعامل مع البطالة من خلال وزارة العمل، مستعرضا بعض القواعد القانونية والاجراءات الادارية للحد من البطالة ووسائل واساليب التشغيل للمواطنين.
شاعر المليون
31-05-2011, 08:42 AM
:nice::nice::nice: ماقصرت والله العظيم :shy:
بس ابي اسالك اللي عمره 15 مسموح له يشتغل؟لان مكتوب 15 وفوق :rolleyes2:
والنسبة طلعت اقل من واحد في المية:rolleyes2:ومافي تعريف للعاطل:weeping:
يعني مكتوب 1887 كم واحد فيهم ماوصل 18 سنة؟ومن اللي سوا الاحصائية؟:shy:
ومرة ثانية اشكرك وايد والله تسلم :shy:
صبري الرد الي فوق يناقض الأول:nice:
المسح من فوق 15 سنة بس اكيد ما احد يتوظف الا الي عمره 18 فأعلى
هذي احصائية اكتوبر 2007 يعني قبل 3 سنين ونصف .
من يوم ما تغير الوزير الارقام اختفت
مساهمة بسFresh
31-05-2011, 08:43 AM
3 في المائة نسبة البطالة بين المواطنين:
كشف السيد محمد المريخى مساعد مدير ادارة تنمية القوى العاملة بوزارة العمل ان معدل البطالة المواطنة بالدولة طبقا للارقام المتوافرة حتى نهاية العام 2007 بلغ 3 بالمائة من مجموع المواطنين. وقال المريخى فى ورقة العمل التى قدمها فى ورشة العمل حول البطالة بدول مجلس التعاون التى اختتمت اعمالها بالدوحة امس ان عدد المواطنين العاملين فى الدولة بلغ 60 الفا و948 شخصا حتى نهاية العام 2007 .. بينما بلغ عدد الباحثين عن عمل المسجلين منذ ستة اشهر فاكثر حتى نهاية العام ذاته "1893" شخصا منهم "1239" من الاناث، ومن ذلك يتبين ان معدل البطالة بين المواطنين 3 بالمائة فقط. واكد المريخى انه على الرغم من ان هذه النسبة منخفضة طبقا للمقاييس الدولية ومقبولة عالميا فان الدولة عملت على تخفيضها او على الاقل تثبيتها من خلال التوسع فى تعيين المواطنين لمواجهة الزيادة فى عدد الباحثين عن عمل من المسجلين الجدد. واشار الى العديد من الاجراءات التى اعتمدتها الدولة فى التعامل مع البطالة من خلال وزارة العمل، مستعرضا بعض القواعد القانونية والاجراءات الادارية للحد من البطالة ووسائل واساليب التشغيل للمواطنين.
والله العظيم اشكرك وايد وايد وايد ومن كل قلبي ياشاعر المليون :shy: ماقصرت
تسلم يدك
بس ليش كل الاحصائيات سنة 2007:rolleyes2: يعني عقبها وقفوا؟وكم النسبة الحين ؟:rolleyes2:
شاعر المليون
31-05-2011, 08:46 AM
والله العظيم اشكرك وايد وايد وايد ومن كل قلبي ياشاعر المليون :shy: ماقصرت
تسلم يدك
بس ليش كل الاحصائيات سنة 2007:rolleyes2: يعني عقبها وقفوا؟وكم النسبة الحين ؟:rolleyes2:
التصريح الاول ذكر 0.48 % نسبة العاطلين القطريين
والثاني 3 % مادري ايش الصح تناقض حتى بالارقام
طبعا كلها حسب بيانات نهاية العام 2007
:rolleyes2::rolleyes2::rolleyes2::rolleyes2::rolle yes2:
موضي قطر
31-05-2011, 08:58 AM
احلى شي التبرير الواهي لعدم توظيف الباحثين عن الوظائف من بعض الأعضاء
اللي يقول الشرطة والجيش اقسم بالله العظيم
انها صاير فيها واسطة واتمنى احد يرد على كلامي بتكذيبي !!!!
واللي يبرر تأخر التوظيف بسنة واحده هو على كيفيك ؟!!!
واحد يدور وظيفة لسنة وبعظهم من 4 سنين واعرفهم شخصياً وماعندهم مانع في اي مكان بعد ماحصلوا هم هذيلا يتشرطون ويتدلعون وهم مايملكون ريال !
اقول خافوا الله بس ترى دوام الحال اللي انتوا فيه من المحال ؟!!!
مساهمة بسFresh
31-05-2011, 09:03 AM
التصريح الاول ذكر 0.48 % نسبة العاطلين القطريين
والثاني 3 % مادري ايش الصح تناقض حتى بالارقام
طبعا كلها حسب بيانات نهاية العام 2007
:rolleyes2::rolleyes2::rolleyes2::rolleyes2::rolle yes2:
التصريح الثاني من المريخي بس التصريح الاول من وين؟:)
القناص
31-05-2011, 09:06 AM
التصريح الثاني من المريخي بس التصريح الاول من وين؟:)
ممكن اتداخل
اتوقع من ادارة العمل احتمال
AbdullA-Qtr
31-05-2011, 11:37 AM
تقريبا 8 الاف مواطن عاطل عن العمل
و العاطلين عندهم شهادات اعدادية و ثانوية و دبلوم و بكالرويا و ماجستر
و المصدر من ادارة العمل :)
أضف أيضا حملة الدكتوراه .. شخصيا اعرف شخصين عندهم دكتوراه وعاطلين عن العمل ..
مساهمة بسFresh
31-05-2011, 11:57 AM
عزيزتي
الكل يتكلم على نسبه كبيره من البطاله
بدون أي سند ولا دليل
قد يواجهه بعض الاخوه 5 ..10 ...يبحثون عن عمل ... فيقولون هناك نسبه كبيره من العاطلين
انا لا انفي وجود بطاله في المجتمع .. لاني لا اعرف ان كانت موجوده او لا وكم نسبتها ؟
والكل مثلي على ما اظن ... ولكنه داخليا مقتنع ان هناك بطاله
والله اعلم
الشي الاكيد ان محد عنده سند ياسما الوطن بس الكل يقول نسبة عالية وعالية
وين النسبة العالية هاذي محد يدري :)
يعني شاعر المليون الله يجزيه كل خير جاب بعض الاحصائيات بس النسبة طلعت اقل من واحد :rolleyes2:
وين النسبة العالية؟
AbdullA-Qtr
31-05-2011, 11:58 AM
والله العظيم اشكرك وايد وايد وايد ومن كل قلبي ياشاعر المليون :shy: ماقصرت
تسلم يدك
بس ليش كل الاحصائيات سنة 2007:rolleyes2: يعني عقبها وقفوا؟وكم النسبة الحين ؟:rolleyes2:
شي طبيعي انهم يوقفون موضوع الدراسه او الافصاح عن نسبة العاطلين ... لأنها في تزايد .. :shy:
مساهمة بسFresh
31-05-2011, 12:02 PM
شي طبيعي انهم يوقفون موضوع الدراسه او الافصاح عن نسبة العاطلين ... لأنها في تزايد .. :shy:
انا هذا سؤالي اخوي :shy:
الكل يقول وايد وفي تزايد بس محد راضي يفصح كم :rolleyes2:
ومشكور
شاعر المليون
31-05-2011, 12:25 PM
مساهمة ماراح يفصحون لانه لو قالو فيه 1000 او 2000 او 3000 قطري وقطرية عاطلين
هالشيء مو من صالحهم لانه عندنا اكثر من مليون اجنبي وبعضهم شهاداتهم ابتدائية ويشتغلون
هذا السر وراء عدم الإفصااااااااااااح اتمنى تكونيين فهمتي السالفة
بالنسبة لي لو حتى عدد العاطلين 1000 قطري اشوفها نسبة كبيرة جدا بالمقارنة بالكم الهائل من فرص العمل المتوفرة ولكن السر
في توظيف الاجنبي ورفض طلب القطري لتسلط الاجانب في جميع الجهات قصدي المناصب القيادية
حليتان*
31-05-2011, 12:32 PM
احلى شي التبرير الواهي لعدم توظيف الباحثين عن الوظائف من بعض الأعضاء
اللي يقول الشرطة والجيش اقسم بالله العظيم
انها صاير فيها واسطة واتمنى احد يرد على كلامي بتكذيبي !!!!
واللي يبرر تأخر التوظيف بسنة واحده هو على كيفيك ؟!!!
واحد يدور وظيفة لسنة وبعظهم من 4 سنين واعرفهم شخصياً وماعندهم مانع في اي مكان بعد ماحصلوا هم هذيلا يتشرطون ويتدلعون وهم مايملكون ريال !
اقول خافوا الله بس ترى دوام الحال اللي انتوا فيه من المحال ؟!!!
كانو معاي ناس يدرسون وطلعو من المدرسه والحين يشتغلون !!
مب واحد ولا اثنين ..واايد ,,,,,ليش ؟
في شي جديد نسمع عنه الي هو خل شهادتك الجامعيه واشتغل بالثنويه !! هالكلام صحيح ؟
كانو معاي ناس يدرسون وطلعو من المدرسه والحين يشتغلون !!
مب واحد ولا اثنين ..واايد ,,,,,ليش ؟
في شي جديد نسمع عنه الي هو خل شهادتك الجامعيه واشتغل بالثنويه !! هالكلام صحيح ؟
نعم هناك توجه في الدوله لتقليص عدد خريجي الجامعه وما ينكر هالحقيقه الا .. شخص غبي او اهبل او يستهبل
لكن هذي دعوه مني لكل قطري ان يجاهد ويجاهد ويثابر للحصول على شهادته الجامعيه ... حتى لو ضيقوا عليه واجبروه لاحقا على التنازل عنها ... قاوموا من يريد اضعافكم واضعاف ابنائكم بحجة الميزانيه ..
انا شخصيا كنت ساوقع عقد على وظيفه ثانويه وانا عندي شهاده جامعيه لكن الاستخاره والاستشاره منعت ذلك والحمدلله ..
لكن فيه غيري وقعوا عقود عمل وتنازلوا عن شهاداتهم ( انا اتكلم عن البنات طبعا ) اما الشباب فلا اظن اننا وصلنا لهالمرحله لكن كل شي جايز في السنوات القادمه ..
انا اتكلم عن تعهد بعدم المطالبه بوظيفة جامعيين حتى لو توفر الشاغر ... لان فيه ناس ساذجين سيقولون خذ وظيفه واضمنها وعقب طلع لهم شهادتك ... لا يعلمون عن موضوع هذا التعهد .. ما يعرف الا المجرب بخفايا واسرار الخطه
Al Capone
31-05-2011, 01:01 PM
نسبة البطالة الحقيقة في قطر تكمن بين حرفي الطاء والراء
موضي قطر
31-05-2011, 01:21 PM
نسبة البطالة الحقيقة في قطر تكمن بين حرفي الطاء والراء
اقول اول حرف طراروه :weeping:
ام السعف
31-05-2011, 03:21 PM
في شي ياام السعف اسمه سؤال استنكاري (اتمنى تكونين عارفة شنو يعني سؤال استنكاري ) وحتى لو ماكنتي عارفة مب قايلة عنج ماتدرين عن شي :)
وعن شنو دافعت في كل ردودي؟:)
ياريت تذكرين لي الردود هاذي واللي ادافع عنه على قولتج علشان مااخليج تزعلين مرة ثانية لانج عارفة شكثر مهتمة بزعلج انا :)
يا الفرش الوردي ،، الاستنكاري ،، وعرفناه بس من عليه تستنكير ؟
على حقيقة وجود بطالة ؟ والا على اسباب وجود هالبطالة ؟
عارفة انج ما اتغلطين على احد ،، بس عليج اسلوب استفزازي بريه منه بريه
اما بخصوص انج ما اتحبين تزعليني ولأنج مهتمة كا تزعليني ،،
أقول لج : ما شفت منج للحين
ما يفيد تعمدج المباشر في كسر خواطر الناس ،، لكن غالبية مواضيعج
تقول : بما معناه واللي غالبية المشاركين في مواضيعج يتنرفزون منه
ان ما يثار من الاعضاء لايمت للواقع بصلة ،، وعلى الإنسان ان لا يطالب
أكثر مما هو عليه ،، وان الواحد يكتفي بالوضع اللي هو فيه ،، حتى لو كان
الوضع هذا نتيجة سوء تصرفه ،، فعليه ان يتحمله ،، واخرها مد ريولك على قد
لحافك :( ،،
:shy:بـــس :shy:
ام ناصر1
31-05-2011, 03:26 PM
يعني الاخت الي منزله الموضوع تبي تقنعنا ...إنه اذا مافي نسبه كلامنا عن البطالة فاضي او غير
دقيق لأنه مافي احصائيات ...
واذا مافي احصائيات هذا ليس دليل جهل المواطنين بل الحكومة ...فكيف سنعالج مشكلة لانعرف حقائقها
ولكن اذا حس المواطن بهله وجيرانه وتكلم عن معاناتهم فمافيها شي ....وهذا
واجب اخلاقي ..كريم ...التعاطف مع الناس ...
لكن مشكله الي عايشين بالبروج العاجية ويحبون يتفلسفون ..ليكون بس بتيبون الذيب من ذيله
على قوله المصريين
مساهمة بسFresh
01-06-2011, 07:44 AM
مساهمة ماراح يفصحون لانه لو قالو فيه 1000 او 2000 او 3000 قطري وقطرية عاطلين
هالشيء مو من صالحهم لانه عندنا اكثر من مليون اجنبي وبعضهم شهاداتهم ابتدائية ويشتغلون
هذا السر وراء عدم الإفصااااااااااااح اتمنى تكونيين فهمتي السالفة
بالنسبة لي لو حتى عدد العاطلين 1000 قطري اشوفها نسبة كبيرة جدا بالمقارنة بالكم الهائل من فرص العمل المتوفرة ولكن السر
في توظيف الاجنبي ورفض طلب القطري لتسلط الاجانب في جميع الجهات قصدي المناصب القيادية
صح كلامك ياشاعر المليون لان مافي احصائيات فالظاهر الكل يألف على كيفه :shy:
مساهمة بسFresh
01-06-2011, 07:45 AM
يعني الاخت الي منزله الموضوع تبي تقنعنا ...إنه اذا مافي نسبه كلامنا عن البطالة فاضي او غير
دقيق لأنه مافي احصائيات ...
واذا مافي احصائيات هذا ليس دليل جهل المواطنين بل الحكومة ...فكيف سنعالج مشكلة لانعرف حقائقها
ولكن اذا حس المواطن بهله وجيرانه وتكلم عن معاناتهم فمافيها شي ....وهذا
واجب اخلاقي ..كريم ...التعاطف مع الناس ...
لكن مشكله الي عايشين بالبروج العاجية ويحبون يتفلسفون ..ليكون بس بتيبون الذيب من ذيله
على قوله المصريين
انا قلت ابي اقنعكم ولا سالت سؤال؟
اختي عندج اجابة حق السؤال؟:shy:
مساهمة بسFresh
01-06-2011, 07:46 AM
يا الفرش الوردي ،، الاستنكاري ،، وعرفناه بس من عليه تستنكير ؟
على حقيقة وجود بطالة ؟ والا على اسباب وجود هالبطالة ؟
عارفة انج ما اتغلطين على احد ،، بس عليج اسلوب استفزازي بريه منه بريه
اما بخصوص انج ما اتحبين تزعليني ولأنج مهتمة كا تزعليني ،،
أقول لج : ما شفت منج للحين
ما يفيد تعمدج المباشر في كسر خواطر الناس ،، لكن غالبية مواضيعج
تقول : بما معناه واللي غالبية المشاركين في مواضيعج يتنرفزون منه
ان ما يثار من الاعضاء لايمت للواقع بصلة ،، وعلى الإنسان ان لا يطالب
أكثر مما هو عليه ،، وان الواحد يكتفي بالوضع اللي هو فيه ،، حتى لو كان
الوضع هذا نتيجة سوء تصرفه ،، فعليه ان يتحمله ،، واخرها مد ريولك على قد
لحافك :( ،،
:shy:بـــس :shy:
:)عندج اجابة حق السؤال اللي هو صلب الموضوع؟:)
ام السعف
01-06-2011, 07:52 AM
:)عندج اجابة حق السؤال اللي هو صلب الموضوع؟:)
قلت لج من اول مرة السؤال هذا توجهينه للمسؤولين ،،
غيرتي السالفة وقلتي لي عرفي لي البطالة ،
عرفت لج البطالة حسب فكري اللي على قد حاله ،، قلت لي هذا
كلامج والا كلام مختصين ؟
قلت لج مب متخصصة ،، اذا تبين بحث متخصص صبري علي شهرين
لج خاطر تنتظرين شهرين لين اخلص اللي في يدي واسوي لج بحث
يفسر لج شنهو يعني بطالة ؟ :shy::shy::shy:
مساهمة بسFresh
01-06-2011, 07:56 AM
قلت لج من اول مرة السؤال هذا توجهينه للمسؤولين ،،
غيرتي السالفة وقلتي لي عرفي لي البطالة ،
عرفت لج البطالة حسب فكري اللي على قد حاله ،، قلت لي هذا
كلامج والا كلام مختصين ؟
قلت لج مب متخصصة ،، اذا تبين بحث متخصص صبري علي شهرين
لج خاطر تنتظرين شهرين لين اخلص اللي في يدي واسوي لج بحث
يفسر لج شنهو يعني بطالة ؟ :shy::shy::shy:
:)خلاص دامج قلتي كل اللي عندج مشكورة على مشاركتج وخلي المجال حق غيرج :)
حياج الله
ام السعف
01-06-2011, 08:04 AM
:)خلاص دامج قلتي كل اللي عندج مشكورة على مشاركتج وخلي المجال حق غيرج :)
حياج الله
ان شاءالله ،،:shy::shy::shy:
مساهمة بسFresh
03-07-2011, 02:23 PM
باقي شهر ويخلص البحث ونشوف النتيجة :)
شاعر المليون
04-07-2011, 11:56 AM
اخت مساهمة فريش حصلت إحصائة بعدد القطريين العاطلين عن العمل من موقع جهاز الإحصاء تشمل من هم أكثر من 15 سنة :
الحالة التعليمية" "قطريون
Qataris"
ذكور إناث المجموع
Males Females Total
أمى 35 24 59
يقرأ ويكتب 78 77 155
محو الامية 8 4 12
ابتدائية 227 121 348
إعدادية 208 250 458
ثانوية 3 2 5
تدريب مهني 240 971 1211
دبلوم 5 44 49
جامعي فما فوق 6 707 713
اخرى 1 0 1
المجموع 811 2200 3011
مجموع العاطلين الذكور : 811
مجموع العاطلين الإناث : 2200
حسب إحصائة عام 2010
رقم يستوجب التوقف عنده وجود 700 قطريات جامعيات عاطلات عن العمل بينما الأجانب متاح لهم جميع الفرص
المصدر :http://www.qsa.gov.qa/ar/GeneralStatistics.htm
رابط القوى العاملة
المحقق كونان
04-07-2011, 01:08 PM
قطر للاجانب
مايبخ
04-07-2011, 02:00 PM
ايوه اخوي
يعني من وين جبت الرقم؟
اذا انتي تدورين لرقم للبطاله فهذه اشياء سرية
لازم تصدر بشكل رسمي
وعلشان يحسون بالألم إللي أحس فيه من الإتصالات والأسئله إللي تجيني ..
اليوم كلمني واحد من الثلاثه قال مالقيت لي شغل قلت يجيب الله خير .. قال زين ولا أحد من إخواني قلت ابشر قريب إنشاءالله . وفعلا كسر خاااااااااطري .
بس وانا اشوف الوظائف تتحذف على ناس إلا الآن مادقوا الإقامه فهذا شي يقهر .
لاحول ولاقوة الا بالله
الله يزيل من وقف في طريق توظيف مواطن آمين
مساهمة بسFresh
18-07-2011, 12:47 PM
وعلشان يحسون بالألم إللي أحس فيه من الإتصالات والأسئله إللي تجيني ..
اليوم كلمني واحد من الثلاثه قال مالقيت لي شغل قلت يجيب الله خير .. قال زين ولا أحد من إخواني قلت ابشر قريب إنشاءالله . وفعلا كسر خاااااااااطري .
بس وانا اشوف الوظائف تتحذف على ناس إلا الآن مادقوا الإقامه فهذا شي يقهر .
هلا لازالوا مايشتغلون؟:shy: مع ان احنا مب عارفين شي عنهم يعني من ناحية شهادات وغيره
almaf1a
18-07-2011, 01:09 PM
اذا قلتيلي عدد القطرين في قطر كم
اجيب لج نسبة البطالة
مساهمة بسFresh
18-07-2011, 01:13 PM
اذا قلتيلي عدد القطرين في قطر كم
اجيب لج نسبة البطالة
على حسب كلام بعض الاعضاء(اللي مادري من وين جايبينه:rolleyes2:) في منهم يقولون 250 الف واللي يقول 300 الف وطبعا هالرقمين ثابتين من سنين
اختار اي رقم :shy:
almaf1a
18-07-2011, 01:18 PM
على حسب كلام بعض الاعضاء(اللي مادري من وين جايبينه:rolleyes2:) في منهم يقولون 250 الف واللي يقول 300 الف وطبعا هالرقمين ثابتين من سنين
اختار اي رقم :shy:
شفتي شلون التعتيم والمواطن مايعرف اي شئ بس يتسائل ويفتح مواضيع في المنتديات ويطلب مصدر وهو في الاساس مايعرف عدد المواطنين
مافي مصدر لعدد القطريين في قطر
وانتي تبحثين عن نسبة البطاله
وليس عدد العاطلين عن العمل
والنسبه تتطلب توفر معلومتين
انتي جيبيلي عدد المواطنين وانا بجيب النسبه
خل نتعاون
لحد ينسى المصدر:nice:
مساهمة بسFresh
18-07-2011, 01:21 PM
شفتي شلون التعتيم والمواطن مايعرف اي شئ بس يتسائل ويفتح مواضيع في المنتديات ويطلب مصدر وهو في الاساس مايعرف عدد المواطنين
مافي مصدر لعدد القطريين في قطر
وانتي تبحثين عن نسبة البطاله
وليس عدد العاطلين عن العمل
والنسبه تتطلب توفر معلومتين
انتي جيبيلي عدد المواطنين وانا بجيب النسبه
خل نتعاون
لحد ينسى المصدر:nice:
اللي يقرا يقول صج لو جبنا لك بتجيب النسبة :)
اخوي قول ماعرف وخلاص :)
almaf1a
18-07-2011, 01:23 PM
اللي يقرا يقول صج لو جبنا لك بتجيب النسبة :)
اخوي قول ماعرف وخلاص :)
لا ليش اقول ماعرف وخلاص
بفتح موضوع نفس موضوعج وبكتب سطرين
صباح الخير:shy::shy:
كم عدد المواطنين؟؟ :shy::shy::shy:
مساهمة بسFresh
18-07-2011, 01:32 PM
لا ليش اقول ماعرف وخلاص
بفتح موضوع نفس موضوعج وبكتب سطرين
صباح الخير:shy::shy:
كم عدد المواطنين؟؟ :shy::shy::shy:
طيب :)
BIG-VEGA
18-07-2011, 01:47 PM
:shy:
بوحارب
18-07-2011, 01:49 PM
لا ليش اقول ماعرف وخلاص
بفتح موضوع نفس موضوعج وبكتب سطرين
صباح الخير:shy::shy:
كم عدد المواطنين؟؟ :shy::shy::shy:
هههههههههههههههههه اهم شي يكون بالوردي:secret:
عشان انسميك بوالوردي :tease:
حسب إحصائة عام 2010
رقم يستوجب التوقف عنده وجود 700 قطريات جامعيات عاطلات عن العمل بينما الأجانب متاح لهم جميع الفرص
:weeping::weeping:
PARIS
18-07-2011, 07:01 PM
لاحول ولاقوة الا بالله ....
شفتي شلون التعتيم والمواطن مايعرف اي شئ بس يتسائل ويفتح مواضيع في المنتديات ويطلب مصدر وهو في الاساس مايعرف عدد المواطنين
مافي مصدر لعدد القطريين في قطر
وانتي تبحثين عن نسبة البطاله
وليس عدد العاطلين عن العمل
والنسبه تتطلب توفر معلومتين
انتي جيبيلي عدد المواطنين وانا بجيب النسبه
خل نتعاون
لحد ينسى المصدر:nice:
مالفرق؟
almaf1a
18-07-2011, 10:26 PM
مالفرق؟
نسبة البطاله يتطلب معرفة عدد القوة العامله
اما عدد العاطلين مايبيلها شرح
مساهمة بسFresh
19-07-2011, 08:48 AM
:weeping::weeping:
ليش اتصيحين فديتج؟
ترى صيحتيني وياج:weeping::weeping:
Powered by vBulletin® Version 4.2.5 Copyright © 2024 vBulletin Solutions Inc. All rights reserved.