سؤال بخصوص نتائج الثانويه العامه للمدارس المستقله [الأرشيف]

جود الحزن

31-05-2011, 07:06 AM

السلام عليكم

حبيت اسئل عن موعد النتائج متى بتكون؟؟
لاني سئلت الجهه المختصه اللي المفروض يكون عندها الجواب الشافي اللي هي مكتب هيئة التقييم (فهد النعمه) وقالو مايدرون متى!!!!!!
اذا هم مايدرون عيل من اللي يدري ؟؟؟!!!!!
وعلى اي اساس هم محديين تاريخ الدور الثاني6-7 اذا موب عارفين متى النتائج !!!!
بعدين من اللي يقول ان التقويه بالمدارس ببلاش لاوالله بفلوس انا دافعه 3 الالاف ريال علشان التقويه غيرالمدرسيين اللي بالبيت
وياليت على شي بعد
بعدين حبيت تطمنوني وتجاوبوني هل تظنون انه صج بيمشون الطلاب هالسنه وبينجحونهم والا لا؟؟
انا سمعت انه بيمشونهم انتو شنو رايكم

1HAMAD1

31-05-2011, 08:27 AM

اعتقد مافيه شي اسمه يمشون الطلاب انا اقول لكل مشتهد نصيب وتأكد اذا انت تعبت بتشوف ان شاء الله اللي يسرك وانا صراحه شفت ناس العام انجحوا وجابوا في الثمانينات وهم ما يستاهلون فا ماادري شنو نظامهم بالضبط

جود الحزن

31-05-2011, 09:22 AM

اخوي حمد مشكور على الرد
صح كلامك لكل مجتهد نصيب بس لاتلومني انا وايد اوسوس واحاتي نتيجة بنتي وهي كانت بمدرسه اجنبيه وحولت للمستقله وهي ضعيفه وايد في العربي والاسلاميه لانهم ماكانو يهتمون فيها في المدارس الاجنبيه يعني تخيل المنهج كله يمكن 6 دروس بس اذا موب اقل بعد
وبعدين انا ابي اعرف متى النتيجه علشان اسافر وانا متطمنه ياليت اللي يعرف يقولنا
والله احنا الامهات نحاتي اكثر من العيال نفسهم :weeping:

سترك يارب
الله ينجح طلابنا ياااااااااارب ويوفقهم ويسهل عليهم

PP

31-05-2011, 11:46 AM

بتكون ان شاء الله 29 - 6

كانوا يقولون في الجريدة قبل كم اسبوع
ويأكدون ان فيه رسوب :(

جود الحزن

31-05-2011, 11:56 AM

مشكور بنك بانثر والله يوفقك يارب

اكيد انها بتكون في هالتاريخ والا تخمين بس
الله يستر من النتايج

PP

31-05-2011, 12:06 PM

لا متأكد ,, دقيقة اجيب المصدر :)

حليتان*

31-05-2011, 12:13 PM

من قاال ان التقويه ابلاش ؟

عشاان اخلي المدرسه ترجع فلوسي هههههههه

صرااحه بعد اول امتحانين قدمتهم مب مطمن

ومالي نفس ادرس

PP

31-05-2011, 12:23 PM

ما عينت الـ مصدر :(
دورت بالمنتدى لان الموضوع قريته هنا " تصريح في جريدة " بداية شهر 5

ولكن النتائج ما راح تكون بعد 1-7 ان شاء الله

جود الحزن

31-05-2011, 12:27 PM

مشكور بنك بانثر تعبتك وياي والله
amaf في الجرايد كاتبين انه المدارس وفرت دروس تقويه ببلاش وطبعاا كله جذب وكلام جرايد والصج انه كل ماده بسعر بالمدرسه حسبي الله عليهم وياليت فيه فايده بعد

جود الحزن

31-05-2011, 12:31 PM

انزين احنا مسافرين قبل تاريخ 29-6
شسوي النتايج بناخذها من النت من موقع المجلس الاعلى صح والاانا غلطانه ؟
بس بعيد الشر والله لايقوله اذا بنتي عليها دور ثاني شسوي ارد عقب مانسافر باسبوع يعني وياليت مسافرين دوله قريبه بعد :anger1:
الله يعيناا بس على هالمجلس
ااه على ايام الوزاره صج فرق يرتبون كل شي من بداية السنه موب كل شوي لهم راي وتغيير وفي اللحظه الاخيره يعدلون ويغيرون

حليتان*

31-05-2011, 12:36 PM

انزين احنا مسافرين قبل تاريخ 29-6
شسوي النتايج بناخذها من النت من موقع المجلس الاعلى صح والاانا غلطانه ؟
بس بعيد الشر والله لايقوله اذا بنتي عليها دور ثاني شسوي ارد عقب مانسافر باسبوع يعني وياليت مسافرين دوله قريبه بعد :anger1:
الله يعيناا بس على هالمجلس
ااه على ايام الوزاره صج فرق يرتبون كل شي من بداية السنه موب كل شوي لهم راي وتغيير وفي اللحظه الاخيره يعدلون ويغيرون

قبل الامتحانات خذو ارقام تلفوناتنا وقالو بيطرشونها مسج
وفموقع المجلس الاعلى
وفالجرايد