ايباد في apple store

[Dear All]

السلام عليكم ورحمه الله وبركاته

اخواني اشوف البعض يبالغ في اسعار اجهزه ابل ولما اروح الموقع اتفاجئ بالفرق بين الاسعار
عندكم الايباد
http://store.apple.com/us/browse/home/shop_ipad/family/ipad/select?mco=MjE0OTI0MDI
شوفوا الاسعار والاسعار عندنا فرق كبير
والي عنده ملاحظه على فروق الاسعار او الملاحظات عليها لا يبخل علينا

[الباحثة]

انا بعد مستغربه
من الاسعاررر

والسنه الي طافت شفتهم بلندن والله انه الاي باد ارخص بوايد من قطر

[qatar2005]

اعتقد مع الشحن زيادة 300 ريال و100 ريال ربح اذا ما كان طماع
واذا ابل فكرت تفتح في الخليج لا تعتقد السعر راح يكون نفس الشي اكيد اغلى خبرك يعتقدون ان اهل الخليج كل واحد اغنى من الثاني و دفيعه

[abu ahmed]

الموضوع عرض وطلب مش اكثر
وبما انة لا يوجد وكيل ولا موزع رسمي فالاسعار متفاوته
نفس الموضوع حصل مع الايفون
قبل لا تجيبه فودافون كان يجى من ابل ستور فى بريطانيا بحوالى 3400 مع الشحن وكلن ينباع هنا ب4500

[QA1]

مرحبا الجميع .... الكلام صحيح الأسعار في موقع ابل ارخص
بس
الأسعار في موقع ابل لازم اتضيف عليها الضرائب على سبيل المثال ابل بريطانيا لازم اتضيف 17 ٪ على السعر المعروض و حول 13٪ في ابل كندا (ممكن تسترد جزء من الضرائب اذا اثبت لهم انك بطلع الاجهزه بره البلد ويبيله عباله الموضوع طبعا )

بالاظافه الى الضرائب لازم تحسب مصاريف الشحن وغير الجمارك اذا الشخص جايب كميه واذا عنده محل طبعا يبي يطلع مصاريف المحل وطبعا اللاجهزه مش متوفره في محلات ابل بسبب الطلب الكبير يعني بتنجبر تخذها من الاشخاص او بعض المواقع اللي يبون فايدتهم طبعا0000 والحساب كله يطلع على المشتري الاخير او المستخدم وبالتالي مانتوقع اللي يجيب الأجهزة ان يبيعها بسعر ابل أكيد يبي يبيع بفايده ..... وانا أشوف الكل من حقه يربح بس اللي نتمناه ان الربح يكون بالمعقووول وبصراحه أنا جايب اجهزه من هناك وتعرضت للامور هذه كلها واللي يفرق العرض و الكميه هم اللي ع اساسها الواحد يتحكم في السعر شوي ..... مثل ماسووو فودافون في ال أيلون ٤ لان الكميات اللي خذوها ما تتقارن بالكميات اللي يأخذها الافراد وبالتالي يقدرون ينزلون بالسعر على حساب الاستفادة من اشياء ثانيه مثل المكالمات وغيره.... ونستفيد من تجارب بعض بالتوفيق للجميع*

[BuFaisal]

عليكم السلام ورحمة الله وبركاته

المشكلة ان بعضنا يشوف اسعار الابل ستور الامريكي ويقول ان اسعار سوقنا اغلى !!

1. احسب فرق العملة لانهم يحسبون الدولار حول 3.70 - 3.8 ريال واحيانا اكثر وليس 3.65 ريال
2. هناك ضرائب على السعر لكن السعر الاساسي ما يوضح هذا الشئ ولازم توصل الى مرحلة الطلب النهائي وهناك تظهر لك الضرائب
3. الشحن في ارامكس حول 100 ريال
4. الابل ستور لا يبعث لشركات مثل ارامكس وغيره .. يعني لازم واحد يشتري لك ويرسله لك

المنطق والعقل يقول ان كل هذه لازم تحطها باعتبارك لما تشوف سعر الابل ستور المبدئي قبل لا تحكم على السعر النهائي