تأمين ضد الغير , والاا تأمين شامل شتفضل !!!

[Qt.1]

طبعا كلنا مسوين تأمين على سياراتنا , لكن سوؤالي شتفضل تأمين ضد الغير , والاا تأمين شامل , شركات التامين وايد مبالغين في اسعار التامين الشامل , اخر مره سالتهم عن سعر التامين لسيارة البيت يوكن 2009 خروج 2010 كم اتوقعون قالي !! والله قالي 8700 خير يامال الخير !! فعلا في مبالغه كبيره عندنا , وضد الغيرارخص لكن تعال عاد صلح سيارتك لاسمح الله لوصار حادث جامد !!

واترك المايك لكم

:)

[قلم ساخن]

توكل على الله وسو ضد الغير دام هاي الاسعار

توكل على الله

[Qt.1]

توكل على الله وسو ضد الغير دام هاي الاسعار

توكل على الله

اي انا مسوي تامين ضد الغير وخالص على كل سيارات البيت من زمان :nice: بس اسأل واشوف رايكم في هالمبالغه هذي !

[بوخالد911]

عن نفسي
بس أول سنة بأمن شامل

وباقي السنوات ضد الغير

[الحال مايساعد]

ضد الغير وبس .... وكلٍ يدير باله

[الدوحة قطر]

اول سيارتين طلعتهم من الوكاله امنت اول وحدة اول سنتين تأمين شامل وعقب ضد الغير والسيارة الثانية اول سنة تأمين شامل وعقب ضد الغير

والسيارة الثالثة من البداية امنتها ضد الغير هاهاي

ابصراحة الاسعار وايد ارتفعت

انا من وجهة نظري ان الي بيشتري سيارة قيمتها كبيره يعني 200 الف وطالع يفضل ان يكون التأمين شامل لان لا قدر الله صار حادث جامد وتنكسل الموتر التأمين يعوضه

اما المواتر الرخيصه افضل الواحد يامنها ضد الغير وبإذن الله ما يصير شي

وحاليا حتى التامين الشامل يلزمك انك تدفع مبلغ اذا سويت حادث وكنت انت الغلطان اعتقد الف ريال

وهل مبلغ بتدفعه بتدفعه اذا بغيت اتصلح على التأمين سواء كان التصليح اكثر من الف ريال او اقل

[أبورودي]

ضد الغير والحمدلله وربنا يعافينا من شر الحوادث
واستهتار الغير

[vtc_4.8]

السيارة الجديدة تستاهل شامل

اما بعد سنتين ثلاث ضد الغير والله يستر عالجميع

[Ţĥę őήę]

ياخوي اننا توني مطلع موتري

لكزس فورويل 2011

13000 حق الشآآآمل @@

[بوطويشم]

السلام عليكم

الأمريكي قطع غياره غالية

يعني انا دعمت رفرف امامي وخلفي وبانه وليت و كم شغله ثانيه تأمين شامل

طلع علي التصليح بــ70 الف بس الحمدلله الغلط مب علي بس لو الغلط علي التأمين بيتكلف بنص المبلغ او 20%

الخلاصة دام انه امريكي خذي شامل ياباني ضد الغير و خاصة لو كان كروزر

بالتوفيق

[khaldoon]

اخوي الشامل اسويه اول 3 سنوات و بعدين اروح على ضد الغير لانه الشامل يصير مكلف و مرهق خصوصا لو انت من النوع اللي ينتبه وما يسوي حوادث ولا يخسر التأمين و الله يحفظنا جميعا و يبعد عنا الحوادث

[الخزرجي قطر]

تامين شامل للسنوات الاولى وحسب قيمة السياره
اذا سيارة السواق تامين شامل طول المده
الله يحفظنا واياكم من الحوادث وشر الطريق

[ولد البدر]

المشكلة الحين إذا أنت المتضرر تدفع 50% على قطع الغيار انا دعمني واحد وهو الغلطان بتقرير المرور لكني دفعت 7500 ريال ،،، خوش تأمين وخوش قانون

[بن رومي]

امن في التامين الاسلامي

اولا اسلامي

ثانيا تحمل 500 ريال

ثالثا اذا ما سويت حادث يردون لك من 15 % إلى 20 % من قيمت التامين

وخلك من الغير اسلامي

يازين المعاملات الاسلامية الشرعية

((( تربح في الدين والدنيا و بإذن الله الآخرة ))

بن رومي

[آخر العشاق]

ضد الغير طبعا

[اي شي]

شامل اضمن يا اخوي لاسمح الله

[ابن مانع]

ضد الغير طبعاً
لانه صار نفس الشامل الشامل بتدفع 8000 الحين واذا قدر ربك وصار عليك حادث بتدفع 30% او اكثر من التصليح
واذا ضد الغير في حدود 1000 والتصليح بيكون على كيفك
يعني قطع غيار من الشارقه وربك كريم

[التيما]

ضد الغير بالراحة .. الله وشركات التامين اللي بدفع لهم شامل حرامية وتامين مصخرة خل يعدلون شروط التامين وعقب نتفاهم .. قال ايش لو حريق ولا عاصفة ولا سبب من الطبيعة ماله تامين ! عيل شولا يسمونه شامل وندفع ذاك المبلغ ؟ خيبه

[حليتان*]

ههههههه المشكله ان التامين الزامي

[الزجاجي]

انا اشوف يعتمد على نوع السياره
والشي الثاني قيمتها

لكن بشكل عام شخصيا اامن تامين شامل لاول سنه بس لانه ما ادفع شي والباقي ضد الغير

[زمن الغربة]

تأمين شامل مايجوز حرام حتى لو كان أسلامي
فعلى الكل يأمن ضد الغير لأن التأمين حرام بشكل عام و كما تعلمون وهو الزامي فالدولة
فأنا أؤمن ضد الغير لأن أجبرت على الحرام فأؤخذ بأقل المفسدتين
الكلام واضح يا جماعة ولا؟
وكان الله غفورا رحيما

[عذب الكلام 1]

ضد الغير ولا تعب نفسك