3 بنــــات قطريــــات محتاجيـــــــن وظايـــــــف مــــــن يقــدر يساعدهــــــم

[مملوحة الفال]

السلام عليكم


اعضاء المنتدى المحترمين


فيه 3 بنات قطريات ( 2 منهم خوات ) محتاجين وظايف للعلم مقدمين في كذا مكان ومقدمين بعد في المعرض المهني وللحين مافيه رد

البنات ظروفهم صعبه جدا والبنات تعبوا من كلمة رحوا وبنتصل فيكم

وانا اشهد ان ظروفهم صعبه وانه وحده من هالبنات وربي شاهد علي ان بيتها مافيه الا زل و يرقدون على الأرض ومع هذا متعففين
وانا اعرفهم ومسؤولة عن كلامي امام رب العباد

والله ان ثلاجتهم اغلب الشهر فاضية وابوها متقاعد وفوق هذا غير صالح للعمل لسبب صحي

اللي يقدر يساعدهم له الثواب عند رب العالمين وبيلاقها عنده سبحانه


2 منهم ثانوية عامة و وحده اعدادية بس الظروف ماسمحت لها تكمل


والله المستعان

[بورصجية]

عندهم خبرة في اي مكان؟؟
يعرفون انجليزي وكمبيوتر؟؟

[Locale]

الله يعينهم

[غزلان]

الله يوفقهم ان شاء الله ويفرج عليهم

[Abo Sami]

لا املك لهم الا الدعاء

اللهم فك كربة اخواتي ووفقهن واكتب لهن الخير والرزق الكريم الكثير الطيب المبارك فيه

[مستجدة]

بل 3 قطريات ............؟

بس الجماعه يقلون مافيه بطاله في قطر !!!!!


الشعب اموره طيبه : )

[موضي قطر]

هذيلا يصير نطلق عليهم بطاله؟؟




ولا تدرون خل نشوف اخوانا اللي يعرفون اكثر منا وش ممكن يسمونهم :telephone:

[(بوطلال)]

الله يعينكم ان شالله وتحصلون الوظيفه المناسبه . بس اختي بالنسبه لج انتي كنتي موظفه هل فنشتي من شغلج ؟

[sara jsm]

وحدة من ربعي تشتغل في جوازات بوسمره وماعندها ثانويه ولا عندها انجليزي ,,
خلهم يقدمون هناك ,, ترى رواتبهم جيده للمحتاجين ,, وعسى الله يوفقهم ,,

[Store]

الله يوفقهم يارب

[QATAR-2006]

الله يغنيكم بحلاله عن حرامه وبفضله عمن سواه..اسال الله العظيم ان يرزقكم من حيث لاتحتسبو.

[STAR]

قريت في منتدى من المنتديات ان فودافون يبون 28 موظفات قطريات ثانوية عامة الانجليزي عالاقل جيد.. يشتغلون في خدمة العملاء الراتب 9 آلاف بس المشكلة شفتات مرة الصبح ومرة العصر ومرة فليل..!!!!

[مملوحة الفال]

عندهم خبرة في اي مكان؟؟
يعرفون انجليزي وكمبيوتر؟؟


اختي يدورون وظيفة عمرهم متوظفوا قبل يدورون ومب محصلين

والانجليزي عادي مستواهم تعرفين مايقدرون يدشون مراكز لغات ولا كمبيوتر لأنها كلها بفلوس

[Dawn]

هلا حبيبتي جزاج الله خير على مساعدتج لبنات بلادج

شيكي الخاص

والله يوفقهم ان شا الله

[فرانسـ كوفي]

اللهم فك كربهم ويسر امرهم

[La Bella]

الجوازات والداخلية خل يقدمون

[CH Engineer]

^^
تقول البنات قدموا فكل مكان

مافي الا يقدمون مره ثانيه لان ربعنا ماشاء الله يحتفظون فكل الملفات
وتمسك ورقه وقلم وتسجل تلفون كل جهة تتقدم لها
وتتصلهم كل يومين مره!!

هذا الحل الوحيد ولا انتظري سنه سنتين!! الا اذا عندج واسطه شي ثاني

[مملوحة الفال]

الله يعينكم ان شالله وتحصلون الوظيفه المناسبه . بس اختي بالنسبه لج انتي كنتي موظفه هل فنشتي من شغلج ؟


الحمدلله موظفة بعد معاناه 4 سنين و7 شهور بالواسطة بعد هالمده بس ابي اساعد البنات خاصة اني في المنتدى وهم حتى نت ماعندهم

[مملوحة الفال]

سبحان الله وبحمده سبحان ربي العظيم

[ضحية البورصة]

الله يعينهم ويحصلون اللي يرضهم ،،،

[sendarala]

الله يجزيج كل خير



ان شاء الله ربي يوفقهم ويفك كربتهم


ويقولون اعلى دخل بالعالم وما في بطالة عندنا ،،،،، بس هذيلة ما ادري بأي فئة نحطهم ؟؟؟؟

[الخفي]

(( راجع الخاص ))

[فرحة الكواري]

الله يجزاج خير

اذا في مجال ممكن تبعثين لي السيفيات على الخاص

والله يقدرنا ياااارب على الخير

[مملوحة الفال]

للي طلبوا السيفيات بحاول اطرشهم الليله ولا بكره

وجزاكم الله خير اللي رديتوا على الموضوع


سبحان الله وبحمده سبحان الله العظيم

[alhajri-100]

ىختي قدموو في حماية البيئه
هناك يقبلووون حتى الاعداديه
الله يوفقكم ان شالله ويسهل عليكم ان شالله
ابي اعرف وين المسؤوليين عنكم
وليش ماينظرون لكم لو انا منس ماسكت والله
والله يكتب الي فيه الخير
لاحول ولاقوة الا بالله

[مملوحة الفال]

ىختي قدموو في حماية البيئه
هناك يقبلووون حتى الاعداديه
الله يوفقكم ان شالله ويسهل عليكم ان شالله
ابي اعرف وين المسؤوليين عنكم
وليش ماينظرون لكم لو انا منس ماسكت والله
والله يكتب الي فيه الخير
لاحول ولاقوة الا بالله


مشكور اخوي

بس البنات يحاولون وبصراحة وحده منهم مقدمة في الداخلية من حول سنتين في الداخلية وعندها ثانوية وليومك كل يوم بكره
وقدمت هي والبنتين الثانين وفي اماكن ثانية ويقولون لهم اذا عندكم واسطة بتوظفون بسرعه اذكر اني رحت مع وحده فيهم وزارة معينه خلونا نقابل المسؤول كأن احنا مسوين مقابلنا مع بعض يتكلم في التلفون ساعه واحنا عنده ولا عبرنا وبعد ساعه قال خلوا اوراقكم بنتصل لكم وليومك

[Live]

اللهم رب السموات السبع وما بينهن ورب العرش العظيم
ورب جبرائيل وميكائيل واسرافيل
ورب القرآن العظيم ورب محمد خاتم النبيين
صلى الله عليه وآله الطيبين الطاهرين
اني اسألك بالذي تقوم به السماء وبه تقوم الارض
وبه تفرق بين الجمع وبه تجمع بين المتفرق
وبه ترزق الاحياء وبه احصيت عدد الرمال ووزن الجبال وكيل البحور


أن توفقهم و ترزقهم بالوظائف المحترمة الحلال وتبعد عنهم كل حرام


اللهم آمين

[Bin Hood]

الله يوفقهم

[ام ناصر1]

الله يسر لهم ويوفقهم ...اللي اعرفه ...إن قسم الكستمر سيرفس ( خدمة العملاء) بمؤسسة
حمد طالبين حاليا قطريات وقطريين...العدد ..اكثر من 10 ...وتقديم الطلبات بادارة الموارد البشرية مقابل
مبنى مجلس الاسرة

وبعد ...فيه الشركة القطرية للموانئ ..بس نظامهم شفتات

[am5ald]

الله يوفقهم يارب
والله حتى انا بطالية اللي عنده وظيفة يدلني
خخخخخ وكل سنه اروح المعرض المهني ولا فيه فايده
الله يسر لهم ويوفقهم

[قطريه ماركه]

عليهم بالاستغفار و الدعاااااء ... ليل نهار ...

الله يوفقهم يارب ....

[سهم قطر]

اختي شيكي الخاص

[STAR]

..

للقطريين والقطريات..
..

مطلوب التالي:
رجال ونساء للعمل في مؤسسة شبه حكوميه في مجال يتعلق بالطفوله والنشئ عموماً..
يفضل التربويين أو الحاصلين على دبلومات في الطفوله..

المؤهلات: يفضل أن يكون المؤهل جامعي..
أو دبلوم يتعلق بالطفوله..
أو ثانويه..

والأولويه لأصحاب الخبره والتجارب في مثل هذا المجال..

مع العلم إن طبيعة الأعمال جانب كبير منها ميداني وتتضمن ورش عمل
وأنشطه ثقافيه وتوعويه وووووإلخ للأطفال وتتطلب أشخاص قادرين على
تحمل المسؤوليات والضغوطات من مختلف الجهات ويحسنون التعامل
مع الطلاب وأولياء الأمور وبنفس الوقت يكونون قدوة حسنة لهم
وأحياناً كثيرة يطلعون وينتقلون من مكان لآخر وهكذا يعني حتى
النساء اللي بيقدمون يفضل يكونون يسوقون او عندهم حد
يوديهم ويجيبهم خلال ساعات العمل..

الرواتب مغريه جداً جداً جداً..

للجادين أرجو منهم التالي:
1- إرسال السيره الذاتيه (يفضل باللغة العربية)..
2- كتابة طلب توظيف في الوورد (على الأقل 7 أسطر) وارفاقه بالايميل
او كتابة ايميل مباشرة (على أن يتضمن طلب التوظيف نبذه عن أنفسهم
وارتباطهم بمجال الطفوله أو حبهم لها أو رغبتهم في دخول هذا التحدي
وهذا المجال أو ثقتهم على مقدرتهم في تقديم الإضافه أو أو أو.) غششتكم كفايه..

وأرجو ممكن يجد في نفسه الكفاءه من الرجال غير المدخنين
والنساء غير المتبرجات التواصل على:

e3lami_q6r@hotmail.com

وانا مجرد وسيط هذا للعلم..

..


والسموحه من إللي طلبوا إسم المكان ما أقدر أفيدكم
لأنهم عقب فرز السيفيات خلال الأيام
القليله القادمه راح يتصلون باللي
حابين يقابلونهم وبيعطونهم
وقتها كافة التفاصيل..


..

ملاحظه1: لا مانع من الاستمرار بالتقديم حتى نهاية شهر 07/2011م
لأن التوظيف وفرز السيفيات على دفعات ومتواصل إن شاء الله..

وعذراً من اللي راسلوني يستفسرون ما اقدر اوضح اكثر من كذا
وايضاً اعتذر من غير القطريين اللي ارسلوا سيفياتهم لأن
المطلوب موظفين قطريين وقطريات فقط لاغيررررررر..

ملاحظه2: فيه وظايف إداريه مستحدثه عددها محدود جداً ومطلوب
فيها بنات قطريات خريجات ثانويه وعندهم دورات كمبيوتر وسكرتاريه
واللي مهتمه ترسل السيفي بعنوان وظيفه إداريه..


بالتوفيق للجميع يارب.. :nice:

..

.................................

[المجدم]

ربما يكون هناك وظائف متاحة بحماية؟؟؟

[الموضوعي]

يقدمون على وزارة الداخلية هي الوزارة اللي يصير فيها توظف بدون واسطة

[محمد223]

الدنيا كلها واسطات في الداخليه او في اي مكان كان

[محمد الجفيري]

الله يكون بعونهم ويسااعدهم .

[همسه]

وين اللي يقولون قطر مافيها عاطلين عن العمل

اتوقع يدخلون بس عشان يغثون صاحبة الموضوع يقولون لها موضوعج مش صحيح وقصه خياليه

اتمنى لهم التوفيق

آمين يارب

[out]

ممكن تبعثين لي السي في وان شاء الله ربي يكتب لهم الخير

[hnony]

الله يرزقهم من حيث لا يحتسبوون..

[مملوحة الفال]

اعذروني كنت مريضة وماقدرت ادش المنتدى

وإن شاء الله بتواصل مع اللي طلبوا السي في للبنات

[مملوحة الفال]

اشكر كل من حاول يساعد في ايجاد وظيفة للبنات اولاً فيه وظيفة في مكان ما

وقالوا يبون وحده من عشر بنات ماتقدمين للوظيفة والله يكتب اللي فيه الخير

وفيه مكان طلع اذاعة ونقل اغاني على سيدهات وبصراحة لا البنت ولا اهلها راضين بحكم حرمة الاغاني والمكان صعب شوي يشتغلون فيه البنات

فممكن احد يساعدهم الوضع سيئ جداً

[M!$s ĀŁ!eN]

من اللي يقول ان قطر فيها بطاله ..
قطر فيها واسطات
ما تسمع وطني الحبيب صباح الخير
وشكثر حالات اللي يصيحون يبون يتوظفون
لما يتورلفر لهم يتشرطون ..
بس الله يكون في عونهم
خلهم ييروحون اداره العمل ..
او الداخليه ..

[مملوحة الفال]

من اللي يقول ان قطر فيها بطاله ..
قطر فيها واسطات
ما تسمع وطني الحبيب صباح الخير
وشكثر حالات اللي يصيحون يبون يتوظفون
لما يتورلفر لهم يتشرطون ..
بس الله يكون في عونهم
خلهم ييروحون اداره العمل ..
او الداخليه ..

اتقي الله اختي يتشرطون ؟؟؟؟؟؟؟؟؟؟؟؟


ماتنعاف الوظيفة الا لأنها في بنك ربوي ولا في مكان مايصلح لبنات .. او مكان مختلط

يعني اذا الواحد محتاج ينسى ربه شلون بيدعيه بالتوفيق ؟

[بصمة قطرية]

اتقي الله اختي يتشرطون ؟؟؟؟؟؟؟؟؟؟؟؟


ماتنعاف الوظيفة الا لأنها في بنك ربوي ولا في مكان مايصلح لبنات .. او مكان مختلط

يعني اذا الواحد محتاج ينسى ربه شلون بيدعيه بالتوفيق ؟

الله يوفقهم بوظيفة عدله ..
من ترك شيئاً لله عوضه الله بخير منه ..

[مملوحة الفال]

الله يوفقهم بوظيفة عدله ..
من ترك شيئاً لله عوضه الله بخير منه ..


صحيح وجزاج الله خير

[مملوحة الفال]

سبحان الله وبحمده سبحان الله العظيم

[مملوحة الفال]

سبحان الله وبحمده سبحان الله العظيم

[العتوي]

اختي مملوحه
لو هم عادي عندهم يشتغلون بمكان خلط وقطاع خاص وجي عطيني سيفياتهم وانا اوديهم واقدم لهم بس ما اوعدكم بشي بحاول وياهم
والله يقدرني اني اساعدهم ونحصل اجر لهم

[بنت قطريههه]

يااختي تكفين كان تساعديني بوظيفه الحال من بعضه :(