مدرسة تشد شعر ولدي ! واخرتها يالمجلس الاعلى ؟

[آخر العشاق]

السلام عليكم و رحمة الله وبركاته

ولدي اولا في مدرسة الخور الفوضوية ( قصدي النموذجية ) اليوم رجعت من الدوام وانا بعد مدرسة عقب ولدي بساعة لقيته يصيح ! شفيك يما؟
يقولي ابلة الاجتماعيات شدت شعري :omg: ليش يمك شسويت !!! ( بحكم اني مدرسة قلت اكيد تشيطن يهال ونعرف هالسوالف ) بس تشد شعرة !!! :anger1:
اوكي ما اختلفنا طالب وفي ف رابع الا ما يتشاغب لكن تشد شعره !! وقدام ربعه في الصف ؟
سالته طبعا وانا احترق ومتوقعه مب قطرية عبالي الناس مثلي .. الابلة قطرية ؟ ويقولي اي :weeping:
الله يهديها بس .. انا مدرسة وادري الكل متملل طلاب ومدرسات لكن معليه مو لهالدرجة ! اصلا ممنوع المدرسة تقرب من الطالب وتمسكة ولازم يكون له حيز ممنوع تقرب منه شلون تشد شعره ! حتى لو فرضنا شد خفيف مب هاي الهدف ..
شسالفة؟؟ من شهر في المنتزة مدرسة مع ياهل في السادس بهذلته يعل يدها الكسر .. والحين في الخور النموذجية مع طالب في الرابع !!! بكرة ياترى وين ؟ في الروضة ؟؟؟؟؟؟؟
الحل ؟؟؟ هل اسكت لها ! ولا اروح بكرة اتفاهم معاها مع العلم ولدي شاطر مب كسلان واخر شهادة كلهم امتياز ومادتين جيد جدا !!
اخاف اسكت تتمادى .. واخاف اتكلم تناحس ولدي !!!
شالحل !! *

[حسن]

بل حتى الفوضى وصلت الخور لاحول ولا قوه الله بالله انصحك تحلقينه قرعه وفكي عمرك

[Mili]

اذا شاغب وايد (وهاي الواضح) ومارضى يسمع كلامها (هاي المتوقع).

فيستاهل الضرب 100% وزين تسوي فيه (اذا الي قلته فوق صح)

لان معظم عيال هالايام مب متربيين

[موضي قطر]

اختي نصيحة كلميها بشكل ودي بينك وبينها وشوفي النتيجة وعلى أساسها تقدرين تتصرفين

[sara jsm]

اختي ترى ساعات اليهال يبالغون وااايد ,,
اتصلي في الابله واسئليها بقصد هل هو مسوي شي ولا شيطان في الصف ؟؟
عشان ماتناحس الولد ,, وتفاهمي معاها بطريقتج كونج معاها بنفس المجال ,,

[La Bella]

اذا شاغب وايد (وهاي الواضح) ومارضى يسمع كلامها (هاي المتوقع).

فيستاهل الضرب 100% وزين تسوي فيه (اذا الي قلته فوق صح)

لان معظم عيال هالايام مب متربيين

أسمح لي مداخلتك جداً سخيفة
وش يعني مش متربيين
يعني البنت ماعرفت تربي ولدها والمدرسة لها حق تشد شعر الولد
:anger1:

[بصمة قطرية]

ما لها حق تشد شعره اش ما كان السبب ..!!
في طرق ثانية بس تمد يدها ..
ليش ما يمنعون الضرب مثل أيام التربية والتعليم ..
اذا مدرسة مدت يدها على طالب واشتكى ولي الأمر
ممكن توصل لتحقيق من الوزارة وتنفصل المدرسة ..
كلمي المدرسة وأسأليها وتأكدي منها ..

[(بوطلال)]

بالله انصحك تحلقينه قرعه وفكي عمرك

ههههههههههههههههههههههههههههههههههههههههههه

بصراحه حل ماله حل :victory:

[basma222]

بصراحه الاولاد في المدارس شياطين
بنتي مدرسة صف رابع دخل الصف طالب من صف خامس وضربت بنتي كف على وجهه بدون سبب
طبعآ بنتي ما تعرف تضرب احد خذت الطالب وسلمته للادارة

[همسه]

Mili

انتي شنو مافي قلبج رحمه تقولج الولد طفل في صف رابع تقولين يستاهل وعيال هالوقت مب متربين يعني المره جايه محروق قلبها تشتكي تقولين احسن مب متربين اشكره يعني هي ماربت ولدها استحي على وجهج عيب عليج

طلعي منها وروحي خل يضربون عيالج ويكفحونهم لين يقولون بس دام انتي امهم عزتي لهم

لكن غيرج عياله غالين عليه واليد اللي تمند عليهم تستاهل الكسر

اختي صاحبة الموضوع شوفي لا تسكتين عن الموضوع روحي لها في البدايه اسأليها عن الموضوع وان طلعت مدت يدها امسكي اعصابج لين تعرفين السبب مب لأن لها عذر بس عشان تعرفين الموضوع كامل وبعدها قولي لها شوفي واسمعي كلامي زين وحطيه حلقه في اذنج هالمره بفوتها لج لكن والله لايجي يشتكي مره ثانيه انج لاتندمين ولاتقولين ماقلت لج

وبعدها روحي للمديره وعمليها بالموقف وبتهديدج للمدرسه وانج جاده في كلامج

ترى فيه ناس تخاف ماتستحي

لكن تحملي تطلعين قدام ولدج انسان ضعيفه وسلبيه وماتقدرين تاخذين حقه ترى تنكسر شخصيته و يطلع ضعيف لا تستهينين في الموضوع

[(بوطلال)]

تعليق على الموضوع بصراحه الي سوته المدرسه جريمه لايغفرها التاريخ

[همسه]

اقول يا استاذ خالف تعرف عين خير بس

انت اطلع منها ومالك شغل يابو تاريخ

انت لو عليك يصفون القطريين على سكه حديد ويمر عليهم قطار يدعسهم كلهم ولا ما يبرد قلبك

حقود

[ام ناصر1]

ما فيها شي ..ينطق اليوم ويصطلب باجر

[سهم عتيج]

mili


لكن غيرج عياله غالين عليه واليد اللي تمند عليهم تستاهل الكسر

لكن تحملي تطلعين قدام ولدج انسان ضعيفه وسلبيه وماتقدرين تاخذين حقه ترى تنكسر شخصيته و يطلع ضعيف لا تستهينين في الموضوع

اسمحي لي اختنا همسه.. اذا كان هذا اعتقادك,, فأعتقد أن عيالنا عليهم السلام..

شخصيا عملت من قبل كتربوي لكن في نشاط آخر,, وللأسف كثير من اليهال اللي ينطقون,, تشوفينهم مايهمهم شي وفوضويين لأن آبائهم دائما يقولون لهم,, اذا واحد غلط عليك فلا تخليه وسب هله وهل أهله بعد,, واذا تقدر تذبحه لا تتردد,, وقول له آنه ولد فلان وعلان.. واذا المدرس قالك شي آنه باخذ حقك منه..

يعني للأسف بعض الساعات الأهل هم سبب فوضوية الولد وشطانته الغير طبيعية..

والله من وراء القصد..

[كبريت]

انا مع استخدام الضرب
ولو جاني ولد يشتكي من المعلم او المعلمه والله لا اكفخه تكفخ
احنا كنا طلاب وكنا اذاشفنا المدرس طيب ولا يضرب نشاغب و نطلع له قرون وتروح الحصه بدون لا يعطينا الدرس
اما المدرس الاقشر فنقعد مثل الملائكه*

[كبريت]

لا زم نساعد المعلمين حتى يقوموا بدورهم
لازم نعرف مصلحه عيالنا وينها فيه ،يجب مانخلي عواطفنا تتحكم فينا
الحمدلله اني مو مدرس ولا كان انا من زمان منجلط من طلاب الزمن هذا

[هبوب الكوس]

العين بالعين والسن بالسن والبادى اظلم

يتوجهون الى ساحة المدرسة وامام الطلاب ويجر شعرها :secret:

ويادار مادخلك شر :(

[كبريت]

تعليق على الموضوع بصراحه الي سوته المدرسه جريمه لايغفرها التاريخ

وليش التاريخ!!!!!

[(بوطلال)]

اسمحي لي اختنا همسه.. اذا كان هذا اعتقادك,, فأعتقد أن عيالنا عليهم السلام..

شخصيا عملت من قبل كتربوي لكن في نشاط آخر,, وللأسف كثير من اليهال اللي ينطقون,, تشوفينهم مايهمهم شي وفوضويين لأن آبائهم دائما يقولون لهم,, اذا واحد غلط عليك فلا تخليه وسب هله وهل أهله بعد,, واذا تقدر تذبحه لا تتردد,, وقول له آنه ولد فلان وعلان.. واذا المدرس قالك شي آنه باخذ حقك منه..

يعني للأسف بعض الساعات الأهل هم سبب فوضوية الولد وشطانته الغير طبيعية..

والله من وراء القصد..

جزاك الله خير على الرد ومهما كان المدرس له احترامه ومكانته حتى لو غلط ماتوصل الى اهانته .

والله يرحم ابائنا الي كانوا يسلمونا للمدرسه واول كلمه يقولونها للمدرس لك اللحم ولنا العظم والحمدلله تخرجنا رجال ونحترمهم ونقدرهم عكس الجيل الحالي الي متربي على مقولة يادهينه لاتنكتين

[فيزيائية]

انا مؤمنة ان الجيل هذا جيل قوي لايخاف ويقتل القتيل ويمشي بجنازته
ولكن المعلم لابد ان يكون تربوي لآخر مدى فهو العاقل البالغ في هذي المواقف
جر الشعر ....ضرب الراس بالطوفة....كسر الاصابع هل هي حلول ؟؟؟
برايي المعلمين يبيلهم دورات في فهم نفسيات الطلاب والتعامل معهم
والطلاب بحاجة لضبط ونظام....
انا لو منج ....على طول الادارة واقدم شكوى
وبنفس الوقت لازم نعلم عيالنا عدم استفزاز المعلم .

[همسه]

لا اخوي سهم سلامتك فهمت الموضوع غلط

لك حق تقول وجهة نظرك اكيد وكل انسان له طريقته في التربيه

قلت ماتسمح ان حد يضرب ولدها لكن ماقلت تعلمه على قلة الادب والمرادد والسب

هي مدرسته واجبها تدرسه وتعلمه العيب و الصح والغلط بكل الطرق الا الضرب الضرب لا

اذا تعبت معاه تكلمني انا امه وتشرح لي المضوع كامل وانا اتصرف معاه انا امه اضربه اادبه كيفي

يعني لازم الولد ينضرب وينسحب شعره عشان يطلع مؤدب ؟؟

ليش خلصت السبل الثانيه ؟؟

عندكم عدم الضرب = قلة ادب ؟!!

عدم الضرب = مياعه ؟!!

ليش الابو بعد المدرسه مايقدر يقعد مع ولده ويعلمه يبه هذا صح وهذا غلط وترى هالشي عيب

ومايقدر الابو يقعد ولده معاه في المجلس ويخليه يشوف و يتعلم سلوم الرجاجيل

يعني الضرب هو اللي بيطلع انسان صالح سوي ؟!!

انا مستغربه من هالمنطق مب قادره استوعبه بصراحه

:)

[سهم عتيج]

جزاك الله خير على الرد ومهما كان المدرس له احترامه ومكانته حتى لو غلط ماتوصل الى اهانته .

والله يرحم ابائنا الي كانوا يسلمونا للمدرسه واول كلمه يقولونها للمدرس لك اللحم ولنا العظم والحمدلله تخرجنا رجال ونحترمهم ونقدرهم عكس الجيل الحالي الي متربي على مقولة يادهينه لاتنكتين

نفس الحالة اخوي بوطلال,, الوالد الله يرحمه مع انه كان أمي,, لكنه كان دائما مع الاستاذ ضدي الا في حالات نادرة يقدر يقدرها بنفسه..

وكنت أموت من الخوف اذا قالوا لازم تجيب ولي أمرك,, لأني كنت عارف النتيجة,, لذلك كنت أحاول الالتزام قدر الامكان..

نعتقد أن هناك حلقة مفقودة بين المدرسة والبيت خاصة فيما يتعلق بالعملية التربوية قبل التعليمية,, فلازم يصير هناك انسجام واتفاق ضمني بين البيت والمدرسة في عملية المتابعة...

[سما الوطن]

انا مع الضرب ( البسيط )
كما قالوا الاخوه بعض الطلاب حفظهم الله يتشاقون .. وقليل من الضرب يفيد وما يضر

[(بوطلال)]

للاسف اخوي سهم الحلقه المفقوده هي انشغال الاب والام عن عيالهم والله في اباء مايدرون عن عيالهم في اي صف وفي امهات ماتقعد مع يالها ساعه في اليوم لكن يوم يجيهم الولد مضروب يقولون ليش ولدي انضرب ,

بالمختصر بعض الاباء والامهات هم من يحتاج اعادة تأهيل ومن ثم يتم محاسبة المدرس.

مع الاعتذار لصاحبة الموضوع ولا اعنيها في كلامي

[سما الوطن]

جزاك الله خير على الرد ومهما كان المدرس له احترامه ومكانته حتى لو غلط ماتوصل الى اهانته .

والله يرحم ابائنا الي كانوا يسلمونا للمدرسه واول كلمه يقولونها للمدرس لك اللحم ولنا العظم والحمدلله تخرجنا رجال ونحترمهم ونقدرهم عكس الجيل الحالي الي متربي على مقولة يادهينه لاتنكتين

اوافقك اخي الكريم

[همسه]

اها على فكره

عشان ماتقولون اني اقرا روايات واجد ومتأثره وان كلامي بيطلع جيل فاشل

انا ربيت في بيئه كلهم تفكيرهم نفس الكلام اللي كتبته فوق

وابشرك البنات طلعو نسوان ما شاء الله عليهم دخلت الوحده منهم المدرسه وطلعت ماقد حد في المدارس اشتكى من اخلاقهم بالعكس الكل يثني على ادبهم و احترامهم وتزوجو وصارو امهات و كفو والحين يربون عيالهم بنفس الطريقه

ونفس الشي شبابنا وبسم الله عليهم هذا هم رجاجيل كفو ومحد قد اشتكى منهم وفتحو البيوت وتزوجو وصارو ابوان والكل يحبهم ويشكر عليهم

وعيالهم مؤدبين صحيح صغار واكيد فيهم شطانه لكن مش قللين ادب اذا مسكت الواحد منهم وقلت له يبه ليش تسوي هشكل ماعلموك ان هذا غلط والله يستحي ويحط عينه في الارض و يقول انا اسف

كل هذا بدون ضرب الحمد لله

[Dawn]

دام المدرسه قطريه انا متأكده ان جرة الشعر هذي لان قلبها عليه ... صدقيني قلب المدرسه القطريه غير مافيه لا حقد ولا من هالسوالف اللي عند غيرها

نصيحه اختي بالذات وانتي مدرسه التمسي لاختك مليون عذر ماتدرين يمكن الولد حساس شوي ويبالغ في سرد الاحداث ...

انا ما ابرر حركتها ... لا هي فعلا غلطت

بس راعي ان احتمال كان ولدج يتهاوش وهي كانت تفاجج بينه وبين زميله ( وهذي واااااايد تصير والله واسأليني عن هالامور انا مجربه وجاتني ضربه من ولد وهو يتهاوش والله ستر علي ماراح البرستيج :( ساعات الولد يكون اقوى من الابله فتحاول تكون قاسيه شوي علشان ما تنكسر هيبتها قدام لعيال في الصف والا الكل بيتجرأ عليها )

وبعدين يمكن شدة الشعر ما كانت بالقوه اللي انتي متصورتها .. او صورها لج الولد ... يمكن قال لج نص القصه والباقي تصرف فيه علشان ما يتمشكل معاج :)

الحل :
اتصلي بالاداره حددي موعد اجتماع مع المدرسه واعرفي السالفه بالضبط ولا تكونين ابدا ابدا حاده في الكلام قبل لا تفهمين منها الموضوع ...

وفي اخر الكلام انصحيها وقولي لها انج مدرسه وانج مراعيه الظروف وحتى امدحي اي شي زين سوته مع ولدج ،،، بس شجعيها انها تمسك نفسها وقت الغضب او علميها طرق وحيل على السريع للاداره الصفيه واذكري لها ان المشاكل هذي تصير حتى معاج انتي شخصيا :) على اساس ما تحرجينها ...

سوي هالشي .... ووالله العظيم انا احلف لج الحين انه المدرسه هذي بتكسب منج خبرات في التعامل والسيطره عالغضب ،، وبتعامل ولدج احسن معامله وانتي بتكسبينها كاخت لانج ما احرجتيها وفوق هذا ورا اللي بتسوينه بتحصلين أجر من الله على تعاملج الراقي مع المشكله ...

اقولج من خبرتي المتواضعه في التعامل مع هالامور
والله يخليلج ولدج ويحفظه يارب

[سهم عتيج]

لا اخوي سهم سلامتك فهمت الموضوع غلط

لك حق تقول وجهة نظرك اكيد وكل انسان له طريقته في التربيه

قلت ماتسمح ان حد يضرب ولدها لكن ماقلت تعلمه على قلة الادب والمرادد والسب

هي مدرسته واجبها تدرسه وتعلمه العيب و الصح والغلط بكل الطرق الا الضرب الضرب لا

اذا تعبت معاه تكلمني انا امه وتشرح لي المضوع كامل وانا اتصرف معاه انا امه اضربه اادبه كيفي

يعني لازم الولد ينضرب وينسحب شعره عشان يطلع مؤدب ؟؟

ليش خلصت السبل الثانيه ؟؟

عندكم عدم الضرب = قلة ادب ؟!!

عدم الضرب = مياعه ؟!!

ليش الابو بعد المدرسه مايقدر يقعد مع ولده ويعلمه يبه هذا صح وهذا غلط وترى هالشي عيب

ومايقدر الابو يقعد ولده معاه في المجلس ويخليه يشوف و يتعلم سلوم الرجاجيل

يعني الضرب هو اللي بيطلع انسان صالح سوي ؟!!

انا مستغربه من هالمنطق مب قادره استوعبه بصراحه

:)

شوفي الله يسلمك,, الولد يحتاج متابعة دائما ليس من البيت فقط.. ولكن من المدرسة,, ولازم مثل ماذكرت في رد سابق ان على المدرسة والبيت انهم يتفقون ..

يعني الولد أصلا ذكي جدا,, فاذا حس ان الأهل بيوقفون في صفه مهما عمل فراح يسوي اللي يبغيه,, لكن اذا حس ان العملية مش سهلة,, فراح يحاسب نفسه على تصرفاته..

كان في ولد من الاولاد اللي أشرف عليهم.. وكان مثل مايقولون عفريت بشكل غير طبيعي,, بس اذا شاف ابوه ينقلب ملاك..

المشكلة كانت تكمن في الأب بأنه كان دائما يتكلم ويمدح الولد أمام الجميع وبحضور الولد ان ابنه احسن واحد في الوجود,, واذا قالوا له ابنك فيه كذا وكذا,, كان يرد ويقول هذا ابني وماسوي هالشي لأني آنه مربيه بنفسي..

هنا الولد أحس بأن والده راح يكون في صفه مهما عمل وبالتالي فان الأب في هذه الحالة ألغى دور المدرسة في التربية وأعطى الولد الحق في انه يكون فوضوي.. والولد ضمن انه معاه الحق.. وبالتالي شيئا فشيئا لايصبح هناك اتفاق في التربية بين المدرسة والبيت وبعدها قد يضطر المدرس او المدرسة في التعامل مع هالولد باسلوب عنيف قد يصل الى حد الضرب..

[<اضرب واشرد>]

اخاف اسكت تتمادى .. واخاف اتكلم تناحس ولدي !!!
شالحل !! *

أقترح تكلمينها بالتلفون أو تروحين لها المكتب بينج وبينها بـــــكــــل هــــدوء

وماتبينين أن ولدج اشتكاها لج بالأول ، بيني أنج عرفتي بالصدفة .. قولي لها شفت الولد يصيح قلت له شفيك يما قال مدرسة الاجتماعيات شدت شعري ..

وحاولي تكلمينها بهدوء بدون ماتكبرين السالفة وتجيبين المدرية وتلمين المدرسة ( بينج وبينها )

[سهم عتيج]

دام المدرسه قطريه انا متأكده ان جرة الشعر هذي لان قلبها عليه ... صدقيني قلب المدرسه القطريه غير مافيه لا حقد ولا من هالسوالف اللي عند غيرها

نصيحه اختي بالذات وانتي مدرسه التمسي لاختك مليون عذر ماتدرين يمكن الولد حساس شوي ويبالغ في سرد الاحداث ...

انا ما ابرر حركتها ... لا هي فعلا غلطت

بس راعي ان احتمال كان ولدج يتهاوش وهي كانت تفاجج بينه وبين زميله ( وهذي واااااايد تصير والله واسأليني عن هالامور انا مجربه وجاتني ضربه من ولد وهو يتهاوش والله ستر علي ماراح البرستيج :( ساعات الولد يكون اقوى من الابله فتحاول تكون قاسيه شوي علشان ما تنكسر هيبتها قدام لعيال في الصف والا الكل بيتجرأ عليها )

وبعدين يمكن شدة الشعر ما كانت بالقوه اللي انتي متصورتها .. او صورها لج الولد ... يمكن قال لج نص القصه والباقي تصرف فيه علشان ما يتمشكل معاج :)

الحل :
اتصلي بالاداره حددي موعد اجتماع مع المدرسه واعرفي السالفه بالضبط ولا تكونين ابدا ابدا حاده في الكلام قبل لا تفهمين منها الموضوع ...

وفي اخر الكلام انصحيها وقولي لها انج مدرسه وانج مراعيه الظروف وحتى امدحي اي شي زين سوته مع ولدج ،،، بس شجعيها انها تمسك نفسها وقت الغضب او علميها طرق وحيل على السريع للاداره الصفيه واذكري لها ان المشاكل هذي تصير حتى معاج انتي شخصيا :) على اساس ما تحرجينها ...

سوي هالشي .... ووالله العظيم انا احلف لج الحين انه المدرسه هذي بتكسب منج خبرات في التعامل والسيطره عالغضب ،، وبتعامل ولدج احسن معامله وانتي بتكسبينها كاخت لانج ما احرجتيها وفوق هذا ورا اللي بتسوينه بتحصلين أجر من الله على تعاملج الراقي مع المشكله ...

اقولج من خبرتي المتواضعه في التعامل مع هالامور
والله يخليلج ولدج ويحفظه يارب


والله هذا الكلام الموزون,, يعطيك الف عافية اختي الكريمة..

[همسه]

ايوه الحين بدينا نتفاهم اخوي سهم

شوف انا ضد الضرب و بقوه

لكني مع متابعة الطالب

ومع ان ولي امر الطالب يكون دايم متواصل مع المدرسه ويكون بينهم تعاون لمصلحة الطالب وبأيدهم في كل شي كل شي لكن الضرب لا

وانا ضد ان اذا الطالب مشاغب ان ابوه يقول لا ولدي انا مربيه مايسوي هالشي مب هذا قصدي

انا اقول يربيه ويأدبه لكن الطرق و الحلول كثيره غير الضرب

انا ضد الضرب

سياسة الثواب و العقاب تجيب نتيجه افضل لكن مب بالضرب

احرمه من شي هو يحبه اذا غلط وشوف النتيجه

وعندي قناعه ان الانسان ممكن يتعلم ويكون مؤدب و محترم بدون ضرب

[Rashid554]

عسى ماتعور شعره بس

[سهم عتيج]

ايوه الحين بدينا نتفاهم اخوي سهم

شوف انا ضد الضرب و بقوه

لكني مع متابعة الطالب

ومع ان ولي امر الطالب يكون دايم متواصل مع المدرسه ويكون بينهم تعاون لمصلحة الطالب وبأيدهم في كل شي كل شي لكن الضرب لا

وانا ضد ان اذا الطالب مشاغب ان ابوه يقول لا ولدي انا مربيه مايسوي هالشي مب هذا قصدي

انا اقول يربيه ويأدبه لكن الطرق و الحلول كثيره غير الضرب

انا ضد الضرب

سياسة الثواب و العقاب تجيب نتيجه افضل لكن مب بالضرب

احرمه من شي هو يحبه اذا غلط وشوف النتيجه

وعندي قناعه ان الانسان ممكن يتعلم ويكون مؤدب و محترم بدون ضرب

لو كتبتي هالرد من الأول لكان هو زبدة الكلام اختي بارك الله فيك.. وهذا هو الكلام الصحيح واللي يجب أن نفعله جميعنا..

وأتمنى بس اختي انك تقارنين هذا الرد مع أول رد لك في الموضوع فراح تشوفين الفرق الواضح بين الاثنين.. الأول كان عاطفي ,, والثاني عقلاني ..

بارك الله فيك ..

[سلامي للكل]

وعليكم الســلام ورحمـة الله وبركاته

مهما كانت الاسباب (مهما كان الولد شيطان) مالها حق تسوي الي سوته

نصيحة واتمنى وكلي امل ورجاء ما تاخذنا العاطفة في هالامور

عندج مركز العاصمة, , , روحي اشتكي وبدون اي عاطفة

ماذبحتنا الا العاطفة

اختي الولد لها شخصيته وكيانه ولازم تاخذين حقه

انا ما احرض على الشــر وانما علشان الكل يعرف انه في خطوط حمـراء ولا يحد يقدر يتجاوزها

والدولة لها قوانينها الي تحمي الشخص ولو كان طفل

بسنا عاطفة ياناس

:anger1:

[همسه]

بقولك السبب

لأن تو من فتره بسيطه بنت صغيره في المدرسه جات تشتكي عند امها من المدرسه و تصيح

والمشكله البنت هذي انا اعرفها مالها صوت البنت خجوله وهاديه

لما راحت الام تسأل المدرسه قالت ليه هو انتي مش عارفه ؟؟

قالت لها مش عارفه شنو

قالت دنا كوووووووول يووووووووووم بهزأها

بذمتك قهر ولا مب قهر

تصرفت الام مع المدرسه و وقفتها عند حدها وقامت ركبها اتصافق في بعضها من الخوف وانا اسفه ومش قصدي ومش عارفه ايش لأنها درت انها غلطانه

ياخوي الغلط غلط والصح صح مب بالضرب نربي ونطلع جيل سوي

الله المستعان

[سهم عتيج]

بقولك السبب

لأن تو من فتره بسيطه بنت صغيره في المدرسه جات تشتكي عند امها من المدرسه و تصيح

والمشكله البنت هذي انا اعرفها مالها صوت البنت خجوله وهاديه

لما راحت الام تسأل المدرسه قالت ليه هو انتي مش عارفه ؟؟

قالت لها مش عارفه شنو

قالت دنا كوووووووول يووووووووووم بهزأها

بذمتك قهر ولا مب قهر

تصرفت الام مع المدرسه و وقفتها عند حدها وقامت ركبها اتصافق في بعضها من الخوف وانا اسفه ومش قصدي ومش عارفه ايش لأنها درت انها غلطانه

ياخوي الغلط غلط والصح صح مب بالضرب نربي ونطلع جيل سوي

الله المستعان

يعني المسألة في النهاية يجب أن يكون فيها تنسيق ومتابعة حتى نصحح الانحرافات سواء كانت من الولد(البنت) او المعلم(ة)..

نعم عندما يكون هناك معلم او معلمة ديكتاتوريين,, فمثل هذه الحالات تنفع معهم لتقويمهم.. ومثل ماذكرت الاخت داون الطريقة المثلى في طريقة التصرف,, فاذا شافت المدرسة تستجيب فهذا طيب,, واذا حدث معها مثل ماحدث في سالفة التميذةالصغيرة في المثل اللي ضربتيه,, فأيضا راح الامور تتضح لولي الأمر,, وأكيد راح يتصرف ولي الأمر بالطريقة المناسبة تجاه ذلك.. الأهم المتابعة ومتابعة الولد من البداية..

[همسه]

طبعاً المتابعه مهمه و مطلوبه من اولياء الامور اكيد هذي مايبي لها كلام

:)

[na7ees]

أنا اقول روحي شتكي في العاصمة
وطالبي الموضوع مايمر مرور الكرام
وحولوها النيابة
وطالبي بأقصى عقوبة
وطالبي انه يفنشون المعلمة
ولو تقدرين اشتكي في حقوق الانسان
او مجلس الأمن

كلشي الاشعر ولدج

[Mili]

mili

انتي شنو مافي قلبج رحمه تقولج الولد طفل في صف رابع تقولين يستاهل وعيال هالوقت مب متربين يعني المره جايه محروق قلبها تشتكي تقولين احسن مب متربين اشكره يعني هي ماربت ولدها استحي على وجهج عيب عليج

طلعي منها وروحي خل يضربون عيالج ويكفحونهم لين يقولون بس دام انتي امهم عزتي لهم

لكن غيرج عياله غالين عليه واليد اللي تمند عليهم تستاهل الكسر

اختي صاحبة الموضوع شوفي لا تسكتين عن الموضوع روحي لها في البدايه اسأليها عن الموضوع وان طلعت مدت يدها امسكي اعصابج لين تعرفين السبب مب لأن لها عذر بس عشان تعرفين الموضوع كامل وبعدها قولي لها شوفي واسمعي كلامي زين وحطيه حلقه في اذنج هالمره بفوتها لج لكن والله لايجي يشتكي مره ثانيه انج لاتندمين ولاتقولين ماقلت لج

وبعدها روحي للمديره وعمليها بالموقف وبتهديدج للمدرسه وانج جاده في كلامج

ترى فيه ناس تخاف ماتستحي

لكن تحملي تطلعين قدام ولدج انسان ضعيفه وسلبيه وماتقدرين تاخذين حقه ترى تنكسر شخصيته و يطلع ضعيف لا تستهينين في الموضوع
اول شي انا واحد وكلامج سخيف بصراحة
ومليون مرة يستاهل اذا انطبقت عليه الشروط الي ذكرتها في ردي الاول
عارف حركات اليهال في المدارس

[القطو السمين]

الله الله في المدرسة تراهم يتعبون وهم يدرسون عيالنا ياما نضربنا وتهزئنا مازادنا ذلك الاقوة ولله الحمد

[كبريت]

احس بعض الردود ،ماتعالج الموقف
شلون ترضى ان وحدة قطريه بنت ناس تنقط في السجن او تتجرجر في النيابه
سبحان الله صارت المدرسه مجرمه والطالب ملاك

[سكرمر]

اختي نصيحة كلميها بشكل ودي بينك وبينها وشوفي النتيجة وعلى أساسها تقدرين تتصرفين





اتفق معاج اختى موضي


وع الاقل عشان تعرف المدرسه انج عرفتى بالموضوع وانج تتابعين عيالج


وتعرف ان هالطالب وراه متابعه من اهله

ويمكن تكشف لج المدرسه اشياء عن ولدج انتى ماتعرفينها


تحياتي

[مسك روز]

بصراحه ..

طلاب هالمدرسه كلمة شياطين شويه عليهم

انا درست فيها فتره وطلعت ، صج على قولتج فوضويه

من مديره لين اداريات ..

والطلاب حدث ولا حرج ..

وسالفه الطالب اللي عطى المدرسه طراق هاذي صج وصارت على ايام ماكنت انا موجوده

الطلاب شياطيييييييييييييييين ، وبعضهم الفاظهم وصخه

والحمدالله اني مامديت يدي على حد من طلابي لانه مب اسلوب

كنت احرمهم من اللعب ..

والحرمان كان يجيب معاي نتيجه ..

اما اني اشد شعره او اهينه جدام باقي الطلاب، انا ما أيد هالشي نهائيا

وراح تتعقد المشكله بدال ماحلها ..

كلميها باسلوبج وقعدي معاها وعرفي منها ليش سوت جذي

وانصحج لاتكلمين المديره وتكبرين الموضوع عشان ماتحط الولد براسها ..

[ريم الشمال]

اختي ولد انشد شعره بسبب انه تشيطن .. عادي
احسن من يكبر ويروح ثانوي ولا يوجب المدرس ويرفع صوته
أختي اسئلي مدرسين ثانوي الطالب الي أهله يقونه على المدرسيين ماذا تكون النتيجه
عيال الوقت الحالي نعاني بسببهم انا ادرس ثانوي بمعنى طالبات كبار في سن الزواج ولكن
للاسف الطالبة وقحه وذات اسلوب غير تربوي وترادد المدرسة ومشاغبه وكل صفات التي يمكن أن تتخلينها ...
هذي كيف سوف تفتح بيت وتربي اطفال وهي للاسف غير .............
أختي شوفي ولدك ماذا فعل وتفاهمي مع المدرسة وذلك لمصلحة ابنك لا تتهاوني ولكن لا تقوي ابنك على مدرسته لان النتيجه سوف تكون مثل الذي قلته في الاعلى
الله يحفظ ابنك ويعينك على الامانه التي بين يدك
ريم الشمال

[حصل خير]

عسى ماتعور شعره بس

ههههههههههههههههه

صج موضوع ماله داعي ، انزين وليش الولد مربي شعره ؟؟؟

[كبريت]

اختي ولد انشد شعره بسبب انه تشيطن .. عادي
احسن من يكبر ويروح ثانوي ولا يوجب المدرس ويرفع صوته
أختي اسئلي مدرسين ثانوي الطالب الي أهله يقونه على المدرسيين ماذا تكون النتيجه
عيال الوقت الحالي نعاني بسببهم انا ادرس ثانوي بمعنى طالبات كبار في سن الزواج ولكن
للاسف الطالبة وقحه وذات اiسلوب غير تربوي وترادد المدرسة ومشاغبه وكل صفات التي يمكن أن تتخلينها ...
هذي كيف سوف تفتح بيت وتربي اطفال وهي للاسف غير .............
أختي شوفي ولدك ماذا فعل وتفاهمي مع المدرسة وذلك لمصلحة ابنك لا تتهاوني ولكن لا تقوي ابنك على مدرسته لان النتيجه سوف تكون مثل الذي قلته في الاعلى
الله يحفظ ابنك ويعينك على الامانه التي بين يدك
ريم الشمال

كلام سليم

[ولــ(الزعيم)ــد]

أنا اقول روحي شتكي في العاصمة
وطالبي الموضوع مايمر مرور الكرام
وحولوها النيابة
وطالبي بأقصى عقوبة
وطالبي انه يفنشون المعلمة
ولو تقدرين اشتكي في حقوق الانسان
او مجلس الأمن

كلشي الاشعر ولدج

:nice:

[برق لمع]

لا تعليق

[شميرام]

وي عدوى المدرس الشرس وصلت هنيه

[التيما]

اذا شاغب وايد (وهاي الواضح) ومارضى يسمع كلامها (هاي المتوقع).

فيستاهل الضرب 100% وزين تسوي فيه (اذا الي قلته فوق صح)

لان معظم عيال هالايام مب متربيين

كلمة للاخ او للاخت : كلن يرى الناس بعين طبعه .. انا مدرسة وما اسمح لنفسي امد يدي ولا اجرح طالبة ابدا .. وشو اللي مب متربيين !!! ولو فرضنا مب متربي مع ان هاي مب موضوعنا هل هي لمن تشد شعره بتربية مثلا !!!!
الملافظ سعد !!

[مشعل 111]

والله دلع هالايام

الله يرحم ايامنا انطقينا لين ماقلنا بس وهذا احنا كبرنا ونسينا ماصار شي عادي

[آخر العشاق]

اشكر كل اللي ردوا ، وأحب أقول شي أنا مدرسة بعد وأقدر زميلاتي بعد لكن ما أسمح لمدرسة تعامل ولدي أو أي ولد ثاني بهالطريقة ، لان العقاب ما يتناسب مع تصرف اليهال حتى لو مشاغب ، وأحب أقول شي ثاني أنا الحمد لله ماعندي الا هالولد ولله الحمد أحسنت تربيته وما أسمح لأي حد يشكك في أخلاق ولدي ، وأشكر كل من قدم نصايح كانت في مكانها الصحيح والله يسامح اللي قام يتطنز ويعيب بس كل واحد يعبر عن نفسه واحترامه للآخرين من أسلوبه ، بس في الأخير اللي خلاني اكتب هالموضوع التافه على حسب راي البعض هو ان هالشي صار مبالغ فيه والمدرسات صاروا اسود مب مدرسات وماعندهم اسلوب تربوي حتى في التعامل ، واللي قالي احنا انضربنا وتعلمنا وخليه يتعلم ولا تقوينه على مدرسته و و و انا مع المدرسة لو ولدي قل أدبه وانا بلومه بعد مب بس معلمته وانا عونها مب فرعون عليها لو ولدي طول السانه ، بس مو من حقها تهين الولد قدام الصف وتعيب على اسم عايلته عشان الصف يضحك عليه وانا ما رحت وكبرت الموضوع للحين أنا اتناقش مع اخواتي واخواني في المنتدى وبكره بروح لها ومو من أخلاقي اتلاسن واتهاوش أنا إنسانه راقيه واتعامل برقي مع الآخرين ، لكن لازم تعرف ان في خطوط حمرا لازم ما تتجاوزها أبدا لان في هناك أخصائية وفي ولية أمر تقدر تتصل فيها وتكلمها .

شاكره للكل مداخلاتكم جزاكم الله خير وماقصرتوا والله .

[vip-30003]

السلام عليكم

اولاً : المجلس الاعلى ماله دخل بتصرف خاطئ من مدرسه في احد المدارس

في صاحبة الرخصة وهي تتصرف معاها ممكن اتكتبها تعهد ويكفي الاعتذار

ثانياً : بسنااااا دلع وعقد نفسيه اي شئ نكبره ما احنا كنا نضرب وننهان من مدرسين اجانب وكان الضرب مسموووح والحمدالله خلصنا مدارس وجامعة لا تعقدنا ولا انحرفنا

ثالثاً : نصيحه كل شئ ينحل بالعقل والكلمة الطيبه يمكن الولد جنن المدرسه عقدها طلع قرون لها .. انفعلت واغلطت نضربها مثلاً

(( انتي مدرسه تخيلي نفسج مكانها حالياً ))

واسف وجهة نظر لا اكثر لاحد يفهمني غلط

[التيما]

اختي اخر العشاق انا اعرفج معرفة شخصية واعرف ولدج وماراح اشهد لج ولا لولدج .. وانا ضد اسلوب المدرسة في التعامل واهانة الطالب مين من كان ونوع الخطا .. كانت تقدر تعاقبه بطريقة بسيطة .. انا من رايي كمدرسة تروحين بكره وتطلبين مقابلتها بوجود النائبة والاخصائية وتتفاهمين معاها بشكل ودي وان هالتصرف مرفوض من قبلج وماتسمحين فيه ابدا .. كلنا مدرسات ولا تلومينها حسبي الله على هالمجلس مقعد الطلاب للحين والكل صار متملل زيادة عالحر واولاد بعد ! والكل خلص المنهج ويبي الفكة توقعي يصير مشاحنات زيادة .. وانا سمعت ان هالمدرسة كارثة لا تنظيم ولا اسلوب ولا سنع .. الله يعينج صراحة .. ونصيحة كلمي المجلس الاعلى بعد قبل ماتروحين عشان يكلمون النائبة وينبهونها انهم دروا عن الموضوع .. لان مدة اليد صارت سهله الله يعين الطلاب والمدرسات على بعض .. وهدي اعصابج

[الخبير العقاري]

رأيي

تأكدي من أسم المدرسة وأذهبي للمدرسة في وقت أخر بدون مايعرف الولد حتى مايحس انك تدخلتي في الأمـــــــــر ويقلل من احترام ابلته. ثم أسالي عن المدرسة في وقت مايكون عندها حصــــــــة وتناقشي مع في الموضوع بكل أدب واحترام بعيداً إدارة المدرسة وقولي أنتي اختي وزميلة المهنة ونحن نحترم بعضنا ونعرف القوانين في المدارس والولد قال لي هالشكل وهالشكل والحين أنا جاية اتناقش معاج في هذا الجانب وياريت اسمع رأيك وبكل صراحـــــــة فهنا ستعرفين الحقيقة وتحلين المسألة بكل هدوء ومنها تخلين المدرسة تعرف انك عرفتي المسألة وأن الأمر مخالف للقانون إلا أن الاحترام والأدب ساد الموضوع وحل بكل روحانية بينكم..

والله يوفقك وهذا رأيي

[بيرق قطر]

ما أقول إلى

لا حول ولا قوة إلى بالله العلى العظيم

إحنا أنربي أعيالنا على المراجل

وها لمدرسات فالحين يهينونهم

لان الحسد والحقد من بعض المدرسات لما تشوف ولد شاطر ومتربي

وأبوه مربية تربية مجالس

تبدأ الغيرة تلعب دور لان ولدها طايح حضه وأبوه طايح حضه

والله لا يرويكم

والله وحدة من المدرسات ماسكة ولدي على جنب وتقوله قولي

أبوك كيف يتعامل معا كم في البيت

مو ناقص إلى تقوله أبوك كيف ينام وكيف يصحا

بس الحمد الله الولد رجل وعرف يرد عليها

وفي مسير حياته التعليمية استقالة 4 مدرسات

فاشلين في التعليم وعلى يده

لان بصراحة مع احترامي للمجلس الأعلى للتعليم

أتمنى أن طلاب المرحلة الابتدائية المرحلة الرابعة والخامسة والسادسة

أن يتم تدريسهم على أيدي مدرسين من الرجال وليس من الحريم مع احترامي لهم

ملاحظة : من تنازل عن أهانه ابنة من مدرسة مستقلة وبذات في تحطيم المعنويات والكرامة

يستأهل ما يجنيه ؟؟

[مهل]

قرار اخررررق ان الطلاب الذكور تدرسهم معلمات

[Mili]

ما أقول إلى

لا حول ولا قوة إلى بالله العلى العظيم

إحنا أنربي أعيالنا على المراجل

وها لمدرسات فالحين يهينونهم

لان الحسد والحقد من بعض المدرسات لما تشوف ولد شاطر ومتربي

وأبوه مربية تربية مجالس

تبدأ الغيرة تلعب دور لان ولدها طايح حضه وأبوه طايح حضه

والله لا يرويكم

والله وحدة من المدرسات ماسكة ولدي على جنب وتقوله قولي

أبوك كيف يتعامل معا كم في البيت

مو ناقص إلى تقوله أبوك كيف ينام وكيف يصحا

بس الحمد الله الولد رجل وعرف يرد عليها

وفي مسير حياته التعليمية استقالة 4 مدرسات

فاشلين في التعليم وعلى يده

لان بصراحة مع احترامي للمجلس الأعلى للتعليم

أتمنى أن طلاب المرحلة الابتدائية المرحلة الرابعة والخامسة والسادسة

أن يتم تدريسهم على أيدي مدرسين من الرجال وليس من الحريم مع احترامي لهم

ملاحظة : من تنازل عن أهانه ابنة من مدرسة مستقلة وبذات في تحطيم المعنويات والكرامة

يستأهل ما يجنيه ؟؟

ههههههههههههه كلامك جايبه من قصص الخيال :nice:

[intesar]

قم للمعلم وفه التبجيلا ...... كاد المعلم أن يكون رسولا

لكن بزمننا صار المعلم يعلم وهو فاقد الكرامة والعزوة والشخصية .. والسبب حقوق الطالب .. صار عيب انه المدرس يربيه اذا غلط ..
وين المعلم المبجل والمقدر من أيام رسولنا الى زمن الصحابه وبعده التابعين ..
يعني شدت شعره روحي شوفي السبب .. ليش شدت شعره .. يمكن كانت غلطته لا تغتفر .. اعرفي السبب بعدها لج اتشكين ونضم صوتنا لصوتج ..
يعني بالله عليج لسه مقتنعه انه الولد محمد كان على حق ..
يعني كل متفوق لازم يكون هادي ومؤدب ..
ياما متفوقين لكنهم يشقون القاع من بلاستهم ..
المستوى الأكاديمي ما يخصه بالمستوى الأخلاقي ..
واذا كان الولد شيطان هذا مو معناته انج ما ربيتيهم ..
يمج روحي تأكدي زول شي عن السبب .. وعطي الأعذار قبل لا تشتكين .. واذا طلع الغلط من المدرسة كلنا بنضم صوتنا لصوتج ..
هدوا شوي قلنا انه المجلس الأتعلى للتعليم خرطي .. وما يسوون شي ..
وكل واحد انضرب ولده قال ولدي امتياز بكل المواد بعدها نشوف انه طلع مستواه جيد جدا ولا جيد ..

أنا هم بنتي ممتازة جايبه جيد جدا .. بس عيبها تحب الضحك وايد وما تعرف تخش سنونها .. يعني مفضوحة .. ولما المدرسة تصارخ عليها تستاهل .. ويوم اضربتها رحت وما سكت .. وطيبوا بخاطري والمدرسة اعترفت بغلطتها .. لكن بنتي بالبيت مسكتها وشديت على اذنها .. مو كل من هرج بالصف تضحك هي .. أعتقد مو دووم الغلط من المدارس هم حنا لازم نعرف اشلون نعلم عيالنا ويوم يغلطون نعترف بأغلاطهم مو ندافع عنهم ..
وكل الاحترام لصاحبة الموضوع .. اختي روحي المدرسة واعرفي السبب .. وقعدي مع المدرسة اللي اضربته .. وعيني خير ..

[حليتان*]

المشكلة مدرسة الخور من بعد المديرة الجديدة صاارت فااشله وما في حد تقدرين تشتكين له

اشدعوا ولي الامر ياخذ موعد عشان يقابل المديره اذا في شكوى او شي !!

قبل ع اياام المديره القبليه ما كنا نسمع عن هالاشياء

[بيرق قطر]

ههههههههههههه كلامك جايبه من قصص الخيال :nice:


يا ليت من واقع خيال كان الواحد مرتاح
بس هذا هو الواقع المرير إلى نعيشه

[حليتان*]

قرار اخررررق ان الطلاب الذكور تدرسهم معلمات

انا فالابتدائية كنت نموذجي لين خامس

الله الشاهد يا مهل من احسن مراحل الدراسه الي مرت علي :nice:

[حسن]

السلام عليكم

اولاً : المجلس الاعلى ماله دخل بتصرف خاطئ من مدرسه في احد المدارس

في صاحبة الرخصة وهي تتصرف معاها ممكن اتكتبها تعهد ويكفي الاعتذار

ثانياً : بسنااااا دلع وعقد نفسيه اي شئ نكبره ما احنا كنا نضرب وننهان من مدرسين اجانب وكان الضرب مسموووح والحمدالله خلصنا مدارس وجامعة لا تعقدنا ولا انحرفنا

ثالثاً : نصيحه كل شئ ينحل بالعقل والكلمة الطيبه يمكن الولد جنن المدرسه عقدها طلع قرون لها .. انفعلت واغلطت نضربها مثلاً

(( انتي مدرسه تخيلي نفسج مكانها حالياً ))

واسف وجهة نظر لا اكثر لاحد يفهمني غلط

اتمني تقتنعين بهذا الرد يا اخر العشاق

[الخبير العقاري]

رأيي

تأكدي من أسم المدرسة وأذهبي للمدرسة في وقت أخر بدون مايعرف الولد حتى مايحس انك تدخلتي في الأمـــــــــر ويقلل من احترام ابلته. ثم أسالي عن المدرسة في وقت مايكون عندها حصــــــــة وتناقشي مع في الموضوع بكل أدب واحترام بعيداً إدارة المدرسة وقولي أنتي اختي وزميلة المهنة ونحن نحترم بعضنا ونعرف القوانين في المدارس والولد قال لي هالشكل وهالشكل والحين أنا جاية اتناقش معاج في هذا الجانب وياريت اسمع رأيك وبكل صراحـــــــة فهنا ستعرفين الحقيقة وتحلين المسألة بكل هدوء ومنها تخلين المدرسة تعرف انك عرفتي المسألة وأن الأمر مخالف للقانون إلا أن الاحترام والأدب ساد الموضوع وحل بكل روحانية بينكم..

والله يوفقك وهذا رأيي[/color][/size][/b]

[دلة الرسلان]

الولد متفشل من ربعه اكثر من أنه متألم من عقوبة المدرسة فالحل تتكلمين مع المدرسة

وتفهمينها هالشيء وهي بدورها تتكلم مع الطلاب وتقول لهم أنا يوم اعاقب واحد منكم علشان

مصلحتكم لأنكم مثل عيالي وهكذا يتقبلون الطلاب التوجيه من مدرستهم لأنها عبارة أمهم

ويتجنبون ألمشاغبة لأن هناك أمكانية عقاب من المدرسة ، ولكن بشرط يطلعون منها الأهالي هل

الفزعة لولدهم .

اختي بس فيه شيء مافهمته تقولين أنها تسخر من أسم عائلته وتضحك عليه الصف ؟ أذا

صحيح ها الكلام فالتصرف يكون بشكل آخر .

[الدمعه]

انا مع الخبير العقاري ..والتيما .. ودلة رسلان ..

قريت موضوعج من اول ماطرحتيه .. بس ماشاركت حسيت انج فاهمه اللي

المفروض تسوينه ..

في اشكال في المنتدى متعتهم لوم الكاتب واهانته بكل الطرق ..

وشدة الشعر للولد ماهي بحلوه ..كلش مايحبونها .. وباي حق تتمسخر على اسم عائلته ..

المدرسه هي اللي ناقصتها تربيه .. في اسلوب ورقي في التعامل مع الطلاب ..

ننتظر منج تعلمينا شسويتي ..

[غابت الشمس~]

وعليه عليهم هالمدرسات احمدوا ربكم متحملين عيالكم ومتحملين مجلس القرف اللي ماكل حقوقهم


وعلى فكره اغلب الطلاب يزودون سوالف من عندهم كلها كذب

[آخر العشاق]

قم للمعلم وفه التبجيلا ...... كاد المعلم أن يكون رسولا

لكن بزمننا صار المعلم يعلم وهو فاقد الكرامة والعزوة والشخصية .. والسبب حقوق الطالب .. صار عيب انه المدرس يربيه اذا غلط ..
وين المعلم المبجل والمقدر من أيام رسولنا الى زمن الصحابه وبعده التابعين ..
يعني شدت شعره روحي شوفي السبب .. ليش شدت شعره .. يمكن كانت غلطته لا تغتفر .. اعرفي السبب بعدها لج اتشكين ونضم صوتنا لصوتج ..
يعني بالله عليج لسه مقتنعه انه الولد محمد كان على حق ..
يعني كل متفوق لازم يكون هادي ومؤدب ..
ياما متفوقين لكنهم يشقون القاع من بلاستهم ..
المستوى الأكاديمي ما يخصه بالمستوى الأخلاقي ..
واذا كان الولد شيطان هذا مو معناته انج ما ربيتيهم ..
يمج روحي تأكدي زول شي عن السبب .. وعطي الأعذار قبل لا تشتكين .. واذا طلع الغلط من المدرسة كلنا بنضم صوتنا لصوتج ..
هدوا شوي قلنا انه المجلس الأتعلى للتعليم خرطي .. وما يسوون شي ..
وكل واحد انضرب ولده قال ولدي امتياز بكل المواد بعدها نشوف انه طلع مستواه جيد جدا ولا جيد ..

أنا هم بنتي ممتازة جايبه جيد جدا .. بس عيبها تحب الضحك وايد وما تعرف تخش سنونها .. يعني مفضوحة .. ولما المدرسة تصارخ عليها تستاهل .. ويوم اضربتها رحت وما سكت .. وطيبوا بخاطري والمدرسة اعترفت بغلطتها .. لكن بنتي بالبيت مسكتها وشديت على اذنها .. مو كل من هرج بالصف تضحك هي .. أعتقد مو دووم الغلط من المدارس هم حنا لازم نعرف اشلون نعلم عيالنا ويوم يغلطون نعترف بأغلاطهم مو ندافع عنهم ..
وكل الاحترام لصاحبة الموضوع .. اختي روحي المدرسة واعرفي السبب .. وقعدي مع المدرسة اللي اضربته .. وعيني خير ..

شاكره لج اختي ردج بس اسمحي لي وشو الخطأ اللي ما يغتفر طالب بالصف الرابع بيسويه مثلا ؟؟
اختلف معاج في الاسلوب الأمثل لعلاج المشكلة واتفق معاج ان مو كل المدرسين يكونون غلطانين ..

[آخر العشاق]

انا رحت المدرسة اليوم وقعدت مع النائبة والاخصائية ، وماقصروا ووضحت لهم رايي ..
قالت لي الاخصائية ان المدرسة وايد طيبة مع اليهال ومطيحة الميانه معاهم ويمكن من باب الغشمرة شدت شعره .. مب خلافنا هني
أنا قلت لها انا مو ضد العقاب خلها تعاقبه ماعندي خلاف .. لكن مو بهالطريقة .. واشكر اختي دلة الرسلان على تعليقها وااايد عجبني وحكيم

الموضوع انحل ودي - وولدي اليوم غايب طبعا وانا طلبت منهم بس انها تفهم الولد انها كانت تتعامل معاه كولدها ، وما توقعت انه بينجرح ويتحسس من تصرفها ، وكان الله غفور رحيم .


شاكرة للكل المداخلات وماقصرتوا .

[بوحارب]

انا اشوف سلوب المدرسات في المستقلة تعبان وايد ويبيله تصحيح


دايما الشكاوي على المدرسات !!

[الخبير العقاري]

الأخت أخر العشاق


جميل ما فعلتيه والحمدلله ان الأمــــــــر أنتهى على خير

وهذا كان رأيي أصلاً


رأيي

تأكدي من أسم المدرسة وأذهبي للمدرسة في وقت أخر بدون مايعرف الولد حتى مايحس انك تدخلتي في الأمـــــــــر ويقلل من احترام ابلته. ثم أسالي عن المدرسة في وقت مايكون عندها حصــــــــة وتناقشي مع في الموضوع بكل أدب واحترام بعيداً إدارة المدرسة وقولي أنتي اختي وزميلة المهنة ونحن نحترم بعضنا ونعرف القوانين في المدارس والولد قال لي هالشكل وهالشكل والحين أنا جاية اتناقش معاج في هذا الجانب وياريت اسمع رأيك وبكل صراحـــــــة فهنا ستعرفين الحقيقة وتحلين المسألة بكل هدوء ومنها تخلين المدرسة تعرف انك عرفتي المسألة وأن الأمر مخالف للقانون إلا أن الاحترام والأدب ساد الموضوع وحل بكل روحانية بينكم..

والله يوفقك وهذا رأيي

[ام السعف]

بل حتى الفوضى وصلت الخور لاحول ولا قوه الله بالله انصحك تحلقينه قرعه وفكي عمرك

حلوة هذي حلقيه قرعة ،،


والله مرات كثيرة احس المدرسات مظاليم مع هالطلاب،،

الحمدلله ما صرت مدرسة رحمة والله ولا كنت كل يوم في مركز شرطة :shy::shy::shy:

[بوحارب]

حلوة هذي حلقيه قرعة ،،


والله مرات كثيرة احس المدرسات مظاليم مع هالطلاب،،

الحمدلله ما صرت مدرسة رحمة والله ولا كنت كل يوم في مركز شرطة :shy::shy::shy:

ههههههههههههههههههههه:nice:

[دلة الرسلان]

انا رحت المدرسة اليوم وقعدت مع النائبة والاخصائية ، وماقصروا ووضحت لهم رايي ..
قالت لي الاخصائية ان المدرسة وايد طيبة مع اليهال ومطيحة الميانه معاهم ويمكن من باب الغشمرة شدت شعره .. مب خلافنا هني
أنا قلت لها انا مو ضد العقاب خلها تعاقبه ماعندي خلاف .. لكن مو بهالطريقة .. واشكر اختي دلة الرسلان على تعليقها وااايد عجبني وحكيم

الموضوع انحل ودي - وولدي اليوم غايب طبعا وانا طلبت منهم بس انها تفهم الولد انها كانت تتعامل معاه كولدها ، وما توقعت انه بينجرح ويتحسس من تصرفها ، وكان الله غفور رحيم .


شاكرة للكل المداخلات وماقصرتوا .

بالتوفيق اختي الكريمة عندي ولد في ثالث هاديء ومع هذا صاروا مدرساته يشتكون أنه يقلد

ربعه وما ينتبه للشرح طبعا ها الكلام بالتلفون وكلهم مدرسات عربيات فاضلات والله أني اقول

لهم هذا مثل ولدك تشوفين الموقف يحتاج ضرب أضربيه او هاوشيه هذا وولدي حذاي يسمع

اللي اقوله ومش عاجبه بس أنا اعرف أن هذا في صالحة مستقبلا لازم الولد يكون صلب شوي

مش كل شوي ينكسر خاطره على نفسه :)

[معيوف]

ماسخفكم اذا قلبوتوا الموضوع طنازه وصاحب الموضوع محروق قلبه

[ام السعف]

ههههههههههههههههههههه:nice:

:anger1:
حزتها ما بيك تضحك ،،،ابيك تكفلني يا بو حارب :shy:

[شبح الصمت]

الله يعينكم

[ام السعف]

ماسخفكم اذا قلبوتوا الموضوع طنازه وصاحب الموضوع محروق قلبه

وين الاطنازة ،، ووين صاحب الموضوع محترقة قلبه ؟

ليش ما قريت ردها الأخير انها راحت المدرسة وتفهمت ردة فعل المدرسة
وصاروا سمن على عسل ؟

والا بس عندك كلمة واقفة على قلبك وحبيت تكتبها والسلام ؟

قال ايش قال ما اسخفكم ( مب مسامحتك عليها ) :(

[قطري !]

كلش ولا ام السعف



ترا بتظاهر لو حد قال لها شي

[الجاهر]

يا اخوان الضرب ممنوع واذا صارت حالات فهي حالات فرديه انا اعرف قوانين المجلس الاعلى للتعليم

لا يسمحون للضرب في المدرسة لا تحكمون من غير دراسة للوضع وبالنسبة لك اختي روحي للمدرسة وجتمعي مع المديره ومع المدرسة بشكل ودي وانا اعرف دام المدرسه في الخور فالخور معروفه بان كل سكانها هم من خيرة الناس .

اتمنى انها تكون مشكله بسيطه ومهما كان ولدك هو ولدهم

[بوحارب]

:anger1:
حزتها ما بيك تضحك ،،،ابيك تكفلني يا بو حارب :shy:

جين جين ههههههههههههههههههه

[الأصيلة]

بل حتى الفوضى وصلت الخور لاحول ولا قوه الله بالله انصحك تحلقينه قرعه وفكي عمرك

أكيد بتوصل بعد ماكانت في قمة الإستقرار والتقدم
مع المديرة والمربية القديرة/ سعادة خميس
الذي غيّبها المجلس الأعلى وراء الشمس...

[ام السعف]

كلش ولا ام السعف



ترا بتظاهر لو حد قال لها شي

المظاهرات ممنوعة ،، واللي يبي يطالب يها يطالب فيها من خارج المنتدى :shy:


جين جين ههههههههههههههههههه

شكرا لك :shy:


اما بخصوص الضرب : مع ضرب الطلاب ضرب تأديبي :shy:

[بوخالد911]

الله يرحم التعليم سابقا

[طماطه]

اذا شاغب وايد (وهاي الواضح) ومارضى يسمع كلامها (هاي المتوقع).

فيستاهل الضرب 100% وزين تسوي فيه (اذا الي قلته فوق صح)

لان معظم عيال هالايام مب متربيين

لاحول ولا قوه الا بالله ..

شهالـرد :anger1:

اكيد انتي مب ام .. لان قلبج حده قاسي ..

[ابوعلي]

عذرا اختي على اغلاق الموضوع ومدامج سمعتي لولدج فالمفترض تتاكدين من المدرسة وتكلمين المديرة قبل طرح الموضوع

ونتمنى من بعض الاعضاء احترام الرأي الأخر مهما كان الرد