قطر للبترول، السدرة ولا دولفين الظيفة الافضل؟؟؟ [الأرشيف]

مشاهدة النسخة كاملة : قطر للبترول، السدرة ولا دولفين الظيفة الافضل؟؟؟

BIRDS

31-05-2011, 04:51 PM

السلام عليكم
اذا قدرت قطرية مهندسة تلقى وظايف في هالشركات الثلاث
اي وحدة بتكون افضل من وجهة نظركم
بغيت رايكم من كافة النواحي

متداول عالمي

31-05-2011, 04:56 PM

اولا سدرة افضل وبعدها دولفين والاخير قطر للبترول

استغفرالله

31-05-2011, 04:57 PM

شوفي عرض الراتب اللي بتلقينه واسئليهم عن نظام العلاوات- بعدين استخيري واستشيري
الله يوفقج

STAR

31-05-2011, 05:02 PM

كلهم زينييين ...خل تشوف الرواتب وتختار ...

ابن التويم

31-05-2011, 05:24 PM

السلام عليكم
اذا قدرت قطرية مهندسة تلقى وظايف في هالشركات الثلاث
اي وحدة بتكون افضل من وجهة نظركم
بغيت رايكم من كافة النواحي

لا تغريج الرواتب .. اهم شيئ وظيفة للعمر مع الاستقرار

دولفين .. شركه اجنبية و لا عندهم برامج تطوير للقطريين .. و الامن الوظيفي .. مهدد

سدره مستقبل مجهول .. الموظفين معظمهم امريكان و كنديين و استراليين .. و القطري غريب فيها .. الامن الوظيفي لا يمكن التنبوء به ..

قطر للبترول افضل السيئين .. مؤسسه تتطور .. الرواتب جيده ولكن ليست الاعلى .. فيها برامج تطويريه و مركز تدريب و دورات مفيده و متوفره بشكل ممتاز للقطريين و تقطير الوظايف ماشي رغم الملاحظات الكثيره .. امن وظيفي جيد .. تحتاجين واسطات و علاقات كثيره حتى تصعدين السلم الوظيفي بشكل طبيعي ..
و اذا طحتي بمدير سيئ كل ما سبق لا ينطبق .. لان المدير عنده صلاحيات كبيره و اذا ما حب الموظف، يظلمه ويطفشه جهارا نهارا و الطاقم حقه يصفق .. و لا توجد اداره او قسم ينظر في تظلمات الموظف او ينصفه من المدير .. بالعربي كل شيئ يعتمد على المدير .. و اذا المدير زين و ابن حلال فقطر للبترول احسن مؤسسه لأن باقي الامور زينه ..

تضل قطر للبترول افضل السيئين ..

BIRDS

31-05-2011, 05:59 PM

تسلمون كلكم
لين الحين الموضوع محير وكلن له راي

CH Engineer

31-05-2011, 06:10 PM

على حسب العرض الي مقدمينه
1- الراتب
2- التطوير/ اسألي عن خطة التطوير بتدخلين على اي درجة وبتوصلين لكم!

شيط ويط

31-05-2011, 07:09 PM

السدره شغله جديده .. وحلو تكون من اوائل الموظفات فيها .. مجرد رأي شخصي ولا لي علاقة في السدره او غيرها ..

محمد

31-05-2011, 08:09 PM

اذا تبين امان وظيفي وتطوير قطر للبترول الثنتين الباقين يخوفون صراحة

بعيد النظر

31-05-2011, 08:10 PM

دوولفن ..
بس قبل كل شي ..
اسالي عن البرنامج التطويري .. كـ متدربة ..
وجوفي التارجت بوزشن مالج وشو ؟!

وموفقة

صعبة وصوفه

31-05-2011, 08:54 PM

استخيري و الله يسر لج اللي فيه الخير يارب

roma27

31-05-2011, 10:23 PM

بدون تفكير اخذي وظيفه في السدره .

البدع

31-05-2011, 10:34 PM

دولفين كانت شركة قوية اول الايام

والك كان يريد بشتغل فيها

بس الحين طايح حظها

قطر للبترول جيدة بس عيبها ان اغلب رؤساؤها قطريين قدماء (وعليك تفهمين بروحك)

والله يوفقك

BIRDS

31-05-2011, 11:17 PM

مشكورين كلكم وماقصرتوا

Al Capone

31-05-2011, 11:37 PM

اسمحيلي اختي دام السالفه فيها دولفين لا تسألين واستخيري وموفقه بأذن الله

ابن مانع

01-06-2011, 12:27 AM

الي اعرفه دولفين مميزات حلوه
وشوفي العروض واستخيري

عنيــــد

01-06-2011, 02:33 AM

يمدحون دولفين ،، و لكن رايي قطر للبترول هي الافضل

خصوصاً من ناحية صقل المواهب و برامج التطوير و الخبرة الممتازة

الزجاجي

01-06-2011, 03:17 AM

انا اشوف يعتمد على التخصص
اذا طبي او في مجالاته عليج ب سدره