المستشفـــــى العسكــــــري فــي قطـــر !!

[هام السحاب]

سؤال صغير لحكومتنا الموقرة

لماذا لايتم انشاء مستشفى عسكري يكون على مستوى راقي توجد به جميع التخصصات اسوه بأغلبيه الدول ع الاقل يخف الضغط على مستشفى حمد واكثر ناس راح تستفيد منه هم اهل قطر لان اغلب البيوت القطرية يكون فيها شخص عسكري وحسب القانون يحق لأقرباء العسكري من الدرجة الاولى العلاج فيه

[الشمالي111]

حياك الله يا هام السحاب

نبي انهم يجيبون دكاتره لي ثلاث مستشفيات بنوها ولحد الحين واحد منها ما اشتغل اللي هو مستشفى دخان والله يحزني اشوفه كل يوم جاهز من كل شي بس مواضفين للحين حتى دكاتره ما فيه

[المريش]

والله مشكلة مب محصلين دكاترة

وآخر شي يمكن يحتدون ويجبون المتردية والنطيحة وما اكل السبع

والضحية أسف قصدي فأر التجارب ..... من ؟

الله المستعان

جامعة طب عريقة في قطر ، ما تستقبل القطريين الا بعد طلوع الروح

خاطري اعرف ايش الاتفاقيات بيننا وبين تلك الجامعات

[المجدم]

في الطريق إنشاء الله

[ثاني]

سؤال صغير لحكومتنا الموقرة

لماذا لايتم انشاء مستشفى عسكري يكون على مستوى راقي توجد به جميع التخصصات اسوه بأغلبيه الدول ع الاقل يخف الضغط على مستشفى حمد واكثر ناس راح تستفيد منه هم اهل قطر لان اغلب البيوت القطرية يكون فيها شخص عسكري وحسب القانون يحق لأقرباء العسكري من الدرجة الاولى العلاج فيه

انا اخوي عسكري هل اقدر اتعالج عن طريقة ؟
وماهي الاجرائات الي اسويها لكي اتعالج في مستشفى الجيش؟

[khaleeji]

فيه الوحده الطبية عند دوار مدماك يتعالج العسكري واقربائه

[اي شي]

يعطيك العافيه على الطرح

[سهم الخيانة]

فيه الوحده الطبية عند دوار مدماك يتعالج العسكري واقربائه


كلامك صحيح أخوي بس المبنى أيل للسقوط من القدم طبعاً

[مهل]

سؤال صغير لحكومتنا الموقرة

لماذا لايتم انشاء مستشفى عسكري يكون على مستوى راقي توجد به جميع التخصصات اسوه بأغلبيه الدول ع الاقل يخف الضغط على مستشفى حمد واكثر ناس راح تستفيد منه هم اهل قطر لان اغلب البيوت القطرية يكون فيها شخص عسكري وحسب القانون يحق لأقرباء العسكري من الدرجة الاولى العلاج فيه

اقتراح ممتاز و واقعي و منطقي


على الاقل يكون للطبيب خيارات اكثر بدال مايكون مجبور يشتغل في مستشفى حمد

ترى فيه دكاتره و جراحين بعد ،، تخرجو و لاسباب متعلقه بالعمل و ظلم و مضايقات تركو الطب و اشتغلو بوظايف عاديه مكتبيه

[القحطاني505]

مستشفى الجيش موجود

[الخبير العقاري]

يقول أحد الأصدقاء ان مستشفى الجيش آيل للسقوط وليس فيه كل التخصصات وأن اقسام الإشاعة محدودة والطاقم محدود وأن لايتناسب مع دولة كقطر وكونه يخص أكبر عدد من العاملين بالدولة القوات المسلحة..

أتمنى أن صح الخبر أن يتم الاستعجال بإنشاء مبنى جديد وتوسيع الخدمات وزيادة الطاقم الطبي كي لايحتاج العسكري الذهاب إلى مستشفى حمد أو غيره..


والله من وراء القصد

[.:: القيصر ::.]

السلام عليكم ورحمة الله تعالى وبركاته

وانت طالع من دوار التلفزيون بإتجاه اشارة محطة الهديفي (( اللي فيها وكالة النيسان ))

راح تلقى المبنى الجديد على يمينك اللي وراه سوبرماركت الطائف

اللي اعرفه هذا مستشفى الجيش الجديد


بالتوفيق



القيصر

[الكاسر007]

صحيح سمعت كذا

[هام السحاب]

أخوي القيصر المبنى الي تتكلم عنه هذا مبنى الدفاع المدني الجديد

[i.qatar]

المستشفى العسكري الجديد قيد الانشاء
وفي المراحل الاخيره من اتمامه

وراح يكون على مستوى عالي ان شاءالله
من حيث التجهيزات والمعدات والمستوى

[هام السحاب]

بعدين مع احترامي للأخوان الي قالوا عيادة الشرطة وعيادة الجيش هل تعتقدون بامكانيات العيادتين مجتمعتين تحقيق المطلوب والمرجو لزائرينهم !!
احنا محتاجين مستشفى متكامل من جميع التخصصات والعيادات الخارجية والطوارئ والاقامه القصيرة وغرف للعمليات مع امكانية توفير مكتب للعلاج في الخارج ( اسوه بـ ابوظبي ) فالعسكري هناك مب محتاج يراجع اي مستشفى حكومي لتقديم تقاريره وسفره للعلاج بالخارج ويكون دعم هالمكتب من الصندوق العسكري الي امر فيه صاحب السمو ويكون المستشفى تحت اشراف استشاريين الوحده الطبيه التابعة للقوات المسلحة بالاضافه الى الاستشاريين الموجودين في عيادة الشرطة

[.:: القيصر ::.]

أخوي القيصر المبنى الي تتكلم عنه هذا مبنى الدفاع المدني الجديد

اخوي الدفاع المدني يسارك بيكون مقابل سوق بن طوار


انا اتكلم عن المكان اللي بيكون قدام التلفزيون المبنى وراه فريق كليب والمطابخ الشعبيه ومرمرة اسطنبول

شفت مرمرة اسطنبول والمحلات اللي شلوها في مبنى زجاجي الحين بعد البنك التجاري هذا هو :)

هذاك ادري انه الدفاع المدني اللي على طول عند الاشارات :)

[السندان]

نعم المبنى الزجاجي الازرق بعد مكتبة الجامعه .. راح يكون الوحده الطبيه بدل القديمه

ولاكن مب هذا الطموح

محتاجين مستشفى عسكري يستقطب المرضى من خارج الدوله ويكون افضل من الدول المجاوره لكي نستفيد من وجود كفاءات عاليه ومميزه فيه لها سمعتها خارجيا

[الوعب]

نعم المبنى الزجاجي الازرق بعد مكتبة الجامعه .. راح يكون الوحده الطبيه بدل القديمه

ولاكن مب هذا الطموح

محتاجين مستشفى عسكري يستقطب المرضى من خارج الدوله ويكون افضل من الدول المجاوره لكي نستفيد من وجود كفاءات عاليه ومميزه فيه لها سمعتها خارجيا

ان شاءالله عن قريب

ولكن مستشفى كليه احمد بن محمد العسكريه في مراحله النهائيه بالنسبه للمرحله الاولى

وهناك مرحله ثانيه قيد الانشاء

ومن المتوقع استقبال المرضى شهر 10 وممكن استقبال العسكريين وذويهم ايضا لين اتمام المستشفى العسكري اللي ذكروه الاخوان

ومستشفى الكليه بيكون على مستوى ان شاءالله

[بوخالد911]

يا ريت