موضوع يحتاج خبرة بعض الاعضاء فالتشطيبات

[مضارب دوسري]

موضوع يحتاج خبرة بعض الاعضاء فالتشطيبات


السلام عليكم
انا افكر لما اخلص بيتي عظم او حتى لو قبل لا يخلص العظم مع البلاستر وكهربا وبايب فيتر وعازل وما الى ذلك

ابي اعرف جميع التشطيبات
وياليت من المشاركات يكون كل شخص مثلي على وشك البنيان
يكون عنده فكره عن التشطيبات واسعارها تبدا من والى
حتى نستفيد من خبراتكم
وشاكر لكم مشاركاتكم مقدما

[مضارب دوسري]

انا بكتب اللي اعرفه وافيدوني اذا كان هناك زياده عن اللي اعرفه

ابواب
نوافذ
بلاط حمامات وادوات صحيه الله يكرمكم سيراميك للبيت او بورسلان
رخام للدرج
درابزين للدرج
ديكورات واصباغ او ورق جدران حسب الرغبه
مكيفات سبيلت
مطبخ
بلاط للحوش
واثاث

[La Bella]

ما وضحت بالضبط وش المطلوب ؟؟
أسامي الشركات والمحلات ولا شنو

[مضارب دوسري]

لا اخوي بوضح لك باسلوب المثال
واحد خلص بيته عظم مثلا ب 700000 ريال
باقي له 500000 ويبي يسوي كنترول للفلوس عشان تكفي

شنهي خطوات التشطيب كامله

[khaldoon]

يا سيدي العزيز...عندك مثلا اسقف معلقه مع جبس يكون فيها اضاءات مخفيه

عندك فريمات خشب حول الشبابيك من الداخل...تعطي فخامة للشباك

عندك curtain box فوق الشبابيك علشان تغطي جسور الستائر

عندك بوردر على حوائط المجلس علشان تقدر تدهنه لونين وما تكون محصور بلون واحد للحوائط


ما تنسى المطبخ و الحمامات يبيلهم تشطيبات و افكار كثيره حلوه
ما اعرف ليش بالخليج ما يسوون اباجورات للشبابيك مع ان جو البلد حار جدا بالصيف و هي حلوه لما تبي تغطي الشباك و يعطي عزل زايد عن عزل الزجاج

تقدر تخلي الاباجورات على الكهرباء تفتح و تسكر و منظرها من الخارج حلو

عندك اضاءات على الحوائط

عندك اضاءات سنسر تصير تضوي بمجرد مشيك...تعطي فخامة و توفر في الكهرباء لو ما كان احد موجود بالمكان ....حتى لو ان الكهرباء مجانا

عندك اعمال جي ار سي خارجية كديكورات على الحوائط و الشبابيك و المكيفات

اللي اغلى منها و اجمل و انظف طبعا cast aluminum screens و تنفع كدرابزين هي و الجي ار سي

لو الحوش كبير تقدر تركب اعمدة انارة و تتفنن في الحوش من ممرات و بلاط و زرع و مسبح

[مضارب دوسري]

ماقصرت يا خلدون
نقلتنا من الاساسيات وخذيتنا الى الجماليات

مع قرض التنميه الواحد يقول ان شاء الله يكفي ومادفع من جيبي ههههه

بس عجبتني فكرة الاناره فالحوش
لان بالنسبه للمخطط مايقارب 900 متر في بيتي بتكون مساحه فاضيه

[فويرط]

بالترتيب
جبس
صبغ الطوفة من الداخل (برايمر ومعجون )
تركيب سيراميك حوائط الحمامات والمطابخ
تمديد بيبات الكهرباء وبيبات المكيفات للسبلت
دفان داخلي
أرضيات ( سيراميك)
الدرج
الدرايش
الابواب
تركيب الادوات الصحية

اذا وصلت الكهرباء
تركيب الليتات والمكيف وصبغ الجبس بالصبغ النهائي وصبغ الطوفة الداخلي بالصبغ النهائي
التأثيث

هذه الاشياء من الداخل
من الخارج
صبغ او حجر
دفان الحوش
تركيب بيبات للطبيله
تبليط الحوش
تركيب الباب الخارجي
تركيب الطبيلة

طبعاً هذه الاشياء اغلبها مريت عليها
وان شاء الله باقي الاعضاء يفيدونك أكثر ويعدلون على هذه المعلومات ان كان فيها نقص
واسمحلنا على القصور ... والله يوفقك ويعينك على البنيان

[بن رومي]

بالترتيب
جبس
صبغ الطوفة من الداخل (برايمر ومعجون )
تركيب سيراميك حوائط الحمامات والمطابخ
تمديد بيبات الكهرباء وبيبات المكيفات للسبلت
دفان داخلي
أرضيات ( سيراميك)
الدرج
الدرايش
الابواب
تركيب الادوات الصحية

اذا وصلت الكهرباء
تركيب الليتات والمكيف وصبغ الجبس بالصبغ النهائي وصبغ الطوفة الداخلي بالصبغ النهائي
التأثيث

هذه الاشياء من الداخل
من الخارج
صبغ او حجر
دفان الحوش
تركيب بيبات للطبيله
تبليط الحوش
تركيب الباب الخارجي
تركيب الطبيلة

طبعاً هذه الاشياء اغلبها مريت عليها
وان شاء الله باقي الاعضاء يفيدونك أكثر ويعدلون على هذه المعلومات ان كان فيها نقص
واسمحلنا على القصور ... والله يوفقك ويعينك على البنيان

الله يعينك على التشطيب النهائي

صبرت ونلت

مضارب دوسري

شد حزامك والله في عونك

بن رومي

[مهل]

موفق خير يالدوسري .. منزل عامر مبارك باذن الله

متابع للاستفاده

[مضارب دوسري]

يالربع بن رومي ومهل لا تسبقون الاحداث انا للحين ماخلصت خرايط
بش ابي اجمع الافكار عن كل ما يخص البناء
عشان لما ابدا اكون مرتب اموري
والله يجزاكم خير


الاخ فويرط بيض الله وجهك عالمعلومات

[مهل]

يالربع بن رومي ومهل لا تسبقون الاحداث انا للحين ماخلصت خرايط
بش ابي اجمع الافكار عن كل ما يخص البناء
عشان لما ابدا اكون مرتب اموري
والله يجزاكم خير


الاخ فويرط بيض الله وجهك عالمعلومات

هههههههه ماعليك ياشيخ ،، انا ترى نفسك بالظبط حتى الخريطه للحين ماحددت وش ابي محتار
.. انشد الربع و اخذ خبره قد ما اقدر .. عدل شغلك

انصحك في هذه المرحله تركز اكثر في موضوع العزل و التسليكات و الاساسات .. لانه البناء كل يوم يتطور عن الثاني

[مضارب دوسري]

مهل ياخوك روح العزيزيه الشارع التجاري الجديد
شفت محل لاريسا للحلويات
فالدور اللي فوق لاريسا

بيكون الاندلس للاستشارات الهندسيه
روح له وقوله انا من طرف دوسري الخور
وبيسوي لك اي تخطيط تبيه بحدود ال7000 ريال

انت تروح عنده واقعد وقوله ابي بيت مساحة البنيان كذا كذا
وابي غرفة الماستر تكون مساحتها كذا
والغرف الثانيه مساحتها كذا

وهو بيرتب اللي تبيه ان شاء الله

[فواز1976]

بسم انك توك بمرحله التصميم
باختصار ..... اذا كانك تدور الاقتصاد فعليك انك تقتصد بالمساحات وماتكبر البنيان وتكثر الغرف الي مالها ضروره ..... طبعاً هذا مهو معناه انه البيت الصغير او المعقول الحجم راح يكون اقل جمال من الكبير ......
خذها مني صغير معتني فيه وتشطيبه راقي وكل شي في محله راح يكون افضل مليون مره من بيت كبير وتشطيب وديكور سياحي ..... طبعاً هذا غير تكلفه التشغيل والصيانه والتنظيف

تحياتي
معماري

[مضارب دوسري]

هلا اخوي فواز

اخوي حتى لو في احد يبي يبني بيت صغير
من شروط بنك التنميه ان اذا كانت مساحة البنيان اقل من 500 متر يعني انك لا تستحق المليون وميتين الف
هذا يعني ان ممكن تاخذ مليون او مليون وخرده ويمكن اقل

[ANONYMOUS]

انا رأيي انك تركز ع الخريطه أول

اكل العنب حبه حبه

ولاحق ع هالاشياء


وانا من رأيي ان البنيان مايعيبه الا مخباك هههههههههه

على قد ماتعطيه.. بيعطيك..

--

عندك المواضيع المثبته فوق.. مفيده جدا..