انــزين .. وزآآدوا الرواتب ... هـــل ؟هل؟هل ؟ هل ؟هل ؟هل ؟هل ؟هل ؟هل ؟هل !!!!

[بازار]

بسم الله الرحمن الرحيم والصلاة والسلام على رسول الله ...



عندي موضوع وودي نتنــاقش عليه بالعقل ... مش بالردود السطحية الي ماتقدم ولا تاخر

اذا زادو الرواتب ...

هل راح ترجع الفئة الحالية ( المديونة بالذات ) لآخذ الديون ؟

هل بنشوف سيارات في الشارع ماكنا انشوفها قبل من ناس مدخولهم راتبهم !؟

هل راح يستمر منوال ((( انا توهقت مع البنك ))) !!

هل سيقبل الشباب على العفاف وطلب الزواج او راح تكثر السفرات !؟

هل ستعمي الزيادة القيمة الفعلية المادية للفلوس !؟ يعني ياخذ اللي في خاطره لو مبالغ في السعر

هل ستلغي الزيادة كلمة (( آآخر كم رفيق )) من افواه الناس !! تفاخراً .. انا عندي فلوس

هل ستزيد الاموال المقدمه من الابناء الى امهاتهم او آبائهم ؟

هل بنشوف مشاريع تجارية من دماء جديدة ؟ والا .. لا يبه زيادة وخير خلني في البيت مرتاح !

والكثيررر من الاسئلة في بالي ... لكن

اعتقد انه الفكره وصلت

( هل راح يستفيد كل واحد منا من الزيادة بما يناسبه او لا )


وشكرا ....

[مشعل 111]

اول شي اشكرك على الموضوع

ثاني شي الزياده هذي اتووقع بتكون حق موظفين دوله ثانيه ماتوقع لنا

ثالث شي حسستني بموضوع ان لووووو صارت زياده بتكون 100000

ياخوي لووووو صارت زياده وانا استبعدها حدك 1000 ريال ووايد عليك يالقطري

[منهم وفيهم]

اول خل يزيدونه وعقب لكل حادث حديث

[saryalia4u]

لا











تحلمووووون
لان الاحلام للقطريين لن تتحقق

[Dawn]

بل .. اللي فوقي متشائمين وايد

انا اتوقع ان فيه ناس بيستفيدون من الزيادات وبيستغلونها افضل استغلال ..

وفيه نسبه اكبر شوي :) ماراح يتعلمون الدرس

والله يعين الجميع ويوفقهم ويغنيهم ان شا الله

[Dawn]

الا صج ليش هالموضوع الحين ؟؟

هل فيه اشاعات جديده عن الزياده والا هي الاشاعات نفسها اللي من كم شهر ؟؟
:con2:

[الخفي]

اهم شي غارديولا وافق على ال 36 مليون يورو سنويا ولا للحين يفكر

[ابن التويم]

اعتقد موضوعك و كل اسألتك موجهه لفئه معينه فئه وحده من الشعب القطري كله وهم فئة الشباب ..

رجأ تجنب التعميم لأن مب كل الشعب على اختلاف عمارهم و مسؤلياتهم و اجناسهم مبذرين و يتصرفون باستهتار مثل ما يتصرف الشباب ..

وبعدين فيه مبالغه يعني اذا زادوك 1000 في الاساسي بتقدر تسافر او تتدين مثل ما تقول .. و لا راح تغير شي اصلا

[المجروح81]

والله اظنها اشاعه جديده كالمعتاد هالزياده صارت للشعب القطري مثل بيض الصعو نسمع فيها ولا نشوفها

[موضي قطر]

صاحب الموضوع ليش القطري مطالب انه اذا صارت زياده انه يصور معاها ؟!!

مب من الأولى اللي يطالب بالهشي اللي فلوسنا تجيهم بكل يسر وسهوله وبدون تعقيد ولا تفكير ولا خوف على الميزانية من الهزات ويكرهونا ومايواطنونا بعيشة الله ومع هذا مانتوب
نخصص لهم المليارات وماشفت احد طالبهم بشي
من المطالب من المواطن المسكين في حال ان كان فيه زياده او غيره ؟!!

[البرونزي]

عن نفسي بتحلم شوي اسمحولي
الزياده بخليها وديعة ان شاء الله
بما اني تأقلمت مع هالوضع
يعني بالعربي بصير
زززززززززطي
ولين جمعت مبلغ حلو بعدين اقدر
اشوفلي مصدر دخل ثاني
قوم
قوم
قوم
اعوذ بالله من الشيطان الرجيم

[(بوطلال)]

لما كانت الرواتب 9000ريال كان الوضع افضل من الحين المشكله لو زادت الرواتب 40% بيتزيد السلع 50% وبنرجع لنقطة الصفر.

[جمال النعيمي]

ابشرو خير قريب ان شاء الله

[بازار]

يا جماعة الخير انا طلبت نقاش ... مش استعباط لو تكرمتوا ..

نفس ما نطالب بفك الدين ولازيادة خلونا نفكر ..

ايش الاسباب اللي ادت الى ان قطر تدخل موسوعة قينس في اعلى نسبة دين على مستوى السكان !!

ليش نخلي افعال غيرنا علاقه لعيوبنا ،،

ليش ما نطور من انفسنا بدال ما احنا قاصين على نفسنا بالمقناص والبحر !!

ما اقول لا تقنص لكن رتب جدولك ياخي حياتك كلها على المقناص والا البحر والا الاستعراض !

لو انجيب آي واحد اي واحد من راحة حياتهم في المقناص وتسالع سوال واحد

ايش الاستفادة الحقيقية اللي توصلت لها خلال مسيرة حياتك اللي ماكانت الا في المقناص والا البحر !

ارجع واكرر كلامي..... ما اقول لا تقنص بس اغلب ربعنا اهملو الدراسة والعلم وراحوا للسهل !!

ارجوا الكلام الجاد والنقاش الموضوعي و الابتعاد عن العبط يالربع ....

شكرا

[بوخليفة3]

اول شي اشكرك على الموضوع

ثاني شي الزياده هذي اتووقع بتكون حق موظفين دوله ثانيه ماتوقع لنا

ثالث شي حسستني بموضوع ان لووووو صارت زياده بتكون 100000

ياخوي لووووو صارت زياده وانا استبعدها حدك 1000 ريال ووايد عليك يالقطري

هههههههههههه يعطيك العافيه. :nice::nice::nice:

[سهوم المنايا]

ابشرو خير قريب ان شاء الله

ودي اصدقك بس ما اقدر خصوصا شهر اربعة لما كتبت نفس هالجمله

[هبوب الكوس]

الدنيا حياة وموت

اذا بقى واحد منهم فقط

سوف تتوقف المشاكل والديون وهلما جرى ......

والحياة لا تخلوا من المصائب

هكذا الدنيا تدور

وسلامي قبل نومي

[مستجدة]

ابشرو خير قريب ان شاء الله


:)

الله يسمع منك
الله يرزق اهل قطر الطبين والله يصخر لهم الحكومه ويطول بعمر ابو مشعل ويرزقه البطانه الصالحه يارب .

[ZURICH]

الدنيا حياة وموت

اذا بقى واحد منهم فقط

سوف تتوقف المشاكل والديون وهلما جرى ......

الحياة لا تخلوا من المصائب

هكذا الدنيا تدور

وسلامي قبل نومي



سترك يارب

[intesar]

اذا فيه زيادة وان شاء الله فيه
بعد راح تشوف أهل قطر تتذمر وتصيح
بعد راح تشوفهم الشعب مع اسقاط الديون
وبع راح تشوفهم كل يوم ببلد ومتسلفين
وبعد راح تسمع منهم البلد هذي ما تفكر بأهلها
وهم راح تسمع قطر لغير القطريين
وبعد راح تسمع ليش وليش وليش

هذي اللي نسمعها بشكل عام .. وهرمنا .. الناس عندنا بقطر تهتم بالكماليات .. وما تشبع ..
الحمد لله على كل حال .. وربي يرزق الجميع ..
دمتم بود ..

[بيرق قطر]

يا جماعة الخير انا طلبت نقاش ... مش استعباط لو تكرمتوا .. والله المساكين ما يستعبطون خلها على ربك ؟
نفس ما نطالب بفك الدين ولازيادة خلونا نفكر .. إحنا وياك جالسين نفكر ؟
ايش الاسباب اللي ادت الى ان قطر تدخل موسوعة قينس في اعلى نسبة دين على مستوى السكان !! علمي علمك ؟

ليش نخلي افعال غيرنا علاقه لعيوبنا ،، طبعاً هذي وجه نظرك ؟

ليش ما نطور من انفسنا فية اكثر من تكسير الحجر بدال ما احنا قاصين على نفسنا بالمقناص والبحر !! المقناص والبحر عبارة عن هواية يمارسها الشخص خلال العطل الرسمية ومالها علاقة بالموضوع وهي عبارة عن عدة أيام يطلع فيها الرجل مع أصحابة حتى ينسي هموم العمل والدنيا . أحسن ما يتسكع في الشوارع والمجمعات وشرب الممنوعات حتى ينسي همة ؟
ما اقول لا تقنص لكن رتب جدولك ياخي حياتك كلها على المقناص والا البحر والا الاستعراض !
المشكلة أن كل شخص ينظر للبيئة المحيطة به وهاذي مشكلة في حياتنا ؟

لو انجيب آي واحد اي واحد من راحة حياتهم في المقناص وتسالع سوال واحد

ايش الاستفادة الحقيقية اللي توصلت لها خلال مسيرة حياتك اللي ماكانت الا في المقناص والا البحر ! سبحان الله علماً أن أصحاب تلك الهوايات أرجل ما تعرفت عليهم في الصحبة ؟ وأغلبيتهم من أصحاب الدرجات العليا من الجامعات ومسئولين بالدولة وأصحاب القرار .ارجع واكرر كلامي..... ما اقول لا تقنص بس اغلب ربعنا اهملو الدراسة والعلم وراحوا للسهل !! محد يتبع طريق السهل إلى السهل ؟

ارجوا الكلام الجاد والنقاش الموضوعي و الابتعاد عن العبط يالربع ....المشكلة أن الجميع جادين ولأكن للأسف الكثير يفهم معنوياتهم وكلامهم بالعبط ولأكن لو قرائنا ما بين السطور سوف تفهم أن الكل جاد ويعاني .؟
شكرا

مع احترامي لشخصك ولموضوعك المميز
تحياتي

[daaark]

تمنيت ان اسئلتك وجهتها لاهالي الدول التي ساعدتها قطر بالمليارات والملايين وتركت اهل قطر يسعفون انفسهم بهذه الزياده ولا اجد عيبا في ممارستهم لهواياتهم المتعدده ويكفيك في ذلك انهم حماة الدار
وتقبل تحياتي

[بن موسى]

ابشرو خير قريب ان شاء الله

نفسي بس ابوخليفة123 ينفذ وعدة فيك ياجمال

[.:: القيصر ::.]

هونت

مسحت المشاركة :)

[بازار]

في احد غزوات النبي صلى الله عليه وسلم ضد اليهود ..

اجتمع علماآآآء اليهود لإيجاد حل ..

وقام كبيرهم وخيرهم بين ثلاثة امور ..

وفي كل حل من حلول هذا العالم اليهودي كان يجتمع اليهود على الرفض ..

فقال فيهم مقولة ً منها


( لا رأي لــــكــــم )



ارجوا اغلاق الموضوع لعدم الاستفادة وشكرا

[moonبنتnight]

سبحان الله في طبع بني آدم 00

الله يرزق عبدة ويحسب شلون وشحقه وليش نصرفها 00

أصابع الانسان غير متساوية ما جمع لكل واقول اذا زادوهم بطيرونها في ديون 00 ولا لي الله زيادهم بنقص منهم شيء 00 غلا أكل ناس كبيرهم وصغيرهم 00 لي عنده ولي ما عنده 00 لحين الدولة لما تعطي شي مائة حجة وحجة بس تصبرون ليش ما تصرف 00 على الاقل تدعم تموين تكافح غلا وارتفاع الاسعار واذا مشكلة ما نحلت معناها زيادة ضرورية 00

[simsim1963]

بصراحه لا أويد ان يتم زياده الرواتب لأن مشاكلها أكثر من فوائدها . أولا لن يتغير الوضع لأن التجار والهوامير سوف يزيدون الاسعار ولن نستفيد من الزياده لأن طبيعه التاجر طماع . ثانيا : سوف ترتفع الاسعار على المقيمين ولن يتمكنوا من العيش في ظل هذا الغلاء. ثالثا : القطريين لن يستغلوا هذه الزياده بطريقه سليمه ولكن سوف تصرف على المظاهر الخداعه والسفر والكشخه . لذلك لاتحلموا بالزياده لأن المسؤوليين يعرفون مستوى تفكير بعض الناس .

[بوحارب]

في احد غزوات النبي صلى الله عليه وسلم ضد اليهود ..

اجتمع علماآآآء اليهود لإيجاد حل ..

وقام كبيرهم وخيرهم بين ثلاثة امور ..

وفي كل حل من حلول هذا العالم اليهودي كان يجتمع اليهود على الرفض ..

فقال فيهم مقولة ً منها


( لا رأي لــــكــــم )



ارجوا اغلاق الموضوع لعدم الاستفادة وشكرا

ههههههههههههههههه اشدعوة اخوي لازم تتقبل الردود بصدر رحب :nice:

[جمال النعيمي]

ودي اصدقك بس ما اقدر خصوصا شهر اربعة لما كتبت نفس هالجمله

يا خوك الكلام كبير من كبار ولكن الله يفك عوق الي ماسكها و لا الزيادة معروفه كم وحق من بظبط لكن تسهيل طرحها هذا المهم

على كل حال امس تم توقيع عليها هذا الي وصلني وهذا اخر علم عن الموضوع


:)

الله يسمع منك
الله يرزق اهل قطر الطبين والله يصخر لهم الحكومه ويطول بعمر ابو مشعل ويرزقه البطانه الصالحه يارب .

آمين




نفسي بس ابوخليفة123 ينفذ وعدة فيك ياجمال

اي وعـــــد ! ذكرني لوسمحت ؟

[20 دي]

انا بعد سمعت ان احتمال اليوم بيطلع الخبر...ياااااااااااااااااااااارب يكون صج اللي سمعته..

[.:: القيصر ::.]

الحمدلله رب العالمين

:victory:

[هارودز]

خل يزيدون الرواتب وبعدين في قرارات صارمة للقروض المفروض يتبعها
مصرف قطر المركزي

[عذب الكلام 1]

اليوم 1/6/2011 وامس اجتماع رئيس الوزراء مع التجار ما هوالجديد عسا ان يكون خير اخوي جمال احاول اصدقك بس السالفه مطوله مع الصيف الله كريم ان جات الحمد لله وان ماجات خير وبركه

[بازار]

يا جماعة الخير ..

الحكومة الزمت البنوك بنسبة معينه من الارباح ,, وفترة معينه لفترة السداد ..

ورتبت قرض بنك التنمية .. وفترة السداد والارباح ..

ورتبت اسعار السلع ..

ونشطت دور حماية المستهلك ..

وزادة كميات الاسمنت في السوق ... والحديد

ورصـــت على التجار وآخر مره امس مع سعادة رئيس مجلس الوزراء ( بيّض الله وجهه ) ..

يعني هذا كله يسبق التوقع ( المحتوم ) اللي يقولون عنه بخصوص الزيادة ..

لكن سؤالي في جانب آخر ..

سؤالي موجه الى عقلية المجتمععععععععععععععع !!

هل بتروح تصرف !! او راح تستثمر عشان تصرف عقب !!

وشكرا

[البيرق]

ابشروا ياهل قطر
جايكم خير
والزيادة عدله ونطلب من الله تجيب خير وتمنع شر
والخبر هاليومين
والله يستر من حساد موظفين الحكومة ليحولون الزيادة صوبهم بتوقيفها لمشاريع استثمارية

[V!P]

يا خوك الكلام كبير من كبار ولكن الله يفك عوق الي ماسكها و لا الزيادة معروفه كم وحق من بظبط لكن تسهيل طرحها هذا المهم

على كل حال امس تم توقيع عليها هذا الي وصلني وهذا اخر علم عن الموضوع
؟

على شنو التوقيع على الـ 300 :weeping:

[همسه]

اخوي الاخوان مايستعطبون صدقني بالعكس بس مالهم الا انهم يعبرون عن اللي في خواطرهم بالطريقه هذي لأن بيذبحنا القهر اكثر ماهو ذابحنا

ياشين هالدنيا اللي صار القطري محاسب على الزياده حتى وهي مجرد حلم للحين ماتحقق و اذا تحقق كم بتكون الزياده 1000 - 2000 ؟

الله المستعان

و الحمد لله على كل حال

[سهم احمر]

بسم الله الرحمن الرحيم
اللهم يا موضع كل شكوى يا شاهد كل نجوى ويا عالم كل بلية ويا منجي موسى ومحمد وإبراهيم الخليل صلوات الله عليهم أدعوك يا الهي دعاء من اشتدت فاقته وضعفت قوته وقلت حيلته دعاء الغريق الملهوف المكروب المشغوف الذي لا يجد لكشف مانزل به إلا أنت ولا إلا أنت فارحمنا يا أرحم الراحمين واكشف ما أنزل بنا عدونا وعدوك الشيطان الرجيم ومن هؤلاء القوم الظالمين الباغين أو من فلان الظالم (ان كان واحد من الخلق) يارب العالمين انك على كل شيء قدير واغوثاه واغوثاه واغوثاه ياالله ياالله يالله اللهم يابارئ لا شريك لك يادائم لا نفاد لك يا حي يامحي يامحي الموتى ياقائما على كل نفس بما كسبت الهي انك أنت العزيز الجبار

[بن موسى]

يا خوك الكلام كبير من كبار ولكن الله يفك عوق الي ماسكها و لا الزيادة معروفه كم وحق من بظبط لكن تسهيل طرحها هذا المهم

على كل حال امس تم توقيع عليها هذا الي وصلني وهذا اخر علم عن الموضوع



آمين



اي وعـــــد ! ذكرني لوسمحت ؟

في البشرى اللي بشرت بها في اخرشهر 3 وقال لك ابوخليفة اذا ماطلع شي راح ينزل موضوع عنك
وكأنة تأخر شوي تهقى يبي يعطي الحر فرصة ولامايبي يقطع الامل -

اخبرة ابوخليفة123 رحوم وقلبة طيب

[مرتبش]

تطورنا

اشاعة زيادة الرواتب مستمرة لليوم ..هقيتها خلصت على ابريل

[هبوب الكوس]

تطورنا

اشاعة زيادة الرواتب مستمرة لليوم ..هقيتها خلصت على ابريل


تصدق اطلعت امس لا بعد يقولون اكيد

حق العساكر زيادة 125% :nice:

عاد اشاعة و لا صحيح مالي خص

[هبوب الكوس]

ياشين هالدنيا اللي صار القطري محاسب على الزياده حتى وهي مجرد حلم


:spider:

[جمال النعيمي]

في البشرى اللي بشرت بها في اخرشهر 3 وقال لك ابوخليفة اذا ماطلع شي راح ينزل موضوع عنك
وكأنة تأخر شوي تهقى يبي يعطي الحر فرصة ولامايبي يقطع الامل -

اخبرة ابوخليفة123 رحوم وقلبة طيب

ابشر بلخير 120% الاساسي و 100% الاجتماعية للعساكر لحد الان الي اعرفه

[همسه]

انزين وغير العساكر احنا الحلوين فديتنا شنو لنا



:)




هبوب الكوس هذا حلو :spider: افكر اوديه معانا كوكب زحل

:)

[مستجدة]

ابشر بلخير 120% الاساسي و 100% الاجتماعية للعساكر لحد الان الي اعرفه



يارب الزيادة تشمل المتقاعدين وأهل الشؤون وماينسونهم :weeping:

وياااااااااااااااااااارب يطلع هالخبـــــــــــر اليوم بالاخبار

[20 دي]

ابشر بلخير 120% الاساسي و 100% الاجتماعية للعساكر لحد الان الي اعرفه


صراحه شي غريب الموضوع مب حسد لكن العساكر رواتبهم اصلا قويه ..والحين بتروح فوق واحنا المدنيين شلنا يعني الجامعي منا براتب ثانويه اذا عسكري..صراحه لازم يكون في توازن..يعني مافي هالبلد الا هالولد؟؟؟:omen2:

[أخت الكل]

افاااااااااااا يعني المدنيين مالهم زيادة

ارجع لموضوعك اخوي الكريم واقولك اتمنى ان يكون عندنا وعي وحسن تخطيط وتنمية لمواردنا المالية لكن صدقني الحال راح يبقى زي ما هو راح يستمر البعض في اخذ القروض وصرفها في امور استهلاكية ومظاهر كذابه إلا من رحم ربي واخذ درس

[الـخـالـدي]

بسنا من هالاشاعات .. كل سنه يطلعون هالاشاعه ويزيدون الاسعار

واخرتها نكبونا .. طلعو الاشاعه .. وزادو كل شي .. ولحد ينسا زيادة البترول اللي طلعت من عيونا

ولا جاتنا من وراها لا زياده ولا شي

الواحد يحمد الله على النعمه .. والصحه والعافيه

وعند الله خير ان شاء الله .. عطى وان شاء منع

عسى الله يرحمنا ويغفر لنا

[الأصيلة]

يارب الزيادة تشمل المتقاعدين وأهل الشؤون وماينسونهم :weeping:

وياااااااااااااااااااارب يطلع هالخبـــــــــــر اليوم بالاخبار

أصحاب البند المركزي اللي ماكملوا 24 شهر اشملتهم الزيادة واوصلت لهم
وبدون خصم مثل الفوج اللي قبلهم بسنة...
وهذا طبعا ظلم لمن سبقهم ...أيش ذنبهم مايشوفون الزيادة مثل غيرهم...؟

[am5ald]

اهم شي التجار مايسمعون اخبار الزياده هههههههه

[kitmat]

اهم شي غارديولا وافق على ال 36 مليون يورو سنويا ولا للحين يفكر

حسبي الله ونعم الوكيل

[kitmat]

ابشر بلخير 120% الاساسي و 100% الاجتماعية للعساكر لحد الان الي اعرفه

شئ مضحك ماتمللتو من قطر الخير الخير للغييييييييييييييييييييييييييييييييييييييييير وبس وبسكم تحلمون

[kitmat]

ابشروا ياهل قطر
جايكم خير
والزيادة عدله ونطلب من الله تجيب خير وتمنع شر
والخبر هاليومين
والله يستر من حساد موظفين الحكومة ليحولون الزيادة صوبهم بتوقيفها لمشاريع استثمارية

ليكون الدول الثانيه اهيه اللي بتعطينا لانا اهنيه مااعتقد خخخخخخخخخخخخخخخخخخخخخخ

[متداول عالمي]

بسكم خرابيط

[nono80]

مشكور اخوي علي الموضوع انا ذكرت مجموعه من الناس اللي تدور ترف الحياة في المقابل اضعافها صارت متعففه واللي يسمع وطني الحبيب يعرف القطري اشلون متعفف والحين انا ادور اسر لو نمد لهم يد العون لو بالقليل وفي حديث عن الرسول عليه الصلاة والسلام خير دينار تنفقه علي اهل بيتك يعني الاسر المتعففه محتاجه اكثر من غيرها واتمني الزيادة لانه الاسعار ارتفعت ومهما الواحد حاول يقتصد والله مايكفي زيادة في الرواتب في المقابل حد الاسعار

[ahsees]

الله كريم والحمد الله

[المريش]

الله هو الكريم وهو الرزاق

فاسأل الله وحده ان يرزقنا ويزيدنا من فضله ويغنينا عن سؤال غيره

ولا يشمت فينا احد

[ابن التويم]

يا جماعه الفلوس وصخ شتبون بها .. تنتظرون الراتب اخر الشهر ليش ..

خلونا نرجع على ايام المقايضه احسن ..
يعني الواحد يبي يتزوج يقدم 5 روس شوهات .. يبي بيت .. ناقتين .. و جذيه ما حد يقدر يلعب علينا في الاسعار .. و لاهم الرواتب ..

[مستر قطر]

أنا اشرف انها فئه قليله الي ماتقدر النعمه الي في يده وهم من سن 17 لين 23 تقريبن وهذا طبيعي في مثل هذا العمر وهم الشماعه الي دائما يتغذرون فيهم لو ولو ولو ولو

[مستجدة]

الله هو الكريم وهو الرزاق

فاسأل الله وحده ان يرزقنا ويزيدنا من فضله ويغنينا عن سؤال غيره

ولا يشمت فينا احد


اللهم أمييييييين

[qatar600]

في علاقة طردية..
بين أي زيادة = زيادة التجار الجشعين..

[رحال]

لكل حادث حديث

[صدى الخافق]

والله على حسب

في ناس إذا كان راتبهم 10 آلاف وصار راتبهم 20 ألف

مب فارقه معاهم بيصرفون كل اللي عندهم ويقعدون على الحديده قبل آخر الشهر

وفي ناس الزياده بالنسبه لهم يعرفون يستغلونها صح

مصير أي مبلغ يطيح في يدنا شيء تحدده عقولنا

ياما في ناس رواتبهم بسيطه وأفتحوا بيوت

وياما في ناس رواتبهم عاليه وفوق هذا عليهم ديون

فالمشكله مب دائماً في الراتب

وإنما في اللي يملك هالراتب

فقبل ماتتعدل الرواتب

من باب أولى أن تتعدل عقولنا قبلها

"إن الله لا يغير ما بقوم حتى يغيروا ما بأنفسهم "

[سحايب]

ابشر بلخير 120% الاساسي و 100% الاجتماعية للعساكر لحد الان الي اعرفه






ماشفنا شي لين الحين

ونبي نعرف من وين المصدر ومتى بتنزل الزياده

[simsim1963]

ياجماعه الخير أن الكثير من المواطنين لا يتمنون الزياده وذلك لنتائجها العكسيه على الاسعار والكشخه والسفر والفشخره . وسوف يتضرر الكثير من من ليس لديهم وظائف والمقيمين المعدمين واصحاب الشؤون وذلك نتيجه ارتفاع الاسعار .

[الخلاقي]

مب قاصر شي عالشعب وخصوصا المثقفين والفاهمين منهم ولكن الناس اللي يشتكون دايما هم الشباب الفاشلين اللي كله يطيرون رزقهم على تواير واريل وموتر ..هههههه

[kitmat]

صراحه شي غريب الموضوع مب حسد لكن العساكر رواتبهم اصلا قويه ..والحين بتروح فوق واحنا المدنيين شلنا يعني الجامعي منا براتب ثانويه اذا عسكري..صراحه لازم يكون في توازن..يعني مافي هالبلد الا هالولد؟؟؟:omen2:

من قالك رواتبهم زينة في ناس مكروفة طول الاسبوع لاجمعة ولاسبت نسو اعيالهم وزوجاتهم
اذا انت تقدر تداوم طول الاسبوع حياك فنش من شغلك وتعال جرب الكرف شلون يكون

[kitmat]

الله كريم

[فتى الجود]

كـــلا

[Qatari 1980]

يصبحكم بالخير


يا جماعه ما فيه أي تأكيد على خبر الزياده ؟؟

[عذب الكلام 1]

يصبحكم بالخير


يا جماعه ما فيه أي تأكيد على خبر الزياده ؟؟

الخبر عند الحكومه الله يسلمك :d

[Rider]

يالرجال الرواتب الحين لو كانت من 15 سنة كان الواحد يعتبر مليونير كل شي رخيص لكن الحين الراتب ماعاد يكفي حق شي شنو الفائدة اذا زادو الرواتب ورتفعت الاسعار حنا الي ذبحنا الحين الارتفاع الجنوني في الاسعار اذا علي انا ابغيهم ينزول الاسعار وفوائد البنوك ابرك لانا مب مستفيدين من زيادة الرواتب غير جشع التجار

[@السفير@]

والله على حسب

في ناس إذا كان راتبهم 10 آلاف وصار راتبهم 20 ألف

مب فارقه معاهم بيصرفون كل اللي عندهم ويقعدون على الحديده قبل آخر الشهر

وفي ناس الزياده بالنسبه لهم يعرفون يستغلونها صح

مصير أي مبلغ يطيح في يدنا شيء تحدده عقولنا

ياما في ناس رواتبهم بسيطه وأفتحوا بيوت

وياما في ناس رواتبهم عاليه وفوق هذا عليهم ديون

فالمشكله مب دائماً في الراتب

وإنما في اللي يملك هالراتب

فقبل ماتتعدل الرواتب

من باب أولى أن تتعدل عقولنا قبلها

"إن الله لا يغير ما بقوم حتى يغيروا ما بأنفسهم "
ماشاءالله عليك بنعطيك رواتب اهل قطر كلهم عشان تدير امورهم انت والي يأيدونك لان في نظركم لقطري راعي زبو وفخفخه ولايفقه شي في دنياه وراتبه المفروض بل غصبن عليه يكفيه في ظل الارتفاع الغير مبرر في شتى انواع السلع ماقول الا (النار ماتحرق الارجل واطيها) وفوق هذا كله قمتو تحقرون بطريقة ما ماورثناه من ابآنا واجدادنا الي هو المقناص والبحر وشهي الاستفاده وشحصلو وكلام ماله اول ولاآخر ولاهو في محله واحنا انتشرف به وبنعزز هذا الارث وبنورثه لعيالنا مع اهتمامنا بمستقبلنا ومستقبلهم كما هو حاصل الآن

[سهم قطر]

ابشركم الزيادة تشمل العسكريين والمدنيين والمتقاعدين
وتم التوقيع عليها
وممكن تكون نهاية شهر 7

[الفارس]

اللة يبشرك بالخير كم زيادات بظبط المدنين والعساكرا ذاعندك معلومات اكيدة كممممممممممممم:ok:

[سهم قطر]

التفاصيل اخوي كاملة ماعندي
بس الزيادة تم اقرارها
والصبر زين

[بوحمد111]

اكثر الناس المسفيدين من الزياده هذه اذا جات التجار ولا غير التجار وكل شي بيطير فوووووق

واللي ما يطول العنب يقول عنه حامض (وش دخل الزياده في العنب)

[ahsees]

السلام

وحنا دايم نقول الله كريم ..

[سحايب الروح]

وين مصدر الزياده للعساكر
البارحه يقووولون السالفه كلها اشاعات
وناس في المنتدى ياكدوووون الخبر ان في زياده
والعساكر يقولون ما شفنا شي لين الحين
اذا كان صدق في زياده شنو ينتظرون لين ينزلونها ؟؟؟
ارجوا عدم كتابت الاشاعات لان صدق في ناس واااايد تتعب من الاشاعات

[مستجدة]

وين مصدر الزياده للعساكر
البارحه يقووولون السالفه كلها اشاعات
وناس في المنتدى ياكدوووون الخبر ان في زياده
والعساكر يقولون ما شفنا شي لين الحين
اذا كان صدق في زياده شنو ينتظرون لين ينزلونها ؟؟؟
ارجوا عدم كتابت الاشاعات لان صدق في ناس واااايد تتعب من الاشاعات



والله الناس تعبت
والاصوات انبحت وحاجه المواطن احس انها ماتهم المسؤولين ورمضان على الابواب وكل مالها تزيد حاجة المواطن وتزيد مسؤولياته الله المستعان


مابقى شئ على رمضان اذا ماصار شئ من اللي نسمعه عن الزياده خلاص نسوى الزياده
وتاكدوا أنها إشاعات وتلاعب في مشاعر الناس المحتاجه


الله يفرجها لكل اهل قطر الطبين

[ام السعف]

ابشركم الزيادة تشمل العسكريين والمدنيين والمتقاعدين
وتم التوقيع عليها
وممكن تكون نهاية شهر 7

:secret::telephone::secret:

[La.Queen]

كل واحد حر في فلوسه

اللي بيستغلها احسن استغلال خير وبركه واللي بيطلع سياره مب قد مستواه المعيشي بعد شي راجع له

لما تصير زياده الانسان مطالب يستغلها بالزين او الشين عاد اهو عقله في راسه ..

مادري شالهدف من هالموضوع الحين.. لكن اذا كان توعيه للناس بان يستغلون فلوسهم بطريقه زينه ف مب بهاي الطريقه اصلا

عموما فالاخير ترا الزياده فهالرينج 500-1000 ريال يعني ماتكفي تغير حياه ياخوي ..

[qrt_trading]

أوكي يا أخواني وخواتي فلنفترض إنهم زادوا الرواتب وهذا صراحة إللي إنتمناه مع زيادة الأسعار وخاصة الزيادة في مكاتب الخدم، الناس راح يفرحون ويشكرون ويهللون لكن بعد شهرين،3، 4، 5 شهور راح ترجع حليمه لعادتها القديمة وراح الناس يطالبون بزيادة ثانية وهذا هو الواقع البني آدم مايترس عيونه إلا التراب.


والحمد لله على كل حال وربكم هو الرزاق، حالنا أحسن من غيرنا ولله الحمد.

[سحايب]

جمال النعيمي

وين الزياده اللي تقول عنها

مابقا شي على رمضان
والزياده ماوصلت

[جمال النعيمي]

جمال النعيمي

وين الزياده اللي تقول عنها

مابقا شي على رمضان
والزياده ماوصلت

ما عندي الا ...

لا خاب ظنك بالرفيق الموالى - مالك مشاريه على باقي الناس

[همر]

"يذكر لي واحد معرووووووف انه شاف بعينه الكتاب موقّع"





جمله قطريه يرددها الشعب القطري من سنة 2008 بخصوص زيادة الرواتب...

[nor85]

الشكوى لغير الله مذله

[بوخليفة3]

ما عندي الا ...

لا خاب ظنك بالرفيق الموالى - مالك مشاريه على باقي الناس

وصلت الرسالة

[مستجدة]

http://www.q8boy.com/images/mmuvvj1y7b0y4nhyr8il.jpg


:secret: