امثالنا القطرية هل يعرفها شبابنا اليوم

[الاجتماعي]

لازلت اتذكر والدي رحمه الله عندما كان يستشهد ببعض الامثال القطرية القديمة وما كنت افقه معناها في ذلك الوقت لصغر سني ولكنني حفظتها عن ظهر غيب بسبب

كثرة تكرار والدي لها . اذ لايكاد يمر يوم الا وتسمعه يستشهد بها .. واتذكر جيدا ذالك اليوم عندما قال لي والدي يا ولدي هين قرشك ولا اتهين نفسك كناية عن عزة

النفس وبذل المال في سبيل ذلك . ولا انسى تلك الكلمة كلما زل بها لساني ونطقت بكلمة " هااا" فيرد ابي قائلا من قال هااا سمع وعند محاولتي كتمان بعض الاخبار

عنه رحمه الله كان يقول لي " الخبر بين ضلوعك " كناية عن معرفته بانني اعرف السر فالخبر قريب مني .


خلاصة الموضوع

اخواني اخواتي كثييرة هي الامثال القطرية التي تربينا عليها ، كل واحد يذكر لنا مثل كان يسمعه قديما ويحاول يشرح لنا فهمه عن ذلك المثل قدر الامكان .


اخوكم المحب / الاجتماعي

[تحداني]

موضه الأمثال مو دارجه هالايام مع فوضى التكنلوجيا
وانشغال الفكر الآدمي في عالم " الــ0 ,1 "


هالجيل صار عنده طلاسم ما عدنا نقدر نفكها
تخيل 3 يعني " حرف العين " 4 " يعني for
" 7 " يعني ح


هاذي امثال اعيالنا



جملك الله برضى الرحمن

[الاجتماعي]

موضه الأمثال مو دارجه هالايام مع فوضى التكنلوجيا
وانشغال الفكر الآدمي في عالم " الــ0 ,1 "


هالجيل صار عنده طلاسم ما عدنا نقدر نفكها
تخيل 3 يعني " حرف العين " 4 " يعني for
" 7 " يعني ح


هاذي امثال اعيالنا



جملك الله برضى الرحمن




عاد هاي اللغة اللي ماقدرت اتعلمها 3 ع 4 for .. وسمعت معلومة اني اللي يكتب هاي اللغة يعاني من خلل في تركيبة الدماغ عنده ؟!!

[المتحدث الرسمي]

اولا :
الله يرحم الوالد و ويرحم جميع موتى المسلمين ان شالله

ثانيا :
جانزين يا خوي العزيز انهم يحفظون الامثال القديمه الا بعض المصطلحات ما يعرفونها

اذكر لك قصه ....... مره في الميلس قاعدين ومعانا ولد خالي و يدرس بالجامعه .. ذكرنا الزنجفره ما عرف شنقصد ؟؟!!!

حصل كلام ضايقه من الشيبان الصراحه


ثالثا :
الحين نص حجي الشباب و البنات انجليزي

تحصله يسولف وياك شوي الا ناقز لك بجملتين بالانجليزي ليش اللي قاعد وياك اوكراني مثلا ؟؟

الاسره لها دور كبير في هالشي

الله المستعان ياخوي


تسلم على موضوعك

[برق لمع]

يا كثرها ويا محلاها ،، انا بقول اللي سمعته ورسخ في ذهني خذوا مثلاُ:

قنص وخلا طيره ،،،
جهز الدوا قبل الفلعة،،،
هذا اللي بلا ابوك يا عقاب ،،،
هذا مربط الفرس،،،
حلاة الثوب رقعته منه وفيه ،،،
جود مجنونك لا يجيك اجن منه ،،،
اللي ما يعرف للصقر يشويه ،،،
وش لك بالبحر واهواله ورزق الله على السيف ،،،
هذا اللي يحضرني الحين ،،،،
وسلامتكم ،،،

[الاجتماعي]

اولا :
الله يرحم الوالد و ويرحم جميع موتى المسلمين ان شالله

ثانيا :
جانزين يا خوي العزيز انهم يحفظون الامثال القديمه الا بعض المصطلحات ما يعرفونها

اذكر لك قصه ....... مره في الميلس قاعدين ومعانا ولد خالي و يدرس بالجامعه .. ذكرنا الزنجفره ما عرف شنقصد ؟؟!!!

حصل كلام ضايقه من الشيبان الصراحه


ثالثا :
الحين نص حجي الشباب و البنات انجليزي

تحصله يسولف وياك شوي الا ناقز لك بجملتين بالانجليزي ليش اللي قاعد وياك اوكراني مثلا ؟؟

الاسره لها دور كبير في هالشي

الله المستعان ياخوي


تسلم على موضوعك

تسلم اخوي .. بس ترى احنا هاي الامثال ماعرفناها الا من خلال البيت .. يعني معنى هاي الكلام انه العلوم مب على الشباب ولكن على .... ؟!

[بوخالد911]

البعض يعرفها

والبعض غير مكترث ولا يبالي


تحياتي قبل التعبير عن مصطلحاتي

[تحداني]

عاد هاي اللغة اللي ماقدرت اتعلمها 3 ع 4 for .. وسمعت معلومة اني اللي يكتب هاي اللغة يعاني من خلل في تركيبة الدماغ عنده ؟!!



والله العظيم وما حلفتني يا اخوي
من بين 10 كلمات يمكن افهم كلمه وحده .. وعليه عليهم " خلل دماغي "
قول عندهم قدره عجيبه في نشر هالكلمات وتوحيدها .. قول اشدراهم
ان مثلا "1254هنتا " معناها اشلونك ؟؟

ما اعرف عبقريه هالجيل ماخذه منحى مختلف تماما عن الي تعودناه وعرفناه
واتقول امثال هذيلن مال امثال .. قول تصميم مواقع .. قول يهكرون
قول يفججون جهاز
قول لهم اخر صيحات التلفونات
قول لهم اخبار آبل وشنو آخر اصدار

مو امثال .. ترى بيضحكون علي وعليك
حتى لو كنت في العشرينات

هذا اذا اسمعونا زين .. صاروا ما ايعبرون كلامنا
ولا يدخلونه في اذانيهم حتى



الله يعينه عليهم .. وجملك الله برضى الرحمن

[الاجتماعي]

البعض يعرفها

والبعض غير مكترث ولا يبالي


تحياتي قبل التعبير عن مصطلحاتي

تسلم بوخالد ومنتظرين مصطلحاتك على احر من الجمر ...
بس مب املاحظ ان هاي الامثال شكلت جزء من شخصيتنا ، بمعنى ان كان لها اثر في تشكيل شخصيتك .
يعني لما تسمع كل يوم في البيت " ماايحك جلدك الا ظفرك " هاي الكلاك اكيد اياثر فيك وتتعلم منه مفهوم كبير ..

[basma222]

اللي مايعرف الصقر يشويه ..
*الباب اللي يجيك منه الريح سده واستريح ..
*اللي ماعمره تبخر تبخر واحترق ..
*الشمس مايغطيها المنخل ..
*حلاة الثوب رقعته منه وفيه ..
*اللي عمره ماجاف اللحم تخرع اذا جاف الرية ..
*الفار ماينقبض شحمه ..
*اللي يشيل جربه مقضوضه تخر عليه ..
*الثوب الطويل يتع راعيه ..
*من عيب عاب والعيب واقف على الباب ..
*مد اريولك على قد لحافك ..
*شل الخرا على الراس ولامنة الناس ..
*اعتزلي يامره تحت شجرة ..
*اللي في الجدر يطلعه الملاس
عقرب رمل تلدغ من تحت لين تحت
خذ علوم الدار من يهالها
الفقير محسود على موتة الجمعه
اربط صبعك والكل بينعت لك دوا
جرح السيف يبرا وجرح الكلام ما يبرا
قالو تيس قال إحلبوه
الخال خلي والعم ولي
طبعي طبعي ولو انقص صبعي
يود مالك ولا تتهم يارك
ما يعرف كوعه من بوعه
مال البخيل ياكله العيار
خذ الزين ولو غالي
يود مينونك لاييك الأين منه
جديم الصوف ولا يديد البريسم
حشر مع الناس عيد
اللي ما يدانيك يخرب معانيك
كل ما قطعنا سيح يانا وادي
زهب الدوا قبل الفلعه
شهر مالك فيه معاش لا تعد ايامه
إذا إنت أمير وأنا أمير من يقود الحمير
الصوت صوت ياعد والحيل حيل ياعده
الهم هم العرس والويع ويع الضرس
لقمة خبيصه وفيها تنغيصه
لو فيه خير ما عافه الطير
العود اللي ما يلين ينكسر
اللي ما يعرفك ما يثمنك
تاكل عند ريلها وتدعي لمطلقها
العيب بلا ومن عايب ابتلا
ما بعد العود قعود

[مشتاقة لقطر]

خبز خبزتيه يالرفلة اكليه

هههههه

[Doha Sun]

الوالده رحمة الله عليها .. كان على السانها:
* ( ماعنده جدر يطبخ ثوبه زري يرطخ ) .. عن المفوشر والزبو
* ( كل على ذوقك والبس على ذوق الناس ) ..
* ( العنز بتموت وعينها في النفيعة ) .. عن الطمع ومع اقتراب الموت ومازال يركض وراء الدنيا
* (عدوك مهب اللي قال عدوك اللي نقل ) .. الواشية والمشي بين الناس في القيل والقال ..
ولي رجعة ان شاء الله

[تحداني]

هالموضوع يبيله " ام خلف "
:shy:




جملكم الله برضى الرحمن

[الاجتماعي]

الوالده رحمة الله عليها .. كان على السانها:
* ( ماعنده جدر يطبخ ثوبه زري يرطخ ) .. عن المفوشر والزبو
* ( كل على ذوقك والبس على ذوق الناس ) ..
* ( العنز بتموت وعينها في النفيعة ) .. عن الطمع ومع اقتراب الموت ومازال يركض وراء الدنيا
* (عدوك مهب اللي قال عدوك اللي نقل ) .. الواشية والمشي بين الناس في القيل والقال ..
ولي رجعة ان شاء الله

الله يرحم الوالدة ويغمد روحها الجنة ان شاء الله ... بانتظار المزيد

[khaleeji]

الامثال بدت بالانقراض طال عمرك

والجيل الجديد جيل شدخخخخخخخخل

[الاجتماعي]

الامثال بدت بالانقراض طال عمرك

والجيل الجديد جيل شدخخخخخخخخل

عاد هاي " شدخخخخخخخخخخل " هذه اللي اسمعها حتى من الصغير باربع سنوات

[الاجتماعي]

هالموضوع يبيله " ام خلف "
:shy:




جملكم الله برضى الرحمن

وين ام خلف ... ننتظرها وننتظر امثالها ، شكلها راعية امثال

[نور الحور]

الله يحفظ لنا يدتي كلامها كله أمثال وكلمات قديمة ..تربينا عليها من واحنا صغار ..

الجيل الحالي إن كان عنده جدود ممكن يتعلمون على ذكر الأمثال والاستشهاد بها لأنهم بيسمعونها على طووووول ..

لكن المشكلة لين جاك الجد ولا الجدة بلفيت مودرن نص كلامه إنجليزي .. يبي يلحق على التطور :(

[الاجتماعي]

اللي مايعرف الصقر يشويه ..
*الباب اللي يجيك منه الريح سده واستريح ..
*اللي ماعمره تبخر تبخر واحترق ..
*الشمس مايغطيها المنخل ..
*حلاة الثوب رقعته منه وفيه ..
*اللي عمره ماجاف اللحم تخرع اذا جاف الرية ..
*الفار ماينقبض شحمه ..
*اللي يشيل جربه مقضوضه تخر عليه ..
*الثوب الطويل يتع راعيه ..
*من عيب عاب والعيب واقف على الباب ..
*مد اريولك على قد لحافك ..
*شل الخرا على الراس ولامنة الناس ..
*اعتزلي يامره تحت شجرة ..
*اللي في الجدر يطلعه الملاس
عقرب رمل تلدغ من تحت لين تحت
خذ علوم الدار من يهالها
الفقير محسود على موتة الجمعه
اربط صبعك والكل بينعت لك دوا
جرح السيف يبرا وجرح الكلام ما يبرا
قالو تيس قال إحلبوه
الخال خلي والعم ولي
طبعي طبعي ولو انقص صبعي
يود مالك ولا تتهم يارك
ما يعرف كوعه من بوعه
مال البخيل ياكله العيار
خذ الزين ولو غالي
يود مينونك لاييك الأين منه
جديم الصوف ولا يديد البريسم
حشر مع الناس عيد
اللي ما يدانيك يخرب معانيك
كل ما قطعنا سيح يانا وادي
زهب الدوا قبل الفلعه
شهر مالك فيه معاش لا تعد ايامه
إذا إنت أمير وأنا أمير من يقود الحمير
الصوت صوت ياعد والحيل حيل ياعده
الهم هم العرس والويع ويع الضرس
لقمة خبيصه وفيها تنغيصه
لو فيه خير ما عافه الطير
العود اللي ما يلين ينكسر
اللي ما يعرفك ما يثمنك
تاكل عند ريلها وتدعي لمطلقها
العيب بلا ومن عايب ابتلا
ما بعد العود قعود



ماشاء الله عليك :nice:

[ســـارة]

\

ههههههه نور الحور صحيح كلامج ... يبلفيت يلحق على ما لحق غيره يواكب العصر ههههه. :nice:

[المتحدث الرسمي]

تسلم اخوي .. بس ترى احنا هاي الامثال ماعرفناها الا من خلال البيت .. يعني معنى هاي الكلام انه العلوم مب على الشباب ولكن على .... ؟!


كلامك صحيح ياخوي ... اذا الواحد بيتعلم بيتعلم من البيت من خلال احد الوالدين او الجدود
يعني مب كل اللوم على الشباب

لانه وايد من الجدات مب قطريات

[بـــــــنت النوخـّــــذه]

خلهم يحفظون الاحاديث النبويه بالاول ويطبقونها بعدين الامثال:omen2:


عموما" أكثر الامثال تداولا" :
خلك مثل كسرة العود كل ما احترق بالنار زاد طيبه
لي شفت ألي يحسدونك اكل وبحلق عيونك
والخيل من خيالها والمره من رجالها

و

أقلب الحله على فمها تطلع البنت لأمها اهههه:p

سلام(ن) عليكم

[الاجتماعي]

خلهم يحفظون الاحاديث النبويه بالاول ويطبقونها بعدين الامثال:omen2:


عموما" أكثر الامثال تداولا" :
خلك مثل كسرة العود كل ما احترق بالنار زاد طيبه
لي شفت ألي يحسدونك اكل وبحلق عيونك
والخيل من خيالها والمره من رجالها

و

أقلب الحله على فمها تطلع البنت لأمها اهههه:p

سلام(ن) عليكم
تسلمين بنت النوخذة على المشاركة .. ولاشك حفظ الحديث الشريف اهم بكثير .

[شيزكيك]

الصراحه عيالي ما ظنتي يعرفون امثالنا القديمه هم ولبهم يغيرون الستيتس والبروفايل حق البيبي

[الاجتماعي]

الصراحه عيالي ما ظنتي يعرفون امثالنا القديمه هم ولبهم يغيرون الستيتس والبروفايل حق البيبي

لانه لو احنا في البيت ماقلناها من وين بيتعلمونها ؟!!

[ســـارة]

\

الأمثال بالذات لا تدرّس ولا حتى تدّون إلا من خلل كتب وغبرة طبعا ً فكيف تكون في متناول الجيل الجديد ؟؟

_ هذا لا يتم إلا من خلال الوالدين والجد والجدة والأقارب المصاحبين لهم

_ في المدرسة عندما كنا صغارا ً المدرسات قطريات نسمع منهم الأمثال وكانت سائرة على ألسنتهم فتعلمناها منهم .

_ البرامج التلفزيونية المختصة بالأطفال ؛ كان لها دور كبير في فهم هذه الأمثال وفي مغزاها

والمعنى من هذا كله ، أن البيئة كانت الأمثال فيها سائدة وبشكل كثير بين النساء وبين الرجال

بخلاف هذا الوقت الذي قل فيه الإعتماد عليها لتوصيل المعنى وكأنها ( أمثال الغوص ) ..

وأنها لا تناسب الحداثة التي يمر بها هذا الجيل !!!!


\

تقديري لك ولموضوك الشيّق ..

[الاجتماعي]

\

الأمثال بالذات لا تدرّس ولا حتى تدّون إلا من خلل كتب وغبرة طبعا ً فكيف تكون في متناول الجيل الجديد ؟؟

_ هذا لا يتم إلا من خلال الوالدين والجد والجدة والأقارب المصاحبين لهم

_ في المدرسة عندما كنا صغارا ً المدرسات قطريات نسمع منهم الأمثال وكانت سائرة على ألسنتهم فتعلمناها منهم .

_ البرامج التلفزيونية المختصة بالأطفال ؛ كان لها دور كبير في فهم هذه الأمثال وفي مغزاها

والمعنى من هذا كله ، أن البيئة كانت الأمثال فيها سائدة وبشكل كثير بين النساء وبين الرجال

بخلاف هذا الوقت الذي قل فيه الإعتماد عليها لتوصيل المعنى وكأنها ( أمثال الغوص ) ..

وأنها لا تناسب الحداثة التي يمر بها هذا الجيل !!!!


\

تقديري لك ولموضوك الشيّق ..

كلام سليم 100%
شكرا اختي .. واتوقع ان الامثال هذه بتكون ذات منفعة واضحة اذا ربطت بالعملية التربوية داخل المنزل في التوجيه واللوم والعقاب والثواب .

[الحياة الخالدة]

شكراً لك أخوي الاجتماعي .. :)

أمثالنا الشعبية حلوة و كثيرة ..

يمكن يعجبك هذا الموضوع .. تفضل الرابط :
http://qatarshares.com/vb/showthread.php?t=443089

[الاجتماعي]

شكراً لك أخوي الاجتماعي .. :)

أمثالنا الشعبية حلوة و كثيرة ..

يمكن يعجبك هذا الموضوع .. تفضل الرابط :
http://qatarshares.com/vb/showthread.php?t=443089

شكرا على الرابط .. كانت لعبة حلوة ومسلية . فعلا امثالنا الشعبية حلوة وكثيرة وانا كان ودي اضيف اضافة دور الامثال الشعبية في جانب التربية الاسرية ، وان شاء الله قدرت اوصل لكم الفكرة .
اخوكم / الاجتماعي

[basma222]

كل من طق طبله قلت أنا قبله
قال وش حادك على البخراء قال ليل الشتاء
فوحنا الماي وطار الديج
عميا وتطل من الدريشة
صغير العطايا ولا صغار الأعذار
ردت حليمة على عادتها القديمة
جرح السيف يبرا وجرح الكلام ما يبرا
حل لسانك تلقى الناس خلانك
نوم الظالم عباده
بو طبيع ما ايوز عن طبعه
اذا ما طاعك الزمان طيعه
من طول الغيبات ياب الغنايم
اللى ما يعرفك ما يثمنك
من طالع من داره قل مقداره
الطول طول نخله والعقل عقل أصخله
حلاة الثوب رقعته منه وفيه
اللى في الجدر يطلعه الملاس
الشيفه شيفه و المعاني ضعيفه
القطو العود ما يتربى
الحي يحييك والميت يزيدك غبن
سيل ما يبلك ما يهمك
الفرس من خيالها والحرمه من ريالها
اللى ما يعرف الصقر يشويه
اللى يبينا عيت النفس تبغيه واللى نبيه عيا البخت لا يجيبه

[Al Capone]

[COLOR="Red"]
أقلب الحله على فمها تطلع البنت لأمها اهههه:p


جات الحزينة تفرح مالقت لها مطرح :p


واحييك على الموضوع اخوي واللي في بالي انذكر من الأخوان فوق ماقصروا

[الاجتماعي]

كل من طق طبله قلت أنا قبله
قال وش حادك على البخراء قال ليل الشتاء
فوحنا الماي وطار الديج
عميا وتطل من الدريشة
صغير العطايا ولا صغار الأعذار
ردت حليمة على عادتها القديمة
جرح السيف يبرا وجرح الكلام ما يبرا
حل لسانك تلقى الناس خلانك
نوم الظالم عباده
بو طبيع ما ايوز عن طبعه
اذا ما طاعك الزمان طيعه
من طول الغيبات ياب الغنايم
اللى ما يعرفك ما يثمنك
من طالع من داره قل مقداره
الطول طول نخله والعقل عقل أصخله
حلاة الثوب رقعته منه وفيه
اللى في الجدر يطلعه الملاس
الشيفه شيفه و المعاني ضعيفه
القطو العود ما يتربى
الحي يحييك والميت يزيدك غبن
سيل ما يبلك ما يهمك
الفرس من خيالها والحرمه من ريالها
اللى ما يعرف الصقر يشويه
اللى يبينا عيت النفس تبغيه واللى نبيه عيا البخت لا يجيبه





ماشاء الله عليج :)

[صوت الضمير]

أنا من جيل الشباب.. أمي عودتنا على الأمثال في كلامها

واللحين بكلامي .. اقول الامثال بعفويه .. والكثير يسسئلني عنها

أعتز بثقافتا واهتم كثير بتراثنا..

أقرب مثل لي

الحظ للشلقا ..والبلقا.. وشينة الملقا
:weeping:

أبداع

[ajaj48]

مشكورررررررررررررررررررررررررررر

[الدمعه]

أنا من جيل الشباب.. أمي عودتنا على الأمثال في كلامها

واللحين بكلامي .. اقول الامثال بعفويه .. والكثير يسسئلني عنها

أعتز بثقافتا واهتم كثير بتراثنا..

أقرب مثل لي

الحظ للشلقا ..والبلقا.. وشينة الملقا
:weeping:

أبداع


:cry2::cry2: :cry2::cry2:

مثل يناسب هالوقت ..

اشكر صاحب الموضوع .. وبالفعل لساننا خذ على هالامثل .. واحاول اني اعلمها

عيالي وبعض الكلمات القديمه كلش احاول ادخلها بين فتره والثانيه ..

وعندنا من اهلنا 3 حريم ماشاء الله عليهم يحبون شي اسمه حزاوي ومسابقات قديمه ..

وماتخلى قعده معاهم الا وجمعنا اليهال والكبار وصارت الحزاوي ..

شي لابد منه ..
منها كلثميات وام فيصل وام خلف ..

[Doha Sun]

# عند تفضيل البعض لزواج من غير الأقارب :
* روح بعيد وتعال سالم
* قريبك لا تقارب ،تلدغك عقاربه

# للدعوة لحسن الاختيار :
* لا بغيت تضمها اسال عن امها

# إذا كان الزوج غير سعيد مع زوجتة يقال :
* طلقها وخذ أختها –قال الله يلعن الثنتين .

# في حث المرأة على التمسك بالزوج:

* تعلقي يا مرة لو تحت شجرة .

# أمثال عديدة قيلت لهذه المناسبة :
* يوم شافت أهلها شادين قالت زوجوني .

* بتعرس قاصرها اليباب .

* الم الضرس ولا هم العرس .

* كن نسيب ولا تكون ابن عم .

* المعريس اثنين والمجانين الفين .

[chillis]

أنا من جيل الشباب.. أمي عودتنا على الأمثال في كلامها

واللحين بكلامي .. اقول الامثال بعفويه .. والكثير يسسئلني عنها

أعتز بثقافتا واهتم كثير بتراثنا..

أقرب مثل لي

الحظ للشلقا ..والبلقا.. وشينة الملقا
:weeping:

أبداع

:omg: قالوا للحرامي احلف قال جاك الفرج :secret:

[عربسات]

# عند تفضيل البعض لزواج من غير الأقارب :
* روح بعيد وتعال سالم
* قريبك لا تقارب ،تلدغك عقاربه

# للدعوة لحسن الاختيار :
* لا بغيت تضمها اسال عن امها

# إذا كان الزوج غير سعيد مع زوجتة يقال :
* طلقها وخذ أختها –قال الله يلعن الثنتين .

# في حث المرأة على التمسك بالزوج:

* تعلقي يا مرة لو تحت شجرة .

# أمثال عديدة قيلت لهذه المناسبة :
* يوم شافت أهلها شادين قالت زوجوني .

* بتعرس قاصرها اليباب .

* الم الضرس ولا هم العرس .

* كن نسيب ولا تكون ابن عم .

* المعريس اثنين والمجانين الفين .

اشمعنى امثلة الزواج الي ركزتي عليا !!!!! ها لاتسوين مشاكل يا دوحه سن

[الاجتماعي]

# عند تفضيل البعض لزواج من غير الأقارب :
* روح بعيد وتعال سالم
* قريبك لا تقارب ،تلدغك عقاربه

# للدعوة لحسن الاختيار :
* لا بغيت تضمها اسال عن امها

# إذا كان الزوج غير سعيد مع زوجتة يقال :
* طلقها وخذ أختها –قال الله يلعن الثنتين .

# في حث المرأة على التمسك بالزوج:

* تعلقي يا مرة لو تحت شجرة .

# أمثال عديدة قيلت لهذه المناسبة :
* يوم شافت أهلها شادين قالت زوجوني .

* بتعرس قاصرها اليباب .

* الم الضرس ولا هم العرس .

* كن نسيب ولا تكون ابن عم .

* المعريس اثنين والمجانين الفين .

اختيار جميل وموفق للامثال ، وفكرة حلوة لتصنيف الامثال في موضوع العرس وتوابعه .
تحياتي / الاجتماعي

[الاجتماعي]

:cry2::cry2: :cry2::cry2:

مثل يناسب هالوقت ..

اشكر صاحب الموضوع .. وبالفعل لساننا خذ على هالامثل .. واحاول اني اعلمها

عيالي وبعض الكلمات القديمه كلش احاول ادخلها بين فتره والثانيه ..

وعندنا من اهلنا 3 حريم ماشاء الله عليهم يحبون شي اسمه حزاوي ومسابقات قديمه ..

وماتخلى قعده معاهم الا وجمعنا اليهال والكبار وصارت الحزاوي ..

شي لابد منه ..
منها كلثميات وام فيصل وام خلف ..

معناته عندكم ثلاث كنوز نادرين الوجوج حاولوا تاخذون منهم اكبر قدر ممكن من الامثال والحكم القديمة ..
تحياتي / الاجتماعي

[basma222]

جاز الباب على الخراب
من مشى على الدرب وصل
لو صاحبي حي كان تكلم
من حكى لك حكى فيك
كل ينوم على الجنب الي يريحه
مد رجلك على قد لحافك
ما به غصن وصل السما
ما يحك جلدك غير ظفرك
هذا العود و هذا طرفه
شجره عوجا حتاتها لغيرها
الحق كالزيت يطفوا دايما فوق
كل حب يطلع على بذره
كل عود و فيه دخان
ضريس على ياكل و لا يوكل عليه
الكتاب من عنوانه
النار ما ترث الا الرماد
اقطع لها من جنبها عصا
ما كل بيضاء شحمه
كل ساقط وله لاقط
الطيور على أشكالها تقع
جرب غيري تعرف قديري
من علمني حرفا أخلصت له ودا
أشد الآلام على النفس آلام لا يكشفها طبيب و لا يستطيع أن يتحدث عنها المريض
إصلاح الموجود خيرا من انتضار المفقود
افعل كما تشاء فكما تدين تدان
ما طار طير ورتفع إلا كما طار وقع
إذا أردت ان تطاع فأمر بالمستطاع
الي بيته من قزاز لا يحذّف الناس بالحصا
قالوا متى طلعت القصر قالوا أمس في العصر
الصدق ربيع النفس ، و ثمرة المروءة ، وشعاع الضمير
قلب الأحمق لسانه ....ولسان العاقل بقلبه
من ظن أنه قد تعلم ..فقد بدأ جهله

[الاجتماعي]

جاز الباب على الخراب
من مشى على الدرب وصل
لو صاحبي حي كان تكلم
من حكى لك حكى فيك
كل ينوم على الجنب الي يريحه
مد رجلك على قد لحافك
ما به غصن وصل السما
ما يحك جلدك غير ظفرك
هذا العود و هذا طرفه
شجره عوجا حتاتها لغيرها
الحق كالزيت يطفوا دايما فوق
كل حب يطلع على بذره
كل عود و فيه دخان
ضريس على ياكل و لا يوكل عليه
الكتاب من عنوانه
النار ما ترث الا الرماد
اقطع لها من جنبها عصا
ما كل بيضاء شحمه
كل ساقط وله لاقط
الطيور على أشكالها تقع
جرب غيري تعرف قديري
من علمني حرفا أخلصت له ودا
أشد الآلام على النفس آلام لا يكشفها طبيب و لا يستطيع أن يتحدث عنها المريض
إصلاح الموجود خيرا من انتضار المفقود
افعل كما تشاء فكما تدين تدان
ما طار طير ورتفع إلا كما طار وقع
إذا أردت ان تطاع فأمر بالمستطاع
الي بيته من قزاز لا يحذّف الناس بالحصا
قالوا متى طلعت القصر قالوا أمس في العصر
الصدق ربيع النفس ، و ثمرة المروءة ، وشعاع الضمير
قلب الأحمق لسانه ....ولسان العاقل بقلبه
من ظن أنه قد تعلم ..فقد بدأ جهله

يعطيك العافية بسمة ، ماشاء الله عليك . وازيد من عندي هذا المثل :
(( ايميل غصن الموز ليعاد مورق ، وليعاد ضميان كيف يميل ؟! ))
تحياتي / الاجتماعي

[Doha Sun]

اشمعنى امثلة الزواج الي ركزتي عليا !!!!! ها لاتسوين مشاكل يا دوحه سن


مااسوي مشاكل يا عربسات بس كل مناسبة ولها امثلة ..:nice:

[رحال]

زمن مايغير الطيبين .. آآآآآه يازمن

[الاجتماعي]

زمن مايغير الطيبين .. آآآآآه يازمن

صدقت يا رحال ..
نعيب زماننا والعيب فينا ... وما لزماننا عيب سوانا !!
تحياتي / الاجتماعي

[رحال]

اللي ماله اول ماله تالي

[الدمعه]

الطويله تقضي حاجتها والقصيره تنادي جارتها ..


دوم ينقال لي هالمثل :cry2:


مال عمك مايهمك ..

ينبن مهب ينبك ير عليه الشوك ..(جنب مب جنبك جر عليه الشوك)

ياشين السرج عالبقر...

لوكل من يه ونير ماتم في الوادي شير ..(لو كل من جا ونجر ماظل في الوادي شجر )

نقولهم تيس قالو حلبوه ...


وكل ماتذكر شي بكتبه ..

[الاجتماعي]

الطويله تقضي حاجتها والقصيره تنادي جارتها ..


دوم ينقال لي هالمثل :cry2:


مال عمك مايهمك ..

ينبن مهب ينبك ير عليه الشوك ..(جنب مب جنبك جر عليه الشوك)

ياشين السرج عالبقر...

لوكل من يه ونير ماتم في الوادي شير ..(لو كل من جا ونجر ماظل في الوادي شجر )

نقولهم تيس قالو حلبوه ...


وكل ماتذكر شي بكتبه ..

يعطيك العافية الدمعة على هاي الامثال الحلوة ... وننتظر منك المزيد .
المخلص / الاجتماعي

[basma222]

اللي عطاك بالملاس يعطينا بالقبشة
حشره مع الناس عيد
عريان لافي على مفصخ
عندك تاكل قال لأ ، عندك تغرم قال ايه
من خلى نفسه سبوس ، العبت به الدجاج
مال الغني ما ياكله الا العيار
قلبي على ولدي وقلب ولدي على صخر
ان غاب عن عيني سهى عن بالي
اسأل مجرب ولا تسأل طبيب
ما يعرف رطني الا ولد بطني
من فوق هالله هالله, ومن تحت يعلم الله
من قعد عند الحداد, يصبر على الشرار
اللي فيه ريح مايستريح
الضرس لين رقل, لابد من خلعه
ابو طبيع ما يجوز عن طبعه
ماتعرف قدري قبل ما تجرب غيري
كثر الدق يفك اللحام
من عمره ما تبخر, تبخر واحترق
من فوق هالله هالله, ومن تحت يعلم الله
اللي ما يدري يقول حلبه, واللي يدري متوحل به
اللي اكبر منك بيوم أفهم منك بسنة
خبز يدي وانا اعرفه
حلاة الثوب رقعته منه وفيه
الباب الي يجيك منه الريح سده واستريح
ضربني وبكى سبقني واشتكى
فلان ماله في الغنم تيس

[basma222]

صخنا الماي وفر الديج
عندك تاكل قال لأ ، عندك تغرم قال ايه
الي مايعدك راس مال لاتعده فايده
ادعي على ولدي واكره من يقول امين
حاسدين الفقير على موتة اليمعه
عتيج الصوف و لا يديد البريسم
اللي بيته من زجاج ما يحذف الناس بالطوب
من حفر حفرة لاخيه المسلم اوقعه الله بها
من طق الباب جاه الجواب
الطرار يطر والفار يجر
البيوت مكبره والحال مستره ..
حط راسيك بين رجليك وقول الحق حتى على والديك
من بغى العالي يصبر على الراش
من طول الغيبات جاب الغنايم
لو كل من فينا نجرما ظل بالوادي شجر
خبز خبزتيه يا الرفلا اكليه
أولها طرب وآخرها نشب
اللي ما يطال العنب .. يقول عنه حامض
مكسوره وتبرد
فوق شينة قواة عينه
من ربط نفسه بخرجه مالقى له رفجه
ذيل الكلب عمره ما ينعدل
عاشه بنت ناصر لسان طويل والحيل قاصر
الصيت عالي والبطن خالي
سكتنا له ... دخل بحماره
عنبر اخو بلال
عين عذاري تسقي البعيد وتخلي القريب
بغيناه عون صار فرعون
بغى يكحلها عماها
الي عمره ماشاف اللحم يتخرع من الريه (الرئة)
اللي ماعمره تبخر تبخر واحترق ..
خذ علوم الدار من يهالها
اربط صبعك والكل بينعت لك دوا
الخال خلي والعم ولي
اللي ما يدانيك يخرب معانيك
كل ما قطعنا سيح يانا وادي
شهر مالك فيه معاش لا تعد ايامه
إذا إنت أمير وأنا أمير من يقود الحمير
لقمة خبيصه وفيها تنغيصه
تاكل عند ريلها وتدعي لمطلقها
لاتعطي سرك المره لو هي امك
صلو بنا شرق والناس جبله
الحقران يقطع المصران
لايغرك البراقي ترى مافي المخايل خير
يامن شراله من حلاله عله
العورى اتعيب على ام زر
شيل الخيسه على الراس ولا منت الناس
إذا فات الفوت ماينفع الصوت
إش حادك يا مسمار ؟ قال المطرقه
اصابعك ماهي سوى
اضرب الحديد و هو حامي
الباب اللي يجيك منه الريح سده وإستريح
جهز الدوا قبل الفلعه
اللي يطالع فوق تنكسر رقبته
يوم شدّوا قالت عرسوني
الجدر ما يركب الا على ثلاث
من تشره تكره
يود مينونك لا اييك اين منه
الكلب ما يرث الا جرو
ان جاكم الرجال اسالوا عن خواله
ماتعرف ترقص قالت الارض مايله
اذا دلق سهيل لاتامن السيل
لا توصي الحزينة على البكا
بوس الأيادي ضحك على اللحي
من كبر اللقمة قص بها
من خذ امي...صار عمي
يا رايح .....كثر من الفضايح
الناس لناس والكل بالله
قلنا تيس قالوا احلبوه
وين رايحة يا طنازة ؟ قالت رايحة اتطنز
الزين من زانت معانيه والشين من تحلا بطباعه
دفعة مردي والهوى شرقي
كل مغطى مشفوق عليه
افرص الحمتك تعورك
إلحق الكذاب لباب داره
اللي بقلبه الصلاة ماتفوته
مع الخيل ياشقرا
حلال عمك مايهمك
اللي في بطنه ريح ما يستريح
كل من طق طبله قال انا قبله
الذيب ما يهرول عبث
مايلبس ثيابك الا اعز احبابك

[الاجتماعي]

عندك تاكل قال لأ ، عندك تغرم قال ايه
ماشاء الله عليج اختي .. شكلج موسوعة في الامثال .
والله كأني اسمع الوالد رحمة الله عليه وهو دايم ينصحنا لين بالغنا في الصرف من غير داعي وهو ايقول لنا هاي المثل (( عندك تاكل قال لا ، عندك تغرم قال اي ))
تحياتي / الاجتماعي

[basma222]

عندك تاكل قال لأ ، عندك تغرم قال ايه
ماشاء الله عليج اختي .. شكلج موسوعة في الامثال .
والله كأني اسمع الوالد رحمة الله عليه وهو دايم ينصحنا لين بالغنا في الصرف من غير داعي وهو ايقول لنا هاي المثل (( عندك تاكل قال لا ، عندك تغرم قال اي ))
تحياتي / الاجتماعي

الله يرحمه والدك ويرحم أبوي و أمي

[Doha Sun]

* الثوب ما ينشق بين عاقل و مينون
* الغريب ذيب ..وعظته ماتطيب
* لا تصدق لا الغريب ولا الشيبه
* مايعرف رطني الا ولد بطني

[الدمعه]

الدز من المز وال...... من العافيه ..

حيا مرخا تستحي من الديج وتجابل الفرخا ..

صخنا الماي وطار الديج ...

حشره مع الناس عيد..

من راح بليا عزيمه رقد بليا لحاف ..

كلن يقرب الضو صوب قرصه ..

من قام عن خبزه احترق ..

هذا سيفوه وهذي خلاقينه ...

مكسوره وتبرد..

لي طريت الجلب برز له عصا ..

ولدي على كتفي وادورة ..

من سبق لبق ..

ابوي مايقدر الا على امي ..

من طق طبله قال انا قبله ..

انا ربيت ولغيري صفيت ..

سيل مايبلك مايهمك..

المال مال ابونا والقوم يطلبونا ..

الشيفه شيفه والمعاني ضعيفه..

الطول طول نخله والعقل عقل صخله ..

تموت الديايه وعينها عالسبوس ..

تاكل اكل الحوت والحال مسحوت :eek3:


للبحر له ناس لفيحه .. يعرفون التوح من اليره
موب كل من تاح سريحه .. قال هذا خيط وبيّره

وايد احب هالبيت ..

شاور مرتك واعصاها .. :court:

لاتصيح على ابوك لين مات ..صيح على عصر اليمعه لين فات ..

هذا مافي جعبتي لليوم ..

[basma222]

اخطب لابنتك ولا تخطب لابنك
إذا عُرِفَ السبب بطل العجب
يخلق من ظهر العالم جاهلاً
يا بانياً في غير ملكك يا مربياً في غير ولدك
من عاشر حكيماً مات عليماً
من دق الباب سمع الجواب
من اتَّكَلَ على زاد غيره طال جوعه
قم للمعلم وفه التبجيلا كاد المعلم أن يكون رسولا
عند الامتحان يكرم المرء أو يهان
رب أخ لي لم تلده أمي
إن كبر ابنك آخيه
القرد في عين أمه غزال
الكتاب يقرأ من عنوانه
اللي تقرصه الحية يخاف من الحبل
النار قد تُخَلِّفُ رماداً
العبد يقرع بالعصا والحر تكفيه الإشارة
العتب على النظر
العلم يرفع بيتا لا عماد له والجهل يهدم بيت العز والشرف
المشورة راحة لك وتعب لغيرك
وعند جهينة الخبر اليقين!
الأفعال أبلغ من الأقوال
الإنسان بالتفكير والله بالتدبير
إن مفاتيح الأمور العزائم
أنجز حر ما وعد
خير الأعمال ما كان ديمة
زرع آباؤنا فأكلنا ونزرع ليأكل أبناؤنا
الحركة بركة
كما تزرع تحصد
لا تؤجل عمل اليوم إلى الغد
من جد وجد ومن زرع حصد من سار على الدرب وصل
من سعى جنى ومن نام رأى الأحلام
من طلب العلا سهر الليالي
من طلب شيئا وجده
من عمل دائما أكل نائما
من لا يخطئ لا يفعل شيئا
وما نيل المطالب بالتمني ولكن تؤخذ الدنيا غلابا
ومن خطب الحسناء لم يغلها الْمَهْرُ
يا طالب الرزق إن الرزق في طلبك
يركب الصعب من لا ذلول له
السكوت علامة الرضا
خير الكلام ما قل ودل
سكوت أبلغ من كلام
سرك أسيرك
سلامة الإنسان في حلاوة اللسان
صدرك أوسع لسرك
لسانك حصانك إن صنته صانك، وإن هنته هانك
الساكت عن الحق شيطان أخرس
من كبـّر اللقمه غصّ
البيت من ساسه
مايقدر ابونا الا على أمنا
العود اللي ما يلين ينكسر
الفلوس تجيب العروس
اللي مادبه ابوه يادبه زمانه
حلاة الشي حار بحار
حلو اللسان قليل الاحسان

[Doha Sun]

* من قعد عند الحداد, يصبر على الشرار
* الضرس لين رقل, من خلعه لا بد
* قول يالساني وانا اقول
* اللي ما يدري يقول حلبه, واللي يدري متوحل به
* من غاب عن عيني سهى عن بالي
* ادعي على ولدي واكره من يقول امين
* ام الروازن حطوها في بيت الغنى ماتغانت , ردت واقعدت في الروزنه
* حذفت عمي صادت ارنب
* البيوت مكبره والحال مستره
* حط راسيك بين رجليك وقول الحق حتى على والديك
* بلع الهيب وقص ببرة
* رزق القطاوة على الخاملات
* غصبن على البل تركب جاريات السفن
* مكسوره وتبرد
* من ربط نفسه بخرجه مالقى له رفجه
* اربط صبعك كلن ينعتلك دوا
* الصيت عالي والبطن خالي
* ام ناصر لسان طويل والحيل قاصر
* عنبر اخو بلال
* انفخ ياشريم ..قال مابه برطم
* اللي عمره ماشاف اللحم يتخرع من الريه
* اللي ما يدانيك يخرب معانيك
* كل ما قطعنا سيح يانا وادي
* شهر مالك فيه معاش لا تعد ايامه
* إذا إنت أمير وأنا أمير من يقود الحمير
* لقمة خبيصه وفيها تنغيصه
* تاخذ عشرة وتتذكر ريلها الاولي
* تاكل عند ريلها وتدعي على مطلقها
* لا تعطي سرك المره لو هي امك
* صلو بنا شرق والناس جبله
* لولا الحمايا كمل الذيب الغنم
* عميا وتطل من الدريشة
* صغير العطايا ولا صغار الأعذار
* من تشره تكره
* حجام وجلاع ضروس
* ان جاكم الرجال اسالوا عن خواله
*ماتعرف ترقص قالت الارض مايله
* اذا دلق سهيل لاتامن السيل
* ان جاد حظك باع لك واشترى لك ، وان ترادى حظك عزي لحالي وحالك
* أربط الحمار مع رفيقه إنما تعلم من شهيقه تعلم من نهيقه
* عزوبي دهر ولا أرمل شهر
* اخره الطحن قرقعه
* برد الصيف أحد من السيف
* بوس الأيادي ضحك على اللحي
* من رقص نقص
* اللي مايشاورك.... بالسفر لاتهنيه بالسلامه
* ابعد اللحم عن اللحم لا يخيس
* اللي مايقدر يربي اليتيم لا ياخذ امه
* كل بكر امه مخدي
* ناصحكم يابدو في النار
* الناس لناس والكل بالله
* لين صار ودك محد يردك
* ماقصورج يا ام القمص الا الرقده في القفص
* الزين من زانت معانيه والشين من تحلا بطباعه
* من غير الحنه ربي محنه
* كل مغطى مشفوق عليه
* لاشفت منقع الصبخ لاتحط زرعك الا برياحين (ويقولون ): ل اتخاوي منقع صبخ ولاتزرع الا وسط رياحين
* الجوع احسن طباخ
* حلال عمك مايهمك
* خزي وعليه شهود
* مايلبس ثيابك الا اعز احبابك
* من قال ها..سمع
* لاتخاف من الداب ولا العقرب ، خاف من العجمي لين استعرب
* لابغيت تسوي شي يذكر ،ياتسوي خير ولا تسوي منكر
* التيس في ديرة هله نطوح
* البيض مايلاطم حصى
* مايقدر ابونا الا على أمنا

[الاجتماعي]

الدز من المز وال...... من العافيه ..

حيا مرخا تستحي من الديج وتجابل الفرخا ..

صخنا الماي وطار الديج ...

حشره مع الناس عيد..

من راح بليا عزيمه رقد بليا لحاف ..

كلن يقرب الضو صوب قرصه ..

من قام عن خبزه احترق ..

هذا سيفوه وهذي خلاقينه ...

مكسوره وتبرد..

لي طريت الجلب برز له عصا ..

ولدي على كتفي وادورة ..

من سبق لبق ..

ابوي مايقدر الا على امي ..

من طق طبله قال انا قبله ..

انا ربيت ولغيري صفيت ..

سيل مايبلك مايهمك..

المال مال ابونا والقوم يطلبونا ..

الشيفه شيفه والمعاني ضعيفه..

الطول طول نخله والعقل عقل صخله ..

تموت الديايه وعينها عالسبوس ..

تاكل اكل الحوت والحال مسحوت :eek3:


للبحر له ناس لفيحه .. يعرفون التوح من اليره
موب كل من تاح سريحه .. قال هذا خيط وبيّره

وايد احب هالبيت ..

شاور مرتك واعصاها .. :court:

لاتصيح على ابوك لين مات ..صيح على عصر اليمعه لين فات ..

هذا مافي جعبتي لليوم ..

شاوروهن وخالفوهن :d

[الدمعه]

شاوروهن وخالفوهن :d


:court::court::court:

يقهرني هالمثل ههههههههه


لان ماشاء الله هذا حال الرياييل يشاورون الحريم ويسوون العكس ...خخخخخخخ

[الاجتماعي]

:court::court::court:

يقهرني هالمثل ههههههههه


لان ماشاء الله هذا حال الرياييل يشاورون الحريم ويسوون العكس ...خخخخخخخ

يمكن عشان يثبت حق نفسه انه .... سي سيد :dance

[الحياة الخالدة]

الدز من المز وال...... من العافيه ..

حيا مرخا تستحي من الديج وتجابل الفرخا ..

صخنا الماي وطار الديج ...

حشره مع الناس عيد..

من راح بليا عزيمه رقد بليا لحاف ..

كلن يقرب الضو صوب قرصه ..

من قام عن خبزه احترق ..

هذا سيفوه وهذي خلاقينه ...

مكسوره وتبرد..

لي طريت الجلب برز له عصا ..

ولدي على كتفي وادورة ..

من سبق لبق ..

ابوي مايقدر الا على امي ..

من طق طبله قال انا قبله ..

انا ربيت ولغيري صفيت ..

سيل مايبلك مايهمك..

المال مال ابونا والقوم يطلبونا ..

الشيفه شيفه والمعاني ضعيفه..

الطول طول نخله والعقل عقل صخله ..

تموت الديايه وعينها عالسبوس ..

تاكل اكل الحوت والحال مسحوت :eek3:


للبحر له ناس لفيحه .. يعرفون التوح من اليره
موب كل من تاح سريحه .. قال هذا خيط وبيّره

وايد احب هالبيت ..

شاور مرتك واعصاها .. :court:

لاتصيح على ابوك لين مات ..صيح على عصر اليمعه لين فات ..

هذا مافي جعبتي لليوم ..


أمثالج نفس الأمثال اللي تنقال في بيتنا .. :whistling:

انا حاسة اني أعرفج ..
انتي يا اما من الأهل .. أو من نفس الفريج ( سابقاً ) .. :D

تحياتي لكِ ..

[الاجتماعي]

الله يرحمه والدك ويرحم أبوي و أمي

الله يرحمهم رحمة واسعة ويجمعج معاهم في الفردوس الاعلى ..

[الدمعه]

أمثالج نفس الأمثال اللي تنقال في بيتنا .. :whistling:

انا حاسة اني أعرفج ..
انتي يا اما من الأهل .. أو من نفس الفريج ( سابقاً ) .. :d

تحياتي لكِ ..


ربيت في فريج ال.... ر :d اكملي الفراغ .. واجب

تشرفني معرفتج سواء كنتي من الاهل او لا ..

[الحياة الخالدة]

ربيت في فريج ال.... ر :d اكملي الفراغ .. واجب

تشرفني معرفتج سواء كنتي من الاهل او لا ..


ههههههههههه
اي خلاص ثبتت الرؤية

لي الشرف يا بنت العم ...

[الدمعه]

ههههههههههه
اي خلاص ثبتت الرؤية

لي الشرف يا بنت العم ...


هههههههههههههه لا بكون بنت العمه خخخخخخخخخخ


حتى تثبت عدل ...

[الاجتماعي]

ربيت في فريج ال.... ر :d اكملي الفراغ .. واجب

تشرفني معرفتج سواء كنتي من الاهل او لا ..

ال.......ر
يمكن الزبارة :strong

[الدمعه]

ال.......ر
يمكن الزبارة :strong

يجوز :court:

[الحياة الخالدة]

^^^^^^^^^

:whistling:

خل احط كم مثل لا يقولون قلبتوها تعارف .. :threaten:

الchيســـة ( الكيســـة ) تعيب على المنخـــــل

بتير بتير كلنا بتران

لين نجيت انا و ناقتي .. ما علي من رباعتي

ما مات الا بحلق عينه

ما طاح الا انبطـــــح

ما حصلت حق من صلى و صام .. بتحصل حق من .. و قام ..

و لين تذكرت شي بضيفه ..

[الحياة الخالدة]

ال.......ر
يمكن الزبارة :strong


هههههههههه

على قولتهم .. اشدخــــــل :d

[الاجتماعي]

هههههههههه

على قولتهم .. اشدخــــــل :d

انرد للامثال :threaten:
1/ ما تكبر الا السماده
2/ حتى المتوت نعمة الله
3/ الوصاية ما اترد الابل

[الحياة الخالدة]

و نرد للأمثـــــــال .. :whistling:

نوخذاوين ( يعني نواخذة اثنين ) طبعــــــوا مركب
الضرس لامنه رقل .. من جلعته لا بد
كلب الوزير .. وزير كلاب ( الله يعزكم )
الحمار ( الله يعزكم ) لين شبع .. رافــــس
الطرار يطـــره .. و الفار ييره ( يجــــره )
وين رايحة يا طنازة .. قالت رايحة أتطنز
لو الماي يروب .... ( فلانة ) تتــــــوب
يجمعها العصفور في سنة .. و ياكلها الجمل في لقمـــــــة

و لي عودة بإذن الله كلما تذكرت أمثال زيادة ..

[الدمعه]

يصير حزاوي فيها امثال وحكم .. والا نحتاج موضوع خاص ..

اذا يصير عندي حزاوي مغبره ..:d

[Doha Sun]

خلص رصيدي ..

[الاجتماعي]

يصير حزاوي فيها امثال وحكم .. والا نحتاج موضوع خاص ..

اذا يصير عندي حزاوي مغبره ..:d

ايصير ايصير :o

[الاجتماعي]

و نرد للأمثـــــــال .. :whistling:

نوخذاوين ( يعني نواخذة اثنين ) طبعــــــوا مركب
الضرس لامنه رقل .. من جلعته لا بد
كلب الوزير .. وزير كلاب ( الله يعزكم )
الحمار ( الله يعزكم ) لين شبع .. رافــــس
الطرار يطـــره .. و الفار ييره ( يجــــره )
وين رايحة يا طنازة .. قالت رايحة أتطنز
لو الماي يروب .... ( فلانة ) تتــــــوب
يجمعها العصفور في سنة .. و ياكلها الجمل في لقمـــــــة

و لي عودة بإذن الله كلما تذكرت أمثال زيادة ..
وكلب الشيخ ( اعزكم الله ) .....

[الحياة الخالدة]

ايصير ايصير :o


هههههههههه

احلوت القعــــدة ..
يبيلها قهوة و تمـــــــــر ..

فكرة ممتازة يا بنت العــــــم ..

بس أتوقع و الله أعلم ينقلون الموضوع للاستراحة ..
أنا اقول و الله أعلـــــــــم .. :whistling:

[الاجتماعي]

خلص رصيدي ..

هاذول سلف ( حق الرصيد )
العين ما تعلى الحاجب
ماايحك جلدك الا ظفرفك
يا ادهينه لا تنكتين
لا تنفخ في جربه مبطوطة

[Doha Sun]

عبيت الرصيد ..
قال انفخ يا شريم قال مامن برطم

[الاجتماعي]

عبيت الرصيد ..
قال انفخ يا شريم قال مامن برطم

يا امأذن في الخرابة .. لا لك صلاة ولا دين

[Doha Sun]

ابعد اللحم عن اللحم لا يخيس

[Doha Sun]

لا تحسبان يا .... لين تقبضان

[الحياة الخالدة]

قالوا ما من إيــــــدام .. قال قشــــــــود ..

يا من يقول لي وش بك .. خلاني و ابتلش بك ..

[بنQATARت]

من بعيد جنه سعيد...ولي قرب جنه يرب (جرب)

عط الخباز خبزه لو كل نصة

بان الكبر يايبر (جبر)

من كبـّر اللقمه غصّ

[الاجتماعي]

من بعيد جنه سعيد...ولي قرب جنه يرب (جرب)

عط الخباز خبزه لو كل نصة

بان الكبر يايبر (جبر)

من كبـّر اللقمه غصّ

عجبني هذا المثل (( بان الكبر يا يبر )) وننتظر منك المزيد .
تحياتي

[Doha Sun]

المرض يجيك من راس الجبل والعافية تجيك من خرم الابرة

[Doha Sun]

بنتن صبرت خير الريايل خذت

[الاجتماعي]

بنتن صبرت خير الريايل خذت

يعطيك العافية doha sun على اثراء الموضوع
تحياتي

[QATAR2011]

مشكووورين على هالموضوع ،، الله يطول عمر الوالد كل أول الشهر
" اليمل يمل الكروي والمشعاب من السدره"

اليمل = الجمل
يمل = جمل

[الدمعه]

الحزايه الاولى .. 1

من كلثميات ..

السلوق

صلوا على نبيكم الهادي محمد/عليه أفضل الصلاة والسلام ماجانا وجاكم


الا امرأة تعيش معها أمها وأم زوجها في البيت ذات يوم أحضر

زوجها «سلوقة»- والسلوقة هو التمر اليابس-

ووضعها في فم أمه وهي ليس لها أسنان وأخذت الأم تقلب السلوقة في فمها عدة مرات

ولفترة طويلة وبعد أن أصبحت لينة أخذتها الزوجة من فم أم زوجها ووضعتها في فم

أمها ولم تستغرق كثيراً في فمها وسرعان ما أكلتها..

قالت أم الزوج: «يابسة ما لينوها ويوم لانت كلوها».

وأصبحت هذه الجملة مثلاً يضرب لمن يحصل على الشيء الجاهز بعد تعب غيره.

ودمتم سالمين ..:shy:

[Doha Sun]

اما حبى ولا دبى
يا جدة نادي جدتك

[الاجتماعي]

الحزايه الاولى .. 1

من كلثميات ..

السلوق

صلوا على نبيكم الهادي محمد/عليه أفضل الصلاة والسلام ماجانا وجاكم


الا امرأة تعيش معها أمها وأم زوجها في البيت ذات يوم أحضر

زوجها «سلوقة»- والسلوقة هو التمر اليابس-

ووضعها في فم أمه وهي ليس لها أسنان وأخذت الأم تقلب السلوقة في فمها عدة مرات

ولفترة طويلة وبعد أن أصبحت لينة أخذتها الزوجة من فم أم زوجها ووضعتها في فم

أمها ولم تستغرق كثيراً في فمها وسرعان ما أكلتها..

قالت أم الزوج: «يابسة ما لينوها ويوم لانت كلوها».

وأصبحت هذه الجملة مثلاً يضرب لمن يحصل على الشيء الجاهز بعد تعب غيره.

ودمتم سالمين ..:shy:

جميل صراحة ... تحياتي

[مضاربه]

صام وفطر على بصله
لو درت اميمتي بويع ضريساتي كان جهزت لي كفيناتي اظن جذي

[الاجتماعي]

صام وفطر على بصله
لو درت اميمتي بويع ضريساتي كان جهزت لي كفيناتي اظن جذي

تراث جميل
تحياتي