الوطني -الغرافه والعميل المسكين

[MAZEN37]

السلام عليكم والرحمه
موقف اتمنى احد من مسؤلين البنك يعرفه
رحت اليوم بنك قطر الوطني فرع الغرافه
اول مره ادش هالفرع المهم الجو حاار الظهر مالقيت باركنج المهم وقفت فوق الرصيف خذيت عليها مخالفه ممنوع الوقوف ,موقع الفرع في محطة البترول خلف الجوازات الي صار يوم دشيت البنك وبما اني اول مره ادش البنك ومادري شلون طريقتهم سئلت الاستقبال (موظفه وموظف) وين اخوي يودعون الشيكات المقاصه قالي على الصندوق خذ رقم خذت رقم ورجعتله ياخي انت متأكد شيك بحطه بحسابي وراويته الشيك انه الصندوق المكان قالي اي اي
رحت جلست والبنك زحمه مووت والموظفات قاعدين على اقل من مهلهم بالشغل ولا كأنه فيه مراجعين البنك عفسه ويسولفون ويه بعض ولا علبالهم المهم الله طولك يا رووح جا دوري بعد 45 دقيقه
تفضلي اختي شيك بودعه شافت الشيك بعدين قالت وهي تسولف مع الي حذاها السيستم عطلان روح فرع ثاني او مرنا بكره
وكل هذا ببرود اعصاب شرايكم
ضيعت فوق الساعه من وقتي بالحر واخرتها مرنا بكره
هل يعقل يا بنك قطر الوطني ؟لهدرجه الاستهتار بالعملاء - في ناس كبار وحريم
انا ابي اعرف شفايدة الاستقبال شيسوون على الاقل يقول حق الناس من بداية دخوله البنك انه السيستم عطلان بدال ما يضيع وقته بالانتظار واخرتها مخالفة مرور
والله حرام

[D0ha]

مع وافر التقدير والاحترام والتبجيل لوقتك اللي ضيعته سواء كان داخل قاعة البنك أو وانت تكتب لنا اللي صار..
المفروض وأنت تتسائل عن السبب في هذا الهدر للوقت تكتب شكوى, تطالب المسؤل عن الفرع, تتحدث مع شخص يستطيع حل هذه المشكله....هنا لايستطيع من كان ان يحل هذه المشكله سوى كتابة ردود لا تكفي ولا تغني من جوع..
هذا ردي ولك منى شكر واتمنى سعة صدرك تتحمل كلماتي

[D0ha]

على فكرة مافي مسكين....المسكين اللي ما يطالب بأقل حق
ما اطلع من الفرع- لو النظام الهرمي للبنك بأكمله عطلان موب السيستم بس- قبل لا انهي معاملتي.

[فارس الكلمة]

هل العطل جاء عند قدوم دورك .. أم أنه معطل عند حضورك للبنك ..؟

[أبو عبدالعزيز]

وأنا أشهد بأنه اسوأ فرع للوطني دخلته
ونفس الشيء يتعلق الأمر بالموظفين قصدي نفسية الموظفات تحديداً..
أعني هذا الفرع الجديد أما الأول اللي شمال مواقف الجوازات فكان راقي مقارنة بهذا.

[MAZEN37]

على فكرة مافي مسكين....المسكين اللي ما يطالب بأقل حق
ما اطلع من الفرع- لو النظام الهرمي للبنك بأكمله عطلان موب السيستم بس- قبل لا انهي معاملتي.
مشاركتي هذه للافاده للجميع وما هي تضييع وقت مثل ما قلت لانك ببساطه اعطيت حل واقتراح بمشاركتك القيمه هذه
وبالنسبه للعطل بالسيستم من الصبح اخوي
يعني عندهم خبر من الصبح

[CH Engineer]

اذا تقدر تثبت انك تضررت من هالشي تقدر تشتكي عليهم
بس المخالفة/ هم مب مسؤلين عن مخالفتك للقانون خارج البنك!!

ع العموم الله يعينك