مواد تشطيب وديكور من الصين ...... رحلتي من 14 - 29 الشهر

[فواز1976]

السلام عليكم ورحمه الله

انا انشاء الله رايح للصين برحله عمل لاستيراد مواد تشطيب وديكور وممكن اثاث من الصين .... والرحله راح تكون من يوم 14 June الى 29 من نفس الشهر

فاذا احد له رغبه باستيراد مواد تشطيب من هناك ممكن اخدمه

انا راح استورد انشاء الله

رخام - جرانيت - سيراميك - حجرتلبيس خارجي - موزييك - مغاسل - ممكن اناره - ابواب - واثاث - ورخام مزخرف (رخام فني قص وترجيت)

الي جاد انا ممكن ارسل له صور عينات موجوده عندي راح اجيب زيها واضيف عليها من الي عندهم

تحياتي للجميع

[المخباط]

ممكن ترسل لي على الخاص
الاضاءة والاثاث

[La Bella]

ممكن صور
وبالنسبة للأبواب شلون المقاسات تضمنها ؟؟

[Miss Merna]

اخوي ممكن صور من الحجر وشنو نوعة والابواب وشلون المقاسات

[miss Aigner]

اخوي انا بعد ابي اشوف الصور وابي صور حق الحجر الخارجي والابواب

[KhalidQ]

ودي اخاويك من منها اتعرف عليك و مهنا اتعلم حتى لو ما شريت

[almaf1a]

ياريت تعطينا انطباعك وتجربتك هناك بعد العوده

[saryalia4u]

صور الاثاث لو سمحت ان عجبني شي راح اشتري

[أم شيوخ]

الصور لو سمحت كلها على الخاص بس بدون الابواب والرخام والسيراميك والجرانيت

[hassan51]

ممكن ترسلي صور اثاث لغرف الجلوس والاستقبال

[فواز1976]

انشاء الله راح ارسل لكم الصور على الخاص

بس طلب للاخوان هو تحديد النوع .... مثلاً الي يسأل عن اثاث يفضل تحديد الموديل المرغوب هل هو كلاسيك مودرن - هل هو جلد ولا قماش ..... هذا بالاضافه لعدد الاطقم المطلوبه
وترى على فكره انا راسلت مصنع اثاث عندهم بحيث يصنعوا لي كنب متصل, الي يسموه جلسات مغربيه وحصلت سعره مغري على الجوده الي موضحينها بس عندهم اهم شي الكميه. فاذا في احد عنده رغبه في هذا النوع من الجلسات ممكن اطلب له.

الابواب: طبعاً فيه مقاسات ستاندرد عندهم مثلا 48*830*2050 ملم ... بس ممكن طلب اي مقاس ثاني. كما انه بالاستطاعه طلب الابواب مصبوغه او غير مصبوغه على حسب الرغبه

الاخ خالد يشرفني التعرف عليك وانا انشاء الله رحلتي من الرياض الى جوانزو ومنها الى عده مدن اخرى

الى كل الي طلبوا مني صور ارجوا ارسال ايميلهم على الخاص لاتمكن من ارسال الصور الموجوده والتواصل معهم اذا امكن وانا بالصين. ارجوا تحديد المنتجات والكميات المطلوبه بالتقريب.

تحياتي للجميع وبالتوفيق

[فواز1976]

ماني عارف ايش مشكلتي مع تنزيل الصور كل ما اضغط اضافه صوره يطلب وضع رابط الصوره وما يتيح لي اضافة الصوره من كمبيوتري مباشره

اذا في احد يعرف كيف احل هذي المشكله ارجوا الإفادة

وشكراً

[همي رضى ربي]

اخوي بغيت جلسات كنب مودرن وكلاسيك للمجلس وبغيت سماعات تنحط مثل سبورلايت في الجبس حق القران وياريت ترسل لي على الخاص

[همسـات]

بالتوفيق
بس ما اقدر ارسل رساله خاصة :(
\لازم 50 مشاركة

[hassan51]

تقدر لو سمحت ترويني صور الجلسات المغربية اللي عندهم

[فواز1976]

هم ماعندهم جلسات مغربيه ...... بس انا ارسلت لهم صور الجلسات ووافقوا انهم يعملوها بس بشرط يكون الطلب كميه

انت كم متر طولي تقريباً الجلسه الي تبيها ..... او كم مقاس مجلسك

[بوراشد77]

ممكن ترسل الصور ع الخاص لاهنت

[hassan51]

اخوي مجلسي طوله [ 6 متر و60 سم ] وعرضه [4 متر و40 سم ] وابغيها على شكل حرف u يعني زاويتين ، تقريباً كم بيكلفني لحد باب البيت

[fahadq]

ممكن ترسلى الصور والطريقة فى الشراء وكيفية التواصل وشكرا للك .

[هـــوس]

انا ودي بالـ Sofa الطولية
والسجادة اللي كانها فيها شعر صوف طالع بس تكون بيضاء
ويعطيك العافية

[هارودز]

اي شي طرش لنا

[فواز1976]

اعتذر من الاخوان الي طالبين طقم واحد كنب ولا طقمين ...... الاثاث يكون حق البيت كامل ولا مجموعه من الاطقم ما تقل عن 5 عشان تسوى الطلبيه والتعب الي يتبعها

لكن الي يبي يشطب ويبغى ارضيات كامله لبيته واطقم صحيه واثاث راح تصير الشغله مجديه ويطلع كونتينر كامل باسمه

تحياتي وبالتوفيق

[saryalia4u]

ماوصلني شي اخوي ياليت صور الاثاث

[فواز1976]

ابشر اخوي ..... انا كان المفروض تنزل على موقعي بالنت بس الرجال ماخلص شغله ....... بس انشاء الله بالقريب العاجل راح احطهم لك بملف واحد وارسلهم

العذر والسموحه

[بنـ ابوها ـت]

ممكن صور لاي غرض من هناك

[eve ~]

ممكن صور الاثااث فقط

[راعي الاصفر]

صور كنب وثريات ماعليك امر

[فواز1976]

للاخوه والاخوات الي طالبين صور انا اواجهه مشكله في تحميل الصور في المنتدى وحتى اذا حاولت ارسل رساله خاصه ما اقدر احمل معها الصور ...

ارجوا الافاده

او بحاول انزلكم الصور على صفحه بالفيسبوك اسهل

[أم شيوخ]

ممكن صورة الاثاث؟