مخفي السيارة والحر ؟؟

[الرايــق]

السلام عليكم

اليوم رحت أركب مخفي على الجامة الخلفية (الشنطة) وتفاجأت ان ولا محل رضى يركبلي بحجة ان المرور معمم عليهم بهالفترة انهم ما يركبون مخفي على الجامات الامامية او الخلفية ّ!!

كل واحد يقولي ممنوع شسااالفة وليش هالتشديد في هالحر يالمرور ؟؟

[$$FIRST CLA]

ركبلك عازل ابرك حتى لو ركبت 100 % جدام و الشنطه يرضى واجفه افضل من المخفي

[Rashid554]

مرتين ركبت المخفي بس كان بالخش

المره الاولى كانت في حوش البيت
المره الثانيه ورى المحل في منطقه بر
زيده واعتقد يوافقون ولاتروح المحلات في الشوارع الرئيسية والمعروفه شوفلك المحلات الصغيره

[ضحية البورصة]

والله يا اخوي حتى العازل ما سوى شي اليوم الحراره في الموتر اليوم 47 والمكيف فل ،،
يعني لو يسمحون بالمخفي هل كم شهر بس

[aljaber1]

الله يسامح القائمين على تطبيق القانون
يعني المواطن ممنوع عليه وحلال على سيارات الشرطه
اليس الاولى تطبيق القانون على سيارات الخويا قبل المواطن
قالوا تحجب الرؤية وتسبب حوادث!!
لو يقدرون يحاسبوا سيارات كروه الي يحجبون الزجاج الخلفي بالدعايات

[بوخالد911]

هلا

حطوا عازل
30%


وأموركم طيبة

[Mili]

انا حاط 10% Titanum ومن اشغل السيارة دقايق وتصير باردة ومب لازم المكيف يكون على اقوى شي الا فالبداية
بعدين يقل من حبة الى 4 حبات!

[الـقـاسـي]

انا هالايام اداوم على سياره مخفي كامل والله ياجماعه فرق السما من الارض من اول ماركب السياره تكون بارده دقيقه بالكثير الا المكيف يكون اوكي وماتكون حاره نفس السياره بدون مخفي كامل واسوقها حتى فالليل عادي مافي اي مشكله من ناحيه الرويه ..

خل يسمحون للناس في الصيف بس

[Al Capone]

ناس تخرب على ناس
اذكر سنة من السنين يوم اسمحوا بالمخفي في الصيف من ثاني يوم او ثالث يوم صار حادث دهس مرة قاطعه الشارع وتوفت الله يرحمها ويغفرلها وغير الحوادث اللي صارت والتلفلف على خلق الله لان مايشوفون عدل واذا سألهم شرطي المرور قالوا بكل غباء (والله المخفي ثقيل ماشوف وفي الليل مانتبهت)!!! عجبي من هالنوعيه
يعني الحين شاللي حادك تركب 100% وفوق هذا في ناس تحط دبل مخفي ولا صار ماصار قالك والله المخفي ثقيل مايبين في الليل وخصوصا بعض الشوارع اللي انوارها الله بالخير اعتقد هالنوعيه فيهم عقده نفسية يبون يركبون مخفي لمجرد تركيب مخفي بس وماخذينها ديكور اكثر من حمايه

لو التزموا الناس في ذيك السنه وحطوا درجة معقولة 30 او 40 كان شفنا المرور يصرح في بداية كل صيف بالسماح للمخفي من تاريخ كذا لتاريخ كذا .
هذا سبب والسبب الثاني لدواعي امنية <<<<<<< هزلت

[ajaj48]

مشكورررررررررررررررررررررررررررر

[بوحسن 779]

ما لك الا تصبر ولا جهز فلوسك حق المخلفات

[بوحارب]

اخوي خذ الهندي البيت وقوله ركبلي داخل البيت وامورك طيبة

طبعا قوله ابي اركب مخفي حق جامة البيت ولين يوصل فاجئة بالكارثه هههههههههه

[حسن]

من يركب مخفي الحين الله يهداك ركبلك عازل هو خاص للحراره

[بوسلمان 2010]

المخفي 10 % مسموح قدام والزجاج الخلفي ركب 100 % عادي والصراحه ناس وايد مصخوها كلش


يركبون مخفي كامل واسود ولا يبين شي داخل وهذا طبعا مخالف واذكر مره صرحو حق المخفي والله ماتم حد



ماركب مخفي وكله ثقيل ولا يبين شي داخل السياره وانا عن نفسي المخفي في حدود المسموح به هذا قرار


صحيح 100 % مع احترامي للجميع

[chillis]

العازل 35 % ويالله يبرد :(

[الرويـس]

المخفي حالة وقتية وما ابي اوصفها بالنفسية عشان لا يختلط الامر لدى البعض
يعني اذا تغاضيت عنه اتصور ماراح يشغلك ..
فدرجة تحمل الشمس مقدور عليها بمراحل لان الشخص ما يتواجد في السيارة لفترة طويلة ( وقت الذروة) ..

بببساطة محد يدور الظهر .. الا اذا مسافر :(

[محمد]

ياريال ما ينلامون .. اسمحوا عشان الناس تبرد على نفسها بهالحر ما تم "بزر" ما ضرب موتره مخفي كامل حركات يهالوه صراحة محد مخرب علينا الا هالنوعية الي 24 ساعة تحوم حول الاند .. الله يعينا عليهم

[محمد]

على فكرة العازل 20% يكفي و يوفي وهذا عن تجربة شخصية انا مركب 20% على الموتر كامل من النهدي وماشي زي الاشطة و الفرق واضح من احط يدي على باب الموتر من داخل و افتح الدريشه شوي وووووووووو فرق والله .. الله يجيرنا من حرارة نار الاخرة يارب

[عذب الكلام 1]

عازل حراري وفك عمرك 30% وامورك طيبه وضمان ولا تخالف وغرامه

[نبض الخفوق]

والله عازل البحريني حلو وذلك عن تجربة حقيقة

[فهد111]

ياريال ما ينلامون .. اسمحوا عشان الناس تبرد على نفسها بهالحر ما تم "بزر" ما ضرب موتره مخفي كامل حركات يهالوه صراحة محد مخرب علينا الا هالنوعية الي 24 ساعة تحوم حول الاند .. الله يعينا عليهم

:rolleyes2:

[القمه]

اتفق معكم على الآراء والمخفي في صيف خاصه
نداء عاجل إلى وزارة الداخليه ،،يرجى الإفراج عن المجني عليهم
وسماح لهم بالمخفي فقط في فترت صيف ويرجع الحبس في فترة الشتاء
رادار والتائشيرات ونقل الكفالات وغيرها من دخل ضرائب تغني عن المخفي
والله الموفق

[الوسيط العقاري]

الشعب يريد تركيب المخفي

الشعب يريد تركيب المخفي

الشعب يريد تركيب المخفي

[وطن]

اخوي المخفي الأسود يزيد الحراره لانه اسود ويمتص الاشعه بزياده


أنا مركبه 0% عازل حراري من تيتانيوم والحراره اوكى
اول ما اركب السياره بس انزل الجامات شوي عشان يطلع الهوى الحار اللي فيها واحرك وارفعهم
والمكيف يصير باااااااااااااااااااارد ماشاء الله
اتضايق منه وابعده عن ويهي من برودته

اهم شي لا تخلي دفع الهوى حده لان ما بيبرد بسرعه

[Qatar-Qa]

انه عن نفسي مركب 30% جونسون على كامل السياره , ماشالله روووعه ويعزل الحراره
والحين عندي اياه من من تقرببا سنه ونص
ومريت على اكثر من ثبوت وعمره محد كلمني وقال شله