استفسار عن مشروع سفريات

[VIP-QATAR]

السلام عليكم

اخواني بغيت رايكم عن فتح مكتب سفريات وعندي بعض الاستفسارات
1-الاجراءات المطلوبة للرخصة
2-راس المال المتوقع للمشروع
واذا حد عنده فكره جديده ومب موجوده في قطر ممكن يفيدني فيها
وفي انتظار اراءكم

[سبورت]

الله يوفقك

في طريقتين
الطريقة الاولى انك تكون اياتا وبي اس بي ,, يعني تامينات تقريبا بمليون ونص وهذي الطريقة محتاجه راس مال قوي لنه التصدير راح يكون من الياتا داركت واي تاخير راح يوقف حسابك .

والطريقة الثانية انك تصدر تذاكرك من مكتب كبير في الدولة .. تتعامل معاهم .. اذا في شي راسلني على الخاص بفيدك

[VIP-QATAR]

شكرا اخوي سبورت على المشاركة وممكن تفيدني اي افضل من الطريقتين
يعني هل الفايدة تستاهل عشان استخدم الطريقة الاولى ؟

[dahr]

اخوي يبيلك 4او 5 مليون في السوق غير الضمانات المطلوبة اذا عندك راس مال اتوكل على الله

[سبورت]

قبل كل شي لازم معارفك يكوونون اوكي عشان يمشي المحل

انا بفيدك اذا تبي شي معين

[n.a.w]

اخوي الطريقة الاولى للي تكون فيها وكيل للاياتا مباشرة افضل لكنها مكلفه لابد من وضع 100 الف دولار امريكي في حسابك والحين سمعت انهم زادو المبلغ الى مليون ريال
االطريقة الاولي برحك فيها 7% من قيمة كل تذكرة وهي مباشرة انت للي تتحمل قيمة التذكرة لين مايدفعون لك الزبائن لانه ممكن للي يحجز عندك شركات او مؤسسات ويكون الدفع عند طريق حولات او في اوقات معينه
الطريقة الثانية هي انك تاخذ التذاكر من المكاتب للي موجودين في قطر وعندهم وكالة من الاياتا وربحك في التذكرة الوحده 2% من قيمة كل تذكرة
الطريقة الثالثه انك تكون وكيل لشركات الطيران نفسها ولكن تحتاج منك ان تدفع لكل طيران 60 الف ريال وهي مختلف من طياران لطيران اخر
مكاتب السفريات لاتعتمد فقط على التذاكر بل تعتمد الان على حجز الفنادق
وحجز او يجار السيارات
يعني يشتغلون على اكثر من امر لتوفير ربح
طبعا لو كنت وكيل اياتا بيكون ربحك اعلى وافضل لكن تحتاج لك من بين ميلون الى 2 مليون في الحساب
من غير رواتب وايجار مكان وسعر نظام التشغيل
دخل مكاتب السفريات ممتاز تقدر تقول لكن يعتمد على العلاقات والمواسم الخاصه بالسفريات
في قطر تقريبا 149 مكتب سفريات تقريبا 49 مكتب هم للي يعملون بنظام الاياتا فقط لكن يشغلون نفسهم بالطريقة الثانية حجز الفنادق وايجار السيارات وهذا يوفر عليك اكثر واشوفه افضل لك في المرحله الاولى اشتغل على ضغير وبعدها كون وكيل اياتا بعد ماتكون لك اسم وعلاقات لانك لاتنسى راح تودع ايضا مبلغ 200 الف عن تأسيس المكتب لدى الطيار المدني هذي علمية اجبارية لكن المبلغ يتم لك لكن لابد من ايداعه في حساب المكتب
اسأل الله لك كل النجاح والتوفيق يارب واشوفك من اكبر التجار يارب
وهذا للي نبية لعيال بلادنا الدخول في التجارة والتعب عليها
واي استفسار حاذرين يالطيب
والسلام عليكم

[VIP-QATAR]

جزاك الله خير اخوي n.a.w
معلوماات مهمة وانا ناوي ابتدي خطوة خطوة لين ماافهم الشغل عدل
بس متخوف شوي انا احاول في هالفترة اجمع كل المعلموات اللي ممكن تفيدني
وبعدها يعمل الله اللي فيه خير
شكرا مره ثانيه

[strong woman]

الله يوفقكم يا سواعد قطر,,فرحت يوم شفت ردود الاخوه جزاهم الله خير وحرصهم لأفاده أخوهم السائل

[albadawi1]

بالتوفيق أخوي ،أنا بعد أفكر في مكتب السفر والسياحة

[قلبى طيب]

عليك بالصبر وشوف السوق اشلون