تــحــقــيـــق هــيــئـــة الــتـــعــــلـيــــم كــشــف الـــحـــقــــائـــــــق!!

[السليطي86]

هذا التحقيق هو الرد غير المباشر على جريدة الوطن والذي لم يتم توجيهه للجهة ذات العلاقة (جريدة الوطن) , لكن التحقيق تم مع سبع معلمات ومنسق واحد فقط وهذا لا يمثل رأي الأغلبية , وتم مقارنة نصاب المعلم في قطر (16 حصة , 55دقيقة للحصة) في الأسبوع بالنسبة للحصص مع نصاب معلمين في بعض دول العالم , وهذه المقارنة غير متكافئة لأن النظام في قطر نظام المستقلة (فاشل) والمدرس في قطر عليه أعداد المنهج لأنه غير جاهز , وأنظمة الدول التي تم المقارنة بها (سنغافورة , اليابان , بريطانيا , ألمانيا) أنظمتها ناجحة والمناهج جاهزة وظهور ثمار نجاحها منذ التأسيس , وكذلك تمت المقارنة مع نظام الوزارة السابق وهذه مقارنة غير متكافئة كذلك لأن النظام السابق منهج موحد و زمن الحصة أقل , وفي الأخير قالو

(المعلم القطري مرتاح!!)


والتفاصيل في جريدة الوطن 2/6/2011م


لكن في نظركم...

هل المعلم القطري مرتاح؟
هل المعلم القطري ماخذ حقه بالكامل؟
هل هذا التحقيق نقطة بداية ناجحة أم مجرد إجراءات عادية؟
هل سياسات هيئة التعليم ناجحة؟

[برق لمع]

فاشل وبكل المقاييس
مابي اتكلم اكثر ويرتفع ضغطي

[حسن]

اتمني من االاعضاء اللي يشتغلون في التدريس يردون بكل شفافيه ومصداقيه اترك لكم المايك

[out]

للاسف فاشل والنظام هو سبب استقالتي من وزارة التربية والالتحاق بجهة عمل اخرى

الله يكون بعون المدرسين والمدرسات وعيالنا بالذات والله

[تحداني]

كل ما جمعنا شتات الفشل .. قالوا لنا هناك الكثير من الأمل
ويجب ان تنجح تجربه التعليم لمرحله جديده

قلنا لهم دفعنا ثمنا غالياً
اجابونا كل تجربه لكي تنجح علينا ان نعيد التجارب عليها

قلنا لهم الى الآن لم تشبع نفسكم الجبانه من مشاهده تلك الأجيال التي كرهت التعليم
وابادوها من ذاكرتهم ..

اجابونا تحلوا بالصبر



ليه كل ما حاولنا ننسى تذكرونا :(


لاحول ولا قوه الا بالله العلي العظيم


جملك الله برضى الرحمن

[بوحارب]

الكل يتذمر من التعليم ماعاد المرتزقه ههههههههههه

[بوخالد911]

قالوووها : ما في أحد مرتاح

:)

[الجاهر]

بسم الله الرحمن الرحيم

ارجو من الاخوان والاخوات يقولون لي الاشياء الايجابيه الي في المدارس المستقلة ما ابي اي شي سلبي لانه كل الناس تقول الاشياء السلبيه انا ابي اعرف الاشياء الايجابيه حتى لو كانت واحد في الميه

[تحداني]

بسم الله الرحمن الرحيم

ارجو من الاخوان والاخوات يقولون لي الاشياء الايجابيه الي في المدارس المستقلة ما ابي اي شي سلبي لانه كل الناس تقول الاشياء السلبيه انا ابي اعرف الاشياء الايجابيه حتى لو كانت واحد في الميه



الشي الوحيد الإيجابي " مكيفاتهم بارده وايد " وهاذي واحد من الميه

جملك الله برضى الرحمن

[بوفهد 5555]

اقسم بالله انه فااااااااااااااااااااااااااااااااااااااااااااااااا ااااااااااااااااااااااااااااشل

[Dawn]

هل المعلم القطري مرتاح؟

لا والله مهب مرتاح ... وانا ما احلف الا متأكده 100% ان كلامي صح .... وعلى فكره يتعب اكثر من المدرس الامريكي وعندي 2 امريكيات يؤكدون هالشي ... تكفي بس قعدة المدرس بعد الدوام ناس وصلوا بيوتهم الساعه 11 بالليل وهم يجهزون لحفلات وخرابيط مالها معنى ولا تفيد التعليم بشي ... والله لو الاجانب ما سووها بلا مقابل مادي لكن القطري بيسوي هالشي واكثر وهو يضحك :(

هل المعلم القطري ماخذ حقه بالكامل؟

:) مسكين يالمعلم من سنين وهم يوعدونه بتعديل وضعه ... يكفي انه ما يترقى مثل الناس ..
وجات الطامة الكبرى يوم فرقوا بين المدرسين واحد تابع للوزاره وعنده رقم وظيفي وله علاوات قانون الموارد ،،، والثاني مسكين عقد مباشر مع صاحب الترخيص وهذا ياحرام ماعنده لارقم وظيفي ولا له حق يتكلم في اي حق من حقوقه الماديه ولا الوظيفيه ... لدرجة ان سنوات خبرته ممكن تروح عليه اذا المدير ما كان راضي على استقالته ..

هل هذا التحقيق نقطة بداية ناجحة أم مجرد إجراءات عادية؟

والله نتمنى انه ما يكون استعراض او تمثيليه ويشوفون المسؤولين حل ،،، لان محد تم صراحه وانا عن نفسي طلعت وفي نفس السنه حتى مديرتنا قدمت استقالتها وواااااايد من صديقاتي طلعوا قبلي وبعدي وفيه اللي للحين موجودين ويفكرون يطلعون ...

هل سياسات هيئة التعليم ناجحة؟[/quote]

هاه ؟؟ ناجحه ؟؟؟ هذا سؤال تهكمي صح ؟؟ ... اذا المجلس الاعلى يعترف في بعض الاحيان بالقصور ،، وتكفي بس استقالات المسؤولين بالذات اللي في الموارد البشريه ( لاحساسهم بالتقصير ربما او احساسهم بالذنب يمكن ؟؟ ) ويكفي عدد المحالين للبند والتقاعد والفائض كدليل على انها فاشله فاشله فاشله للمعلم ،،،، وتكفي فضيحة التغشيش في الاختبارات الوطنيه على انها فاشله للمتعلم وتكفي شكاوي وطني الحبيب والجرايد على انعا فاشله لاوليا الامور ...

وتكفي النسب المتدنيه للطلاب وتعثرهم في بداية الطريق في الدراسه الجامعيه على انها فاشله بكل المقاييس ولم تحقق هدفها بل زادت العاطلين عن العمل والغير راغبين حتى باكمال دراستهم الجامعيه .. نسبة خريجي الجامعه هي المؤشر الحقيقي لنجاح سياسات التعليم وقارن بين النسبه في السابق والنسبه الحاليه وانت تعرف انها سياسات فاشله ....

[تحداني]

قالوووها : ما في أحد مرتاح

:)



لا يا اخووي بوخالد 911 في احد مرتاح " حلوه هالاغنيه "
اعيالهم يا اخوي في مدارس راقيه في التفكير وراقيه في المخرجات وراقيه حتى في اساليب التعليم .. اعيالهم يا طويل العمر في مدارس لو احلم انا وتحلم انت ما نلقى عندهم مقعد
اعيالنا حتى لو عباقره راح تقول لنا هالمدارس " مافي سيت "
لان احفاد احفادهم امأجرين هالمقاعد لهم


في احد مرتاح
الي رجله وايده وانت ابكرامه مو في هالنار والوجع


خلني ساكته لا اروح في ستين داهيه .. وما يتحقق حلمي اكون وزيره التعليم :(
بنفجر من القهر


جملك الله برضى الرحمن

[بوفهد 5555]

بسم الله الرحمن الرحيم

ارجو من الاخوان والاخوات يقولون لي الاشياء الايجابيه الي في المدارس المستقلة ما ابي اي شي سلبي لانه كل الناس تقول الاشياء السلبيه انا ابي اعرف الاشياء الايجابيه حتى لو كانت واحد في الميه

الشي الايجابي الوحيد ان اليهال ينجحون بدون تعب بدون علم ويطلع دلوع :fight:

[السليطي86]

بسم الله الرحمن الرحيم

ارجو من الاخوان والاخوات يقولون لي الاشياء الايجابيه الي في المدارس المستقلة ما ابي اي شي سلبي لانه كل الناس تقول الاشياء السلبيه انا ابي اعرف الاشياء الايجابيه حتى لو كانت واحد في الميه

اخوي الجاهر صبحك الله بالخير

من وجهة نظري أغلب الأشياء في المدارس المستقلة سلبية للمعلم والمعلمة

لكن في شيء واحد إيجابي وتختلف نسبة نجاحة وفي بعض المدراس معدومة

والتي هي الأخذ بنشاط الطالب ومشاركاته وقوة تحصيله العلمي والأدبي بنسبة أكبر من المدارس الحكومية السابقة على نظام الوزارة , وهذا الشيء تختلف نسبته من مدرسة الى أخرى وفي نفس الوقت طغت السلبيات على المدارس المستقلة ونظامها بالنسبة للطلاب والمدرسين.

[برق لمع]

بصراحة الايجابيات خارج نطاق التعليم والمناهج مثلاً:
- المدارس مغطاه بالكامل في الصيف والشتاء
- التعامل مع التلاميذ بشكل افضل والاستماع لمتطلباتهم ..
- اشراك اولياء الامور في بعض قرارات المدرسة واخذها بعين الاعتبار ..
-وسائل التعليم ومحاولة التطبيق العملي في بعض الدروس كربط الدرس مثلا برحلة معينة للمحافظة على تركز المعلومات في ذهن الطالب ...
-التواصل بين المدرسة واولياء الامور مجهود يشكر عليه...
هذا للامانة ،،،

[أم حمد]

سمعت من مصدر موثوق مقرب من الاسرة الحاكمة بأن


راح ترجع وزارة التربيه والتعليم


بس مش متااكده 100%

[الفاخر]

من ضمن الحسنات الباصات مكيفه

[Dawn]

سمعت من مصدر موثوق مقرب من الاسرة الحاكمة بأن


راح ترجع وزارة التربيه والتعليم


بس مش متااكده 100%


ما منها فايده اذا بتتغير بالاسم فقط

[برق لمع]

الشي الايجابي الوحيد ان اليهال ينجحون بدون تعب بدون علم ويطلع دلوع :fight:

الله يسامحك بس
والله تعبنا وبذلنا جهد جبار في تدريس عيالنا واخوانا وانت تقول بدون تعب
لا يسمعونك المجلس الاعلى بس ويصعبون المواد ،،، ماشاء الله هم على الريحة
كفاية كفاية الوقت اللي نقضيه بس عشان نترجم من اللغة الانجليزية الى اللغة العربية عشان يفهم الطالب خاصة مصطلحات العلوم والرياضيات
ماعتقد في رجل قطري يمسك عياله ويدرسهم وقت الامتحان ،، لكن لو بيلعب الريان مادري السد بيروحون الملعب وبيحرصون على مشاهدة المباراة
مساكين حريم قطر والله انهم يستاهلون كل الشكر والتقدير ،،،،
قال ما نتعب قااال

[umabdulla77]

فاشل وهذا اللي خلاني اهج بعد 4 سنوات جحيم معاهم كرهونا بالشغل والتدريس وطاري المدارس

وجفت لي شغل في وزارة ثانية والحمدلله ربي وفقني

[السليطي86]

الله يسامحك بس
والله تعبنا وبذلنا جهد جبار في تدريس عيالنا واخوانا وانت تقول بدون تعب
لا يسمعونك المجلس الاعلى بس ويصعبون المواد ،،، ماشاء الله هم على الريحة
كفاية كفاية الوقت اللي نقضيه بس عشان نترجم من اللغة الانجليزية الى اللغة العربية عشان يفهم الطالب خاصة مصطلحات العلوم والرياضيات
ماعتقد في رجل قطري يمسك عياله ويدرسهم وقت الامتحان ،، لكن لو بيلعب الريان مادري السد بيروحون الملعب وبيحرصون على مشاهدة المباراة
مساكين حريم قطر والله انهم يستاهلون كل الشكر والتقدير ،،،،
قال ما نتعب قااال

اختي برق لمع

الصراحه من الي سمعته والي شفته بعيني والي قرأته اوجه لكل مدرس ومدرسة في قطر كل التحية وخالص امتناني لهم على الجهود الي أغلبيتهم يبذلونها من أجل التعليم في قطر ونهضة شباب قطر وبناتها , والحق ينقال في الجهود الي تبذلونها وانا شاهد على ذلك (ماقصرتو وكفو).

لكن من ناحية أن مافي رجل قطري يهتم في عياله وحريص على تعليمهم وعلى تأسيسهم بشكل سليم , اختلف معاج اختي لأن يمكن الي تواجهينهم أو الي سمعتي عنهم أباء مالهم صلة بأبناهم والي سمعتي عنهم ليس بمقياس لتوجيه تهمة الى رجال قطر بالتقصير , بل بالعكس في نسبة كبيرة من رجال قطر حريصين كل الحرص على بناتهم وعلى أبنائهم ليكون منهم الأطباء والمدرسين والعلماء أن شاء الله , وعلى هذا الأساس حالياً موجودين في المجتمع القطري والحمدلله منهم كثير الأطباء والمتعلمين والمهندسين والمستشارين والمثقفين.

[الـخـالـدي]

سمعت من مصدر موثوق مقرب من الاسرة الحاكمة بأن


راح ترجع وزارة التربيه والتعليم


بس مش متااكده 100%

الله يسمع منج .. الكل يتمنى هذا الشي ويدعو فيه :weeping:

[قطرية فذة]

انا طلعت من التدريس ولأسباب منها عدم احترام المعلم

زمانه راح خلاص

مارضيت للإمتهان واستقلت والحمد لله اعمل في مجال اخر مختلف تماماً عن التدريس

الحقيقه الحياه كمعلم ممتازه لانك حينما تعطي تفكر في الغرس وتفرح بالثمار

لكن منذ ان بدت معالم المجلس الاعلى بدت ظهور نزاعات وانانيات من قبل المدراء

اسلوب اراه في عيني بالرغم من علمهم وشهاداتهم " سوقي "

ليس بترتيب ولا تهذيب ولا اسلوب في التعامل ولا باالاخلاق

الحمد لله البلاد فيها مدرسات فيهم خير لكن السلبيه في التعامل معهن يفشل للأسف

عموماً

اللي نحاتيه الحين عيالنا في المدارس

يصلح الله الحال هذا اللي نسأل الله فيه

وفقكم الرحمن

[f111242]

سمعت من مصدر موثوق مقرب من الاسرة الحاكمة بأن


راح ترجع وزارة التربيه والتعليم


بس مش متااكده 100%

يااااااااااااااااااااااااااااااااااااااااااااااااا اااااااااااااااااارب الله يسمع منج

[التيما]

يا شين المجلس الأعلى لمن يغرد وعباله محد يدري بالخزعبلات اللي يقولها .. لا ويتمنن عاد اننا قدرناكم يالمدرسين .. أقول مالت بس لو عندكم شفافية كان كشفتوا المستخبي في هالجدول ..

أولا المدرس في بعض هالدول الحصة عنده 30 دقيقة واحنا 55 دقيقه بحسبة بسيطة يالمجلس المتخلف احنا بحسبة العالم اللي تقارن فيها ناخذ نصاب حوالي لو دبلناها 16 + 16 = 32 حصة .. يالله بنشيل خمس دقايق من كل حصة بيصيرون 30 حصة .. هاي اولا

ثانيا يالمجلس الخيبة .. ياريت تروحون قبل ما تتفلسفون وتعرضون علينا نصاب المدرسين مالت عليكم وتشوفون وظيفة المعلم هناك وشهي يا مال العافية !! يدخل الحصة يشرح وبس تفهمون وشو بسسسسسسسسس ؟؟؟؟ ولا نفهمكم ياها ..
يعني مب مثلنا نسوي شغل المدرس والضابط والاخصائي والنائب والناطور والعاملات !! يجيهم التحضير والخطط وكل شي جاهز .. ولا هاي بعد ماتدرون عنه حسبي الله عليكم .. وهاي ثانيا لا بارك الله في خبثكم ..

وثالثا .. الجو هناك والمحيط والرواتب هناك تتناسب مع حجم العمل .. لكن احنا هني على هالحر والتدريس الرواتب زفت مثل وجيهكم .. وهاي ثالثا ..

رابعا .. روحوا شوفوا نوعية التعليم هناك شلون أول عقب تعالوا تبطحوا وتسدحوا علينا بكلامكم السخيف عن النصاب .. وهاي رابعا

بالعربي .. لا تفكرون انكم تخاطبون معلمين مايدرون بالطبخة ولا بالتعليم في الخارج يا جهلة التعليم .. انتوا سوو نفس اليابان ولا سنغفورة وعقب تعالوا غردوا بصوتكم النشاز ..

وياريتكم بس مرة بس مرة تتكلمون قدامنا كمدرسين ومدرسات عن هالأمور مو قدام الصحافة عشان بس نرد على هالأمور اللي انتوا تبون تبينون فيها للعالم انكم مراعيينا وفي الأخير انتوا أخبث مما يتصورون .. واتحدى علنا .. انكم تسوون لقاء بينا كمدرسين ومدرسات ومعاكم ومع صباح ومع التقييم والتعليم ونشوف من الصاج ومن الكذاب هاي لو عندكم جرأة !! وانا مليار % متأكدة أنكم أجبن من أنكم توافقون على التحدي ..

قال نصاب قال .. والله محد نصَاب الا انتوا ..

[التيما]

بسم الله الرحمن الرحيم

ارجو من الاخوان والاخوات يقولون لي الاشياء الايجابيه الي في المدارس المستقلة ما ابي اي شي سلبي لانه كل الناس تقول الاشياء السلبيه انا ابي اعرف الاشياء الايجابيه حتى لو كانت واحد في الميه

عشان أكون أمينة أمام الله من الايجابيات في هالنظام الفاشل :
1- النجاح دايما.. وأنا احب هالطريقة لانه من الأساس الطلاب ماينجحون ببلاش مثل مايقول البعض بس ان الطالب يمتحن تقييم مستمر ونشاط وسلوك ومشاريع حرام يسقط .

2- الرحلات أصبحت أكثر سهولة ولا تقدر المديرة تقولك لا ومادري وشو وانا ماحب الرحلات .

3- الإمكانيات المادية الضخمة اللي وفرتها الدولة للمدارس لو تبي ايش ما كان يتوفر دام يخدم التعليم عندك .

4- تقييم المدرس أًصبح مكشوف لان انضحك علينا قبل المديرة تقول الموجهة ما عطتج امتياز والموجهة العكس تقول المديرة واحنا في الطوشة ..

[المهـندي]

سمعت من مصدر موثوق مقرب من الاسرة الحاكمة بأن


راح ترجع وزارة التربيه والتعليم


بس مش متااكده 100%

الله يسمع منج اختي