خدمه عملاء كيوتل

[Dear All]

السلام عليكم ورحمه الله وبركاته
اخواني شوفوا الخدمه هذي شركه اتصالات فذمتكم اذا تبي تكلم موظف الخدمه مايرد عليك انا خذيت صورة لاتصالي وصكرت وعاده ماردوا علي

ما اقول الا لاحول ولا قوة الا بالله

تذكرت شركات في دول مجاورة عادة من اول رنه عادهي ماكملت الرنه الا رد على موظف الخدمه ويرحب ويتكلم بكل طيب

وحنا عندنا من عرفنا الاتصالات نعرف كيوتل وهذي خدمتها ما تغيرت
خدمه تلتيه العملاء
عطوني رايكم

[البدع]

المشكلة انك اتصلت وقت الذروة

انا اتصل في اوقات خارج الذروة ويردون علي بسرعة

[Me&OnLy]

اخوي من صجك اتكلم؟ بس عشر دقايق انا لو ردو علي خلال عشر دقايق اسوي كرنفال في البيت واسوي حفله بدون كيك لانه اقل شي اربعين او نص ساعه خصوصا في الاوقات المتأخره تحصل الموظف مهمل عمله وجالس عالتلفزيون او البلاك بيري يسولف واحنا في قائمة الانتظار ومايقهرني الا اذا شفت اعلانهم لنتواصل!!!!!

[Me&OnLy]

المشكلة انك اتصلت وقت الذروة

انا اتصل في اوقات خارج الذروة ويردون علي بسرعة



عجزانه كيوتل تحط 90 موظف عالبداله على ثلاث مراحل في اليوم وتوزعهم على عدة خدمات ؟؟؟

[ثابت]

لا حول ولا قوة الا بالله

في دورة اسمها customer service skills
انصح كيوتل تعطيها موظفينها والله دورة جيدة وتفيد وايد

[محمد]

سؤال برا الموضوع :$ .. شنو البرنامج الي تستخدمه في تصوير شاشة الايفون ؟

[الرويـس]

^
جواب براالموضوع
تضغط الزر المدور اللي تحت الشاشة واتم ضاغط عليه وبعدين تضغط زر الاقفال اللي فوق

[تمنيت]

اخوي متصل على الساعه 11 وشي يعني 12 الظهر اكيد بيكون في ضغط ولازم تصبرون

بعد حتى اللي يشتغلون بشر ترى :rolleyes2: ما يصلي ؟ مايرتاح دقايق

خدمات التلفون في اوقات يكون عليها ضغط كبير واكيد يصير في تأخير لان في قائمه طويله ع الويتنق

انا صادف اتصلت اكثر من مره ويردون على طول

[الرويـس]

انا مع راي اخوي تمنيت

في أوقات يكون فيها الضغط على الكول سنتر كبير وبالتالي يشتغل نظام الويتنغ لست وتسمع رسالة مفادها ( أن رقمك في قائمة الانتظار هو : تسعة) مثلا .. وحتى مرات ما تنطر ذاك الوقت اللي يشير عليه الدور ويستقبلون المكالمة بشكل أسرع .. > على اعتبار ان بعض اللي ماسكين الدور قبلك ممكن يسكرون الخط ..

وعلى العكس من ذلك في الاوقات العادية من باقي اليوم تكون الخدمة ماشيه بشكل جيد ومافي عليها لوم .. وطبعا الوقت يختلف فو أوقات ما تكون المشكلة عامة او منتشرة مثل يوم ما الانترنت صارت فيه مشاكل بسبب الكيابل البحرية ، فالعالم قامت تتصل بغرض الاستفسار ، فطبيعي تتولد (زحمة) وللزحمة أحكامها ..


فبسطوا الأمور ..

[Dear All]

اشكر ااخوان الي ردو ومرورهم العطر

وقت الذروة وقت غير الذروه

هذي اعذار مالها داعي

شركه كبيرة مثل كيوتل تعذر بوقت الذروه

شفو شركات الدول المجاورة وتعداد سكانها مايقارن بقطر ولا مشتركينها والرد في نفس الثانيه

هذا الي يقهر حطو وقت ذروه وقت غير الذروة
يزودون الموظفين الله لا يهنهم في وقت الذرة بتفلس الشركه يعني

وقت الذروه هو الوقت الي اكثر الناس محتاج للاستفسار

[الرويـس]

طيب بعطيك حل ثاني وان شاء الله يكون حل مناسب

في برنامج تنزله عندك اعتقد اسمه دليل قطر .. وعن طريقة تقدر تحصل الرقم اللي تبيه
انا سمعت عنه بس ما جربته .. أو بالاحرى نزلته مره وما جربته ..

ان شاء الله يكون حل لفيما بعد ..

[Dear All]

طيب بعطيك حل ثاني وان شاء الله يكون حل مناسب

في برنامج تنزله عندك اعتقد اسمه دليل قطر .. وعن طريقة تقدر تحصل الرقم اللي تبيه
انا سمعت عنه بس ما جربته .. أو بالاحرى نزلته مره وما جربته ..

ان شاء الله يكون حل لفيما بعد ..

مشكور ياخوي على الحل بس انا اتكلم بوجه عام على كيوتل
ليه تحط خدمه مهي قدها

[eXpert*]

رضـــى الناس غاية لا تـــدرك .