كم مرة صار معاك -معاج هالموقف ؟

[بوراشد82]

السلام عليكم ورحمة الله وبركاته

كيف حالكم جميعا ان شاء الله طيبين ..

ماطول عليكم الموضوع من عنوانه ..

كم مرة شريت من مكان او دفعت لأجل سلعة كاش ورجعتلك الخردة .. هل شيكت على الباقي اذا صحيح ولا لا .. وحتى لو صحيح .. شيك على الخردة نفسها واجزم انك بتحصل نقود مشقوقه او مهترئه او مرقعة ولا ملزقه وغالبا بنسبه 10000000000% مدسوسة في نص الخردة او اخرها وخصوصا بنسبه 100000000000000000000 % اذا كان البائع من جنسية اسيوية .. !!!!

ليش لان احنا طيبين ما نشيك ولا مستعجلين ولا نقبل هالنقود المنتفه لكن هم مايقبلونها فا يصرفونها في حلوجكم بما انكم ماتشيكون ..

ولا اطلب ردود على موضوعي او اجابة بس الي اطلبه .. ان شيك على الخردة وشوف شبيصير معاك- معاج

تحياتي :)

[Doha Sun]

مهب طيبة كلش ..
انطره على الكاشير واعد الفلوس واشيك اذا كانت عدلة ولا فيها شي !!
مهب هم اللي يقصون علي واحاججهم على الربع والنص

[المحقق كونان]

انا اشيك

[قطرية فذة]

أشيك حتى على السعر قبل لا اشتريه

من الاشياء اللي حصلتها قطعه تشبه الفوطه اللي تنحط تحت الصحون طولها تقريباً نص ذراع

وحده كاتبينها 136 والثانيه نفسيها نفسها 36

بقول بالغلط بس كم وحده ؟

يعني لو ماشفت السعر كان دفعت 100 زياده لهم

هذا موقف واحد

وصح كلامك مراجعه الفاتوره

عادي روح البيت وراجع

[السهم الشمالي]

أخي الفاضل
أنا مرة صار معاي موقف مع الكاشير وهو يحسب الخبز إنفتح الكيس وكان يبي يربطه ويعطيني إياه قلت له جيب غيره ولاخليته وحتى لو فيه مع الخردة شي مهتري ولاغيرة ألزمه يبدله ومرة من المرات كنت في كارفور وفي دوري احط الأغراض على سير الكاشير دشت وحدة من وراي باكستانية وأنا كنت آخذ الأغراض من الجاري وكانت تبي تحاسب لأن عندها شي بسيط في يدها وعاد الكاشير ماحاسبني ولا قال لها شي وهو يطالعني أول مانتبهت لها وعلى طول أقوله نو نو وطلعت الله لايحيها ولو كنت ماعطه فرصه كان حاسبها ولا عمل لي إعتبار وبعد كلمته وقلت له لو كانت إستاذنت كان ماعندي مشكلة وبعدين أكدت عليه بأنه هو المفروض يردها .

[ســـارة]

\

دائما ً أدقق في كل فاتورة .. لكن الجمعيات ومراكز التسوق في الأغلب لايعطون نقودا ً ممزقة ..

\


تقديري لك ...

[راسي براسك]

ماكنت أراجع الفواتير الا بعد تجارب أمي معاها ,,
صرت أشيك على الفاتوره
وحتى النص ماأقبل يعطوني بديل عنه !
وحتى لو حصل أي شي
ماأتعامل مع البياعه
أطلب المدير على طوول

[هبوب الكوس]

اتصدق انا لا اشيك على الخرده ولا حتى البنك

ينقص يزيد ولا اسأل على البركة

بس البنك اضمنه لان اسلامي

[مهل]

بصراحه يتكرر هذا الموقف .. و الغلط منا لاننا مانشيك عدل

فيه حل ممتاز لهذه المشكله اذا مانتبهت و اكتشفت لاحقا انهم عطوك فلوش غير مقبوله التداول .

الله لايهينك اقرب صندوق تبرعات و هو بيتصرفون

[القمه]

مواقف كثيره ومتضاربه ومتشابهه ببعضها البعض وترجع الاسباب
عدم رقابه وعدم المتابعه بمتعلقات الاستكر على السلع المدروجه للبيع
سواء الجمعيات او المجمعات تجاريه وبما يتعلق برد المبالغ بالفعل تحصل
كثير وفي عدت دول وليسى فقط معنا وواجهتنا الكثير