كم عدد القطريات اللي وظفوهم في مستشفى الوكرة ؟؟؟؟؟

[موضي قطر]

انا طرحت الموضوع لأني اعرف كم وحده مقدمين للعمل في مستشفى الوكره اتفاجأ من كم يوم اسألهم عن التوطيف يقولون ماخذونا خذوا في الغالب مقيمات عربيات ( مواليد قطر من غير ذكر الجنسية ) وبعض القطريات وحالياً المقيمات يداومون في مستشفى حمد تدريب !!!

انا استغربت بعضهم عندها دورات وتجيد الانجليزي تحدث وكتابه وعندهم شخصية ممتازة

على فكره اعرف وحده ثقة مرت اخوها واختها بعد مقدمين على نفس المكان وهم ماخذوهم وعندهم دورات ومجتازينها بامتياز ولغة انجليزية من المعهد البريطاني وصار لهم سنة ونص وبعضهم اكثر من سنتين يدورون وظايف

و من سكان الوكره :(

[STAR]

المستشفى اليديد قصدج؟ والا المركز الصحي التعبان؟

[ahsees]

السلام عليكم

هم دايم كذا يخلون عيال البلد ويوظفون لاجانب .. الله يرحمنا برحمته

[بصمة قطرية]

الله يكون بالعون ..
مش المفروض عيال البلد أولى من غيرهم بالوظايف ..؟؟؟

مستشفى الوكرة لحد الحين مافي عدد كافي من الأطباء ..!!؟؟؟

[السيف5]

توظيف الاجانب صار هو القاعدة

والقطري هو الاستثناء --------

هذا حالنا اليوم

[[vip]]

الكوادر القطريه الجيده مصيرها البند المركزي


أنا خاطري اعرف شي يوم يستعينون بالأجانب هل رواتبهم الخياليه تعادل خبرتهم في مجال وظائفهم وهل هم افضل من القطريين ابناء البلد


ماقول الا عجباً لهاكذا مسؤليين

[طبيب قطري]

السلام عليكم

هم دايم كذا يخلون عيال البلد ويوظفون لاجانب .. الله يرحمنا برحمته

والله معكم حق الظاهر ان هذا هو العرف السائد في مؤسسة حمد .. اضطهاد للكوادر القطريه _ لو تسمع عن مشكلة الدكتوره نيله المسند في قسم الطب النفسي راح تستغرب من مدى الاضطهاد الي تتعرض له_ وغيرها من الطبيبات القطريات والاطباء الي يتعرضون كل يوم لمضايقات في مكان العمل ولما يشتكون يتم اسكاتهم وتجاهل شكواهم ولا حياة لمن تنادي في هذا القسم..
شنو العمل صج ماادري..

[^NoOOoR^]

القطرية إذا تم تعيينها في أي مستشفى تابع لمؤسسة حمد فهي تحارب من كل الأطراف ..خاصة إذا كانت مسؤولتها غير قطرية .. فالأخيرة تحاول تطفيشها بأي طريقة أو نقلها لأي قسم غير القسم اللي فيه ..

كل هذا ليش ؟؟؟ الأخت خايفة على منصبها لا تاخذه القطرية بنت البلد ..
وكلامي هذا من واقع تجربة في أحد المستشفيات التابعة لمؤسسة حمد ..

[فرقة الصقور]

منا الى سعادة د. حنان الكواري

مدير عام مؤسسة حمد الطبية

[simsim1963]

منا الى سعادة د. حنان الكواري

مدير عام مؤسسة حمد الطبية

هنا مربط الفرس . يا عالم ثرى بلانا منا وفينا المشاكل زادت من استلمت حنان الكواري مدير مؤسسه حمد .

[طبيب قطري]

وما خفي كان اعظم والله المستعان..
على سبيل المثال: ليش مأجلين التحقيق ضد هذا الطبيب- الغير قطري- الي عليه شكوى اخلاقيه مشينه ؟!
ماادري لين متى بيتم الوضع كذا !!

[موضي قطر]

انا اقصد المستشفى الجديد المقيمات يتدربون الحين في حمد ويمكن خلصوا تدريب بالصدفة عرفت بعض هالمقيمات معرفه شخصية هذا غير القطريات اللي مقدمين وفيه وحده تقول وعلى كلامها انه في قطريات من غير سكان الوكرة ماعندهم مشكله يشتغلون لأنهم مب في موقف خيارات ويبون الشغل لا المواطنات اللي في الوكرة او قريب منها خذوهم ولا المواطنات في المناطق الثانية خذوهم
السؤال ليش ؟؟؟

[حيهور]

مايحتاج سؤال @

لانهم قطريات موب حق شغل

نظرة الغرب للشعب القطري للأسف

[قطري عصامي]

اللي ما يلاقي شغل اهنيه يروح مصر ، موفرين لهم مليون ونص وظيفه :ok:

[موضي قطر]

اللي ما يلاقي شغل اهنيه يروح مصر ، موفرين لهم مليون ونص وظيفه :ok:


وين نقدم الـ Cv :weeping:

[رشدان]

هنا مربط الفرس . يا عالم ثرى بلانا منا وفينا المشاكل زادت من استلمت حنان الكواري مدير مؤسسه حمد .

:nice:

[(بوطلال)]

طيب هل راجعت هل قابلت المسؤلين او بس خلاص ماقبلوها راحت بيتهم وتنظر نصيبها ؟ الشي الثاني هل عندها احصاء رسمي لعدد الممرضات لقطريات في المستشفى ام بس كلام قبلوا المقيمات ورفضوا المواطنات . ممكن توفيرن لنا هالتفاصيل من رفيقتج؟

[التيما]

الوكرة بالذات مخليين المستشفى حق بعض الجنسيات اللي للحين ما جاو من بلادهم من لبنان واليمن وليبيا وتونس وسوريا ينتظرونهم يجوون وبيحطونهم هناك وبتقولون التيما قالت ..

[chloe]

اللي يقهر ان كل واحد ماسك منصب ايوظف ربعه من جاليته والحين في المستشفى معظم الدكاترة من جنسية وحدة والقطرين معظمهم طلع من القوانين الصارمة وعدم الإنصاف لكن تأكدوا لو كان فيهم خير ماعافهم الطير وهم جايين هنيه بعقود خارجية وبدل تذاكر وسكن ودراسة الأولاد وغلاء معيشة عكس القطري اللي بس يستلم بدل سكن وماله تذاكر وين الدكتورة حنان الكواري بس حبيت اقول لها كلكم راع وكلكم مسؤول عن رعيته

[القحطاني505]

الكوادر القطرية محاربة في كل مجال فهي لا تُعطى أي فرصة للإبداع والإنتاج في مجال عملها

[موضي قطر]

طيب هل راجعت هل قابلت المسؤلين او بس خلاص ماقبلوها راحت بيتهم وتنظر نصيبها ؟ الشي الثاني هل عندها احصاء رسمي لعدد الممرضات لقطريات في المستشفى ام بس كلام قبلوا المقيمات ورفضوا المواطنات . ممكن توفيرن لنا هالتفاصيل من رفيقتج؟


بوطلال بالذمة وقابلت المسؤول عن التوظيف يعني بيفنش اللي وظفوهم وبيعين القطريات بدالهم كان من الأول ياخوي :(

والبنات القطريات اللي اعرفه ينطرون اماكن ثانية مقدمين فيها ومن بكره بيراجعون فيها والحين ماقدر اقولهم شي كل ماجيب طاري مستشفى الوكره يعصبون علي :anger1:

[شيخ الديرة]

مايحتاج سؤال @

لانهم قطريات موب حق شغل

نظرة الغرب للشعب القطري للأسف

هل هي نظرة خاطئة؟ ما هي الخطوات المطلوبة لتغيير هذه النظرة؟

[R 7 A L]

لو يومياً قاعدين قدام مكاتب شئون الموظفين بيوظفونهم
بس مشكلتنا نقدم وبعدها احنا ننتظر اذا قالوا على التلفون

[هبوب الكوس]

لان المقيمات ارخص من ناحية الراتب

[abn qatar]

اللي يقهر ان كل واحد ماسك منصب ايوظف ربعه من جاليته والحين في المستشفى معظم الدكاترة من جنسية وحدة والقطرين معظمهم طلع من القوانين الصارمة وعدم الإنصاف لكن تأكدوا لو كان فيهم خير ماعافهم الطير وهم جايين هنيه بعقود خارجية وبدل تذاكر وسكن ودراسة الأولاد وغلاء معيشة عكس القطري اللي بس يستلم بدل سكن وماله تذاكر وين الدكتورة حنان الكواري بس حبيت اقول لها كلكم راع وكلكم مسؤول عن رعيته

صح كلامك بس المشكله ليست من هذا الاجنبي المشكله في المسوولين لان

الاجبني مايوظف احد دون موافقه المسوولين

لو انت مدير شركه وطلعت قرار بتوظيف الاجانب بس تعتقد في احد بيوظف قطري

ويكسر كلامك ؟؟؟؟

[koketa]

اي تخصص تقصد؟

[طبيب قطري]

الكوادر القطرية محاربة في كل مجال فهي لا تُعطى أي فرصة للإبداع والإنتاج في مجال عملها
صح لسانك

[بوخالد2]

الله المستعان

[koketa]

أي تخصص تقصدون

لأن في تخصصات معينه وظايفها للتقطير

[GENIUS]

بصراحة بعد نقل قسم الأطفال من مركز الوكرة للمستشفى الجديد جربت التعامل معهم مرتين وكل مرة أتعوذ من الشيطان وأمسك أعصابي بسبب سوء الإدارة وإنعدام أي نظام أو خبرة لدى العاملين هناك. موظفين جدد ويتدربون فينا. وصفات ادوية تصرف خطأ. طابور على الإستقبال ومافي موظف يساعد غيره. تخبط في تلخبط. الله يعيننا عليهم.

[موضي قطر]

بصراحة بعد نقل قسم الأطفال من مركز الوكرة للمستشفى الجديد جربت التعامل معهم مرتين وكل مرة أتعوذ من الشيطان وأمسك أعصابي بسبب سوء الإدارة وإنعدام أي نظام أو خبرة لدى العاملين هناك. موظفين جدد ويتدربون فينا. وصفات ادوية تصرف خطأ. طابور على الإستقبال ومافي موظف يساعد غيره. تخبط في تلخبط. الله يعيننا عليهم.


الله المستعان ياخوي .. وتعوذ من ابليس :(

[قطر دزاين]

المفروض ولاه الامر يحاسبون اللي يفضلون الاجنبي على القطري الصراحة طفح الكيل القطري صار مهمش في كل شي والكل يشوته من صوب والمسؤلين ما يهمه غير مصلحتة واكبر دلليل هجره المميزين من مؤسسه حمد الطبيه وجلب فئه معينه من اهل العيون الضيقه مع الاسف صارت الوزارت للمصالح الشخصيه

يجب ان تضرب بيد من حديد من يقصر بحقوق القطري دام يوجد لديه الشهادات التي تثبت احقيته في استلام الوظيفه

الحين كل مقيم يجي يشتغل هنا ويجلب اهله بقدره قادر سبوع الى الزوجه متوظفه والقطري يتم بالسنوات لا يجد وظيفه وقرات الموضوع عن القطري الذي ينام بالمساجد ويبحث عن وظيفه حتى دريول سبحان الله كأن قطر ليست الى مرتع للاجانب يسرح ويمرح ويتوظف بل يتنقل بين الوظائف بكل سهول

اين ولاه الامر من ها المسؤلين لماذا لا يتم عرض احصائيه للتوظيف القطرين بكل الوزارات وعرضها على ولاه الامر كم قطري توظف وكم قطري احيل للبند المركزي هو بعز شبابه وتبدا المحاسبة للمقصرين في توظيف الاجانب ولماذا لا يكون فيه ضغط على القطاع الخاص الذي يخلوا من القطرين اليس هم اولى بخير بلادهم

هل الالف اللي احيلوا للبند المركزي كلهم ليسو بكفائه سبحان الله القطري صار منبوذ في بلاده
شلون يبون تطور في البلاد والقطرين مهمشين وليش فاتحين المدارس والمعاهد والجامعات اليس ليكون القطري مثقف ومتعلم ام ياخذ الشهاد ويجلس في البيت وياتي اجنبي سوى عربي او اروبي او امريكي او من شرق اسيا ويستلم الوظيفه براتب خيالي واغلبهم شهادات مزوره

والله العظيم انه شي يخلي القطري يطلع عن طوره

[FCB 123]

حسبي الله ونعم الوكيل فيهم

أعتقد إلي جالسين في لجنة التوظيف ............ قطري و خمسة اجانب ( طبعاُ القطري بس ديكور في اللجنة )

[بوخليفة83]

القطرية إذا تم تعيينها في أي مستشفى تابع لمؤسسة حمد فهي تحارب من كل الأطراف ..خاصة إذا كانت مسؤولتها غير قطرية .. فالأخيرة تحاول تطفيشها بأي طريقة أو نقلها لأي قسم غير القسم اللي فيه ..

كل هذا ليش ؟؟؟ الأخت خايفة على منصبها لا تاخذه القطرية بنت البلد ..
وكلامي هذا من واقع تجربة في أحد المستشفيات التابعة لمؤسسة حمد ..

:nice::nice::nice: