لوسمحتوا ممكن استقسار

[ماماز]

السلام عليكم
أنا حابه افتح محل بيع عصافير وطيور في سوق واقف
ممكن اعرف شلون اقدم على المحل وهل يوافقون يعطوني محل وشنو الاوراق المطلوبه لتقديم
وشلون اقدر استورد العصافير والطيور من خارج البلاد
الرجاء الرد على العام لأني جديده فالمنتدئ وماقدر ارد على الخاص
وكل الشكر لكم
للعلم عندي رخصه تجاريه صالون نسائي

[بايع بايع]

!!

اختي دام عندج رخصة صالون نصيحه افتحيلج صالون احسن بدل محل العصافير لان اللي فاتحين يتشكون من كثرة موت العصافير يعني يجيب خمسين عصفور 15 يموتون بسبب تغير الجو والاقفاص


ان شاء الله يفيدونج الاخوان

[Bu_Ahmed]

احب اضيف علي اخوى بايع بايع

محل العصافير راح يكون المستشفي البيطري لزيمج يعني على طول هناك للفحوصات سواء انتى او حد ثاني وبالذات في فتره الصيف

يعني بالعربي صدعه راس من قلب وسوقها يطيح بالصيف برخص التراب يعنى ماظن انج راح تستفيدين وايد

وانا اشوف ان الصالون النسائي اكثر دخل لو انبنى على اساس سليم

الموقع والاعلانات والمواد المستخدمه فيها والايدي العامله

هذي وجهه نظري

تقبلو مروري جالس بالدوام الليل وكافخني الملل :)

بواحمد

[قطري مفلس]

السلام عليكم
انا عندي رأي ثاني .... محل عصافير بس مو في سوق واقف ، اي مكان ثاني ويكون بجانب محلات تجارية مثل (الميرة .. سوبرماركت ، محلات متنوعة بجانب بعضها،اعتقد ان راح يمشي المحل ان شاء الله وخصوصا اذا كان نظيف لان اكثر هالمحلات للأسف ماتندش من ريحتها وترتيبها

والله يسهلك ان شاء الله

[ماماز]

الله يعطيكم العافيه وماقصرتوا

[ماماز]

السلام عليكم
انا عندي رأي ثاني .... محل عصافير بس مو في سوق واقف ، اي مكان ثاني ويكون بجانب محلات تجارية مثل (الميرة .. سوبرماركت ، محلات متنوعة بجانب بعضها،اعتقد ان راح يمشي المحل ان شاء الله وخصوصا اذا كان نظيف لان اكثر هالمحلات للأسف ماتندش من ريحتها وترتيبها

والله يسهلك ان شاء الله
بخصوص ردك حلو وتجاري بس ليش مفلس :secret::secret::secret:

[محمد الجفيري]

بالتوفيق اختي