صورة رقم (2)لعادات أهل قطرالأوليين بين الماضي والحاضر؟

[عاشق الشهادة]

السلام عليكم


اخواني خواتي خلونا نتذكر عادات اهل قطر الأوليين وخاصة بتربية الابناء (الذكور) وعادات وسنع الرجال الي تعلمناه منهم ,
وان شاء الله بين فترة وفترة سوف نسلط الضوء على العادات وتقاليد اهل قطر والله يرحم الحي والميت فيهم ,



واليوم بتكلم عن عاده اخذتها وتعلمتها من الوالد الله يحفظه ويطول ,

واذكر يوم كان عمري 5 او 6 سنوات كان يحذرني :anger1: من فتح الزرار العلوي وخاصة اذا كان عندنا رجال بالمجلس او اذا كنت خارج المنزل لزيارة او كنا بمكان عام
ويقول الي يفتح الزرار هذا مم رجال :omen2: ويعتبر الفعل هذا عيب ,

http://up.3ros.net/get-6-2011-nz5r8uu3.jpg (http://up.3ros.net)






ودوم كان يحثني ويذكرني يوم كنت صغير ان يكون الزرار مغلق
وخاصة اذا كانوا ضيوف عندنا او رايحين لناس او اذا احنا بمكان عام ,

http://up.3ros.net/get-6-2011-t6fdufav.jpg (http://up.3ros.net)



واترك لكم التعليق :nice: واترك الميكرفون للي بعدي :(

[sara jsm]

وين الميكروفون :telephone: اي صوب ,,

اول مرة ادري انها من العادات القديمة :)
عموما الاحلى والارتب يكون مسكر ازرته ,,
الا اذا طالع ولابس كاب يعني صاير ثوب على سبورتي :nice:

[بوخالد911]

تسلم يالغالي


وعساها عادة ما تنقطع

ملحوظة : صار الرجال يسكرون من فووق

والحريم يفتحوون !!!!!!!!!!!!


:(


تحياتي قبل ارسال مسجاتي

[التيما]

احاول مع ولدي يصك الزرار مايرضى يقول يخنقني مع انه مب ضيق :(
وفعلا تعتبر عيب عندنا انه يفتح الازرة وكانه يستهزأ بالضيوف ومايحترمهم ..

[بصمة قطرية]

فديتهم عيالي الله يحفظهم
اذا واحد منهم فاتح الزرر يقول له الثاني
جنك هيلقي سكر الزرار رتب عمرك
تعودوا ان هالشي مب زين ..
بالذات اذا جدام حد ..

[بوسعيد2]

الله المستعان

[عاشق الشهادة]

وين الميكروفون :telephone: اي صوب ,,

اول مرة ادري انها من العادات القديمة :)
عموما الاحلى والارتب يكون مسكر ازرته ,,
الا اذا طالع ولابس كاب يعني صاير ثوب على سبورتي :nice:




هههههههههههه اول مره تسمعين انها من العادات القديمه :( ماعندج عم خال اسئليهم وهم بيعلمونج اذا كان هذا الشي يعيب الولد او الشاب او لا :)

[عاشق الشهادة]

تسلم يالغالي


وعساها عادة ما تنقطع

ملحوظة : صار الرجال يسكرون من فووق

والحريم يفتحوون !!!!!!!!!!!!


:(


تحياتي قبل ارسال مسجاتي






ماتنقطع ان شاء الله مدام هذه الارض يوجد بها ارجال مثلك وشرواك

[عاشق الشهادة]

احاول مع ولدي يصك الزرار مايرضى يقول يخنقني مع انه مب ضيق :(
وفعلا تعتبر عيب عندنا انه يفتح الازرة وكانه يستهزأ بالضيوف ومايحترمهم ..




حاولي معاه باليين وصدقيني بيتعود على صك الزرار من نفسه اذا شاف الي معاه بالبيت وحواليه بيحاول ان يقلدهم ,
ربي يحفظه لكم ويطول بعمره اللهم آمين .

[عاشق الشهادة]

فديتهم عيالي الله يحفظهم
اذا واحد منهم فاتح الزرر يقول له الثاني
جنك هيلقي سكر الزرار رتب عمرك
تعودوا ان هالشي مب زين ..
بالذات اذا جدام حد ..




الله يحفظهم ويطول بعمارهم ان شاء الله ,
يعتبر عيب في حق والد الولد لان بنظر الغير انه ماعرف يربي ولده .

[عاشق الشهادة]

الله المستعان




بارك الله فيك

[زورق]

اشدخل العادات والتقاليد في انك تسكر الياقة او تفتحها والرجولة بس متوقفة على هالحركة يعني

[عاشق الشهادة]

اشدخل العادات والتقاليد في انك تسكر الياقة او تفتحها والرجولة بس متوقفة على هالحركة يعني




العضو زورق هذا الي اخذته وتعلمته من اجدادي ووالدي ان الي يفتح زرارة امام الناس او الضيوف انه مم رجال يعني نص ونص :omen2: وانت بامكانك تسئل شايب من شياب اهل قطر وهو بيعلمك اذا كان هذا الكلام صحيح او لا .

[سهم قطر]

صك الزرار صار من الرجولة ؟؟
وفتحة عيب ؟؟؟
واللي يفتحه معناتة ابوه ما رباه ؟؟؟
ومن العادات القطرية بعد ؟؟
شي غريب ؟؟؟؟؟؟؟؟
الصراحة قوووية

[عاشق الشهادة]

فك الزرار صار من الرجولة ؟؟
وفتحة عيب ؟؟؟
واللي يفتحه معناتة ابوه ما رباه ؟؟؟
ومن العادات القطرية بعد ؟؟
شي غريب ؟؟؟؟؟؟؟؟
الصراحة قوووية




انت اذا بتكلم عن وقتنا هذا لا ابشرك صار عادي فتح الزرار وصار اغلب الشباب القطري يطلع ببرمودا و ببنطلون خارج المنزل وغير هذا تحصل شباب بجلابياتهم يتمشون في احدى فروع الميرة :(,
ما اقول الله يرحم اجدادي واجدادك .