طلب نصيحه منكم يااهل الخير

[desert hunter]

السلام عليكم ورحمة الله

اخواني الكرام
اتمنى انكم بخير
وانا محتار في امر وبغيت نصيحتكم
انا الحمدلله شاب في مقتبل العمر
وفي لي نيه للزواج ان شاء الله لو الله يسر لي
ودعواتكم
ولكن انا توني شاب واريد العفاف
وحبيت اشتري شي للمستقبل
لعيالي ان شاء الله
ولكن فوجئت ان مقدر احصل بيت من
جهة العمل الي اعمل فيها لانها مو من ديوان الخدمه
وهاي اللي سمعته والله اعلم
فهل اشتري بيت عن طريق البنك ولا ماتنصحون
اتمنى نصيحة خبير واشكر كل من نصح
لانها قد تكون نصيحه تنفعني طول حياتي
الشكر لكم مقدما لانه قد يكون قرار مصيري
اخوكم في الله
g_man

[سحايب]

نصيحة اخت لاخوها
انا مجربه هذا الشي اخوي شاري بيت علشان يستقر عن طريق البنك والحين متلعوز معاه منيه سلفية زواج وسلفية بيت والحين ما يعف شو يسوي

وانا انصحك انك تشتري البيت كاش اذا انته عندك مقدره الحين في بيوت على 550 و 600 الف حاول تشتري منهم اذا تقدر

وهذي نصيحتي لك

[desert hunter]

سلام عليكم اختي
تسلمين وجزاج الله خير
وبصراحه لااملك اي شي
وكنت افكر عن طريق البنك
والله يعين اخوج ويصبره ووصيه بالثلث الاخير من الليل
وكنت اقول هالامر ممكن عشان الواحد يستقر
والله المستعان

وهل في بيوت ب 550 او 600 ؟؟ صعب احين نشوف بيت بهالسعر!!
ولو في اتمنى ذكره ناخذه عن طريق البنك ايضا
جزاكي الله خير وتسلمين على النصيحه اختي

اخوكي

[سحايب]

اخوي موجود واااحد في معيذر اذا بتاخذه موجود عند مكتب عقار اذا تبغيه بعطيك رقمه باجر ومساحته حلوه تقريبا 465

[سحايب]

وبعدين لو خذيته عن طريق البنك البنك لازم يقيم البيت ويعطيك السعر اللي يشوفه مناسب

[alkaabi]

هلا فيك اخوي

اعتقد اذا كنت قطري مالها علاقة جهة عملك

انت تستحق بيت

سواء كنت سنير او جنير

وتستحق قرض للبناء

كثير من القطريين شغالين في القطاع الخاص وعندهم بيوت من الدولة

ياليت توضح اكثر اخوي

[desert hunter]

سلام عليكم ورحمة الله
جزاكي الله خير اختي سحايب
وبارك الله فيكي وانا بناقش الامر وبشوف ان شاء الله

اخي الحبيب الكعبي
جزاك الله خير وتسلم
وان شاء الله لو الله كتب في ارض وقرض
لكن اخوي انا كنت اقول مثلا
ليما تطلع الارض والقرض
يعطوني بيت باجار من الحكومه
يعني بيت شعبي مدري والله اعلم
ووظيفتي يقولون مايصير لانها مو من ديوان الخدمه
اتمنى انك تساعدني وانا سالت وقالو مايعطون نفس الباقي
في انتظارك وجزاك الله خير

[بويوسف]

نعم اذا تعمل في شركة او هيئة تعتبر مستقلة عن الحكومة فينزل لك بدل سكن ولايحق لك سكن من ديوان الخدمة .. والله يعينك على الايجار اما شراء بيت فاذا توفر لك بيت بقيمة 500 الف او 600 الف فهذا ممتاز حتى لو تاخذ قرض بمبلغ 300 الف مثلا والباقي تدبره سواء من اسهم او من هنا وهناك

وبالتوفيق

[طاير]

ما دري .. اسمحوا لي على التدخل :)

اخوي اذا تبي مشروع لك ولعيالك .... فأنا أنصحك بالإستثمار الطويل في الأسهم وإنساها
صدقني يوم من الأيام بتلاقي لك هالأسهم سند لك بعد الله سبحانه وتعالى
انا عندي واحد من عيالي مخلي أسهمه إستثمار وناسيها لو أبيع كل أسهمي ما ابيع أسهمه ومخليها للزمن من يدري !

واذكر مره واحد ( يمكن تضحك علي :() بس والله كل مااتذكر احس بالغصه
هذا سواق تاكسي كان موصلني قبل خمس سنوات كذا من مكان لمكان
وقال لي انت متزوج ؟
قلت ايه وعندي بنت :)
قال لي ياولدي .. كان كبير في العمر ومن جنسيه عربيه ... خل لك شي في حسابك للزمن
والله ياولدي انا عندي ولدين وما قصرت في تربيتهم ولما شفناهم كبروا قلنا انا وأمهم لازم نفرح فيهم ونزوجهم عشان يستقرون
ودفعنا اللي ورانا واللي قدامنا لهم والحين بدل ما يقومون فينا
كل واحد استقل مع زوجته ببيت ولحد فيهم ايمرنا الا يمكن في الأسبوعين مره وزوجاتهم مايطيقونا
عشان كذا خل لك شي ينفعك