المساعد الشخصي الرقمي

مشاهدة النسخة كاملة : السوق الحره واسعار الشراء فيه (دعوه للنقاش) @@@



Qt.1
04-06-2011, 11:30 AM
طبعا كلنا نسافر وكلنا انمر على السوق الحره وانشوف البضايع المعروضه لكن ياترى بالنسبه للاسعار هل هي فعلا رخيصه!! كل شخص يكتب تجربته مع السوق الحره والاسعار الي شرى فيها , انا ببدى عن نفسي مره شريت ساعه ماركة aigner شريتها من باريس قاليري بـ 4300 تقريبا وحصلتها في السوق الحره بـ 3700 ريال شوفو الفرق مايقارب الـ 600 ريال , شريت لابتوب سوني قبل لاسافر بـ 3300 ريال وحصلته في السوق الحره تقريبا بـ 3800 ريال معناتها ان الاالكترونيات مب ارخيصه في السوق الحره الاا اغلى من برع طبعا اتكلم عن الاابتوب الي انا شريته , واذكر شريت عطور من الااندمارك وبينهم عطر dolce and gabbana شريته بـ 445 وحصلته في السوق الحره بـ 335 نقدر انقول الفرق وصل 100 ريال , والي عنده اي تجربه مثلي يذكرها ويذكر الااسعار خل انقارن .
:)

بوسعود180
04-06-2011, 11:36 AM
اللي انا اعرفه ان السلع اللي في الاسواق الحره معفيه من الجمارك ويمكن الضرائب مب متاكد لهذا السبب الاسعار بشكل عام ارخص

موضوع جميل

الخيالة
04-06-2011, 11:49 AM
العطورات والمكياج أرخص من برع اما باقي الأشياء لا يمكن نفس اسعارر برع او أغلي بشوي

Qt.1
04-06-2011, 12:59 PM
اللي انا اعرفه ان السلع اللي في الاسواق الحره معفيه من الجمارك ويمكن الضرائب مب متاكد لهذا السبب الاسعار بشكل عام ارخص

موضوع جميل

كلامك صحيح اخوي , ومرورك الاروع

Qt.1
04-06-2011, 01:00 PM
العطورات والمكياج أرخص من برع اما باقي الأشياء لا يمكن نفس اسعارر برع او أغلي بشوي

بالضبط اختي

Qt.1
05-06-2011, 01:59 PM
للرفع وبانتظار المزيد من تجارب الشراء لمعرفة الااسعار

Markato
05-06-2011, 02:05 PM
انا عن تجربتي ماقدر اقول اذا ارخص والا لا لاني استخدم الخصم اللي عندي في سوق الحره

مشتاقة لقطر
05-06-2011, 02:42 PM
ارخص بشي بسيط

البدع
05-06-2011, 03:23 PM
الفرق بين السوق الحرة وبين الي في المحلات هي ٥٪ ( كانت ٤٪)

المشكلة الرئيسية هي في المحلات

هي الي ترفع السعر

التيما
05-06-2011, 11:02 PM
انا جربت السوق الحرة في مطارات كثيرة وكلها بالنسبه للدوحة اقل بوايد فرق ١٠٠ واكثر خاصة مطار امستردام تنزيلات في المطار وين صارت ! والله تنزيلات شي خيالي .. ومطار ابوظبي انصح محد يشتري منه من تجربه شخصية وايد اغلى عن السوق اشكره عيني عينك اغلى خاصة العطور لمن كنت هناك انصدمت وماشريت لاني شفت سعر العطر في مطار الدوحة ولمن وصلت الدوحه خذته من مطارنا وكان صج فرق سعر ..

التيما
05-06-2011, 11:06 PM
انا عن تجربتي ماقدر اقول اذا ارخص والا لا لاني استخدم الخصم اللي عندي في سوق الحره

الخصم يصلح حق الناس اللي تسافر وايد لان له مده معينه .. انا كان عندي وما استفدت من دفتر الخصومات لاني ماسافر وايد

الخزرجي قطر
06-06-2011, 01:53 AM
عن تجربه اشتري العطورات من السوق الحره ارخص
الحين في عرض من بنك الدوحه تشتري من السوق الحره مطارالدوحه
ببطاقة الفيزا كارد يرجع لك البنك 25%من قيمة مشترياتك اعتقد هذا
العرض ساري لفتره محدوده للمسافرين والقادمين عليهم استغلال الفرصه
اذا حد من الاعضا عنده خبر اوتاكيد العرض او نفيه يبلغنا وشكرا