المساعد الشخصي الرقمي

مشاهدة النسخة كاملة : الكويت توقف تجنيس زوجة الكويتي


qtrose
04-06-2011, 11:35 AM
اليوم قريت خبر بجريدة عالم اليوم الألكترونيه وإهو عن توقيف تجنيس زوجة الكويتي وإصدار جواز سفر كويتي بعد الزواج على طول بدل التجنيس وتعامل معاملة الكويتيه ,, و إذا تم الطلاق بوجود أطفال إتم مثل حالها تعامل معاملة الكويتيه بشرط ماتتزوج غير كويتي وإذا صار هالشي ينسحب الجواز منها ...

وهذا رابط الخبر

http://www.alamalyawm.com/ArticleDetail.aspx?artid=136607

ها شرايكم بالخبر ؟؟؟؟

أنا بصراحه أشوفه منصف ولا في ظلم لزوجة الكويتي ومنها بعد اللي تتزوج عشان الجنسيه

تعيد حساباتها عدل ....


وهل تؤيدون هالقرار يتطبق عندنا ؟؟؟


منقول
Dawn
04-06-2011, 11:44 AM
لا اختي غير منصف لان الزوجه تتبع زوجها ... ولان ابناءها مواطنين .... يعني مب عدله كل افراد اسرتها تحصل على الخدمات مثل العلاج والتعليم على حساب الدوله وماعندها مشاكل في تجديد الجواز والبطاقه .. وهي بتدفع على كل الخدمات وبتروح السفاره على اي شي وسالفه ... احس انها اهانه للزوج المواطن ان تم استبعاد زوجته بهالاسلوب ..
الا اذا فيه طريقه تميزها عن باقي المقيمات هنا نقول قرارهم ايجابي ..

وعالعموم حلاة الثوب رقعته منه وفيه ..

يعطيج العافيه عالنقل
محمد
04-06-2011, 11:50 AM
هم ناقصين ، الاولى حل مشكلة البدون الي غالبيتهم عيال قبايل و عيال عرب !
الخبير العقاري
04-06-2011, 01:05 PM
أنا لا أؤيد الزواج من غير القطرية وإذا لزم الأمر خليجية.


اما بالنسبة للموضوع فالنظام الساري في قطر هو أفضل نظام في الخليج وهو لايحق للمتزوج من غير قطرية التقديم على طلب جنسية قطرية إلا بعد مضي سنتين من الزواج وإذا كان فيه اطفال بعد هذه الفترة فالزوجة تحصل على الجنسية القطرية أما إذا مافي أطفال تبقي على جنسيتها السابقة وهذا في وجهة نظري قرار سليم و100%
وارث العز
04-06-2011, 03:36 PM
النظام المعمول فيه في قطر أفظل .. يعني لو الزوجة ما اقامة في الدوحة اقامة فعلية متواصلة

مدة سنتين ما تاخذ الجنسية . لاكن تاخذ الجنسية من تاريخ الزواج اعتقد قرار غير صائب
Kuwaiti88
04-06-2011, 03:39 PM
النظام المعمول فيه في قطر أفظل .. يعني لو الزوجة ما اقامة في الدوحة اقامة فعلية متواصلة

مدة سنتين ما تاخذ الجنسية . لاكن تاخذ الجنسية من تاريخ الزواج اعتقد قرار غير صائب



الزوج الكويتي لا يمكن بأن يقدم طلب الجنسيه لزوجته غير الكويتية إلا بعد 5 سنوات إقامة

دائمه ...

وأبشرك ما تاخذ الماده الأولى في الجنسيه تلقاها خامسه ولا سابعه ...

يعني تفرق عن الكويتي المؤسس الأصلي اللي مكتوب بجنسيته وفقا للماده الأولى ...

يعني ما تقدر ترشح نفسها لمجلس الأمة نهائيا ... ولا تقدر تصوت إلا بعد 20 سنة ...

وفي وظايف ما تقدر تتوظفها لا هي ولا عيالها ...

يعني مستحيل يقبلون اعيالها ضباط ...

ويعني ما تقدر تصير وزيره ولا سفيره ولا تشتغل بالأماكن الحساسه مثل الخارجيه إلخ ...

وغيرها من الكثير من المميزات الماديه والمعنويه ...

شوف الفرق في الجنسيه ...

هذي وفقا للماده الأولى ...

http://up.arab-x.com/Jun11/EmB92161.jpg (http://up.arab-x.com/)


وهذي وفقا للماده الخامسه ...

http://up.arab-x.com/Jun11/QWm92161.jpg (http://up.arab-x.com/)

:)
Q8JP
04-06-2011, 03:40 PM
النظام المعمول فيه في قطر أفظل .. يعني لو الزوجة ما اقامة في الدوحة اقامة فعلية متواصلة

مدة سنتين ما تاخذ الجنسية . لاكن تاخذ الجنسية من تاريخ الزواج اعتقد قرار غير صائب

في الكويت كان بعد 5 سنين من الزواج

اما الآن بعد 15 سنه من الزواج

و المذكور في الجريدة غير صحيح مجرد خبر من دون مصدر
Kuwaiti88
04-06-2011, 03:46 PM
في الكويت كان بعد 5 سنين من الزواج

اما الآن بعد 15 سنه من الزواج

و المذكور في الجريدة غير صحيح مجرد خبر من دون مصدر


صج صارت 15 سنه أول مره أدري خابر ياخوك 5 سنوات ! ...

عالعموم انا أفضل 20 سنه بعد ...

واستغربت من الخبر ما قريته بالجرايد الأساسيه الوطن والراي والقبس ...
Q8JP
04-06-2011, 04:00 PM
صج صارت 15 سنه أول مره أدري خابر ياخوك 5 سنوات ! ...

عالعموم انا أفضل 20 سنه بعد ...

واستغربت من الخبر ما قريته بالجرايد الأساسيه الوطن والراي والقبس ...

اي بعد 15 سنه تستحق تقديم طلب الجنسية

عاد شوف متى تحصل عليها !! اجراءات و لويه لها اول و لا اخر

يعني حسبتك 20 سنة قد تكون صحيحة بسبت البيروقراطية و الروتين الحكومي
Miss WoW
04-06-2011, 04:00 PM
اهم شي للحصول على الجنسية هي الوطنيه والوطنيه مو كلام هي احساس وشي داخلي الواحد ما يقدر يتحكم فيه هو شعور والشخص يرزع هذا الاحساس والشعور لأبناءه لكن للاسف الحين نشوف ناس يحملون جنسية بلد معين ويتعاملون نفس مواطنين وابناء هذه الدول وولائهم لدولهم التي جذورهم منها هذا الشي يقهر واجهتني مواقف كثيره وعندما اتناقش معهم يكون ردهم انهم حيادين ومع الحق اي حق اللي يتكلمون عنه لو كان عندهم انتماء حقيقي للدوله التي يحملون جنسيتها ماراح يرضون بحرف عنها حتى لو على نفسهم وعيالهم ما عندي مانع اموت واتقطع بس دولتي تكون دايم رآيتها فوق وفي العالي
السليطي86
04-06-2011, 07:02 PM
بسم الله الرحمن الرحيم

في البداية كل الحشيمة والكرامة لهل الكويت اخوانا وحبايبنا , والكويت دولة متقدمة ولها قرارات واجراءات تدل على تقدم هذه الدولة الحضاري الي يخدم الكويتين في سياق الجنسية والحصول عليها , وكل دولة لها سياسات في هذا الشأن ولها نظرة ومعرفة لا انا (اعوذ بالله من كلمة انا) ولا أي شخص يقدر يحلل أو يوصل لهذي السياسات غير ذوي السلطه أو ذوي المسؤولية السياسية , وقضية التجنيس شيء سياسي منح جنسية لشخص أو غيره ويجب عدم الدخول في أسبابها مثل كيفية حصول أي شخص على جنسية وغيرها من التسأولات , لكن لكل شخص وجهة نظر فقط....أن كانت صحيحه وتساعد في بناء العلاقات وتساعد في تنمية أفكار المواطن وغير هدامه نتمنى نقرأها...

وفي وجهة نظري المتواضعه الله يكتب كل ما فيه الخير لهل الكويت سواء كان تجنيس المرأة المتزوجة بكويتي بطريقة مباشرة أو عن طريق اجراءات و مراحل , لكن اهم شيء الشخص يعرف قيمة الجنسية التي سوف يحصل عليها وتكون لمن يستحق.

وشيء جميل أن تحصل المرأة المتزوجه من كويتي على جنسية بضوابط لكي تعرف واجباتها وحقوقها , وتصبح متصلة أكثر بالبلد وأهم شيء كذلك تخدم البلد وتساهم في تطويره من ناحية تربية الأبناء تربية سليمه أو من ناحية الحصول على وظيفة تخدم فيها الوطن في الأول والأخير , أو ادارة اعمال تساهم في تنمية أقتصاد البلد.

وفي الأخير العين ما تعلى عن الحاجب....
Dana’1
04-06-2011, 07:04 PM
اهم شي للحصول على الجنسية هي الوطنيه والوطنيه مو كلام هي احساس وشي داخلي الواحد ما يقدر يتحكم فيه هو شعور والشخص يرزع هذا الاحساس والشعور لأبناءه لكن للاسف الحين نشوف ناس يحملون جنسية بلد معين ويتعاملون نفس مواطنين وابناء هذه الدول وولائهم لدولهم التي جذورهم منها هذا الشي يقهر واجهتني مواقف كثيره وعندما اتناقش معهم يكون ردهم انهم حيادين ومع الحق اي حق اللي يتكلمون عنه لو كان عندهم انتماء حقيقي للدوله التي يحملون جنسيتها ماراح يرضون بحرف عنها حتى لو على نفسهم وعيالهم ما عندي مانع اموت واتقطع بس دولتي تكون دايم رآيتها فوق وفي العالي

لا تلومين أحد إذا كان محتار او يحب دولتين ويحاول يكون منصف قد ما يقدر
أنا سعودية بالاصل ..وامي قطرية ربيت على حب قطر من حبنا لامي وتربيتها لنا
وحاليا متزوجة قطري وعندي الجنسية القطرية ..هل معقولة تبغين انسى 20-21 سنة من عمري بالسعودية"طبعا يتخللها سفرات لقطر بالشهور:)" والي هي ديرة ابوي واجدادي
وتنكر لها..مستحيل ولاارضى عليها انا اتكلم اوك:) بس احد ثاني لا:tease:
وحتى قطر بعد لها الشي الكثير في قلبي احبها ومن اطلع منها اشتاق لها وديرة خوالي وزوجي وبنتي ولا ارضى عليها حتى لو استلمتها في بعض الامور سواء هي او السعودية
فالشعور لا يمكن وصفة!<<<تذكرت الزير سلم:weeping::shy:
والحمدلله أحنا بالخليج اهل فأشوف قبل كل شي والله يجمع كلمتنا على الحق دايم يارب آمين
BuFaisal
04-06-2011, 07:40 PM
وفي الأخير العين ما تعلى عن الحاجب....

السلام عليكم

طبعا ما كان لي نية اشارك بالموضوع لاني اتفادى هذه النقاشات
الكويتين اخوانا ومنهم اصدقاء عزيزين علي ولا اقبل لهم اي اهانة مهما كان
بس ما فيه داعي نخلي طرف عين وطرف حاجب .. كلنا اخوان وما فيه احد أحسن من احد :)

الله يوفق الجميع
قسماً
04-06-2011, 08:24 PM
احنا في موضوع الجنسيه ومافي داعي نتطرق في امور خارجه عن الموضوع يااخوان
والسموحه من اخوانّا لكويتيين في الاخير كلنا اخوان وعيال عم
وبالنسبه للتجنيس انا أفضل ان الزوجه تاخذ جنسية زوجها اذا انجبت منه لكن تنسحب منها لو انفصلت عن زوجها وتزوجت من غير القطري ... أقصد اذا كانت الزوجه غير خليجيه
STAR
04-06-2011, 08:30 PM
الزوج الكويتي لا يمكن بأن يقدم طلب الجنسيه لزوجته غير الكويتية إلا بعد 5 سنوات إقامة

دائمه ...

وأبشرك ما تاخذ الماده الأولى في الجنسيه تلقاها خامسه ولا سابعه ...

يعني تفرق عن الكويتي المؤسس الأصلي اللي مكتوب بجنسيته وفقا للماده الأولى ...

يعني ما تقدر ترشح نفسها لمجلس الأمة نهائيا ... ولا تقدر تصوت إلا بعد 20 سنة ...

وفي وظايف ما تقدر تتوظفها لا هي ولا عيالها ...

يعني مستحيل يقبلون اعيالها ضباط ...

ويعني ما تقدر تصير وزيره ولا سفيره ولا تشتغل بالأماكن الحساسه مثل الخارجيه إلخ ...

وغيرها من الكثير من المميزات الماديه والمعنويه ...

شوف الفرق في الجنسيه ...

هذي وفقا للماده الأولى ...

http://up.arab-x.com/Jun11/EmB92161.jpg (http://up.arab-x.com/)


وهذي وفقا للماده الخامسه ...

http://up.arab-x.com/Jun11/QWm92161.jpg (http://up.arab-x.com/)

:)



بل عندكم المواطن درجااااات...!!
اولى ثانية ثالثة ورابعة وخامسة وسادسة وسابعة بعد..!!!

اشدعوة:eek5:
استغفرالله
04-06-2011, 08:30 PM
لا اختي غير منصف لان الزوجه تتبع زوجها ... ولان ابناءها مواطنين .... يعني مب عدله كل افراد اسرتها تحصل على الخدمات مثل العلاج والتعليم على حساب الدوله وماعندها مشاكل في تجديد الجواز والبطاقه .. وهي بتدفع على كل الخدمات وبتروح السفاره على اي شي وسالفه ... احس انها اهانه للزوج المواطن ان تم استبعاد زوجته بهالاسلوب ..
الا اذا فيه طريقه تميزها عن باقي المقيمات هنا نقول قرارهم ايجابي ..

وعالعموم حلاة الثوب رقعته منه وفيه ..

يعطيج العافيه عالنقل

الزوجة تتبع ابوها في الاسم والجنسية
انا حره
04-06-2011, 08:45 PM
ياليت يطبقونه بالدوحه وتصير 30 سنه وعقب تاخذ الجنسيه لان اكثرهم ياخذون القطري عشان العنابي
qatarya-vip
04-06-2011, 09:07 PM
والله طالما الأولاد ماخذين جنسية ابوهم فأعتقد الأم ماتحتاج وخاصه انها عندها جنسيتها وفعلا فيه نساء كثير يتزوجون بس علشان جنسية الخليجي خاصه اذا كانت من جنسية غير خليجية

ولهاالسبب تلقى الزوجه الخليجيه ماتترك جنسيتها حتى لو تزوجت خليجي ، وفي حالات كثيرة خليجيه تلقى الام سعوديه والاب كويتي او الأم اماراتيه والاب قطري وغيرهم من جنسياتنا الخليجيه تلقون الأم او الاب مايتخلون عن جنسياتهم ولا يطالبون لأن الحمدلله احنا الخليجيين نفس العادات والتقاليد وبعد نفس المعاملة يعني الولد من ام خليجية واب قطري يعامل معاملة القطري وامه بعد من ناحية العلاج والتعيين والتعليم


المشكلة مع الاجانب او العرب وهنا بالعكس انا لا أأيد اعطاء الجنسية للعربي اللي يتزوج خليجيه او العكس لأن هدفهم واضح


وبالنسبه لكويت واهلها تراهم اهلنا وحبايبنا والله لا يخلينا من بعض يارب وياليت النقاش يمس القانون والقرار وولا يمس شعب الكويت ولا قطر :) بالنهايه كلنا اهل وولا لنا غنى عن بعض
Rashid554
04-06-2011, 09:12 PM
لا تلومين أحد إذا كان محتار او يحب دولتين ويحاول يكون منصف قد ما يقدر
أنا سعودية بالاصل ..وامي قطرية ربيت على حب قطر من حبنا لامي وتربيتها لنا
وحاليا متزوجة قطري وعندي الجنسية القطرية ..هل معقولة تبغين انسى 20-21 سنة من عمري بالسعودية"طبعا يتخللها سفرات لقطر بالشهور:)" والي هي ديرة ابوي واجدادي
وتنكر لها..مستحيل ولاارضى عليها انا اتكلم اوك:) بس احد ثاني لا:tease:
وحتى قطر بعد لها الشي الكثير في قلبي احبها ومن اطلع منها اشتاق لها وديرة خوالي وزوجي وبنتي ولا ارضى عليها حتى لو استلمتها في بعض الامور سواء هي او السعودية
فالشعور لا يمكن وصفة!<<<تذكرت الزير سلم:weeping::shy:
والحمدلله أحنا بالخليج اهل فأشوف قبل كل شي والله يجمع كلمتنا على الحق دايم يارب آمين

والله انج اصيله وبنت اجاويد :nice:
منيرة الطواش
04-06-2011, 09:25 PM
خليجنا واحد
بنت امي
04-06-2011, 09:33 PM
بس اتوقع القرار ماتطبق ميه بالميه

وقريت هالسطر المهم من هالخبر

(وانتظارا لإقرار المشروع الخاص بمنح الزوجة امتيازات دون الحاجة إلى تجنيسها، وهو المشروع الذي يتم العمل بشأنه بالتنسيق مع جهات عدة، منها وزارة العدل وإدارة الفتوى والتشريع والإدارة العامة للجنسية.)
التيما
04-06-2011, 09:41 PM
أنا لا أؤيد الزواج من غير القطرية وإذا لزم الأمر خليجية.


اما بالنسبة للموضوع فالنظام الساري في قطر هو أفضل نظام في الخليج وهو لايحق للمتزوج من غير قطرية التقديم على طلب جنسية قطرية إلا بعد مضي سنتين من الزواج وإذا كان فيه اطفال بعد هذه الفترة فالزوجة تحصل على الجنسية القطرية أما إذا مافي أطفال تبقي على جنسيتها السابقة وهذا في وجهة نظري قرار سليم و100%




تصحيح .. بعد خمس سنوات
na7ees
05-06-2011, 02:09 AM
القانون في قطر بعد خمس سنوات تستحق الجنسيه

أنا صارلي. عشر سنوات متزوج سعوديه ولين يومك جوازها سعودي
وعاملونها في قطر معاملة الاقطريه في كل الامور
مشتاقة لقطر
05-06-2011, 06:51 AM
نفس الكلام انا قطرية ماخذة اماراتي ومحتفظة بجوازي ما ابي اغيره لا انا ولا خواتي كلهم ماخذين اماراتيين

ولنا كل حقوق زوجة المواطن من ضمان صحي مجاني الخ
Kuwaiti88
05-06-2011, 01:04 PM
بل عندكم المواطن درجااااات...!!
اولى ثانية ثالثة ورابعة وخامسة وسادسة وسابعة بعد..!!!

اشدعوة:eek5:


بالعكس ما أشوف فيها درجات وتفرقه ...

انا جنسيتي ماده أولى وأجدادي هم من المؤسسين للكويت ...

مثال: يعني الحين يصير نعطي واحد أفريقي جنسيه وبعد سنتين يصير وزير ولا عضو برلمان؟

ما يصير واحد توه متجنس يصير وضعه نفس المواطن الكويتي اللي جنسيته ماده أولى ...

وهالشغله موجوده بأغلب دول العالم ...
Kuwaiti88
05-06-2011, 01:09 PM
السلام عليكم

طبعا ما كان لي نية اشارك بالموضوع لاني اتفادى هذه النقاشات
الكويتين اخوانا ومنهم اصدقاء عزيزين علي ولا اقبل لهم اي اهانة مهما كان
بس ما فيه داعي نخلي طرف عين وطرف حاجب .. كلنا اخوان وما فيه احد أحسن من احد :)

الله يوفق الجميع


فديتكم والله ...

انتوا على الراس من فوق ...

:)
المتحدث الرسمي
05-06-2011, 01:13 PM
بالعكس ما أشوف فيها درجات وتفرقه ...

انا جنسيتي ماده أولى وأجدادي هم من المؤسسين للكويت ...

مثال: يعني الحين يصير نعطي واحد أفريقي جنسيه وبعد سنتين يصير وزير ولا عضو برلمان؟

ما يصير واحد توه متجنس يصير وضعه نفس المواطن الكويتي اللي جنسيته ماده أولى ...

وهالشغله موجوده بأغلب دول العالم ...




كلامك صحيح ياخوي

ولا انا اشوف فيها تفرقه

انا اشوف نظام الجنسيه في الكويت هو الصحيح
Kuwaiti88
05-06-2011, 01:14 PM
لا تلومين أحد إذا كان محتار او يحب دولتين ويحاول يكون منصف قد ما يقدر
أنا سعودية بالاصل ..وامي قطرية ربيت على حب قطر من حبنا لامي وتربيتها لنا
وحاليا متزوجة قطري وعندي الجنسية القطرية ..هل معقولة تبغين انسى 20-21 سنة من عمري بالسعودية"طبعا يتخللها سفرات لقطر بالشهور:)" والي هي ديرة ابوي واجدادي
وتنكر لها..مستحيل ولاارضى عليها انا اتكلم اوك:) بس احد ثاني لا:tease:
وحتى قطر بعد لها الشي الكثير في قلبي احبها ومن اطلع منها اشتاق لها وديرة خوالي وزوجي وبنتي ولا ارضى عليها حتى لو استلمتها في بعض الامور سواء هي او السعودية
فالشعور لا يمكن وصفة!<<<تذكرت الزير سلم:weeping::shy:
والحمدلله أحنا بالخليج اهل فأشوف قبل كل شي والله يجمع كلمتنا على الحق دايم يارب آمين


الله يبارك فيج ...

والله انج بنت أصيله ...

انا كويتي وأصولي من السعوديه ... حالي حال أغلب الكويتيين تقريبا 80 % أغلبهم من عوائل

حضريه نزحت من نجد والإحساء إلخ ...

أو من قبائل مثل المطيري والعنزي والهاجري والعتيبي وإلخ ...

و15 % من العراق و5 % من إيران ...

بس ولائي كله للكويت ... والنعم بالسعوديه ...

لكن في ناس ولائهم لدول ثانيه ...

مثال: مره كنت رايح الجمعيه ومكتوب على الطوفه بصبغ رش ((مرحبا بكم في نجران )) ...

يعني اهني تكون المشكله ...
بو الجوري
05-06-2011, 01:17 PM
أنا لا أؤيد الزواج من غير القطرية وإذا لزم الأمر خليجية.


اما بالنسبة للموضوع فالنظام الساري في قطر هو أفضل نظام في الخليج وهو لايحق للمتزوج من غير قطرية التقديم على طلب جنسية قطرية إلا بعد مضي سنتين من الزواج وإذا كان فيه اطفال بعد هذه الفترة فالزوجة تحصل على الجنسية القطرية أما إذا مافي أطفال تبقي على جنسيتها السابقة وهذا في وجهة نظري قرار سليم و100%





تصحيح .. بعد خمس سنوات

تصحيح :.. :)

بعد 5 سنوات من تقديم الطلب :.. و ليس من تاريخ عقد الزواج :..
قطريه ماركه
05-06-2011, 01:18 PM
عقبال عندنااااااااا ....
السليطي86
05-06-2011, 01:19 PM
بالعكس ما أشوف فيها درجات وتفرقه ...

انا جنسيتي ماده أولى وأجدادي هم من المؤسسين للكويت ...

مثال: يعني الحين يصير نعطي واحد أفريقي جنسيه وبعد سنتين يصير وزير ولا عضو برلمان؟

ما يصير واحد توه متجنس يصير وضعه نفس المواطن الكويتي اللي جنسيته ماده أولى ...

وهالشغله موجوده بأغلب دول العالم ...




الصراحة ليت هذا الشيء موجود في قطر والعوائل المؤسسة للدولة هي لها حقوق أكثر وصلاحيات أكثر من الي متجنس من بضع سنوات وأجداده ما يعرفون شيء عن الدولة وجنسياتهم مختلفة , لكن للأسف هذا الشيء غير موجود في دولة قطر.

وجهة نظر....
بو الجوري
05-06-2011, 01:22 PM
اليوم قريت خبر بجريدة عالم اليوم الألكترونيه وإهو عن توقيف تجنيس زوجة الكويتي وإصدار جواز سفر كويتي بعد الزواج على طول بدل التجنيس وتعامل معاملة الكويتيه ,, و إذا تم الطلاق بوجود أطفال إتم مثل حالها تعامل معاملة الكويتيه بشرط ماتتزوج غير كويتي وإذا صار هالشي ينسحب الجواز منها ...



منقول

بس سؤال :..

وشو الفرق بين التجنيس و إصدار الجواز :.. !!!
Kuwaiti88
05-06-2011, 01:43 PM
بس سؤال :..

وشو الفرق بين التجنيس و إصدار الجواز :.. !!!


النظام عندنا بالكويت أتوقع غير عن الخليج ...


في فرق بين شهادة الجنسيه وجواز السفر ...

جواز السفر هو وثيقه للسفر فقط ولونه أزرق ...

ومو أي واحد عنده جواز معناته اهو كويتي ...

وبالدليل في بعض اللاعبين يعطونهم جواز ماده 17 مؤقت يشاركون فيه في البطولات

أو يعطى للبدون من أجل الحج والعمره والسفر ...

ولكنه في النهايه لا يعتبر كويتيا مالم يمنح وثيقة الجنسيه ...

أما شهادة الجنسيه فهي الوثيقه التي تثبت بأن حاملها كويتي الجنسيه ولونها أسود ...

طبعا الجنسيه والجواز عندنا اذا ضاع أو سرق تصير كارثه ...

طبعا الجنسيه عندنا فيها كذا ماده ...


ماده أولى: كويتي بالتأسيس وهم من كانوا متواجدين قبل 1920م.


ماده ثالثه: من ولد مجهول الابوين أغلبهم تتكفل بهم الدوله وتعاملهم ككويتيين وتصرف عليهم

من المهد إلى اللحد ... الله يستر عليهم أغلبهم آسيوين أو وافدين عرب ...


ماده رابعه: تتطلب شرط الاقامة للعربي 15 سنة طبعا هذي بالمشمش يشمونها موقفينها

من أيام الطفحه ...


ماده خامسه: ابناء الكويتيات من ازواج اجانب .. يتم الحصول عليها بعد انفصال الزوجة عن

الزوج سواء بالطلاق او بوفاة الزوج ... تحتها بند الخدمات الجليله أو من البدون الذين لديهم

احصاء عام 1965م ...


ماده سابعه: هي لأبناء المتجنسين وفقا للمادة الخامسة البالغين منهم و القصر لحين بلوغهم

سن الرشد وزوجة الاجنبي المتجنس اذا تمت اضافتها في ملفه خلال (سنة) من حصوله على

الجنسية ...


المادة الثامنة: الزوجات الاجانب للكويتي بالتأسيس تحصل على الجنسية بعد مرور 5 سنوات

من اعلان الرغبة و قيام الزوجية ... اما زوجة المتجنس اذا مرت اكثر من السنة بيوم و تمت

اضافتها تحصل على المادة الثامنة بدلا من السابعة...

وطبعا في النهايه منح الجنسيه قانون سيادي للدوله وليس بالضروره خاضع للقوانين

السابقه ...

هذي شهادة الجنسيه ...

http://up.arab-x.com/Jun11/2aS71058.jpg (http://up.arab-x.com/)


هذا الجواز ...

http://up.arab-x.com/Jun11/NUJ71058.jpg (http://up.arab-x.com/)

:)
بو الجوري
05-06-2011, 01:58 PM
تسلم أخوي كويتي :...

يعني الحين اللي تغير هو شنو :.. !!!

معليه ما فهمت :.. :)

لأنه مكتوب توقيف التجنيس :.. ( اللي على كلامك معناها إنه كويتي )
و إصدار جواز سفر :.. و على كلامك هي للسفر فقط :..
بس هم كاتبين تعامل مثل الكويتيه :..

بس ابي افهم شاللي كان و شاللي صار :..:oops:
Kuwaiti88
05-06-2011, 02:19 PM
تسلم أخوي كويتي :...

يعني الحين اللي تغير هو شنو :.. !!!

معليه ما فهمت :.. :)

لأنه مكتوب توقيف التجنيس :.. ( اللي على كلامك معناها إنه كويتي )
و إصدار جواز سفر :.. و على كلامك هي للسفر فقط :..
بس هم كاتبين تعامل مثل الكويتيه :..

بس ابي افهم شاللي كان و شاللي صار :..:oops:


الله يسلمك انا أشرحلك شالسالفه ...

يقوم واحد كويتي يروح تايلاند ولا المغرب ولا الفيليبين ولا سوريا ولا مصر وإلخ ...

ويتزوج وحده من بنات هالدول ...

وتقعد الزوجه الأجنبيه تتميلح عليه وتتدلع لما تاخذ الجنسيه اللي هي الشهاده بعد فتره ...

وبعد ماتصير كويتيه وتحط ريل على ريل وتكشخ بالماركات واللبس السنع ...

تقوله طلقني عقب ما لهفت كل شي ...

وتقط عياله عليه ...

وتتزوج واحد من أهلها وتجيبه الكويت وتكفله وتكفل اللي خلفوها ...

ويقعد الكويتي المدمغ يعاني هو مع عياله طول العمر ...

القانون اليديد يقول ان الزوجه الأجنبيه راح يعطونها بس جواز

سفر كويتي وتعامل معاملة الكويتيه ...

بس اذا تطلقت وماعندها عيال يسحب الجواز ولا تعامل معاملة الكويتيه ... يعني ترد جنسيتها

الأصليه وتعامل كوافده ...

هذا هو القانون اليديد ...

ولا ودي أعمم عالكل بس في كويتيين ماخذين أجانب وعايشين سمن على عسل وأحلى

حياه ...
Master_qtr
06-06-2011, 10:37 AM
الله يبارك فيج ...

والله انج بنت أصيله ...

انا كويتي وأصولي من السعوديه ... حالي حال أغلب الكويتيين تقريبا 80 % أغلبهم من عوائل

حضريه نزحت من نجد والإحساء إلخ ...

أو من قبائل مثل المطيري والعنزي والهاجري والعتيبي وإلخ ...

و15 % من العراق و5 % من إيران ...

بس ولائي كله للكويت ... والنعم بالسعوديه ...

لكن في ناس ولائهم لدول ثانيه ...

مثال: مره كنت رايح الجمعيه ومكتوب على الطوفه بصبغ رش ((مرحبا بكم في نجران )) ...

يعني اهني تكون المشكله ...





افضل شخص ولائه لنجران أو حائل ..ولا شخص ولائه لطهران أو قم ! والا شرايك !..يعني بتقولي اعضاء مجلس الأمة الشيعة ولائهم للكويت !
بو الجوري
06-06-2011, 10:52 AM
الحين فهمت :.. أخوي كويتي :.. :d

و ماقصرت :.. و أشوفه قانون زين :..
Kuwaiti88
06-06-2011, 10:58 AM
افضل شخص ولائه لنجران أو حائل ..ولا شخص ولائه لطهران أو قم ! والا شرايك !..يعني بتقولي اعضاء مجلس الأمة الشيعة ولائهم للكويت !


مافي شي اسمه ولاء لنجران ولا حائل ...

دام كويتي لازم يكون ولائهم للكويت ...

والنعم بالسعوديه وأهلها ...

انت تحط بذمتك وتقول أعضاء مجلس الأمه الشيعه ولائهم لإيران؟

اذا بنقول الشيعه ولائهم لإيران فمعناته كل شيعة قطر والبحرين والإمارات والكويت والسعوديه

والعالم كله ولائهم لإيران ...

أتمنى إن ما نطلع بره سياق الموضوع ويتحول لصراع طائفي مع إني سني ...
بوخالد911
06-06-2011, 11:07 AM
اكيد هالقرار له مزايا
ان شاء الله
Master_qtr
06-06-2011, 11:14 AM
مافي شي اسمه ولاء لنجران ولا حائل ...

دام كويتي لازم يكون ولائهم للكويت ...

والنعم بالسعوديه وأهلها ...

انت تحط بذمتك وتقول أعضاء مجلس الأمه الشيعه ولائهم لإيران؟

اذا بنقول الشيعه ولائهم لإيران فمعناته كل شيعة قطر والبحرين والإمارات والكويت والسعوديه

والعالم كله ولائهم لإيران ...

أتمنى إن ما نطلع بره سياق الموضوع ويتحول لصراع طائفي مع إني سني ...

احنا مانتكلم عن اللي ولائه للكويت ..

انتو بين فئتين ..فئة ..ولائها لدولة خليجية ..كااان لها فضل عليكم في تحريركم من الغزو ..وفئة ولائها لأيران شتختار؟ ..!
والله اذا انت ماشفت موقف اعضاء مجلس الأمة الشيعة من دخول قوات درع الجزيرة ..للبحرين ولائاء لأيران ..فهناااك خلل صراحة ..!
Kuwaiti88
06-06-2011, 11:41 AM
احنا مانتكلم عن اللي ولائه للكويت ..

انتو بين فئتين ..فئة ..ولائها لدولة خليجية ..كااان لها فضل عليكم في تحريركم من الغزو ..وفئة ولائها لأيران شتختار؟ ..!
والله اذا انت ماشفت موقف اعضاء مجلس الأمة الشيعة من دخول قوات درع الجزيرة ..للبحرين ولائاء لأيران ..فهناااك خلل صراحة ..!




الولاء يكون متعلق بالدوله نفسها يعني اذا انت كويتي يكون ولائك للكويت ...

انت تقصد التأييد ... وفي فرق بين الولاء والتأييد ...

لو بختار أكيد بختار وبأيد السعوديه حبيبتنا وحبيبة الكل ...

عندنا 8 أعضاء مجلس أمه شيعه ...

2 اللي مواقفهم تفشل ...

فهل معناته كل أعضاء مجلس الأمه الشيعه ولائهم لإيران؟ ...

2 ما يمثلون الكل ...


:)
Master_qtr
06-06-2011, 12:06 PM
الولاء يكون متعلق بالدوله نفسها يعني اذا انت كويتي يكون ولائك للكويت ...

انت تقصد التأييد ... وفي فرق بين الولاء والتأييد ...

لو بختار أكيد بختار وبأيد السعوديه حبيبتنا وحبيبة الكل ...

عندنا 8 أعضاء مجلس أمه شيعه ...

2 اللي مواقفهم تفشل ...

فهل معناته كل أعضاء مجلس الأمه الشيعه ولائهم لإيران؟ ...

2 ما يمثلون الكل ...


:)






والله احنا مو قاعدين نشجع كرة قدم حتى نتكلم عن التأييد ..احنا نتكلم عن الولاء والحب ..
اخوي اكيد مايمثلون كل الشيعة ..بس هل شككتو في ولائهم ! حدهم يفشلون بس !
لكن تعالي حق عضو له جذور سعودية او قطرية أو بحرينية ! او ..او..ويوقف موقف غير وطني ! ..انووواع الصروايخ من كل صوب ..انت سعودي او قطري ..او ..او ..ياخي على الهواء مباشرة ..اعلامي مشهور ومعروف ..شكلك في ولاء وزير لأنه كل مايمر يحصل سيارات سعودية ..وبحرينية ..وين عن اعضاء مجلس الامة اللي يحجون لكربلاء !
المفروض يكون ولاء الكويتي للكويت ..والمفروض مايكون لأي دولة خليجية ثانية ..بس لما اقابل شخص ولائه لدولة خليجية اعتبره مشكله (مثل قولتك عن نجران ) ..ولما يكون عندي ناس يروحون لدواماتهم بعمايمهم ..ماشكك في ولائهم ..هذي يبي لك تعيد النظر فيها ....
Miss WoW
06-06-2011, 12:38 PM
اسمحوا لي الوطنيه والولاء تكون بس حق بلادي واذا كان ولائه حق اي بلاد ثانيه مع بلاده هذا هذا شخص مو وطني لأن ممكن أيد واوقف واساعد دوله ثانيه بس مستحيل يكون ولاء لأن فيه اوقات تصير مواقف مع الدوله الي مثلاً ايدها هل بوقف محايد طبعاً لا مستحيل شي طبيعي واكيد بوقف مع بلادي اهنيه تتضح الوطنيه
Kuwaiti88
06-06-2011, 12:56 PM
:):):):)
والله احنا مو قاعدين نشجع كرة قدم حتى نتكلم عن التأييد ..احنا نتكلم عن الولاء والحب ..
اخوي اكيد مايمثلون كل الشيعة ..بس هل شككتو في ولائهم ! حدهم يفشلون بس !
لكن تعالي حق عضو له جذور سعودية او قطرية أو بحرينية ! او ..او..ويوقف موقف غير وطني ! ..انووواع الصروايخ من كل صوب ..انت سعودي او قطري ..او ..او ..ياخي على الهواء مباشرة ..اعلامي مشهور ومعروف ..شكلك في ولاء وزير لأنه كل مايمر يحصل سيارات سعودية ..وبحرينية ..وين عن اعضاء مجلس الامة اللي يحجون لكربلاء !
المفروض يكون ولاء الكويتي للكويت ..والمفروض مايكون لأي دولة خليجية ثانية ..بس لما اقابل شخص ولائه لدولة خليجية اعتبره مشكله (مثل قولتك عن نجران ) ..ولما يكون عندي ناس يروحون لدواماتهم بعمايمهم ..ماشكك في ولائهم ..هذي يبي لك تعيد النظر فيها ....


أتفق معك في جزئية الولاء للوطن فقط ...

وأتفق معاك في جزئية العمائم ...

:)
Kuwaiti88
06-06-2011, 12:58 PM
اسمحوا لي الوطنيه والولاء تكون بس حق بلادي واذا كان ولائه حق اي بلاد ثانيه مع بلاده هذا هذا شخص مو وطني لأن ممكن أيد واوقف واساعد دوله ثانيه بس مستحيل يكون ولاء لأن فيه اوقات تصير مواقف مع الدوله الي مثلاً ايدها هل بوقف محايد طبعاً لا مستحيل شي طبيعي واكيد بوقف مع بلادي اهنيه تتضح الوطنيه


جزاج الله ألف خير ...

لازم كل مواطن ولائه حق دولته بس ...

:)
chillis
06-06-2011, 01:14 PM
انا مادري ليش يجيبون المشاكل لاعمارهم للحين ماخلصوا مشاكل البدون بيدشون بمشاكل زوجة الكويتي مادري من الي يخطط
ام السعف
06-06-2011, 01:17 PM
انا مادري ليش يجيبون المشاكل لاعمارهم للحين ماخلصوا مشاكل البدون بيدشون بمشاكل زوجة الكويتي مادري من الي يخطط
اعجبتني مشاركتج :strong
Kuwaiti88
06-06-2011, 01:34 PM
انا مادري ليش يجيبون المشاكل لاعمارهم للحين ماخلصوا مشاكل البدون بيدشون بمشاكل زوجة الكويتي مادري من الي يخطط


عادي كل دوله فيها مشاكل وأخطاء واحنا مو المدينه الفاضله ...

واذا في دوله ما تعترف ان ما عندها مشاكل فاسمحلي هالدوله هذي مصخره ...

واحنا دوله فيها ديمقراطيه فيها مؤسسات وقنوات ... اللي عنده مشاكل يرفع قضايا وبياخذ

حقه ...

وعلى الأقل الوافد الهندي أو المصري أو حتى الخليجي عايش مليون مره مرتاح أكثر من

بلده ...

سياره ومعاش وعلاج مجاني وفلوس وتعليم ومكافآت وعز ما يحلم فيه أهله واللي خلفوه ...
Master_qtr
06-06-2011, 04:53 PM
:):):):)


أتفق معك في جزئية الولاء للوطن فقط ...

وأتفق معاك في جزئية العمائم ...

:)



اكيد وتتفق معاي في موضوع الحج لكربلاااء اتمنى ذلك ..

وبعدين وانا اقرأ الموضوع عن الجواز مادة اولى ...ضحكت والله ..
.انا كنت بامريكا...ودارس ويا شباب كويتين ..المهم الشباب طلعو مادة اولى( على قولتكم ولد بطنها ) ..ويووم الغزو أول من شرد ..اللي راح لندن ..واللي راح مصر....وفيه شباب جوازتهم مووو مادة أولى ..وأيام الغزو كان مرابطين على الحدود ..
أرجوو تكون فهمت قصدي..:)
Q8JP
06-06-2011, 08:52 PM
اكيد وتتفق معاي في موضوع الحج لكربلاااء اتمنى ذلك ..

وبعدين وانا اقرأ الموضوع عن الجواز مادة اولى ...ضحكت والله ..
.انا كنت بامريكا...ودارس ويا شباب كويتين ..المهم الشباب طلعو مادة اولى( على قولتكم ولد بطنها ) ..ويووم الغزو أول من شرد ..اللي راح لندن ..واللي راح مصر....وفيه شباب جوازتهم مووو مادة أولى ..وأيام الغزو كان مرابطين على الحدود ..
أرجوو تكون فهمت قصدي..:)

ما شاء الله العموم صار عندة ربع كويتيين .. المشكلة ربع و يطب فيهم ؟!!

السؤال : شلون وكيف عرفت انهم مادة أولى ؟! شايلين جناسيهم و تمشون

في امريكا ؟! ولا دقيت عليهم سألتهم : اي مادة يا الحبيب ؟! ام في السوالف

عرفت انهم مادة أولى ؟!! يا سلام عليك ؟! وشلون عرفت ألي صامدين في

الكويت مو مادة اولى ؟! المشكلة كل واحد على الكيبورد يصير ابو العريف !!

انت عارف جم سنه مر على الغزو ؟ !! اممم ما علينا نمشي وياك بالحديث

هل يعني كل قطري حامل الجنسية او الجواز وفي و ولاءة للدوحة ؟ ام

لكل قاعدة شواذ ؟ّ فكر فكر كثير قبل ان ترد !؟
Q8JP
06-06-2011, 08:56 PM
انا مادري ليش يجيبون المشاكل لاعمارهم للحين ماخلصوا مشاكل البدون بيدشون بمشاكل زوجة الكويتي مادري من الي يخطط

اممم هم في قطر الشقيقه بدون و قبايل سحب جناسيهم الى اليوم ؟

مادري منو يخطط عل قولتج ؟!!

لكن الفرق انه في الكويت في مساحة من الحرية و الكل يعبر عن

رأيه و المواضيع تناقش في وسائل الاعلام
chillis
06-06-2011, 09:06 PM
اممم هم في قطر الشقيقه بدون و قبايل سحب جناسيهم الى اليوم ؟

مادري منو يخطط عل قولتج ؟!!

لكن الفرق انه في الكويت في مساحة من الحرية و الكل يعبر عن

رأيه و المواضيع تناقش في وسائل الاعلام

ديموقراطيه :) وينها قصدك مجلس الامه الي صار به ضرب اخر مره ولا الحكومه الي يستقيلون ويردون نفسهم وضح اكثر معليه :strong
Kuwaiti88
06-06-2011, 10:04 PM
ديموقراطيه :) وينها قصدك مجلس الامه الي صار به ضرب اخر مره ولا الحكومه الي يستقيلون ويردون نفسهم وضح اكثر معليه :strong


ياحلوهم وياحلو هواشهم ... عسل على قلوبنا ... :dance

أغلب الدول الديمقراطيه في العالم صار فيها طق وهواش مثل تايوان والهند وإيطاليا وغيره ...

بس احنا ليش استغربنا؟

لأن احنا مسلمين وعرب فاستكرنا هالشي ...

وشي طبيعي بيصير في الدول الديمقراطيه شد وجذب ...

اذا الدول الديمقراطيه ماصارت فيها شد وجذب فمعناته ديمقراطيتها موجهه ...

وبالأخير مو معناته اني بأيد الطق والهواش ...

وأرد وأقول بلدي الكويت مو المدينه الفاضله واحنا لسنا بملائكه ...

لكن العيب اني أفتح الجزيره وأحط عالناس في الدول الثانيه وأطلع إشاعات وأتدخل في شؤونهم

وما أحط شي عن دولتي داخل وأشوف بلاويها ...

عموما اليوتيوب موجود وقناة المجتمع مبينه الصوره عدل عندنا ...

وعمر الدول اللي مو متعوده عالديمقراطيه راح تعرف شنو ديمقراطيه وحريه ...

ما أقدر أتكلم أكثر : " يا غريب كن أديب " ...
Master_qtr
06-06-2011, 11:04 PM
ما شاء الله العموم صار عندة ربع كويتيين .. المشكلة ربع و يطب فيهم ؟!!

السؤال : شلون وكيف عرفت انهم مادة أولى ؟! شايلين جناسيهم و تمشون

في امريكا ؟! ولا دقيت عليهم سألتهم : اي مادة يا الحبيب ؟! ام في السوالف

عرفت انهم مادة أولى ؟!! يا سلام عليك ؟! وشلون عرفت ألي صامدين في

الكويت مو مادة اولى ؟! المشكلة كل واحد على الكيبورد يصير ابو العريف !!

انت عارف جم سنه مر على الغزو ؟ !! اممم ما علينا نمشي وياك بالحديث

هل يعني كل قطري حامل الجنسية او الجواز وفي و ولاءة للدوحة ؟ ام

لكل قاعدة شواذ ؟ّ فكر فكر كثير قبل ان ترد !؟

عزيزي وانت يعني ماهمك في الموضوع الا شلون عرفت عندهم مادة أولى !:whistling:
ابشرك اللي تكلمت عنهم اعرفهم عز المعرفة ..ماجبت شي من عندي !
الغزو صار سنة 90 ..اللي يخلي لكم السعودية اللي حررت لكم ديرتكم ..والا جاان الحين تجدد جوازك في بغداد :D

نرجع للجد ..انا ماتكلم عن الكويت وبس..حتى عند بقطر هالمشكلة .موجودة..لكن انتو بالكويت صار عندكم امتحان تعرفون من اللي عندهم ولاء من غيره ..الحين اغلب الكويتين مادة أولى يقول جدي مواليد الكويت ! طيب جدك والنعم فيه ! بس انت شسويت في الكويت ! يوووم احتاجتك شردت عنهااا ! وانا ماتكلم عنك شخصيا ..اتكلم بشكل عاام ..
لا طبعاا في قطر في منهم ولائه للسعودية ..وفي منهم ولائه لأيران !
لكن بقولك معلومة مهمة ..هو لأان الاخوان في السعودية اسلوبهم سئ في التعامل من اخوانهم الخليجيين ..كرهو العالم فيهم ..وانا اتكلم عن حكومات .فلما تكره الحكومة بلد ..تلقائيا تلاقي الشعب مع الحكومة ..فتلاقي الشعب بينهم بين بعض كل واحد يعير الثاني بولائه للسعودية ..



اخوي ارجو تتقبل كلامي بصدر رحب ..والكويتين حبايبناا..
Q8JP
07-06-2011, 01:18 AM
عزيزي وانت يعني ماهمك في الموضوع الا شلون عرفت عندهم مادة أولى !:whistling:
ابشرك اللي تكلمت عنهم اعرفهم عز المعرفة ..ماجبت شي من عندي !
الغزو صار سنة 90 ..اللي يخلي لكم السعودية اللي حررت لكم ديرتكم ..والا جاان الحين تجدد جوازك في بغداد :D

نرجع للجد ..انا ماتكلم عن الكويت وبس..حتى عند بقطر هالمشكلة .موجودة..لكن انتو بالكويت صار عندكم امتحان تعرفون من اللي عندهم ولاء من غيره ..الحين اغلب الكويتين مادة أولى يقول جدي مواليد الكويت ! طيب جدك والنعم فيه ! بس انت شسويت في الكويت ! يوووم احتاجتك شردت عنهااا ! وانا ماتكلم عنك شخصيا ..اتكلم بشكل عاام ..
لا طبعاا في قطر في منهم ولائه للسعودية ..وفي منهم ولائه لأيران !
لكن بقولك معلومة مهمة ..هو لأان الاخوان في السعودية اسلوبهم سئ في التعامل من اخوانهم الخليجيين ..كرهو العالم فيهم ..وانا اتكلم عن حكومات .فلما تكره الحكومة بلد ..تلقائيا تلاقي الشعب مع الحكومة ..فتلاقي الشعب بينهم بين بعض كل واحد يعير الثاني بولائه للسعودية ..



اخوي ارجو تتقبل كلامي بصدر رحب ..والكويتين حبايبناا..

يا اخي تحرجني كثير بمعرفتك بخفايه الامور في الكويت اكثر من الكويتيين ؟! :oops:

ألحين شلون عرفت المادة الاولى ؟! :strong

جاوب بدل جوازك في بغداد يكون قاط نكته ؟! اذا انا بكون جوازي في بغداد انت

وين بكون و انت اصغر من الكويت و اقل شعب ؟!
Q8JP
07-06-2011, 01:22 AM
ديموقراطيه :) وينها قصدك مجلس الامه الي صار به ضرب اخر مره ولا الحكومه الي يستقيلون ويردون نفسهم وضح اكثر معليه :strong

معليش اشرحلج حبه حبه

تقولين انه عندنا مشكلة البدون في الكويت بردج السابق

ردينا عليج عندج اكثر من الكويت في قطر : بدون + سحب جناسي من قبيله الغفران

قتلج : بسبب حرية الرأي و وسائل الاعلام الحرة سمعتي عن بدون الكويت

لكن انتي في قطر ما عندج مساحة من الحرية لمناقشةالبدون ندج و سحب الجناسي

فأكيد ما سمعتي عنها ؟!

ان شاء الله اوصلت

بنسبة للبرلمان و الضرب سوي سيرج في يوتيوب بتشوفين اكثر حول العالم شي عادي
وارث العز
07-06-2011, 02:04 AM
عزيزي وانت يعني ماهمك في الموضوع الا شلون عرفت عندهم مادة أولى !:whistling:
ابشرك اللي تكلمت عنهم اعرفهم عز المعرفة ..ماجبت شي من عندي !
الغزو صار سنة 90 ..اللي يخلي لكم السعودية اللي حررت لكم ديرتكم ..والا جاان الحين تجدد جوازك في بغداد :d

نرجع للجد ..انا ماتكلم عن الكويت وبس..حتى عند بقطر هالمشكلة .موجودة..لكن انتو بالكويت صار عندكم امتحان تعرفون من اللي عندهم ولاء من غيره ..الحين اغلب الكويتين مادة أولى يقول جدي مواليد الكويت ! طيب جدك والنعم فيه ! بس انت شسويت في الكويت ! يوووم احتاجتك شردت عنهااا ! وانا ماتكلم عنك شخصيا ..اتكلم بشكل عاام ..
لا طبعاا في قطر في منهم ولائه للسعودية ..وفي منهم ولائه لأيران !
لكن بقولك معلومة مهمة ..هو لأان الاخوان في السعودية اسلوبهم سئ في التعامل من اخوانهم الخليجيين ..كرهو العالم فيهم ..وانا اتكلم عن حكومات .فلما تكره الحكومة بلد ..تلقائيا تلاقي الشعب مع الحكومة ..فتلاقي الشعب بينهم بين بعض كل واحد يعير الثاني بولائه للسعودية ..



اخوي ارجو تتقبل كلامي بصدر رحب ..والكويتين حبايبناا..

ماله داعي تقول مجدد جوازك في بغداد ... صار لهم غزو غادر وقتل ونهب و العالم كله

معاهم مش بس السعودية . احنا معاهم دم ولحم الله يهديك
Kuwaiti88
07-06-2011, 03:45 AM
اكيد وتتفق معاي في موضوع الحج لكربلاااء اتمنى ذلك ..

وبعدين وانا اقرأ الموضوع عن الجواز مادة اولى ...ضحكت والله ..
.انا كنت بامريكا...ودارس ويا شباب كويتين ..المهم الشباب طلعو مادة اولى( على قولتكم ولد بطنها ) ..ويووم الغزو أول من شرد ..اللي راح لندن ..واللي راح مصر....وفيه شباب جوازتهم مووو مادة أولى ..وأيام الغزو كان مرابطين على الحدود ..
أرجوو تكون فهمت قصدي..:)


حبيبي وقت الغزو نفس مافي كويتيين طلعوا ... في كويتيين قعدوا وضحوا بدمائهم

واستشهدوا سواء كانوا سنه ولا شيعه ولا بدو ولا حضر ...

عادي تصير بأحسن الدول والعائلات والقبايل ...

فلا تعمم ...
Kuwaiti88
07-06-2011, 04:02 AM
عزيزي وانت يعني ماهمك في الموضوع الا شلون عرفت عندهم مادة أولى !:whistling:
ابشرك اللي تكلمت عنهم اعرفهم عز المعرفة ..ماجبت شي من عندي !
الغزو صار سنة 90 ..اللي يخلي لكم السعودية اللي حررت لكم ديرتكم ..والا جاان الحين تجدد جوازك في بغداد :d

نرجع للجد ..انا ماتكلم عن الكويت وبس..حتى عند بقطر هالمشكلة .موجودة..لكن انتو بالكويت صار عندكم امتحان تعرفون من اللي عندهم ولاء من غيره ..الحين اغلب الكويتين مادة أولى يقول جدي مواليد الكويت ! طيب جدك والنعم فيه ! بس انت شسويت في الكويت ! يوووم احتاجتك شردت عنهااا ! وانا ماتكلم عنك شخصيا ..اتكلم بشكل عاام ..
لا طبعاا في قطر في منهم ولائه للسعودية ..وفي منهم ولائه لأيران !
لكن بقولك معلومة مهمة ..هو لأان الاخوان في السعودية اسلوبهم سئ في التعامل من اخوانهم الخليجيين ..كرهو العالم فيهم ..وانا اتكلم عن حكومات .فلما تكره الحكومة بلد ..تلقائيا تلاقي الشعب مع الحكومة ..فتلاقي الشعب بينهم بين بعض كل واحد يعير الثاني بولائه للسعودية ..



اخوي ارجو تتقبل كلامي بصدر رحب ..والكويتين حبايبناا..


بصراحه لا أفهم سبب إقحامك شقيقتنا الكبرى السعوديه في الموضوع ...

على الرغم من الكويت والسعوديه مو محتاجين لرأيك في سالفة التحرير ...

فالملك فهد رحمه الله قال: " ياتعيش الكويت والسعوديه سوا يا نموت سوا " ...

وهذا المفروض اللي يصير بين الأهل والأقارب ...

وعلى العموم الكويت تحررت بفلوسها وفلوس السعوديه والإمارات واليابان وألمانيا وكوريا

الجنوبيه ... بقيادة الولايات المتحده ...

واللي ما قدر يدفع شارك بقواته ... واستضاف الكويتيين عنده ...

والكويت الحمدالله مو قاصرها فلوس لكن إخوانا مايرضونها لنا ...

والكويت مانكرت جميلها وقاعده ترد جميلها ولا راح تخلص سواء قروض ولا منح بمليارات الدنانير تعرف شنو دنانير يعني الدينار الكويتي 12 ريال ...

وعيب المعاير وانا أخوك بسالفة تجديد الجواز ببغداد ...

تبي تتناقش عدل نتناقش معاك ... غير جذي لا ...
Kuwaiti88
07-06-2011, 04:17 AM
ماله داعي تقول مجدد جوازك في بغداد ... صار لهم غزو غادر وقتل ونهب و العالم كله

معاهم مش بس السعودية . احنا معاهم دم ولحم الله يهديك


الكويتيين كانوا أغلبهم بره الكويت ... سياحه بلندن ومصر ولبنان وتايلاند وإلخ ...

والباجي كانوا بالكويت ...

والمقبور والملعون هدام (صدام) دخل وغدر فينا بالفجر ...
chillis
07-06-2011, 07:59 AM
ياحلوهم وياحلو هواشهم ... عسل على قلوبنا ... :dance

أغلب الدول الديمقراطيه في العالم صار فيها طق وهواش مثل تايوان والهند وإيطاليا وغيره ...

بس احنا ليش استغربنا؟

لأن احنا مسلمين وعرب فاستكرنا هالشي ...

وشي طبيعي بيصير في الدول الديمقراطيه شد وجذب ...

اذا الدول الديمقراطيه ماصارت فيها شد وجذب فمعناته ديمقراطيتها موجهه ...

وبالأخير مو معناته اني بأيد الطق والهواش ...

وأرد وأقول بلدي الكويت مو المدينه الفاضله واحنا لسنا بملائكه ...

لكن العيب اني أفتح الجزيره وأحط عالناس في الدول الثانيه وأطلع إشاعات وأتدخل في شؤونهم

وما أحط شي عن دولتي داخل وأشوف بلاويها ...

عموما اليوتيوب موجود وقناة المجتمع مبينه الصوره عدل عندنا ...

وعمر الدول اللي مو متعوده عالديمقراطيه راح تعرف شنو ديمقراطيه وحريه ...

ما أقدر أتكلم أكثر : " يا غريب كن أديب " ...




قناه المجتمع ما نعدها قناه لانها لشخص معين نفس سكوب عندكم :) عيل نعتب عليكم بقناه سكوب صح ولا لا والجزيره قناه خاصه وليست بحكوميه يعاني عتباها خاص يكون هم ارد واقولك ما نتمنى يكون عندنا مجلس امه لانه اسم فقط عيل رئيس مجلس الوزراء يقدم استقالته عند الاستجواب وبعدها يرد عادي بدون اي استجواب ويردون اغلب الحكومه :) وين الديموقراطيه
ثابت
07-06-2011, 08:31 AM
والله حسستوني انة كل واحد فيكم عايش بالجنة

كل بلد وفيها مقبرة ويليت الواحد يشوف مشاكلة ولا يتكلم عن مشاكل غيرة
الاخ الي يقول للكويتي تجدد جوازك في بغداد عيب هذا الكلام ما يجوز
والله شي يفشل بصراحة ترفعوا في الحوار الله يجزاكم خير
Kuwaiti88
07-06-2011, 01:33 PM
قناه المجتمع ما نعدها قناه لانها لشخص معين نفس سكوب عندكم :) عيل نعتب عليكم بقناه سكوب صح ولا لا والجزيره قناه خاصه وليست بحكوميه يعاني عتباها خاص يكون هم ارد واقولك ما نتمنى يكون عندنا مجلس امه لانه اسم فقط عيل رئيس مجلس الوزراء يقدم استقالته عند الاستجواب وبعدها يرد عادي بدون اي استجواب ويردون اغلب الحكومه :) وين الديموقراطيه



منو قالج قناة الجزيره خاصه ...

أصلا الجزيره أول ما بلشت تم تمويلها من قبل الحكومه القطريه بمبلغ 150 مليون دولار

أمريكي ...

وعلى فكره انا ما عتبت على عليكم بشيء بخصوص قناة المجتمع ...

قلت إذا الجزيره تخش مشاكل قطر عن العالم ترا اليوتيوب وقناة المجتمع يطلع هالمشاكل ...

لكن لو تشوفين سكوب فهي ملك أفراد ... والوطن كذلك وإلخ ...

دستورنا يقول أي حكومه جديده لا يمكن استجوابها على الشغلات اللي طافت ...

وأرد وأقولج الكويت مو المدينه الفاضله ...

والعيب ان نخش بلاوينا عن العالم ...

على الأقل انتي سمعتي عن الاستجوابات والمشاكل اللي عندنا بسبب حرية الإعلام والصحافه

عندنا ...

والكويت طول عمرها الأولى في حرية الإعلام والصحافه وبالدليل تفوقت على إسرائيل بعد ...

وشوفي الكويت وين والدول الثانيه وين ...

على فكره المنظمه اللي تعطي المراتب هي فريدوم هاوس ...
Kuwaiti88
07-06-2011, 01:43 PM
والله حسستوني انة كل واحد فيكم عايش بالجنة

كل بلد وفيها مقبرة ويليت الواحد يشوف مشاكلة ولا يتكلم عن مشاكل غيرة
الاخ الي يقول للكويتي تجدد جوازك في بغداد عيب هذا الكلام ما يجوز
والله شي يفشل بصراحة ترفعوا في الحوار الله يجزاكم خير


هذا انا قلت احنا مو عايشين في المدينه الفاضله أو الجنه ...

كل ديره فيها بلاوي ومشاكل ...

لكن الشاطر هو اللي يعترف فيها ويعالجها ...

مو نخشها ونطمطم السالفه ...
ام السعف
07-06-2011, 02:00 PM
منو قالج قناة الجزيره خاصه ...

أصلا الجزيره أول ما بلشت تم تمويلها من قبل الحكومه القطريه بمبلغ 150 مليون دولار

أمريكي ...

وعلى فكره انا ما عتبت على عليكم بشيء بخصوص قناة المجتمع ...

قلت إذا الجزيره تخش مشاكل قطر عن العالم ترا اليوتيوب وقناة المجتمع يطلع هالمشاكل ...

لكن لو تشوفين سكوب فهي ملك أفراد ... والوطن كذلك وإلخ ...

دستورنا يقول أي حكومه جديده لا يمكن استجوابها على الشغلات اللي طافت ...

وأرد وأقولج الكويت مو المدينه الفاضله ...

والعيب ان نخش بلاوينا عن العالم ...

على الأقل انتي سمعتي عن الاستجوابات والمشاكل اللي عندنا بسبب حرية الإعلام والصحافه

عندنا ...

والكويت طول عمرها الأولى في حرية الإعلام والصحافه وبالدليل تفوقت على إسرائيل بعد ...

وشوفي الكويت وين والدول الثانيه وين ...

على فكره المنظمه اللي تعطي المراتب هي فريدوم هاوس ...



احييك اخوي ،، واشوف نفسي اميل الى وجهة نظرك بشكل كبير :strong
The Master
07-06-2011, 02:21 PM
يلا حيهم اعيال العمة...:nice:

بخصوص الموضوع...اشوفه قانون مدروس...واتفق معاهم...
خاصه في ظل المشاكل اللي صارت مؤخرا من سوالف الجنسيات والتجنيس...


نجي للردود...

اخواني هل الكويت...يقولك اللي مايطول العنب...يقول عنه حامض...:whistling:

والشي الثاني...
مجلس الامه...مشروع ومطلب شعبي اساسي...لتطوير الدول والمؤسسات...

وبالنسبه للكويت...خاصه سالفة الاستجواب...تراها اتهز الناس هز...من قوته ونفوذها...
ولولا هالشي كان ما شفنا احلال المجلس واعادته كم مره...
وهالشي مب امخلي اي مسؤول يألف...او يسرق...او ينهب...او يفهي...

طبعا محد كامل...ولازال الموضوع يحتاج لوقت اكثر...وجهد..."وشفافيه وعدل"...كان النواب او اللي فوق...احم

والله يوفقكم يا اخوانا وربعنا وجماعتنا في الكويت...
ترا صدقوني...محد يعرف قدركم الا اللي عاشركم...:)

اما اغلب الانطباعات...من شواذ...او شخصيات لك عليها...:secret:

اهم شي ضاحية فهد الاحمد...:D
احم...
Kuwaiti88
07-06-2011, 02:23 PM
يلا حيهم اعيال العمة...:nice:

بخصوص الموضوع...اشوفه قانون مدروس...واتفق معاهم...
خاصه في ظل المشاكل اللي صارت مؤخرا من سوالف الجنسيات والتجنيس...


نجي للردود...

اخواني هل الكويت...يقولك اللي مايطول العنب...يقول عنه حامض...:whistling:

والشي الثاني...
مجلس الامه...مشروع ومطلب شعبي اساسي...لتطوير الدول والمؤسسات...

وبالنسبه للكويت...خاصه سالفة الاستجواب...تراها اتهز الناس هز...من قوته ونفوذها...
ولولا هالشي كان ما شفنا احلال المجلس واعادته كم مره...
وهالشي مب امخلي اي مسؤول يألف...او يسرق...او ينهب...او يفهي...

طبعا محد كامل...ولازال الموضوع يحتاج لوقت اكثر...وجهد..."وشفافيه وعدل"...كان النواب او اللي فوق...احم

والله يوفقكم يا اخوانا وربعنا وجماعتنا في الكويت...
ترا صدقوني...محد يعرف قدركم الا اللي عاشركم...:)

اما اغلب الانطباعات...من شواذ...او شخصيات لك عليها...:secret:

اهم شي ضاحية فهد الاحمد...:d
احم...


هلا بالزين كله ...

وبارك الله فيك ...

وشنو سالفتك مع ضاحية فهد الأحمد هذي خابرها يديده وليلحين ماسكنوها ...

:happy:
The Master
07-06-2011, 02:28 PM
أتوقع وصلت معاك للجدال العقيم ...

بعد ما حللتنا نفسيا واكتشفت ان فينا أمراض نفسيه ...

أترفع عن النقاش معك بسبب ألفاظك " أمراض نفسيه " و " إيرانيين ما يسوون بيزه " و

" جدد جوازك ببغداد " ...

عموما هذا منتدى قطري وانا ضيف في النهايه ...

لا والله ابد منت ابضيف...الا براعي مكان...افا عليك بس...

يبقى لكل شخص وجهة نظره...وانت احسنت انك ترفعت عن الرد...

وحنا مع الحق طال عمرك...
وان كان منتدى اقطري...فا هذا لا يعطي الحق لاي شخص بالتعدي او الغلط على غير القطريين...الغلط غلط...والصح صح...

لكن يبقى...وجهات نظر...اجرفتها المايه شوي...احم:whistling:
واقول لك...خذ وخل وانا اخوك...وياما صارت لنا...يعني عادي...
شوي بتشوف المشرف ماسح الردود...يعني عااااااادي....سهالات...احم

والمكان مكانك...واتشرفنا بتواجدك...خاصه عقليتك ومعلوماتك وردودك احييك عليها اخوي كويتي...وانت مكسب للمنتدى...فا نصيحه...من اخ لاخيه...مر الشارع الساحلي...صوب كويت ماجيك...اتخلي البحر يمينك...كنك رايح شمال...بيجيك تشوكليت بار على اليمين...خذ لك مولتين تشوكليت...ومعاه هوت تشوكليت ب النوتيلا...راح تدعيلي...:pardon:

وبس...احم "بخصوص كوافي في هالحر...بلللللل...احم :whistling:"
The Master
07-06-2011, 02:32 PM
هلا بالزين كله ...

وبارك الله فيك ...

وشنو سالفتك مع ضاحية فهد الأحمد هذي خابرها يديده وليلحين ماسكنوها ...

:happy:



احم...شكلي بانزل مغامرتي فيها في الاستراحه...من يوميات عليان...خبرك التفهي حده...فا بغيت اعفس الدنيا...احم :whistling:
لكن ربك ستر...:p


اي صح...كنه عندي موضوع امنزله من فتره...:con2:
احم...
Kuwaiti88
07-06-2011, 02:36 PM
لا والله ابد منت ابضيف...الا براعي مكان...افا عليك بس...

يبقى لكل شخص وجهة نظره...وانت احسنت انك ترفعت عن الرد...

وحنا مع الحق طال عمرك...
وان كان منتدى اقطري...فا هذا لا يعطي الحق لاي شخص بالتعدي او الغلط على غير القطريين...الغلط غلط...والصح صح...

لكن يبقى...وجهات نظر...اجرفتها المايه شوي...احم:whistling:
واقول لك...خذ وخل وانا اخوك...وياما صارت لنا...يعني عادي...
شوي بتشوف المشرف ماسح الردود...يعني عااااااادي....سهالات...احم

والمكان مكانك...واتشرفنا بتواجدك...خاصه عقليتك ومعلوماتك وردودك احييك عليها اخوي كويتي...وانت مكسب للمنتدى...فا نصيحه...من اخ لاخيه...مر الشارع الساحلي...صوب كويت ماجيك...اتخلي البحر يمينك...كنك رايح شمال...بيجيك تشوكليت بار على اليمين...خذ لك مولتين تشوكليت...ومعاه هوت تشوكليت ب النوتيلا...راح تدعيلي...:pardon:

وبس...احم "بخصوص كوافي في هالحر...بلللللل...احم :whistling:"



جزاك الله خير ومن طيب أصلك ...

لوووووول عاد آنا مطيح فيه هالمكان المجمع اسمه سبونز وهو بس للمطاعم ...

بس انا مطيح بجوكليت بار البدع اللي بالموفنبيك ...

وهذي تحيه لك من الكويت ...



http://up.arab-x.com/Jun11/uw046566.jpg (http://up.arab-x.com/)


http://up.arab-x.com/Jun11/1OR46566.jpg (http://up.arab-x.com/)

:happy:
Kuwaiti88
07-06-2011, 03:48 PM
احم...شكلي بانزل مغامرتي فيها في الاستراحه...من يوميات عليان...خبرك التفهي حده...فا بغيت اعفس الدنيا...احم :whistling:
لكن ربك ستر...:p


اي صح...كنه عندي موضوع امنزله من فتره...:con2:
احم...


حطلي اللنك الله يجزاك خير ...

وخنشوف التفهي اللي صارلك ...

:happy:
قسماً
07-06-2011, 03:54 PM
من طق الباب جاه الجواب ، محد براضي على بلاده ،
ياجماعة الخير لحد يطلع عن مسار الموضوع بارك الله فيكم ،احنا قاعدين نناقش موضوع الجنسيه ومانبي التلميحات اللي مالها داعي واللي مامن وراها الا توغير قلوب الاخوان على بعض
ومافي داعي ننحرف عن الموضوع ،
الله يهديكم بس