المساعد الشخصي الرقمي

مشاهدة النسخة كاملة : استفسار : رايح اخر الشهرتايلاند شهر عسل



الدوحه 2006
04-06-2011, 07:46 PM
السلام عليكم ورحمه الله

انا ان شاء الله بروح شهر عسل نهايه الشهر هذا :shy:

وحجزت التذاكر على تايلاند

القطريه من هنا الي بوكيت والعوده من بانكوك

المهم قررت بعد تردد كبير ان انزل بوكيت واتم فيها 3 ايام وبعدها شانغ ماي 3 ايام وبعدها بانكوك 3 ايام

بس للحين ما حجزت الفنادق ولا اكدت على المده الي اتم فيها في اي مدينه

بس انا ابي اتم 10 ايام بس ومب عارف شسوي وانا رايح شهر عسل

انا اخترت ثلاث فنادق كل فندق في مدينه

The Bell Pool Villa Resort

هذا في بوكيت


RatiLanna Riverside Spa Resort

وهذا في شانغ ماي

JW Marriott Hotel Bangkok

وهذا في بانكوك


ابي اعرف رايكم وشنو تنصحوني فيه لان ما اعرف الفنادق هاذي ولا الجزر الي هي فيها وهل هي تنفع لي ولا لا !!!

والي عنده شور احسن ياليت يقوله ..

واخر شي ابي بعد نصايحكم لي هناك وشنو اخذ معي من هنا !!

غاردينيا
04-06-2011, 08:04 PM
الماريووت ماعليه كلام اختيار جيد
باقي الفنادق ماعندي فكره عنها

أهم شي تاخذ معاك سجادة الصلاة وبوصلة لتحديد اتجاه القبلة

واذا انت من مدمني حليب أبو قوس خذ معاك كم قوطي
لاتاخذ كاش واجد أسحب كل مااحتجت من الصراف حماية للسرقات

وسفرة ممتعه ان شاء الله

Rashid554
04-06-2011, 09:04 PM
اخوي بخصوص فندق The Bell Pool Villa Resort الي في بوكت هذا لا يقع في الباتونغ بيتش وهي المنطقة السياحية الاولى في بوكت

بخصوص فندق شنغماي هو قريب من المطار تقريبا يفصلك شارع رئيسي واحد وموجود مجمع ايربوت سنتر جنب المطار هذا اقرب معلم سياحي بيكون لك موجود وطبعاً معظم رحلات السياحيه في شنغماي مسافاتها طويلة يعني ما اعتقد راح ياثر عليك ولكن من الافضل ان يكون فندق بمنطقة قريبة من المربع النهري الي يحوط المنطقة المكتضه بالسواح

بخصوص فندق جي دبليو ماريوت من افضل الفنادق الموجوده في بانكوك خدمة وموقع وجودة

رحله موفقة

الدوحه 2006
04-06-2011, 09:26 PM
الماريووت ماعليه كلام اختيار جيد
باقي الفنادق ماعندي فكره عنها

أهم شي تاخذ معاك سجادة الصلاة وبوصلة لتحديد اتجاه القبلة

واذا انت من مدمني حليب أبو قوس خذ معاك كم قوطي
لاتاخذ كاش واجد أسحب كل مااحتجت من الصراف حماية للسرقات

وسفرة ممتعه ان شاء الله

مشكوور وما قصرت

الدوحه 2006
04-06-2011, 09:34 PM
اخوي بخصوص فندق the bell pool villa resort الي في بوكت هذا لا يقع في الباتونغ بيتش وهي المنطقة السياحية الاولى في بوكت


ما فهمتك اخوي هل تقصد ان هذا افضل لي ولا احاول اغير واروح للباتونغ بيتش
وانا رايح شهر عسل ابي استمتع بالعروض وابي اكون قريب من كل شي بس ابي مكان في نفس الوقت يكون هادي شوي




بخصوص فندق شنغماي هو قريب من المطار تقريبا يفصلك شارع رئيسي واحد وموجود مجمع ايربوت سنتر جنب المطار هذا اقرب معلم سياحي بيكون لك موجود وطبعاً معظم رحلات السياحيه في شنغماي مسافاتها طويلة يعني ما اعتقد راح ياثر عليك ولكن من الافضل ان يكون فندق بمنطقة قريبة من المربع النهري الي يحوط المنطقة المكتضه بالسواح

نفس الشي يعني اوكي ولا اغيره ؟؟

وياليت اذا انت عندك فنادق تنصحني فيها ..

وجزاك الله خير

الدوحه 2006
04-06-2011, 09:46 PM
سؤال ثاني

اخذ معاي بطاقه فيزأ او ماستر كارد ولا بطاقه البنك العاديه تكفي ؟

اقصد هل هي مطلوبه ؟

Rashid554
04-06-2011, 09:50 PM
اخوي بخصوص الفندق الي في بوكت هذا شي اكيد غيره طبعاً انت بشهر عسل ولازم الفنادق خمس نجوم شوف هالرابط هذي فنادق موجوده بالباتونغ بيتش وشوفلك اي فندق تعجبك من صوره وتقييم الناس له

http://www.booking.com/searchresults.ar.html?sid=53c1358e11608ed0aca24805 4e7c0a69;checkin_monthday=1;checkin_year_month=201 1-7;checkout_monthday=2;checkout_year_month=2011-7;class_interval=1;clear_group=1;country=th;dest_i d=-3406238;dest_type=city;group_adults=1;group_childr en=0;radius=0;score_min=0;si=ai%2Cco%2Cci%2Cre%2Cd i;ss=Patong%20Beach%2C%20Thailand;ss_all=0;ssb=emp ty;ssne=Patong%20Beach%2C%20Thailand;order=class

بخصوص شنغماي اعتقد ماياثر انك تغير او لا لان بالاخير شنغماي انت مضطر تستخدم التكسي في كل المشاوير لكن افضل موقع لفندق في شنغماي D2

بس ملاحظه اخوي اذا هذي اول مره لك في تايلند ..
انت في تايلند بتروح رحلات سياحيه فمعناته يجيك باص سياحي الباص راح يجيك وين ماكنت لكن انا اقصد بالموقع قربه من الاسواق الليلية والمطاعم
ملاحظة : شنغماي مافيها مطاعم عربية فيها باكستانيه والله يعينك مالك الا كنتاكي

Rashid554
04-06-2011, 09:51 PM
بخصوص البطاقة اذا كنت تقصد تستخدمها بالصراف فعادي فيزا او صراف مو مشكلة اهم شي الشعار الي بالبطاقة يتطابق مع الي بالصراف ..

الدوحه 2006
04-06-2011, 09:57 PM
كل الفنادق الي ذكرتها لك 5 نجوم حتى الي في بوكيت

الدوسري قطر
05-06-2011, 02:05 AM
JW Marriott Hotel Bangkok
انصحك فيه واذا تبي خصم قولي وبقولك الطريقه *_^

ولازم تكون معك فيزا او ماسترد حق تأمين الفندق لانك مثلا لو بتدفع كاش يمكن تدفع 10الاف واذا بتدفعها بالفيزا يمكن ياخذون 3000 عاد هذه صارت معي وانا كنت جالسة 20 يوم فالفندق

القطرية ماتروح دايركت بوكت بتنزل ماليزيا وبتشل ركاب من هناك وعقب تروح بوكت

الدوحه 2006
05-06-2011, 08:41 AM
مشكوور يالدوسري وياليت تعطيني الطريقه *

بوشاهين2
05-06-2011, 09:48 AM
أخوي 10 ماتكفيك أحسب اليوم ألي بتروح فيه واليوم ألي بترجع فيه طبعاً هاليومين ضاعوا عليك وبالنسبه لبوكيت ورحلاتها (بي بي أيلاند - رحلة سفاري - رحلة الشلالات - فنتازيا) وبالنسبه للرحلات في بانكوك أنصحك ولازم أتروح هالرحلتين (سفاري وورلد - حديقة حيوان) ( دريم وورلد - مدينة ملاهي ) وبالنسبه وإذا لك خاطر روح وأسكن بعيد عن شارع (ووكنج ستريت) وروح لحديقة الحيوان (تايقر زوو) قمة الوناسه وأتصور مع الحيوانات وأنصحك تحجز بالنسبه لبتايا بالنسبه للفندق من مكتب موسى البناكوكي في العاصمة بانكوك وأتوصيه أنك تحجز بعيد عن الخربطه والوساخه في بتايا .. أما بالنسبه ل شنغ ماي يفداك الكذب مارحتها .. وبالنسبه للمجمعات التجارية ألي بالعاصمة بانكوك ف أنصحك ب ( سيام باراقون - فيه حوض سمك واجد كبير بالدور الأرضي والمجمع مكون من 4 أدوار) ( مجمع طوكيو سنتر ) وأنصحك وكل شي مش غالي ولا أرخيص في مجمع mbk وأعتقد أنك بترتاح في هالمجمع .. وفي مجمع ثاني أسمه روبنسون .. وإذا بغيت الساعات التجارة المقلده والتشكيلات الجديده في سوق (بات بونج) وفي سوق ثاني (تشوتشو) وطبعاً يفتحون من 5 ألي 12 بالليل. وأي أستفسار ثاني أنا موجود.

بوخالد911
08-06-2011, 09:44 AM
رحلة موووفقة


والله يهنييكم

ماجد البدر
08-06-2011, 11:28 AM
JW Marriott Hotel Bangkok
روعه هادي ووسط بانكوك قريب على شارع العرب

الســـهم
08-06-2011, 11:31 AM
بالنسبة لبوكيت ..

أكثر من شخص امدحوا فندق ومنتجع امبيانا بوكيت كبانا , موجود فالباتونغ بيتش ..

بالنسبة لبانكوك ..

انصحك بالانتركونتيننتال وعن تجربة , راقي ونظيف وحولك ارقى المولات وتوصلها مشي عالاقدام , وبعيد عن وصاخة شارع العرب ببانكوك اللي توصله بالتكسي بدقيقتين ..

بالنسبة لشانغماي ..

بصراحة مارحتها وعلى هالاساس ماقدر اعطيك اي نصايح فيها , بس اللي اعرفه ان جوها نظيف وحلو ..

ذيب ولد ذيب
11-06-2011, 01:34 PM
انصحك بوكت تخليها 4 ليالي , و3 ليالي شانغماي و3 لبانكوك واذا بتتسوق خلها 4 ليالي ,,

بوكت فيها رحلات بحريه حلوه وعندهم عرض الفنتازيا شو وعندهم حدايق حيوانات ومكان حلو جداً ,,

شانغماي عندهم الشلالات بس تبعد حوالي ساعتين او ساعه ونص عن المدينه ,, شانغماي جوها احلى من بوكت وبانكوك ابرد شوي ,, فيها حديقة النمور تقدر تتصور مع نمور باحجامها المختلفه انت وشجاعتك , وعندهم اكثر من شلال عجيب مابتمل من القعده عنه ويفضل تاخذ غداك وتتغدى تحت الشلال ,, وعندهم النايت سفاري ,,

وبانكوك في سفاري ورد و الدريم وورد والا سواق ,, بانكوك اكثر مكان ما ارتحت فيه ,,

الاستاندر
11-06-2011, 02:34 PM
السلام عليكم
شحالك اخوي اخوي انا رايح نفس الفتره اللي انت رايح فيها
بوكيت شوي عليها 3 ايام انا خليتها 8 ايام ههههههههههههه
انصحك تروح الفانتازيا شو + جيمس بوند + الزو
في رحلة بس ماعتقد تناسبك بس هي اكشن درجة اولى اللي هي الرافتنق
وبقولك نصيحه لاتصرف فلوسك في مكان فاضي حاول يكون في مكان مكتض
واذا بتطلع في بوكيت عقب الساعه 7 او 8 حاول تبتعد عن شارع البنقلا رود او الوك ستريت

شنغماي مارحتها قبل
بانكوك مادري في فندق الشباب يروحونه دوم مع عوايلهم بس لو تستفسر من الشباب اكثر يكون احسن
اسمه فندق لاند مارك
واي خدمه انا حاضر

Kuwaiti88
11-06-2011, 02:39 PM
أول شي عالبركه الزواج وأتمنى لك حياه زوجيه سعيده ... :)

انا عن نفسي لما رحت بوكيت قبل شهرين مارس 2011 سكنت في فندق ميركيور باتونج

بوكيت ... واسمه باللغه الإنجليزيه Mercure Patong Phuket وهو أحد الفنادق ذات

مستوى 4 نجوم اللي تتبع شركة ACCOR الفرنسيه العالميه ...



طبعا انا أخترت الفندق من دليل " طيران الإمارات " مال العطلات وانا بصراحه أثق فيهم

وباختياراتهم ... وحجزت عن طريق موقع booking كونه الأرخص عالميا ...

الفندق بالنسبه لي كان زين يعني مو وايد كشخه بس كان حلو ...

بس دامك بشهر عسل أنصحك تاخذ 5 نجوم ...


ويقع بمنطقة باتونج المزدحمه بالسياح والمطاعم والأسواق وجدام الفندق على طول راح تلقى

فندق هارد روك + كورت يارد ...

ويحليلهم الفندق كنا طالعين انا والربع ولما ردينا اكتشفت ان حاطيلي كيكة عيد ميلادي مع اني

كنت ناسي ان اليوم عيد ميلادي وقعدت أتطنز عالربع وأقولهم ألحين الفندق يحتفل فيني وانتوا

لأ صج ما تستحون ... :nice:


بس انا عن نفسي لو كنت مع أهلي أو زوجتي المستقبليه مستحيل أسكن في باتونج لأن الوضع

كان في قمة المصخره ... :D

وهذا تصويري الشخصي من الفندق:

http://im.gulfup.com/2011-06-11/1307792036831.jpg (http://www.anavip.net/vb/)



http://im.gulfup.com/2011-06-11/1307792036752.jpg (http://www.anavip.net/vb/)



http://im.gulfup.com/2011-06-11/130779203693.jpg (http://www.anavip.net/vb/)



http://im.gulfup.com/2011-06-11/1307792036314.jpg (http://www.anavip.net/vb/)



http://im.gulfup.com/2011-06-11/1307792037835.jpg (http://www.anavip.net/vb/)



http://im.gulfup.com/2011-06-11/1307792037926.jpg (http://www.anavip.net/vb/)



http://im.gulfup.com/2011-06-11/1307792037557.jpg (http://www.anavip.net/vb/)



http://im.gulfup.com/2011-06-11/1307792037228.jpg (http://www.anavip.net/vb/)



http://im.gulfup.com/2011-06-11/1307792037229.jpg (http://www.anavip.net/vb/)



http://im.gulfup.com/2011-06-11/13077920379210.jpg (http://www.anavip.net/vb/)



http://im.gulfup.com/2011-06-11/1307792189721.jpg (http://www.anavip.net/vb/)



http://im.gulfup.com/2011-06-11/1307792189142.jpg (http://www.anavip.net/vb/)



http://im.gulfup.com/2011-06-11/1307792189483.jpg (http://www.anavip.net/vb/)



http://im.gulfup.com/2011-06-11/130779218984.jpg (http://www.anavip.net/vb/)



http://im.gulfup.com/2011-06-11/1307792189715.jpg (http://www.anavip.net/vb/)



http://im.gulfup.com/2011-06-11/1307792189396.jpg (http://www.anavip.net/vb/)

عذب الكلام 1
15-06-2011, 12:40 PM
اولا مبروك مقدماا بالنسبه للبطاقات كلها ماشيه حتي السحب ممكن يعني النابس اقصد البطاقه العاديه التابعه للبنك تسحب كاش اوتشتري ماعندك مشاكل بس اذا ملزوم اسحب مره واحده افضل عشان مايحسب عليلك الفرق وايد والعموله الدوليه اي استفسار انا في الشوفه

ذيب ولد ذيب
15-06-2011, 05:59 PM
تايلند لها وحشه خصوصاً شانغماي وبوكت