التجار المشاركين فالمعرض التجاري تحسبون الشعب القطري يسحب من رصيد الغاز والبترول ؟!

[أم حمد]

التجار المشاركين فالمعرض التجاري تحسبون الشعب القطري يسحب من رصيد الغاز والبترول ؟!

كنت امس فالمعرض التجاري

وخذت تقريبا لفه كامله

وشفت الاسعار

اشوي صادني قهررررر !!!

اروح دبي اخذ لبس قرنقعوه من القرية العالميه فالقسم الهندي حق بنتي

ب 45 ريال

ب 45 ريال

ب 45 ريال

ب 45 ريال


القاه هنا يبيعونه تاجرات البحرين اخوه بالضبط ب 500 ريال !!!

وتاجر هندي بعد يبيع اختها ب 200 ريال !!!

ابي اعرف هالعالم ماتخاف الله ؟!

وتاجره هنديه تبيع تكرمون الصندل في دبي ب 180 ريال هنا تبيعه ب 300 ريال !!

تاجر سوري الجلابيه عاديه سعرها مايتعدى 200 ريال يبيعها ب 500 ريال !!!

الملاحف التلبيس السنه اللي طافت ب 150 ريال هالسنه ب 250 ريال !!!!

التجار العرب يبيعون البيجامه الوحده ب 100 وزياده !!!!

وعند الصينين 3 بيجامات ب 100 ريال

قهررررررر والله :threaten:

انا مااقول كل التجار رافعين الاسعار نار فيه بعضهم سعرهم مناسب لكن فيهم الكثير اللي جايين ينصبون علينا ابشع نصب !!!

كلمه اخيره يا تجار وتاجرات الخليج والعرب

تر حنا ماعندنا الا رواتبببببببنا !!!
:court:

[R 7 A L]

الخلل فينا مو فيهم
احنا الى نشتري منهم حتى لو ندري ان فيه ارخص منهم

[alkuwari4u]

المشكلة الصراحة مو في هذول التجار المشكلة فينا احنا لو ما نشتري منهم كان ما رفعوا الاسعار بهذي الطريقة

لو تاجر كان عنده بضاعه وبتنباع اذا كانت ب 100 او 500 اكيد ببيعها بخمسية

الحل الوحيد ان الناس هي اللي ما تشتري الاشياء الاغلى من الحد المعقول

[بنك بانثر]

اخر يوم احسن شي صج انه زحمة بس بيتادبون لا شافو البضاعة طاحت في جبودهم
وبيضطرون يبيعونه بسعره الصجي بدون مبالغة

[بوخالد911]

هلا

اسعارهم ضووو ونارر ع الفاضي


أحلى شي اني أقهرهم بالتالي :
لما البايع يقولي هالشي 150 ريال
اقوله : لا ب 60 ريال ولا خل بضاعتك لك

وامش عنه

[MAZEN37]

اعتقد ان اجار الستاند غالي عليهم بالمعرض
والله اعلم
مره سمعت واحد يقول مبالغ خياليه على المتر اجار

[دااانة قطر]

المشكله في نااس تشتري وتخرب عالنااس اللي ماعندها
كاااسروهم زين ولا ماترعفون سيااسة كم اخر


اذكر المعرض الي طااف شفت محل اكسسواارت هنديه ودخلت عرض عالرجال كم وليش وشالساالفه المهم نزل لي شي بسيط يوم شفت مافي فاايده قلبت عالوجه الثااني ( عندي لغه )
جاان اخليه يعطيني بالسعر اللي خذته وانا ببومااي من سنه وشوي يعني خليته ينزل ثلاث اربااع السعر شوي بيصيح بس عطااني وهو ربحاان فيه

ورجعت له ولا فوق 5 مراات كان شوي بينجلط

[أم حمد]

الخلل فينا مو فيهم
احنا الى نشتري منهم حتى لو ندري ان فيه ارخص منهم

من وجهة نظري الخلل مشترك

صح فيه ناس تشتري بس بعد هم ليش يرفعون عشرات الاضعاف

[غير عنهم]

وين حماية المستهلك ( تقدير الاسعار)

[AL_MUTAEM]

امس بموضوع عن افتتاح المعرض ذكرت ان اسعارهم كل سنه تكون مرتفعه بس اخر يوووم يبيعون بربع السعر علشان مايتحملون قيمة الشحن مره ثانيه ..

وانا اتمنى ان تكون هناك وقفات مشتركه من الجميع للحد من خفض الاسعار ..

هم بمخيلتهم ان القطري عنده جبل من عملات 500 والسبب ان البعض يتوقع ان المكاسر بالسعر عيب خاصة انه بمعرض وقدام اللي رايح واللي جااي ..!!

اتمنى عدم الشراء بالسعر المبالغ به وزيارة المعرض باليوم الختامي بالفتره المسائيه وراح تتفاجأون بالاسعار الحقيقيه للبضاعه

[na7ees]

كنت في كويت من سبوع شريت جلابية حق البنت من سوق المباركية بدينار ونص

امس شفت أختها في المعرض ايقولي. ب٤٥.
لا وقولي نهائي
بس شنسوي لاحسيب ولارقيب. *

[الدمعه]

حبيبتي لاتعصبين ولاتنقهرين ..

في دبي ياخذون المحل طول فتره الاجازه وبسعر زهيد مب مثلنا لمده عشرة ايام او اقل

يشفطونهم شفاط..

فشي طبيعي بيسوون اسعارهم دبل الدبل ..

المهم ابسط شي انج ماتشترين من عندهم .. والله اني اريح راسي ولااروح

المعارض كلش ,,.,

انطر لين اسافر واشتري براحتي .. طالما اني رايحه بسياره ومااحاتي شي ..

حتى اطقم المواعين والله اغلبهم اخذهم من دبي والسعوديه ..

ومب اي كلام بعد..

السوريين والاتراك يبيعون لنا بدلات وبيجامات اي كلام وبسعر تتحسفين عليه..

روحي الخبر (طابا ) يومين واشتري اللي تبينه بربع السعر ونفس الشي لبسه او لبستين

وعقيه مب حسافه عليه .. السفره كلها ماتسوي سعر اللي بتخسرينه في المعرض ..

كلها 5000ريال سكن واكل ولعب ومشتريات وفيها البركه ..

[Doha Sun]

نهبة ونصب

[قطرية فذة]

أختي الكريمه اجار المربع اللي يأجرونه بقاعه المعارض هو اللي غالي

[جراسا]

أيجار المتر حسب ما سمعت بألف ريال

و بعدين...التجارة عرض و طلب...و اللي ما يعجبك سعره ما تشتري من عنده

[مشتاقة لقطر]

انا بنفسي ماخذة من عند وحدة تركية بالقرية العالمية ملاحف كريستال وفخامة 1500 -الفين لين نهاية القرية العالمية بدبي .. قالت باشارك في قطر باحط السعر 4 الاف ..

ليش ياعايشة ؟؟>> صارت صديقتي من كثر ما شريت من عندها انا واهلي

قالت كستمر قطر هم اللي شرو من عندي غالي ويقولون تعالي بيعي دبل داخل قطر بيشترون ..

؟؟؟؟؟؟؟؟؟؟؟؟؟؟؟؟


ثاني شي ؟
اقتراحي بخصوص المعارض ليش حكر على قاعة المعارض ومرة بالسنة ..

في الامارات والسعوديةوالكويت كل اسبوع وبكل داعوس معرض ..
يعني كثر العرض يرخص السعر ..

وندرته يرفع السعر بالسما ؟؟؟


من كثرهم بالمعارض مرخصين بالاسعار لللارض ..لان يعرفون فيه منافسة والناس ما تجي من كثر المعارض فيبون يبيعون باي سعر ..

[غرِيبهـ]

في المعرض السعر ١٢ متر ب ٢١٩٠٠ ريال قطري
يعتبر غالي واايد لمده قصيرة هي عشر ايام

[البيت بيتك]

ابسط الامور انكم ماتروحون المعرض تقطعونه
انا باانسبه لي والله قاعة المعارض ماطبها حتي فى التوظيف فلم ويخلص ويرجع فلم ثاني
الله المستعان

[wadha-qa]

اتمنى تقاطعون البحرينيات الشيعيات اولهم كبرى القصير و عبايات زمرد وغيرهم من الشيعيات اللي كانوامساندين للاعمال التخريبيه في البحرين

انا ما عندي نيه ازور معرض الحراميه هذولي بعد شهر بروح السعوديه وبوظبي هناك بضايعهم احسن وارخص

[MAZEN37]

في المعرض السعر ١٢ متر ب ٢١٩٠٠ ريال قطري
يعتبر غالي واايد لمده قصيرة هي عشر ايام
من صجك escape

[شيط ويط]

ومع ذلك كله الحريم يشترون :)

[مساهمة بسFresh]

ومع ذلك كله الحريم يشترون :)

:oops: يعني في مشترين اكيد بيرفعون السعر دام في اقبال

[قطرية فذة]

ماظني القدر بيستمر بالغلي فقد فار القدر

[مضاربه]

انا امس رحت ماشوف فيه زود خذت لفه واشتريت غرشه بزار بحريني وطلعت عجبتني العبايات بس ماعرف اشتري شي من غير ماشوفه وانا لابسته حتى مرايه ماعندهم واسعارهم مبالغين فيها البياعات البحرينيات تلاقونهم قالو خل نستغل لهفه بنات قطر على العبي لو انا منكم ماشتريت منهم خل اطيح عبيهم في جبدهم

[الأصيلة]

انا امس رحت ماشوف فيه زود خذت لفه واشتريت غرشه بزار بحريني وطلعت عجبتني العبايات بس ماعرف اشتري شي من غير ماشوفه وانا لابسته حتى مرايه ماعندهم واسعارهم مبالغين فيها البياعات البحرينيات تلاقونهم قالو خل نستغل لهفه بنات قطر على العبي لو انا منكم ماشتريت منهم خل اطيح عبيهم في جبدهم

بالعكس العبايات مافيها زود على عبايات سوق فالح..
بس أنا برأيي مبالغ كبيرة ماتنحط في بضائع المعرض المعروضة أمام كل الناس..
يعني جلابية مخمل عادية جدا بـ 800 على المنيكان والناس تمسكها من كل صوب وتتفرج عليها
اشلون لي خاطر أشتريها وألبسها...
ممكن أحط مبالغ فقط في السجاد لكن باقي الأشياء ماتستحق..
وبالذات العبايات والجلابيات...

[كازانوفا]

لا خلونا لاخر يوم وساعتها بنشوف كيف الاسعار راح تكون مرضيه لنا بس لهم هم لاااا

الله المستعان

[شيط ويط]

:oops: يعني في مشترين اكيد بيرفعون السعر دام في اقبال

اكيييييد لو مافي مشترين وناس تدفع ما تجرأوا وأرفعوا أسعارهم .. من كم سنة زرت المعرض واشوف الحريم ماشاء الله وهم طالعين .. كل وحده مسحبه الدريول والا الحمالي وراها ومنكسر ظهره من كثر الاغراض اللي شايلها .. والمشكلة ان رواد المعرض - غالبا - من ذوي الدخل المحدود .. لان جودة البضاعة المعروضة ما تتناسب مع رغبات وبرستيج الناس الهاي هاي .

اعتقد المشكلة في الحريم .. هذي الفئة المستهدفه لتجار هذه المعارض .. وللأسف غالبية منهم بحاجة إلى إعادة نظر في سياستهم وسلوكياتهم الشرائية :court:

[النائب]

أشوف لاانتوا مفاصيخ ولا ميتين من الجوع وليش رايحين للمعرض خلوا بضايعهم تخيس عندهم والحمدلله السوق مليان من البضائع والإحساء قريب والإجازات على الأبواب .

[محمد]

والله الخلل في الحريم واسمحولنا يا الجنس اللطيف في هالحجي يعني ,,

انتو لين شفتوا شي ب50 ولا 60 قلتوا "وخييييه لويث" !!

لين رحتوا مكان احذاه ونفس الغرض بمكان حلو و مرتب وب500 ريال .. قلتوا "ايييييه هذي الاصلي عيل ذاك وعووووه"


لين غيرتوا نظرتكم في الغالي والرخيص بيعتدلون التجار .. لانكم تسبونهم وتشترون منهم !

[محمد]

أشوف لاانتوا مفاصيخ ولا ميتين من الجوع وليش رايحين للمعرض خلوا بضايعهم تخيس عندهم والحمدلله السوق مليان من البضائع والإحساء قريب والإجازات على الأبواب .

تصدق ياخوي ..
اغلبهم يروحون عشان يقولون رحنا .. ومن باب "ما فاتهم شي !! "

ولا حد فيهم يروح وفيه غرض يعني فعلا يدوره وما حصله و رايح عشان يجيبه من المعرض الا من رحم ربي .. اما الباقي بس عشان اذا افتحوا سالفة المعرض يكونون من الي جربوا هالتجربة المثيرة و زاروا المعرض .. مع الخيل يا شقرا :fight:

[فتى الجود]

المشكلة من الاساس وهى من ادارة المعرض والقائمين

هل يعقل
الاجار تقريباً 30.000 ريال
والتجار ما ينلامون لازم بيرفعون الاسعار

لو الدولة تنزل الاجارات وتحاكى العقل ان هذا الشي وطنى

كل شي غالى

[إلا..إذا]

ي صحيح الاجار غالي كان قبل 11 الف الحين 22 الف ..
المفروض يرخصون المعرض وخصوصا للعارضين اللي من قطر مايصير يساون ولد البلد باللي جاي عشان يدعمونه بس ادعموو خشه ابوووه مب هو بس

[الورده]

لا تشترون يا ناس خلهم يخسرون
احنا في قطر كل ما يجي المعرض وكن الناس ماعندهم شئ يتسابقون يشترون عشان كذا يرفعون الاسعار

[كحيلان قطر]

اليوم كنت ناوي اروح المعرض قالو لي البضايع غاليه عن اللزوم !!

ماعندي مشكله كوعت ورجعت مارحت ؟؟؟؟

المفروض يوم شفتو الغلا مافي داعي تشترون قاطعو المعرض علشان يتأدبون التجار والمنظمين .

ترى العيب فينا أحنا , يصل لمستوى الغباء , أنا أعرف بعض التجار من سوريا قالو أن البيع في المعارض القطريه أفضل من أي دوله في الخليج لذلك يتهاتف التجار للمشاركه في معرض قطر ؟

يعني غباء مزمن عندنا للأسف ؟؟

والله حرام خاطري مره نكون نحن المأثرين يعني نطبق مقولة خلها تخيس , خل الأرضه تاكلها , خلها تصدي ,,,,, خلو كبودهم تنبط


أمنيه ياريتها تتحقق

[الأصيلة]

والله الخلل في الحريم واسمحولنا يا الجنس اللطيف في هالحجي يعني ,,

انتو لين شفتوا شي ب50 ولا 60 قلتوا "وخييييه لويث" !!

لين رحتوا مكان احذاه ونفس الغرض بمكان حلو و مرتب وب500 ريال .. قلتوا "ايييييه هذي الاصلي عيل ذاك وعووووه"


لين غيرتوا نظرتكم في الغالي والرخيص بيعتدلون التجار .. لانكم تسبونهم وتشترون منهم !

أصلا الملابس كلها في المعرض لويث حتى لو كانت بأغلى الأسعار...

[هارودز]

هرمنا هرمنا هرمنا

[هارودز]

مهب اجباري حد يشتري

[محمد]

أصلا الملابس كلها في المعرض لويث حتى لو كانت بأغلى الأسعار...

وانا هذا رايي في المعرض من زمان .. كل الي فيه لويث

[بومحمد911]

الخلل فينا مو فيهم
احنا الى نشتري منهم حتى لو ندري ان فيه ارخص منهم

وانت صح

[السليطي86]

ماهو كل قطري عنده بنك!!!

الله كريم

المهم موضوع الاسعار سببه الأول والأخير مثل ما قالو اخواني واخواتي الإيجار بس

مقارنة مع دبي او غيرها من الدول

من خبرتي التجارية

ولا تلومون التجار

[almaf1a]

هل الاشياء الي في المعرض مب موجوده برى

[fhd4]

من وجهة نظري الخلل مشترك

صح فيه ناس تشتري بس بعد هم ليش يرفعون عشرات الاضعاف

لأن فيه ناس تشتري ... :whistling:

[مساهمة بسFresh]

لأن فيه ناس تشتري ... :whistling:

وطول مافي ناس تشتري يعني عاجبهم السعر:whistling:خصوصا اذا كان الشي مب اساسي

[شمس]

اي والله العقل زينه
العام لعبت اليهال وخذت لي كرك وحبزه صاج وارواب بيت من الفلبينين الثلاث ع 100
ولعبيتين للاطفال (انغشيت فيها)بصراحه العاب الاطفال لازم ما تكون باكثر من 10 ريال بكره بتتكسر وتنحذف
ترى المشترى نطلع حرة المجلس ولا جان من زمان اجازه ومسافرين

[meeemz]

انا العام رحت والله على قولتكم من باب اني رحت عشان مايفوتني واللي خذته من ملابس مالبسته احسن اني غلطت في شرائهم

[الوان]

قبل كانو ينزلون الأسعار اخر يوم الحين ما فيه امل ينزلون و كل سنة تزيد الأسعار .. تدرون ليش ؟ لان إحنا نشتري نشتري نشتري .. مثل ما قال المثل ( خمام ممسي ) و الله لو محد يشتري بيستعدلون

[ANONYMOUS]

حلوه لويث

تذكرت لويث التاثع عشر ههههههههههههه

[نبض القلم]

قاطعوهم و فكو عمركم
لو لقو مقاطعة حقيقية السنة الجاية بيعرفون ان الله حق

[الطيبة كلها]

ترى السبب مش من التجار من اصحاب المعرض والشركات اللي تاجر المحل الواحد هالسنه مأجرينه ب 21900 يعني 22000 واذا محلين تقريبا 44000 الف فلازم يعوضون الشحن والعمال والسكن ووووو

[com]

المشكله في نااس تشتري وتخرب عالنااس اللي ماعندها



صدقتي

[موضي قطر]

والله في حياتي ماشريت من معرض الا مرة وحده وتحسفت وبعدها توبه .. وتبون الصراحة احنا

اللي معطينهم وجه ولا من زين البضايع انا اكره ماعلي حد يقولي بضاعه سورية من يومي
مادانيها احسها كلها خيوط

[مهره]

معرض فى نصب والله لكن من يقول مافى حد يتوب يحبون الناس المعارض انا بصراحة الصيني نفس اسعار العام جات بتغلي قتلها حبيبتى العالم ماخذتة بهالسعر سكتت لازم تكاسرهم ولا مافى فايدة بينهبونك

[جادووور]

امس رحت المعرض مريت من جنبه قلت خلني اشوف اش عندهم. ... مريت من جانب محل يبيع شنط تقليد والله انقههرت من الاسعار المبالغ فيها لا والسوري واثق من روحه ان اسعاره كويسه ومافيه جشع سعر شنطة ديور ب1000 ريال خذتها البنت والله من غير ماتكاسر في السعر وانا ميته قهر اعرف وحده تبيع مثلها ب350 واخذة حزام هرمز ب600. وعند المره القطريه مايتعدا300 تقليدولاهمها وكأنها دافعه 60ريال. وتقولون ليه ماينصبون علينا وليه رافعين الاسعار. بينصبون علينا دام في من هاي الاصناف *

[أم حمد]

المعرض اغلبه نصب علينا !

ومثل ماقلتوا البعض مايكاسر !

اللي مستغربه منه الايجار 22 الف على شنوا ؟!

سعر البترول ماثر عليهم ولا الذهب ولا ايش ؟!!!

ولا العمال اللي مالين مساحة المعرض !!!!

السنه الجايه كم يبون يفعون سعر المحل 44 الف ؟!!!

[أم حمد]

المصيبه كل اللي اعرفهم ومشاركين فالمعرض سواء من الامارات او قطر

يقولون التنظيم سيء وعلى ايش رافعين الايجار مدري !

[التيما]

رزق الهببل عالمجانين .. ودام راضيين خلهم يدفعون عشان محد يقول عقب سددوا الديون .. انا مارحت ولا بروح من زمان مقاطعة المعارض ماروح اي معرض لان اي شي ينباع في المعارض في برا المعرض بسعر ارخص بوايد فليش اتعب نفسي واروح ..

[سهم عتيج]

المعرض اغلبه نصب علينا !

ومثل ماقلتوا البعض مايكاسر !

اللي مستغربه منه الايجار 22 الف على شنوا ؟!

السنه الجايه كم يبون يرفعون سعر المحل 44 الف ؟!!!

للأسف مافيه حس وطني من جانب القائمين على المعرض,, لأن الهدف من مثل اقامة مثل هذه المعارض يجب أن لايكون تجاريا,, ولكن لعرض منتجات الصناعات المحلية التي يجب أن تجد الدعم من اقامة مثل هذه المعارض,, وكذلك لتشجيع التجار من الدول الأخرى لعرض بضائعهم وامكانية اقامة محلات دائمة في قطر..

من فترة بسيطة كنت بالخبر وفي أرقى مول تم بناؤه حديثا,, وكنت أتسائل عن ارتفاع الأسعار في الخبر عما كانت عليه قبل 3 سنوات(من باب الفضول) مع أن الأسعار تضل أقل بكثير من قطر.. وقد سألت احد التجار الذين يملكون محلا ذو أربعة أبواب وفي أفضل مكان بالمول عن ذلك,, فرد علي بأن الايجارات عالية في المول,, فسألته بكم أجار محلك.. فأجابني بربع مليون,, فقلت له في الشهر,, فقال لا بالسنة.. أي ما يعادل 20 الفا في الشهر..

وعلى طول عملت مقارنة بين أجار هذا المحل الذي يقع في أرقى مكان في الخبر ذو الأربعة أبواب,, وبين تأجير أربعة أبواب في قرية بروة,, فوجدت أن تكلفة ايجار محل عندنا في البر بنفس مساحة المحل في أرقى مولات الخبر يساوي 44000 ريال تقريبا,, أي أكثر من ضعف ايجاره في ذلك المول..

نتمنى من القائمين على اقامة مثل هذه المعارض أن يضعوا الحس الوطني أمامهم لأنه ليس مطلوبا منهم تحقيق أرباح من اقامة مثل تلك المعارض بقدر اجتذاب اكبر شريحة من التجار والسلع للبلد بأسعار تنافسية..

وللأسف كنت أشاهد اليوم الحلقة الخاصة باللقاء التشاوري الذي أقيم بين معالي رئيس الوزراء والتجار,, فتكلم السيد أحمد النعيمي بهذا الخصوص,, وأبدى استغرابه بأن الهيئة تنظم في العام فقط 37 معرضا وهو عدد قليل مقارنة بمستوى الطموح,, ولا أعرف لماذا لم يأـي على باله أن ايجار محل صغير لمدة 10 أيام قد يكلف صاحبه أكثر من 30 الف ريال بين استئجار وتكاليف الكشك والنقل وآخره..

[ام السعف]

المعرض بشكل عام منوع وان كانت السيطرة الكاملة للجلابيات الكويتية
ومحلات العبي ( سمت الأسعار شفتها معقولة مع اسعار العام ) مع اني لا شريت العام
ولا ناوية اشتري هالسنة لو زرت المعرض للمرة الثانية ،،
اضافة الى العطورات ،، اللي كنت اوخر عنهم ولا احب اقرب صوبهم ،،


اليوم رحت اخذ لي كريم تبيض وشد وتصغير في العمر 10 سنين يمكن سعره ما يعدي 40 ريال وطلعت والبوك شبه فاضي ،،

هل الأسعار زادت ؟

بالنسبة لي ركزت على امور معينة ،، وحبيت اعرف الأسعار العام خذت طقم فوط عبارة عن قطعتين للجسم والشعر للشباب في البيت الطقم خذته على 110 واليوم بعد وصل السعر الى 110 ريال ،،

الكريم خذته من المعرض اللي كان في الصيف على 35 ريال هالسنة على 30 وسوا لي خصم لأني يايبة معاي السمبل ،،

لاحظت انهم يرفعون الأسعار وانت تركتهم نزلوا لك سعر المنتج الاكسسوارات التركية اسعارها فوق فوق فوق ،، ويوم قلت لهم اني شارية نفس الأساور حق بنتي من دبي قال لي من وين ؟
قلت له من الملا بلازا ،، قال لي صح هذا محلنا وراواني الكرت ،، اشوي والا البوس مالهم ،، لما ييت بتركهم وبطلع ،، قال لي دبي غير هناك ممكن نخصم ،، اهنيه ما نقدر قطر غالية غالية وايد غالية :(

قلت له عيل بروح دبي باشتري ،،:strong ( كان خاطري يقول لي حلفت عليج ما طلعتي من المحل والا وانت ماخذة الاكسسوارات بالسعر اللي يناسبج ) عاد لعبتي لو قالوا لي حطي السعر اللي يناسبج ما ارحمهم :oops: لو 500 حطيت له 200 :whistling:

في الأخير خذت اللي ابيه

فالكف من 300 خذته على 200
والعقد من 370 خذته على 250
والحلق من 175 خذته يمكن 130
وفي الأخير دفعت 550 .....> لحد يقول لي اشلون لأني ما قبلت سعرهم وقلت لهم غالي وبطلع قلت لهم تبون 500 ؟قال لي ما يصير ،، قلت له مع السلامة قال لي حطي 50 واخذي ،،
اللي خلاني احط ال 50 ريال هي بنتي اللي عجبتها الاكسسوارات ،، مع انها ما تكلمت بس ما حبيت الف زيادة وشخصيا اعجبتني اكسسواراتهم وشغلهم حلو ،، رحنا جدام اشوي ولقينا محل سوري شغل تركي ،، اسعارهم اقل بوااايد من التركي بس التركي شغله محترم ،،

خذنا سكوتر للصغير بسعر اقل او العام او بنفس السعر يمكن وهو 100 ريال

خذت ربع كيلو زعتر للأكل من المحل اليمني وقال لي انه زعتر اردني الكيلوا على 80 ريال نفس اسعار العام ،، فخذت ربع كيلو للتجربة ،،

خذت اداة تكشيط للجلد ،، ابي اكشط الطبقات المتراكمة على ويهي ،، طلعت فرحانة اني
خذتها على 15 ريال والا بو العيال يقول لي في السوق الصيني في دبي على 5 :court:
قصوا علي :eek3:


اشوف الأسعار فووق ،، بس اطلع عنهم راح ينزلون لك ،، بس هذا لا يعني ان هناك مافي مبالغة في اسعار المواعين وهالمبالغة كل سنة انشوفها ،، واللي عنده اكيد بياخذ واللي ما عنده مب شرط ياخذ ،،


بس اللي ابي اعرفه ليش ارفعوا الأجار على خلق الله ؟:spider:

ليش ؟
ليش
ليش ؟

ام السعف
صاحبة موسعة الليشات المليون في قطر !!

[صوت الضمير]

انا رحت المعرض نفسهم جاوا السعوديه

استغربت من اسعارهم هناك فرق عن اللي عندنا بواجد

صدقتي .. والله بكل كلمه قلتيها

الشرهه على هيئة السياحه ليش مايرقبون الأسعار..

يعني اللي بينصب يجي عندنا ..

انا عن نفسي موب رايح عندي النت اللي ابيه يجي لين بريدي بأرخص الأسعار*_^


أبداع

[سهم عتيج]

ياصاحبة الليشات الثلاث,, خميتي المعرض,, وما تبغينهم يرفعون الأسعار..

الزعتر العام خذته من محل سوري,, القوطي ب 30 ريال,, بس كان طيب طيب المذاق..وأتمنى أحصله اذا تيسر لي الذهاب للمعرض..

[محمد]

ماشاءالله شفنا القاري مالج كله يام السعف من خلال الرد خخخخخخ

[ام السعف]

ياصاحبة الليشات الثلاث,, خميتي المعرض,, وما تبغينهم يرفعون الأسعار..

الزعتر العام خذته من محل سوري,, القوطي ب 30 ريال,, بس كان طيب طيب المذاق..وأتمنى أحصله اذا تيسر لي الذهاب للمعرض..

والله يا اخوي عتيج هالسنة الزعتر في القوطي على 25 عند اليمني و عند ابو علاء السوري بتلقى اللي في القوطي على 30 اعتقد ،،

بس احنا خذنا منه زيت الزعتر وزيت اللوز المر الغرشة الصغيرة بطلعة
روح عطانا على 15 للوحدة ،، والزهورات على 15 ريال ،، والورد المجفف
على 20 ريال ،، تاخذ او ما تاخذ يقول لك هذي اسعاري ( كان حازم ابو علاء ) ،،

اما بخصوص الزعتر اللي كتبت عنه بو الكيلو ،، هذا له نكهة حلوة
تلقاه اخضر زاهي وفرش وطعمه يعيشك في ربوع.الألب الزعتري :D

جربه وصدقني بتحس انك بالفعل تاكل زعتر مخلوط بسمسم :whistling:

بس صدقني من العادة اتشرى اشوية اغراض ،، هالسنة مسكت نفسي
صرت احاول اعلمها اتحط القرش المناسب في المكان المناسب :D

[ام السعف]

ماشاءالله شفنا القاري مالج كله يام السعف من خلال الرد خخخخخخ

اعرض لكم الأسعار :D

المرة القادمة ان شاء الله بتنحرمون من معرفة الاغراض وبيتم وضع رموز لها :strong

[ZURICH]

بالدور ياشباب ..

[بذرة غلااا]

فعلا انا اليوم رحت واخذت لفه على المعرض لقيت الاسعار مبالغ فيها
صج غالي جدا الصراحه نصدمت

[غزلان]

انا اليوم رحت له نااااار اسعارهم جلابيه مافيها شي الا تقول لي 800 خير ان شاء الله

شكلهم فاهمين دخل الفرد القطري غلط:o

[قطرية فذة]

من خلال الردود اودت بي بالخيال الى واقع قريب حاضره

بما ان للمستقبل نكون نحن بوقتنا الحالي نصنع الماضي

فأخبركم بالمستقبل تنوع الشرائح من فقير وغني

من كثر الغلاء الناس اكتفت بالموجز وبعتقادي حتى البيوت بتتنوع

بنكون مثل سوريا ولا المغرب

ياحظ اللي الحين عايش وعنده " مُلك "

وخلف الله على اللي ماعنده " بيعيش بشقه "

لزوم الغلاء يحوش الفلوس

المعارض المفروض تجي بصالح الشعب

لكن اللي باين ان الشعب اصبح فريسه الكل يتغدى ويتعشى عليه

والغريب ان الجهة اللي ماسكه الموضوع مارحمت حد

ليش ياوطني

[جلمود]

الناس بالخارج تنظر للمواطن القطري كصاحب اعلى دخل بالعالم :whistling:

من كثر التبرعات ( الخارجيه)

مايدرون عن الحوه وعروقها

والغاز صار مثل بيض الصعو نسمع به ولا نشوفه :court:

[تغلبية]

ببســـاطة .. دع بضاعتهم لهم تخيس وتعفن وياكلها السرو .. اذا كان الجشع وتغافل الناس دافعهم

وعساني مالبست من هالمعرض

ترا احنا ساس البلا موب هم .. اللي مايكون لنا موقف تجاه هالاسعار الخيالية

[جلمود]

ببســـاطة .. دع بضاعتهم لهم تخيس وتعفن وياكلها السرو .. اذا كان الجشع وتغافل الناس دافعهم

وعساني مالبست من هالمعرض

ترا احنا ساس البلا موب هم .. اللي مايكون لنا موقف تجاه هالاسعار الخيالية

والله ياليت أختي كل النسوان تاخذ بنصيحتك ولكن المرأه القطريه فيها مرض مزمن وهو البذخ والصرف على هذي البضائع , للأسف :(

[حيهور]

يحترق المعرض والي فيه

ليش تروحون لمعارض ماتحترم جيب المواطن

لاتشترون

تخيس البضاعه لين يعرفون ان الله حق

بس انتم تربحونهم

الله يخلي السعودية

[زهرة بنفسجية]

من صجك escape

يا جماعة ما تدرون كم ايجار المتر بها 10 ايام
النصب و النهب مو من التجار
21000 و شي ب 10 ايام من وين يطلعها التاجر
هاي ما قلنا عن راسماله و الجمارك و السوالف الثانية
و الله اكبر نصب ايجارهم الفاحش
لما ينزلون بالايجار شي طبيعي ترخص السلعة

لذلك انا ريحت راسي و لا اشتركت
انا اقول لازم التجار ما يشتركون عشان ينزلون من الايجار
و الله حرام

[AL_MUTAEM]

يعني من المفترض مقاطعه جماعيه من قبل المواطنين والمقيمين وايضا المقاطعه يجب ان تكون من قبل التجار ..

هل سبب الارتفاع الجنوني هو قيمة الايجار ؟؟ او جشع التاجر ؟؟

اذا قيمة الايجار فلماذا يستأجرون بهكذا قيمه والضحيه انا وانت وانتي ..!!

يازين اسواق الرياض كل مجمع احسن من اللي قبله واللي مايدل او ماعنده وقت الحسااا والخبر حذفة حصاااه

[بوحارب]

والله هالتجار مالهم حل ومب مستفيدين الا من شعب قطر المسكين هههههههه


انا واحد كنت ناوي اروح المعرض ولكن الحين لا معرض ولا خربطيشن :)

[دلة الرسلان]

للأسف مافيه حس وطني من جانب القائمين على المعرض,, لأن الهدف من مثل اقامة مثل هذه المعارض يجب أن لايكون تجاريا,, ولكن لعرض منتجات الصناعات المحلية التي يجب أن تجد الدعم من اقامة مثل هذه المعارض,, وكذلك لتشجيع التجار من الدول الأخرى لعرض بضائعهم وامكانية اقامة محلات دائمة في قطر..

من فترة بسيطة كنت بالخبر وفي أرقى مول تم بناؤه حديثا,, وكنت أتسائل عن ارتفاع الأسعار في الخبر عما كانت عليه قبل 3 سنوات(من باب الفضول) مع أن الأسعار تضل أقل بكثير من قطر.. وقد سألت احد التجار الذين يملكون محلا ذو أربعة أبواب وفي أفضل مكان بالمول عن ذلك,, فرد علي بأن الايجارات عالية في المول,, فسألته بكم أجار محلك.. فأجابني بربع مليون,, فقلت له في الشهر,, فقال لا بالسنة.. أي ما يعادل 20 الفا في الشهر..

وعلى طول عملت مقارنة بين أجار هذا المحل الذي يقع في أرقى مكان في الخبر ذو الأربعة أبواب,, وبين تأجير أربعة أبواب في قرية بروة,, فوجدت أن تكلفة ايجار محل عندنا في البر بنفس مساحة المحل في أرقى مولات الخبر يساوي 44000 ريال تقريبا,, أي أكثر من ضعف ايجاره في ذلك المول..

نتمنى من القائمين على اقامة مثل هذه المعارض أن يضعوا الحس الوطني أمامهم لأنه ليس مطلوبا منهم تحقيق أرباح من اقامة مثل تلك المعارض بقدر اجتذاب اكبر شريحة من التجار والسلع للبلد بأسعار تنافسية..

وللأسف كنت أشاهد اليوم الحلقة الخاصة باللقاء التشاوري الذي أقيم بين معالي رئيس الوزراء والتجار,, فتكلم السيد أحمد النعيمي بهذا الخصوص,, وأبدى استغرابه بأن الهيئة تنظم في العام فقط 37 معرضا وهو عدد قليل مقارنة بمستوى الطموح,, ولا أعرف لماذا لم يأـي على باله أن ايجار محل صغير لمدة 10 أيام قد يكلف صاحبه أكثر من 30 الف ريال بين استئجار وتكاليف الكشك والنقل وآخره..

يعني الهيئة الحكومية هي سبب غلاء المعرض ! طيب هل فيه حد يطلب من هيئة السياحة

اتاوة شهرية مثلا فتضطر مثلا لتحصيلها من المستهلكين ؟- لا تستغربون عندنا دائما وراء

الأكمة ما ورائها :o

شيء ثاني معالي رئيس مجلس الوزراء ماعنده خبر بها الشيء عندما وجه تحذيره للتجار

بينما الحكومة عبر هيئاتها وشركاتها ترفع أسعار الأيجارات مما يعود سلبا على المستهلك ؟

[انصار جليري]

كنت ناويه اروح


اخلي فلوسي لدبي ابرك

[شيط ويط]

بس اللي ابي اعرفه ليش ارفعوا الأجار على خلق الله ؟:spider:

ليش ؟
ليش
ليش ؟

ام السعف
صاحبة موسعة الليشات المليون في قطر !!

لأن في إقبال وطلب كبييير من التجار على المشاركة في المعرض .. وطلب التجار الكبير ناتج عن الاقبال الكبير من الناس اللي يزورون المعرض ويشترون .. هذي هي المعادلة بكل بساطه .. المستهلك في نفس هالمعارض هو المتحكم في الايجارات لكن بطريقة غير مباشرة .. لو الكل قاطع المعرض .. راح تقل مبيعات التاجر المشارك في المعرض ويقل دخله .. وراح يعيد حساباته في مسألة المشاركة في المعرض العام القادم .. وراح يرفض عرض الايجار المرتفع .. ولما هو يرفض وغيره يرفض .. تضطر الشركة الى خفض قيمة الايجار عشان تضمن التاجر يشارك .. واللي على أثره راح يقلل اسعاره وبالتالي الناس تقبل على الشراء بأسعار هي مقتنعة فيها :whistling:

[مشتاقة لقطر]

لأن في إقبال وطلب كبييير من التجار على المشاركة في المعرض .. وطلب التجار الكبير ناتج عن الاقبال الكبير من الناس اللي يزورون المعرض ويشترون .. هذي هي المعادلة بكل بساطه .. المستهلك في نفس هالمعارض هو المتحكم في الايجارات لكن بطريقة غير مباشرة .. لو الكل قاطع المعرض .. راح تقل مبيعات التاجر المشارك في المعرض ويقل دخله .. وراح يعيد حساباته في مسألة المشاركة في المعرض العام القادم .. وراح يرفض عرض الايجار المرتفع .. ولما هو يرفض وغيره يرفض .. تضطر الشركة الى خفض قيمة الايجار عشان تضمن التاجر يشارك .. واللي على أثره راح يقلل اسعاره وبالتالي الناس تقبل على الشراء بأسعار هي مقتنعة فيها :whistling:

بس اذا عدد المعارض نادر جدا فالمستهلك حاب يشتري مجبور لانه ما يتكرر الا كل سنة مرة وحدة


وهالشي قلته قبل .. ليش ما يفتحون مجال لاقامة المعارض بكل وقت وبكل مكان

وبالتالي كثرة العرض تقلل السعر .. وهذا في مصلحة المستهلك

[الدمعه]

لأن في إقبال وطلب كبييير من التجار على المشاركة في المعرض .. وطلب التجار الكبير ناتج عن الاقبال الكبير من الناس اللي يزورون المعرض ويشترون .. هذي هي المعادلة بكل بساطه .. المستهلك في نفس هالمعارض هو المتحكم في الايجارات لكن بطريقة غير مباشرة .. لو الكل قاطع المعرض .. راح تقل مبيعات التاجر المشارك في المعرض ويقل دخله .. وراح يعيد حساباته في مسألة المشاركة في المعرض العام القادم .. وراح يرفض عرض الايجار المرتفع .. ولما هو يرفض وغيره يرفض .. تضطر الشركة الى خفض قيمة الايجار عشان تضمن التاجر يشارك .. واللي على أثره راح يقلل اسعاره وبالتالي الناس تقبل على الشراء بأسعار هي مقتنعة فيها :whistling:


وين اللي يطبق ..

اعرف ناس يروحون المعرض ويشترون بكل فلس عندهم .. وعقب يتحنطمون خلصت

فلوسنا والمعرض غالي ..وينهون كلامهم شنسوي عجبنا الغرض ..

بعد ماالومهم لانهم مايقدرون يسافرون ولامكان حتى الحسا ..

[الدمعه]

بس اذا عدد المعارض نادر جدا فالمستهلك حاب يشتري مجبور لانه ما يتكرر الا كل سنة مرة وحدة


وهالشي قلته قبل .. ليش ما يفتحون مجال لاقامة المعارض بكل وقت وبكل مكان

وبالتالي كثرة العرض تقلل السعر .. وهذا في مصلحة المستهلك


صح كلامج ام تركي .. ولو تذكرين مشاركاتنا في المدارس وشوي شوي حتى المدارس

قامت ترفع سعر اجار الطاوله .. يحسبون ان ندخل ذهب ..مب جنه مدرساتهم يحجزون

الغرض وماياخذونه .. طبعا انا اول وحده بطلت اشارك في معرضهم ..

ثاني شي .. المعرض اللي كان ودنا نسويه بس ولامكان رضى يسويه لنا لان مافيه

راع رسمي لنا .. والكتاب اللي كتبناه والاتصالات حق فلان وفلانه كله عالفاضي ...

بدل تحطيم الاسعار صار تحطيم القطريات

[chillis]

المفروض نقاطعهم وما ناخذ منهم خل بضاعتهم تطيح بجبودهم لا والقهر الاكثر العبايات اخواتنا الي من البحرين يبيعون العبايه 2000 و1800 وبالبحرين 500 :( صج قهر

[بنت قطريه]

والله حرام كل شي سعره مرتفع وانا اقول عن البضاعه اللي شفتها
حراميــــــــــــــــــــــــه
شوي

[مشتاقة لقطر]

صح كلامج ام تركي .. ولو تذكرين مشاركاتنا في المدارس وشوي شوي حتى المدارس

قامت ترفع سعر اجار الطاوله .. يحسبون ان ندخل ذهب ..مب جنه مدرساتهم يحجزون

الغرض وماياخذونه .. طبعا انا اول وحده بطلت اشارك في معرضهم ..

ثاني شي .. المعرض اللي كان ودنا نسويه بس ولامكان رضى يسويه لنا لان مافيه

راع رسمي لنا .. والكتاب اللي كتبناه والاتصالات حق فلان وفلانه كله عالفاضي ...

بدل تحطيم الاسعار صار تحطيم القطريات


تذكرين الكتاب اللي قدمناه بطلب دعم اعلامي معنوي فقط للتاجرات القطريات بالانترنت ..من هيئة العمل التطوعي ..

حق الشيخة اظن اسمها منى .. يوم حضرت مدرسة المرخية انا مكلمتها بنفسي وخذت الكتاب ..
وبعدها .؟؟؟؟؟

ولاحتى كلمة ولا رد ..


واساسا انا مثلج اكتفيت بالعرض بالنت .. فقطططططططط

[الجاهر]

روحوا الاحساء احسن لكم بلا معرض بلا نصب

ههههههههههههههههاي

[المعضادي]

بسيطه يا أم احمد ........ لاتشترين منهم :whistling:

انا عن نفسي غير الخضار ما اشتري من قطر , والباقي كله من السعودية

الله يعز تجارهم والله اللي فيهم خير عن الحرامية اللي عندنا

[abdulla999]

`اخوي الاستاند الواحد اجارة 20.000 ريال اذا الشركة رافعا اسعارها بكم تبيهم يبعون وترى هذاا اجار يوم واحد بس

[أين الحل ؟]

السلام عليكم ورحمة الله

[تحداني]

ما اشوف في المعرض اي سلعه استثنائيه مميزه .. كل ماهو معروض متناول خارج المعرض
لذلك قد لايعنيني تواجد المعرض من غيابه .. او الذهاب اليه من مقاطعته ..
يمكن البعض يروح للمعرض لأهداف معينه وسلع محدده
" كالسجاد الايراني مثلا .. او لوحات فنيه .. "
غير هذا أعتبر مشوار المعرض استنزاف لسلعه لاتحمل من الجوده العاليه

الى الآن لا افهم لماذا الاقبال الكبير عليه ؟؟
السلع مألوفه
المعروض ليس بتلك الجوده
الافكار مكرره
التجار نفسهم
الخامات واحده
والصوت مازال واحد ان السلع مرتفعه

اذا لماذا الاقبال الشديد


سمعت من زميلات لي في الدوام .. يقولون نص الاغراض تلقونها في سوق الجبر
الي صاروا الناس يستحون يورحون له .. والنص الثاني راح تلقونه في زون ..


جملك الله برضاه

[36R]

اللي يده في الماي البارد مب مثل اللي يده في الماي الحار

اختي

نسيتي اجار المكان بالمتر
نسيتي غلاء الشحن
نسيتي غلاء السكن في الفنادق
نسيتي غلاء التذاكر
نسيتي غلاء المواصلات
نسيتي غلاء الوجبات
نسيتي غلاء رسوم الفيز

وايد اشياء انتم ما تعرفون عنها ، تاخذون بالظاهر ، ما تدرين ان المتر الواحد في المعرض يبيعونه بالدولار الأمريكي

وان الفنادق تستغل وجود هالمعارض وتعلي من سعر السكن فيها ، حتى لو كان فندق نجمتين

لا تاخذون جانب وتخلون باقي الجوانب

ما ننكر ان الاسعار غاليه تكون بس ما ينلامون بصراحه

والشغل الصيني مب مثل العربي وانا اختج، وكلنا نشهد ونعرف هالشي

تقبلي مروري وتعليقي

عطر

[الدمعه]

تذكرين الكتاب اللي قدمناه بطلب دعم اعلامي معنوي فقط للتاجرات القطريات بالانترنت ..من هيئة العمل التطوعي ..

حق الشيخة اظن اسمها منى .. يوم حضرت مدرسة المرخية انا مكلمتها بنفسي وخذت الكتاب ..
وبعدها .؟؟؟؟؟

ولاحتى كلمة ولا رد ..


واساسا انا مثلج اكتفيت بالعرض بالنت .. فقطططططططط


اييي وحاطين لنا هالسكرتيره لبنانيه او مادري وشو اصلها .. هلأ و هلأ...:court:

ان شاء الله لين صار عندي 5مليون دولار انا بكون الراعي والمنفذ

والمسيطر ...ههههههههههه

[مبتدئة]

من صجك escape

على كلام وحدة من المشاركين

ومحلها مش كبير .. القياس العادي بس انه في الواجهه

كان العام بـ17000

والسنة تحلف انه أجار المكان37000

السؤال لـ منظمين المعرض:

ناخذون هالكثرررر على المشاركين ليييييييييييييييييش!!:court:

آخرتها بتطيح في راسنا:threaten:

[qatarya-vip]

لأنهم لاقيين لهم ناس

راح اقول لكم سالفة صارت لي مع صاحب محل ماراح اذكر اسم المحل لكنه له فرع بالامارات واول مافتحوا عندنا في قطر رحت اشتري من عندهم ولقيت بدلة مااااافيها اي شيء وولا ماركة وولا شيء مجرد موديل عادي لقيتها بـ 3000 ريال وتفاجأت سىلته على شنو هاالسعر عليها وانا شافيتها بالامارات عندكم بـ 1000 ريال !!! قال لي انا اول ماجيت عندكم حطيتها بنفس تسعيرة الامارات بس قعدت هاالبدله عندي سنة كاملة مااحد اشتراها ويوم رفعت سعرها ل3000 ريال طارت وحده والحين باقي هذه !!!!!!!!

قال لي بلسانه / انتوا ماتشترون الا اذا شفتوا السعر غاااالي ومايهمكم الجودة او الماركة او الموديل المهم سعرها وهذا اللي لاحظتة بقطر ، وقال لي مستحيل اسعرها ف الامارات بهاالسعر لأني ادري انهم مايخاذونها !!

تخيلوا لين صاحب المحل بنفسه يقول هاالكلام عنا وجدامي عينك عينك عيل ايش يقولون من ورانا

وترى صج هم لاقيين لهم ناس والا احنا عجزنا واحنا نطالب البنات مايروحون لقسم البحرينيات اللي يبيعون العبي بالمعرض وكلنا نعرف اسعارهم بالبحرين ماتتعدى الـ 500 ويبيعونها علينا بـ 2000 وطالع

ولين قلت حق بنت لا تشترين قالت لك اسعارها مب الكل يقدر يشتريها فاحسن خل اتميز عليكم !!!! هذا رد بالله

شيء طبيعي هم لاقيين لهم ناس

ومرة انا بنفس المعرض التجاري هذا اللي يصير من كم سنة كنت شارية بدلة سورية حق اليهال حق القرنقعوة شاريتها من سوريا بـ 250 ليرة " وانتوا احسبوا الليرة كم بتطلع " تقريبا 25 ريال اذا ماوصلت 50 قطري

ولقيتها بالمعرض بـ 500 ريال !!!!!!!!!!!!! ويوم قلت له بسوريا غير قال هذا بسوريا لكن هنا عندكم فلوس ولازم نرفع الاسعار !!! ماجينا من سوريا علشان ننبيعها بنفس السعر ، قلت له وليش شايفنا جايبين الفلوس من البحر او الشارع يااخوي ولو حبيت ترفع الاسعار ارفعها بشكل مقعول خل نقول 100 ريال علشان تكلفة الشحن والاجار مب 500 !!!!!!!!!!!!!!! ثلاث اضعاف هذا حرام

وهذا غير بدلة شريتها من القرية العالمية في الامارات القسم الكويتي كانت بـ 100 ريال بس ولقيتها هنا في جلامور تبيعها بـ 3000 !!!!!!!!!!! اشدعوة
ويوم حاججتها قالت لي انتي اخذتيها صناعة كويتيه وانا ابيع صناعه المانيه وفرنسية !!!!!!!!!!

نفس الموديل ونفس الماركة ونفس الشعار عليها حتى من ورا


ضحك علينا واحنا للأسف نشتري واحنا نضحك

لو يلقون لهم ناس تقاطع المعرض وماتدخلة يا اما ينزلون الاسعار او على الاقل يسعرونها بشكل طبيعي او مااحد يدش المعرض راح يتعاملون معانا مثل باقي الدول لكن للأسف مثل ماقالوا العيب فينا مب فيهم

[ام ناصر1]

المشكلة الراهين مخربين على الناس العاديين .....وماعندهم مانع يدفعون بلاحساب

[ام السعف]

المشكلة الراهين مخربين على الناس العاديين .....وماعندهم مانع يدفعون بلاحساب

هذي هي الزبدة ،، وبنفس الوقت تعقيبا على رد شيط ويط اقول

اللي عنده ما بيهمه وبيشتري ،، ما اعتقد مثلا دخلت المعرض وبوكي
فيه 1500 ريال ،،، بروح احط يدي على عباية سعرها 3000 ريال ،،

اكيد اللي يتشرون بالاسعار هذي عندهم الامكانيات المادية انهم ياخذون اللي يبونه ،، او مرات نلقى ناس مخصصين ميزانية لمثل هالمعارض ،، يجمعون في فلوسهم طول السنة ،، علشان
يتقضون من المعرض في ايامه الأخيرة بعد ما خذوا فكرة عن اسعاره في الأيام الأولى ،،

كل شي في المعرض موجود في قطر ،، ما نقدر نقول ان البضايع الخارجية
توصلنا من المريخ ،، السوق القطري زاخر بكل انواع البضائع،، لكن مشكلته
غالي ،، والمعرض يستغل وجود الناس والبايع يحط السعر الأول ،،
عاد اهنيه تدخل مهارة المشتري في انه يشعر بالفعل بالسعر المبالغ ويتركه والا يخم
ويطلع حتى لو اضطر يشتري شي خاطره فيه بكل ريال في البوك ،،

[سهم الخيانة]

يا ناس ترى تعبنا و أحنا نسافر السعودية :fight:
علشان نشتري أغراض :strong
مرة علشان
المدارس :anger2:
رمضان يا الله من فضله omen
عيد الفطر :anger3:
العودة للمدارس ؟ :eek3:
عيد الاضحى :pardon:

وكل سنه على هذا الحال دوامه

[محمد]

هذي هي الزبدة ،، وبنفس الوقت تعقيبا على رد شيط ويط اقول

اللي عنده ما بيهمه وبيشتري ،، ما اعتقد مثلا دخلت المعرض وبوكي
فيه 1500 ريال ،،، بروح احط يدي على عباية سعرها 3000 ريال ،،

اكيد اللي يتشرون بالاسعار هذي عندهم الامكانيات المادية انهم ياخذون اللي يبونه ،، او مرات نلقى ناس مخصصين ميزانية لمثل هالمعارض ،، يجمعون في فلوسهم طول السنة ،، علشان
يتقضون من المعرض في ايامه الأخيرة بعد ما خذوا فكرة عن اسعاره في الأيام الأولى ،،

كل شي في المعرض موجود في قطر ،، ما نقدر نقول ان البضايع الخارجية
توصلنا من المريخ ،، السوق القطري زاخر بكل انواع البضائع،، لكن مشكلته
غالي ،، والمعرض يستغل وجود الناس والبايع يحط السعر الأول ،،
عاد اهنيه تدخل مهارة المشتري في انه يشعر بالفعل بالسعر المبالغ ويتركه والا يخم
ويطلع حتى لو اضطر يشتري شي خاطره فيه بكل ريال في البوك ،،

والي عنده امكانات مادية .. بيروح يشتري من هالمعرض التشيب مع كامل احترامي !!
صدقوني هم متضربين بسبب الكل مب بس الراهيين على قولة اخونا ..

انتي اختي ام السعف عطيتي مثال العباية ام 3000 .. خلج من العباية فيه الي على 50 و 100 و في المعرض ب300 و 500 ويشترونه الكل مب بس الي مقتدرين !

المشكلة الاساسية في ثقافة الناس .. فيه معرض !! لازم اروح المعرض عشان ما يفوتني ! وبالتالي لازم اشتري عشان اقول شريت ولا يكون طافني شي !

لو تتغير هالثقافة بيتعدل كل شي مب بس الاسعار حتى الزحمه الي تجيب المرض في مثل هالمعارض وكأنهم يبيعون شي نادر وجوده ومستحيل ينحصل الا في هالمعرض :spider:

[تحداني]

اكيد اللي يتشرون بالاسعار هذي عندهم الامكانيات المادية انهم ياخذون اللي يبونه


صباح الخير ست الحسن والدلال
خليني اعقب على هالسطر الجميل جدا .. الي عندهم الإمكانيه يقولون اشلنا ابهالمعارض
خليني اروح قسم الــvip في فيلاجيو وآخذ لي كم ماركه حلوه .. بدل ما افتت افلوسي على اشياء عاديه ومو مميزه ..
والي عنده افلوس وميزانيه تلقينها قاعده في قسم العبايات ..
عشان تزابي واتقول شريت عبايه ابثلاث آلاف ريال .. وحسبالها انجاز عظيم
مع العلم هذا قمه التهور والجنون


الي يبون يستفيدون من هالمعرض مو امخلينهم يستفدون منه
والناس صارت تحب الغالي .. والله يا ام السعف .. نص اغراضهم .. او بدون مبالغه خليني اقول لج وين راح تلقينه

الملاحف راح تلقينه " في محل العروسه " وفي محل " ما اعرف شنو الذهبي " الي كانوا قبل صوب سوق الديره

الأجبان تقدرين تشترينها من ابيوتهم .. وارقامهم تارسه المنتديات
البجامعات معظمها في زون .. وسوق الجبر
الساعات كلها تقليد .. وموجوده في وايد محلات في السيتي سنتر

النعل " اجلكم الله " هم في المحلات الي في الستي .. وفي سوق الجبر .. وفي سوق الديره
الزعتر والزيت الزيتون .. روحي صيدا احسن نوع .. روحي المحلات اللبنانيه راح تلقين ما لذ وطاب وافريش


الاكسسوارات يمكن التركيه الي شريتيها ما اعرف وين تنباع .. وهذا شي مميز يذكر للمعرض
اللوحات والسجاد الايراني في محلات في الدوحه كل وحده اتقول الزود عندي


الحين شنو الشي الغريب في هالمعرض قولي لي بما انج رحتي
شنو الشي الي يخلي الاقبال كبير عليه
شلي حادني اشتري شي موجود اصلا خارج اوقات المعرض
شنو الشي الي لايمكن القاه الا عندهم

عشان اوافق اذا اودي الوالده اليوم ولا لا
قاعده اتقول لازم اروح من يومين وانا ما ابي اوديها لان مو لازم تشتري شي موجود
ومكرر وغالي ومافيه جوده



خلينا نسمع ام السعف الغاليه شتسطر لنا


جملك الله برضاه

[الساهر 17]

يا اخون الي في المعرض يشاركون ترى بدون دفع رسوم من الجمارك ( معفيين من الجمارك ) انا كان هذا على خبري سابقا .........ز اتمنى احد من الاخوان في الجمارك يفيدنا لان مساكين التاجر القطرين يا خذون منهم ومن الاجانب لا حتى في الجمارك القطري صار مظلوم لاحول ولاقوة الا بالله

[ام السعف]

والي عنده امكانات مادية .. بيروح يشتري من هالمعرض التشيب مع كامل احترامي !!
صدقوني هم متضربين بسبب الكل مب بس الراهيين على قولة اخونا ..

انتي اختي ام السعف عطيتي مثال العباية ام 3000 .. خلج من العباية فيه الي على 50 و 100 و في المعرض ب300 و 500 ويشترونه الكل مب بس الي مقتدرين !

المشكلة الاساسية في ثقافة الناس .. فيه معرض !! لازم اروح المعرض عشان ما يفوتني ! وبالتالي لازم اشتري عشان اقول شريت ولا يكون طافني شي !

لو تتغير هالثقافة بيتعدل كل شي مب بس الاسعار حتى الزحمه الي تجيب المرض في مثل هالمعارض وكأنهم يبيعون شي نادر وجوده ومستحيل ينحصل الا في هالمعرض :spider:

مب عارفة ليش لما نقول مصطلح راهيين او امكانية يعني لازم يروح صوب الماركات؟
الناس اذواق يا محمد ،، ومرات كثيرة ممكن ياخذون اشياء احنا نشوفها ما تستاهل
بس عندهم متوافقة مع ذوقهم وسعرها مناسب مع محلات ثانية رافعة اسعارها ،،

احنا اهنيه ما نقدر نجبر الناس انهم يقيمون البضاعة حسب ذوقنا لها ،
اللي انت اتشوفه تشيب ورديئ يمكن هم يشوفونه راقي وفخم ،،

اتفق معاك احنا بحاجة الى تعديل ثقافتنا الشرائية لكن لا يعني هذا ان
نتحكم في اذواق الناس حسب رؤيتنا للمعروض ،،

لما اشوف قميص سعره 900 ريال ومكتوب عليه Dolce & Gabbana
عنده يستحق هالقميص لأنه يحمل اسم هالماركة ،، بينما عند شخص
ثاني لو عطيته هدية وما البسه لأنه ما يتوافق مع ذوقه بينما ثالث
ممكن يلبسه لأنه اسم الماركة عليه ،، وتلقى ناس ثانين يشترون
التقليد علشان ينقال لهم الله لابسين ماركة ،، وناس ما يهمهم اسم ماركات
بس يبون يشترون اللي يناسب ذوقهم ،،

فلما نقول ناس راهيين ماديا في الصرف على مثل هالأمور مب شرط يروحون
اماكن الفي اي بي ،، اعرف وحدة ورثت من ابوها 7 ملايين وغير العقارات
وفي الأخير اشوفها في اماكن بسيطة تتقضى فيها ،، فتخيل هذي لو دخلت
مثل هالمعارض اكيد 3000 ريال ما يسوى عندها شي وبتاخذ اللي تبيه ،،

وفي ناس يحبون يحطون فلوسهم في الأمور هذي وتعجبهم ،، وتوفر عليهم
الدوارة اهنيه وهناك ،،

بس هل كل اللي يدخلون راهيين ؟

خلنا نجرد الاعضاء اللي في الموضوع ،، غالبيتهم قالوا ما شرينا وطلعنا
من المعرض لأنه غالي ،، طيب اللي شروا من ؟

اكيد في ناس يشترون ،، ومب شرط من المعرض ،، في ناس يحبون يقولون
شرينا الغالي ،، مب اعتراض على السعر ولكن يبون ايبينون قيمة الشي
اللي شروه ،،


لكن هل هذا يعطينا الحق ان نقلل من جودة البضائع المعروضة ؟

عني اقول لا ،، لأن الجلابيات الكويتية المعروضة موديلات هالسنة غير عن العام
وهل بالنسبة لي ممكن اشتري جلابية على 400 ريال او 500 ريال
بعد اقول لك لا ،، وخاصة حق بنتي ،، ممكن افصل لها على 700 موديل
ولا اخذ لها شي معروض والكل حط يده عليها ،،

فاهنيه بعد نحسب امور كثيرة ممكن الناس اتحطها في حسابها ،، وانها ممكن ما تلقاها
في السوق وتوفر على نفسها عناء الدوارة وتقيم اسعار المعروض في السوق ،،

لكن الأهم من كل هذا لو اجارات المكان كانت معقولة ممكن الاسعار ترتفع بالطريقة هذي ؟

اقول لك لا مستحيل ترتفع بالطريقة هذي ،،:spider:

[almaf1a]

عبايه ب 3000 ريال
هاي تنغسل وتنكوي عادي والا لها طريقه خاصه بعد

[شيزكيك]

تدرون المعرض فيه ميزه ان كل الاغراض موجوده في مكان واحد

يعني ناخذ لفه كامله ونشتري الشي الي فعلا ما راح نحصله عندنا

[ام السعف]

صباح الخير ست الحسن والدلال
خليني اعقب على هالسطر الجميل جدا .. الي عندهم الإمكانيه يقولون اشلنا ابهالمعارض
خليني اروح قسم الــvip في فيلاجيو وآخذ لي كم ماركه حلوه .. بدل ما افتت افلوسي على اشياء عاديه ومو مميزه ..
والي عنده افلوس وميزانيه تلقينها قاعده في قسم العبايات ..
عشان تزابي واتقول شريت عبايه ابثلاث آلاف ريال .. وحسبالها انجاز عظيم
مع العلم هذا قمه التهور والجنون


الي يبون يستفيدون من هالمعرض مو امخلينهم يستفدون منه
والناس صارت تحب الغالي .. والله يا ام السعف .. نص اغراضهم .. او بدون مبالغه خليني اقول لج وين راح تلقينه

الملاحف راح تلقينه " في محل العروسه " وفي محل " ما اعرف شنو الذهبي " الي كانوا قبل صوب سوق الديره

الأجبان تقدرين تشترينها من ابيوتهم .. وارقامهم تارسه المنتديات
البجامعات معظمها في زون .. وسوق الجبر
الساعات كلها تقليد .. وموجوده في وايد محلات في السيتي سنتر

النعل " اجلكم الله " هم في المحلات الي في الستي .. وفي سوق الجبر .. وفي سوق الديره
الزعتر والزيت الزيتون .. روحي صيدا احسن نوع .. روحي المحلات اللبنانيه راح تلقين ما لذ وطاب وافريش


الاكسسوارات يمكن التركيه الي شريتيها ما اعرف وين تنباع .. وهذا شي مميز يذكر للمعرض
اللوحات والسجاد الايراني في محلات في الدوحه كل وحده اتقول الزود عندي


الحين شنو الشي الغريب في هالمعرض قولي لي بما انج رحتي
شنو الشي الي يخلي الاقبال كبير عليه
شلي حادني اشتري شي موجود اصلا خارج اوقات المعرض
شنو الشي الي لايمكن القاه الا عندهم

عشان اوافق اذا اودي الوالده اليوم ولا لا
قاعده اتقول لازم اروح من يومين وانا ما ابي اوديها لان مو لازم تشتري شي موجود
ومكرر وغالي ومافيه جوده



خلينا نسمع ام السعف الغاليه شتسطر لنا


جملك الله برضاه


صباح النور والسرور والحاجة الى النوم :spider:

اللي يميز مثل هالمعارض تجمع البضائع كلها تحت سقف واحد ،
ومثل هالمعارض بشكل عام جاذبة للجماهير ،، وراح تلقى اقبال من الناس
في كل مكان في العالم ،، ممكن هالسنة تلقى شي مميز وممكن ما تلقى ،،

فإذا بنمشي على مبدأ لحد يقيم معارض لأن البضايع في كل مكان ،،عيل
المفروض نطالب الجهات المسؤولة بعدم اقامة هالمعارض :court:


احنا نفكر في المعرض ما نفكر في مصلحة المستهلك بس ،، ترى التجار
ما يكدون على المستهلكين ،، لما يرفعون لهم الايجارات بالطريقة هذي
شي طبيعي ترتفع الأسعار ،، واسعار البيع في قطر تصير اغلى من دبي ،،

لو قلنا ان القطري بيشتري اي شي ،، كان ما شفنا قوافل القطريين شهريا
في الحسا والسعودية يقضون اغراضهم ،،
اذا بنتكلم عن تحسين السياسة الشرائية للمستهلك التحسين هذا ما يبدأ من معرض
يقام في السنة مرة او مرتين ،، التحسين هذا يبدأ من المجمعات اللي
فيها محلات تحمل يافطات تبيعنا الرخيص غالي والكثيريين فرحانين انهم
شارين البضاعة الفلانية من المحل الفلاني :fight:

فالمطالبات اولا نوجهها للقائمين على مثل هالمعارض ونقول لهم :

1- ليش رفعتوا الايجارات ؟
2- من حق التاجر انه يربح ويمشي بضاعته بس هل من حقه
انه يبالغ في اسعاره ؟
3- ليش تقام هالمعارض اساسا ؟ فإذا الأرض جاهزة ليش رفع الايجار؟
ارتفع عليهم البترول في قاعة المعارض ؟

والا علشان هالفرقة الزبالة اللي صجت اذانينا بالطبول في المعرض ؟
الناس رايحين يتشرون وزحمة وفرقة اتطبل وتمشي في الممرات :court:


وديها الوالدة وخليها اتشوف المعروض ،، يا زين التمر السعودي

التاجر السعودي لما يشارك في قطر تعتقدين بيشارك لأن قطر مافيها تمر ؟
والا بيشارك لأنه يحب يروج لبضاعته ومحله وماركته ؟

في أمور احنا ما نقدر نحبسها حسب حاجاتنا واذواقنا وتقييمنا للمعروض في أمور اكبر من حصرها في حاجتنا للشراء من عدمه بس الأهم يا تحداني
وين الخلل الأكبر في مثل هالمعارض ؟

[ام السعف]

عبايه ب 3000 ريال
هاي تنغسل وتنكوي عادي والا لها طريقه خاصه بعد

3000 ولا شي ،، اذا ما شروها من المعرض يتعنون
السعودية مع تكاليف السكن والأكل والتعب ياخذونها على 1500 ريال
نفس الموديل ،، اما لو موديل تحفة ويديد ما يغلى عليه 3000 هناك
لأنهم ممكن يلقونها 6000 ريال في قطر :strong

[حسن]

3000 ولا شي ،، اذا ما شروها من المعرض يتعنون
السعودية مع تكاليف السكن والأكل والتعب ياخذونها على 1500 ريال
نفس الموديل ،، اما لو موديل تحفة ويديد ما يغلى عليه 3000 هناك
لأنهم ممكن يلقونها 6000 ريال في قطر :strong

المشكله كلها في النسوان هم اللي يرفعون اسعر كل شي عبايه امي من 200 الى 300 لاكن هل الجيل اللضايع سوو لهم عبايات اشكال والوان

[محمد]

3000 ولا شي ،، اذا ما شروها من المعرض يتعنون
السعودية مع تكاليف السكن والأكل والتعب ياخذونها على 1500 ريال
نفس الموديل ،، اما لو موديل تحفة ويديد ما يغلى عليه 3000 هناك
لأنهم ممكن يلقونها 6000 ريال في قطر :strong

والله انتو مع العبايات يالحريم طلعتوا لنا بفنتك يديد :court:

والغلا مب في قطر بس .. منطقة الخالدية في بوظبي الكل يعرفها من معشر الحريم من قرادة حظي وانا راد من دبي مريت بوظبي .. ما كان فيه عباية اقل من 4500 او 5000 !! ومالك الا تشخط الفيزا وانت ماشي .. مانقول الا الله يعينا بس عليكم :wizard:

وبعدين في موضه الحين عيب الوحده تشتري عباية وحده ؟! لان الي صاير لازم اكثر من عباية مهما كلف الامر

[أم حمد]

اللي يده في الماي البارد مب مثل اللي يده في الماي الحار

اختي

نسيتي اجار المكان بالمتر
نسيتي غلاء الشحن
نسيتي غلاء السكن في الفنادق
نسيتي غلاء التذاكر
نسيتي غلاء المواصلات
نسيتي غلاء الوجبات
نسيتي غلاء رسوم الفيز

وايد اشياء انتم ما تعرفون عنها ، تاخذون بالظاهر ، ما تدرين ان المتر الواحد في المعرض يبيعونه بالدولار الأمريكي

وان الفنادق تستغل وجود هالمعارض وتعلي من سعر السكن فيها ، حتى لو كان فندق نجمتين

لا تاخذون جانب وتخلون باقي الجوانب

ما ننكر ان الاسعار غاليه تكون بس ما ينلامون بصراحه

والشغل الصيني مب مثل العربي وانا اختج، وكلنا نشهد ونعرف هالشي

تقبلي مروري وتعليقي

عطر


يسمحون لي تجاوزت الجميع


لان الرد مهم هنا !!


لا مانسينا بس هل المعارض في الدول المجاوره بنفس اسعارنا !!!

قطر اعلى اسعار بالنسبه للدول المجاوره !!

ليكون قطر في استراليا ولا امريكا !!

قطر حالها حال الدول المجاوره

وهيئة المعارض لازم تنزل الايجار والتجار مثل !!

ولا اتمنى من كل رواد شبكة الاسهم مقاطعة المعرض

والتسوق من الامارات والسعوديه والكويت !

:court:

[أم حمد]

على كلام وحدة من المشاركين

ومحلها مش كبير .. القياس العادي بس انه في الواجهه

كان العام بـ17000

والسنة تحلف انه أجار المكان37000

السؤال لـ منظمين المعرض:

ناخذون هالكثرررر على المشاركين ليييييييييييييييييش!!:court:

آخرتها بتطيح في راسنا:threaten:


هذا التساؤل المهم

المنظمين ليش رافعين الاسعار هالكثر وكثير اعرفهم يشتكون من سوء التنظيم !!

[أم حمد]

والله انتو مع العبايات يالحريم طلعتوا لنا بفنتك يديد :court:

والغلا مب في قطر بس .. منطقة الخالدية في بوظبي الكل يعرفها من معشر الحريم من قرادة حظي وانا راد من دبي مريت بوظبي .. ما كان فيه عباية اقل من 4500 او 5000 !! ومالك الا تشخط الفيزا وانت ماشي .. مانقول الا الله يعينا بس عليكم :wizard:

وبعدين في موضه الحين عيب الوحده تشتري عباية وحده ؟! لان الي صاير لازم اكثر من عباية مهما كلف الامر

مشاءالله عليك تعرف اسعار العبايات في الخالديه :d

رواتب هل الامارت الجامعيه اقل وحده 30 الف !!!

احنا الجامعيه 13الف عرفت الفرق !

[almaf1a]

3000 ولا شي ،، اذا ما شروها من المعرض يتعنون
السعودية مع تكاليف السكن والأكل والتعب ياخذونها على 1500 ريال
نفس الموديل ،، اما لو موديل تحفة ويديد ما يغلى عليه 3000 هناك
لأنهم ممكن يلقونها 6000 ريال في قطر :strong

6000 ريال :omg:

سؤال يا ام السعف
لو خيروج بين انج تشترين 4 عباية شكلها مقبول ب 6000 ريال
او عبايه وحده حلوه ب 6000 ريال

ايش راح تختارين؟:unsure:

[محمد]

مشاءالله عليك تعرف اسعار العبايات في الخالديه :d

رواتب هل الامارت الجامعيه اقل وحده 30 الف !!!

احنا الجامعيه 13الف عرفت الفرق !

ما تم شي الا و خليتونا انعرف سعره :o

[أم حمد]

هذي هي الزبدة ،، وبنفس الوقت تعقيبا على رد شيط ويط اقول

اللي عنده ما بيهمه وبيشتري ،، ما اعتقد مثلا دخلت المعرض وبوكي
فيه 1500 ريال ،،، بروح احط يدي على عباية سعرها 3000 ريال ،،

اكيد اللي يتشرون بالاسعار هذي عندهم الامكانيات المادية انهم ياخذون اللي يبونه ،، او مرات نلقى ناس مخصصين ميزانية لمثل هالمعارض ،، يجمعون في فلوسهم طول السنة ،، علشان
يتقضون من المعرض في ايامه الأخيرة بعد ما خذوا فكرة عن اسعاره في الأيام الأولى ،،

كل شي في المعرض موجود في قطر ،، ما نقدر نقول ان البضايع الخارجية
توصلنا من المريخ ،، السوق القطري زاخر بكل انواع البضائع،، لكن مشكلته
غالي ،، والمعرض يستغل وجود الناس والبايع يحط السعر الأول ،،
عاد اهنيه تدخل مهارة المشتري في انه يشعر بالفعل بالسعر المبالغ ويتركه والا يخم
ويطلع حتى لو اضطر يشتري شي خاطره فيه بكل ريال في البوك ،،


فعلا فيه ناس تخرب على ناس

حصل لي موقف فالمعرض

كنت اشوف ملحف

الا جت وحده قالت بكم قال السعر لفلاني على طول افتحت البوك تدفع

وانا بنفس اللحظه ابي اكاسره !

الا اقول له كم عقب الخصم

قال هذا اخر سعر :court:

[ام السعف]

والله انتو مع العبايات يالحريم طلعتوا لنا بفنتك يديد :court:

والغلا مب في قطر بس .. منطقة الخالدية في بوظبي الكل يعرفها من معشر الحريم من قرادة حظي وانا راد من دبي مريت بوظبي .. ما كان فيه عباية اقل من 4500 او 5000 !! ومالك الا تشخط الفيزا وانت ماشي .. مانقول الا الله يعينا بس عليكم :wizard:

وبعدين في موضه الحين عيب الوحده تشتري عباية وحده ؟! لان الي صاير لازم اكثر من عباية مهما كلف الامر

طبعا انت تتكلم عن الحريم اللي همهم مثل هالعبي :d

ولله الحمد مقتنعين بالعباية السادة والشيلة ستاندر مخيوطة الأطراف ،،
ومحلات سوق الخميس والجمعة يفصلون العباية العادية السادة على 100 ريال
اسوي 3 للبنت حق المدرسة ،، واطلب لها ولي خامة من دبي
تكلفتها مع الخياطة بالكثير 300 ريال ،،

ال 3000 هذي اتدخلهم دورة محترمة :d

[أم حمد]

يا ناس ترى تعبنا و أحنا نسافر السعودية :fight:
علشان نشتري أغراض :strong
مرة علشان
المدارس :anger2:
رمضان يا الله من فضله omen
عيد الفطر :anger3:
العودة للمدارس ؟ :eek3:
عيد الاضحى :pardon:

وكل سنه على هذا الحال دوامه


زين والحل ادفع راتب حق كم مناسبه فالدول المجاوره

ولا راتب حق مناسبه وحده هنا !

:court:

[محمد]

طبعا انت تتكلم عن الحريم اللي همهم مثل هالعبي :d

ولله الحمد مقتنعين بالعباية السادة والشيلة ستاندر مخيوطة الأطراف ،،
ومحلات سوق الخميس والجمعة يفصلون العباية العادية السادة على 100 ريال
اسوي 3 للبنت حق المدرسة ،، واطلب لها ولي خامة من دبي
تكلفتها مع الخياطة بالكثير 300 ريال ،،

ال 3000 هذي اتدخلهم دورة محترمة :d

عليج بدورات السيسكو عشان مشكلة البينج :whistling:

[ام السعف]

6000 ريال :omg:

سؤال يا ام السعف
لو خيروج بين انج تشترين 4 عباية شكلها مقبول ب 6000 ريال
او عبايه وحده حلوه ب 6000 ريال

ايش راح تختارين؟:unsure:

ابي فلوسهم :fight:

اربع عبايات سادة من غير شكل ،، لأني ما اهتم في الشكل
تهمني الخامة قبل كل شي،،
بس وينك حدي عاد لبطرت ورفهت عن نفسي خذت لي عباية على
350 ريال اما 6000 ريال الله بسوي عبي وبوزعها على الاهل
والصديقات والحبيبات بمناسبة يوم العباية العالمي :o

[أم حمد]

يا اخون الي في المعرض يشاركون ترى بدون دفع رسوم من الجمارك ( معفيين من الجمارك ) انا كان هذا على خبري سابقا .........ز اتمنى احد من الاخوان في الجمارك يفيدنا لان مساكين التاجر القطرين يا خذون منهم ومن الاجانب لا حتى في الجمارك القطري صار مظلوم لاحول ولاقوة الا بالله


الاخوات المشاركات من الدول المجاوره

بضاعتهم فالشنط

بس اطلع البضاعه ومن 2000 وطالع

لا جمرك ولا غيره !!


الباقين ماادري عنهم !!

[ام السعف]

عليج بدورات السيسكو عشان مشكلة البينج :whistling:

اذا البينج هم السبب فيه فليش تبيني اخذ دورات فيه :eek3:
خلاص اصلا من زمان لسان حالي يقول لهم http://www.pic4ever.com/images/kap.gif

[ام السعف]

ما تم شي الا و خليتونا انعرف سعره :o

الله يخلي الإعلام الموجه اللي يقيم قطر على حساب اعلى دخل اكبر دخل اكبر
مدخول واعلى راتب ،، واضخم عملة و .. و ... :spider:

[أم حمد]

بس الأهم يا تحداني
وين الخلل الأكبر في مثل هالمعارض ؟


الخل المشترك لكن من حيث ترتيب درجات الخل ومن يتحملها

اولا المنظمين على المعرض ااتمنى يوضحون ليه هالارتفاع فالايجار وعلى اي اساس !!

التاجر والله على اي اساس سلعه تنباع ب 45 ريال فالدول المجاوره وهنا تنباع ب 500 ريال !

المستهلكين حنا للاسف

اتمنى يكون في ثقافه وخلفيه حتى لو من خلال النت بااسعار المعروض !!

وبعد مقاطعه للي يرفع بشكل كبير !!!

[ام السعف]

الخل المشترك لكن من حيث ترتيب درجات الخل ومن يتحملها

اولا المنظمين على المعرض ااتمنى يوضحون ليه هالارتفاع فالايجار وعلى اي اساس !!

التاجر والله على اي اساس سلعه تنباع ب 45 ريال فالدول المجاوره وهنا تنباع ب 500 ريال !

المستهلكين حنا للاسف

اتمنى يكون في ثقافه وخلفيه حتى لو من خلال النت بااسعار المعروض !!

وبعد مقاطعه للي يرفع بشكل كبير !!!

قبل لا نتهم المستهلك ،، لازم انعرف هل بالفعل البضايع هذي عليها اقبال ؟

بصراحة الضرب والمضارب كان صوب الجلابيات الكويتية اللي يبيعون ازياج
اهنيه عاد صاحبات الخبرة يدخلون ويقولون الاسعار اشلون ؟؟:o

[أم حمد]

الله يخلي الإعلام الموجه اللي يقيم قطر على حساب اعلى دخل اكبر دخل اكبر
مدخول واعلى راتب ،، واضخم عملة و .. و ... :spider:


ايضا هذا سبب قوي يخلي التجار المشاركين رفع الاسعار علينا

وكانت ادور هالنقطه في بالي

[أم حمد]

قبل لا نتهم المستهلك ،، لازم انعرف هل بالفعل البضايع هذي عليها اقبال ؟

بصراحة الضرب والمضارب كان صوب الجلابيات الكويتية اللي يبيعون ازياج
اهنيه عاد صاحبات الخبرة يدخلون ويقولون الاسعار اشلون ؟؟:o


اللي عندهم ازياج هذولا مش من البحرين؟
:court:

[محمد]

الله يخلي الإعلام الموجه اللي يقيم قطر على حساب اعلى دخل اكبر دخل اكبر
مدخول واعلى راتب ،، واضخم عملة و .. و ... :spider:

بلاد الـ 29 الف مليونير :dance

[أم حمد]

بلاد الـ 29 الف مليونير :dance


اماااااا :eek3:

[محمد]

اماااااا :eek3:

تبين تقنعينا انج مب من الـ 29 الف .. عليناااا ام حمد :whistling:

[ام السعف]

اللي عندهم ازياج هذولا مش من البحرين؟
:court:

امممم،، شكلها كويتية من لكنتها ،، واحتمال فيوزاتي انضربت حزتها :spider:

[أم حمد]

تبين تقنعينا انج مب من الـ 29 الف .. عليناااا ام حمد :whistling:


:spider:

مانكر لكن والله موجعني الارتفاع لان ادري مب الكل يقدر يشتري !!

[ام السعف]

:spider:

مانكر لكن والله موجعني الارتفاع لان ادري مب الكل يقدر يشتري !!

ام حمد //// ممكن لستة في البضايع المبالغ سعرها ؟
وشنهي الاجنحة اللي فيها مبالغة في الأسعار ؟

[مكتوم]

أشوف لاانتوا مفاصيخ ولا ميتين من الجوع وليش رايحين للمعرض خلوا بضايعهم تخيس عندهم والحمدلله السوق مليان من البضائع والإحساء قريب والإجازات على الأبواب .

ايه والله :d

[أم حمد]

ام حمد //// ممكن لستة في البضايع المبالغ سعرها ؟
وشنهي الاجنحة اللي فيها مبالغة في الأسعار ؟


اللي مريت عليهم

الجلابيات مبالغ !!!

العبي !!!

الملاحف !!

الاكسسوارات والنعل والشنط ذكرت لك امثله في بداية الموضوع

هذا اللي مريت عليهم !!

هذا من خلال نظره سريعه قارنت بين اسعار الامارت وقطر لاني شريت هالمنتجات من دبي !!

عاد لو نظره دقيقه وتفصيل لكل المحلات ماادري وش بيصير فيني !!!

[almaf1a]

الا اخبار محل مصممة العبايات البحرينيه الي بنات الرياض قاطعوها وخسرت
لانها كانت من ظمن المحتجيين في دوار اللؤلؤة
ان شاء الله بنات قطر سووا نفس بنات الرياض

[برق لمع]

بعضهم عنيد وراسه يابس والله ما ينزل ريال واحد
من زين بضاعتهم !! فترة وتخترب مافي جودة كلش

[مهره]

الله المستعان بس احنا نطالب بزيادة الرواتب واسقاط الديون الظاهر صدقو انة المطالب تنفذت وعطونا هالاسعار المبالغ فيها

[الرويـس]

متى ينتهي المعرض

[أم حمد]

متى ينتهي المعرض


اضن السبت القادم

[أم حمد]

الا اخبار محل مصممة العبايات البحرينيه الي بنات الرياض قاطعوها وخسرت
لانها كانت من ظمن المحتجيين في دوار اللؤلؤة
ان شاء الله بنات قطر سووا نفس بنات الرياض


كان عندها بنات في محلها :court:

[almaf1a]

كان عندها بنات في محلها :court:

ول عليهم
لا سعر غالي ولا امر سياسي او موقف تظامني يوقفهم عن الشراء
الملاحظ ان المجتمع القطري لم يعد مترابط في امور كثيرة
حتى مع عصر التقدم وانتشار الاخبار بسرعه بين المواطنين
الا ان مستحيل ان نقدم على شئ من صالحنا كلنا
كيف راح نحارب الارتفاعات لو ما كنا على قلب واحد
في مصر لما رفعوا سعر رغيف الخبر جنيه مادري ربع جنيه
الصعيدي الي في اخر الدنيا قاطع الخبر
وهو لا عنده بيبي ولا انترنت يحفزه
بس يوصله الخبر من واحد ويتظامن مع ابناء وطنه
مع مراعاة فارق التشبيه بين الخبر والعبايه وشدة الاحتياج لكل منهم

[qatarya-vip]

الا اخبار محل مصممة العبايات البحرينيه الي بنات الرياض قاطعوها وخسرت
لانها كانت من ظمن المحتجيين في دوار اللؤلؤة
ان شاء الله بنات قطر سووا نفس بنات الرياض

للأسف ارسنا برودكاستات للبنات علشان يقاطعونها لكن اخر خبر وصلني انه ضرب نعل عند قسمها وكل البنات يبونها !!!!!!!!


والله ياليت لو الكل يسوون مثل ماقال الأخ فوق مااذكر اسمه يعذرني

ياليت لو الكل يقاطعهم علشان تخيس بضايعهم عندهم والا يعدلون الاسعار ويساوونا حالنا حال باقي دول الخليج

[أم حمد]

ول عليهم
لا سعر غالي ولا امر سياسي او موقف تظامني يوقفهم عن الشراء
الملاحظ ان المجتمع القطري لم يعد مترابط في امور كثيرة
حتى مع عصر التقدم وانتشار الاخبار بسرعه بين المواطنين
الا ان مستحيل ان نقدم على شئ من صالحنا كلنا
كيف راح نحارب الارتفاعات لو ما كنا على قلب واحد
في مصر لما رفعوا سعر رغيف الخبر جنيه مادري ربع جنيه
الصعيدي الي في اخر الدنيا قاطع الخبر
وهو لا عنده بيبي ولا انترنت يحفزه
بس يوصله الخبر من واحد ويتظامن مع ابناء وطنه
مع مراعاة فارق التشبيه بين الخبر والعبايه وشدة الاحتياج لكل منهم


مااتوقع سنيه بتشتري من عندها

:court:

[almaf1a]

يا خسارة خاب ظني

:(

[qatarya-vip]

مااتوقع سنيه بتشتري من عندها

:court:

يشترون

تدرين وحدة من صديقاتي قالت لي احسن خل البنات مايشترون علشان انا اتميز بعباياتها فرصة ان الموديلات ماتنتشر !!!

تفكير غريب والله

مع اننا احنا كنا نحارب اسعار هاالعبايات من قبل لا ينتشر موضوع هاالمصممة لأن بعد اسعارهم مبالغ فيها يعني بالدمام والخبر اغلى عباية بـ 500 وتلقينها فخمة وشغل عدل ولو يبيعونها عندنا لازم ثلاث اضعاف سعرها ليش ؟!!!

لأنهم لاقيين لهم ناس :court:

[غــرشة عطــر]

للاسف الحين مافي وازع ديني اللي مهم هو الزبو والمفوشر وانا احلى وانا اغلى بغض النظر يصلح مايصلح يناسب مايناسب المهم اتميز وبس حتى لو على حساب ديني هويتي وضعي المادي مش مهم .....بس هذا مايعني احرم نفسي لا...اشتري بالمعقول وفي حدود مب وراهم وراهم عليهم عليهم اقلد بدون تفكير........ليش الغي عقلي عشان عبايه ولا جلابية ولا شنطه........الله يهدينا ويهدي جميع المسلمين والمسلمات .

ملاحظه : اللي تبيع الزيجات والدانتيلات اسعارها مبالغ فيها جدا المتر على 100 ريال و 80 ريال وعلى فكره نفس بضاعة الرونق بس المتر على 20 ريال و30 ريال وخذوا جولة في الرونق وتاكدوا

اللهم اغفر لجميع المسلمين والمسلمات الاحياء منهم والاموات

[سويسرا]

غلالالالالالالالالالالالالالالالالالالالالالالالاء خيالي في كل حاجه

والنصب عيني عينك والله العظيم من الكل

يالله شالاستغلال حد قالهم احنا مليونيريه........

حسبي الله ونعم الوكيل....

[البدع]

غريبة

هذا راي الجميع

[ZURICH]

أكيد قالوا لهم ان إحنا مليونيرية ونص بعد ..
هذا يسمونه نص واحتيال عيني عينك ونقدر نجبرهم على ضبط اسعارهم اذا تأكدوا ان في ناس واعية وتفهم ..

[سويسرا]

لازم يعرفون ان احنا فاهمين اللعبه

حسبي الله عليهم

[hamoor4ever]

محد جابركم تشترون

[نبض القلم]

قاطعوهم هذا هو الحل

[sara jsm]

روحوا وشوفوا تمشايه يعني ,,
لازم تشترووون :o

[محاسب]

الحمدالله وصلاة وسلام على رسول الله(ص)
الواجب علينا في هالزمن نتحد ونحمي أنفسنا من جشع التاجر,,,,
وهذا من التعاون ع البر والخير .

[نوفا91]

لو تتكلم من الحين لييين بكره وتلاقي باغلب المنتديات الحريم يشتكون من الاسعار وبسوالفهم مع ذلك تلاقيهم اول الناس رايحه !!

[التيما]

انا مارحت ومب رايحه كلش .. المعارض اخر همي والحمد لله

[بوحارب]

أم حمد مبرؤوووووووك موضوعج وصلني برودكاست وطرشته برودكاست ههههههههه

[محاسب]

بداية الألف ميل تبدأ بخطوه

[بنت صقار]

لو الواحد يراجع نفسه قبل يروح..اذا كان فعلا محتاج او لا؟؟؟
الله لا يعاقبنا على سوء تصريفنا..
الملابس ماتشيلها الكباته..وتروح للتبرعات ولا التوزيعات؟؟
النعل وانتوا بكرامه..الشنط.......العطورات..الاواني........الستو ر مايستوعب...............
ليش..صرنا استهلاكيين لدرجه المرض الاستهلاكي والتشري........
واللي يقول بنروح نشوف بس..........لا يروح..لازم الشيطان يزين له ويشتري...........
والله صادتنا حاله..تشبع وملل من الاسواق والتشري..لدرجه ان الواحد فينا مايستمتع باللي يشتريه..من كثر مايشتري............
لاحول ولا قوة الا بالله

[الخيالة]

ماحب أروح المعارض اصلا

[qatarya-vip]

قاطعوهم هذا هو الحل

:thumbup1:

[qatarya-vip]

هل من مجيب ؟؟؟

يااخوي عجزنا واحنا نتكلم وولا حد يستمع فعلا ياليتهم يقاطعون هاالمعارض ويا اما انهم يقللون من الاسعار ويعاملونا حالنا حال اخواننا بالخليج او تطيح بضايعهم بجبدهم

لكن مااحد يرد الناس ضرب نعل على هاالمعارض وبالعكس تعجبها الاسعار الغاليه للأسف

[محاسب]

الحمدلله ...... الي يدخل المنتدى أويشارك الناس ويبحث في رايهم عن المعرض
يجد أن عدد كبير,,,, رافض يروح المعرض.
,,,,,,,,,,,,,,,,,,,,,,,,,,,,,,,,,,,,,,,,,
ببدأ برقم 100 شخص رافض زيارة المعرض وخلونا نمي هذا الرقم بمشاركاتكم
...............من يقول 101

[جنون قطر]

اليوم المعرض زحمه من الصبح ومافي براكن والشارع واقف من الزحمه وما شاء الله الناس يتشرون وين تبونهم ينزلون الاسعار

[chillis]

مهب زايرتهم

[محاسب]

اليوم المعرض زحمه من الصبح ومافي براكن والشارع واقف من الزحمه وما شاء الله الناس يتشرون وين تبونهم ينزلون الاسعار


المعرض زحمه ,,, صحيح ,,,,, لكن الناس من صدمه
و في الأيام الجايه بتخف الزحمه

[سويسرا]

الله كريم

[® قطر ®]

قاطعوهم.. لا تشترون

[ra3shat hadab]

المعرض مقصـــــــــــة وبوق عيني عينك
حرامية يا جماعة

يا جماعه المعرض هالسنه نصب عيني عينك يحطون اسعار من مخهم عادي تكاسرونهم وينزلون فوق نص السعر وهم ربحانين بعد ..
وبعضهم اخذتهم العزة بالاثم ما ينزلون ريال كبر راسهم ما ينزلون ريال

اصحوا خلاص لا تخلون الناس يستغلونكم فكروا في الفلوس انتو كارفين طول الشهر ماجاتكم بالساهل واخر شي تقطونها على هالنصابين باردة مبردة

انا درت المعرض كله مالقيت شي يستاهل قيمته كل شي غالي بس للامانه خذت تي شيرت سبونج بوب بثلاثين ريال من الصينيين

المكياج اللي ينباع والله العظيم كله في فتول المرخيه وبنص السعر ماركة مس اند مسز وماركات ثانية كلها في فتول رخييييييصه ويبيعونها في المعرض دبل وفوق الدبل والله العظيم


غير الاكسسوارات والله اني تميت اكاسر لبنانيه على تراجي وخاتم و نزلت السعر من 750 لـ 250 ريال قلت لها ناديلي مسؤؤلكم وكلمته وقلت له الاخت تبي تبيع لي الخاتم مع الحلق بـ 750 واخر شي 700 وتقول انه فضه مطلي ذهب قلت له وين الدبغه ! وقلت له اذا مطلي ذهب عندي عطر فالشنطه ببخه عليه وبرجع لك عقب ساعه بشوف لونه تغير ولا لاء قال لي لا وتكرم عينك ونبي نكسبك ومن هالكلام.... قلت له باخذهم بميتين وخمسين وانت ربحان فيهم بعد . قال لي تكرمي وخذته

وادري ان 250 وايد عليه والله

هذا غير اللبنانيات اللي مشاركين فالمعرض شغالين عالحريم يوزعون عليهم كروت -بزنس كاردس- انهم يروحون البيوت لتسريحات الشعر والمكياج- يا بنات ممنووووع لازم ترخيص من البلديه تحملوا تروحون بيوت ولا شقق ولا تسمحون لاي وحده مش مرخصه واحتمال ماعندها اقامه في قطر تسوي لكم شي بكرا اذا ضرتج ولا حرقت شعرج ولا ويهج مابتقدرين تاخذين حقج منها.

مافي رقابه كللللش على الاسعار .. معقولة وزارة الاعمال والتجارة مالهم دور في ضبط الاسعار !! لان اللي صاير غش !!!

واذا عالاكسسوارات روحوا اللؤلؤة احسن واضمن واكشخ واشتروا اكسسوارات ماركات عالمية وشغل راااقي باقل من اسعارهم والله والحين تنزيلات فرصه ....... !!

اقط الوف على ماركات وشي مضمون ولا اقطه على قرابيع المعرض

[بوحارب]

اليوم كنت هناك وماتميت اكثر من 10 دقايق والصراحة اسعار غالية وجودة تعبانه


بس ضحكني الصيني

سألته عن خاتم لقيت نفسه في دبي ب 10 ريال

ويوم سألته عن السعر قالي 120 هههههههههههههههههههههه

طبعا اول ما قالي السعر ما مسكت نفسي وضحكت بصوت عالي وحتى استغرب وقالي اشفيك هههههههه

قلتله مايسوى 120 ورحت عنه

بس الحريم ما شاء الله عليهم يخمون الزين والشين والله ماعندهم سالفه

[استغفرالله]

شريت عطر من محل اسمه فزاع

يوم رجعت البيت وفتحت العلبة طلعت مكسرة غرشة العطر ومافي اثر تسرب في الكيس - يعني هو مكسور ومتبخر من قبل ليبيعه لي

[أم حمد]

أم حمد مبرؤوووووووك موضوعج وصلني برودكاست وطرشته برودكاست ههههههههه


ههههههههههههههههه

وانا بعد ضحكت يوم جاني ورديت طرشته

:d

احلى شي العنوان

حمله لمقاطعة النصابين

الله يجزاه خير اللي طرشه وخل العالم تصحى !!

[جوهرة قطر]

رحت امس وماطلعت الا بدقوس بخمس ريال من محل بحريني
يمكن هاى ارخص شى فى المعرض :eek2:

[أم حمد]

الحمدلله ...... الي يدخل المنتدى أويشارك الناس ويبحث في رايهم عن المعرض
يجد أن عدد كبير,,,, رافض يروح المعرض.
,,,,,,,,,,,,,,,,,,,,,,,,,,,,,,,,,,,,,,,,,
ببدأ برقم 100 شخص رافض زيارة المعرض وخلونا نمي هذا الرقم بمشاركاتكم
...............من يقول 101


من خلال المجتمع اللي انا فيه يعني اللي حولي

يعني زميلاتي واهلي

كلهم قالوا غالي واغلبهم اتفق على البيجامات الصينيه وبالتحديد سبونج بوب :D

http://www.newmamamall.com/images/kids3/b_s/100_4.jpg

ولا فيه شرا كبير الاغلب طلع بقطعه قطعتين بزار اشيا بسيطه !!

[عيون الدوحة]

رحت امس وماطلعت الا بدقوس بخمس ريال من محل بحريني
يمكن هاى ارخص شى فى المعرض :eek2:

:threaten:
عطوني اياه ب 20 ريال

[أم حمد]

يشترون

تدرين وحدة من صديقاتي قالت لي احسن خل البنات مايشترون علشان انا اتميز بعباياتها فرصة ان الموديلات ماتنتشر !!!

تفكير غريب والله

مع اننا احنا كنا نحارب اسعار هاالعبايات من قبل لا ينتشر موضوع هاالمصممة لأن بعد اسعارهم مبالغ فيها يعني بالدمام والخبر اغلى عباية بـ 500 وتلقينها فخمة وشغل عدل ولو يبيعونها عندنا لازم ثلاث اضعاف سعرها ليش ؟!!!

لأنهم لاقيين لهم ناس :court:


:threaten:

الله يهديهم !!!!!!!

[أم حمد]

:threaten:
عطوني اياه ب 20 ريال


هههههههههههههههههههههه

هنا تجي شطارة المشتري

يعني جوهرة قطر احسن عنك :d

[جوهرة قطر]

:threaten:
عطوني اياه ب 20 ريال

لو بعشرين ماخذته crazy

[بيانو]

اعتقد ان اجار الستاند غالي عليهم بالمعرض
والله اعلم
مره سمعت واحد يقول مبالغ خياليه على المتر اجار



أتوقع نفس الشىء بس مش متأكد
مجرب توقع

بالإضافه إلى أنهم يدفون على البطاعه مصاريف السفر والإقامه ... إلخ

بالناتج بتطلع غاليه على المستهلك

[ثابت]

التجار المشاركين فالمعرض التجاري تحسبون الشعب القطري يسحب من رصيد الغاز والبترول ؟!

كنت امس فالمعرض التجاري

وخذت تقريبا لفه كامله

وشفت الاسعار

اشوي صادني قهررررر !!!

اروح دبي اخذ لبس قرنقعوه من القرية العالميه فالقسم الهندي حق بنتي

ب 45 ريال

ب 45 ريال

ب 45 ريال

ب 45 ريال


القاه هنا يبيعونه تاجرات البحرين اخوه بالضبط ب 500 ريال !!!

وتاجر هندي بعد يبيع اختها ب 200 ريال !!!

ابي اعرف هالعالم ماتخاف الله ؟!

وتاجره هنديه تبيع تكرمون الصندل في دبي ب 180 ريال هنا تبيعه ب 300 ريال !!

تاجر سوري الجلابيه عاديه سعرها مايتعدى 200 ريال يبيعها ب 500 ريال !!!

الملاحف التلبيس السنه اللي طافت ب 150 ريال هالسنه ب 250 ريال !!!!

التجار العرب يبيعون البيجامه الوحده ب 100 وزياده !!!!

وعند الصينين 3 بيجامات ب 100 ريال

قهررررررر والله :threaten:

انا مااقول كل التجار رافعين الاسعار نار فيه بعضهم سعرهم مناسب لكن فيهم الكثير اللي جايين ينصبون علينا ابشع نصب !!!

كلمه اخيره يا تجار وتاجرات الخليج والعرب

تر حنا ماعندنا الا رواتبببببببنا !!!
:court:

الحمدلله انا سويت لة مقاطعة والاهل بعد خلهم تخيس بضاعتهم بحلوجهم علشان يحطون اسعار معقولة

[جوهرة قطر]

هههههههههههههههههههههه

هنا تجي شطارة المشتري

يعني جوهرة قطر احسن عنك :d


لا شطاروه ولا شي اول ماسالته قل لى ب خمس :strong

[أم حمد]

لا شطاروه ولا شي اول ماسالته قل لى ب خمس :strong

:oops:

[محمد]

بس خلوا عنكم الحجي ..



والله عندهم اجار لومي مع منجا على كيفكم فهالمعرض :nice:

اليوم قايلهم غداي ابيه مجبوس خثاثيق على هالاجار الزين

والي فخاطره الله يحييه :happy:

[أم حمد]

بس خلوا عنكم الحجي ..



والله عندهم اجار لومي مع منجا على كيفكم فهالمعرض :nice:

اليوم قايلهم غداي ابيه مجبوس خثاثيق على هالاجار الزين

والي فخاطره الله يحييه :happy:


بكم خذته :whistling:

خثاق :no2:

[محمد]

بكم خذته :whistling:

خثاق :no2:

بـ 30 روبيه

:o

[راسي براسك]

أمس رحت وأنا أتفق معاكم على الأسعار !
دشيت وأنا أيدي خاليه وطلعت وأيدي خاليه
مب عشان الأسعار بس
بعد البضاعه مكرره
:)

[انا حره]

السلام عليكم ورحمه الله وبركاته

البارحه رايحه المعرض التجاري وكالعاده خذنا خرابيط ومشتريات بيجامات اكسسوارات

وصراحه حاولت اني ماخسر قدر المستطاع :victory: وقعدت اكاسرهم اكاسرهم لدرجه انهم عطوني الجلابيه من 600 الى 150 :eek5: والله العظيم مابالغ ...

المهم وصلنا عند واحد سوري يبيع ترنجات وبناطيل ولبس للبيت وعجبوني عنده كذا قطعه

خذيت 3 بيجامات الا يقولي 700 قلت نعم بضاعتك ماتسوى لهالدرجه وبدت قله الادب وقعد يقول كلام ماله معنى وباين ان في فئه تعطيهم وجه ولا ماتمادى بهالطريقه هاوشته وقلت له سعرك مبالغ فيه

الا ايقول انتو يالقطرين تمسكووو التراب بيدكم يصير ذهب :eek5:

ويقولها وهو واثق يقول صدقيني انكم بتشترون وانتو معصومين العينين ولا يهمكم شي


صراحه حز بخاطري شوفو نظرتهم لنا وشوفو معاملتهم لنا واستغلالهم ماخذين فكره ان كل مواطن قطري في بيته بير بترول والله قهر قهر

[الأصيلة]

الأسعار مثل ماسمعت زادت عن أول يومين 100%
من المسؤول عنهم ياترى..
ولو بغى المتضرر يشتكي وين يروح...
ما أكثر المرتزين في المكاتب هناك وفي الإستقبال
فوق وتحت ...ياترى هل منهم فايده بالنسبة للأسعار...؟

[أم حمد]

الأسعار مثل ماسمعت زادت عن أول يومين 100%
من المسؤول عنهم ياترى..
ولو بغى المتضرر يشتكي وين يروح...
ما أكثر المرتزين في المكاتب هناك وفي الإستقبال
فوق وتحت ...ياترى هل منهم فايده بالنسبة للأسعار...؟


مثل ماقلت

كل اللي راح اشتكى من الاسعار لكن هنا يجي دور الجرايد في طرح اراء الجمهور

ويجي بعد ودورنا احنااا فالمقاطعه !!!

:victory:

[أم حمد]

السلام عليكم ورحمه الله وبركاته

البارحه رايحه المعرض التجاري وكالعاده خذنا خرابيط ومشتريات بيجامات اكسسوارات

وصراحه حاولت اني ماخسر قدر المستطاع :victory: وقعدت اكاسرهم اكاسرهم لدرجه انهم عطوني الجلابيه من 600 الى 150 :eek5: والله العظيم مابالغ ...

المهم وصلنا عند واحد سوري يبيع ترنجات وبناطيل ولبس للبيت وعجبوني عنده كذا قطعه

خذيت 3 بيجامات الا يقولي 700 قلت نعم بضاعتك ماتسوى لهالدرجه وبدت قله الادب وقعد يقول كلام ماله معنى وباين ان في فئه تعطيهم وجه ولا ماتمادى بهالطريقه هاوشته وقلت له سعرك مبالغ فيه

الا ايقول انتو يالقطرين تمسكووو التراب بيدكم يصير ذهب :eek5:

ويقولها وهو واثق يقول صدقيني انكم بتشترون وانتو معصومين العينين ولا يهمكم شي


صراحه حز بخاطري شوفو نظرتهم لنا وشوفو معاملتهم لنا واستغلالهم ماخذين فكره ان كل مواطن قطري في بيته بير بترول والله قهر قهر


زميلتي فالعمل تقول انا واقفه في محل صينينه

الا اسمع الصينينه تقول حق لقطريقه قدامي

انتووو كتررررري واجد زين

انتوووو كتري لازززم يشتري هذا زين

انتوووو كترررري فيه فلووووس واجد :eek5:

اقسم بالله تقول لي القصه وهي منذهله !!!

وانا مثلها وصل فيهم التفكير فينا كذاااا !!

:anger1:

[سارونه]

الحمد لله اني مارحت المعرض كان انقهرت منهم

الحين صار في استغلال التجار على القطريين بنسبة 100% والحمد لله اني افهم هالامور وما اخذ الا الي ابيه وبسعره الطبيعي الي مافي غلا ابد ، والي مو محتاجه له ماخذه.

كلن يمشي على قدر راتبه يا جماعة ويخبي ربع من راتبه حق الحاجة ولا يكلف الله نفسا الا وسعها .

[حسين بن عاقول]

نصيحة الي يبغي يشتري او خاطرة بشي
يروح اخرر يوم
خصوصا ساعات الاخيرة
والله التاجر قدر ما يقدر ما يرجع بضاعتة يبي يفتك منة ان شاء الله بسعر الشراء
لانة شحن وغرفة تجارة وعوار راس
يقول خلني ابيعهم وافتك قارنو اسعار امس مع اخر يوم شفو الفرق
تحياتي لكم ( ملاحضة المعلومة من واحد من منظمين المعرض )

[مشتاقة لقطر]

نصيحة الي يبغي يشتري او خاطرة بشي
يروح اخرر يوم
خصوصا ساعات الاخيرة
والله التاجر قدر ما يقدر ما يرجع بضاعتة يبي يفتك منة ان شاء الله بسعر الشراء
لانة شحن وغرفة تجارة وعوار راس
يقول خلني ابيعهم وافتك قارنو اسعار امس مع اخر يوم شفو الفرق
تحياتي لكم ( ملاحضة المعلومة من واحد من منظمين المعرض )

مش دايما.. هالفكرة

والا القهر ارجع اخر يوم المقاسات مخلصة والبضاعة انباعت والاالوان الحلوة خلصت ..

وبعض المرات اذا قلت بيع اليوم اخر يوم يرد عليك البايع ليش باكبهم بالزبالة انا ؟ وراي معارض ثانية بنعرضها فيهم ..

او يعرف انه الناس راجعين راجعين فيزيد السعر دبل .. او يتم على نفس السعر القبلي ولا ينزل نص ريال