عمولة المعرض على من ! البايع ام المشتري

[Nojoom]

السلام عليكم

عمولة المعرض من الي المفروض يدفعها !

وكيف يتم حسبة نسبة العمولة !

يعني هل العمولة ثابته مهما كان سعر للسياره ولا فيه اختلاف ! *

[@north_star@]

يدفعها الشاري بس ممكن انك تشتري سيارة من معرض وتقوله بعطيك قيمة معينه صافي بدون عموله وهو يتفاهم من راعي السيارة
والمعارض حاليا تاخذ عمولة 2000 ريال تقريبا

[ن.سهيل]

الله يوفقلك

حسب سومتك ، ممكن تقول للمعرض السياره بالمبلغ لفلاني ( مع العموله ) او بدون

[الزجاجي]

ع الشرط
ممكن تتفق ويا راعي المعرض لكن في العاده ع المشتري

والاسعار تتفاوت .. يعني اخبر ابي من المعرض بس ورقه مبايعه دفعني 500 ريال
والعموله تختلف على حسب السياره .. مره شفت بيعه كروزر العموله 2000 ومره رنج على 4000

[.. الكاش ..]

على مائه الف 2000 وعليك الحسبه

[بوعلي-Qtr]

حسب ممكن انت تطلب من المعرض انه يعطيك ٥٠ الف مثلا والباقي له
هو وشغله عقب

[falsaadi]

العموله 2000 ريال حاليا...واللي يدفعها (البايع) للمعرض...المشتري ماله خص

هذا اذا كنت فهمت سؤالك صح .. مثال: انت بتشتري سياره من معرض..والسياره ملك لشخص...في هالحاله البايع (الشخص) يدفع للمعرض عموله 2000 ريال وبس

وشكرا

[فيصل الشمري]

بالاتفاق عادي
لانه بالاول والاخير بيشاور راعي الموتر

[الكبير الله]

المعارض ياخذون من البايع والشاري

[qatari 111]

العموله تحتسب من قيمة السياره يعني الموضوع مب محدد من اللي يدفعها البايع او الشاري .. لان اهم شي موافقة الطرفين بالسعر ... وفي هالحاله يتم استخراج العموله من قيمة السياره...
العموله تحتسب ... من سعر 1000 ريال الى 30 الف تحسب عمولة المعرض 1000 ريال .....
ومن بعد ال_ 30 الف الى 100 الف العموله 2000 ريال ...ومن بعد ال_ 100 الف الى 200 الف العموله 3000 ريال