لـجـنـه الــزواج مـن الاجـــانـــب

[asadfg]

السلام عليكم ورحمه الله وبركاته

اخواني انا حبيت اخذ رايكم بخصوص قانون لجنه الزواج من الاجانب

وايش هي الشروط المطلوبه والاسباب المقنعه بالنسبه لهم التي تدعو للموافقه

وايش هي الاخطاء الي المفروض مانرتكبها لانه والامور الي نتبعها

وهل هناك من يشاركنا تجربته مع اللجنه ليفيدنيا ونستفيد منه انشالله

اتمنى من اخوانا ينفعونا بارك الله فيكم

[أبو عبدالعزيز]

السلام عليكم ورحمه الله وبركاته
اخواني انا حبيت اخذ رايكم بخصوص قانون لجنه الزواج من الاجانب
وايش هي الشروط المطلوبه والاسباب المقنعه بالنسبه لهم التي تدعو للموافقه
وايش هي الاخطاء الي المفروض مانرتكبها لانه والامور الي نتبعها
وهل هناك من يشاركنا تجربته مع اللجنه ليفيدنيا ونستفيد منه انشالله
اتمنى من اخوانا ينفعونا بارك الله فيكم



عندي موافقة ما استعملتها من فترة.. إذا تبيها ما تغلى عليك

أمزح وياك، الموافقات شخصية فقط
أهم شي تكون عندك أسباب.. إذا إنت مش عسكري وعمرك مش صغير، والبنت موجودة في الدوحة خصوصاً إذا بدون.. فأمورك طيبة إن شا الله
ركز في المقابلة على إن الله ما كتب لك نصيب تتزوج قطرية، وتكلم شوي عن ظروفك المادية.. ووقت اللجنة خل عليك وقار، لا يشوفون فيك مظاهر طيش وتهور
إذا كنت تدرس بالخارج لا تجيب لهم هالطاري

[Chambray]

http://www.gcc-legal.org/mojportalpublic/LawAsPDF.aspx?opt&country=3&LawID=2917

[ابوسعود]

السلام عليكم ورحمه الله وبركاته

اخواني انا حبيت اخذ رايكم بخصوص قانون لجنه الزواج من الاجانب

وايش هي الشروط المطلوبه والاسباب المقنعه بالنسبه لهم التي تدعو للموافقه

وايش هي الاخطاء الي المفروض مانرتكبها لانه والامور الي نتبعها

وهل هناك من يشاركنا تجربته مع اللجنه ليفيدنيا ونستفيد منه انشالله

اتمنى من اخوانا ينفعونا بارك الله فيكم

وعليكم السلام ورحمة الله

اخوي اللجنه مهمتها مقابلة طالب الزواج والنظر في حالة الاجتماعيه متزوج مطلق

لديه ابناء العمر حالته الوظيفيه حالته الاقتصاديه والبلد المراد الزواج منه

وبحسب ماعرفه انهم ينظرون الى العمر من فوق 30 سنه ويتم سواله عن عدم الزواج

من قطريه

وكذلك يستثناء الاقل من ذلك اذا كانت امه من بلد اجنبي ومقدم الطلب يرغب الزواج من هذ1 البلد
يعني بنت خالته مثلاااااااا

واهم مافي الموضوع توصية اللجنه وبعدها قرار وزير الدوله لشوون الداخليه

شكلك ناااااااااااوي على الزوااااااااااااااج من براااااااااااااا:oops:

بالتووووووووووووفيق لك

[asadfg]

بارك الله فيكم يا اخواني طبعن الاسباب موجوده منها عائليه ومنها ماديه ومنها فكريه

لكن ماذا كانت البنت في الخارج والجنسيه ليس عربيه

وطبعن ماذا لو كانت هناك موافقه من الاهل الاب وكبير العائله بغض النظر عن العمر هل باعتقادك انه لو تم تقديم الطلب هناك امكانيه رفض او قبول وهل ممكن تشاركونا بتجارب

وجزاكم الله خيرا

[أبو عبدالعزيز]

بارك الله فيكم يا اخواني طبعن الاسباب موجوده منها عائليه ومنها ماديه ومنها فكريه
لكن ماذا كانت البنت في الخارج والجنسيه ليس عربيه
وطبعن ماذا لو كانت هناك موافقه من الاهل الاب وكبير العائله بغض النظر عن العمر هل باعتقادك انه لو تم تقديم الطلب هناك امكانيه رفض او قبول وهل ممكن تشاركونا بتجارب
وجزاكم الله خيرا

فكرية!!

[asadfg]

وعليكم السلام ورحمة الله

اخوي اللجنه مهمتها مقابلة طالب الزواج والنظر في حالة الاجتماعيه متزوج مطلق

لديه ابناء العمر حالته الوظيفيه حالته الاقتصاديه والبلد المراد الزواج منه

وبحسب ماعرفه انهم ينظرون الى العمر من فوق 30 سنه ويتم سواله عن عدم الزواج

من قطريه

وكذلك يستثناء الاقل من ذلك اذا كانت امه من بلد اجنبي ومقدم الطلب يرغب الزواج من هذ1 البلد
يعني بنت خالته مثلاااااااا

شكلك ناااااااااااوي على الزوااااااااااااااج من براااااااااااااا:oops:

بالتووووووووووووفيق لك

الله يجزيك خير يخوي

طبعن انا خل اتكلم عن الحاله المعنيه

عدم تواجد صله قرابه من بنات عمه او خاله منها استحاليه الزواج من الاهل لعدم

2 - عدم القدره على تحمل تكاليف الزواج وعدم قدره الاهل ايضا ورفض فكره الارتباط زواج تقليدي ببنت لايعرفها والمخاطره بهذا الموضوع مما سيترتب عليه من ديون وامور اخرى واختلاف الفكر

3- الوضع المادي الحمدالله في وظيفه جيده وراتب جيد ممكن انه يعيش للي راغب الزواج منها

4 - موافقه الاهل من الاب والام وكبير العائله واصطحابهم الى اللجنه مع المقدم لو تتطلب الامر

5- العمر اقل من 30 وفي نص العشرينات

دراستكم للوضع يا اخواني؟

[ابوسعود]

عندي موافقة ما استعملتها من فترة.. إذا تبيها ما تغلى عليك

أمزح وياك، الموافقات شخصية فقط
أهم شي تكون عندك أسباب.. إذا إنت مش عسكري وعمرك مش صغير، والبنت موجودة في الدوحة خصوصاً إذا بدون.. فأمورك طيبة إن شا الله
ركز في المقابلة على إن الله ما كتب لك نصيب تتزوج قطرية، وتكلم شوي عن ظروفك المادية.. ووقت اللجنة خل عليك وقار، لا يشوفون فيك مظاهر طيش وتهور
إذا كنت تدرس بالخارج لا تجيب لهم هالطاري

ابوعبدالعزيز قاعد تغشش الرياااااال غلط :spider:

لازم يعلم ان اي شي مكتوب والزواج قسمه ونصيب

واعلم ان كل شي بيد الله

[asadfg]

فكرية!!

اخوي المقصود بالفكريه اختلاف مبدا الفكر في المتطلبات والاقتناع ومنها فكريه من اتجاه الشخص بعدم الاقتناع بان يرتبط بانسانه مده حياته عن طريق زواج تقليدي او بانسانه لا يعرفها الا خلال فتره الخطوبه مما يتيرب عليها مخاطر وهذا واقع ملموس بارتفاع نسبه الطلاق لدينا وكثره المشاكل

[أبو عبدالعزيز]

اخوي المقصود بالفكريه اختلاف مبدا الفكر في المتطلبات والاقتناع ومنها فكريه من اتجاه الشخص بعدم الاقتناع بان يرتبط بانسانه مده حياته عن طريق زواج تقليدي او بانسانه لا يعرفها الا خلال فتره الخطوبه مما يتيرب عليها مخاطر وهذا واقع ملموس بارتفاع نسبه الطلاق لدينا وكثره المشاكل


أها فهمت عليك الحين
ما شا الله تبارك الله، طلعت مثقف، ووصفت هالشيء بـ (فكرية)
أحسن من غيرك أعني البعض ما يعجبه الزواج التقليدي، ويشبهه بالبطيخة اللي يشتريها الواحد منا وما يعرف حقيقتها إلا بعد ما يفتحها بالبيت ويقطعها ويتذوقها، والله أعلم يحصل البطيخة تجوز وإلا لا!!

[نوفا91]

اخوي اذا عندك وااسطه وتعرف حد يضبطك حلووو..
لان اعرف ناس تموا سنين ينطرون هالموافقه يعني اقل من 6 شهور احلم مافيه وترى سنه بعد يعتبرونها اطلعت الموافقه بسرعه ..
الله يوفقك..

[مكتوم]

والله اعرف كثير من الشباب كان يبغي يتزوج بنات من دول عربية
مافلحوا سواء فوق الاربعين ومعيل بعد ومطلق
قالوا له ليه ماتاخذ قطرية مطلقة ولا ارملة
وكنهم هم اللي بيتزوجون مهوب هو
وشوي يماطلون ويستجوبون الشخص واحيانا يجيبون الحرمة
ويستجوبونها
عفواً على التشبيه على مايقولون
من هالك لمالك لقباض الارواح
يعني الشاب ولا الشيبة عليهم قيُود كثيرة
لاتقول لي تخت الثلاثين وفوق الاربعين ترا كله سيان



ع العموم هذا غيض من فيض حتى لو حد اشتكى في
وطني الحبيب ماله فايدة لان اصلاً في ذا الموضوع اذا ماعندك واسطة
ثقيلة انسى الموضوع

للاسف هالحين مستقبل الانسان بتوقيع وورقه وختم

الله لايبلانا*

[bittersweet]

فكرية!!

تتمسخر?



او


تقدح?


ربي لك الحمد

[الخزرجي قطر]

الله يوفقك ان شاالله لاتعقدون الرجال من اولها
توكل على الله والله يكتبلك الي فيه الخير

[ابن التويم]

لا تضيع حياتك ما بين القوانين .. وحده يمكن ما تجوز لها العيشة في قطر .. انظر للبعيد .. و لا تخلي قلبك و مشاعرك تهيمن عليك .. لا تروح بقصة غرام تندم عليها باقي عمرك .. غيرك دخل مغامرات مثل هذي و بعد سنين المره خلته .. لأن الاجانب تربوا على الحريه و قرارهم في راسهم .. متى اصطكت الدنيا تنصلوا حتى من العيال .. و العرق دساس مهما كانت زينه .. شوف لك قطريه مثلك .. تراك قطري .. وقطر ما خلت و فيهم فلتات و وفيات لأبعد الحدود .. مو لدارة الدنيا و خلصت فلوسك تخلت عنك .. ترى ثقافة الاجانب قائمه على المال بنسبة 99%
.. وبعدين كلامك عن الزواج التقليدي مو صحيح .. الحين تقدر تشوف مخطوبتك الرؤيا الشرعيه .. و بعد الملكه تقدر تكلمها بالتلفون المده اللي تبي و تزورها .. و تقدر تعرف اذا كان فيه توافق فكري ام لاء قبل الزفاف و قبل لا يصير اي شيئ .. اما انك يا تستبيح بنت الناس .. يا تتزوج من برى من وحده الله يعلم كيف بتتقبل ثقافتنا و عيشتنا .. ترى طريقة عيشتنا ممله بالنسبه لهم .. فكر فالموضوع اكثر .. وانا والله لك ناصح امين .. و الله يوفقك للخير ..

[AL_MUTAEM]

اخوي قبل ماتروح اللجنه دور لك واسطه خاصه انك بمنتصف العشرين ومش متزوج ..

بالتوفيق واذا لقيت لك واسطه لا تبخل علينا :)

[بوحارب]

اخوي اللجنه ما يبيلها واسطة كبيرة اي واحد في اللجنه مستعد يمشي امورك :)

اهم شي اذا دخلت على اللجنة خلك صامل وواثق من نفسك:pardon:

عاد مدير اللجنة عبدالله المال بيسألك تقربلك ؟ تقدمت حق قطرية.؟ من وين تعرفها؟:D

وين تشتغل ؟ وليش؟:eek3: ووووووو؟؟؟؟؟


انت خلك مجهز الأجوبة وتوكل الله

بس الله يعينك على توقيع الوزير اذا طلعت الموافقة يمكن تتنقع شهوووور:court:

وبالنسبة حق الأوراق المطلوبة مر عليهم واستفسر شالمطلوب!!!

واسأل مجرب ولا تسأل طبيب:happy:

والله يوفقك

[طويل النفس]

اذا فيه قرابة بينك وبين البنت اعتقد الامور سهلة يعني بنت خالتك بنت عمتك من نفس العائلة

اما اذا لا لازم يكون فيه شروط ثانية

1) اما انك ( شين )

2) او عندك اعاقة فا ما يقبلون بك بنات البلد

3) او انك ديانتك غير دين اهل البلد <<< لاحد يقول مافيه هالايام فيه

[انصار جليري]

ممممممممممممممممم


اعرف واحد من الاهل حب يحط اللجنة امام الامر الواقع وراح الحبيب وتزوج بالرياض من وحدة تحمل الجنسية الاردنية



وتم رايح جاي سنتين بالعقد يبي الموافقة



وكان ياخذها من الرياض الى البحرين ويرجعها عند اهلها بالرياض ويرجع قطر لشغلة ويرجع يروح لها لما يحصل اجازة اسبوع وطبعا هي مارضت بالوضع الغريب هذا صار زواج (مسيار )

وبالاخيــــــــــــــــر طلقها بعد مرور سنتين ونص تقريبا

الامور معقدة بصراحة الله ييسر امورك ان شاء الله

[بوغزلان28]

تبون الكلام والا لا ,,, يالربع

دام الفيتامين (( واو )) موجوود صدقني لو بتاخذ وحده يهوديه بتمشي

واسئلوا مجرب والا تسئلون راعي الدكان

[المتحدث الرسمي]

..


حلاة الثوب رقعته منه وفبه


عن نفسي ما اؤيد الزواج من اجانب بتاتا البته