Htc flyer بمواصفاتة الغير مسبوقة وصل !!

[The Stig]

السلام عليكم ..

http://www.teet2all.com/wp-content/uploads/HTC-Flyer.jpg

اول شي هذا الجهاز ماوصل قطر الى هذه اللحظة ..!! بس متوفر عندي بحجز مسبق من اوائل الدفعات :strong .. يعني عندي للتسليم الفوري !!
يعني الي يحب التميز ياخذة قبل الكل !! ويكون اول الناس الي استلمو الجهاز في قطر بكبرها

جهااز بمواصفات خيالية .. خلت الشركات الثانية مثل ابل وسامسونج تتفاجأ فيه في السوق :court:

الجهاز من صنع شركة HTC الي لطالما كانت من الشركات الرائدة في مجال شاشات اللمس

اول كمبيوتر كفي (tablet) .. يصدر من هالشركة هو هذا الجهاز وبمواصفاتة الرهيييبة

موصفاتة المدمرة:
كيمرتين ..
Front camera 1.3 MP
Backside Camera 5 MP HD!!

الشاشة:
High resolution 7 inch display

نظام الخرائط !
internal GPS antenna
يسمح باستعمال جميع برامج النفقيشن ! بافضل دقة

الكفر مصنوع من الالمنيوم الخفيف .. وزن جيد وشكل مبهر

السستم os القنبلة الي فاجأت الكل أن
هذا الجهاز لا يعمل بنظام واحد .. يعمل بالاندرويد واتش تي سي سنس
OS:
Android 2.4 gingerbread
HTC sense .. !
احدث نطام اندرويد للانترفيس ذو الشرايح وهذي ميزتة ان عرض الشاشة مب نفس باقي الاجهزة
:wizard::dance
يعني برامج الاندرويد وبرامج الاتش تي سي كلها شغالة عليه

المعالج :
Processor: 1.5 Ghz

الرام:
Ram : 1GB
سريييع :dance

وسائل الاتصال المتوفرة بالجهاز
ميزة اخرى انه فيه بلوتوث و وايفاي في نفس الوقت
BLUETOOTH 3.0
Best available wifi connectivity in the market

ويدعم الميكرو يو اس بي .. يعني ممكن تركب عليه ميموري فلاش بوصلة خاصة !
Micro-USB2.0

وبالنسبة للحجم هو 16 جيجا في الجهاز نفسة
بس هنا تكمن قوة الجهاز ان الحجم مب مهم .! لانه يدعم الميموري كارد حتى سعة 32 اضافية
MicroSD card

وبالنسبة للالعاب متوفرة بشكل خيااالي لهالجهاز العجيب .. سواء من الاندرويد او الاتش تي سي ..
والبرامج المتوفرة افضل برامج توصلت اليها كل الشركات ..

وبعد من المميز في هذا الجهاز هو هذي التقنيات الي مالها مثيل:
HTC sense
HTC scribe
HTC Watch

الي تسمحلك بتحميل الافلام .. وتعديل الصور .. والتتبع وايصالة بالتلفزيون لمتابعة الافلام او اللعب وعرض المعلومات والاخبار ...... الخ ،، ..!!

يعني صراحة الجهاز ماله مثيل من اي شركة كانت

وانا اعرف معظم الي بيقرون الموضوع وش بيقولون .. مب احسن من الآيباد :D .. وانا اقول سلاامتكم .. بسكم تعصب للابل والي ماجرب لايتكلم ..
وانا كمجرب لهذي الاجهزة افضل الاتش تي سي .. لانه ينفع للبزنس والالعاب والاخبار .. ومتى مابغيت يمشي .. وينفع لكل شي ..

والي مايعرف الـHTC هي شركة امريكية عريقة .. ومن سأل عنها ماخاب
وللعلم ماعندي كمية منه .!

سعر الجهاز ريال 4300 فقط! .. والي له خاطر يتواصل معاي عالخاص
هذا مب مجرد سعر عشوائي .. الجهاز مكلفني مبلغ وقدرة ترى !

والي ماناوي يشتري لاينشب بحلال الناس يا اخواني الاعزاء :happy:

[The Stig]

للعلم .. متوفر للتسليم الفوري .. والي يبيه يوصله خلال نص ساعة

[التيما]

فعلا وااايد حلو انا جاني هدية بس بالنسبه لي وايد معقد لانه جديد ويبي لي وقت اتعلم عليه .. بس للامانه فعلا حلو وشكله حتى كلاس والبورد فيه مريح .. ولمن وصلني قلت شنو هاي بعد htc حتى مب ماركة معروفه .. وبحثت في النت وعرفت الشركة وقيمته كجوال وانترنت

[The Stig]

تسلم عالمداخلة اخوي ..
صح هو يبيلة احد يعرفلة .. بس كجهاز من تجربتي اقولك خياااالي .. وماله مثيل :)

وشاكر مرورك الحلوو

[falsaadi]

سلام عليكم

انا بسأل هني عشان تعم الفايده
واذا شفت الاجوبه ايجابيه..باخذ منك واحد

اولا: الجهاز يدعم الميني يو اس بي انت قلت....ال يو اس بي بورت العادي..يعني ميموري ستيك USB في له مكان ؟

ثانيا: هل هو 3G ? يعني هل ممكن احطله سيم كارت مثل ال اتش تي سي تتش الأولي ؟

ثالثا: انت تقول فيه سيستمين..اندرويد و اتش تي سي سنس !! ممكن توضح...يعني ال اتش تي سي سنس..قصدك مثل ال كوماند أو ال دوس سيستم ؟ .. وللا ك ويندوز ويندوز بروحه؟

رابعا: هل فيه موبايل سيستيم ؟

خامسا: اذا حبيت امسحه وانزله ويندوز سفن .. ممكن ؟

سادسا: دامك الوحيد اللي جايبه وعندك بس حاليا...جايبه unlock وللا شنو نظامه ؟

سابعا: هل فيه برامج ال اتش تي سي السخيفه اللي تحكرك مثل ال اتش تي سي اللي قبل؟

ثامنا: اذا بسوي ابديت للسيستم...لازم من موقعهم ؟ وللا شلون ؟

تاسعا: شنهو نوع الماركت اللي فيه..نفس الماركت مال ال اتش تي سي وللا شي جديد ؟

عاشرا: بامانه .. شرايك بالتتش سكرين مالته .. (اذا فيه تتش)

11- بغيت اعرف..هل فيه ماوس باد, مثل القديم ؟

12- بخصوص وضوح الشاشه..شلون ؟

13- القيمز ... طبعا تقول مال العاب...ممكن اعرف كم قدرة كرت الشاشه..الجرافيكس...او عالاقل نوعها ؟

14- لو سمحت اذكر المخارج والمداخل اللي متوفره فيه غير مال ال تي في ؟ .. يعني USB interface, Mini USB, Headsets Jack, Mic, AV, AVI, POUT, >>>> وغيره وغيره..وللا بس كم من شغله ؟

15- يدعم ال سي دي او ال مني سي دي ؟

16- مني كارت مال الميموري..نفسه للميموري مال القراءه لل كاميرات وغيره وللا شلون؟

17- امكانيه شبكه لاسلكيا او بالبلوتوث للاجهزه الاخرى مثل التلفزيون والطابعه وغيره ؟





بصراحه انا بقرا بالنت خصايصه وبشوف وبرد عليك...بس انا سألتك عشان ترد عالناس ويلاقون كل شي متوفر هني من غير مايرجعون للنت..او اذا حد صايده كسل ;p .. وطبعا البركه فيك

ومشكور مقدما

فمان الله

[The Stig]

وعليكم السلام اخوي .. ويشرفني ارد عليك :)

اولا: الجهاز يدعم الميني يو اس بي انت قلت....ال يو اس بي بورت العادي..يعني ميموري ستيك USB في له مكان ؟
الميني يو اس بي حجمة اصغر من اليو اس بي العادي .. بس بوصلة وحدة يتحول لليو اس بي العاد ويقبل الميموري ستيك
ثانيا: هل هو 3G ? يعني هل ممكن احطله سيم كارت مثل ال اتش تي سي تتش الأولي ؟
لا مب ثري جي .. لانه عبارة عن حاسب كفي مثلة مثل الآي باد وخصائصة الاخرى هي الي تميزة :) .. والي مايعرفونة كثان ان لو كان فيه ثري جي يؤثر على اداء الجهاز وسرعتة .. بشكل سلبي!!!
ثالثا: انت تقول فيه سيستمين..اندرويد و اتش تي سي سنس !! ممكن توضح...يعني ال اتش تي سي سنس..قصدك مثل ال كوماند أو ال دوس سيستم ؟ .. وللا ك ويندوز ويندوز بروحه؟
اخوي الاتش تي سي هو واجهة هذي الشركة المعروفة .. وبكل برامجها المميزة وقنواتها الاخبارية المكتوبة .. اما بالنسبة للآندرويد فهو سستم مدموج بواجهة هذي الشركة عشان يوسع نطاق البرامج ويخلي الجهاز يدعم حوال 100 الف برنامج واكثر قريبا

رابعا: هل فيه موبايل سيستيم ؟
مافهمت السؤال .. بس الجهاز مب عبارة عن جوال .. عدى عن الوصلات الكثيرة المتوفرة له لاستخداماتة التجوالية .. بس هو مب جوال وممكن استعمال كل برامجة في اي مكان
خامسا: اذا حبيت امسحه وانزله ويندوز سفن .. ممكن ؟
والله ماعندي خلفية سابقة .. بس ماظن .. والاتش تي سي والاندرويد يكفون وبعد ماتجربهم بتكره الويندوز
سادسا: دامك الوحيد اللي جايبه وعندك بس حاليا...جايبه unlock وللا شنو نظامه ؟
جايب النسخة الامريكية الي هي P512 .. وقابلة لاستعمال كل البرامج ولا تؤثر على استعماله في اي دوله اخرى باي شكل من الاشكال .. والجهاز مافيه كرت فمايحتاج للانلوك
سابعا: هل فيه برامج ال اتش تي سي السخيفه اللي تحكرك مثل ال اتش تي سي اللي قبل؟
هههههه لا اخوي .. الاتش تي سي سنس شي خيالي .. ماصار قبل .. ومطور بشكل حلو يناسب كل المستخدمين .. وبعيد عن السخافة
ثامنا: اذا بسوي ابديت للسيستم...لازم من موقعهم ؟ وللا شلون ؟
الابديت ممكن يكون عن طريق الجهاز نفسة .. مب شرط بالكمبيوتر .. الا اذا مانزل الابديت على الستور ممن تحتاج توصله بالكمبيوتر
تاسعا: شنهو نوع الماركت اللي فيه..نفس الماركت مال ال اتش تي سي وللا شي جديد ؟
ماركت الاتش تي سي + الستور مال الاندرويد
عاشرا: بامانه .. شرايك بالتتش سكرين مالته .. (اذا فيه تتش)
التتش خيالي .. واستعمالها رهيب بدون مايشير
11- بغيت اعرف..هل فيه ماوس باد, مثل القديم ؟
لا ..
12- بخصوص وضوح الشاشه..شلون ؟
HD + high resolution وتصلح لهواة الافلام
13- القيمز ... طبعا تقول مال العاب...ممكن اعرف كم قدرة كرت الشاشه..الجرافيكس...او عالاقل نوعها ؟
البروسيسر الي فيه 1.5 // والرام 1 جيجا .. يعني البروسيسر والرام مناسبين لمعظم الالعاب .. وسمعت انه بتنزل له لعبة نيد فور سبيد قريبا
14- لو سمحت اذكر المخارج والمداخل اللي متوفره فيه غير مال ال تي في ؟ .. يعني USB interface, Mini USB, Headsets Jack, Mic, AV, AVI, POUT, >>>> وغيره وغيره..وللا بس كم من شغله ؟
Headset Jack 3.5
Micro Usb
Bluetooth
Wi-fi
وللعلم المايكرو يو اس بي في وصلات تحولها لوصلة اخرى وتستعملها لاشياء اخرى .. وممكن وصل الجهاز بالتلفاز

15- يدعم ال سي دي او ال مني سي دي ؟
لا .. ولا نتبوك او حاسب كفي يدعم السي دي الى اليوم لانهم لاستخدامات مختلفة
16- مني كارت مال الميموري..نفسه للميموري مال القراءه لل كاميرات وغيره وللا شلون؟
المايكرو اس دي نفس ميموري الجوالات .. ( الصغييرة )

17- امكانيه شبكه لاسلكيا او بالبلوتوث للاجهزه الاخرى مثل التلفزيون والطابعه وغيره ؟

بلوتوث و وايرلس متوفرين لشبكة بالاجهزة الي تدعم هذي الصفات


العفو اخوي .. وشرفني اني ارد عليك

واستجوابك الممتع عجبني :dance

[The Stig]

^
^^^
^^^^^
^^^^^^^
^^^^^^^^^
^^^^^^^^^^^
^^^^^^^^^^^^^
||||||||
||||||||
||||||||

[sad-o-bas]

السلام عليكم..

أخوي بس عشان الذمة بكتب هالسطور..

الجهاز إلي تعرضه إصدار أمريكي نزل من 3 أسابيع في أمريكا.. ومش 3G وسعره بدون مبالغة 500 دولار وإذا حطيت أعلى ضريبة في أمريكا.. سعره الكلي ماراح يتجاوز ال550دولار..

إلي بياخذ جهازك بيتوهق في التعريب.. وهالكلام والله ياجماعة عن خبرة..

أنا عميل لل htc ووكيلهم في الدوحة البيت الحديث.. وأجهزتي أشتريها من الإمارات بسعر أقل من سعر الوكيل بفرقية توصل لل25%..

إذا تبون التعريب يكون معاكم رسمي وبدون مشاكل في التصفح.. روحو للنسخة الشرق أوسطية..

الجهاز بيوصلني بكرة إن شاء الله، ذاكرته 32GB بلت إن و3G..
ممكن أزود فالذاكرة لين 64GB..
إلي عند الأخ أمريكي وبتكون فيه مشاكل لغة وتعريب..
أخوي نصيحة، عشان ماتكره الناس في الشركة، ابتعد عن الموديل الأمريكي، وجيب لهم النسخة الشرق أوسطية.. عشان لين ينزل تحديث اللغة العربية ينزلومه وماترفض الشركة التحديث، لأنهم مشترين النسخة الأمريكية مش الشرق أوسطية.. وأول شي يسألونك عنه الشركة السيريال نمبر، ويعرفون إذا كان الإصدار الأمريكي ولا الشرق أوسطي..


بالنسبة للعدساني

اولا: الجهاز يدعم الميني يو اس بي انت قلت....ال يو اس بي بورت العادي..يعني ميموري ستيك USB في له مكان ؟
الجهاز يدعم اليو إس بي، بس يبي تحويلة من Micro USB مش (Mini USB)

ثانيا: هل هو 3G ? يعني هل ممكن احطله سيم كارت مثل ال اتش تي سي تتش الأولي ؟
النسخة الأمريكية ماتدعم، لأن الشركة نزلت لهم جهاز إسمه EVO 4G تابلت يشابهه بس في أمريكا، ولباقي دول العالم نزلت هالجهاز طبعا السيم كارد 3G..

ثالثا: انت تقول فيه سيستمين..اندرويد و اتش تي سي سنس !! ممكن توضح...يعني ال اتش تي سي سنس..قصدك مثل ال كوماند أو ال دوس سيستم ؟ .. وللا ك ويندوز ويندوز بروحه؟
الأندرويد نظام تشغيل قوي، كل أجهزة التلفونات الذكية قايمة عليه.. مثل الجالاكسي تاب، وXOOM، والASUS وأجهزة كثيرة ثانية
الhtc sense هي واجهة الجرافكس للإتش تي سي، وهالشي هو الي يميز أجهزة الإتش تي شي إلي شغالة بهالنظام عن الأجهزة الثانية.. إدخل اليوتيوب، وبتعرف المقصد، بتلقى الطقس، بشكل روعة، وواجهة الفيس بوك، والكلندر..
بشكل عام، الأندرويد نظام تشترك فيه كل الشركات، والسنس واجهة شركة الhtc بس.. وهي مش أكثر من واجهة جرافكس عالية الجودة وفيها اختصارات مفيدة وتعطي الجهاز على مايقولون liquidity

رابعا: هل فيه موبايل سيستيم ؟
وضح المقصود يالعدساني.. كلامك مش مفهوم!


خامسا: اذا حبيت امسحه وانزله ويندوز سفن .. ممكن ؟
ما أعتقد إنه يصير، بس ممكن تشبكه بالCitrix

سادسا: دامك الوحيد اللي جايبه وعندك بس حاليا...جايبه unlock وللا شنو نظامه ؟
ماله أنلوك على مستوى العالم، وهو مسوينه حق كل دول العالم، إلا أمريكا، أمريكا إلي عندهم 16 قيقا، وواي فاي بس.. العالمي 32GB 3G وممكن تزود فالذاكرة لين 64GB عن طريق SanDisk Card

سابعا: هل فيه برامج ال اتش تي سي السخيفه اللي تحكرك مثل ال اتش تي سي اللي قبل؟
قبل السستم كان وندوز موبايل، الحين أندرويد، وفرق كبيـــر..

ثامنا: اذا بسوي ابديت للسيستم...لازم من موقعهم ؟ وللا شلون ؟
أحلى مافيهم هالسستم، مب محتاج لا سينك ولاهم يحزنون، عندهم خدمة OTA
On The Air السستم يصير له أبديت بالنت، ويخيرك بين الاتصال بالواي فاي ولا بال3G وبينصحك بالواي فاي طبعا..

تاسعا: شنهو نوع الماركت اللي فيه..نفس الماركت مال ال اتش تي سي وللا شي جديد ؟
لا مش ماركت الوندوز.. ماركت الأندرويد، وبتشوفه يالعدساني قريب عند راعي ال HSBC :oops:

عاشرا: بامانه .. شرايك بالتتش سكرين مالته .. (اذا فيه تتش)
Highly Capacitive ومش أقل من الآيباد.. وبتشوفه!

11- بغيت اعرف..هل فيه ماوس باد, مثل القديم ؟
لا فيه الScribe Technology قلم يخليك تكتب ملاحظات في أي إجتماع بخط اليد، واذا حاب بالكيبورد، وممكن تضيف صور من الكيمرا، ومقطع صوتي بوساعتين حق أي إجتماع تحظره.. ويسيفه فالكلندر!

12- بخصوص وضوح الشاشه..شلون ؟
على ما أظن Super LCD يعني رووعة، وبتشوفه!

13- القيمز ... طبعا تقول مال العاب...ممكن اعرف كم قدرة كرت الشاشه..الجرافيكس...او عالاقل نوعها ؟
إدخل على اليوتيوب، وبتشوف مواصفات الجهاز، وفيه أجوبة من ناحية القيمز، إنت تتكلم عن معالج 1.5 GHz

14- لو سمحت اذكر المخارج والمداخل اللي متوفره فيه غير مال ال تي في ؟ .. يعني USB interface, Mini USB, Headsets Jack, Mic, AV, AVI, POUT, >>>> وغيره وغيره..وللا بس كم من شغله ؟

15- يدعم ال سي دي او ال مني سي دي ؟
ماظنتي..

16- مني كارت مال الميموري..نفسه للميموري مال القراءه لل كاميرات وغيره وللا شلون؟
لا SanDisk العادي مال جوالات النوكيا الأخيرة.. الحجم الصغير..

17- امكانيه شبكه لاسلكيا او بالبلوتوث للاجهزه الاخرى مثل التلفزيون والطابعه وغيره ؟
أكيـــد، وعندهم تقنية إسمها DNLA إذا تلفزيونك يدعم، ممكن تشبكه مع التلفزيون بدون وصلات!

سلام

[The Stig]

شاااكر مرورك اخوي ..

وشرفتنا ..

بس لعلمك النسخة الامريكية هي الوحيدة الي مش ممكن تواجه فيها اي مشكله في ماركت الاندرويد ..

والتعريب ماله داعي بالامريكي .. كل النسخ تتعرب

بصراحة السعر الي انت تتكلم عنه مادري من وين جبتة !! وشلون تحكم علي بسعر والجهاز مب موجود في السوق اصلااا !
والجهاز الامريكي مب متوفر للخارج .. بس انا جبتة بطريقتي

الرجال سألني وانا جاوبت .. تسلم عالمداخلة .. بس اظني كفيت في الرد الي قبلك :) .. وماكان في داعي
وشكلك ذمتك وسيعة عالكلام الي تقوله :) ! والله يبارك لك في جهازك ويتربى في عزك انشاءالله

ولمعلوماتك اخوي .. ومنعا للفلسفة الي مالها داعي .. الجهاز ماصار له ثلاث اسابيع .. بس اقل من ١٥ يوم حتى !!

[sad-o-bas]

أخوي أتكلم من تجربة والله يشهد علي..

الجهاز الأمريكي بمواصفاته الأمريكية نزل تاريخ 19/5/2011 في Best Buy وهو وايفاي بس
وغيره 3G واكسباندبل 64GB..

الجهاز إلي بيوصلني شريته بحدود ال3200 درهم إماراتي.. والنسخة شرق أوسطية ومعرب رسمي..
ومعاه القلم السحري وشنطة جلدية أصلية من الشركة كله مجاناً، القلم السحري في أمريكا ب80 دولار والحافظة الجلدية ما أعرف بس معروفة أكسسوارات الاتش تي سي نااار..

ياجماعة.. والله وبالله إني مب ناوي أخرب على الريال، بس في نفس الوقت ما أبغيكم تدفعون هالمبلغ الخيالي، والجهاز مش مدعوم..

العالم تبيع بأحسن من مواصفاته (GB3G + 32GB BuiltIn expandable to 64) ومعاه حافظته الجلدية الأصلية والقلم السحري ب3200 ريال شامل الشحن..

بالتوفيق للجميع!

[استغفرالله.]

بالتوفــيق

[عضو قديم]

مع احترامك لك اخوي مواصفاته تعتبر عادية جدا مقارنة بالموتورولا اكسزو اللي مواصفاته افضل من جهازك بسعر ٢٥٠٠ ريال في كارفور
كان القصد من ردي على اللي كاتبه من ان جهازك مواصفاته خيالية ولا قصدي اخرب عليك
الله يوفقك اخوي ان شاءالله بالرزق الحلال

[sad-o-bas]

الجهاز أول أمس وصل ومعاه قلم وحافظة جلدية..
و32 جي بي
3 جي..
وتعريبه (تقطيع الخطوط) بينزل بعد أسبوعين..

ب 3200 درهم إماراتي! + رسوم التحويل..

الجهاز روووعة والله وأنصح كل واحد شغله فيه اجتماعات وايد، ياخذ له واحد وأوعده ماراح يتحسف..

تحياتي