سويتـو من الايــلز قضية .. والفاونديشن مأساه وجامعه قطر مصيبة - كفــاكم تذمـراً

[Sewar Qtr]

السلام عليكم ورحمة الله وبركاته

الصراحة انا مسجلة بالمنتدى من سنتين تقريبا وكنت مكتفية بالمتابعة
وما قررت اشارك الا اليوم بعد الكم الهائل من المواضيع اللي تتهجم على جامعة قطر
ونظام الجامعة

بكل صراحة انا طالبة بالجامعة واتفق معاكم بان قرارات الجامعة عشوائية
وفيها نوع من التخبط وهالشي ما نختلف فيه لانه واضح للجميع
وما راح ادافع دفاع المستميت لانها جامعتي اللي ادرس فيها
لكن لنكن منصفين
و لنبدأ بامتحان الايلز هو امتحان تحديد مستوى مادري ليش الكل ضخم هالامتحان
وسوا منه الحلم الذي لن يتحقق ! .. مع ان الاف الطلبة والطالبات يدرسون
بالجامعه وجايبينه من زمان .. وكلهم طلاب وطالبات مدارس حكومية ومستقلة
يعني ما اعتقد انهم نازلين من القمر او دارسين في فلوريدا !
وللي ما عنده فكره عن الامتحان اصلا
الامتحان يتجزأ لاربع اقسام
لسننغ ( يتكون من 4 اقسام .. يبدأ بالقسم السهل .. تتدرج صعوبته من القسم الاول للرابع )
ويمكن التدريب عليه من خلال حل امتحانات سابقه والاستماع الى موقع البي بي سي باستمرار
ريدنغ ( بكل تأكيد اصعب الاقسام لكن الطلاب المطلوب منهم الالتحاق بالجامعه مب مطلوب منهم 9 لذلك ممكن التغلب على هالقسم بالممارسه ومعرفة بعض التكنيك )
الرايتنغ ( اسهل الاقسام لان المواضيع مضمونها واحد في كل الامتحانات ولا يتغير سوا العنوان .. اي ان الموضوع الاور هو " تشارت " .. واللي يتغير هو شكل الرسمه فقط .. لكن المضمون واحد والمفردات التي يجب ان تحفظ واحده )
والموضوع الثاني هو موضوع " جدلي " او نقاشي ان صح التعبير
يكون فيه اراء مختلفه .. بالاضافه الى رأيك طبعا وينتهي بخاتمه .. وممكن لكل طالب ان يحفظ نمط معين وعبارات معينه يمكن استخدامها في جميع المواضيع " بتصرف " .. لضمان اكبر درجة في هذا القسم !
وعندكم هالموقع http://www.ielts-exam.net/ بكل تأكيد راح يفيد بالتدريب لانه يحتوي على عشرات
المواضيع للتدريب قبل الامتحان ..
الجزء الاخير هو السبيكنغ .. بشكل رئيسي يعتمد على عدد المفرادات والاريحيه و الثقه بالنفس اثناء الامتحان
لان فتره المحادثه لا تستسغرق اكثر من 10 دقايق .. ولها نمط معين يمكن التدريب عليه من خلال استاذ الايلز ..


اللي ابي اوصله ان مهما حطت اداره الجامعه من عراقيل ( لتواكب الجامعات العالمية على حد وصفها )
لازم نكون قد المسؤوليه ونكمل تعليمنا الجامعي لضمان مستقبل وظيفي على اقل تقدير مستقبلا
او لارضاء الذات وهذا الجانب الاهم

وكلنا نشوف شلون شبابنا ( اغلبهم)
مكتفي بشهادة الثانويه وكأنها شهادة ماستراو دكتوراه
مع انها لاتسمن ولا تغني من جوع .. وليست شهاده تعليم العالي ابدا
وبكل صراحة شئ مستفز ان عدد القوى العاملة في قطر من القطريين لا تتجاوز ال10% بكل القطاعات
:wizard:

ماراح اطول اكثر
انا الحمدلله خلصت التاسيسي بالجامعه اللي الكل متصعب منه وكأنه تعجيزي
والشي الطبيعي انه ما ياخذ اكثر من سنه تاسيسيه واحده ..
( ماث ون وتو + كمبيوتر ون وتو )
سنه بالتمام والكمال
بالاضافه للايلز اللي بالراحه كل طالب شد حيله ممكن يجيبه خلال هالسنه

يعني مافيها شي دراسه سنه قبل التخصص .. لانها مفيده بكل امانه وفادتني كثيررر ( مع اني كنت مستاءه بالبدايه ) .. لكني اعترف اني تطورت وايد

وانك تدرس " سنه " قبل التخصص ولا انك ما تتخصص طول عمرك واتم بالبيت على شهاده ثانويه

وهالسنه تقدرون تعوضونها بالصيفي بالراحه .. يعني مافي حجة للهروب من التعليم الجامعي !!

ولقول الرسول صلى الله عليه وسلم " خيركم للناس انفعه للناس " .. ما حبيت الا اني افيدكم ع الاقل
اللي يبي مواقع للتدريب او حتى رقم استاذ درسني وبفضل الله و من ثم فضله جبت الايلز من المره الثالثه
بعد ما رفع مستواي بكل الاقسام وجبت الخمسه ونص .. مع اني جبت اول مره خمسه وثاني مره اربعه ونص وتحطمت !

وطبعا دربني على نماذج لسننغ وعلمنني شلون اكتب الرايتنغ والحمدلله جبت فيه ( 5 ونص ) مع اني ما فهمت الموضوع الثاني بالشكل الكافي .. لكن بفضل الله وبفضل طريقته جبت هالدرجه .. وبالسبيكنغ كذلك .. علمني شلون اتصرف اذا كان السؤال صعب وماعندي درايه كافيه عنه .. وجبت ( 6) بالسبيكنغ !!

على كل حال لن اطيل اكثر.. مناهج جامعه قطر الان معترف بها اكاديميا ( عالميا ) لكلية الهندسه والاداره والاقتصاد
والاداب والعلوم على الطريق .. يعني لحد يقارن خريجين السنوات السابقه بالخريجين القادمين والفرق شاسع ولا مجال للمقارنه وبهالزمن ( البقاء للافضل )! ..

يعني مافي شي يجي بالساهل الكل لازم يتعب

وبالنهايه .. كل التخصصات مطلوب منها ( 5 ) بالايلز الا الهندسه خمسه ونص
يعني كل طالب او طالبه ينوون الالتحاق بالاداره والاقتصاد او الاداب والعلوم ممكن يجيبون ( 5) بس ويكملون اللفلات اللي تبقت لهم بعد ما تطلع درجة امتحان الاكيوبليسر ( تحديد المستوى )
يعني مافي حجج للاكتفاء بشهادات الثانويه

عذرا على الاطالة واي سؤال انا حاضره
يعطيكم العافية

[Om Majed]

جزاج الله كل خير وارحم الله والديج وجعل من جابج الجنه يااارب
أنا أم وأكيد يهمني أعرف حل هالمعضله ألى أسمها الايلز علشان أساعد عيالي في دخول الجامعه
ولاعليج أمر بغيت المواقع وأسم الاستاذ لو سمحتي
ومتى يبتدون الطلاب يدرسون للآيلز علشان يكونون مستعدين للإمتحان
وأشكرج مره ثانيه وماقصرتي على هالاسلوب الجميل في تطمنة الأهالي
الله يوفقج حبيبة قلبي .

[فتى الجود]

نعم الايلز قضية

والنسب العالية هم ومصيبة بجامعة قطر

والفانديشين مأساه


ولن يكفوا تذمراً والله يعينك على الردود


اختى اذا انتى الله وفقك ومشت امورك واموك طيبة

ترى غيرك محتاج دخول الجامعه ومتعطل بسبة هالايلز والنسب المرتفعه
الصراحة موضوعك مب وقته

[Sewar Qtr]

جزاج الله كل خير وارحم الله والديج وجعل من جابج الجنه يااارب
أنا أم وأكيد يهمني أعرف حل هالمعضله ألى أسمها الايلز علشان أساعد عيالي في دخول الجامعه
ولاعليج أمر بغيت المواقع وأسم الاستاذ لو سمحتي
ومتى يبتدون الطلاب يدرسون للآيلز علشان يكونون مستعدين للإمتحان
وأشكرج مره ثانيه وماقصرتي على هالاسلوب الجميل في تطمنة الأهالي
الله يوفقج حبيبة قلبي .


تفضلي اختي

هذا الموقع فيه نماذج لجميع قطع الرايتنغ
http://www.ielts-exam.net/

وهذا الموقع لاستاذ في بريطانيا وهو احد المصلحين لامتحان الايلز
فيه نصائح خاصه فيه ويحط اخطاء الطلاب الشائعه بالامتحان اول بأول
مع نصايحه .. واستفدت منه وايد والله
http://ielts-simon.com/

وهذا رابط لاذاعه البي بي سي .. الاستماع لها جدا مهم لان الامتحان ( اللسننغ ) بنفس الاكسنت
http://www.bbc.co.uk/radio/

والاهم من كل هذا خصوصا لو كانت ب اول مرة تمتحن انها تتابع مع الاستاذ
وهو بيعلمها وبيدربها على كل شي وما بتدش الامتحان الا جاهزة باذن الله
( طرشت لج الرقم على الخاص )

وانا نصيحتي للي بيمتحن انه يسجل لامتحانين ورا بعض
لان الامتحان متفاوت بصعوبته يعني ممكن يجي امتحان اسهل نوعا من من امتحان اخر

اما بالنسبة للمكان .. ممكن تسجل بجامعة قطر او النورث
( انا من ناحيتي ما انصح بالبرتش .. القاعه زحمة وما ينسمع شي باللسننغ )
ما ارتحت هناك كلششش وجبت 4 ونص :eek3:

وطبعا تقدر تتصل او تروح وتسأل عن المواعيد وتسجل
كل التحية والله يجزيج كل خير على هالدعاوي الطيبة
الله يوفقكم ان شا الله :)

[® قطر ®]

والاهم من كل هذا خصوصا لو كانت ب اول مرة تمتحن انها تتابع مع الاستاذ
وهو بيعلمها وبيدربها على كل شي وما بتدش الامتحان الا جاهزة باذن الله
( طرشت لج الرقم على الخاص )



مادري من فهمني ان نظام المنتدى مايسمح للعضو اللي مشاركته اقل من 50 يطرش رسايل ع الخاص... ممكن حد م الاداره يفهمنا شلون العضوه المحترمه اللي معدل مشاركاتها كان 2 مشاركه في السنه قدرت تطرش رساله ع الخاص للعضوه اللي مدحتها..

[Sewar Qtr]

نعم الايلز قضية

والنسب العالية هم ومصيبة بجامعة قطر

والفانديشين مأساه


ولن يكفوا تذمراً والله يعينك على الردود


اختى اذا انتى الله وفقك ومشت امورك واموك طيبة

ترى غيرك محتاج دخول الجامعه ومتعطل بسبة هالايلز والنسب المرتفعه
الصراحة موضوعك مب وقته


اخوي فتى الجود
لا مصيبة ولا شي التاسيسي
سنه تدرس الكمبيوتر ( وورد واكسل )
يعني شي تافه
والفاونديشن للماث
ماث ون وتو طالب الادبي يجتازه بسهوله
وهو لجميع التخصصات عدا الهندسه ( الاداره والاقتصاد على سبيل المثال )
يعني الطالب اللي بيدرس مالية ولا محاسبة ليش متعب نفسه وداخل الجامعة اذا ما بينجح في ماث ون وتو ؟!
وعلى فكرة ( الاداب والعلوم ) تكتفي بماث ون فقط
يعني الحقوق والقانون والاعلام وعلم النفس و . و . الخ
الموضوع ليس بالصعوبة التي تتخيلها

والنسب عالية وتنافسية لطلاب الهندسة فقط لان معظم التخصص من المقيمين
باقي التخصصات سهل القبول فيها ..خصوصا لنا نحن القطريين :)
والله يعين الجميع

[Sewar Qtr]

مادري من فهمني ان نظام المنتدى مايسمح للعضو اللي مشاركته اقل من 50 يطرش رسايل ع الخاص... ممكن حد م الاداره يفهمنا شلون العضوه المحترمه اللي معدل مشاركاتها كان 2 مشاركه في السنه قدرت تطرش رساله ع الخاص للعضوه اللي مدحتها..


ردك جدا غريب اخوي ..
كتبت لها باني قمت بارسال الرقم لاني ضغطت " ارسال "
ولكن لم انتبه بان قوانين المنتدى لا تسمح لي بارسال رسائل الا اذا كانت مشاركاتي 50
اين الغريب بالموضوع ؟
سأقوم بذلك بعد ان تصل مشاركاتي الحد المطلوب
واعتذر للاخت ام ماجد
تحياتي :)

[® قطر ®]

ردك جدا غريب اخوي ..
كتبت لها باني قمت بارسال الرقم لاني ضغطت " ارسال "
ولكن لم انتبه بان قوانين المنتدى لا تسمح لي بارسال رسائل الا اذا كانت مشاركاتي 50
اين الغريب بالموضوع ؟
سأقوم بذلك بعد ان تصل مشاركاتي الحد المطلوب
واعتذر للاخت ام ماجد
تحياتي :)


معليش... صاااادوه :D
تبين تفهميني ان بنت في ذكائج كتبت انها طرشت رساله.. بدون ماتنتبه ان سستم المنتدى مايسمح لها... ماقدر اصدق... :oops:

[w4rr10r]

رحم والديج اختي ..
استفدت من الموضوع ..
وان شاء الله قريب افتك من الايلز ..

[Sewar Qtr]

معليش... صاااادوه :d
تبين تفهميني ان بنت في ذكائج كتبت انها طرشت رساله.. بدون ماتنتبه ان سستم المنتدى مايسمح لها... ماقدر اصدق... :oops:


وين المشكلة اخوي .. على العموم تقدر تتابعني بقسم ( السوق ) حاليا لاني حاليا اكتب
في جميع المواضيع ( بالتوفيق ) لاصل للمشاركه 50
شفت ذكائي ؟ ههههه
تقدر تجيك بنفسك ..

مشكور على مرورك ع العموم :)

[Sewar Qtr]

رحم والديج اختي ..
استفدت من الموضوع ..
وان شاء الله قريب افتك من الايلز ..


ووالدينك اخوي
الله يوفقك وتنجح بالامتحان وتتخصص باذن الله
تحياتي لك

[فتى الجود]

اخوي فتى الجود
لا مصيبة ولا شي التاسيسي
سنه تدرس الكمبيوتر ( وورد واكسل )
يعني شي تافه
والفاونديشن للماث
ماث ون وتو طالب الادبي يجتازه بسهوله
وهو لجميع التخصصات عدا الهندسه ( الاداره والاقتصاد على سبيل المثال )
يعني الطالب اللي بيدرس مالية ولا محاسبة ليش متعب نفسه وداخل الجامعة اذا ما بينجح في ماث ون وتو ؟!
وعلى فكرة ( الاداب والعلوم ) تكتفي بماث ون فقط
يعني الحقوق والقانون والاعلام وعلم النفس و . و . الخ
الموضوع ليس بالصعوبة التي تتخيلها

والنسب عالية وتنافسية لطلاب الهندسة فقط لان معظم التخصص من المقيمين
باقي التخصصات سهل القبول فيها ..خصوصا لنا نحن القطريين :)
والله يعين الجميع


الله كريم ان شاء الله

انا مخلص تجاره بنسبة 69%

وجامعة قطر ما اقبلتنى

وين اروح
قولى
لازم هناك بدائل بالدوله
يعنى لازم اعيش ثانوية طول عمري واعيش على وظفيه جنير

ارد واكرر لازم بدائل

[Sewar Qtr]

الله كريم ان شاء الله

انا مخلص تجاره بنسبة 69%

وجامعة قطر ما اقبلتنى

وين اروح
قولى
لازم هناك بدائل بالدوله
يعنى لازم اعيش ثانوية طول عمري واعيش على وظفيه جنير

ارد واكرر لازم بدائل

اخوي فتى الجود
ليش الكل مستهين بالنورث ؟
صدقني خريجينها على كفاءه عالية ومعظمهم يشتغلون
بقطاع البنوك وقطاع النفط .. ولغتهم جدا ممتازة خصوصا اللي " يجد " منهم بالدراسه

اذا جبت جي بي اي عالي تقدر تكمل سنتك الاخيره بجامعة قطر
واذا ما جبت تقدر تكمل هالسنة بكندا ..
او انك تكتفي بالدبلوم العالي اذا وضعك ما يسمحلك تسافر تكمل
وتشتغل الى ان تتوفر السيولة وتسافر ..

كل مشكلة ولها حل اخوي
والصراحة في كلية المجتمع .. طلابها بيكملون البكلوريس بجامعة قطر
لكني ما اعرف الشروط للامانة ..

الله يوفقك ويسهلك امورك :)

[ابو مشعل]

كلامج صحيح 100%
ممكن تطرشين لي الرقم ؟
( فضولي ) :whistling:

[Sewar Qtr]

كلامج صحيح 100%
ممكن تطرشين لي الرقم ؟
( فضولي ) :whistling:



اشكرك على المرور اخوي وارست لك رقم الاستاذ

[ابو مشعل]

اشكرك على المرور اخوي وارست لك رقم الاستاذ


سبــحان الله نفس الاستاذ اللي درسني
والحمدلله جبت الايلتس

بميزان حسناتج اختي
ومااا عليه كلام الاستاذ محمد .. نجحت انا و2 من الربع على يده
:strong

[w4rr10r]

سبــحان الله نفس الاستاذ اللي درسني
والحمدلله جبت الايلتس

بميزان حسناتج اختي
ومااا عليه كلام الاستاذ محمد .. نجحت انا و2 من الربع على يده

الرقم لو سمحت :)

[تغلبية]

الله يجزاج خير ويرحم والديج على هالموضوع اللي من أرض الواقع فعلاً ..

بدون تضخيم ولا تهويل .. كله سهالات الله يسهل عليج وين ماوجهتي وجهج

استفدت مما ذكرتيه جداً وخاصة بالنسبة لامتحان الايلتس .. كنت محتاجة فعلاً نصيحة حد المجربين

ودي أقدم الايلتس لكن " لله فـ لله ما أحبه" أحب التوفل أكثر .. ومطلوب مني أجيب 520 أو6 ايلتس

مستواي في اللغة زين بس يبي لي اجيب السكورالمطلوب ..

وما في مجال كلش ان يدرسني رجال ...وعندي اول امتحان توفل الاسبوع الجاي .. (Test) أشوف مستواي وين وصل

وبنفس الوقت ... الوقت ضيق .. لازم أكون جبت السكور على نص أغسطس الجاي عشان أتم متطلبات القبول

فبقعد امتحن توفل وايلتس .. مادري اجيب من قبل !!

اممممم عندج حل ؟ هل في امكانية تحطين أو تدلينيا على الــ tricks اللي تجي في الامتحان

والله يجزاج خيـــــــــــــر

[Sewar Qtr]

الرقم لو سمحت :)



ارسلت لك الرقم اخـوي
الله يوفقك وينجحك

[شميرام]

ما سألني نفسج ليش تقدمين توفل وايلز وانتي قطرية او عربية تدرسين في جامعة قطر ؟؟؟ لا تقولين معاير عالميه مادري وشو ،،،، هل التوفل من شروط دخول الجامعات في اسبانيا وألمانيا وفرنسا او روسيا ؟؟بالعكس اي شخص يلتحق بجامعاتهم لازم يخلص مستويات لغتهم

ما ابغي أقلل من دور لغه الانجليزيه في الجامعه لكن ابغي أوضح ان الجامعه حطتها كا عراقيل ثاني شي لغه الانجليزيه هي لغه رسميه في الرسائل والتواصل بين الطلاب والدكتور في بعض التخصصات ، ليش إحنا مب عرب

المعاير العالميه ذي غير مهمه جامعات وايد وصلت العالميه وهم يدرسون بلغتهم وهذي دليل انها عراقيل .

اما في مجال العمل بالنسبه لي من النادر تطيح في يدي ورقه بالانجليزي واذا طاحت احصلها مترجمه في المقابل اكتشفت أني ما عرف اكتب مخاطبات او مذكرات بالعربي وذي اعتبره إهمال للغه العربيه من قبل الجامعه يعني أنا دخلت تاسيسي سنه وعقب قدمنا امتحان وعقب انجليزي 6 ساعات وعقب انجليزي 5ساعات يعني فوق 30 ساعه في المقابل 6 ساعات عربي
اذا قلنا في ناس في حاجه للغه الانجليزيه في مجال العمل "الشركات"الصراحه ذي مشكله الشركه مش مشكله الجامعه هي المفروض تطور موظفينها

اذا انتي او غيرج يقدرون يعدون توفل او الايلز غيرنا ما يقدرون في ناس صارت تتغرب عشان مشكله لغه،، كل واحد له قدراته في ناس تقدر تحفظ في ناس عندها لغه في ناس عندها ذكاء في ناس تقدر تعدي توفل لكن في الاخير ينطردون وفي ناس وايد يقدرون يعدون الجامعه هم قادرين يدخلونها بسبب التوفل !!

[BoYousuf]

الله ايوفقج اختي,,, وايسرلج امورج
اتفق وياج في اغلب الي قلتييه,, ولو الطلاب اشوي يجتهدون من البدايه ومن الثانويه ايحاولون اجيبوون خمسه ابسهوله ان شالله,, انا هاي الغلطه الي سويتها اني ما جربت من الثانويه بس الحمدلله تلاحقت عمري وجبت التوفل..

ومتطلبات جامعه قطر تره مب تعجيزيه لابعد مستوى,,, لنه اشوف الجامعات الي برع تطلب اكثر من جامعه قطر نفس الايلز ممكن يوصل سته ونص!!,, صح انه دخول الجامعه في الخارج اسهل,, بس الصدمه اتيي عقب يوم اتشوف وشو يبون منك والمواد الصعبه,, فا نظام الفاونديشن ايهيء الطالب حق هاي الصعوبات..

الله ايوفقج اختي وكل طلاب جامعه قطر,, معه اني من معارضينها ابشده وشارد منها :)

[Sewar Qtr]

الله يجزاج خير ويرحم والديج على هالموضوع اللي من أرض الواقع فعلاً ..

بدون تضخيم ولا تهويل .. كله سهالات الله يسهل عليج وين ماوجهتي وجهج

استفدت مما ذكرتيه جداً وخاصة بالنسبة لامتحان الايلتس .. كنت محتاجة فعلاً نصيحة حد المجربين

ودي أقدم الايلتس لكن " لله فـ لله ما أحبه" أحب التوفل أكثر .. ومطلوب مني أجيب 520 أو6 ايلتس

مستواي في اللغة زين بس يبي لي اجيب السكورالمطلوب ..

وما في مجال كلش ان يدرسني رجال ...وعندي اول امتحان توفل الاسبوع الجاي .. (test) أشوف مستواي وين وصل

وبنفس الوقت ... الوقت ضيق .. لازم أكون جبت السكور على نص أغسطس الجاي عشان أتم متطلبات القبول

فبقعد امتحن توفل وايلتس .. مادري اجيب من قبل !!

اممممم عندج حل ؟ هل في امكانية تحطين أو تدلينيا على الــ tricks اللي تجي في الامتحان

والله يجزاج خيـــــــــــــر

ووالديج اختي ..
اختي العزيزه .. انا من ناحيتي اشوف ان الايلز اسهل وايد من التوفل
و6 بالايلز .. يعني ان مجموعج بالـاربع اقسام لازم يكون 23
يعني على سبيل المثال
لسننغ 6
ريدنغ 5
رايتنغ 6
سبيكنغ 6

اما الـ 5ونص لازم " 21"
والـ5 يكفي 19 ونص ..
سوري طولتها وهي قصيره لكن لتعم الفائده للجميع :d

اما اللي اقدر افيدج وانصج فيه اختي ..
اسمعي البي بي سي باستمرار .. يعني يوميا اسمعي الاذاعه ساعتين متواصل في الليل
وبهالطريقة بتتعودين ع الاكسنت .. بالبداية ممكن ما تفهمين شي هههه عادي
اهم شي الاذن تتعود على اللهجة ومع الوقت بتحسين بالفرق .. وبتصيرين تسمعين كل التفاصيل ( خلال شهر بتحسين بفرق كبير باذن الله ) ..
ونصيحه حاولي تتدربين على نماذج لسننغ لان بالامتحان فيه شوية تكتيك و " نصب "
بالقطع وانتي تسمعينها .. هههه
يعني مثلا ممكن خلال الاجابه تسمعين النص التالي ( على سبيل المثال فقط )
jhon : How old are u?
Mohammed : I am sixteen
.
.
( ويكون الفراغ عن عـمر محمد والكل يحط 16 ) طبعا

لكن بعد ثواني محمد يعدل ويقول
oooh sorry i am 19 years old

وطبعا الكل مجاوب 16 والاجابه خطأ !

مثال اخر :
ممكن بالحوار .. الطرف الاول يسأل عن رقم تلفون شخص اخر
والثاني يجاوب على هالنمط :
O zero double 5 8 8 1
طبعا انتي لازم تعرفين ان حرف ال"او"
معناه زيرو
والدبل فايف
55
لازم تحلين بسرعه لان بيقولهم بسررررعه ومافي فرصه للتفكير
( اي خطأ بالحل بيحذف لج السؤال ) ..
:)

.

بالنسبه للرايتنغ الموضوع الاول شوفي النماذج على النت
وحلي .. الامتحان اكثر شي يجي فيه بار تشارت وباي تشارت ولاين تشارت
الدايغرااام نااادررر جدا .. يعني يمكن يجي مره كل عشر مرات .. لانه فيه شوية صعوبه صراحه ..
وفي كلمات لازم تعرفينها اللي هي كلمات الهبوط والارتفاع والسقوط التدريجي .. وهكذا !

الموضوع الكبير .. اللي هو الثاني
لازم تكتبين مقدمه عن الموضوع ( 3 سطور )
وبالغالب يكون الموضوع فيه راي طرفين .. يعني مثلا التدخين بالاماكن العامه
يكون في ناس مع وناس ضد

بعد المقدمه اكتبي راي الطرف الاول ..
ومن ثم راي الطرف الثاني
وبعدين تقدرين علشان تزودين الكلمات تكتبين ان كل طرف مقتنع برايه
واخر شي اكتبي رايج مع الاسباب طبعا ..
وخاتمه سطرين ..

الله يوفقج اختي واي سؤال انا حاضره
تحياتي لج

[Sewar Qtr]

ما سألني نفسج ليش تقدمين توفل وايلز وانتي قطرية او عربية تدرسين في جامعة قطر ؟؟؟ لا تقولين معاير عالميه مادري وشو ،،،، هل التوفل من شروط دخول الجامعات في اسبانيا وألمانيا وفرنسا او روسيا ؟؟بالعكس اي شخص يلتحق بجامعاتهم لازم يخلص مستويات لغتهم

ما ابغي أقلل من دور لغه الانجليزيه في الجامعه لكن ابغي أوضح ان الجامعه حطتها كا عراقيل ثاني شي لغه الانجليزيه هي لغه رسميه في الرسائل والتواصل بين الطلاب والدكتور في بعض التخصصات ، ليش إحنا مب عرب

المعاير العالميه ذي غير مهمه جامعات وايد وصلت العالميه وهم يدرسون بلغتهم وهذي دليل انها عراقيل .

اما في مجال العمل بالنسبه لي من النادر تطيح في يدي ورقه بالانجليزي واذا طاحت احصلها مترجمه في المقابل اكتشفت أني ما عرف اكتب مخاطبات او مذكرات بالعربي وذي اعتبره إهمال للغه العربيه من قبل الجامعه يعني أنا دخلت تاسيسي سنه وعقب قدمنا امتحان وعقب انجليزي 6 ساعات وعقب انجليزي 5ساعات يعني فوق 30 ساعه في المقابل 6 ساعات عربي
اذا قلنا في ناس في حاجه للغه الانجليزيه في مجال العمل "الشركات"الصراحه ذي مشكله الشركه مش مشكله الجامعه هي المفروض تطور موظفينها

اذا انتي او غيرج يقدرون يعدون توفل او الايلز غيرنا ما يقدرون في ناس صارت تتغرب عشان مشكله لغه،، كل واحد له قدراته في ناس تقدر تحفظ في ناس عندها لغه في ناس عندها ذكاء في ناس تقدر تعدي توفل لكن في الاخير ينطردون وفي ناس وايد يقدرون يعدون الجامعه هم قادرين يدخلونها بسبب التوفل !!


اخوي انفرض علينا الايلز والتوفل لان الاجانب متفوقين علينا في جميع المجالات
وهم اللي يحطون المناهج في العالم .. وللاسف لان امتنا صارت باخر الامم بعد ما كان
ينضرب فينا المثل .. وانت تعرف ( البقاء للافضل ) .. والاقوى يفرض اللي يبيه !

وانا من ناحيتي اول وحده بتستانس اذا تم الغاء الايـلز ..
لكن هالوقت مب وقت احلام وامنيات .. خصوصا في هالزمن

يعني باختصار الايلز ( عقبة ) نعم .. لكن يجب ان نتعداها !
الزمن لن يعود الى الوراء ..


الله يوفقك

[Sewar Qtr]

الله ايوفقج اختي,,, وايسرلج امورج
اتفق وياج في اغلب الي قلتييه,, ولو الطلاب اشوي يجتهدون من البدايه ومن الثانويه ايحاولون اجيبوون خمسه ابسهوله ان شالله,, انا هاي الغلطه الي سويتها اني ما جربت من الثانويه بس الحمدلله تلاحقت عمري وجبت التوفل..

ومتطلبات جامعه قطر تره مب تعجيزيه لابعد مستوى,,, لنه اشوف الجامعات الي برع تطلب اكثر من جامعه قطر نفس الايلز ممكن يوصل سته ونص!!,, صح انه دخول الجامعه في الخارج اسهل,, بس الصدمه اتيي عقب يوم اتشوف وشو يبون منك والمواد الصعبه,, فا نظام الفاونديشن ايهيء الطالب حق هاي الصعوبات..

الله ايوفقج اختي وكل طلاب جامعه قطر,, معه اني من معارضينها ابشده وشارد منها :)


اسعدني ردك اخوي
الله يوفقك وينجحك وترجع لبلادك وانت خريج ان شاء الله
وصدقت الـ ( 5) مـا هي بصعبة ..

ولو كنت اقدر ادرس بامريكا ولا كندا كان شردت من زمان ..
لكن شسوي .. هههه

اشكرك على المرور :)

[تغلبية]

الله يجزاج كل الخير أختي .. افدتيني ..
مع ان اسلوب الامتحانات هذي اعرف له قدمت مرتين قبل التوفل لا لحاجة .. بس فضاوة .. قلت خلني اخوض الامتحان اللي يقولون عنه صعب وتعجيزي .. طلع موب صعب لكن يعتمد على الحصيلة اللغوية من الكلمات والتعود على اللغة الانجليزية كأداة للتواصل مع المحيط ..
وفي كل مرة كان الامتحان متعب لكن ممتع .. واعتبره مغامره :)

يمكن كان عندي احساس اني باحتاج هالامتحان في يوم من الايام .. فقلت خلني أكسر حاجز الخوف واستبق المبادرة ... فقدمت امتحان من عشر سنين .. (فاضية في الصيف) والامتحان الثاني من سنتين ... وبعد من الفضاوة
لكن اليوم عرفت قيمة اللي سويته ... في الوقت اللي انا بادخل اجيب سكور .. زميلاتي توهم يتنافضون وخايفين من الامتحان .. في الوقت الضايع والفرصة بتروح عليهم وهم للحينهم خايفين !

ترا انا امتحن للماجستير موب للبكالوريوس ..
البكالوريوس الحين صار يسوى شهادة ثانوية .. يعني ماله قيمة كبيرة مثل قبل
وللأسف صرت اشوف المدراء يفضلون ناس على ناس بشهاداتهم .. موب بخبرتهم ولا بمقدار تعبهم وانجازهم !! وهذا شي محمود وطبيعي .. لكن هناك في بعض الاستثناءات تقهر مو مجالها للذكر الحين


يعني يا شباب .. ياللي انتو تشوفون التوفل والايلتز معضلة وعقبة وتعجيز ..
ليش انتو مكبرين المشكلة في نفوسكم .. طول ما انتو رافضين هالشي في نفوسكم ما راح تقدرون اتعدونه ..
اقبلوا بالوضع الحاصل ... وآمنوا بقدراتكم .. وأن مافي خيار ثاني .. يا تجيبونه .. ياتجيبونه !

والله العظيم أن شباب الخليج من أذكى شباب العالم ومخوخهم نظيفه .. لكنهم مضيعين نفسم بيدهم ..
يعني معقول القطري المتعلم ما يعرف يجيب امتحان انجليزي يعتمد على حصيلة وممارسة ما يعتمد على شطارة وذكاء (بشكل رئيسي)

عجل شنقول للهنود اللي يجون من غياهب الهند .. من العشش .. مايعرفون شي في الدنيا .. وهذا هم جاو .. وتكلموا عربي .. وهذي العربية اللي يسمونها من أصعب لغات العالم !! .. حتى لو عربيتهم مكسرة لكنهم تعلموا بالممارسة !

يعني قول في نفسك مافي شي صعب وان شاءالله أمورك طيبة وسهالات ... وما في شي يجي بالراحة في هالزمن .. يبي لك تتعب على نفسك شوي .. لان قدامك زواج .. ومراة وعيال .. لازم تعولهم صح وتعلمهم صح .. وتكون أنت لهم قدوة .. علشان يفتخرون فيك في الزمن القادم ..الزمن الصعب !


حبيت اقول اللي فوق علشان أختصر على أخواني الشباب والشابات (سنين العمر) بحكم فارق السن والتجربة .. وان شاءالله المستقبل قدامكم .. ولكم :fight:

[Sewar Qtr]

الله يجزاج كل الخير أختي .. افدتيني ..
مع ان اسلوب الامتحانات هذي اعرف له قدمت مرتين قبل التوفل لا لحاجة .. بس فضاوة .. قلت خلني اخوض الامتحان اللي يقولون عنه صعب وتعجيزي .. طلع موب صعب لكن يعتمد على الحصيلة اللغوية من الكلمات والتعود على اللغة الانجليزية كأداة للتواصل مع المحيط ..
وفي كل مرة كان الامتحان متعب لكن ممتع .. واعتبره مغامره :)

يمكن كان عندي احساس اني باحتاج هالامتحان في يوم من الايام .. فقلت خلني أكسر حاجز الخوف واستبق المبادرة ... فقدمت امتحان من عشر سنين .. (فاضية في الصيف) والامتحان الثاني من سنتين ... وبعد من الفضاوة
لكن اليوم عرفت قيمة اللي سويته ... في الوقت اللي انا بادخل اجيب سكور .. زميلاتي توهم يتنافضون وخايفين من الامتحان .. في الوقت الضايع والفرصة بتروح عليهم وهم للحينهم خايفين !

ترا انا امتحن للماجستير موب للبكالوريوس ..
البكالوريوس الحين صار يسوى شهادة ثانوية .. يعني ماله قيمة كبيرة مثل قبل
وللأسف صرت اشوف المدراء يفضلون ناس على ناس بشهاداتهم .. موب بخبرتهم ولا بمقدار تعبهم وانجازهم !! وهذا شي محمود وطبيعي .. لكن هناك في بعض الاستثناءات تقهر مو مجالها للذكر الحين


يعني يا شباب .. ياللي انتو تشوفون التوفل والايلتز معضلة وعقبة وتعجيز ..
ليش انتو مكبرين المشكلة في نفوسكم .. طول ما انتو رافضين هالشي في نفوسكم ما راح تقدرون اتعدونه ..
اقبلوا بالوضع الحاصل ... وآمنوا بقدراتكم .. وأن مافي خيار ثاني .. يا تجيبونه .. ياتجيبونه !

والله العظيم أن شباب الخليج من أذكى شباب العالم ومخوخهم نظيفه .. لكنهم مضيعين نفسم بيدهم ..
يعني معقول القطري المتعلم ما يعرف يجيب امتحان انجليزي يعتمد على حصيلة وممارسة ما يعتمد على شطارة وذكاء (بشكل رئيسي)

عجل شنقول للهنود اللي يجون من غياهب الهند .. من العشش .. مايعرفون شي في الدنيا .. وهذا هم جاو .. وتكلموا عربي .. وهذي العربية اللي يسمونها من أصعب لغات العالم !! .. حتى لو عربيتهم مكسرة لكنهم تعلموا بالممارسة !

يعني قول في نفسك مافي شي صعب وان شاءالله أمورك طيبة وسهالات ... وما في شي يجي بالراحة في هالزمن .. يبي لك تتعب على نفسك شوي .. لان قدامك زواج .. ومراة وعيال .. لازم تعولهم صح وتعلمهم صح .. وتكون أنت لهم قدوة .. علشان يفتخرون فيك في الزمن القادم ..الزمن الصعب !


حبيت اقول اللي فوق علشان أختصر على أخواني الشباب والشابات (سنين العمر) بحكم فارق السن والتجربة .. وان شاءالله المستقبل قدامكم .. ولكم :fight:

:nice: كفيتي ووفيتي
يعطيج العافية

[ديمقراطي]

غريب امركم لما تبون تكبرون المشكله تكبرونها لما تبون تصغرونها تصغر ..

الايلتس والجي مات والتوفل مب مشكله عند الاجانب ولا في جامعاتهم هذي قوانينهم وتشريعاتهم كيفهم يحطون القرارات الي يبونها مالنا شغل فيهم.

لكن لما يبون يحطون قراراتهم علينا وتمشي علينا هذا ضعف بشخصيتنا الي انتمائها اسلامي عربي.

الاسلام ماحرم تعلم اللغات الثانيه بالعكس حثتنا عليها وفي قصص كثيره عليها لكن مب موضعها الحين.

لكن الاسلام علمنا ان ننهض بالامه الاسلاميه ومن شخصيات النهوض الاعتزاز بها.

انا ما اختلف معاكم انهم انجح منا في كل شي لكن شنو المانع انه انترجم الكتب للعربيه وتدرس بالعربيه هم فعلوا نفس الشيء فالعصر الذهبي للمسلمين.

وبالعكس ليش مانقوم في بادره من عندنا نسوي امتحان للغه العربيه للغير ناطقين فيها انهم يمتحنون فيها واذا اجتازوها يدخلون جامعاتنا. ممكن كلامي يكون مايعجب الكثير لكن لما نعز نفسنا غيرنا بيعزنا هذه قاعده معروفه الاحترام يعطيك قوه

[حيهور]

محد تذمر نحن نطالب بحق التعليم بدون خرابيط شروط القبول التوفل وغيره


كفاكم تقليد للغرب والكفر ولاتسون نفسكم مثقفين

اما ان تفرضوا نفسكم ولغتكم

او أدفنوا روسكم في التراب بروحكم

وراح نفرض نفسنا بلغتنا واسلوبنا بدون جامعة القهر الغير وطني بل اعتبره جامعة خونه


والله اكبر والعزة لله ورسوله والمؤمنيين

[Om Majed]

مادري من فهمني ان نظام المنتدى مايسمح للعضو اللي مشاركته اقل من 50 يطرش رسايل ع الخاص... ممكن حد م الاداره يفهمنا شلون العضوه المحترمه اللي معدل مشاركاتها كان 2 مشاركه في السنه قدرت تطرش رساله ع الخاص للعضوه اللي مدحتها..


ههههه الحين وش الي قاهرك الرساله والا المدح :D
الرساله ماوصلتني إلا بعد ماكملت البنيه 50 مشاركه
وخل عندك أسلوب لما ترد هذا جزاها تبغي تفيد الناس


مشكووورة الشيخه على الرساله والرقم وصل حبوبه :thumbup:

[Sewar Qtr]

غريب امركم لما تبون تكبرون المشكله تكبرونها لما تبون تصغرونها تصغر ..

الايلتس والجي مات والتوفل مب مشكله عند الاجانب ولا في جامعاتهم هذي قوانينهم وتشريعاتهم كيفهم يحطون القرارات الي يبونها مالنا شغل فيهم.

لكن لما يبون يحطون قراراتهم علينا وتمشي علينا هذا ضعف بشخصيتنا الي انتمائها اسلامي عربي.

الاسلام ماحرم تعلم اللغات الثانيه بالعكس حثتنا عليها وفي قصص كثيره عليها لكن مب موضعها الحين.

لكن الاسلام علمنا ان ننهض بالامه الاسلاميه ومن شخصيات النهوض الاعتزاز بها.

انا ما اختلف معاكم انهم انجح منا في كل شي لكن شنو المانع انه انترجم الكتب للعربيه وتدرس بالعربيه هم فعلوا نفس الشيء فالعصر الذهبي للمسلمين.

وبالعكس ليش مانقوم في بادره من عندنا نسوي امتحان للغه العربيه للغير ناطقين فيها انهم يمتحنون فيها واذا اجتازوها يدخلون جامعاتنا. ممكن كلامي يكون مايعجب الكثير لكن لما نعز نفسنا غيرنا بيعزنا هذه قاعده معروفه الاحترام يعطيك قوه


عندما نكون في موقع قوة يمكننا فرض ما نريد اينما نشاء وكيفما شئنا
وعندها يمكننا سن القوانين التي نرغب
لكننا وللاسف بموقع ضعف وهوان .. والله المستعان

[Sewar Qtr]

محد تذمر نحن نطالب بحق التعليم بدون خرابيط شروط القبول التوفل وغيره


كفاكم تقليد للغرب والكفر ولاتسون نفسكم مثقفين

اما ان تفرضوا نفسكم ولغتكم

او أدفنوا روسكم في التراب بروحكم

وراح نفرض نفسنا بلغتنا واسلوبنا بدون جامعة القهر الغير وطني بل اعتبره جامعة خونه


والله اكبر والعزة لله ورسوله والمؤمنيين


لا انقليزي ولا عربي حتى .. هههه
الله يوفقك اخوي ..واشكرك على مرورك :)

[Sewar Qtr]

ههههه الحين وش الي قاهرك الرساله والا المدح :d
الرساله ماوصلتني إلا بعد ماكملت البنيه 50 مشاركه
وخل عندك أسلوب لما ترد هذا جزاها تبغي تفيد الناس


مشكووورة الشيخه على الرساله والرقم وصل حبوبه :thumbup:


حيــاج الله اختي ..
واشكرج على اسلوبج وردج الرائع :)

[A.S.A.M]

آختي والله اذا دخلتي الجامعه الله يوفقج فيها

بس الموضوع الايلس و جامعه قطر هو موضوع كبير

والصراحه يعين موضوعج ماله داعي ان ينحط

الجامعه حطته لان يبون اعتراف دولي

جامعات السعوديه ما يعترفون بالايلس و هم الآوئل في لسته الاعتراف العالمي

و معليه معظم قطر و طلاب جامعه قطر ضد موضوع الايلس

[Sewar Qtr]

آختي والله اذا دخلتي الجامعه الله يوفقج فيها

بس الموضوع الايلس و جامعه قطر هو موضوع كبير

والصراحه يعين موضوعج ماله داعي ان ينحط

الجامعه حطته لان يبون اعتراف دولي

جامعات السعوديه ما يعترفون بالايلس و هم الآوئل في لسته الاعتراف العالمي

و معليه معظم قطر و طلاب جامعه قطر ضد موضوع الايلس


اخـوي اوكي الجامعة ( حطته ) وانتهى الموضوع
هل معنى هالكلام اني اقعد بالبيت واكتفي بالثانويه ؟
الاجابة عندك .. كل انسان لازم يتعب ويشتغل على نفسه
ليصل للهدف .. مب من اول ( عقبة ) سلم للامر الواقع وصار عالة على المجتمع
كل همه الـتشكي والـ "تذمر" ! :oops:

[الـراسي]

وكلنا نشوف شلون شبابنا ( اغلبهم)
مكتفي بشهادة الثانويه وكأنها شهادة ماستراو دكتوراه
مع انها لاتسمن ولا تغني من جوع .. وليست شهاده تعليم العالي ابدا
وبكل صراحة شئ مستفز ان عدد القوى العاملة في قطر من القطريين لا تتجاوز ال10% بكل القطاعات
:wizard:



انا شخص عندي ثانوية عامة نسبتي 68% حاولت بكل الطرق اني ادش اي

جامعه بقطر قالو مستحيل هذا كلام المجلس الاعلى لانك موظف حتى الموازي شلوة ليش الموازي ما كان يخدم فئة كثيرة من الشباب الموظفين اللي ظروفهم ما تسمح باكمال دراستهم في الفترة الصباحية

وترى كثير من شباب قطر يبون يكملون دراستهم الجامعية عندي بالدوام اللي مقدمين على اكمال دراسة جامعية بمصر طبعا العدد اكيد لين الحين 150 موظف لانهم ما حصلو جامعة تقبلهم في دولتهم

وحتى كلية المجتمع قالو لنا شي وشفنا شي ثاني الله يكون بعون الشباب

اضطريت ادرس في جامعة القاهرة والله يكون بالعون

[A.S.A.M]

اخـوي اوكي الجامعة ( حطته ) وانتهى الموضوع
هل معنى هالكلام اني اقعد بالبيت واكتفي بالثانويه ؟
الاجابة عندك .. كل انسان لازم يتعب ويشتغل على نفسه
ليصل للهدف .. مب من اول ( عقبة ) سلم للامر الواقع وصار عالة على المجتمع
كل همه الـتشكي والـ "تذمر" ! :oops:
آختي ردي هو ان قطر محتاجه خريجين جامعه و من واجب الدوله تسوي هاي الشي

و انا اقول صح الواحد لازم يتعب

انا تعبت و صبرت و جبت الايلس و جامعه قطر تقولي لا ما تقدر تدخل هاي التخصص شوف تخصص ثاني

و مثل ما تشوفين قطعت نص الارض و قاعد ادرس في جامعه احسن من جامعه قطر و فوق هاي كله ما خذو ايلس

و مستعد اعطيج اسم الجامعه تشيكين عليها

[ورقــة أمــل]

اختي شكلج توج يديدة في جامعة قطر وموضوعج ينصب في امتحان الايلتز مش في الجامعة نفسها

يمكن صحيح كلامج ان في تطورات كثيرة بالجامعة بس في ناس انكرفوا وانذلوا واخرتها انطردوا من الجامعة عشان شي ما يستاهل فما في مجال تقنعينهم ان جامعة قطر تغيرت لان خلاص خذينا فكرة ان هالجامعة هي جذي وعمرها ماراح تنعدل

امتحان الايلتز اتفق معاج انه سهل بس مب معناته ان اللي سهل علي وعليج هو سهل للجميع وبعدين لا تنسين انج عدتيه كذا مرة ومب الكل طموح لدرجة انه يعيد الامتحان عشر مرات في حياته عشان يدخل جامعة قطر....

[دلة الرسلان]

عزيزتي صاحبة الموضوع احيي فيك روحك المثابرة ومعظم المواضيع التي كتبت وستكتب في

ذم جامعة قطر ليس كراهية في الجامعة نفسها ولكن لمن هو قائم عليها ودمر التعليم العالي

ويعتقد أنه يصلحه .

عندما ننتقد جامعة قطر ننتقدها لأنها الجامعة الوطنية الوحيدة -الى الآن - ورغم ذلك لم تراعي

الفروق الفردية بين طلابها وقدراتهم فوضعت مقياس واحد وطالبت الجميع بتحقيقه وليس

الجميع مهيئين لذلك وهكذا ضاعت سنوات العمر ما بين أعادة وامتحان .

نتمنى أن تعلن احصائيات عن عدد خريجي جامعة قطر منذ انشائها الى الآن وهكذا سنحكم

على مدى فاعلية خطط تطوير الجامعة ، لا تقولون المهم هي النوعية وأن قل عدد الخريجين

لأن المناهج هي نفس المناهج والمعلومات هي نفس المعلومات .

نحن ندعوا للتطوير الفعلي في التعليم وأيجاد حلول لما يعانيه الشباب من صعوبات ولن يتأتي

ذلك أن لم يرى القائمين على التعليم أن هولاء هم ابنائهم فعلا وليس فخار يكسر بعضه .

[القيسي]

تسلمين على الموضوع

بس جامعة قطر عايشة الدور أكثر من اللازم

[تحداني]

Sewar Qtr

:) الله يوفقج يارب .. يعجبني هذا النوع من الإصرار والتحدي والمثابره
حتى ان كانت المعطيات قليله والخيارات محدوده
الطالب امام واقع .. هذا الواقع يتطلب منه المواجهه .. كيف ستكون تلك المواجهه هي عمليه تحدي مع الذات ..
في كثير من الاحيان أجد من العناد والصراخ استسلام
او وقوف اما عتبه معينه دون المضي خطوات للأمام

من الرابح ؟؟ لا احد
من الخسران ؟؟ الطالب

هل سيتغير الحال ؟؟ هناك ما يحتاج الى وقت طويل لكي يتغير
وهناك من الأمور لايمكن أن يعلن التغيير فيها .. لانها مبنيه على اسس عالميه
وعلى مفاهيم مواكبه الآخرين .. وعلى المضي في شروط كما تمضي باقي الجامعات


لنضرب مثالا بسيطا .. لدي طالب من الروضه الى الصف السابع .. منهج اللغه الانجليزيه
احد المناهج الاساسيه .. درسها في عمر مبكر .. امتحن فيها في سن مبكر
سمعها ايضا في سن مبكر
ولو تحدثت معه لمده نصف ساعه ستجد انه لايفقه في اللغه الانجليزيه شي
لماذا ؟؟ لانها مهاره تحتاج الى حب والى ممارسه
لانها لغه كلما مارستها اكثر كلما تمكن منها الطالب اكثر
لانها تحتاج الى وقت اسري منزلي ضعف الوقت المخصص له في المدرسه



وجود نسبه محدده للدخول الى الجامعه هذا مطلب ضروري
لايمكن ان نجد جامعه حكوميه وطنيه ونسبها مفتوحه على مصراعيها
وهاهو جوجل ابحثوا فيه .. وفتح ابواب القبول دون حد
اعتقد فيه ظلم واجحاف


علينا ان نتحمل جزء من اخطائنا
وعلى المجتمع ان يتحمل الجزأ الآخر

وعلينا ان نجد الحل .. وهو في أنفسنا
تكرار المشاكل والهموم والصراخ لن يولد الى الوجع والاستسلام .. والناس تمشي
وانت للحين تقول .. " من زين التوفل .. واشحقه الايلتز .. ومب دارس وخليني على الثانويه .. او تعال خل انروح ندرس في القاهره وقلعه تقلع القوانين والدوام "


كملي Sewar Qtr
وضعي الحلول .. وازرعي الكم الكبير من الايجابيه والحماس
ومافي شي في الحياه يجي بالساهل
ومقارنه اليوم بالأمس مقارنه جدا عجيبه
من الافضل مقارنه اليوم بماهو موجود .. وبما هم بحاجه إليه للغد


جملكم الله برضاه

[موضي قطر]

احي فيك عزيمتك اختي صاحبة الموضوع

لكن يجب على الجامعة ان لا تصم آذانها

عن معاناة الطلاب وتشرع في إيجاد حلول

تراعي الفروقات التي وضعها الله في خلقه

[شاعر المليون]

اخت Sewar

هل جميع خريجين الثانوية العامة المستقلة يتخرجون بنسبة 80 و90 في المية .
هل جميع الطلبة بمستوى واحد في الذكاء وقدرة الاستيعاب والفهم والحفظ .
هل جميعهم درسو لغة إنجليزية من التمهيدي عشان اطلب منهم 5 آيلز ؟
هل يوجد بدائل تمنحني درجة البكارلويس للمرفوضين من جامعة قطر ( بدائل بدون توفل وآيلز )؟
هل يوجد لدينا فائض كبير جدا من خريجين الثانوية العامة القطريين لكي نضع لهم معايير عالمية ؟
هل تصنيف جامعة قطر المتدني جدا يخولها تضع هذه الشروط التعجيزية ؟
ليش منع التعليم الموازي في جامعة قطر؟

بعدين ليش الطالب يعيد امتحان التوفل / الآيلز مرة ومرتين وثلاث وعشر عشان يسجل في جامعة بلده وهو مواطن وابن البلد والاجنبي بتقدير مقبول وخريج جامعة عربية لاتطلب لاتوفل ولا ايلز ينقبل في الدولة وبراتب خيالي

[برق لمع]

ما سألني نفسج ليش تقدمين توفل وايلز وانتي قطرية او عربية تدرسين في جامعة قطر ؟؟؟ لا تقولين معاير عالميه مادري وشو ،،،، هل التوفل من شروط دخول الجامعات في اسبانيا وألمانيا وفرنسا او روسيا ؟؟بالعكس اي شخص يلتحق بجامعاتهم لازم يخلص مستويات لغتهم

ما ابغي أقلل من دور لغه الانجليزيه في الجامعه لكن ابغي أوضح ان الجامعه حطتها كا عراقيل ثاني شي لغه الانجليزيه هي لغه رسميه في الرسائل والتواصل بين الطلاب والدكتور في بعض التخصصات ، ليش إحنا مب عرب

المعاير العالميه ذي غير مهمه جامعات وايد وصلت العالميه وهم يدرسون بلغتهم وهذي دليل انها عراقيل .

اما في مجال العمل بالنسبه لي من النادر تطيح في يدي ورقه بالانجليزي واذا طاحت احصلها مترجمه في المقابل اكتشفت أني ما عرف اكتب مخاطبات او مذكرات بالعربي وذي اعتبره إهمال للغه العربيه من قبل الجامعه يعني أنا دخلت تاسيسي سنه وعقب قدمنا امتحان وعقب انجليزي 6 ساعات وعقب انجليزي 5ساعات يعني فوق 30 ساعه في المقابل 6 ساعات عربي
اذا قلنا في ناس في حاجه للغه الانجليزيه في مجال العمل "الشركات"الصراحه ذي مشكله الشركه مش مشكله الجامعه هي المفروض تطور موظفينها

اذا انتي او غيرج يقدرون يعدون توفل او الايلز غيرنا ما يقدرون في ناس صارت تتغرب عشان مشكله لغه،، كل واحد له قدراته في ناس تقدر تحفظ في ناس عندها لغه في ناس عندها ذكاء في ناس تقدر تعدي توفل لكن في الاخير ينطردون وفي ناس وايد يقدرون يعدون الجامعه هم قادرين يدخلونها بسبب التوفل !!

كلامك 100% صح
لماذا يفرض علينا فرض ؟؟ ولازم واجباري وغصب عنك ولا مستقبلك كله يضيع
وارفعوا النسب ف الجامعة وصعبوا الامور في كل ميادين التعليم
ترى احنا شعب كلنا نسكن في مدينة وحدة او قرية صغيرة ليش تحسسونا ان احنا ساكنين في امريكا او بريطانيا وامورنا ما تمشي الا بلغتهم ،،، كل الشعب القطري ليس مطالب ان يتقن اللغة الانجليزية وجعلها مفتاح النجاح والحصول على وظيفة محترمة ،،؟
ماذا عسانا ان نقول الا ،،، حسبنا الله ونعم الوكيل

[لابس بشت]

الحمدلله انا افتكيت ولا مريت على هالمواضيع كلها لاني على النظام القديم

لكن الايلز والتوفل قضيه والفاودنيشن مأساه
بالنسبه للطلاب وطالبات ثانويه الانجليزي عندهم اصلا تعبان لانه فالمدارس اي كلام
وماطوروها الا فالفتره الاخيره وشلون تتوقعين منهم يجيبون نسب كبيره في هالاختبارات

[قلم طموح]

زين ليش يحطون المنهج في الجامعة بالانجليزي؟
ليش ما يكون بالعربي والي عقب يبي يدرس انجليزي يدرس؟
زين ليش ما حطوه اختياري الي يبي يدرس بالانجليزي يدرس والي ما يبي يدرس بالعربي؟
ترا اذا بتروح ايرلندا بتصير طبيب بشري في 6 سنوات
وفي جامعة قطر بتاخذ بكليريوس في اكثر من 6 سنوات

[الزجاجي]

نصيحه لوجه الله

ما عليكم من الايلز !
ولا عليكم من جامعة قطر !
ولا عليكم من شروط القبول الي الاغلب يقول تعجيزيه !

لكن اقولها انا واعوذ بالله من كلمه انا اذا طلعت على الحياه العمليه بدون انجليزي ولا شهاده قويه وبمعدل عالي نصيحه خلك بالبيت واستريح لانك بتنصدم بالواقع وهذا اذا حصلت شغل يليق بمكانتك الكريمه

نرجع لمحور الحديث .. جزالك الله الف خير اختي الكريمه على الشرح البسيط والمفهوم لاخوانك واخواتك
وهذه الشروط تنصب لمصلحه الطالب الشخصيه قبل اي شي وتفيده مستقبلا
وانا من خريجين جامعه قطر قبل النظام الحالي وجربت الايلز قبل فتره قصيره كتجربه والحمد لله جبت الدرجه المطلوبه بعد ثاني محاوله :)

[Sewar Qtr]

مــاشاء الله .. عدد الردود كبير جدا
ولن استطيع الرد على الجميع ..
لكني يوجد بعض النقاط يجب ان أتـطرق اليها . .

اولا .. البعض يظن باني مع وضع ( الايلز ) كشرط لدخول الجامعه ..
لا ادري من اين اتيتم بهذه القناعه او من اين استنتجتموها ؟
انا ( ضد ) الايلز فعلا .. لكني ايضا ( ضد ) الاستسلام والاكتفاء بشهادة ثانوية عامة
لا تضمن لك مستقبلا وظيفيا يليق بك كـ "انسان يمتلك طموح " وعنده هدف !

ثانيا . جــــامعة قطر جامعة حكومية مب جامعة خاصة .. يعني من حقها تفرض النسبة
اللي تبيها لانها مب من جامعات ( ادفع وانجح ) الخاصه المنتشره حول العالم
يعني باختصار هذا قانون جميع الجامعات الحكومية بالعالم .. اما اللي جايب 62 و 53
فهذه مشكلته .. الدوله وفرت جميع الخيارات ولجميع مستويات الطلاب بعد افتتاح كلية المجتمع
وكليه الشمال الاطلنطي .. واللي يتحجج انها ( دبلوم عالي ) !! .. ستبقى بالنهاية افضل من لاشئ
ويمكن للطالب اكمال البكلوريس بجامعة قطر او بالخارج بكل سهولة !!
وهذا رد الاخت تحداني الزمن .. وهي متطلعة على الامور التعليمية والاكاديمية
بحكم عملها ..


وجود نسبه محدده للدخول الى الجامعه هذا مطلب ضروري
لايمكن ان نجد جامعه حكوميه وطنيه ونسبها مفتوحه على مصراعيها
وهاهو جوجل ابحثوا فيه .. وفتح ابواب القبول دون حد
اعتقد فيه ظلم واجحاف

بالنهاية .. اشكر الجميع على المرور والرد..
" دلة الرسلان - تحداني الزمن - ورقة امر - القيسي - asam - موضي قطر - شاعر المليون
برق لمع - لابس بشت - قلم طموح والزجاجي "

كل التحية :)

[ابوسعود]

ممكن الرقم لو سمحتي

[LSK]

ممكن رقم مدرس الآيلز لو سمحتي..

[راشد محمد]

الرقم لو سمحت

[Sewar Qtr]

ارسلت لكم رقم الاستاذ
والمواقع موجوده بالصفحه الاولى ..

موفقين

[basma222]

انا الحمدلله بنتي قدمت الايلز في جامعه قطر ونجحت وهي اللحين بتروح سنه ثالثه في كلية الاقتصاد
الله يوفقها ويوفق الجميع

[mohd89]

نعم انا اقول في غلط في النظام
ولكن ليس في فرض امتحان الايلز او التوفل بل في نظام التعليم من الابتدائي حتى الثانوي
اقصد ان تعليم اللغه الانجليزيه ضعيف جدا جدا في المدرسه من الابتدائي حتى الوصول الى الثالث ثانوي
يعني بالعقل امتحان ثالث ثانوي من اسخف الامتحانات بعدها اروح اسجل في الجامعه يطلب مني امتحان ايلز بدرجة 5.5 ؟ الطالب يخلص ثالث ثانوي ما يعرف يكتب جمله من سطرين والجامعه تطلب منه كتابة 250 كلمة في 20 دقيقه ...
حسنوا التعليم من الابتدائي عشان يطلع الطالب قوي في النهايه
طبعا انا اتكلم عن المدارس الحكوميه ماعندي خلفيه عن المستقله ونظامها الحالي
الحمدلله انا خلصت ثالث ثانوي بنسبة عاليه 94.1% وجبت في الانجليزي اذكر
150 من 150 لان لغتي قويه من البدايه ولله الحمد
وجبت الايلز من اول مره بس استغربت جدا من صعوبة الامتحان بالنسبه لمستوى التعليم في قطر
اقدر شعور اخواني اللي معلقين في الايلز سنه وسنتين بس اقولهم اللغه اهم من التخصص اذا
تخصصت وتخرجت وما عندك لغه ما بتحصل وظيفه
والله الموفق

[M O H A D]

ممكن رقم الاستاذ ؟

[شيط ويط]

بارك الله فيج .. لو تكرمتي بغيت الرقم .. صار لي من 2005 ابي اكمل الماستر وكل سنه اقول السنه اللي عقبها .. بسنا كسل .. هيا للعمل الى الامام الى الامام .. سوف ناخذ الماستر باذن الله

[الموضوعي]

مادري ماعلاقة الأيلز في التخصصات الأدبية ، وخاصة ان اللغة الأنجليزية تدريسها ضعيف واعتقد حتى الهيئة التدريسية في جامعة قطر ماراح يجتازونه بسهولة ، اكثر اهل قطر ودهم يكملون دراستهم الجامعية لكن بغباء ونحاسة يتم وضع عراقيل امامهم مثل الإيلز والتوفل وهي اشياء غير ضرورية إذا علمنا ان كوريا واليابان التدريس عندهم بلغتهم ، لكن في قطر في ناس عندها عقدة نفسيه وثقافة ضحلة وتعتقد أن اللغة الانجليزية هي خاتم سليمان اللي راح يحل جميع المشاكل وللآسف انهم لا يعلمون (اي القائمين على التعليم) أنهم هم سبب المشكلة بحكم ، فلنظر إلى السعودية والقفزة التي حققتها في مجال التعليم الجامعي سواء الداخلي أو الابتعاث الخارجي بدون ايلز او توفل ، لكن مشكلة الغبي انه مايدري انه غبي

[شمس]

(فلنظر إلى السعودية والقفزة التي حققتها في مجال التعليم الجامعي سواء الداخلي أو الابتعاث الخارجي بدون ايلز او توفل )

نتكبر على اهلنا وناخذ من بعيد مش من صالحنا والله

[بوعلي-Qtr]

الحمد لله جبت الايلز ٥.٥ من المره السادسه طبعا من الوناسه مارحت للمره السابعه ورقدت :>
الايلز مهاره ولغه حسب تجاربي .. لم تطورت فالانقليزي ودرست شوي جبته وطبعا كل ماتمارس الانقليزي بتتمكن من الامتحان اكثر لانه امتحان لغه فالنهايه
مب الكل محتاج دوره يدخلها على يجيبه لانك بمجرك ممارستك للانقليزيه ممكن تجيب ٥.٥ بكل سهوله
اللسننق لو تطقطق فيه تجيب ٥.٥ او ٦ ببساطه اعتقد .. ولو جبت كلام حلو وتلطفت مع المصحح ممكن يعطيك درجه حلوه ولو جبت له كلام مقنع كذلك يعطيك درجه حلوه
الرايتنق بالممارسه والكلمات
اللسنق بالسماع والاستماع
الريدنق بالحظ ههههههه
وشكرا

اسف على المداخله الاخرى
انا دخلت دوره عند مدرس يدرب مدرسين الايلز وعنده شهاده من كامبريدج وبرتش كانسل والريال فلته يابلفيت وشهادات لين يوم الشهادات
وماجبت الايلز .. مع ان الدوره خذتها بـ٤٠٠٠ ريال ولمده ٣٣ ساعه ..
صحيح ان كان في تقصير مني في حل الواجبات والى آخره لكن بعد ماكان يعرف يدرس .. انا ماقولها لاني ماجبت الايلز من وراه لكن فعلا دروسه كلها نواقص
لو احنا مانقوله شنو هذي وشنو هذاك مايقولنا اياه ولا يعلمنا
والريال مب مرتب في تدريسه .. يوم يعطينا تاسك ١ .. اليوم اللي بعده ينقز تاسك ٢ .. يرد ريدنق عقب يدخل شوي في تاسك ١
مشوش على نفسه ومشوشنا

نصيحه خذوا اللي تبونه من النت سواء نصايح او تكنيك
والباقي مافي ولا مدرس يقدر يفيدكم فيه الا مدرس لغه انقليزيه وليس مدرس الايلز
مدرس اللغه يفيدك لغويا اما مدرس الايلز يفيدك تكنيكيا فقط وليس لغويا
فاللي يحس انه ضعيف فاللغه ماراح يقدر يجيب الايلز بدون مايطور لغته الاساسيه بعدين يطور مهاراته فالايلز وبالتالي يجيب الايلز :)

[حليتان*]

سبــحان الله نفس الاستاذ اللي درسني
والحمدلله جبت الايلتس

بميزان حسناتج اختي
ومااا عليه كلام الاستاذ محمد .. نجحت انا و2 من الربع على يده
:strong

اذا جيه انا بعد ابي الرقم لا هنتو


باذن الله مخلص الثنويه عقب باجر :dance

[تحداني]

الحمد لله جبت الايلز ٥.٥ من المره السادسه طبعا من الوناسه مارحت للمره السابعه ورقدت :>


............................................

مدرس اللغه يفيدك لغويا اما مدرس الايلز يفيدك تكنيكيا فقط وليس لغويا
فاللي يحس انه ضعيف فاللغه ماراح يقدر يجيب الايلز بدون مايطور لغته الاساسيه بعدين يطور مهاراته فالايلز وبالتالي يجيب الايلز :)




كم مره عاد هذا الطالب الايلتز . . يقول لكم عدته 6 مرات .. وفي المره السابعه رقدت
هاذي لغه الاصرار والتحدي الي نتكلم عنها .. وهو عارف وغيره عارف ان لايمكن ان يخطو خطوه واحده في اي جامعه كانت دون الحصول على الايلتز ..

هل هي مشكله ؟؟ هو مطلب ضروري ..
هل لها فائده ؟؟ بغض النظر هي احد الشروط الاساسيه للإلتحاق بأجود انواع التخصصات
هل لها قيمه ؟؟ تفتح لك فرص كثيره من تخصصات مرغوبه .. الى قبول في جامعات عريقه
الى خيارات متعدده اما الدراسه في داخل قطر او الدراسه خارج قطر


كل هذه الامتيازات يحققها هذا الاختبار ..
في الشق الثاني من الرد .. بين العضو .. انها مهاره .. وبالفعل " هي مهاره وتكنيك معين " كلما اجدته كلما كانت عمليه رصد الدرجات بطريقه اسهل وابسط .. والناس مستصعبينه .. وهو في الحقيقه محتاج الى اساسيات لغه


................
مره ثانيه انقول المقارنه بيننا وبين الدول الاخرى مقارنه غير عادله
والرجوع للخلف بزمن الثمانينات ... السبعينات أعتبره جهل
لان الحياه بكل مجالاتها العلميه والعمليه .. تمضي للأمام وليس للوراء


يمكن كلامي وكلام صاحبه الموضوع .. وبعض المداخلات ما يجب من اصابهم الاحباط
او ما يعجب اي شخص الى الآن ما حصل على الايلتز
او ما يعجب اي شخص مولاقي بدائل كثيره


لكن عندما ينتقل الطالب من الحياه الدراسيه الى الحياه الوظيفيه راح يكتشف الكثير
راح يكتشف عشان تحصل على وظيفه امرتبه تحتاج يكون عندك شهاده امرتبه وتخصص امرتب ولغه تجاري هالعصر

عشان تلقون مناصب الي كل شاب عمره 23 سنه يتمنى المناصب اسرع من الشياب
هذا يحتاج الى جوده عاليه .. وان الشخص يفرض نفسه ابقوه

عشان تقدر تلتحق بمؤسسات عاليه الجوده
من قطاعات غاز الى بترول الى قطاعات ماليه استثماريه لازم تفرض نفسك باللغه
لانها الوسيله والمدخل الوحيد للتخصص العالي الجوده


" عندي مثل دائما ما اسمعه كل طالب مقبل على الحياه
اذا الصبي عندكم في البيت جاي من بيئه فقيره جاهله غير متعلمه .. واذا الخدامه .. واذا الطباخ .. تعلموا اللغه العربيه حتى لو كانت امكسره .. انت عيب ما تتعلم لغه انجليزيه حتى لو ما كانت ابطريقه صحيحه تُدرس في المراحل الاولى من الدراسه "


اللغه ممارسه .. تحدي .. اصرار .. ومافي شي في هالحياه براحه
انا ودي اعرف واحد عمره 20 ولا 18 شنو وظيفته .. غير انه يدرس .. ويصنع مستقبل يليق
بالضجه الي صايره في قطر من انفتاحها على العالم


الصين واليابان وايطاليا واسبانيا
بالرغم من فرض لغتهم في مدارسهم واحترامهم للغتهم .. الا ان اللغه الانجليزيه هي اللغه الثانيه .. ويشعر كل طالب عندهم بالخيبه والاحباط اذا ما تعلمها


اليابان والصين ما محتاجه يمكن تتعلم لغات ثانيه
لانها قاعده تصنع نفسها ابنفسها
استيرادها وتصديرها مع ذاتها

مب احنه الخليجين .. الي حتى الماي صرتوا تشربونه من افيان
لان ما عندنا ثقه في انتاجنا



جملكم الله برضاه

[شاعر المليون]

اخت تحداني

حلو الطالب ان جاب الايلتز في المرة السادسة ( انجاز ؟؟؟؟؟؟؟؟ )
الايلتز والتوفل فرض تو من اربع او خمس سنوات وليس من الثمنينات
وبخصوص الجامعات كثير ما تطلب هالشرط والله الغني عن بعثة
هيئة التعليم

معاك لازم ان الطالب يجتهد وبعيد التوفل ان شاء الله عشر مرات

ما فيه خلاف في هالنقاط

ولكن

لو كان مطالبة الطلاب بالتوفل/ الايلتز قبل الدخول بالجامعة جاء بعد تعليم ابتدائي / إعدادي / ثانوي/
كان في مستوى الطموح وبمناهج قوية وكلها بالللغة الإنجليزية من المرحلة الابتدائية في هذا الوقت
فقط بنقول مع هيئة التعليم العالي و جامعة قطر حق في فرض التوفل / الايلتز كشرط أساسي لدخول الجامعة .

أما في ظل الوضع الحالي فما نلوم الطالب وليس كل الطلاب نوابغ او عباقرة او دارسين بالخارج عشان نحدد لهم درجة معينة في التوفل إلم لم تحققها لا حق له بإكمال دراستك الجامعية .

حلو انك ذكرتي ان اليابان حاطه اللغة الإنجليزية لغة ثانية ،،،،، يعني مش أولى .

ليت هالجهات تعمل إحصائيات وتشوف نتائج وكوراث قرراتهم من 5 سنوات .

جميع دول العالم تتقدم و تتطور تعليميا ونحن نتراجع للخلف وبشكل كبير.

[تحداني]

[
quote=شاعر المليون;7311707]اخت تحداني


نعم يا اخوي

حلو الطالب ان جاب الايلتز في المرة السادسة ( انجاز ؟؟؟؟؟؟؟؟ )
الايلتز والتوفل فرض تو من اربع او خمس سنوات وليس من الثمنينات


نعم انجاز عظيم
ما استسلم للواقع وقال لا والله انا تعليمي كان تعبان .. مستواي في الابتدائي كان عادي
ما درسوني انجليزي عدل .. ما ما ما .. هو قال لازم اجيبه
الآن انت يا اخوي امام واقع .. هذا الواقع يقول لك يا " شاعر الميلون " اذا ودك تصير مليونير
وتحصل وظيفه حلوه .. وتدخل تخصص جميل لازم تشتغل على نفسك
عندك ضعف ؟؟ لنفترض نعم
عندك مشكله لغه ؟؟ لنفترض نعم

مستحيل تحلها ؟؟
لا ممكن تحلها

هل راح ينفع العناد بشي ؟؟ راح تكون الخساره الوحيده سنوات عمر تمضي دون شهاده جامعيه .. دون لغه تواكب العصر .. دون مناصب قياديه .. او مناصب عاليه في مؤسسات عالميه ويجيك واحد عمره 22 مدير عليك لانه متخرج هندسه .. من جامعه اجنبيه اوجامعه قطر .. وغرد لك انجليزي وامريح المدير في تنفيذ الاوامر

الان شنو استفدت ؟؟ ولا شي

لما ذكرت نقطه الثمانينات يا اخوي
ذكرتها لان في تلك السنوات كانت الدوله تعطي سنه لغه .. كانت تقول لابهاتنا واخوانه روحوا ادرسوا لغه .. لانها كانت تعي بأهميه اللغه .. عاد ليش بندوا الابتعاث للغه ؟؟ هذا مطلب الكل يتمناه ..


معاك لازم ان الطالب يجتهد وبعيد التوفل ان شاء الله عشر مرات

ما فيه خلاف في هالنقاط

ولكن

لو كان مطالبة الطلاب بالتوفل/ الايلتز قبل الدخول بالجامعة جاء بعد تعليم ابتدائي / إعدادي / ثانوي/
كان في مستوى الطموح وبمناهج قوية وكلها بالللغة الإنجليزية من المرحلة الابتدائية في هذا الوقت
فقط بنقول مع هيئة التعليم العالي و جامعة قطر حق في فرض التوفل / الايلتز كشرط أساسي لدخول الجامعة .



ليش ما عدلوا المناهج من جد وجديد ؟؟ راح ارجع واقول لك عندنا اعيال من الروضات المستقله يعطونهم انجليزي الين الصف السادس وهم خبر خير ولا يدرون شسالفه

يا اخوي اللغه ممارسه .. اللغه محتاج شخص يجتهد على نفسه
وتتوقع الي علموا اعيالنا انجليزي هي المدارس ؟؟ ترى هالمعلومه خاطئه .. الي علم الي تعلم انجليزي هو اجتهاد الشخص مع المدرسه .. هو سماعه للغه في اماكن ثانيه .. لايمكن طالب يتعلم لغه انجليزيه بإتقان خلال حصه واحده مدتها 45 دقيقه في اليوم

انا ما اشوف الخدامات راحوا مدارس عربيه عشان يتعلمون لغه عربيه امكسره
يسمعونه .. ويخربطون الين ما يتعلمون .. ومشكله اعيالنا ان حتى ما يحاولون يتكلمون حتى لو غلطوا .. يقولون " نستحي انخربط ويضحكون علينا " ما عندنا وقت انروح معهد " مع اوقات الدراسه " متفرغين انقضي الصيف في مراكز احنه نبي نفتك من الدراسه واتروحون اتسجلونه في معهد

يود .. هاذي مو مشكله مشتركه



حلو انك ذكرتي ان اليابان حاطه اللغة الإنجليزية لغة ثانية ،،،،، يعني مش أولى .



نعم هي لغه ثانيه .. لانهم مو محتاجين يتعلمون لغه ثانيه
اشيبون في اللغه الانجليزيه يا اخوك .. هم حتى الكواكب يحاولون يخترعونها
اشيبون في لغه ثانيه وامريكا تترجاهم عطونا طريقه اعداد مناهجكم .. عشان نصنع عباقره مثل ماهم موجودين في ابلادكم .. اشيبون يا اخوي في لغه ثانيه .. وهم ما محتاجين احد يساعدهم لا في استيراد لبس .. ولا ادوات صحيه .. ولا الكترونيات .. ولا اكل .. ولا طابوق
ولا حتى واير .. وقرطاس ..


لا وازيدك بعد من الشعر بيت طالما انت شاعر المليون :)
يقولون لنا اعيالنا في امريكا .. عليهم قدره عجيبه انهم يتعلمون اللغه .. ويتمكنون منها ابسهوله ويصرون انهم يتعلمونها .. واعيالنا الي يدرسون في امريكا وبالتحديد في ولايات مثل " اويجن .. وانديانا .. وسانديجو .. " يقدرون يشهدون بهذا الكلام
ليت هالجهات تعمل إحصائيات وتشوف نتائج وكوراث قرراتهم من 5 سنوات .

جميع دول العالم تتقدم و تتطور تعليميا ونحن نتراجع للخلف وبشكل كبير.[/quote]



هذا انت قلتها .. جميع دول العالم تتقدم .. لان عندها استثمار بشري عقلي تنموي راس مالي .. بنيه تحتيه .. لها فكر بعيد المدى .. تجاري العالم .. وتحاول ان تأخذ من كل دول العالم ما يفيد مصالحها

لكن للاسف الكثير من اعيالنا ما عنجه الا صرف الافلوس والراحه .. والسهر
ويبون كل شي بالساهل .. وودهم يلقمونهم حتى النجاح والدراسه

انا اطلب منك طلب
روح احضر يوم دراسي واحد في اي مدرسه اجنبيه
راح تشوف كيف شكل الدراسه
والاجانب يقولون لك شيئين ما استخسر فيه على نفسي وما اجاهد نفسي عليه
" دراستي وصحتي " لانهم استثمار حقيقي


تعبت وانا انصحكم وافتح لكم مليون باب
وانقل لكم الواقع
واقول لكم شوفوا ايش قاعد يصير في الدنيا

وانتوا بس اترددون نبي انكمل جامعه .. وحسبالكم ان الشهاده الجامعيه انجاز
ترى هو مو انجاز " لكن جوده التخصص ونوع التخصص .. ونوع الطالب الي راح يتخرج .. ومايحمل من مؤهلات هو الانجاز "


انا ما ادافع لا عن جامعه قطر .. ولا عن المجلس الاعلى .. ولا عن اي احد
انا هدفي الاول والاخير الطالب فقط .. عندي اخوان وعندي خوات وعندي من المشاكل التعليميه الي قاعده احاول اتخطاها هذا فقط لكي يكف المتهمون عن اتهامي الدائم خلف الكواليس للأسف

جملك الله برضاه

[شاعر المليون]

[
quote=شاعر المليون;7311707]اخت تحداني


نعم يا اخوي

حلو الطالب ان جاب الايلتز في المرة السادسة ( انجاز ؟؟؟؟؟؟؟؟ )
الايلتز والتوفل فرض تو من اربع او خمس سنوات وليس من الثمنينات


نعم انجاز عظيم
ما استسلم للواقع وقال لا والله انا تعليمي كان تعبان .. مستواي في الابتدائي كان عادي
ما درسوني انجليزي عدل .. ما ما ما .. هو قال لازم اجيبه
الآن انت يا اخوي امام واقع .. هذا الواقع يقول لك يا " شاعر الميلون " اذا ودك تصير مليونير
وتحصل وظيفه حلوه .. وتدخل تخصص جميل لازم تشتغل على نفسك
عندك ضعف ؟؟ لنفترض نعم
عندك مشكله لغه ؟؟ لنفترض نعم

مستحيل تحلها ؟؟
لا ممكن تحلها

هل راح ينفع العناد بشي ؟؟ راح تكون الخساره الوحيده سنوات عمر تمضي دون شهاده جامعيه .. دون لغه تواكب العصر .. دون مناصب قياديه .. او مناصب عاليه في مؤسسات عالميه ويجيك واحد عمره 22 مدير عليك لانه متخرج هندسه .. من جامعه اجنبيه اوجامعه قطر .. وغرد لك انجليزي وامريح المدير في تنفيذ الاوامر

الان شنو استفدت ؟؟ ولا شي

لما ذكرت نقطه الثمانينات يا اخوي
ذكرتها لان في تلك السنوات كانت الدوله تعطي سنه لغه .. كانت تقول لابهاتنا واخوانه روحوا ادرسوا لغه .. لانها كانت تعي بأهميه اللغه .. عاد ليش بندوا الابتعاث للغه ؟؟ هذا مطلب الكل يتمناه ..


معاك لازم ان الطالب يجتهد وبعيد التوفل ان شاء الله عشر مرات

ما فيه خلاف في هالنقاط

ولكن

لو كان مطالبة الطلاب بالتوفل/ الايلتز قبل الدخول بالجامعة جاء بعد تعليم ابتدائي / إعدادي / ثانوي/
كان في مستوى الطموح وبمناهج قوية وكلها بالللغة الإنجليزية من المرحلة الابتدائية في هذا الوقت
فقط بنقول مع هيئة التعليم العالي و جامعة قطر حق في فرض التوفل / الايلتز كشرط أساسي لدخول الجامعة .



ليش ما عدلوا المناهج من جد وجديد ؟؟ راح ارجع واقول لك عندنا اعيال من الروضات المستقله يعطونهم انجليزي الين الصف السادس وهم خبر خير ولا يدرون شسالفه

يا اخوي اللغه ممارسه .. اللغه محتاج شخص يجتهد على نفسه
وتتوقع الي علموا اعيالنا انجليزي هي المدارس ؟؟ ترى هالمعلومه خاطئه .. الي علم الي تعلم انجليزي هو اجتهاد الشخص مع المدرسه .. هو سماعه للغه في اماكن ثانيه .. لايمكن طالب يتعلم لغه انجليزيه بإتقان خلال حصه واحده مدتها 45 دقيقه في اليوم

انا ما اشوف الخدامات راحوا مدارس عربيه عشان يتعلمون لغه عربيه امكسره
يسمعونه .. ويخربطون الين ما يتعلمون .. ومشكله اعيالنا ان حتى ما يحاولون يتكلمون حتى لو غلطوا .. يقولون " نستحي انخربط ويضحكون علينا " ما عندنا وقت انروح معهد " مع اوقات الدراسه " متفرغين انقضي الصيف في مراكز احنه نبي نفتك من الدراسه واتروحون اتسجلونه في معهد

يود .. هاذي مو مشكله مشتركه



حلو انك ذكرتي ان اليابان حاطه اللغة الإنجليزية لغة ثانية ،،،،، يعني مش أولى .



نعم هي لغه ثانيه .. لانهم مو محتاجين يتعلمون لغه ثانيه
اشيبون في اللغه الانجليزيه يا اخوك .. هم حتى الكواكب يحاولون يخترعونها
اشيبون في لغه ثانيه وامريكا تترجاهم عطونا طريقه اعداد مناهجكم .. عشان نصنع عباقره مثل ماهم موجودين في ابلادكم .. اشيبون يا اخوي في لغه ثانيه .. وهم ما محتاجين احد يساعدهم لا في استيراد لبس .. ولا ادوات صحيه .. ولا الكترونيات .. ولا اكل .. ولا طابوق
ولا حتى واير .. وقرطاس ..


لا وازيدك بعد من الشعر بيت طالما انت شاعر المليون :)
يقولون لنا اعيالنا في امريكا .. عليهم قدره عجيبه انهم يتعلمون اللغه .. ويتمكنون منها ابسهوله ويصرون انهم يتعلمونها .. واعيالنا الي يدرسون في امريكا وبالتحديد في ولايات مثل " اويجن .. وانديانا .. وسانديجو .. " يقدرون يشهدون بهذا الكلام
ليت هالجهات تعمل إحصائيات وتشوف نتائج وكوراث قرراتهم من 5 سنوات .

جميع دول العالم تتقدم و تتطور تعليميا ونحن نتراجع للخلف وبشكل كبير.



هذا انت قلتها .. جميع دول العالم تتقدم .. لان عندها استثمار بشري عقلي تنموي راس مالي .. بنيه تحتيه .. لها فكر بعيد المدى .. تجاري العالم .. وتحاول ان تأخذ من كل دول العالم ما يفيد مصالحها

لكن للاسف الكثير من اعيالنا ما عنجه الا صرف الافلوس والراحه .. والسهر
ويبون كل شي بالساهل .. وودهم يلقمونهم حتى النجاح والدراسه

انا اطلب منك طلب
روح احضر يوم دراسي واحد في اي مدرسه اجنبيه
راح تشوف كيف شكل الدراسه
والاجانب يقولون لك شيئين ما استخسر فيه على نفسي وما اجاهد نفسي عليه
" دراستي وصحتي " لانهم استثمار حقيقي


تعبت وانا انصحكم وافتح لكم مليون باب
وانقل لكم الواقع
واقول لكم شوفوا ايش قاعد يصير في الدنيا

وانتوا بس اترددون نبي انكمل جامعه .. وحسبالكم ان الشهاده الجامعيه انجاز
ترى هو مو انجاز " لكن جوده التخصص ونوع التخصص .. ونوع الطالب الي راح يتخرج .. ومايحمل من مؤهلات هو الانجاز "


انا ما ادافع لا عن جامعه قطر .. ولا عن المجلس الاعلى .. ولا عن اي احد
انا هدفي الاول والاخير الطالب فقط .. عندي اخوان وعندي خوات وعندي من المشاكل التعليميه الي قاعده احاول اتخطاها هذا فقط لكي يكف المتهمون عن اتهامي الدائم خلف الكواليس للأسف

جملك الله برضاه [/QUOTE]

بقول شيء واحد بس



أنا اتناقش ما اتهم احد ولا يحق لي اتهام اي شخص بدون دليل

قبل 5 شهور قريت مكرمة الملك عبدالله لجميع الطلبة االسعوديين الدارسين بالخارج على نفقة وزارة التربية والتعليم السعودية بدون اي شروط واعرف العشرات كان يدرسون بجامعة قطر تم ضمهم.

سؤالي :
المكرمة الي فوق تمت لإحساس الدولة بالاصح القيادة بأهمية التعليم الجامعي وأنه حق لكل طالب .
لا توفل ولا ايلتز ولا قبول غير مشروط ولا لستة محددة .

للعلم عدد الطلاب السعوديين بالخارج باللاف


هيئة التعليم وجامعة قطرلا تريد اي طالب قطري يدخل الجامعة الا إذا كان بالعامية فلتة زمانه ليش ما يتم إعطاء الطلاب فرص وبعدين يتم فرض العقوبات والشروط

خاطري اشوف كل المسؤولين القطريين في جميع جهات الدولة قطريين مش ينقال عنه فائض

ولكن للاسف

مانقول و الا

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

[تحداني]

[/color]



هذا انت قلتها .. جميع دول العالم تتقدم .. لان عندها استثمار بشري عقلي تنموي راس مالي .. بنيه تحتيه .. لها فكر بعيد المدى .. تجاري العالم .. وتحاول ان تأخذ من كل دول العالم ما يفيد مصالحها

لكن للاسف الكثير من اعيالنا ما عنجه الا صرف الافلوس والراحه .. والسهر
ويبون كل شي بالساهل .. وودهم يلقمونهم حتى النجاح والدراسه

انا اطلب منك طلب
روح احضر يوم دراسي واحد في اي مدرسه اجنبيه
راح تشوف كيف شكل الدراسه
والاجانب يقولون لك شيئين ما استخسر فيه على نفسي وما اجاهد نفسي عليه
" دراستي وصحتي " لانهم استثمار حقيقي


تعبت وانا انصحكم وافتح لكم مليون باب
وانقل لكم الواقع
واقول لكم شوفوا ايش قاعد يصير في الدنيا

وانتوا بس اترددون نبي انكمل جامعه .. وحسبالكم ان الشهاده الجامعيه انجاز
ترى هو مو انجاز " لكن جوده التخصص ونوع التخصص .. ونوع الطالب الي راح يتخرج .. ومايحمل من مؤهلات هو الانجاز "


انا ما ادافع لا عن جامعه قطر .. ولا عن المجلس الاعلى .. ولا عن اي احد
انا هدفي الاول والاخير الطالب فقط .. عندي اخوان وعندي خوات وعندي من المشاكل التعليميه الي قاعده احاول اتخطاها هذا فقط لكي يكف المتهمون عن اتهامي الدائم خلف الكواليس للأسف

جملك الله برضاه [/size][/b][/center][/color]

بقول شيء واحد بس



أنا اتناقش ما اتهم احد ولا يحق لي اتهام اي شخص بدون دليل

قبل 5 شهور قريت مكرمة الملك عبدالله لجميع الطلبة االسعوديين الدارسين بالخارج على نفقة وزارة التربية والتعليم السعودية بدون اي شروط واعرف العشرات كان يدرسون بجامعة قطر تم ضمهم.

سؤالي :
المكرمة الي فوق تمت لإحساس الدولة بالاصح القيادة بأهمية التعليم الجامعي وأنه حق لكل طالب .
لا توفل ولا ايلتز ولا قبول غير مشروط ولا لستة محددة .

للعلم عدد الطلاب السعوديين بالخارج باللاف


هيئة التعليم وجامعة قطرلا تريد اي طالب قطري يدخل الجامعة الا إذا كان بالعامية فلتة زمانه ليش ما يتم إعطاء الطلاب فرص وبعدين يتم فرض العقوبات والشروط

خاطري اشوف كل المسؤولين القطريين في جميع جهات الدولة قطريين مش ينقال عنه فائض

ولكن للاسف

مانقول و الا

حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل[/quote]





ما اتهمتك يا اخوي .. وما كنت اوجه لك الكلام الله يرضى عليك
ويبدو ان ردي لم استطع ان اوصله لك بالطريقه التي ترضيك أنا آسفه


جملك الله برضاه

[المياااسه]

ممكن الرقم اختي وجزاك الله خير على النصائح ،،

[Sewar Qtr]

تحداني الزمن
الله يعطيج العافية ..
ماقصرتي اختي .. اثريتي الموضوع بتواجدج :)

[meeemz]

من الغباء والسفاهه انه اللي يدرسني عربي وانا عربيه وفي دوله عربيه ونكلم بعض انجليزي ونتراسل بالانجليزي
والتأسيسي مضيعه وقت يعني الحمدلله تخرجنا في 4 سنوات ولا احتجنا تاسيسي والحمدلله اشتغلنا والحياه حلوه وقرايبي درسوا موازي وتخرجوا وتوظفوا في احسن الاماكن واجتهدوا في عملهم والحين يصرفون على بيوت بلا توفل بلا تاسيسي ..الانجليزي ممكن تكون ماده مساعده في الجامعه بس مب كل المواد تكون فيها وامتحان التوفل امتحان تعجييييزي .. قدمته عشان الماستر وجبت اعلى من النتيجه لكن اقول تعجيزي لانه فيه ناس مستحيييل يعدونه ومب حاله الواحد كل دقيقه يقدم ويرسب ويقدم ويرسب ؟ في نظري الجامعه تضيع وقت العالم واخر شي تطردهم عقب ما ينكرفون وينظلمون ويموتون حر

[بوطويشم]

السلام عليكم

مادري ادعي لج بالتوفيق او انك تمرين بالمر الي مريناه

بالتوفيق

[Sewar Qtr]

من الغباء والسفاهه انه اللي يدرسني عربي وانا عربيه وفي دوله عربيه ونكلم بعض انجليزي ونتراسل بالانجليزي
والتأسيسي مضيعه وقت يعني الحمدلله تخرجنا في 4 سنوات ولا احتجنا تاسيسي والحمدلله اشتغلنا والحياه حلوه وقرايبي درسوا موازي وتخرجوا وتوظفوا في احسن الاماكن واجتهدوا في عملهم والحين يصرفون على بيوت بلا توفل بلا تاسيسي ..الانجليزي ممكن تكون ماده مساعده في الجامعه بس مب كل المواد تكون فيها وامتحان التوفل امتحان تعجييييزي .. قدمته عشان الماستر وجبت اعلى من النتيجه لكن اقول تعجيزي لانه فيه ناس مستحيييل يعدونه ومب حاله الواحد كل دقيقه يقدم ويرسب ويقدم ويرسب ؟ في نظري الجامعه تضيع وقت العالم واخر شي تطردهم عقب ما ينكرفون وينظلمون ويموتون حر

اوكي اختي وانا شالمطلوب مني ؟
احذف لج التاسيسي ؟

[Sewar Qtr]

السلام عليكم

مادري ادعي لج بالتوفيق او انك تمرين بالمر الي مريناه

بالتوفيق


براحتك تبي تدعي علي ولا لا ..
ما راح تغير من اللي كاتبه ربي لي شي

على العموم ممكن توضحلي اكثر ؟
هل عانيت من الايلز مثلا ؟ ام من التاسيسي ؟
قد استيطع المساعده او حتى النصح على قدر الامكان
تحياتي

[بوطويشم]

براحتك تبي تدعي علي ولا لا ..
ما راح تغير من اللي كاتبه ربي لي شي

على العموم ممكن توضحلي اكثر ؟
هل عانيت من الايلز مثلا ؟ ام من التاسيسي ؟
قد استيطع المساعده او حتى النصح على قدر الامكان
تحياتي

و النعم بالله

ادري اني ما اقدر اغير المكتوب

بس ياليت قبل ما تكتبين اي موضوع يكون لج موقف الي انظلم من هالنظام

انا متخرج من مدرسة خاصة لكن منهجها حكومي

و على ما اعتقد انتي عارفه شلون مناهجنا ذي شي

الشي الثاني الأجانب في الدول الغربية نفسهم مب كلهم يقدرون يجيبون التوفل و الأيلز

دخلت الجامعة و حاولت وما قدرت كنت بدرس برع لكن ما حبيت اكلف على أهلي

دام ان الدولة ما توفر بعثة لغة الا لفلان و علان

و المجلس الأعلى سكرها فوجهنا لا انتساب و لا جامعات عربية

الحين الحمدلله اشتغلت و لي نيه اكمل ان شاء الله

بس كيف ادرس و اشتغل غير بالأنتساب؟؟؟

عرفتي التجربة شلون ؟؟؟؟

لو كان نظام الجامعة يخيرج بين دراسة باللغة العربية او الأنجليزية

كان انا فسنة التخرج بشهادة البكالريوس

التأسيسي كان نوعاً ما جيد لكن اترك غيري يتكلم في هالموضوع

الحين انتي قولي لنا تجربت

خلينا نتعلم

[yellow]

يعطيج العافية اختي على هالطرح الجيد

ترى احنا لغتنا الانجليزية جيدة بس مشكلتنا في كم الكلمات اللي نعرفها ومثل هالاختبارات من وجهة نظري تحتاج كم كبير من الكلمات والمعاني غير ان احنا اصلاً استخدامنا قليل للغة الانجليزية والدراسة ليست بالمستوى المطلوب لاجتياز مثل هالاختبارات الا بعد( شد الحيل ) والمراجعة المكثفة ومافي شي صعب على اللي يبي .

جزاج الله خير والله لايهينج طرشيلي رقم الاستاذ للاحتياط ...:)

[ثابت]

https://lh5.googleusercontent.com/-zhwZV_xYIzg/TY4ReHkiNkI/AAAAAAAABUc/N3nt01C4Y-4/Untitled.jpg

هرمنا هرررررررررررررررمنا

[النابلسي]

من بعد إذن صاحبة الموضوع

احد الطرق علشان تساعدكم في التوفل والإيلز أنكم تشترون قصة بالإنجليزي و يكون معاها كاسيت راديو، فبتقرأ القصة و بتسمع بنفس الوقت و ممكن ايضا مشاهدة فليم اجنبي، ولكن بدل ما تكون الترجمة بالعربي تكون الترجمة بالإنجليزي. الطريقة الثانية بتفيد اكثر خصوصا إنو الافلام بيتكلموا اسرع و بيستخدموا بعض المصطلحات اللي ممكن تيجي في الامتحانات. و بتساعد كمان على إثراء اللغة.

و ماحدش ييأس، في كتير ناس كانوا بيحضروا للتوفل من ثاني ثنوي و كتير ناس عادوا التوفل اكتر من 3 مرات (شخصيا اعرف شخص عاد التوفل 6 مرات، حتى انه اضطر للسفر حتى يعمل الأمتحان خارج قطر علشان يلحق قبل اغلاق التسجيل) و عمل الإيلز.

و بالتوفيق للجميع

[intesar]

جامعة قطر بالحضيض
إلى الحضيض .. إلى الحضيض

[Q.p.R]

اختي شكلج توج يديدة في جامعة قطر وموضوعج ينصب في امتحان الايلتز مش في الجامعة نفسها

يمكن صحيح كلامج ان في تطورات كثيرة بالجامعة بس في ناس انكرفوا وانذلوا واخرتها انطردوا من الجامعة عشان شي ما يستاهل فما في مجال تقنعينهم ان جامعة قطر تغيرت لان خلاص خذينا فكرة ان هالجامعة هي جذي وعمرها ماراح تنعدل

امتحان الايلتز اتفق معاج انه سهل بس مب معناته ان اللي سهل علي وعليج هو سهل للجميع وبعدين لا تنسين انج عدتيه كذا مرة ومب الكل طموح لدرجة انه يعيد الامتحان عشر مرات في حياته عشان يدخل جامعة قطر....

لي تعليق على الموضوع لكن سأعلق على تعليق ورقه امل

اعرف شاب ضل سنتين يتنقل بين دول الخليج يقدم امتحان التوفل او الايلس

واصبح مصدر ضحك لاصحابه لفتره غير بسيطه

الان هو في آخر تيرم في جامعه قطر يدرس قانون و سيسير مكتب المحاماه لوالده المتوفي
واعرف غيره قدم 3 مرات و الان سيقدم للمره الرابعه
لا يوجد مستحيل اذا كان هناك هدف

قل لي ما عندنا طوال سنين مضت ونحن جالسين في روتين الحياه
هؤلاء غيروا واقعهم حتى لو على مدار سنتين و امتحان كل شهرين او ثلاثه

انتهى
------------------------------------

الان سأعلق على صاحبه الموضوع

اختي في امريكا وهي مصدر جامعاتها التي نفتخر بها
ي طالب حتى لو ثانويته ادبيه يستطيع دخول التحدي حتى لو في تخصص هندسه
لا حدود لاي طالب سوى عقله

كل جامعه لها امتحان قبول وليس توفل او الايلس
هذا الامتحان في نفس الجامعه يمكن تقديمه كل يوم او 3 مرات اسبوعيا وبالامكان اعادته عشرات المرات الى ان ينجح

نحن نضع التوفل و الايلس كمستوى لكنه هل فعلا بمستوى المواد المطروحه
ما اعرفه ان بعض المواد مثل ثيرمو داينمكس فيها مصطلحات لا يمكن للامتحانات ان تصلها
ولن يعرفها الطالب الا في الدراسه و التمرس في مواد قبلها

اعفي الطالب من التوفل و لنضع امتحان قبول من الجامعه نفسها
على الاقل لن ينتظر شهور و امتحان تلو الامتحان لمده سنتين كحال من ذكرت اعلاه

ثانيا

عندما نريد تطبيق مثل هذا الامتحان و تخريج جامعيين على الستوى الذي تشدق به الجامعه

من يكفل الوظيفه ؟

القطريات في كثير من الاماكن يطلب منهم التنازل عن الشهاده و العمل بالثانويه كحال من اتصل اخوها بوطني الحبيب و اعلن تنازل اخته عن الشهاه في مقابل فرصه عمل
و غيرهم كثير

القطريون يجدون جدار فولاذي في قطاع النفط و القطاعات الاخرى الممتلئه بالوافدين الا اللهم من كتب له التوظف وهم قله - ناهيك عن الحرب النفسيه في القطاع الخاص عموما

لا خيار للمواطنين الا جامعه قطر و المدينه التعليميه وهي بمبالغ فلكيه الا لمن عنه بعثه من شركه تطلب معدل تراكمي 2.5 مع ان الجامعه تطلب 2 فقط
و توقف بعثته اذا ضل اقل من 2.5 ولماذا - لان الشركات تريد جيد و لتعليم يقول انت ناجح حتى لو معدلك اقل
طيب انت حددتي مستوى قوي


في المقابل ترفضين الاعتراف بشهادات خارجيه مثل جامعه بيروت مع ان البناني يحمل نفس الشهاده و يوظف في نفس جهه عمل القطري الذي لم يعترف بشهادته وقل يكون مسؤولا عليه
فما هو احساسك عندما يكون خريج دفعتك في جامعه لبنان هو مسؤولك و بنفس شهادتك لغير معترف بها

تعالي الى قطاع الحكومه
تتخرجين بمعدل امتياز لتجلسي في وظيفه كاتبه او باحثه او مسمى سكرتيره حتى لو سينير و براتب 14 الف تقريبا
الا ان كنت محظوظه و زوجك يعمل في قطاع خاص لتحصلي على بدلات اعلى ليصل الراتب الى 17 الف

يعني الزوج حتى لو حامل للثانويه و انتي بنفس الشهاده فسيكون راتبك اعلى من الخريجه بمعدل امتياز بمستوى فرضته الجامعه وهو صعب للبعض و رضوا به مقابل صرف عمل و تليم افضل

صدمه بواقع اليم اليس كذلك

سؤال

هل نريد كل القطريين بمستوى عالي من التعليم ؟
الا توجد فرصه لمن عقله لا يستوعب هذا المستوى و يريد العيش ببساطه و عمل عادي
هل سنرفع مستوى موظف يختم على الاوراق فقط الى مصاف العباقره
ما الفائده اذا عندنا وظائف لا تتطلب خريجين

المشكله ان 70% من خريجي الانويه لا يجدون فرصه لتعدي متطلبات الجامعات وهذه احصائيه منقوله من مقال في جريده الوطن
رفعتي مستوى الجامعات و ضل معظم الطلاب خارج المنافسه و منعتي الاعتراف بجامعات خارجيه و حطمتي من اجتهد و تخرج من المعترف بها بعدم قبول توظيفه الا بالثانويه و رميتي شهادته الجامعيه في البحر

ان كنا سنضع مستوى معين للخريجين و القبول للجامعات فلابد من انهاء الطريق لهم في نهايته وظائف و امتيازات تعادل هذا المستوى

وليس تحويل للبند المركزي و التقاعد القسري ومنه خريجين جدد تحاملت عيهم جهات عملهم ولا منصف لهم

تعرفين اختي ان لي قريبه خريجه اعلام و ضلت 5 سنوات تقدم في كل مكان ولم تتوظف الا بواسطه تهز الجبال وللاسف مسمى باحثه ولكن في الصل طابعه بشريه للمراسلات و الكتب الرسميه

هذا هو المستوى عندنا و ليس مستوى الجامعه التي اجتهدت بها و بمعدل جيد جدا

اذا قلنا ان الاتحدي و الاجتهاد مطلوب فسأتفق معك
اما شروط الجامعه بان لا فر منها فهذا خطأ

الضغط الشعبي للتغيير سيقود الجامعات للتنازل وعلى الاقل تطبيق النظام الامريكي الذي جلبناه على انه مستوى عالي من التعليم لنعمل به بكامل ايجابياته
وهو تخصيص امتحان خاص بالجامعه و يعتبر الناجح به مقبول للتسجيل بها
وليس التوفل او الايلس الذي هو اساسا مجرد تجاره لمعاهد و منظمات تعليميه تجبي الاتاوه بتكليف 800 ريال على الاقل في كل مره

في قطر لا يوجد مكيال للتعليم
بمعنى
الخريج يتعب بوظيفه و حامل الثانويه الادبيه او اقل منها يحصل على امتيازات و راتب يفوق الخريج باضعاف في قطاعات لا يستطيع بعض الخريجين دخولها مثل النفط و الغاز اذا شهادته ليست هندسه او بزنس
وفي قطاع بروه و الديار حتى حامل الابتدائيه يحصل على 45 الف كراتب و الخريج يقال له لا يوجد شاغر
هذا هو حال التقييم عند المسؤولين وهم انفسهم من وضع المستوى العالي للتعليم

اسمحيلي اختي فلا ارغب في التشكيك بمستوى الجامعه لكن نعبر عن نظرتنا للتعليم العالي و ما يعانيه المجتمع من تخبط في بدايه التعليم وبعد التخرج


لا احث الشباب على رفض الواقع لكن اطالبه بغييره ليأخذ كل ذي حق حقه
المتعلم يثاب على تعليمه بنفس مستوى الصعوبات التي واجهها

[Sewar Qtr]

طبعا حبيت ابارك للجميع قرار جامعه قطر
الغاء النسب كشرط للالتحاق بالجامعه ..
دام ان الطالب استوفى شروط الالتحاق من ايلز وغيره

تحياتي لكم وتم ارسال رقم المدرس لكل من طلبه
وفقكم الله لما يحب ويرضى

[سحـابة خيـر]

هههههههههههههههههههههه
شر البليه مايضحك
يعني صدقني يعني

:weeping:

[مدرسة]

اختبار الايلز مو صعب

بس الناس في الانجلش مستويات و النسبة المطلوبة ( 5 ) ما تعتبر واقعية

ولد اختي جاب 4 ونص و راح يكمل دراسته في بريطانيا و هناك في الجامعات اللي سألأ فيها النسب المطلوبة هي 4 !!!!!

شمعنى ربعنا اللي شادين حيلهم مو من قوة جامعة قطر اكاديميا !!!

اما ..... هي طلعت مكدة حق ناس وااايد ( اصحاب المعاهد و المدرسين الخصوصين ) قام سوقهم على حس هالاختبارات

[ahmed203949]

لو سمحتي Sewar Qtr ممكن تعطيني رقم اللي درسلج الايلز

وشكرا

[شديد التوق]

عندي استفسار بيسط عن الايلز الي عنده اللغة مو ذاك الزود هل بالأمكان يعدي ويجيب 5 ونصف . ونبي نصيحتج بخصوص هذا الموضوع ,, ومشكوره على الموضوع الجميل

[العنود55]

السلام عليكم ورحمة الله وبركاته

جزاك الله كل خير اختي الكريمه وربي يكتبلك الأجر في مساعدة اخوانك ولكن اتفق مع بعض الردودد فنعم الايلز قضيه وجامعة قطر لااسميها مصيبه لكن من الظلم ان تكون جامعتنا الحكوميه الوحيده وتحط العراقيل امام الطلبه بداية التأسيسي بالله عليج شلون طور من مستواك !! وهو مستوى صف رابع وخامس ابتدائي في المدارس الاجنبيه ليش الجامعه مايكون لها امتحان قبول مثل ماذكر احد الاخوان بدل الايلز ؟ او حتى ليش مايكون الايلز شرط للتخرج بدل ماالواحد يضيع من عمره سنتين واهو يمتحن في الايلز اختي الفاضله عندي 2 من عيالنا من الطلاب المتفوقين في جميع مراحل الدراسه تخرجوا من الثانويه بنسبه كبيره بس الايلز وقف في طريقهم تدرين كم مره امتحنوا؟ 8 مرات والتسجيل للامتحان القادم مستمر لعل وعسى انهم يجبيون الدرجة المطلوبه تعرفين انه امتحان الايلز حطم نفسيتهم وربي اخر مره خنقتني العبره حسيت بغصة بنتنا لما تكونين طول عمرج متفوقه وعلى فكره وحده خذت سنه تأسيسي بالاضافه الى متطلبات عامه وجابت في المادتين a وماخذه شهادتين تقدير فهالمادتين يعني حرام سنتين ضاعوا من عمرها والسبب الايلز حتى لما افتحوا باب التحويل تنفسوا الصعداء مثل مايقولون وتأملوا انهم يقبلونهم في تخصص دعوه واعلام وبعد شهرين من الانتظار جات نتيجة عدم قبولهم بالله عليج لوكنتي في مكانهم بأمانه ماراح تقولين الايلز قضيه وجامعة قطر مصيبه؟ وخبر قبول اي نسبه ماهو مفرح لنا لانه كثير من الطلبه شادين حيلهم ونسبهم عاليه لو يبون صج يفرحونا يلغون الايلز المر .

[جونسون]

اختي انتي شفتي موضوع جامعة قطر على انه ايلز و توفل

بالتوفيق انشالله

وترا مصيبة جامعة قطر مب في الايلز والتوفل

والله لو اتكلم ما اخلص

انا جايب التوفل وداخل الجامعه

اقسم بالله انها جامعة تحطيم

بالتوفيق انشالله

وارجع اقول مب موضوع ايلز وتوفل

[£عبدالعزيز£]

وبالنهايه .. كل التخصصات مطلوب منها ( 5 ) بالايلز الا الهندسه خمسه ونص
يعني كل طالب او طالبه ينوون الالتحاق بالاداره والاقتصاد او الاداب والعلوم ممكن يجيبون ( 5) بس ويكملون اللفلات اللي تبقت لهم بعد ما تطلع درجة امتحان الاكيوبليسر ( تحديد المستوى )

اول مرة اسمع انهم يبون 5 في الايلز في جميع التخصصات غير الهندسة

قلت يمكن انا معلوماتي غلط والمفروض انج فاهمة اكثر مني لانج طالبة فالجامعة

بس للاسف طلعت معلوماتج غلط

تفضلي هاي موقع كلية الادارة والاقتصاد ومكتوب فيه ان درجة الايلز المطلوبة هي 5.5

http://www.qu.edu.qa/business/undergraduate_programs/index.php


..




و لنبدأ بامتحان الايلز هو امتحان تحديد مستوى مادري ليش الكل ضخم هالامتحان
وسوا منه الحلم الذي لن يتحقق ! .. مع ان الاف الطلبة والطالبات يدرسون
بالجامعه وجايبينه من زمان .. وكلهم طلاب وطالبات مدارس حكومية ومستقلة
يعني ما اعتقد انهم نازلين من القمر او دارسين في فلوريدا !
وللي ما عنده فكره عن الامتحان اصلا
الامتحان يتجزأ لاربع اقسام
لسننغ ( يتكون من 4 اقسام .. يبدأ بالقسم السهل .. تتدرج صعوبته من القسم الاول للرابع )
ويمكن التدريب عليه من خلال حل امتحانات سابقه والاستماع الى موقع البي بي سي باستمرار
ريدنغ ( بكل تأكيد اصعب الاقسام لكن الطلاب المطلوب منهم الالتحاق بالجامعه مب مطلوب منهم 9 لذلك ممكن التغلب على هالقسم بالممارسه ومعرفة بعض التكنيك )
الرايتنغ ( اسهل الاقسام لان المواضيع مضمونها واحد في كل الامتحانات ولا يتغير سوا العنوان .. اي ان الموضوع الاور هو " تشارت " .. واللي يتغير هو شكل الرسمه فقط .. لكن المضمون واحد والمفردات التي يجب ان تحفظ واحده )
والموضوع الثاني هو موضوع " جدلي " او نقاشي ان صح التعبير
يكون فيه اراء مختلفه .. بالاضافه الى رأيك طبعا وينتهي بخاتمه .. وممكن لكل طالب ان يحفظ نمط معين وعبارات معينه يمكن استخدامها في جميع المواضيع " بتصرف " .. لضمان اكبر درجة في هذا القسم !
وعندكم هالموقع http://www.ielts-exam.net/ بكل تأكيد راح يفيد بالتدريب لانه يحتوي على عشرات
المواضيع للتدريب قبل الامتحان ..
الجزء الاخير هو السبيكنغ .. بشكل رئيسي يعتمد على عدد المفرادات والاريحيه و الثقه بالنفس اثناء الامتحان
لان فتره المحادثه لا تستسغرق اكثر من 10 دقايق .. ولها نمط معين يمكن التدريب عليه من خلال استاذ الايلز ..


يعني مثلا اللي مقدم الامتحان اكثر من 10 مرات ما يعرف نمط الامتحان ولا جاب مدرس

ولا دخل دورة وووووالخ ؟

هاي امتحان لغة .. واللي لغته تعبانة ما راح يجيبه

وحتى لو جابه بالحظ او بالخبرة ما بيمشي فالجامعة لان لغته تعبانة

فأساس المشكلة في اللغة مب في درجة الايلز المطلوبة



وكلنا نشوف شلون شبابنا ( اغلبهم)
مكتفي بشهادة الثانويه وكأنها شهادة ماستراو دكتوراه
مع انها لاتسمن ولا تغني من جوع .. وليست شهاده تعليم العالي ابدا
وبكل صراحة شئ مستفز ان عدد القوى العاملة في قطر من القطريين لا تتجاوز ال10% بكل القطاعات
:wizard:


لما واحد طول عمره يدرس بالعربي

ولما يخلص الثنوية ينصدم انه مافيه ولا جامعة عربية يقدر يدرس فيها

وحتى لو حب يدرس في مصر او الاردن او الامارات او غيرها من الدول العربية

لازم يروح على حسابه .. طبعا بيكره شي اسمه دراسة !!




ماراح اطول اكثر
انا الحمدلله خلصت التاسيسي بالجامعه اللي الكل متصعب منه وكأنه تعجيزي
والشي الطبيعي انه ما ياخذ اكثر من سنه تاسيسيه واحده ..
( ماث ون وتو + كمبيوتر ون وتو )
سنه بالتمام والكمال
بالاضافه للايلز اللي بالراحه كل طالب شد حيله ممكن يجيبه خلال هالسنه

اختي محد قال ان التاسيسي تعجيزي

مواد الكمبيوتر عن المايكروسوفت اوفيس والماث يعني يمكن يترقع

المشكلة انه حتى لو الطالب خلص الفاونديشن ونجح في مواد اللغة بعد مطلوب منه

يجيب الايلز وبعد وايد طلاب ما يجيبونه بالرغم من نجاحهم في مواد اللغة

وهالشي ان دل فهو يدل على وجود خلل في تدريس اللغة في التاسيسي

في بريطانيا لو الطالب ينجح فالفاونديشن خلاص على طول يدش الجامعة




يعني مافيها شي دراسه سنه قبل التخصص .. لانها مفيده بكل امانه وفادتني كثيررر ( مع اني كنت مستاءه بالبدايه ) .. لكني اعترف اني تطورت وايد

وانك تدرس " سنه " قبل التخصص ولا انك ما تتخصص طول عمرك واتم بالبيت على شهاده ثانويه

في ناس درسوا سنتين تاسيسي مب سنة .. والحين قيدهم متجمد ومب عارفين شيسوون

اختي ترى تختلف امكانيات الطلاب ومب كل الطلاب بنفس المستوى

اذا انتي الحمدلله مشت امورج ترى في ناس متضررين من هالنظام



ولقول الرسول صلى الله عليه وسلم " خيركم للناس انفعه للناس " .. ما حبيت الا اني افيدكم ع الاقل


صدق رسول الله صلى الله عليه وسلم

والله يوفقج ويوفق الجميع

لكن الموضوع اكبر بوايد مما تتصورينه

لكن دايما الواحد لازم يحاول .. ومب على طول يقدم الايلز

لازم فالبداية يقوي لغته وعقب يقدم الايلز

والله يوفق الجميع

..

وردي ما اقصد فيه اني اعذر الجميع

في ناس اكيد خذوا سالفة الايلز حجة لانهم ما يكملون دراستهم

بس بعد في ناس تعبوا وحاولوا وتضرروا من هالسالفة !!

[Sewar Qtr]

اخـوي عبدالعزيز معلومتي مب غلط .. انت اللي ماعندك خلفيه مع احترامي لك
مسموح لجميع الطلاب دراسه التخصص اذا انهوا " لفلات " الانقلش بعد وضعهم باللفل المناسب استنادا على درجه امتحان الاكيوبليسر
مع درجه " 5 " بالايــلز فقط
لجميع التخصصات عدا الهندسة
كلامي جدا واضح والقانون تم استحداثه قبل سنة تماما :)
تحياتي

[Sewar Qtr]

السلام عليكم ورحمة الله وبركاته

جزاك الله كل خير اختي الكريمه وربي يكتبلك الأجر في مساعدة اخوانك ولكن اتفق مع بعض الردودد فنعم الايلز قضيه وجامعة قطر لااسميها مصيبه لكن من الظلم ان تكون جامعتنا الحكوميه الوحيده وتحط العراقيل امام الطلبه بداية التأسيسي بالله عليج شلون طور من مستواك !! وهو مستوى صف رابع وخامس ابتدائي في المدارس الاجنبيه ليش الجامعه مايكون لها امتحان قبول مثل ماذكر احد الاخوان بدل الايلز ؟ او حتى ليش مايكون الايلز شرط للتخرج بدل ماالواحد يضيع من عمره سنتين واهو يمتحن في الايلز اختي الفاضله عندي 2 من عيالنا من الطلاب المتفوقين في جميع مراحل الدراسه تخرجوا من الثانويه بنسبه كبيره بس الايلز وقف في طريقهم تدرين كم مره امتحنوا؟ 8 مرات والتسجيل للامتحان القادم مستمر لعل وعسى انهم يجبيون الدرجة المطلوبه تعرفين انه امتحان الايلز حطم نفسيتهم وربي اخر مره خنقتني العبره حسيت بغصة بنتنا لما تكونين طول عمرج متفوقه وعلى فكره وحده خذت سنه تأسيسي بالاضافه الى متطلبات عامه وجابت في المادتين a وماخذه شهادتين تقدير فهالمادتين يعني حرام سنتين ضاعوا من عمرها والسبب الايلز حتى لما افتحوا باب التحويل تنفسوا الصعداء مثل مايقولون وتأملوا انهم يقبلونهم في تخصص دعوه واعلام وبعد شهرين من الانتظار جات نتيجة عدم قبولهم بالله عليج لوكنتي في مكانهم بأمانه ماراح تقولين الايلز قضيه وجامعة قطر مصيبه؟ وخبر قبول اي نسبه ماهو مفرح لنا لانه كثير من الطلبه شادين حيلهم ونسبهم عاليه لو يبون صج يفرحونا يلغون الايلز المر .


اتفق معاج اختي لكن شنسوي .. عقبات انحطت
ولازم نتغلب عليها
الله يوفقهم وينجحهم
( ان الله لا يضيع اجر من احسن عملا )
الله يفرحهم وباذن الله تعبهم ما بيروح

[Sewar Qtr]

عندي استفسار بيسط عن الايلز الي عنده اللغة مو ذاك الزود هل بالأمكان يعدي ويجيب 5 ونصف . ونبي نصيحتج بخصوص هذا الموضوع ,, ومشكوره على الموضوع الجميل


اخوي اذا الواحد حاس ان مستواه دون درجة الايلز المطلوبة بمراحل
من الممكن الالتحاق بدوراث مكثفه للغة او السفر للخارج لتعلم اللغة وممارستها
وهذه الطريقة الافضل .. على اي حال كل مشكلة ولها حل اخوي
يوجد الكثير من المواقع التي من الممكن الاستفاده منها .. او دراسة اللغه عند
مدرس على سبيل المثال لتاسيسك من البدايه الى ان تشعر بان مستواك يسمح لك
باختبار الايلز .. والمجهود الاكبر يقع على عاتقك بكل تأكيد
الله يوفقك

[شوق الوجبة]

جزاك الله كل خير على المعلومات المفيدة وفي ميزان حسناتج ان شاء الله
ممكن رقم الاستاذ إذا تكرمتي

[أبو يووسف]

كلام غير صحيح ، والواقع يشهد بذلك
أنا بالنسبة لي خلصت ثالث ثانوي سنة 2007 وكانت نسبتي 92 ولكن للأسف فشلت في التأسيسي فاضررت إلى الدراسة بأحد الجامعات في السعودية والحمدلله بقي لي سنة على التخرج
وأغلب الذين أعرفهم خرجو من الجامعة المسماة بجامعة القهر

[احلى دنياااا]

اي الشيخة قضية ومأساة ومصيبة والدليل نتلفت حولنا نلاقي اغلب البنات ينطردون ومانقدر ننكر في اخطاء الحمد الله بس تخرجنا وافتكينا ولا تدافعين عن شي الاغلبية عانت وبتعاني منه

[butterfly qatar]

عليكم السلام ورحمة الله وبركاته

آختي العزيزه
اذا انتي تقولين آن التوفل والآيلس مب عرقله للطالب
آوووكي في هالشي ممكن اوافقج الراي واقول فعلاً
الطالب لازم يشد حيله ويقدم آيلس بالكثير 3 مرااات
او 10 مراااات عشان بس يجيب الآيلس
خلينا من هالموضوع
كل يوم منزلين قرار جديد
الطالب لو صادته ظروف في الفونديشن
المدرس مايرحمه ,,؟
هالشي عن تجربه
قدمت ماث 3
3 مرات
وكل مره تقريبا يصيدني ظرف صحي
واجيب لهم العذر ومايدخلوني الآمتحان
الحين انا لو تخصصت لازم اقدم امتحان الاي سي تي بس عشان آكمل
هل تشوفين هالشي منصف ..!
وكل مارحت مكان وسآلت قالوا كلامج مع الآستاذ الي يدرسج
انا الحين خلصت تآسيسي وتجمد قيدي وقاعده فالبيت ..!
وماخلصت الماااث ..؟
والله انه الايلس يهوووون عن السوالف الي تصير فالجامعه
ونسيت اقول بعد انا ترى كنت مقدمه على تخصص ثاني
قالوا لي اكتفااااااء مع ان نسبتي 85
يعني انا مااشوفها وايد داقه
حطوني تخصص على كيفهم الي هو علوم بيئيه
يعني جبروني آدرس ماث3 و 4

خليها على الله بس
جامعه وطنيه ويكفي انها تحمل آسم قطر المفروض تسهل ع الطلاب مب تصعب عليهم وتقعدهم فالبيت

[انتثر لك عطر]

ممكن ترسلين لي رقم المدرس على الخاص

[£عبدالعزيز£]

اخـوي عبدالعزيز معلومتي مب غلط .. انت اللي ماعندك خلفيه مع احترامي لك
مسموح لجميع الطلاب دراسه التخصص اذا انهوا " لفلات " الانقلش بعد وضعهم باللفل المناسب استنادا على درجه امتحان الاكيوبليسر
مع درجه " 5 " بالايــلز فقط
لجميع التخصصات عدا الهندسة
كلامي جدا واضح والقانون تم استحداثه قبل سنة تماما :)
تحياتي

فعلا انا ماعندي معلومات كبيرة بخصوص تاسيسي جامعة قطر والمفروض

انج انتي فاهمة اكثر مني فهالسوالف نفس ما ذكرت في ردي السابق

لاني كنت فاهم كلامج على اساس ان الطالب يجيب 5 ويدش التخصص على طول

فانا اعتذر منج على هالنقطة .. لكن اختي انتي ما علقتي الا على هالجزء من ردي

وهديتي الباقي .. عموما بما انه احنا تكلمنا عن هالقانون

اعتقد ان جيلي عانى من هالمشكلة لانه نفس ما انتي تقولين القانون

طبقوه العام .. انا مخلص ثانوية من 2008 .. يعني الطلاب اللي في دفعتي

وحتى الدفعات اللي قبلي واللي عقبي بكم سنة بعد نفس الشي ما استفادوا من القانون

يعني مثلا واحد تجمد قيده فالجامعة وعقب يبشرونه انهم طلعوا قانون جديد شيسوي ؟

واصلا القانون اصعب من ان الواحد يجيب 5 ونص فالايلز

عدد كبير من اللي يخلصون الثانوية من المدارس الحكومية لغتهم الانجليزية ضعيفة جدا

فاذا بيقدمون امتحان تحديد المستوى بيحطهم في لفل 1 .. بما معناه انه لو الطالب رسب مرة وحدة بس

في اي لفل لغة سواء كان لفل 1 او 2 او 3 او 4 بيتجمد قيده بدون ما يخلص لفل 4

لان التاسيسي عبارة عن سنتين فقط وانتي طبعا عارفة هالشي

والرسوب شي متوقع لان الطالب لغته تعبانة

فهال5 اللي جايبها فالايلز مامنها فايدة في هالحالة

[Sewar Qtr]

فعلا انا ماعندي معلومات كبيرة بخصوص تاسيسي جامعة قطر والمفروض

انج انتي فاهمة اكثر مني فهالسوالف نفس ما ذكرت في ردي السابق

لاني كنت فاهم كلامج على اساس ان الطالب يجيب 5 ويدش التخصص على طول

فانا اعتذر منج على هالنقطة .. لكن اختي انتي ما علقتي الا على هالجزء من ردي

وهديتي الباقي .. عموما بما انه احنا تكلمنا عن هالقانون

اعتقد ان جيلي عانى من هالمشكلة لانه نفس ما انتي تقولين القانون

طبقوه العام .. انا مخلص ثانوية من 2008 .. يعني الطلاب اللي في دفعتي

وحتى الدفعات اللي قبلي واللي عقبي بكم سنة بعد نفس الشي ما استفادوا من القانون

يعني مثلا واحد تجمد قيده فالجامعة وعقب يبشرونه انهم طلعوا قانون جديد شيسوي ؟

واصلا القانون اصعب من ان الواحد يجيب 5 ونص فالايلز

عدد كبير من اللي يخلصون الثانوية من المدارس الحكومية لغتهم الانجليزية ضعيفة جدا

فاذا بيقدمون امتحان تحديد المستوى بيحطهم في لفل 1 .. بما معناه انه لو الطالب رسب مرة وحدة بس

في اي لفل لغة سواء كان لفل 1 او 2 او 3 او 4 بيتجمد قيده بدون ما يخلص لفل 4

لان التاسيسي عبارة عن سنتين فقط وانتي طبعا عارفة هالشي

والرسوب شي متوقع لان الطالب لغته تعبانة

فهال5 اللي جايبها فالايلز مامنها فايدة في هالحالة

حياك الله اخوي ومافي داعي للاعتذار
بالنسبه ل " لفلات " التاسيسي
اربع ليفلات .. اللي مستواه ضعيف بيجيب لفل 2
نااادر ما تحصل طلاب جايبين لفل 1 .. صعبه اخوي :secret:

يعني حتى لو لااسمح الله الطالب جاب لفل 1
بيدرس 4 سمسترات .. يعني السنتين بالكااامل ..
وهذا امر استثنائي اخوي .. معظم الطلبه خريجين المستقلات والمدارس الحكوميه
غالبا ما تجدهم في اللفل 2 و 3 ..


تحياتي لك

[Sewar Qtr]

عليكم السلام ورحمة الله وبركاته

آختي العزيزه
اذا انتي تقولين آن التوفل والآيلس مب عرقله للطالب
آوووكي في هالشي ممكن اوافقج الراي واقول فعلاً
الطالب لازم يشد حيله ويقدم آيلس بالكثير 3 مرااات
او 10 مراااات عشان بس يجيب الآيلس
خلينا من هالموضوع
كل يوم منزلين قرار جديد
الطالب لو صادته ظروف في الفونديشن
المدرس مايرحمه ,,؟
هالشي عن تجربه
قدمت ماث 3
3 مرات
وكل مره تقريبا يصيدني ظرف صحي
واجيب لهم العذر ومايدخلوني الآمتحان
الحين انا لو تخصصت لازم اقدم امتحان الاي سي تي بس عشان آكمل
هل تشوفين هالشي منصف ..!
وكل مارحت مكان وسآلت قالوا كلامج مع الآستاذ الي يدرسج
انا الحين خلصت تآسيسي وتجمد قيدي وقاعده فالبيت ..!
وماخلصت الماااث ..؟
والله انه الايلس يهوووون عن السوالف الي تصير فالجامعه
ونسيت اقول بعد انا ترى كنت مقدمه على تخصص ثاني
قالوا لي اكتفااااااء مع ان نسبتي 85
يعني انا مااشوفها وايد داقه
حطوني تخصص على كيفهم الي هو علوم بيئيه
يعني جبروني آدرس ماث3 و 4

خليها على الله بس
جامعه وطنيه ويكفي انها تحمل آسم قطر المفروض تسهل ع الطلاب مب تصعب عليهم وتقعدهم فالبيت

اختي مساله التغيب عن 3 امتحانات فاينل بظرف صحي امر استثنائي !
يعني لو كنتي بمدرسه وبامتحان فاينل ما بيعيدون لج الاختبار شلون جامعه
مع اعتقادي انج لو مقدمه العذر الطبي قبل بوقت من الاختبار وكانت الادراه على علم
راح يتم اعاده الامتحان لج ..

[الوان]

عزيزتي ممكن اتفيديني
الحين اللي مخلص ثانوية و حاب ايقدم في الجامعة ايش يسوي اهم شي ؟
و اللي حاب كلية الهندسة ... عندج فكرة عن الدراسة فيها اشلون ؟

[Sewar Qtr]

عزيزتي ممكن اتفيديني
الحين اللي مخلص ثانوية و حاب ايقدم في الجامعة ايش يسوي اهم شي ؟
و اللي حاب كلية الهندسة ... عندج فكرة عن الدراسة فيها اشلون ؟


كم نسبتج اختي اهم شي ؟

[ms-qtr]

الايلز وايد سهل و إلي ما ييبه معناته إن مستواه في الإنجليزي ضعيف ولازم يدخل تأسيسي وهذا منطقي

أنا الحمد لله من أول مرة جبت 6 و أغلب إلي أعرفهم عدوه من أول مرة إلا إلي مستواهم وايد ضعيف

[لاجل QT]

مشكور حبوبة على المعلومات
وبالتوفيق

[وديمة]

ولاتهونين ممكن رقم الاستاذ على الخاص وجزاك الله خير

[بيبيب]

جزاج الله الف خير

كل كلامج عين الصواب

[تحداني]

عزيزتي ممكن اتفيديني
الحين اللي مخلص ثانوية و حاب ايقدم في الجامعة ايش يسوي اهم شي ؟

ممكن اجاوب بالنيابه عن اختنا الفاضله
اهم خطوه واولها ولازم الطالب يركز عليها .. هي الاختبارات العالميه
مثل السات .. الاي اس 3 " حق الكمبيوتر " .. التوفل او الايلز
وبدونها سيدخل الطالب السنوات التحضيريه .. مافي مانع ان يدخل هالسنوات التحضيريه
بس ابنفس الوقت لازم يعرف اشلون يقوي نفسه ويعدي هالسنه قبل لا يقيدون قيده
لازم يتعرف على تقسيم المواد في الجامعه
هناك متطلبات كليه
منطلبات تخصص
مواد اختياريه

لازم يعرف كم ساعه للتخرج
ما معنى الساعات
ما معنى المعدل
كيف يرتفع
وكيف ينزل
و اللي حاب كلية الهندسة ... عندج فكرة عن الدراسة فيها اشلون ؟


كليه الهندسه وايد حلوه
وعندي في البيت الحمد لله كلهم هندسه ما شاء الله
عسى الله يهنيهم ابتخصصاتهم

يختلف نوع الهندسه ابتفريعاته
هناك مدنيه
ميكانيكيه
كهربائيه
مدنيه
صناعيه

عموما الدراسه مو وايد صعبه
وما اشوف انهم يواجهون صعوبه
وامورهم الحمد لله طيبه


جملك الله برضاه

[الوان]

كليه الهندسه وايد حلوه
وعندي في البيت الحمد لله كلهم هندسه ما شاء الله
عسى الله يهنيهم ابتخصصاتهم

يختلف نوع الهندسه ابتفريعاته
هناك مدنيه
ميكانيكيه
كهربائيه
مدنيه
صناعيه

عموما الدراسه مو وايد صعبه
وما اشوف انهم يواجهون صعوبه
وامورهم الحمد لله طيبه


جملك الله برضاه

مشكور وايد .. ريحتني بهالأجابة ..
زين .. انا ولدي كان تخصص ألات دقيقة في المدرسة التقنية .. هل بيلقى هالتخصص في جامعة قطر ؟
و بالنسبة لأختبارات الكمبيوتر و السات .. وين يقدر ايقدمهم ؟
و هل بيلحق لآن آخر موعد للتسجيل في الجامعة يوم 7/ 7 ؟؟

معليش بس انا محتارة ... و ولدي و ابوه حابين انه يسافر بره يدرس .. و انا ما ابيه يروح توه مكمل 17 ..

[ام السعف]

عني اشوف احنا في دولة عربية لغتها الرسمية هي اللغة العربية

المفروض ما يكون هناك شي اسمه جامعة قطر للي عنده توفل وايلدز
تيركون الطلاب يختارون وين يبون يدرسون مع توفير وظائف في سوق
العمل لمخرجات كل الجامعات في قطر ،،

اما الزام التعليم في قطر والمتخرجين انهم يدرسون ويكملون الجامعة
باللغة الإنجليزية هذا هو المرفوض ،، وخاصة ان الشيء هذا سبب
في عرقلة كثيرين من ابناء الوطن اكمال حقهم في انهاء تعليمهم الجامعي
في دولة يقال انها دولة عربية ولغتها الرسمية هي العربية :(

فمن جذيه مب قايلة يا طلاب لا اتشدون على نفوسكم شدوا على نفوسكم
واجتهدوا وحاولوا كثر ما تقدرون اتحققون المطلوب منكم ،،

بس بالفعل الايلدز والتوفل مشكلة للي مب قادر انه اييبها :(
واللي يايبها لا يقلل من صعوبة هالشي للآخرين :(

[£عبدالعزيز£]

حياك الله اخوي ومافي داعي للاعتذار
بالنسبه ل " لفلات " التاسيسي
اربع ليفلات .. اللي مستواه ضعيف بيجيب لفل 2
نااادر ما تحصل طلاب جايبين لفل 1 .. صعبه اخوي :secret:

يعني حتى لو لااسمح الله الطالب جاب لفل 1
بيدرس 4 سمسترات .. يعني السنتين بالكااامل ..
وهذا امر استثنائي اخوي .. معظم الطلبه خريجين المستقلات والمدارس الحكوميه
غالبا ما تجدهم في اللفل 2 و 3 ..


تحياتي لك

اختي من قالج امر استثنائي

يمكن الطالبات اللي احتكيتي فيهم اغلبهم عندهم لغة ولو بسيطة

واللي تنحط في لفل 2 بالنسبة لكم مستواها ضعيف

بس ترى طلاب المدارس الحكومية تبهدلوا واكيد في منهم فالمنتدى

انا اتكلم عن تجارب اشخاص اعرفهم ودخلوهم لفل 1

ترى اغلب طلاب المدارس الحكومية في امتحان الانجليزي فالثنوية

يحفظون قطع الانشاء وبس كوبي بيست

يعني لهالدرجة اللغة ضعيفة



يعني حتى لو لااسمح الله الطالب جاب لفل 1
بيدرس 4 سمسترات .. يعني السنتين بالكااامل ..

اللي يطيح في لفل 1 .. احتمال كبير يسقط في احد اللفلات

وهالشي معناه ان قيده بيتجمد قبل ما يوصل حتى حق لفل 4

يعني هالقانون انا اشوفه غريب الصراحة

[م. عبدالعزيز]

مووضوع رائع واتفق وياج 100%

ان شاء الله يكون حافز للطلاب لاكمال دراستهم الجامعيه
بالتوفيق لجميع الطلاب ،،

[BoYousuf]

مشكور وايد .. ريحتني بهالأجابة ..
زين .. انا ولدي كان تخصص ألات دقيقة في المدرسة التقنية .. هل بيلقى هالتخصص في جامعة قطر ؟
و بالنسبة لأختبارات الكمبيوتر و السات .. وين يقدر ايقدمهم ؟
و هل بيلحق لآن آخر موعد للتسجيل في الجامعة يوم 7/ 7 ؟؟

معليش بس انا محتارة ... و ولدي و ابوه حابين انه يسافر بره يدرس .. و انا ما ابيه يروح توه مكمل 17 ..

اختي هاي التخصص ماتلقينه ابنفسه,, من الممكن انه يدخل تحت هندسه الكهربا,, يعني يدرس هندسه كهربا لين اخر سنه يتخصص في الات الدقيقه.. لنه انا كنت هندسه مكانيكا وحولت كهربا فا قالولي البعثه انه بنوافق علا تغيرك التخصص بس بتكون شغلتك عقب Instrument engineer ويوم سئالت قالولي المقصود فيها الات دقيقه,, وتبين الصج مادري وشو الشغله عقب هههه ومتخرج انا من نفس المدرسه الي فيها ولدج بس قبل فتره..

الاختبارات تستوي ابشكل تقريبا اسبوعي في جامعه قطر والمدينه التعليميه والمعهد البريطاني,, بس الحجز حق هاي الاختبارات في فتره قصيره ممكن ايكون صعب. لنه زحمه عليها ونتايجها يبيلها تقريبا من اسبوعين لين ثلاث اسابيع عشان تطلع,, والحجز يبيلج تقريبا بعد اسبوعين فا يعني موضوع الاختبارات يبيله تقريبا شهر لين شهر واسبوع حق الحجز وتطلع النتايج وكل شي,, فا مادري والله عن نظام جامعه قطر هل ايصير اتسجلينه بدون الاختبارات وعقب يمتحن ولا مايصير,, هاي النقطه اتمنه حد ايفيدج فيها..
نصيحه امجرب,, خليها يمتحن الايلز ,, لنه اسهل من التوفل ابواايد واحجزيله موعدين مره وحده وفتره بينهم لين تطلع نتيجه الاول وايعرف اب وشو ايركز وبعدها الثاني,, لنه زحمه علا الامتحان فا الحجز حق موعدين من قبل احسن.. بالنسبه للسات اختي,, حطيله مدرس ايدربه علا المااث وعلا طريقه الامتحان,, لني متخرج من هاي المدرسه وعارف وضع الماث عندهم اشلون والي اجوفه الحين اشلوون ههه بس الله العالم يمكن الوضع تغير لني كنت علا النظام قبل البترول.
موضووع انه يدرس برع عمره العمر ما كان مقياس,, وويه اختيار المكان المناسب مابيصيرله شي ان شالله وايردلكم سالم..
الله ايخليلج ايااه وايوفقه ان شالله واتمنه انه فدتج :)

[الوان]

اختي هاي التخصص ماتلقينه ابنفسه,, من الممكن انه يدخل تحت هندسه الكهربا,, يعني يدرس هندسه كهربا لين اخر سنه يتخصص في الات الدقيقه.. لنه انا كنت هندسه مكانيكا وحولت كهربا فا قالولي البعثه انه بنوافق علا تغيرك التخصص بس بتكون شغلتك عقب instrument engineer ويوم سئالت قالولي المقصود فيها الات دقيقه,, وتبين الصج مادري وشو الشغله عقب هههه ومتخرج انا من نفس المدرسه الي فيها ولدج بس قبل فتره..

الاختبارات تستوي ابشكل تقريبا اسبوعي في جامعه قطر والمدينه التعليميه والمعهد البريطاني,, بس الحجز حق هاي الاختبارات في فتره قصيره ممكن ايكون صعب. لنه زحمه عليها ونتايجها يبيلها تقريبا من اسبوعين لين ثلاث اسابيع عشان تطلع,, والحجز يبيلج تقريبا بعد اسبوعين فا يعني موضوع الاختبارات يبيله تقريبا شهر لين شهر واسبوع حق الحجز وتطلع النتايج وكل شي,, فا مادري والله عن نظام جامعه قطر هل ايصير اتسجلينه بدون الاختبارات وعقب يمتحن ولا مايصير,, هاي النقطه اتمنه حد ايفيدج فيها..
نصيحه امجرب,, خليها يمتحن الايلز ,, لنه اسهل من التوفل ابواايد واحجزيله موعدين مره وحده وفتره بينهم لين تطلع نتيجه الاول وايعرف اب وشو ايركز وبعدها الثاني,, لنه زحمه علا الامتحان فا الحجز حق موعدين من قبل احسن.. بالنسبه للسات اختي,, حطيله مدرس ايدربه علا المااث وعلا طريقه الامتحان,, لني متخرج من هاي المدرسه وعارف وضع الماث عندهم اشلون والي اجوفه الحين اشلوون ههه بس الله العالم يمكن الوضع تغير لني كنت علا النظام قبل البترول.
موضووع انه يدرس برع عمره العمر ما كان مقياس,, وويه اختيار المكان المناسب مابيصيرله شي ان شالله وايردلكم سالم..
الله ايخليلج ايااه وايوفقه ان شالله واتمنه انه فدتج :)

مشكور اخوي .. الله يوفق و ترجع بالشهادة ... ماشاءالله ردك ريحني و ملأ افراغات اللي عندي حول هالموضوع .. بس ممكن سؤال بعد .. ليش غيرت من تخصصك هل هندسة الكهربا اسهل او امتع ؟

[BoYousuf]

مشكور اخوي .. الله يوفق و ترجع بالشهادة ... ماشاءالله ردك ريحني و ملأ افراغات اللي عندي حول هالموضوع .. بس ممكن سؤال بعد .. ليش غيرت من تخصصك هل هندسة الكهربا اسهل او امتع ؟

والله جوفي اختي اول شي بالمنطق,, هندسه الكهربا اصعب هندسه وبعدين تدرج التخصصات واسهل شي المدنيه..
اول سبب لني انا دارس ثلاث سنوات من نفس مدرسه ولدج كهربا بس كان في خاطري اف مكانيكا فا قلت بادش الجامعه بادرس مكانيكا,, بس التوفيق من الله كل ما اخطط علا المكانيكا مايصيرلي نصيب هههه في المدرسه مارتحت ويه المكانيكا فا رحت كهربا وفي الجامعه حسيت كل شي امصكر اف ويهي في المكانيكا واستخرت وحولت كهربا والحمدلله مرتاح لابعد الحدود..

الشي الثاني انا قتلج بالمنطق الكهربا اصعب,, بس في جامعتنا دكاتره الكهربا وايد احسن من المكانيكا ابمراحل وايد,, يعني ممكن بالمكانيكا عندنا اتشير في كلاس واحد مرتين او ثلاث ابسبه الدكتور ماله خلق!!! والمشكله ايقولك عاادي لو مانجحت هاي المره الكورس الثاني بتنجح هههه فاضيلك انا امشي علا مزاجك!!! وبالكهربا الامور متيسره الحمدلله والدكاتره ترتاح يوم تدخل عندهم,, فا انا فضلت اني اتم اف جامعتي ومنطقتي علا اني اغير الجامعه,, لنه الحمدلله الشباب اهني وايد مرتاح لهم والمنطقه من افضل مايكون بالنسبه لي.
باوضحلج بالتخصصات اكثر,, الكهربا تعتمد علا الماث اكثر شي ,, المكانيكا علا الفيزيا اكثر شي و هندسه الكمبيوتر علا البرمجه والهندسه المدنيه تقريبا شامل من المكانيكا والكهربا من كل واحد اشوي وازياده عليه بالتخطيط.. فا بالنهايه الواحد والي ايفضله وايحبه,, في ناس تستمتع بالفيزا اكثر وفي ناس بالماث اكثر,, بس انا ارتحت ويه الماث والكهربا واحس الشي قادرله وافهمه اسرع من الفيزيا.

بس اختي للامانه حاولي كثر ماتقدرين انه اتخلين ولدج يجتهد وايكون متميز بتوفير له كل شي ممكن من مدرسين ولا اي شي ضعيف فيه ايقوي نفسه فيه,, لنه صدقيني انا متخرج من هاي المدرسه وعدد الطلاب الي ابدفعتي والي اعرفهم كملو بالهندسه ولا ادرسو كورس كورسين واطلعو ولا حولو بزنس والي اشتغلو عدد صراحه ما ايسر كلش.. انا ما اقولج هاي الكلام ابي احطمج ولا اتخافين وايد,, بس اتمناله كل الخير ومابيه ايصير نفس بعض الطلاب الي وقفو وبس ويه الاجتهاااد,, مافي شي ان شالله يقدر ايوقفه.. الي بيجهد وبيواجه الاشياء الي هو اضعيف فيها ويثابر,, بيتميز عن باقي الطلاب وبيكون من الاوائل ان شالله.. عشان جي قتلج ركزي بالماث,, لنه الفرق اكبير بين مناهج التقنيه وأساسيات الماث المطلوبه في الجامعه انك اتكون عارفها.
كل التوفيق واتمنه اني جاوبتج بالي كنت تبغيه :)

[الوان]

مشكور يا باشمهندس و ما قصرت .. الله ييسر امورك ....
انشوف شروط جامعة قطر .. و انشاءالله يقبلونه في البداية ...

[Sewar Qtr]

اشكركم جميعا على المرور
واخص بالذكر اختي تحداني الزمن
جزااها الله كل خير
والله يوفقكم ان شاء الله

[القناص]

اشكركم جميعا على المرور
واخص بالذكر اختي تحداني الزمن
جزااها الله كل خير
والله يوفقكم ان شاء الله


بااااااااااال لين اللحين هالموضوع موجود :)
تخصين بالذكر من وافق رأيك فقط:nice:

عالعموم الوظايف موجوده والي يبغي يدرس ب يدرس

الله لا يحوجنا نعيد الايلز والتوفل عشر مرات عشان

ندخل جامعة مستواها متدني جدا بدال ما نضيع سنتين

على شيء اسمه توفل نشتغل بالثانوي وعقب نشوف

موضوع الدراسة اتوظف سنتين افضل من اني انتظر

درجة توفل وايلز ويمكن تجي ويمكن ما تحصل

[Sewar Qtr]

بااااااااااال لين اللحين هالموضوع موجود :)
تخصين بالذكر من وافق رأيك فقط:nice:

عالعموم الوظايف موجوده والي يبغي يدرس ب يدرس

الله لا يحوجنا نعيد الايلز والتوفل عشر مرات عشان

ندخل جامعة مستواها متدني جدا بدال ما نضيع سنتين

على شيء اسمه توفل نشتغل بالثانوي وعقب نشوف

موضوع الدراسة اتوظف سنتين افضل من اني انتظر

درجة توفل وايلز ويمكن تجي ويمكن ما تحصل
اخصها بالذكر لانها جاوبت عني في بعض الاستفسارات .. :)
مب للسبب اللي ذكرته .. لان عدد من وافقني اكثر ممن " عارض "
وجامعه قطر مصنفه من ال 10 الاوائل عربيا .. مستواها لا متدني ولا شي
العيب فينا مب بالجامعه
تحياتي

[AL HAJRI]

بما ان اللغه الانجليزية غزت العالم ,,

وصارت هوس ومطلب مهم في كل مكان خصوصا في قطر
فـــ أقترح ان يكون هناك تنسيق بين المجلس الأعلى للتعليم والجامعة ,
بحيث يدرس الطالب لغة إنجليزية على أصوله حتى لاينصدم الطالب بالعقبه (الأي أل ات اس ) في طريقه ,,

فـــ من يقلل من صعوبة الاي ال اتس , يسمح لي كلامه مش صحيح ,,
نحن بحاجه لتأسيس الطلاب بشكل صحيح ومن ثم نطلب منهم الاي ال اتس ,,

ولكن أستغرب بصراحه من جامعة قطر وفجأة كذا من غير اي مبرر انقلبت فوق تحت ,,
فأصبحت تطلب اي ال اتس او توفل وتأسيسي وشروط قبول صعبه من غير اي مبرر ,,

التأسيسي بنقول ماعليه بس ليش تصعب على الطالب بخصوص اللغة !!!؟
يكفيهم قوانين الإنذارات والقوانين الداخليه بالجامعه ,,

تحياتي لــ كاتب الموضوع وتقبل تحياتي ,,

[القناص]

اخصها بالذكر لانها جاوبت عني في بعض الاستفسارات .. :)
مب للسبب اللي ذكرته .. لان عدد من وافقني اكثر ممن " عارض "
وجامعه قطر مصنفه من ال 10 الاوائل عربيا .. مستواها لا متدني ولا شي
العيب فينا مب بالجامعه
تحياتي

وجهة نظر بالنهاية الله الغني عنهم:nice:

[Sewar Qtr]

اشكرك اخوي الهاجري على المرور
واتفق معك تماما

حياك الله اخوي القناص

[مريومة]

اخصها بالذكر لانها جاوبت عني في بعض الاستفسارات .. :)
مب للسبب اللي ذكرته .. لان عدد من وافقني اكثر ممن " عارض "
وجامعه قطر مصنفه من ال 10 الاوائل عربيا .. مستواها لا متدني ولا شي
العيب فينا مب بالجامعه
تحياتي

معليه بس اوضح نقطة

يمكن على قولتج العيب مب من الجامعة

ولكن بالتأكيد العيب مب فينا

وسالفة التصنيف .. كلها خرطي في خرطي .. وانا بالذات عاد ادري عن موضوع التصنيف

فلا تغترين .. الجامعة من سئ الى اسوء بفضل العقلية الجهنمية الموجودة والخبراء

والله المستعان :secret:

[الســيل]

تفضلي اختي

هذا الموقع فيه نماذج لجميع قطع الرايتنغ
http://www.ielts-exam.net/

وهذا الموقع لاستاذ في بريطانيا وهو احد المصلحين لامتحان الايلز
فيه نصائح خاصه فيه ويحط اخطاء الطلاب الشائعه بالامتحان اول بأول
مع نصايحه .. واستفدت منه وايد والله
http://ielts-simon.com/

وهذا رابط لاذاعه البي بي سي .. الاستماع لها جدا مهم لان الامتحان ( اللسننغ ) بنفس الاكسنت
http://www.bbc.co.uk/radio/

والاهم من كل هذا خصوصا لو كانت ب اول مرة تمتحن انها تتابع مع الاستاذ
وهو بيعلمها وبيدربها على كل شي وما بتدش الامتحان الا جاهزة باذن الله
( طرشت لج الرقم على الخاص )

وانا نصيحتي للي بيمتحن انه يسجل لامتحانين ورا بعض
لان الامتحان متفاوت بصعوبته يعني ممكن يجي امتحان اسهل نوعا من من امتحان اخر

اما بالنسبة للمكان .. ممكن تسجل بجامعة قطر او النورث
( انا من ناحيتي ما انصح بالبرتش .. القاعه زحمة وما ينسمع شي باللسننغ )
ما ارتحت هناك كلششش وجبت 4 ونص :eek3:

وطبعا تقدر تتصل او تروح وتسأل عن المواعيد وتسجل
كل التحية والله يجزيج كل خير على هالدعاوي الطيبة
الله يوفقكم ان شا الله :)


الله يرحم والديج وماقصرتي

مواقع مفيده كنت ادور نفس هالمواقع


انا اللحين جالس احضر للايلز عشان اكمل تعليمي برى و الجامعه اللى بروح لها ويبون منى 5.5

ويقولون اختبارات البحرين اسهل \
بس انا بقدم على نصيحتج اختبارين وري بعض اذا مانفع بروح البحرين

دمتم بود

[Sewar Qtr]

الله يرحم والديج وماقصرتي

مواقع مفيده كنت ادور نفس هالمواقع


انا اللحين جالس احضر للايلز عشان اكمل تعليمي برى و الجامعه اللى بروح لها ويبون منى 5.5

ويقولون اختبارات البحرين اسهل \
بس انا بقدم على نصيحتج اختبارين وري بعض اذا مانفع بروح البحرين

دمتم بود

الله يجزاك كل خير على الدعاوي الطيبة اخوي
مافي فرق بالنهايه بين البحرين وقطر
الامتحان موحد .. البعض يسجل بالبحرين بسبب ان مواعيدهم غالبا اقرب من مواعيدنا
وانا انصحك تسجل امتحانين بالنورث ( درجات السبيكنغ ) افضل عن تجربة
والله يوفقك وييسرلك البعثة
تحياتي

[Sewar Qtr]

معليه بس اوضح نقطة

يمكن على قولتج العيب مب من الجامعة

ولكن بالتأكيد العيب مب فينا

وسالفة التصنيف .. كلها خرطي في خرطي .. وانا بالذات عاد ادري عن موضوع التصنيف

فلا تغترين .. الجامعة من سئ الى اسوء بفضل العقلية الجهنمية الموجودة والخبراء

والله المستعان :secret:

اختي الجامعه اسوأ من ناحية القوانين والانظمه
مب اكاديميا ..
اكاديميا الجامعه في تقدم مستمر ..

[الســيل]

الله يجزاك كل خير على الدعاوي الطيبة اخوي
مافي فرق بالنهايه بين البحرين وقطر
الامتحان موحد .. البعض يسجل بالبحرين بسبب ان مواعيدهم غالبا اقرب من مواعيدنا
وانا انصحك تسجل امتحانين بالنورث ( درجات السبيكنغ ) افضل عن تجربة
والله يوفقك وييسرلك البعثة
تحياتي

تم التسجيل وجاري التحضير للاختبار



شكرا جزيلا Sewar Qtr

ماقصرتي واللله يكتبه فى ميزان حسناتج

[Sewar Qtr]

تم ارسال الرقم لجميع من طلبه
تحياتي لكم جميعا

[تحداني]

اختي الجامعه اسوأ من ناحية القوانين والانظمه
مب اكاديميا ..
اكاديميا الجامعه في تقدم مستمر ..



اتفق مع هذا الراي كثيرا .. اكاديميا في تقدم وتقع ضمن المعايير العالميه
لكن من ناحيه القوانين والشروط فهم يحتاجون الى تقنينها واعاده النظر فيها
يعني نشد في مكان ونرخي في مكان .. نتنازل في مكان .. ونتمسك في مكان ثاني


يا اخوي القناص
قد لا يعجبك كلامي .. وقد لا تجد فيه الرضى الكامل
لكن هناك من الحقائق هي بالفعل موجوده .. ولا يمكننا تجاهلها لاننا ضد سياسه التعليم في جامعه قطر ..

مازلنا نقول اللغه الانجليزيه ضروريه
مهما كانت دوله قطر تتكلم العربيه .. ولكن علينا مواكبه ما يهمنا من الدول الاخرى
وليس ما يخص دوله قطر من لغه
احتياجنا للغه الانجليزيه ليس حدث وليد الساعه
من سنوات واخواننا واهالينا والكثير من البيوت كانوا يدرسون في الخارج ..
تحدوا كل العقبات واللغه كانت متدنيه .. اذكر يومها كان الشخص يقضي بدل 6 اشهر لغه
كان يقعد فيها سنه ولا سنتين اما اليوم الحمد لله في 6 اشهر يتمكن منها
اذكر زمان .. كانوا يروحون ويسافرون ويتغربون .. من اجل اللغه .. الي عنده اعدادي كان يروح يتعلم .. والي عنده ابتدائي كان يروح يتعلم اللغه .. وفي الي تعلمها في المصانع مع الاجانب .. يومها يمكن ما كان للتوفل والايلتز احتياج او وجود .. بس كان عندهم قناعه ان باللغه يقدرون يمسكون وظائف حلوه .. ويقدرون يتواصلون مع الاجانب في وظائف مهمه بشكل افضل


مرت علي حالات كثيره .. شخص عنده شهاده جامعيه بس ما عنده لغه يواجه عراقيل في التعيين اكثر من شخص ما عنده شهاده بس عنده لغه ..


عندي قناعه تامه ان الشهاده الجامعيه ماهو اختراع صعب .. ولا حلم صعب المنال
لكن جوده الشهاده .. وجوده المخرجات هي الي تفرض نفسها
بعد كم سنه الي ما ايعرف لغه انجليزيه .. يصير حاله من حال شخص تسأله اليوم اتعرف كمبيوتر ويرد عليك ويقول شنو يعني كمبيوتر .. بنفس الاندهاش وبنفس الاستغراب


جملكم الله برضاه

[kakashi]

اختي بغيت رقم المدرس ولا تهونين

[kakashi]

للرفع

[ابو مشعل]

للرفــع - ليستفيد الجميع بالشهر الكريم
وفقكم الله

[دستور]

اللغة الإنجليزية بتنهار إذا إنهارت أمريكا بسبب ديونها

وبتجيكم اللغة الصينية