فيزا فرنسا

[V!P]

السلام عليكم

ابي فيزا لفرنسا من وين اسويها لان قالوا من النت وانا ابي اتاكد

واذا ممكن رقم تلفونهم والموقع

[سلامي للكل]

وعليكم الســلام ورحمــة الله وبركاته

الامــور طيبـة . . . اتبعــوا الخطــوات البسيطة ولا داعي لمندوب وسفريات

(للقطــريين اما الاجانب لهم متطلبات ثانية وعلى ما اعتقد الفيزا تاخذ مده اكثر)

:fight:

وفااااااااااااالكم التوفيــق



ردي لاحد الاعضاء سابقـاً

VVVVV
VVVV
VVV
VV
V






الســلام عليكم ورحمــة الله وبركاته

بالنسبـة لفيــزة الشــنغـن

نصيحــة لك ومن مجــرب مافي احســن من السفـارة الفرنسية (طبعاً اذا الجنسيــة قطــري) ولاداعي للسفريات لان الموضوع مايبغي له شي والسفريات ياخذون ع الجواز الواحد بحدود 200-300 طبعا غير رسوم الفيزا للسفارة

اتبعــوا الخطوات وان شاء الله اموركم طيبة :)

تعبئة الطلب + عدد صورة او 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا بالاضافة لحضــور الشخص عند التقديـم

يفضــل يكون الجــواز مدة صلاحيته طويلة وعلى فكــرة ممكــن تاخذون التاشيــرة لمدة اربع سنــوات

والجواز ما يطول عندهم بنفس اليوم او اليوم الثاني على طــول (قبل الصيف والزحمة الحق)

ملاحظة: يجب اخذ موعــد من السفارة الفرنسية وهذا اللنك لاخــذ الموعـد
https://pastel.diplomatie.gouv.fr//RDV-Internet/html/frameset/frameset.html?lcid=1&sgid=099&suid=1

طلب الفيــزا موجود ع هالموقع
http://www.ambafrance-qa.org/spip.php?article413

بالنسبـة لحجز الطيران: طريقة سهلة وبلاش ومايحتاج تدفع ولا ريال لاي مكتب سفريات

اتصلوا على القطــرية واحجزوا تذكرة دوحة باريس دوحة, باي تاريخ يعجبكم وبعدها قولوا للموظف انه يرسل نسخة من الحجز على الايميل الشخصي, وبعدها اطبعوا الحجز واموركم طيبة.

بالنسبة لحجز الفندق: ادخلوا على موقع بوكينك واعملوا حجز لاي فندق في فرنسا (بنفس تواريخ حجز التذكرة) بس بشرط اختاروا الفنادق الي من شروطها (الغاء الحجز مجاناً) وبعد ماتحجزوا سيتم ارسال لكم الحجز اطبعوه واموركم طيبة. (للحجز محتاج فيزا كارت)
وادخلوا على حجزكم ثاني يوم وكنسلوه :nice:

بالنسبــة للتاميــن الصحي: اذا عندكم تاميــن صحي من مكان شغلكم صورة من البطاقة تكفي واذا لا مكاتب السفريات تعطيك تامين صحي للسفـر بـ 70 ريال اكثر اقل واموركم طيبة.

ولاتنســون ان تعبون الفورم على اساس انكم رايحين فرنسا وتحطون التواريــخ المطابقة للتذكرة والفنــدق

واتمنى اني افدتكم ولو بقليل :shy:

ترى انا مقدم ع الفيــزا من شهـر واشوي وعطوني 4 سنوات مده التاشيــرة ونفس الشي من قبل الاهل

وبالتوفيــق

:)

[V!P]

انا لقيت الويب سايت للسفاره وفيها هالصفحه هل المعلومات اللي فيها كفايه

http://www.ambafrance-qa.org/spip.php?article378

[V!P]

يعطيك العافيه ماقصرت


:dance