استفسار : عن بانكوك

[كياني]

السلام عليكم

اخواني انا ناويه اسافر اذا الله راد بانكوك
فحبيت اعرف عن احسن وانظف الفنادق الموجوده
واتكون قريبه من السوق واكون شاكره لكم

[المتحدث الرسمي]

فندق الماريوت

[am-tmim]

وعليكم السلام
انصحج بفندق اسمه Zenith اكثر من يسكنه عوائل وراقي
وقريب من شارع العرب.

تروحين وتردين بالسلامة

[am-tmim]

http://www.sawadee.com/hotel/bangkok/zenith/pictures.html
وهذا رابط الفندق
فيه ساونا مجاني بعد ^_^

وتحت فيه مطعم الاكل كله حلال .

[بوخالد911]

الماريوت جيه دبليو

أماري بوليفارد - بشارع سوكموفييت 5 منطقة نانا

زينث : بشارع العرب - نانا

موفقيين

[حاضرين]

فندق ماجيستك قريب من حي العرب نانا بس المكان هادي جدا جم الماريوت وسعره مناسب 3300 بات تقريبا

وفي مكتب يحجز لك ممتاز انا تعاملت معاه من قطر اتكلمه واتحول له الفلوس ويسويلك الحجوزات والرحلات والطيران الداخلي

[احساس غريب]

انصحج بفندق زينث قريب من حي العرب والاسواق وفندق نظيف وراقي..

[كياني]

تسلمووووووون والله وماقصرتوا

[out]

السلام عليكم

اخواني انا ناويه اسافر اذا الله راد بانكوك
فحبيت اعرف عن احسن وانظف الفنادق الموجوده
واتكون قريبه من السوق واكون شاكره لكم

انصحج وبقوة فندق جي دبليو ماريوت

فندق نظيف وعائلي من الدرجه الاولى وقريب من شارع العرب دقيقتين سيرا بالاقدام

واسعاره تبدأ من 550 ريال الليلة نصيحتي هالفندق وان شاء الله راح تدعين لي

واذا حابة تتعاملين مع شركة سياحيه موجود في بانكوك انا حاضر وراح اعطيج الرابط

على الخاص واعلمج شاللي تسوينه

[الســـهم]

أفضل فندق هو الإنتركونتيننتال ..

أرقى مجمعات بانكوك موجودة قريبه منه وتقدرين تروحينها مشي , ومنها سيام باراقون وديسكفري والسنترال وورلد والـ mbk (طوكيو) , واهم شي انه راقي وبعيد عن المناظر الخادشة للحياء بمنطقة العرب , ومنطقة العرب على بعد دقيقتين بالتاكسي و 10 الا 15 دقيقه مشي ..

[مهل]

الانتر هو الافضل من تجربه

[Abdullah_89]

grand inn bangkok
Marriott
Zeneith
Majestic

[كياني]

مشكوررررين وماقصرتوا

[@ دانتيل قطر @]

الانتر هو الافضل من تجربه




:victory:


صح

[La Bella]

ابتعدي عن شارع العرب وصاخة وعرب نصابيين
انا دايم اشوف الفنادق البعيدة شوي عن شارع العرب
مثل سمرست ليك بوينت
ونستخدم القطارات

[abu abdulla]

فندق كمبنسكي فندق جديد عند باراقون مول فيه غرف وايضا شقق

[بوخالد88]

الاخوان ماقصرو تروحين وترجعين بالسلامة

[F A W A Z]

شوف لك بلاد ثانية احسن لك والله العظيم

انا برجع منها بكره

تحسفت اني جيت لها


اول شي النصب والوصاخة في كل مكان ..

ثاني شي معاملتهم اخس معامله جفتها في حياتي على كثر ماسافرت ماجفت نفسهم

نفسهم خايسة .. واذا دخلت محل ماشتريت زين اذا ماطردك

انا سكنت في سيام كمبنسكي راقي جدا وحلو وحولك كل شي

بالتوفيق .. ولا تنسى نصيحتي لك :)

[المعنى88]

شوف لك بلاد ثانية احسن لك والله العظيم

انا برجع منها بكره

تحسفت اني جيت لها


اول شي النصب والوصاخة في كل مكان ..

ثاني شي معاملتهم اخس معامله جفتها في حياتي على كثر ماسافرت ماجفت نفسهم

نفسهم خايسة .. واذا دخلت محل ماشتريت زين اذا ماطردك

انا سكنت في سيام كمبنسكي راقي جدا وحلو وحولك كل شي

بالتوفيق .. ولا تنسى نصيحتي لك :)

بالعكس ياخوي مع احترامي لرأيك ... بانكوك فيها
الزين وفيها الشين واغلبهم طيبة واخلاق في التعامل
واللي يعرف يتعامل معاهم باحترام يحبون يتعاملون
وياه بهدوء ... لكن مش نصب يقدر الواحد يشتري
بالسعر اللي يرضي الطرفين ... وفندق كمبنسكي غالي بحوالي اكثر من 1000ريال جنب مجمع غالي

[F A W A Z]

بالعكس ياخوي مع احترامي لرأيك ... بانكوك فيها
الزين وفيها الشين واغلبهم طيبة واخلاق في التعامل
واللي يعرف يتعامل معاهم باحترام يحبون يتعاملون
وياه بهدوء ... لكن مش نصب يقدر الواحد يشتري
بالسعر اللي يرضي الطرفين ... وفندق كمبنسكي غالي بحوالي اكثر من 1000ريال جنب مجمع غالي

نعم اخوى المعنى كلامك صحيح وهذا المفروض لكن والله الواقع غير

نتكلم معاهم بكل احترام .. لكن انا اول مره اجوف شعب كذا متملل مايحب الشغل لو تدخل محل تحصلهم قاعدين ولا حد مفتكر انا اتكلم عن الاسواق الشعبية اما المجمعات يعني عندهم شويه ذوق

اما بالنسبة لكمبنسكي تقريبا 9000 بات لليله لكن فندق فخم ويستاهل حق 3 ليالي لا اكثر

بالتوفيق

[lord-qatar]

والله طق عن شارع العرب امحق شارع

الله الله في فندق الانتر قريب من المجمعات الكبيره ومكانه راققققققققققققققي وحلو وذا تبي شارع العرب دقيقه بالقطار

[كياني]

ماقصرتوا تسلموووووووون
وانا بصراحه ناس وايد انصحوني ما اسكن في شارع العرب

[q6ri_vip]

ماقصرتوا تسلموووووووون
وانا بصراحه ناس وايد انصحوني ما اسكن في شارع العرب

من يومين راد من بانكوك .

عليج بفندقين يااما جي دبليو ماريوت ولا اللاند مارك

واذا انهم قراب لشارع العرب لاتروحين لشارع العرب واهني انحلت المشكلة

بس اذا لج بالاشنط والساعات فمجبورة اتروحين لشارع العرب وتدخلين كم من محل لانهم الافضل بعد الام بي كي .

وغير كذا المطاعم العربيه تاخذين من عندهم المنيو ومتى ماحبيتو تتعشون دقو على اي مطعم واطلبو وبيجيبون لكم الطلب بسرعه للفندق .

[ذيب ولد ذيب]

ياجماعه اخس مكان في تايلند هي بانكوك ,, روحوا شانغماي للي عنده عايله والشباب بوكت مالها حل , بانكوك مافيها اشياء كثير تجذب ,

[بلاميعاد]

ياجماعه انا بعدابي اروح لتايلاند لكن مع الاسف علاج مش سياحه نصحوني بالمستشفى الامريكي هذاوين مكانه وشنو الفندق الي جنبه يكون فخم وخمس نجوم وهل المستشفى قريب من مناطق السوق وايضا اريد سيارة وسايق هناك يكون شاطر وامين في التعامل للي عنده خبرة يفيدني الله يخليه وبمااني مااراح اروح جزر ولاخرابيط وحدي بانكوك انصحوني وين اروح والا وش اسوي فيها طوا فترة السفر

[بوشاهين2]

بخصوص الفندق اللاندمارك .. تعبان ومافيه شطاف بالحمام وأنتوا بكرامه .. وبالنسبه لفندق جي دبليو ماريوت ماعليه كلام وألي حاب يحجز يحجز من سفريات الديره ألي بالمجمع ألي أحذا الفندق بيعطونه خصم أكثر من الفندق نفسه .

[عذب الكلام 1]

الماريوت ال زينينت قريب من المستشفي الامريكي بس الملكي افضل و ارخص قليلاا وفي الماريوت رزيدينت راقي وشقق فندقيه فخمه وقريب من السفاره الامريكيه

[عبدالمحسن]

الماريوت


ونصيحتي .. لا تروحين بانكوك .. اوصخ بلد عرفته في حياتي :)

[ورقــة أمــل]

مب حلوة بانكوك يابت لي اكتئاب اسبوع وزهقت منها حر ورطوبة وحشرة ولاشارع العرب وع

روحي بوكت ولا شنغماي مكان هادي وحلو بس في النهار بوكت بالليل الله يعينكم

[بلاميعاد]

وانا مب من هواه دول شرق اسيا بس بحكم العافيه اشويه انصحوني بتايلاند كاافضل تشخيص وياليت الي عنده حد هناك معرفه بسواق او اي موظف عربي يعطيني رقمه

[عتيج الصوف]

وانا مب من هواه دول شرق اسيا بس بحكم العافيه اشويه انصحوني بتايلاند كاافضل تشخيص وياليت الي عنده حد هناك معرفه بسواق او اي موظف عربي يعطيني رقمه

السلام عليكم اخوي بلا ميعاد ,,,,ان شاء الله هذا الرابط يكون فيه فائدة ,,,والسموحة على القصور

http://www.qatarshares.com/vb/showthread.php?t=461331