______________(يا المجلس الاعلى..وين اقط بنتي؟؟)

[بنت صقار]

اول مرة في حياتي اجرب التسجيل في المستقله..على كثر ماسمعت من شكاوي الناس في وطني الحبيب وبشكل مباشر من معارف واقارب..وبشكل عارض..وقريت في منتديات ..بس شفت بعيني..امس..
من شهر ونص وانا وغيري من الامهات..نراكض في المراكز الصحيه من اجل فلذات الاكباد..اللي انحكم عليهم مسبقا بأنهم لا شواغر لهم...
بس تحت مظله ..(عل وعسى)
لكن..
ان يكون امس اول يوم تسجيل..ويحصل على الارقام من كانت له واسطه؟؟(ونحن ممن لا واسطه لهم)فهذا حق لكل مواطن ..(فإذا بي انا ومن كن معي ننتظر بأدب..بدون مزاحمه رجال افزعه ودعس وهرس ..يقال لنا................بكرة بيكون فيه تسجيل..اليوم وزعنا 150 رقم بس..والباقي بكره..واليوم..اللي هو بكرة امس..صار لاشواغر فيه؟؟)
فلماذا يا المجلس الاعلى هناك يومان للتسجيل في الروضه..والتسجيل انتهى بتوزيع الارقام في نصف ساعه..
هل يجب علينا تحت مظلتكم..
ان نداعس ونراعص..ونهرس الآخرين في منظر غير حضاري..وخالي من الادب والرقي الاجتماعي..
هل يجب ان اكون(كن ذئبا..حتى لا تأكلني الذئاب)
هل منظر الفزعه الذي يلازم تسجيلاتكم..والفضائح من بعض النساء اللاتي يصورن المعارك النسائيه والتزاحم بالبلاك بيري..صار ظاهره؟؟؟
:court:

انا..لي حق كمواطنه..بتوفير التعليم لابنتي..ذات الاربع سنوات..التي تلاحقني بنظراتها وانا احمل ملفها..كل مرة..(ماما..سجلتيني)
والله اني اخاف اكسر بخاطرها في اول مشوار لها في حياتها ..واقول لها انها لاشاغر لها..(وكما يوجد مصطلح فائض للموظفين..فيبدو ان ابنتي صارت من ضمن الفائض يالمجلس الاعلى الذي لا استطيع كتابه كلمه موقر لكم)

[التيما]

ريحي نفسج اختي دخليها روضه خاصة وفكي نفسج والله واريح لج ولا هالبهذلة .. والله اني مارضيت ادخل ولدي مدرسة مستقلة وخليته في الحكومي لين حولوها مستقلة ولا بهذلة هالناس اللي اقرب مانقوله عنهم انهم غير تربويين اصلا

[بنت صقار]

طيب..انا اقدر على الخاصه..بس ليش نكون مجبورين بالدفع..والدفع..والدفع..ولا شيء غير الدفع.........ولو الخاه تعليمهم زين..كان قلت..بس والله جربتهم مع ولدي.....وزفت.....همهم فلوس وبس.......وانا اللي قريب مني ..3 روضات خاصه...........ومستواهم مهب شي؟؟
ليش ننجبر تحت مظله المجلس الاعلى ..بالنبذ................................وا اذكر انه حد من هل قطر اشتكى على ايام الحكوميه من (انه لا شواغر)

[موضي قطر]

الله المستعان نفس الشي صار مع اختي من اول يوم تسجيل في الروضة قالوا مافيه مكان وهالكلام العام وحياتك دخلت بنتها روضة خاصة ...

الله المستعان

[Dawn]

انا شفت التقرير في الجريده عن تسجيل مدرسة الهدى .. شي يفشل يفشل يفشل بكل المقاييس ... ما صدقت اني في قطر هذا وللعلم اني درست في المستقله من سنة 2004 ..

والله العظيم يوم شفت صورة النعال تكرمون طايحه على الارض ويهي صااار حمر من الفشيله والقهررررر ،،، مادري شلون الام اللي سجلت رجعت سيارتها حافيه الظاهر .. او يمكن من اللي شلوهم الاسعاف بسبب ضربة الشمس او من التدافع والدز يمكن طاحت وداسوها ... اه ياقلبي .. هل احنا صج في قطر يا عالم ؟؟ بديت اشك صراحه ..
الله يكون في عون اوليا الامور وعيالهم اللي ضايعين في الطوشه

[التيما]

اختي انا اشتغل في مستقلة وبقولج اللي يصير مب دفاع لكن الحق ينقال المجلس العلة محدد اعداد معينه للروضه ومب على كيف الروضه تزيد العدد .. الحل روحي للمجلس العلة وكلميهم بيعطونج ورقة تودينها للروضة وبيقبلون البنت .. ترى البلا في المجلس مو في المدارس ولا الروض

[بنت صقار]

موضي..هل نحن شعب مقصه(مضحوك عليه وماخذين حقه حتى في مجال التعليم)وش ذنب هالجيل اللي جاي وماله حظ؟؟؟
.
.
الموظفه طلعت من شوي قبل اطلع من عندهم..وقالت روحوا للمجلس الاعلى ..واذا سجلوكم..بنسجلكم غصب(ن)عن ام جابتنا...مالكم عندنا شي..................
؟؟
وهي نفسها اللي قالت لنا امس بكره فيه تسجيل احنا وزعنا نص الارقام وبكره في تسجيل لنتفاجئ بإن التسجيل انتهى امس في اول نصف ساعه لمن حصل على رقم ولمن دخلوا بالواسطه اللي كان بعظهم يجي بعد صلاة المغرب ويدش بالراحه..واحنا هناك من 4 ماحصل لنا؟؟؟؟
؟؟
هل يجب ان أضرب..علاقات دبلوماسيه مع كل مدرسه ولا روضه ولا مكان ابغي لي فيه حق؟؟؟؟؟؟؟؟؟؟؟؟

[بنت صقار]

التيما.........لازم نروح للمجلس الاعلى؟؟زين بكرة بيروحون الامهات والاباء ومسويين اعتصام؟؟والله موقف غير حضاري..من المجلس الادنى..

[موضي قطر]

موضي..هل نحن شعب مقصه(مضحوك عليه وماخذين حقه حتى في مجال التعليم)وش ذنب هالجيل اللي جاي وماله حظ؟؟؟
.
.
الموظفه طلعت من شوي قبل اطلع من عندهم..وقالت روحوا للمجلس الاعلى ..واذا سجلوكم..بنسجلكم غصب(ن)عن ام جابتنا...مالكم عندنا شي..................
؟؟
وهي نفسها اللي قالت لنا امس بكره فيه تسجيل احنا وزعنا نص الارقام وبكره في تسجيل لنتفاجئ بإن التسجيل انتهى امس في اول نصف ساعه لمن حصل على رقم ولمن دخلوا بالواسطه اللي كان بعظهم يجي بعد صلاة المغرب ويدش بالراحه..واحنا هناك من 4 ماحصل لنا؟؟؟؟
؟؟
هل يجب ان أضرب..علاقات دبلوماسيه مع كل مدرسه ولا روضه ولا مكان ابغي لي فيه حق؟؟؟؟؟؟؟؟؟؟؟؟


مابي اعلق فيه ناس متحلفين لي بالرداء الاسود :eek3

[موضي قطر]

انا شفت التقرير في الجريده عن تسجيل مدرسة الهدى .. شي يفشل يفشل يفشل بكل المقاييس ... ما صدقت اني في قطر هذا وللعلم اني درست في المستقله من سنة 2004 ..

والله العظيم يوم شفت صورة النعال تكرمون طايحه على الارض ويهي صااار حمر من الفشيله والقهررررر ،،، مادري شلون الام اللي سجلت رجعت سيارتها حافيه الظاهر .. او يمكن من اللي شلوهم الاسعاف بسبب ضربة الشمس او من التدافع والدز يمكن طاحت وداسوها ... اه ياقلبي .. هل احنا صج في قطر يا عالم ؟؟ بديت اشك صراحه ..
الله يكون في عون اوليا الامور وعيالهم اللي ضايعين في الطوشه



اختي داون من المتسبب في وقوع النعال الله يعزكم من قدم صاحبته :d

ومن اللي وصلنا لهمنظر غير الحضاري

[Dawn]

اختي داون من المتسبب في وقوع النعال الله يعزكم من قدم صاحبته :d

ومن اللي وصلنا لهمنظر غير الحضاري

:whistling: ليش السؤال موجه لي انا ؟؟ انا مالي خص تركت التعليم وبلاويه وتوقعت اني افتكيت .. لكن للاسف كل يوم اشوف مأساه ترفع ضغطي وترجعني لهالعالم البائس :eek3:..

[هبوب الكوس]

التعليم باض يا جدعان

http://i2.ytimg.com/vi/bym5tpT37-o/default.jpg

[بنت صقار]

انا شفت..اسلوب المدرسه..والاداره.............كان غير متعاون..وغير منظم..وانظلم ناس كثير..قد اكون انا وحده منهم..
بس لقله خبرتي..في المصارعه..طلعت بخفي حنين.......؟؟
ولقله معارفي..........طلعت بخفي حنين؟؟
ولان المجلس الاعلى مسؤول..........طلعت حافيه ..لاخفي حنين ولا غيره......:(
وللحين بنتي مستانسه..ع الروضه اللي تطالعها من اول السنه وتسميها (روضتي)
بنتي قصت على عمرها بكون بيتها قريب..وكون انها قطريه(لا شاغر لها)
..
الله عليهم..
الله عليهم.هالمجلس..ونظامه..وقراراته..وكل مافيه..

[بنت صقار]

الله يهديك يا هبوب الكوس...وهب باااااااااااااااااااايض من زمان انقلاب التعليم على النظام الحكومي...

[موضي قطر]

:whistling: ليش السؤال موجه لي انا ؟؟ انا مالي خص تركت التعليم وبلاويه وتوقعت اني افتكيت .. لكن للاسف كل يوم اشوف مأساه ترفع ضغطي وترجعني لهالعالم البائس :eek3:..


الله يقطع ابليسك ضحكتيني :d

[بنت صقار]

انا راسي يعورني..وحالتي يرثى لها من المجلس الاعلى مع اني ما اشتغل فيه ولا اتبعه.............بس لأنه متحكم في مصير عيالنا...............في ظل.........تعليم افضل وجيل افضل.............................................. ...........؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مساكم الله بالخير:(

[موضي قطر]

انا راسي يعورني..وحالتي يرثى لها من المجلس الاعلى مع اني ما اشتغل فيه ولا اتبعه.............بس لأنه متحكم في مصير عيالنا...............في ظل.........تعليم افضل وجيل افضل.............................................. ...........؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مساكم الله بالخير:(


هلا ..مساء النور .. وين هالغيبه يابنت صقار حياك تقهوي الدعوى ضايعه :whistling:

[بنت صقار]

وحطي مسمار..راسي دااااااااااااايخ من امس العصر..ومصدع من صدمه اليوم العصر............بغيت اعرض على الحريم المتجمهرين نسوي لوحات وندور..في الساحه(بس استحيت من الفزعه)

[صوت الضمير]

التعليم حق مكفول .. موب يقولون التعليم مجاني هذا اعيال قطر موب لاقين شاغر

ذكرتوني بمعانات الجامعيات القطريات .. كل مكان يقولون مافي شاغر

بس فيه شاغر اذا فيه فيتامين ووووووووووووووووووووووووواو

الله كريم..يارب ترحمنا وترزقنا

[انا حره]

والله حرام هالشي يصير قاعدين نحاتي حتى عيالنا الي ماجبناهم هل بنلقى لهم مكان ولا لا الواحد يقعد ويحاتي متى بنحس اننا مو موظلومين


متى؟؟؟؟؟؟

[حليتان*]

والله العظيم يوم شفت صورة النعال تكرمون طايحه على الارض ويهي صااار حمر من الفشيله والقهررررر ،،، مادري شلون الام اللي سجلت رجعت سيارتها حافيه الظاهر ..

اذا جيه سهله عيل

صيدو زهيوي (عز الله الحاضر)

وحطو فغرشه وروحو وهدوه بتلاقون العالم متنثرين :happy:

سجلو واطلعو :D

[بوحارب]

تصدقين الروضه تبعد عن بيتنا دقيقتين بالسيارة

لكن ماوديت المدام تسجل البنت بسبب هالمصخره اللي اسمعها واقراها في كل مكان :)

وشكلي بوديها روضه رياض الصالحين الخاصه 4500 في الكورس والسلام

[حليتان*]

التعليم باض يا جدعان

http://i2.ytimg.com/vi/bym5tpT37-o/default.jpg

انا عباالي يولد :happy:

[حليتان*]

تصدقين الروضه تبعد عن بيتنا دقيقتين بالسيارة

لكن ماوديت المدام تسجل البنت بسبب هالمصخره اللي اسمعها واقراها في كل مكان :)

وشكلي بوديها روضه رياض الصالحين الخاصه 4500 في الكورس والسلام

بوحارب ودها المها قريب من بيتكم

احنا مع ان فالخور لكن عيالنا مسجلينهم فالمها :strong ولا منة المستعله

[بوحارب]

بوحارب ودها المها قريب من بيتكم

احنا مع ان فالخور لكن عيالنا مسجلينهم فالمها :strong ولا منة المستعله

اي صوب المها !!!

اول مرة اسمع بها

رياض الصالحين بعد قريبة
والزين فيها احذى خيمة بوزعل يعني انزل البنت وانزل الخيمة الكها كرك واطلع :spider:

[حليتان*]

اي صوب المها !!!

اول مرة اسمع بها

رياض الصالحين بعد قريبة
والزين فيها احذى خيمة بوزعل يعني انزل البنت وانزل الخيمة الكها كرك واطلع :spider:

بوو تعااال انت فالخريطيات :whistling:

روضة المها فالدفنه :D

[بوحارب]

تفهي تايم ههههههه

[دلة الرسلان]

أي والله وين تقطينها ؟ المشكلة أذا الطفل ما تسجل في الروضة ماراح يطلع للتمهيدي ولا للصف

الأول لأن الطلاب بيطلعون من صف لصف وبالتالي ماراح يكون فيه شاغر .