أريد أن أصبح كاتبة :)

[ع.م]

يا أيها الملأ افتوني في أمري ما كنت قاطعة أمراً حتى تشهدون..

الموضو باختصار.. أنني أريد أن أصبح كاتبة أكتب بصفة دورية في إحدى الجرائد القطرية.. حيث أن الكتابة هي أفضل مايمكنني فعله..

هل أتشجع وأسعى لتحقيق هذا الحلم؟ أم أن من الأفضل أن أنشر ماأكتبه على الانترنت كي يقرأه أكبر عدد من الناس؟ وهل قراء الانترنت يقرأون بذات التدبر الذي يقرأ به قراء الصحف؟

كنت قد نشرت على فترات متفاوتة ثم انقطعت لأربع سنوات لظروف خاصة، وأجد في نفسي الآن توقاً للكتابة..

[قطرية فذة]

توكلي على الله

[Dawn]

عندج مدونه ؟
اذا ما عندج ابتدي اشتغلي عليها .. وانشري فيها كل كتاباتج ..
والجرايد اعتقد عادي يقبلون الكاتبات بس اعتقد يعتمد على نوع المواضيع اللي بتطرحينها ..

[ع.م]

توكلي على الله

مشكورة على ثقتج فيني :) بس شهادتج مجروحة لأنج تحبيني :D



عندج مدونه ؟
اذا ما عندج ابتدي اشتغلي عليها .. وانشري فيها كل كتاباتج ..
والجرايد اعتقد عادي يقبلون الكاتبات بس اعتقد يعتمد على نوع المواضيع اللي بتطرحينها ..

مدونتي بالانجليزي :oops: .. صار لها 5 سنين.. بديت فيها في 2006..

بس والله فكرتج روووووعة.. راح أشوف موضوع التدوين العربي..

ومشكورة جداً..

[Dawn]

ممكن ترسلين لي رابط مدونتج العنقريزيه ؟

صحيح
ممكن تحطينها في توقيعج في المنتدى اعتقد قوانين شبكة الاسهم ما تمنع هالشي ..

يالله في انتظار ابداعاتج ،، بالتوفيق ان شا الله

[فتى الجود]

موفقه خير

وانتشار الكتاب رجالاً ونساءً

بالفتره الاخيره انا اشوفه ظاهره جيده

لان بعد فتره بيكون البقاء للاصلح والأجدر

[فتى الجود]

موفقه خير

وانتشار الكتاب رجالاً ونساءً

بالفتره الاخيره انا اشوفه ظاهره جيده

لان بعد فتره بيكون البقاء للاصلح والأجدر

[ع.م]

ممكن ترسلين لي رابط مدونتج العنقريزيه ؟

صحيح
ممكن تحطينها في توقيعج في المنتدى اعتقد قوانين شبكة الاسهم ما تمنع هالشي ..

يالله في انتظار ابداعاتج ،، بالتوفيق ان شا الله

تم الرد على الخاص :)


موفقه خير

وانتشار الكتاب رجالاً ونساءً

بالفتره الاخيره انا اشوفه ظاهره جيده

لان بعد فتره بيكون البقاء للاصلح والأجدر

إضافة قيمة أشكرك..

وأتمنى أن أترك بصمة..

وأن أنفع الناس فأمكث في الأرض :)

[ابن التويم]

طبعا تكتبين في الجريدة افضل وفي نفس الوقت ما فيه شي يمنع انج تكتبين في النت ..
ليش الجريده احسن ..؟ لأن عبر الجريده الجريدة صوتج يوصل لكل الناس و خصوصا السمؤولين اللي ما يفوتون الجريده كل صباح ..اما النت فصوتج يوصل لمجموعه و نوعيه معينه من الناس ..

بس انتي ايش ميولج .. يعني قضايا اجتماعيه .. ادبيه .. ايش بالضبط ..؟

وبعدين اذا لقيتي لج طريق للصحف توسطي لنا لا تنسينا .. :d

[ع.م]

طبعا تكتبين في الجريدة افضل وفي نفس الوقت ما فيه شي يمنع انج تكتبين في النت ..
ليش الجريده احسن ..؟ لأن عبر الجريده الجريدة صوتج يوصل لكل الناس و خصوصا السمؤولين اللي ما يفوتون الجريده كل صباح ..اما النت فصوتج يوصل لمجموعه و نوعيه معينه من الناس ..

بس انتي ايش ميولج .. يعني قضايا اجتماعيه .. ادبيه .. ايش بالضبط ..؟

وبعدين اذا لقيتي لج طريق للصحف توسطي لنا لا تنسينا .. :d

والله كتاباتي بين الدينية والاجتماعية والنفسية والأدبية، تقدر تقول كل شي باستثناء الرياضة والاقتصاد والسياسة..

وأنا مابي صوتي يوصل للمسؤولين بقدر ماأبيه يوصل لعامة الناس.. بس ممكن في المستقبل أحتاج أوصل كذا مقال لأصحاب القرار..

بخصوص الطريق للصحف.. ترى الأبواب مفتوحة حسب ماقيل لي..

[Dawn]

طلعت اعرفج من زمااااااااااان وقرا كتاباتج في الموقع اللي طرشتيه مب في الblog لا لا في المواضيع ،، سبحان الله الدنيا شلون صغيره !!

ماراح تعرفيني اكيد
لاني مسجله باسم رجالي خخخ

[ابن التويم]

والله كتاباتي بين الدينية والاجتماعية والنفسية والأدبية، تقدر تقول كل شي باستثناء الرياضة والاقتصاد والسياسة..

وأنا مابي صوتي يوصل للمسؤولين بقدر ماأبيه يوصل لعامة الناس.. بس ممكن في المستقبل أحتاج أوصل كذا مقال لأصحاب القرار..

بخصوص الطريق للصحف.. ترى الأبواب مفتوحة حسب ماقيل لي..

مادام لج اهتمام بالأمور الدينيه و الاجتماعيه .. و هالمجالين يستحوذون على قدر جيد من مؤسسات الدوله و مليانه مسؤولين .. ما دام قلتي انج تحبين الخير للناس .. اكيد بتناقشين قضاياهم و لازم يوصل صوتج للمعنيين من المسؤولين .. حتى تمكل الفائده .. و لا تنسين ان الاعلام هو السلطه الرابعه ..

[شيط ويط]

طلعت اعرفج من زمااااااااااان وقرا كتاباتج في الموقع اللي طرشتيه مب في الblog لا لا في المواضيع ،، سبحان الله الدنيا شلون صغيره !!

ماراح تعرفيني اكيد
لاني مسجله باسم رجالي خخخ

طرش لنا نسخه من الرابط :oops:


اما بالنسبة لصاحبة الموضوع .. اقول :


بخصوص الكتاب اعتقد جريدة العرب القطرية ترحب بالكتاب ودام عندج خبره في الكتابة ونشرتي من قبل فالموضوع ميسر وسهل ان شاء الله .. حاولي تتواصلين مع الاخ عبدالله العذبه وبيساعدج في النشر ان شاء الله

وبالتوفيق

[الوان]

السلام عليكم .. موفقه اختي دام انج تبين الاصلاح .. و واضح ان عندج خبرة في الكتابة و محدده الفئة الي تستهدفينها الا و هي المجتمع .. بس اي الفئات من المجتمع انتي تبين لان الناس اللي بيقرون اي مقال بيختلفون في فهمه حسب خلفياتهم و كل فئه لها اسلوبها أنا من وجهة نظري ان اقبال الناس على المنتديات اكبر من الجرائد لكن ذلك لا يعني ان محد يقرا جرايد .. انتي ممكن ان تنزلين كتاباتك في الجريدة و المنتديات في نفس الوقت .. بس يا ليت لو تنزلين لنا موضوع هنا في المنتدى لان يسعدنا وجود كتاب جدد حتى يستلذ به أساتذة الكتابة في المنتدى و كذلك يستفيد منه الفقراء لله أمثالي . *

[النجلا]

ابي الرابط ^_^

والله يوفقج ياارب

[أم حمد]

وانا ابي رابط لبلوق http://www.qatarshares.com/vb/images/smilies/oops.gif

[ع.م]

بخصوص الكتاب اعتقد جريدة العرب القطرية ترحب بالكتاب ودام عندج خبره في الكتابة ونشرتي من قبل فالموضوع ميسر وسهل ان شاء الله .. حاولي تتواصلين مع الاخ عبدالله العذبه وبيساعدج في النشر ان شاء الله




مشكور وجزاك الله خير.. بس بصراحة جريدة العرب آخر خياراتي:oops:




انتي ممكن ان تنزلين كتاباتك في الجريدة و المنتديات في نفس الوقت .. بس يا ليت لو تنزلين لنا موضوع هنا في المنتدى لان يسعدنا وجود كتاب جدد حتى يستلذ به أساتذة الكتابة في المنتدى و كذلك يستفيد منه الفقراء لله أمثالي . *

والله صح.. ليش أنا حاطة في بالي إما الجريدة أو النت :D .. وبخصوص إني أنزل موضوع في المنتدى.. إن شاء الله..

[أم حمد]

الشرق وبسسس

الباقي احس اخبار قديمه !!

[الرويـس]

انا مابي الرابط
:(

[بصمة قطرية]

اختي توكلي على الله واكتبي في جريدة ..
وفي نفس الوقت انشري كتاباتج في المدونة ..
اذا كتبتيها في النت بس
ما راح تحفظين حقوقج الفكرية ..
اول سؤال راح تسمعينه اذاا حد نقل شي
من كتاباتج ونسبه لنفسه ..
شالدليل انج كاتبته ..
راحت علي كتابات كثيرة ..:sorry:
توكلي على الله وربي يوفقج
وان شاء الله نقرأ كتاباتج قريب ..

[الجوهرة الثمينة]

طلبتي المشوره ونصيحتي لج اختي ابتعدي عن الصحافه


هالمهنه ماتنفع للنساء فيها احتكاك مباشر مع الرجال بما فيهم رئيس التحرير الي من حقه في أي وقت يطلبج في مكتبه لمناقشة مقاله مثلآ ..... ياما صحافيات قدموا تنازلات لمجرد الشهره
مهنه تخوف صراحه ...... ومجتمعنا محافظ يعتبر هالمهنه عيب للبنت......الزمي بيتج واكتبي في اي وسيله الكترونيه مثل المنتديات افضل حل لتفريغ هالطاقه الايجابيه في الكتابه

لاتزعلين هذا رأيي بصراحه

[ع.م]

الأعضاء والعضوات الأفاضل..

بخصوص طلب رابط المدونة..

هي بصراحة أقل من عادية و أكثرها غير مفيد لأنها ذات طابع شخصي نوعاً ما..

استخدمتها كوسيلة للتدريب وممارسة اللغة ومايشرفني إني أنشرها بصراحة :oops: ..

موجهة للأجانب من باب كسر الغموض المحيط بالفتاة المسلمة العربية بشكل عام و القطرية بشكل خاص ..

وعشان التواصل مع أي حد عنده تساؤلات عن مجتمعنا.. في وقت فراغي يعني :D

[ع.م]

طلبتي المشوره ونصيحتي لج اختي ابتعدي عن الصحافه


هالمهنه ماتنفع للنساء فيها احتكاك مباشر مع الرجال بما فيهم رئيس التحرير الي من حقه في أي وقت يطلبج في مكتبه لمناقشة مقاله مثلآ ..... ياما صحافيات قدموا تنازلات لمجرد الشهره
مهنه تخوف صراحه ...... ومجتمعنا محافظ يعتبر هالمهنه عيب للبنت......الزمي بيتج واكتبي في اي وسيله الكترونيه مثل المنتديات افضل حل لتفريغ هالطاقه الايجابيه في الكتابه

لاتزعلين هذا رأيي بصراحه

مشكورة يالغالية على حرصج.. بس ترى نهائياً مافيها تواصل مع الرجال.. مجرد تبعثين الإيميل في الوقت المناسب للمحرر وخلاص.. ومارح يكون في نقاش لأن مجالي مب سياسي.. هو مجرد عمود كل أسبوع أو حتى كل أسبوعين مارح أسوي سبق صحفي ولاراح أحتاج أطلع من بيتي.. ولا حتى باحط إيميلي..

ومشكورة مرة ثانية على حرصج يالجوهرة الثمينة.. اسم على مسمى..

[ع.م]

اختي توكلي على الله واكتبي في جريدة ..
وفي نفس الوقت انشري كتاباتج في المدونة ..
اذا كتبتيها في النت بس
ما راح تحفظين حقوقج الفكرية ..
اول سؤال راح تسمعينه اذاا حد نقل شي
من كتاباتج ونسبه لنفسه ..
شالدليل انج كاتبته ..
راحت علي كتابات كثيرة ..:sorry:
توكلي على الله وربي يوفقج
وان شاء الله نقرأ كتاباتج قريب ..

مشكورة على إضافتج القيمة.. جداً أعجبتني فكرة الجريدة والمدونة في نفس الوقت.. واضح إن عندج خبرة في هالمجال..

[بنت سيف]

الأعضاء والعضوات الأفاضل..

بخصوص طلب رابط المدونة..

هي بصراحة أقل من عادية و أكثرها غير مفيد لأنها ذات طابع شخصي نوعاً ما..

استخدمتها كوسيلة للتدريب وممارسة اللغة ومايشرفني إني أنشرها بصراحة :oops: ..

موجهة للأجانب من باب كسر الغموض المحيط بالفتاة المسلمة العربية بشكل عام و القطرية بشكل خاص ..

وعشان التواصل مع أي حد عنده تساؤلات عن مجتمعنا.. في وقت فراغي يعني :d

وهذا دافع أكبر لطلب رابطها

برجاء عدم البخل بها علينا

[pink pearl]

وياج الكاتبة ...... السابقة في جريدة الشرق
أكيد ما في مانع تكتبين بس الأهم تثبتين جدارتج
الله يوفقج*

[ع.م]

مشكورة أختي pink pearl .. وأنا طمعانة بنصايحج بما إن لج خبرة في هالمجال..

وبخصوص اللي تركوا الموضوع الرئيسي وركزوا على مدونتي التعبانة :) ترى صج مارح تضيف شي.. ومشكورين جداً على اهتمامكم ..

[بوحارب]

الله يوفقج وأن شاء الله تكونين كاتبه تخدمين دينج ووطنج :)

أهم شي النية قبل كل شي

[eXpert*]

يا حلو المدونات لا حدود ولا قيود :) <=== مدون مخضرم

الجرائد يوم معاك ويوم ضدك ،، وإن لم تكن معي فأنت ضدي يالحبيب

ليش أحط رقبتي بيد السياف ومتي ما حب يقص مقالي قصه من غير أدنى إعتبار !!

[ع.م]

الله يوفقج وأن شاء الله تكونين كاتبه تخدمين دينج ووطنج :)

أهم شي النية قبل كل شي

مشكور جداً..

يبيله أستحضر النية.. جزاك الله خير..

[ع.م]

يا حلو المدونات لا حدود ولا قيود :) <=== مدون مخضرم

الجرائد يوم معاك ويوم ضدك ،، وإن لم تكن معي فأنت ضدي يالحبيب

ليش أحط رقبتي بيد السياف ومتي ما حب يقص مقالي قصه من غير أدنى إعتبار !!

وجهة نظر منطقية.. جزاك الله خير..

[عابر سبيل]

.. وبخصوص إني أنزل موضوع في المنتدى.. إن شاء الله..

و احنا مع طلب الاخت/الوان..
فراح نعتبر وعدج لها..
وعد لجميع رواد و زوار المنتدى..
و سننتظر طرح الموضوع..
مو من بكره..بننطره من ألحين!

[sh50]

اذا كان عندج موهبه الله يوفقج
بس اختي ابي انصحج
الكلمه مسؤليه خطيره من كثر كلامه كثرت اخطائه00
والله خلق عينين وفم واحد00
يعني يسمع الانسان 70% ويتكلم او يكتب 30 %00
واهم شي لا يشهر بالناس ويضع الله بين عيونه
ن

[أحمد الكبيسي]

انا كاتب مستقل في جريدة الوطن واكتب في الشؤون الاقتصاديه -------- اتمنى للجميع التوفيق

[pink pearl]

ولايهمج الشيخة
بس ما عليج أمر أعطيني رابط المدونة
وإذا تبين أي شي عندج الرسائل الخاصة :)

[فرحة ايامي]

طلبتي المشوره ونصيحتي لج اختي ابتعدي عن الصحافه


هالمهنه ماتنفع للنساء فيها احتكاك مباشر مع الرجال

بما فيهم رئيس التحرير الي من حقه في أي وقت يطلبج في مكتبه لمناقشة مقاله مثلآ ..... ياما صحافيات قدموا تنازلات لمجرد الشهره


مهنه تخوف صراحه ...... ومجتمعنا محافظ يعتبر هالمهنه عيب للبنت......الزمي بيتج واكتبي في اي وسيله الكترونيه مثل المنتديات افضل حل لتفريغ هالطاقه الايجابيه في الكتابه

لاتزعلين هذا رأيي بصراحه

ايش هالكلام الخطير جداً هذا فيه اتهام مباشر لرؤساء التحرير وهم أنزه من ذلك...؟

هذا الكلام غير صحيح وفيه قذف مباشر لرؤساء التحرير يعاقب عليه القانون ... ما يصير نلقي بالتهم جزافاً.

قل خيراً أو اصمت.

البنت تطلب رأي .. ما ارتكبت جناية..؟

ألا زالت فيه عقول تفكر بهذه الطريقة لا حول ولا قوة الا بالله العلي العظيم.

[أحمد الكبيسي]

اولا رؤساء التحرير ليسو برسل حتى ان ننزههم عن الاخطاء , انا سارلي 18سنه اكتب في جرايدنا المحليه ولم يتم استدعائي في حياتي العمليه في مجال الصحافه , بالعكس رؤساء التحرير ناس افاضل ويحترمون عملهم ويقومون بتشجيع الاقلام الوطنيه .... وانا مع المرأه تكتب في جرائدنا المحليه لسبب واحد لأن المرأه تفهم في شؤون المرأه والمواضيع التي تطرح عن المرأه اكثر من الرجل ... لماذا هذه النظره السلبيه ضد المرأه ان تكون كاتبه ----لدينا نماذج مشرفه عن المرأه في صحافتنا المحليه مثل الاخت الفاضله هند السويدي والاخت الفاضله ابتسام ال سعد والاخت الفاضله سلوى الملا والاخت الفاضله زكيه مال الله وغيرهن من الكاتبات .

[فرحة ايامي]

اولا رؤساء التحرير ليسو برسل حتى ان ننزههم عن الاخطاء , انا سارلي 18سنه اكتب في جرايدنا المحليه ولم يتم استدعائي في حياتي العمليه في مجال الصحافه , بالعكس رؤساء التحرير ناس افاضل ويحترمون عملهم ويقومون بتشجيع الاقلام الوطنيه .... وانا مع المرأه تكتب في جرائدنا المحليه لسبب واحد لأن المرأه تفهم في شؤون المرأه والمواضيع التي تطرح عن المرأه اكثر من الرجل ... لماذا هذه النظره السلبيه ضد المرأه ان تكون كاتبه ----لدينا نماذج مشرفه عن المرأه في صحافتنا المحليه مثل الاخت الفاضله هند السويدي والاخت الفاضله ابتسام ال سعد والاخت الفاضله سلوى الملا والاخت الفاضله زكيه مال الله وغيرهن من الكاتبات .

شكراً لهذا الرأي العقلاني..

لكن لم انزعجت من كلمة التنزيه .. النزاهة لفظ يطلق على من يستحقه أما الأنبياء فهذا لهم شأن آخر..!

[Arab!an]

اعتقد الامر سهل جدا ..

اكتبي مقاله فقط .. وسيتم نشرها

انا انصح بجريدة العرب لأن توجهها حاليا هو استقطاب الاقلام المحلية .. وفيها كم كاتب وكاتبه معتبرين

وموفقة بإذن الله

[ع.م]

و احنا مع طلب الاخت/الوان..
فراح نعتبر وعدج لها..
وعد لجميع رواد و زوار المنتدى..
و سننتظر طرح الموضوع..
مو من بكره..بننطره من ألحين!

المقالات موجودة.. بس متعمقة شوي وأخاف إنها ماتلائم المنتديات وعصر السرعة.. لكن راح أحط واحد وأشوف ردود الأفعال.. وشكراً على التشجيع..


اذا كان عندج موهبه الله يوفقج
بس اختي ابي انصحج
الكلمه مسؤليه خطيره من كثر كلامه كثرت اخطائه00
والله خلق عينين وفم واحد00
يعني يسمع الانسان 70% ويتكلم او يكتب 30 %00
واهم شي لا يشهر بالناس ويضع الله بين عيونه
ن

وصلت النصيحة بارك الله فيج..


انا كاتب مستقل في جريدة الوطن واكتب في الشؤون الاقتصاديه -------- اتمنى للجميع التوفيق

حياك الله..




وإذا تبين أي شي عندج الرسائل الخاصة :)

مشكورة أختي الغالية..


اعتقد الامر سهل جدا ..

اكتبي مقاله فقط .. وسيتم نشرها

انا انصح بجريدة العرب لأن توجهها حاليا هو استقطاب الاقلام المحلية .. وفيها كم كاتب وكاتبه معتبرين

وموفقة بإذن الله

ولكنها الأقل إنتشاراً.. وشكراً جزيلاً..

[الـــبـيـرق]

اختي انصحج اول شي تاخذين دوره في (( الكتابه للصحافه)) وهالدورة تطرح بشكل دوري في مركز الجزيره للتدريب
المفروض ان الاشتراك مجاني في الدوره للمواطنين و برسوم للباقين فكري فيها ويمكن تنفعج
وفي العاده يحاضر في الدوره صحفيين كبار .

[ع.م]

اختي انصحج اول شي تاخذين دوره في (( الكتابه للصحافه)) وهالدورة تطرح بشكل دوري في مركز الجزيره للتدريب
المفروض ان الاشتراك مجاني في الدوره للمواطنين و برسوم للباقين فكري فيها ويمكن تنفعج
وفي العاده يحاضر في الدوره صحفيين كبار .

جزاك الله كل خير على هالإضافة الثمينة.. وبإذن الله أجتهد على تطوير نفسي..

[ع.م]

و سننتظر طرح الموضوع..



بس ترى الموضوع اللي راح أحطه مب لين هناك.. لأني أبي أحتفظ بالمواضيع الأفضل للنشر في الجريدة أولاُ..

بكرة إن شاء الله.. لأن قوانين المنتدى تمنع وضع موضوعين في أقل من 24 ساعة..
:oops:

[المحقق كونان]

اختي توكلي على الله سبحانه و تعالى و اكتبي في الجريدة

و تطوري نفسج من خلال الدورات

عندج مركز الجزيرة الاعلامي للتدريب و التطوير يقدم دورات في الصحافة و التحرير الصحفي و الاعلام

و بتستفيدين وايد من الدورة

للقطريين مجاني بس دفع تامين 1000 ريال كاش او شيك

و هذا موقع المركز تقدرين تسجلين اون لاين

http://training.aljazeera.net/coursesinfo

و الله يوفقج

[pink pearl]

طلبتي المشوره ونصيحتي لج اختي ابتعدي عن الصحافه


هالمهنه ماتنفع للنساء فيها احتكاك مباشر مع الرجال بما فيهم رئيس التحرير الي من حقه في أي وقت يطلبج في مكتبه لمناقشة مقاله مثلآ ..... ياما صحافيات قدموا تنازلات لمجرد الشهره
مهنه تخوف صراحه ...... ومجتمعنا محافظ يعتبر هالمهنه عيب للبنت......الزمي بيتج واكتبي في اي وسيله الكترونيه مثل المنتديات افضل حل لتفريغ هالطاقه الايجابيه في الكتابه

لاتزعلين هذا رأيي بصراحه

عن التأليف هذا أولاً
وشكلج ما تعرفين شي في مجال الصحافة
ورجاءً لا حد يسوي نفسه آبو الفلاسفة ويقعد يخمن وينشر إشاعات وخرابيط مالها صلة بالواقع !!!!
اللي يعرف وواثق من روحه يتكلم واللي ما يعرف شالطبخة يكرمنا بسكوته !!

[ع.م]

اختي توكلي على الله سبحانه و تعالى و اكتبي في الجريدة

و تطوري نفسج من خلال الدورات

عندج مركز الجزيرة الاعلامي للتدريب و التطوير يقدم دورات في الصحافة و التحرير الصحفي و الاعلام

و بتستفيدين وايد من الدورة

للقطريين مجاني بس دفع تامين 1000 ريال كاش او شيك

و هذا موقع المركز تقدرين تسجلين اون لاين

http://training.aljazeera.net/coursesinfo

و الله يوفقج

مشكووووور أخونا على المعلومات والرابط المفيد جداً جداً.. جزاك الله خير..

[أحمد الكبيسي]

اهم شي ضبط النفس ---مايجوز العصبيه والتهور عند الكاتب او الكاتبه ----لازم اتقبلين الرأي الأخر اذا حبيتي تستمرين في منهج الكتابه -----بالنهايه هؤلاء الناس اهم اللي بيقرون لج -----اهم شي الاسترخاء وضبط النفس ----وبالتوفيق ان شاء الله .

[قطري009]

بتووووفيق

[ع.م]

اهم شي ضبط النفس ---مايجوز العصبيه والتهور عند الكاتب او الكاتبه ----لازم اتقبلين الرأي الأخر اذا حبيتي تستمرين في منهج الكتابه -----بالنهايه هؤلاء الناس اهم اللي بيقرون لج -----اهم شي الاسترخاء وضبط النفس ----وبالتوفيق ان شاء الله .

نصيحة من ذهب.. بارك الله فيك..


بتووووفيق

جزاك الله خير..

[ع.م]

http://qatarshares.com/vb/showthread.php?t=458831