ممكن مساعدتكم .. باي مدرسة اسجل بنتي؟؟

[زهرة بنفسجية]

السلام عليكم

اخواني اخواتي
ابي مساعدتكم و بحكم عدم خبرتي في المدارس
وين اسجل بنتي اول ابتدائي

ابي اعرف مدرسة مستقلة محترمة و منهاجها حلو و ممتاز في المطار و ما حولها
و ايش الاجراءات اللازمة
و متى التسجيل و صباحي و لا مسائي؟؟؟؟

سوري بس لاني ما اعرف بهالامور مع انه ملفها الصحي جاهز

بانتظاركم بسرعة قبل لا يفوتنا القطار


مشكورين مقدما

[basma222]

دخلي موقع المجلس الاعلي للتعليم
وبعد اضغطي على الموقع الجغرافي للمدارس
بيكون تحت صور البنت والولد
دخلي رقم الكهرباء عندكم بيطلع لج اسم المدرسة التابعه لكم

[البيت بيتك]

اذا حصلتي بعد
الله يعينكم على التسجيل فى كل مدارس قطر طوبير
مادري ليش
نبي جواب من المجلس الموقر
ولا احد يجيب علي السوال

[بوحارب]

ليش كذا يالمجلس الأعلى حرام عليك تسوي في الناس كذا!!!!!

الله يعينكم اختي

[الدمعه]

التسجيل حق روضه وتمهيدي بدا من اول امس ..

ومادري خلص او لا ..

والمطار مالج الا مدرسه موزه او مدرسة خديجه في المعموره ..

الثنتين مستواهم ممتاز..

اذا تبين المدارس اللي بمسيمير الفلاح ونسيبه .. ونسيبه مستواها

احسن ومنهجهم قوي ..

المطلوب منج .. السجل الصحي .. وصوره من : جوازها او بطاقتها

الشخصيه (انا وديت الاثنين)

كرت التطعيم , البطاقه الصحيه ,رقم الكهربا , صورتين شخصيه ,شهادة الميلاد,


وجواز ابوها الاصلي او نسخه منه ..

واذا مب قطري اعتقد يبون معلومات الكفيل .. وانتي تسجلين يعطونج ملف فيه

تسجلين كل البيانات ..

وودي معاج النسخ والاصل ..

[زهرة بنفسجية]

مشكوورة فديتج
ما قصرتي
تحياتي

سجلتها الحمدلله و الله ييسر امرها و امر جميع الطلاب