ابني ذو العشر سنوات تعرض عليه بائعه هوى خدماتها في فيلاجيو : تحذير للأهالي

[alzbara_qa]

تحذير للأهالي

ابني ذو العشر سنوات تعرض عليه بائعه هوى خدماتها في فيلاجيو ,بينما كان يشتري هو واصدقاءه من نفس العمر 10 - 11 سنه ,بعض المثلجات بدار السنما في فيلاجيو

تاتي لهم اثنتان ومعهم شخص ثالث , المهم ابني لم يفهم

لقد اوصلته لباب السنما ظنامني اني حميته ,

ولكن اذا اراد ان يذهب مره اخرى ستكون في رفقه شخص بالغ و مسؤول طول الوقت

, ما الحل .?

[بوغزلان28]

والله اخوي الزباره تبي الصراحه وما تزعل

انشوووف اغلبية العوايل الحين اتهد اعيالها عند باب المركز التجاري ويروحووون يخلصون اشغالهم ولا يدرون شاللي يصيير بهالمجمعات من بلاوي سوده

[كازانوفا]

مش ضروري يروح ابنك هالاماكن
دام اول مره رجع لك سليم احمدى الله ...
الله سبحانه وتعالى اعطانا عقل انفكر فيه ونستخدمه ما نأجره مفروش ...
لذلك شوفيلك مكان ثاني اامن واستر لابنك دام هناك فيه هلاك لاطفالناااا...
اصبح نتعظ وخلي هالمكان لهالاشكال الضاله لا بارك الله فيهم
تقبلي مروري...

[برق لمع]

الحل تقول حسبي الله ونعم الوكيل اخوي وتنتبه لعيالك وتزرع فيهم خوف الله من هم صغار
وبعدين بائعات الهوى مب شي جديد ومعروف ان هالاشكال يتجهون اكثر للمراهقين وصغار السن
واكثر شي تلقاهم عند المظاعم والالعاب تصيدون ،، الله يكفينا شرهم

[حليتان*]

اخوووي ما فهمت اخر سطرين ولا عليك امر !!

[الـراسي]

لا تخليهم يروحون للمجمعات

ما فيه الا المجمعات

الله يستر بسترة من هالعماله اللي عندنا ما زادت البلاوي الا من يوم جو عندنا لقطر

الله يستر بستره

[chillis]

مش ضروري يروح ابنك هالاماكن
دام اول مره رجع لك سليم احمدى الله ...
الله سبحانه وتعالى اعطانا عقل انفكر فيه ونستخدمه ما نأجره مفروش ...
لذلك شوفيلك مكان ثاني اامن واستر لابنك دام هناك فيه هلاك لاطفالناااا...
اصبح نتعظ وخلي هالمكان لهالاشكال الضاله لا بارك الله فيهم
تقبلي مروري...

هذي مهب حل جذري اني امنع ولدي من السينما او غيره ليش ما تكون هناك رقابه بالمجمعات حتى لو ماراح السينما ممكن تجيه وهو يشتري شي ضروري ممكن تجيه وهو صوب الالعاب هل يعقل ما اوديه مجمع علشان الاشكال هذي المفروض في حمايه كامله من هالاشكال والمفروض كان يشتكي عليها على طول

[دلة الرسلان]

أول مرة يكون العنوان اوضح من المضمون !!

ياخوي او أختي ترى مش كلنا نفهم الشفرة السرية :o

[محمد]

ياريال بائعات الهوى ما يبون صبي عمره 10 سنين هم يعتبرونه بزنس بالتالي يبون فلوس .. وين بيطمعون ب50 ولا 100 ريال في مخبى هالصبي مسكين ..

عموما وجودهم واقع والله يحمي عيالنا منهم

انا اشوف الستي و الاند دايماً آمنين و انظف من فيلاجيو
الاجانب بكل مكان الحين لكن فيلاجيو وضع غريب جدا لدرجة انهم سوولهم يوم نفس الاجانب ان يشغلون اغنية و يوقفون كل الي في السوق يرقصون عليها .. هالشي موجود في الدول الاوروبية و امريكا بشكل كبير و صار عندنا في فيلاجيو يمكن البعض شاف الفيديو بعد ,,

[كازانوفا]

هذي مهب حل جذري اني امنع ولدي من السينما او غيره ليش ما تكون هناك رقابه بالمجمعات حتى لو ماراح السينما ممكن تجيه وهو يشتري شي ضروري ممكن تجيه وهو صوب الالعاب هل يعقل ما اوديه مجمع علشان الاشكال هذي المفروض في حمايه كامله من هالاشكال والمفروض كان يشتكي عليها على طول

صحيح كلامك بس يستحسن يكون الولد مع احد والديه والاشكال الضاله ل شافت ان الاولاد مع اهاليهم من نفسهم بيتركو المكان
ومن الاخرررررررر ماحد بيحط لاولادنااا حمايه :court: هاااي صعبه بصراحه :strong
الاولاد امانه في رقابنااا مش في رقاب حد ثاني
وارجع اقول مش ضروري السنمااا دام الفسااااااااد بدا ينتشر بطريقة ملحوظه

[بوخالد911]

الله يحفظنا بس

ونسمع بعضهن يعرضن عليك خدمة ( المساج )
!!@@!!

[chillis]

الله يحفظنا بس

ونسمع بعضهن يعرضن عليك خدمة ( المساج )
!!@@!!

:omg:

[مهره]

حسبي الله عليهم شنو جسيتهم وصح مب حل امنع ولدي من المجمعات هذى بلدنا مب بلدهم احنا الداخلين واهم الى برع والله لكن ياليت يطبقون عندنا مثل السعودية هيئة الامر بالمعروف جان افتكينا

[meeemz]

سؤال وشو جنسيتهم ؟ اكيد فلبن؟
ليتكم صدتوها الخايسه والله بائعات الهوى المفروض يعدمون ماينسجنون !عيل تعرض على ياهل ؟! وصخوا بلادنا
ليتهم يطبقون الشرع فيهم عشان يفكرون الف مره قبل ما يرتكبون جرايمهم

[همسه]

الله يخسها شتبي فيه ولد عمره 10 سنين

حسبنا الله و نعم الوكيل

و بصراحه اكبر غلط الاهالي يخلون عيالهم ويروحون عنهم بعيد شلون يقدرون يبعدون عنهم عمره 10 سنين للحين طفل ما يعرف مصلحة نفسه

عيالنا امانه الله سبحانه و تعالى بيحاسبنا عليها

اتقوا الله سبحانه و تعالى في اطفالكم

[الدمعه]

السلام عليكم

لا فيلاجيو ولا السيتي بو الهنود والا اللاند..ولاغيرهم...

الغلط عالاهالي اللي هادين عيالهم ..

ياهل 10 سنين اهده يدور في المجمع .. خير ان شاء الله .. ليش شنو الغرض

اللي بيشتريه ومايصير اكون معاه ..

اهمال اهمال اهمال .. بعينه وعلمه ..

جدام عيني هالبنت والولد ..ماينهدون بروحهم .. ريلي على ريلهم ..

احطهم في الالعاب وانا معاهم .. مااخليهم .. مب عيزانه عن هاليوم اقعد فيه

وياهم واهد اشغالي .. اعيالي اهم من الدنيا واللي فيها ..

تستاهلون تستاهلون تستاهلون ..

من سوى روحه سبوس لعبت به الدياي ...

[ثابت]

الشرها على الامن الفاشل في المجمعات
وعدم الرقابة من الجهات المسؤلة
تبي تشوف تبرج روح المجمعات
تبي تشوف تحرشات روح المجمعات
تبي تشوف مخلوقات من الفضاء روح المجمعات
.................الخ

[بوخالد88]

لا حول ولاقوة الا بالله والله يستر علي عيال المسلمين من عيال الحرررررام

[درع الوطن]

كااااااااان ياماااااا كاااااااااااان

كااااااااااااان فيه شي أسمه الأمن الوقائي ... بس مادري شنهي شغلتهم

الظاهر الغوووووووه بسبب ضغط الإنفتاااااااااااح

[الحبتور]

وانا اقول من عياله اللي محذفين كل ويكند تالي الليل عند بوابات فيلاجيو ..

[NeverLand]

ياهل صغير عمره 10 للحين ماخط شنبه .. ماتوقع راح يكون مستهدف من بائعات الهوى !!!

اكيد واصل لك الموضوع غلط او مع بعض التهويل :)

[بوغانم995]

تحذير للأهالي

ابني ذو العشر سنوات تعرض عليه بائعه هوى خدماتها في فيلاجيو ,بينما كان يشتري هو واصدقاءه من نفس العمر 10 - 11 سنه ,بعض المثلجات بدار السنما في فيلاجيو

تاتي لهم اثنتان ومعهم شخص ثالث , المهم ابني لم يفهم

لقد اوصلته لباب السنما ظنامني اني حميته ,

ولكن اذا اراد ان يذهب مره اخرى ستكون في رفقه شخص بالغ و مسؤول طول الوقت

, ما الحل .?

الرجاء المعذره يالزباره ..........بس لو تحددين شوي .....وتكشفين الغطاء عن نوع هذه البائعه هل هي عربيه او اسياويه ......وهذا آمن اسري ليس مقصوراً على ابنك انما العموم واجب لدرء الضرر عن كل المجتمع .....وخاصه المراهقين من الشباب ....وهل الشخص الثالث...من نفس الجنس ....لذلك ...يجب ان يأخذا هذا الموضوع على محل ومحك الجد ...من قبل السلطات المختصه ......وتفعيل دور التحري عن الموضوع ....واللهم أحفظ ....اسرنا من الفتن ماضهر منها ومابطن ......وتسلمين على هذا التحذير لعموم الحذر للمجتمع القطري ...وتشكرين على ذلك ......وبس

[الألماسي]

اسف اخوي . . و لكن القصـه ما تدخل المخ

[alzbara_qa]

صحيح اني قد اخطئت ، ولكن حبيت احذر , فقد كان مع ابني اصدقائه بالصف حوالي سته اطفال من القطريين ,عيال عوائل , وقد شعر بالحرج و احببت ان اعطيه حيز من الحريه , وكانت العصريه . وكنت بانتظاره حتى ينتهي الفلم ,لاني وضعت بالحسبان انه
وقريبا سيكون هذا الولد مراهقا و سيطالب بمزيد من الحريه فحتى بوجود مجلس مخصص لهم سيطالب بالخروج مع اصدقاءه احيانا .
قصدي من هذا الموضوع التنبيه .

[eXpert*]

تحذير للأهالي

ابني ذو العشر سنوات تعرض عليه بائعه هوى خدماتها في فيلاجيو ,بينما كان يشتري هو واصدقاءه من نفس العمر 10 - 11 سنه ,بعض المثلجات بدار السنما في فيلاجيو

تاتي لهم اثنتان ومعهم شخص ثالث , المهم ابني لم يفهم

لقد اوصلته لباب السنما ظنامني اني حميته ,

ولكن اذا اراد ان يذهب مره اخرى ستكون في رفقه شخص بالغ و مسؤول طول الوقت

, ما الحل .?

أبي أفهم شي واحد !! شنو اللي أوحى لك إنها بائعة هوى ؟؟ يمكن كانت تبيه يدفع لها قيمة التذاكر !! كبادرة حسنة !! ؟


والله أنا أستغرب اذا الأهالي تفكيرهم سطحي ،، الله يعين الأجيال القادمة !!!!!!!

بس الناس صار عندهم متنفس أي شي في خاطرهم جاو يكتبونه في المنتدى من غير حسيب ولا رغيب يا إدارة المنتدى


المنتدى كان هدفه الساميّ كل ما يخص الإقتصاد القطريّ ،، ولكن الحين صار حبل غسيل ينشر عليه اللي يخاف علي قطر والحاقد عليها .


رجاء حار : اللي يبي يكتب موضوع يا ريت يكتب موضوع نفس الناس بعيداً عن الطلاسم ترى إحنا مش عرافيين ولا كهنه .

لاحول ولا قوة الا بالله فكونا من هالمواضيع .

[قطرية وبس]

صحيح كلامك بس يستحسن يكون الولد مع احد والديه والاشكال الضاله ل شافت ان الاولاد مع اهاليهم من نفسهم بيتركو المكان
ومن الاخرررررررر ماحد بيحط لاولادنااا حمايه :court: هاااي صعبه بصراحه :strong
الاولاد امانه في رقابنااا مش في رقاب حد ثاني
وارجع اقول مش ضروري السنمااا دام الفسااااااااد بدا ينتشر بطريقة ملحوظه



والشباب الي اعمارهم من 13 --- 15 بعد لازم احد الوالدين يروح واياه....
ما أقول ألا حسبي الله ونعم الوكيل في الي دخلهم هالبلد الي كانت معروفه بالأمن والأمان

[حليتان*]

أبي أفهم شي واحد !! شنو اللي أوحى لك إنها بائعة هوى ؟؟ يمكن كانت تبيه يدفع لها قيمة التذاكر !! كبادرة حسنة !! ؟


والله أنا أستغرب اذا الأهالي تفكيرهم سطحي ،، الله يعين الأجيال القادمة !!!!!!!

بس الناس صار عندهم متنفس أي شي في خاطرهم جاو يكتبونه في المنتدى من غير حسيب ولا رغيب يا إدارة المنتدى


المنتدى كان هدفه الساميّ كل ما يخص الإقتصاد القطريّ ،، ولكن الحين صار حبل غسيل ينشر عليه اللي يخاف علي قطر والحاقد عليها .

لاحول ولا قوة الا بالله فكونا من هالمواضيع .

ماعليك

ترا في حلقه نااقصه فالموضوع


3 او 4 اسطر ما اظن تكوون كافيه لشرح هذا الموقف !!

ولا يهوون اخوي صاحب الموضوع يوافينا بالتفاصيل بوضوح

[الدمعه]

وانا اقول من عياله اللي محذفين كل ويكند تالي الليل عند بوابات فيلاجيو ..


هه اذا عرف السبب بطل العجب.. :threaten:

[@north_star@]

قصة غريبة الصراحة يعني ياهل عمره 10 سنوات شيبون فيه بائعات الهوى على قولتكم وهو للحين ما بلغ اصلا !!!! وثانيا ايش هالمبلغ اللي بيكون مع ياهل بهالعمر !!!!! والله يستر على جميع امة محمد

[بوخالد911]

لو استهدفوا اشباب بو 20 وفووق
كاان بلعناها


بس بو 10 سنوات

شي غريييييييب
!!@@!!

[alzbara_qa]

الجنسيه فلبينيه الشابتان والشخص الثالث عربي ,والله الالفاظ و المستوى من الكلام لا يرتقى ان اكتبه في المنتدى

والولد ذي العشر سنوات قد ظنوه اكبر عمرا

والله انا مستغرب من اللي صار لهذا حذرت

والله من وراء القصد الله يحفظ المسلمين كبارا او صغارا

[ثابت]

يزاج الله خير والله يحفظنا من بنات الحرام وعيال الحرام

[NeverLand]

اي يمكن يبين اكبر من عمره

عموماً يزاج الله خير والله يحفظ لكم ولدكم وكل عيال المسلمين ان شاء الله :)

[Doha Sun]

اسمح لي ياراعي الموضوع..
المفروض في ذا السن احد يكون معاه ولا يتهمل بروحه ماجات على بائعات الهوى بعد لان من خاف سلم !!
لان فيلاجيو صاير لا حول ولا قوة الا بالله العلي العظيم غاص من العالم وناهيك بعد عن المناظر اللي الواحد يستحي يشوفها من الملابس والاشكال ..

[Najla..]

انا اشوف ان الولد ما تهمل .. بالعكس على كلام صاحب الموضوع انه جا واخذ ولده من باب السينما
وين الغلط في الموضوع؟

يعني وين عيالنا يروحون؟

السينما لا .. المجمعات لا .. البحر لا .. النوادي لا..

المفروض ان المجمعات والسينما تكون اكثر مكان آمن في قطر

لازم السلطات المختصه والامن الوقائي يشوفون حل حق هالموضوع

حتى في اوروبا والدول الغير مسلمة ماتسمح لهالامور تصير في الاماكن العامه مثل الاسواق والمجمعات .. ومخصصين اماكن وشوارع معينة لهالامور .. شلون احنا اللي المفروض احنا دولة عربيه ومسلمة :(

الانفتاح نتقبله في الامور التعليمية والفكرية والثقافيه .. مب في الاشياء الي تدمر مستقبل عيالنا وتشوه سمعتنا جدام الدول المجاورة

الله يستر من الي جاي

[wadha-qa]

انتو مستغربين ان هالحقيره تعرض خدماتها على طفل عمره 10 سنوات ؟؟ ليش ما شفتوا الخدمات شيسوون في الاطفال اللي ما تعدوا 5 سنوات ؟؟ انتشر هالفيديو واظن الكل شافه !!
هذيلا لا دين ولا اخلاق يعني لا تستبعدون اي شي منهم الله يحفظ عيالنا من هالاشكال المنحطه ..

[hamad almohd]

حرام عمره 10 سنين ومامعاه شخص كبير والله حرام ترا ليلحين ياهل وينقص عليه ياناس تحملو بعيالكم

[محمد]

انتو مستغربين ان هالحقيره تعرض خدماتها على طفل عمره 10 سنوات ؟؟ ليش ما شفتوا الخدمات شيسوون في الاطفال اللي ما تعدوا 5 سنوات ؟؟ انتشر هالفيديو واظن الكل شافه !!
هذيلا لا دين ولا اخلاق يعني لا تستبعدون اي شي منهم الله يحفظ عيالنا من هالاشكال المنحطه ..

ما شفته انا اشسووا :eek5:

[بوسعيد2]

في ذمة من سمح لها في كل مكان وحسبنا الله ونعم الوكيل

[eXpert*]

انا اشوف ان الولد ما تهمل .. بالعكس على كلام صاحب الموضوع انه جا واخذ ولده من باب السينما
وين الغلط في الموضوع؟

يعني وين عيالنا يروحون؟

السينما لا .. المجمعات لا .. البحر لا .. النوادي لا..

المفروض ان المجمعات والسينما تكون اكثر مكان آمن في قطر

لازم السلطات المختصه والامن الوقائي يشوفون حل حق هالموضوع

حتى في اوروبا والدول الغير مسلمة ماتسمح لهالامور تصير في الاماكن العامه مثل الاسواق والمجمعات .. ومخصصين اماكن وشوارع معينة لهالامور .. شلون احنا اللي المفروض احنا دولة عربيه ومسلمة :(

الانفتاح نتقبله في الامور التعليمية والفكرية والثقافيه .. مب في الاشياء الي تدمر مستقبل عيالنا وتشوه سمعتنا جدام الدول المجاورة

الله يستر من الي جاي


من قال لا تخلون عيالكم يروحون مكان !!

ودوهم كل مكان بشرط وجود ولي الأمر نفسه ،، مب الخدامة أو الدريول .

[قطريه ماركه]

الله المستعان .........

[almaf1a]

شوفي اختي
مرات الاطفال في سن هذا يقولون اي شئ
ليثيروا الاهتمام لهم
وهذا وارد جدا
الواحد لا يصدق اي شئ يقال له من الولد
ولا تزعلين وتقولين ولدي مايكذب
انا ما اقول يكذب ولكن يتصنع الشئ ليلفت انتباه اهله له
وممكن يفتح اي سالفه مثل هذي السالفه

[alzbara_qa]

اهو ما قال لي الا يوم رجعنا البيت ,يقول لي ماكنت متفرغ اقولك السالفه -ولاهو استوعب وفهم - , ابغي اسولف و اشوف الفلم مع ربعي ترى ممكن اكون جالس معاه في السنما ويروح يشتري بوبكورن مع ربعه ويرجع ويصير له نفس الموقف

تحليل الموقف من الاعضاء

1 - غلط الاهالي اللي يعطون ولد مساحه من الحريه بمواعده اصدقائهم بدون مراقبه عن بعد ويفضل عن قرب هذه المراقبه يجب ان تستمر الى ان يبلغ سن 16 سنه ولا 18 خطوه خطوه و بعدين يكون سيده قيده

2- او الولد يكذب و هذه الامور لا تحدث
هذا الموقف لم يحصل وكاتب الموضوع يبالغ و كذاب :الموضوع مثل ما سمعت من شخص وقور عرف عنه الصدق ~و طبعا لكم الخيار بالتصديق و التكذيب

3 - لابد من اتخاذ اجراأت صارمه مع مروجي الفاحشه

شكرا لتفاعلكم

[مشتاقة لقطر]

ويــــــح قلبــــــــــــــــــــــي

[آلملآزم]

اهو ما قال لي الا يوم رجعنا البيت ,يقول لي ماكنت متفرغ اقولك السالفه -ولاهو استوعب وفهم - , ابغي اسولف و اشوف الفلم مع ربعي ترى ممكن اكون جالس معاه في السنما ويروح يشتري بوبكورن مع ربعه ويرجع ويصير له نفس الموقف

تحليل الموقف من الاعضاء

1 - غلط الاهالي اللي يعطون ولد مساحه من الحريه بمواعده اصدقائهم بدون مراقبه عن بعد ويفضل عن قرب هذه المراقبه يجب ان تستمر الى ان يبلغ سن 16 سنه ولا 18 خطوه خطوه و بعدين يكون سيده قيده

2- او الولد يكذب و هذه الامور لا تحدث
هذا الموقف لم يحصل وكاتب الموضوع يبالغ و كذاب :الموضوع مثل ما سمعت من شخص وقور عرف عنه الصدق ~و طبعا لكم الخيار بالتصديق و التكذيب

3 - لابد من اتخاذ اجراأت صارمه مع مروجي الفاحشه

شكرا لتفاعلكم

يعني السالفه ماصارت مع ولدك أنت ياصاحب الموضوع !!
والسالفه ومافيها أنك سمعت أن هالشي صار !؟

[almaf1a]

يعني السالفه ماصارت مع ولدك أنت ياصاحب الموضوع !!
والسالفه ومافيها أنك سمعت أن هالشي صار !؟

والشخص الوقور المعروف بالصدق لم يكن حاظر الواقعه
بل هو ناقل لكلام الطفل

[Rider]

والله لحد يهد عياله في المجمعات ويقعد يشتكي في المنتديات اي ولد بخليه يروح سنيمات وخرابيط ولا يتمشى في مجمع مع ربعه بشغل وقته في شي فيه فائدة هل السنيمات تصنع رجال واذا ختربوا عيالكم قولوا والله والله

[Abdulraman]

عمره عشر توديه السينما وبروحه اذا وصل عمره فوق 15 وين توديه
اشلكم في السينما
الله يحفظ الجميع

[الجسراوي]

ياهل صغير عمره 10 للحين ماخط شنبه .. ماتوقع راح يكون مستهدف من بائعات الهوى !!!

اكيد واصل لك الموضوع غلط او مع بعض التهويل :)

مدام توقيعك فيه عزيزك جون ماعليك شرهها اكيد بتكذب العالم وبتغير السالفه وماتصدق :whistling:

بررررررررررررررب :fight:

[أم حمد]

وين دور الداخليه التحريات المدنيه !!!!!!

ليش مافيه رقابه مثل الدول المجاوره !!

حتى اللي يغازلون وحتى لجنوس يمسكونهم !!

هنا مخلينهم على اريحححححتهم !!

اتمنى من وزير الداخليه مثل ماحط قوانين صارمه على المرور يحط قوانين صارمه على الاشيا اللي تخالف الدين مغازل تحرش جنووووووس الخ !

ويشهر فيهم فالجرايد !!

[ثابت]

وين دور الداخليه التحريات المدنيه !!!!!!

ليش مافيه رقابه مثل الدول المجاوره !!

حتى اللي يغازلون وحتى لجنوس يمسكونهم !!

هنا مخلينهم على اريحححححتهم !!

اتمنى من وزير الداخليه مثل ماحط قوانين صارمه على المرور يحط قوانين صارمه على الاشيا اللي تخالف الدين مغازل تحرش جنووووووس الخ !

ويشهر فيهم فالجرايد !!


اي والله اختي صاجة ام الجنوس مالهم حل كثروا الله ياخذهم امس كنت في عيادة رايح لموعد يوم دشيت الاستراحة انتظر الدكتور والله اني شفت مخلوق عجيب غريب يعني وصلت فيهم الجرأة والحقارة ميك اب فول جدام الله وخلقة وعلى ارض بلدي المسلمة من متى شفنهم هالاشكال والمصيبة بعد الحين موظفين معاي واحد جنسيتة فلبيني رايح ملح حدة !!!!!!!!
المفروض هذي النوعيات ينطردون من البلد بدون عذر

[الحال مايساعد]

إللي فهمته انه ياهل عمرة 10 سنوات بيروح سينما!!!!! من دون رقابه
أو انه ياهل عمره 10 سنوات في مجمع تجاري بدون رقابة!!!!


ألوم صاحب الموضوع والله ، احد يهد عياله!!!!

[سهم احمر]

بسم الله الرحمن الرحيم
اللهم يا موضع كل شكوى يا شاهد كل نجوى ويا عالم كل بلية ويا منجي موسى ومحمد وإبراهيم الخليل صلوات الله عليهم أدعوك يا الهي دعاء من اشتدت فاقته وضعفت قوته وقلت حيلته دعاء الغريق الملهوف المكروب المشغوف الذي لا يجد لكشف مانزل به إلا أنت ولا إلا أنت فارحمنا يا أرحم الراحمين واكشف ما أنزل بنا عدونا وعدوك الشيطان الرجيم ومن هؤلاء القوم الظالمين الباغين أو من فلان الظالم (ان كان واحد من الخلق) يارب العالمين انك على كل شيء قدير واغوثاه واغوثاه واغوثاه ياالله ياالله يالله اللهم يابارئ لا شريك لك يادائم لا نفاد لك يا حي يامحي يامحي الموتى ياقائما على كل نفس بما كسبت الهي انك أنت العزيز الجبار

[أم حمد]

اي والله اختي صاجة ام الجنوس مالهم حل كثروا الله ياخذهم امس كنت في عيادة رايح لموعد يوم دشيت الاستراحة انتظر الدكتور والله اني شفت مخلوق عجيب غريب يعني وصلت فيهم الجرأة والحقارة ميك اب فول جدام الله وخلقة وعلى ارض بلدي المسلمة من متى شفنهم هالاشكال والمصيبة بعد الحين موظفين معاي واحد جنسيتة فلبيني رايح ملح حدة !!!!!!!!
المفروض هذي النوعيات ينطردون من البلد بدون عذر


مافيه دوله مافيها كل هالامور

لكن انا علي اني اخذ الزين واخلي الشين من تجاربهم

ودوله بدون قوانين راح تعم الفوضى الاخلاقيه فيها !

اتمنى مثل ماقلت واشدد عليه بعد وصار لنا كم سنه نطلب هالمطلب قوانين صارمه من الداخليه على هالامور

اللي يتحرش بحد ويمسكونه االتحريات في في مكان عام يسجنونه ويشهرون فيه فالجريده !

الجنوس يسجنونهم ويعطونهم دورات عسكريه يفوقونهم او ياخذون القانون اللي تتبعه دولة الامارات !

ماادري لكن لازم تكون فيه قوانننننين صارمه احنا دوله اسلاميه !!!!

[آلشقب]

ياريال بائعات الهوى ما يبون صبي عمره 10 سنين هم يعتبرونه بزنس بالتالي يبون فلوس .. وين بيطمعون ب50 ولا 100 ريال في مخبى هالصبي مسكين ..

عموما وجودهم واقع والله يحمي عيالنا منهم

انا اشوف الستي و الاند دايماً آمنين و انظف من فيلاجيو
الاجانب بكل مكان الحين لكن فيلاجيو وضع غريب جدا لدرجة انهم سوولهم يوم نفس الاجانب ان يشغلون اغنية و يوقفون كل الي في السوق يرقصون عليها .. هالشي موجود في الدول الاوروبية و امريكا بشكل كبير و صار عندنا في فيلاجيو يمكن البعض شاف الفيديو بعد ,,






http://ysv.me/69171

" عَلَيْهِمْ لَعْنَةُ اللّهِ "
:anger2:

[سارونه]

ياريت قطر تخلى من هالفلبينيات كان احنا سلمنا على عيالنا وشبابنا منهم ومن الاغراءات الي يسونها لهم

اتمنى يكون في رقابة على هالبنات الاجنبيات وخصوصاً الي يلبسون الضيق والشفاف والقصير بمكان عام

صرنا مانروح المجمعات من سببهم مانبي نشوف هالامور في بلادنا

والمشكلة الكل يشوف وساكت كان البلد مش بلد اسلامية وصارو عينك عينك قدام الناس مش محترمين البلد الي فيها ابدا

انا اقول : وين دور الشرطة في مكافحة الفساد والخارجين عن القانون .

[بـــــــنت النوخـّــــذه]

تحذير للأهالي

ابني ذو العشر سنوات تعرض عليه بائعه هوى خدماتها في فيلاجيو ,بينما كان يشتري هو واصدقاءه من نفس العمر 10 - 11 سنه ,بعض المثلجات بدار السنما في فيلاجيو

تاتي لهم اثنتان ومعهم شخص ثالث , المهم ابني لم يفهم

لقد اوصلته لباب السنما ظنامني اني حميته ,

ولكن اذا اراد ان يذهب مره اخرى ستكون في رفقه شخص بالغ و مسؤول طول الوقت

, ما الحل .?

:eek5::omg:

يابنت الحلال تحملي بولدج لاطلعينه الا ريله على ريلج انا عيوز اشكبري مايخلوني اطلع بروحي لازم مرافق مهب عدم ثقه بل زياده ثقه وامن وامان وطمأنينه 000

انعيش وانشوف العجب


واتمنى من الدوله يعطون صلاحيه لوزاره الاوقاف لانشاء هيئه الامر بالمعروف والنهي عن المنكر كمجموعات توزع على جميع مناطق الدوله 000

الوقايه خير من العلاج

سلام

[ثابت]

مافيه دوله مافيها كل هالامور

لكن انا علي اني اخذ الزين واخلي الشين من تجاربهم

ودوله بدون قوانين راح تعم الفوضى الاخلاقيه فيها !

اتمنى مثل ماقلت واشدد عليه بعد وصار لنا كم سنه نطلب هالمطلب قوانين صارمه من الداخليه على هالامور

اللي يتحرش بحد ويمسكونه االتحريات في في مكان عام يسجنونه ويشهرون فيه فالجريده !

الجنوس يسجنونهم ويعطونهم دورات عسكريه يفوقونهم او ياخذون القانون اللي تتبعه دولة الامارات !

ماادري لكن لازم تكون فيه قوانننننين صارمه احنا دوله اسلاميه !!!!

مو بس يسجنونهم ويشهرون فيهم الا يبلعونهم حصى جدام خلق الله ويسحبونهم لنهم هم سبب الفساد الله لا يوفقهم هالضارين المفروض خبط خبط بالخيزرين لين يدن حمار جوفهم :anger2:

[نبض القلم]

المفروض يتم تبليغ إدارة المجمع اذا مو حابين تقديم شكوي رسمية
لان المجمع فية كمرات مراقبة بتكشفهم بسهولة

[بلوتنيوم]

قصة غريبة الصراحة يعني ياهل عمره 10 سنوات شيبون فيه بائعات الهوى على قولتكم وهو للحين ما بلغ اصلا !!!! وثانيا ايش هالمبلغ اللي بيكون مع ياهل بهالعمر !!!!! والله يستر على جميع امة محمد

يمكن طمعانه في الحلاوة الى بيده :)

[ابن البيطار]

حتى الهوى ينباع !

[كازانوفا]

حتى الهوى ينباع !

ويشترى :spider: بوحشيه

[captin]

حتى الهوى ينباع !

الكيلو بكـــــم

[بصمة قطرية]

حسبي الله ونعم الوكيل

من فترة كنت رايحة مطعم مع عيالي وابوهم
شفنا عيلة تحتفل بعيد ميلاد بنتها سوري قصدي ولدها
اللي متمكيج وقاعد يتدلع .
حسبي الله ونعم الوكيل على هله اللي معاه
وجايين يجاهرون بالمعصية قدام العالم ..
ناس ما تخاف ربها
قسم بالله انقهرت من هالمنظر ..
يتضحكون ومستانسين ..
ومعاهم رجال كبير في السن ..
اذ لم تستح فأصنع ما شئت ..

الله يكفينا شرهم ويجعل كيدهم في نحورهم ..
يارب تفكنا من هالأشكال وترجع قطر ( التسعينات )
\
ادري كلامي ماله علاقة بالموضوع
بس من القهر قلته ..
:sorry:

[التيما]

غلطتك تسمح لطفل بدخول السينما اصلا بروحه وهو بهالعمر لان اصلا الافلام فيها دعارة اكبر واخطر من برا ومحتاجين توجيه لان في مناظر مخلة .. وانا ما اايد ان الطفل يدخل السينما بروحه او مع الخادمة او مع اصحابة لين عمر 15 سنه عالاقل ..
طلعت عن الموضوع اسفه .. الحل ؟؟

مايروح لحاله او مع ربعه من غير شخص بالغ ابدا ..

[بـــــــنت النوخـّــــذه]

8888

بصمه اختي

يمكن ولدهم شكله محومر من الله لان هم جذيه هم خدودهم وشفايفهم اليهال حمر يحليلهم مثل الورد اهههه ف حسبتيه متمكيج وفي الحر والجو الحلو الي عندنا يطبخون عدل :d

:D:D

او يمكن ملون وجهة برسمه

[شمس]

اتمنى يبلغون عنهم الفزعه ويغرمونهم مثل الي يعلن بدون ترخيص وما نبي ترقع مادمرته لانها ستعجز والله يحفظ عيالنا آمين

[بومحمد911]

يا جماعة لين متى انلوم غيرنا والبلا فينا

عيالكم امانة في اعناقكم فحافظوا عليهم