اريد علاج ....................ضروري ...............تعبت من كثر التجارب

[للرجوله ملامح]

بسم الله الرحمن الرحيم




الثعلبه بدت من سنتين صغيره بعد وفات الوالد الله يرحمه بسبوع تقريبا وقالي الدكتور هذي من النفسيه والضيق الي فيك وضربني ابر 8 وقالي اذا ما فيه فايده ارجعلي بعد شهر ولا فيه فايده ورجعت له بعد شهر وضربني 12 ابره ولا فيه فايده بلعكس كانو 2 وصارو خمس متفرقين في الحيه ورجعتله وقالي لا عطها وقت اكثر ..... طبعا ما قتنعت في كلامه ورحت حق واحد البناني يعالج بلعشاب في فريج بن محمود وحط على ماده تحرق الجلد نفس التيزاب واحترق الجلد وطاح وطلع شعر صغير ولونه ابيض وقعدت اتابع معاه قالي خلال شهر ما راح يكون فيك شي
تابعت ثلاث شهور معاه وهو معذبني بلي يحطه لنه يحرق ويضايق وريحته قويه بس استحملت وفي النهايه قلت له انت قلتلي شهر والحين بندخل الشهر الرابع قالي انت رحت حق دكتور من قبلي وعطاك اربر قلت له اي قالي عيل خلاص ما ينفع علاجي معاك بعد ما اخذ الفلوس ما علينا قالولي حط ثوم وحطيت ثوم ما فيه فايده قالولي خل اسود بس لين الحين ما جربت لنه صادني احباط الصراحه

اتمنى من عنده حل ولا عنده اي معلومه يفيدني
وجزاكم الله الف خير

[بصمة قطرية]

ما تشوف شر ان شاء الله ..
أخوي روح للدكتور بهيج
اللي عيادته في النصر جنب أشعة الخليج ..

[للرجوله ملامح]

الشر ما يجيج اختي


راح ازوره قريب


مشكوره

[eXpert*]

الله يشفيك ويعافيك .

[كازانوفا]

احسن حل ومن تجربه شخص اعرفه
كل يوم 3 مرات يفرك فيها الثوم لان معروف الثوم فيه خاصيه قويه لعلاج الكثير من المشاكل الجسديه
واقرا على نفسك وان شالله تلقى اللى يسرك يارب

[قطرية فذة]

شافاك الله وعافاك ونجاك مما ألم بك وزادك صحه وعافيه ومعافاه دائمه

ماتشوف شر

[للرجوله ملامح]

الشر ما يجيكم


ومشكورين وما قصرتو



والله يبعد عنا وعنكم الشر

[فرقاك عيد]

الله يشفيك اخوي بس عن تجربه شخصيه مع قريب لي طلعت اول شئ بالراس وبدت تنتشر براسه ولحيته راح لحسن عبدالله مافاده ولما راح للحلاق قال له بابا استخدم ثوم فصار بشكل يومي فرك على اماكن الثعلبه وطلع بالبدايه شعر ابيض وطول وصار لونه اسود مثل باقي الشعر وحتى بالحيه اختفو ومارد مره ثانيه ااااااااااااااااابد

[aljaber1]

خطاك الشر .. وابعد عنك الضيقه

[Red rose]

ما تشوف شر ياخوي

الله يشافيك ان شاء الله

[الخـود]

ما تشوف شر
في ابر يعطونها لزراعة الشعر وتنفع للرجال اكثر من البنات
عيادة الدكتور حسن عنده ليزر للشعر ،،، ما اعتقد ينفع لان الدكتور ما جربه على نفسه وهو بنفسه عنده صلع :)

ان شالله تلقى حل ...

[قلم صادق]

ما تشوف شر ياخوي

الله يشفيك ان شاء الله.....

واحد من الاهل طلعتله في شعره من ورا راح عند دكتور الجلد غازي اللي عيادته في فريج بن عمران

وعطاه كريمات وقاله نفس الشي من النفسيه ..واستعمل هو بعد مع الكريمات ثوم يفرك فيه مكان الثعلبه

والحمدلله الحين تمام

[بن غيث]

تعالج برع احسن
لان مافي دكتور ناجح يطلع من بلاده اصلا
جرب الهند او تايلاند
وما تشوف شر

[لابس بشت]

اعرف واحد من الشباب راح للدكتور حسن عبدالله ولا نفعه
وراح لفهد الباكر ولا نفعه
اخر شي راح حق ابو حلاوه ولما مانفع الدكتور نفسه قاله فيه حلاق في بن محمود يعرف للثعلبه وروح له
وسبحان الله ماعرف له الا الحلاق
وهذا ثاني واحد من ربعي نفع معاه علاج هالحلاق
مادري هو نفسه الشخص اللي رحت له في بن محمود ولا غيره

[للرجوله ملامح]

ماتشوفون شر كلكم
والله لا يهنكم على التجاوب معاي


والله يكتب الي فيه الخير

واتمنى لكم الخير والسعاده


وبيض الله وجيهكم وما قصرتو

[زهرة قطر]

هناك من يستخدم الصبار عن طريق قطعه وفركه بالرأس سمعت واحدة سوت هالطريقة يوم صادتها الثعلبة والحمدلله شفت
الصبار المقصود الموجود في الدوارات والشوارع ويكون متين وإذا قطعته تلقى داخله مادة شفافه كأنها صمغ
والبعض شفى على يد الحلاق اللي في بن محمود
الله يشفيك ولاتنسى الرقيه وقراءة القرآن والتوكل على الله

[Muslim Investor]

السلام عليكم

مرحبا أخوي

أولا .. الله يشفيك .. وإن شاء الله ما ترجع لك الثعلبة عقبها مرة ثانية

ثانيا .. بخصوص الأدوية .. أنا فيني الثعلبة (ومازالت) من أكثر من 20 سنة (في معظم جسمي، راسي، لحيتني، ويهي، يدي، ريلي)
الأبر .. مفيدة .. وفادت ناس وايد أعرفهم شخصيا
المادة اللي حاطها لك اللبناني .. أيضا مفيدة (وحتى عيادة الجلد في مستشفى حمد يستخدمونها حق بعض المرضى) .. وناس وايد استافادوا منها
الكورتيزون (سواء إبر أو حبوب) مفيدة جدا وناس وايد استفادوا منها
كل العلاجات اللي فوق أنا شخصيا أعرف أكثر من شخص شفى لما استخدمها
لكنها ما نفعت معاي
استشاري في بريطانيا من كم سنة قال لي .. هذي هي العلاجات المتوفرة للثعلبة .. ومعظم الناس تستجيب لها .. لكن فيه حالات ممكن ما تفيد معاها والظاهر اني انا منهم

عموما .. نصيحتي لك .. بما انها توها بادية فيك من كم شهر .. انك تستمر وتجرب كل العلاجات .. لأنه مثل ما قلت لك .. كل علاج يضبط مع ناس وما يمشي مع ثانيين ..

أكثر علاج فادني كان الكورتيزون .. فلو تروح عيادة الجلد أو دكتور خاص وتسأله عن فوايده وأضراره بتكون عندك صورة أحسن عن الموضوع

والله يشفيك مرة ثانية ..

[للرجوله ملامح]

هناك من يستخدم الصبار عن طريق قطعه وفركه بالرأس سمعت واحدة سوت هالطريقة يوم صادتها الثعلبة والحمدلله شفت
الصبار المقصود الموجود في الدوارات والشوارع ويكون متين وإذا قطعته تلقى داخله مادة شفافه كأنها صمغ
والبعض شفى على يد الحلاق اللي في بن محمود
الله يشفيك ولاتنسى الرقيه وقراءة القرآن والتوكل على الله

والنعم بالله

والصبار اول مره اسمع عنه بس يمكن اجربه بعد ما اخلص تجاربي الي قاعد اسويها الان
وجزاج الله الف خير





السلام عليكم

مرحبا أخوي

أولا .. الله يشفيك .. وإن شاء الله ما ترجع لك الثعلبة عقبها مرة ثانية

ثانيا .. بخصوص الأدوية .. أنا فيني الثعلبة (ومازالت) من أكثر من 20 سنة (في معظم جسمي، راسي، لحيتني، ويهي، يدي، ريلي)
الأبر .. مفيدة .. وفادت ناس وايد أعرفهم شخصيا
المادة اللي حاطها لك اللبناني .. أيضا مفيدة (وحتى عيادة الجلد في مستشفى حمد يستخدمونها حق بعض المرضى) .. وناس وايد استافادوا منها
الكورتيزون (سواء إبر أو حبوب) مفيدة جدا وناس وايد استفادوا منها
كل العلاجات اللي فوق أنا شخصيا أعرف أكثر من شخص شفى لما استخدمها
لكنها ما نفعت معاي
استشاري في بريطانيا من كم سنة قال لي .. هذي هي العلاجات المتوفرة للثعلبة .. ومعظم الناس تستجيب لها .. لكن فيه حالات ممكن ما تفيد معاها والظاهر اني انا منهم

عموما .. نصيحتي لك .. بما انها توها بادية فيك من كم شهر .. انك تستمر وتجرب كل العلاجات .. لأنه مثل ما قلت لك .. كل علاج يضبط مع ناس وما يمشي مع ثانيين ..

أكثر علاج فادني كان الكورتيزون .. فلو تروح عيادة الجلد أو دكتور خاص وتسأله عن فوايده وأضراره بتكون عندك صورة أحسن عن الموضوع

والله يشفيك مرة ثانية ..



الله يكتب الي فيه الخير
وجزاك الله خير على الدعوه لي
وانت انشاء الله تشفى منها ولا ترجعلك ابد


بيض الله وجهك على النصيحه

وما تشوف شر

[مهل]

السلام عليكم


اخوي فيه عضو معانا اسمه خيال شمر اعرفه معرفه شخصيه ،، تبهذل مع الثعلبه ماخلا دكتور ولا حلاق ماراح له .. راحت منه لله الحمد بس شلون .. تقدر تستفسر منه على الخاص و هو مب مقصر .. اذا مارد على رسالتك ،، راسلني و انا بجرة لك من اذنه :nice:

[للرجوله ملامح]

الله يطول عمرك وعمره
مات قصرون انا جاتني اكثر من وصفه وقاعد اجرب
واذا ما فاد بتواصل معاك


مشكور على المبادره الطيبه