استفسار

[مجرد انا]

السلام عليكم
حبيت استفسر عن عمل الخريطة للبيت
تكلفتها تقريبا حول كم
قصدي يبتدي سعرها من كم
يعطيكم العافيه

[almaf1a]

10 الاف مناسب

[شموخ دائم]

,

,


مرحبا


عمل خريطه البيت يختلف من مكتب الى مكتب على حسب جوده العمل والخبره للمكتب

تبتدي الاسعار من 7 الاف ريال للخريطه شامل التخليص من الخدمات

ومتوسط الاسعار للخرائط في قطر 9 الاف ريال الى 12 الف

وطبعا يوجد المكاتب المصنفه تصنيف a و b هذي اسعارهم فوق

من 20 الف الى 80 الف

طبعا الي يختلف من مكتب الى مكتب هو

( كراسه المواصفات وخريطه الكهرباء والماء )

وهذي المعلومه يجهلها الكثيرين على سبيل المثال

يحدد لك نوع السيراميك ومقاسه بحيث يركب السيراميك بكل حمام
دون ما تجي قطعه سيراميك لازم تنقص بنهايه الحيط

وكذلك الارضيات

اما الكهرباء فهي محدده بدقه عاليه كل مفتاح مكانه بالضبط
يعني جنب السرير لازم نقطتين كهرباء للابجورات يمين ويسار .... الخ

الي قاعد يصير الحين الناس تعمل الخريطه في ارخص مكان مشي حالك
ولما يجي وقت الكهرباء يصير المالك يغير كل اماكن الكهرباء
ويكسر الحوائط ويودي هذا السوكت مناك وهذا المفتاح فوق ... الخ
واحيانا تدور مكان التلفزيون ما تلاقي فتحه للستالايت وتلاقي البيت صار
كله وايرات من السطح نازله من الخارج ومخرمين الحيط بالدريل لتدخيل الوايرات
والمقاول بياخذ عليه 10 الاف فرق تغيير وتكسير الكهرباء
:)

يعني المكتب الرخيص خلانا ندفع للمقاول فرق التعديلات

:)

ها غير لو جبت شخص للديكور بتلاقي بكل حيطه
طالع لك شيطان اما مكيف او بيب او سوكت او شباك ماله حاجه
ويخرب وما تقدر تعمل شي زين لبيتك
والسبب سوء توزيع الكهرباء


وكذلك منهولات الصرف الحوش بتلاقيها جات في اماكن القعدات ومخربه الحوش

هذا الفرق بين المكاتب الزينه والمكاتب الي مشي حالك

وعذرا هذرت كثير كنت اشرب نسكافي :)

,

,



اخوك


شموخ دائم

[بو راشد 1]

مكتب الاتحاد سوى خريطه ب 40 الف
مكتب سكتش سوى خريطه ب 50 الف
الفلتين كبار و فيهم بيسمنت، ومش كوبي بيست

[ام خويلد]

مكتب الاتحاد سوى خريطه ب 40 الف
مكتب سكتش سوى خريطه ب 50 الف
الفلتين كبار و فيهم بيسمنت، ومش كوبي بيست

سعر مبالغ فيه وااااااااااااااايد