ماخاب من استشار

[الـــبـيـرق]

السلام عليكم

الاخوة والاخوات حبيت استشيركم بشغله يمكن القى عندكم الحل
انا على وشك شراءء فله اذا الله هدى راعيها وتمت العملية :dance اخيرا وبعد طول عناء ودواره وتدوير بيكوووون عندي بيت:happy:
بس الفله مستعمله عمرها 5 سنين ويبي لها شغل :oops: وهاي اللي ابي فزعتكم فيه

افكر اغير التالي/
1- ديكور داخلي
2- ديكور خارجي ( يعني البيت من برع +طوفة الحوش فيها شرخ + الحديقة+ المساحه الي بين البيت والشارع يعني الفله على زاويه ):spider:
3- الله يعزكم الحمامات والمواسير والدرامات يبي لها تشييك :court:
4- الاضاءة الداخلية والخارجية.

وباب الاقتراحات مفتوووووح للجميع

[بو راشد 1]

باختصار من داخل ركب بورسلان و من برة ركب حجر والله يوفقك

[الـــبـيـرق]

باختصار من داخل ركب بورسلان و من برة ركب حجر والله يوفقك



مشكور يا بوراشد على المرور

[كبير المتداولين]

فرمت الفله من اول وجديد غير البلاط كامل من الداخل والصبغ والجبس ومن برى حاول تركب حجر افضل وعدل كل شي متكسر هاي بيت العمر مب خساره فيه الله يوفقك

[[vip]]

موفق ان شاء الله والله يجعله منزل مبارك

[بوفصول]

سو اللي يناسبك ويرتاح له قلبك

بالتوفيق اخوي

[المسك1969]

السلام عليكم
اخي الكريم انصحك ماتشتريها... وانصحك تشتري جديده وممكن اندليك... واتلاقي سعر اللي شريتها بسعر الجديده فشنو الاحسن لك؟؟؟ جديد والا قديم حفظك الله
مادمت شراي شراي... اشتر جديد ولا تستعجل وربي سبحانه وتعالى بييسر لك الخير في شرائك وبسعر ان شاء الله يسرك
بالتوفيق حفظك الله

[الـــبـيـرق]

[QUOTE=المسك1969;7319799][FONT="Times New Roman"][COLOR="SeaGreen"][SIZE="5"][B]السلام عليكم
اخي الكريم انصحك ماتشتريها... وانصحك تشتري جديده وممكن اندليك... واتلاقي سعر اللي

اختي المسك1969 انا ماخذيتها الا عقب مالفيت لين قلت بس والفيلا الجمد لله زينه وممكن اسكنها بدون تعديلات بس انا حاب احط فيها لمسات جيده , مشكوووره على المرور

[فارس الكلمة]

كم مساحة الأرض .. و كم السعر ..؟

منزل مبارك ان شاء الله ..

[الـــبـيـرق]

كم مساحة الأرض .. و كم السعر ..؟

منزل مبارك ان شاء الله ..




المساحة 820 والسعر :weeping: ثلاثه مليــــــــ:omen2:ـــــــــــون:anger1:

تكفى :shy: لا تحطمني وتقول غالية ترى لفيت لين قلت بس :secret::anger1:وهاي ارخص فلة شفتها وارتحت لها:victory:

[ذكي جدااا]

الله يبارك لك اخوي . خلنا نبدأ حبة حبة : اولا الشكل الخارجي ممكن تركب حجر طبيعي او حجر صناعي ممكن تعمل ديكورات بلاستر على الفيلا والسوور وتصبغهم اذا كان ارخص من سعر الحجر . بالنسبة للصبغ الخاارجي يفضل الجوتن . بالنسبه للحووش مااعرف كم في مسااحة متوفره عندك بس فكر بالاول هل تريد زيادة ملاحق مجلس خارجي اوووو. ممكن تعمل حديقة بسيط وتركب انترلوك شلاال صغير .... اضااءة جميلة حول الحديقة ... ووو . مظلات وجلسااات ...مراجيح للاولاد ... طبيلة للسيااارة. ثانيا : من دااخل البيت نوعية الابواب الالمنيوم والخشب مقابض الابوااب الشبابييك نوعيتها وديكوراتها الحمامات اعزكم الله اذا تبي تغيرهم و الارضياات ممكن تركب بورسلاان او سيراميك او رخااام كله يعتمد على الميزانيه بعدين يجي عندك الاصبااغ والديكورات الداخليه والجبس . وبالاخيير اختيااار الاثاااث ممكن ترووح الدمام او الرياااض اشووف الشباب يشحنوون كونتير كامل من الريااض ب 3000 الاف رياال بس حقيقة مااعرف اسم شركة الشحن وبالتوفيق

[AL-ANSARI]

الله يجعله منزل مبارك عليك وبالتوفيق ومب خسارة تعدل فيه

[فتى الجود]

الله يبارك لك ان شاء الله

[مرحوم قطر]

نصيحتي لك

انت بتاخذ البيت فلازم تشتغل عليه من البدايه احسن لك قبل ما تسكن فيه

لا تقول بعدين لان سالفة بعدين ما بتطول و بتكره المكان الي انت فيه


اول شي حنى ما نعرف وش حالة البيت بس اذا حالته تعبانه

خذ النصيحه اول شي الحمامات مش استعمالك استعمال غرب

بدلهم على الي تحبه انت و على مزاجك

اصبغ البيت كامل من داخل و من بره على مزاجك و مثل ما انت تحب الي يطيب لك و اذا بتركب حجر احلى و احلى

شيك على كل شي في البيت جيب لك واحد يتمشى في البيت زنقه زنقه

يشيك على كل برغي في الكهربه و كل بيب في المواسير

كهربائي يشيك لك على كل ليت و كل بلك و كل محول في البيت


اكيد البيت بدون مكيفات ركبله نوعيه جيده


خل الي بيتمشى و بيشيك على البيت اي شي مكسور او نص عمر او على وشك يخترب يغيره احسن لك

بعدين لين تخلص كل ذي ييب لك شركة تغسلك البيت من أ لين ي تخليه يلق يلعمك

ترى الغبار انت بتقول بنظفه بعدين بس بعدين بيتاخر و بتكره المكان و ييبلك شركة مبيدات

ترش لك البيت كامل داخل و برع حتى ترش الغرف لان مافي اثاث ولا في يهال فا امورك سهالات

خلي ترش على حواف الاطوف عن النمل و العناكب

و شركة التنظيف خلها تنظف كل زنقه كل شبر كل زاويه لو شفت خيط عنكبوت واحد لا تعطيهم فلوسهم

خل المره و اليهال يختارون الحمامات و اذا مافي جبس ركب لك جبس و خل عيالك هم يختارون الي يبونه

و يختارون الوان غرفه او ورق الجدران حق غرفهم على حسب الي تبيه

و نصيحتي من الحين قبل التسكن حدد الغرف يعني كل غرفه حق من و كل صاله او مكان شبتسوي فيه

مثلاً صالة القعده غرفة التفزيون المجالس و رتبهم على هلاساس و ان خلاص هلنظام ما يتغير ابد


الحديقه ييبلك منسق و خلها يسويها على مزاجك مثل ما تبي و يريحك و يطب نظرك انت و هلك


و الشيخ نصيحه لا تبخل على نفسك ابشر لان ذي مكان بتم فيه طول عمرك فا لا تبخل على نفسك ابشي

و اذا بتسوي شي سوه مره وحده و فك عمرك من العباله و قبل ما تسكن فيه



و اذا احتجت شي حاظرين لك بخلي عمالي يجونك و يظبطون لك اي شي تبيه

[بن رومي]

اسال الله ان يبارك لك في ما شريت

ويجعله منزل امبارك وعامر ابهله

وما على الشباب زود

((( بس اذا كنت بتركب حجر ( اتفق مع الشركة ان يكسرون البلاستر ) عشان يركب عدل )))

وانا ما انصح اتكسر البلاستر ولا اتركب حجر

وهذا من صالح البنيان

اهتم في الحمامات اكرمك الله والكهربا

""" خل عندك الاولويات
""" قبل ان تخطو اي خطوي او اتفاق سجل كل خطوة بترتيبها على ورقه وتكلفتها (( وشوف ميزانيتك وين اتوصلك ))
""" ابدأ من الداخل قبل الخارج (( مهم جداً)) لانك اذا بديت من الخارج و خلصت ميزانيتك (( لا انت اللي سكنت او خلصت .... اما اذا بديت من الداخل و خلصت ميزانيتك تقدر تسكن وانت مرتاح واللي برع لين يرزقك رب العالمين بعد شهر او سنة




بن رومي