استفسار :رايح امريكا ممكن نصائحكم [الأرشيف] - منتديات شبكة الأسهم القطرية

مشاهدة النسخة كاملة : استفسار :رايح امريكا ممكن نصائحكم

ALRAYYAN

08-06-2011, 03:56 AM

السلام عليكم

كيف حالكم جميعا ان شاء الله تكونين بخير وفي احسن حال

ناوي اروح امريكا ان شاء الله تقريبا نص شهر 7 لمدة اسبوعين

كل استفساري هو عن كيفيه استخراج فيزة امريكا

اقصد الخطوات وكم تاخذ لها وقت

وسبب السفر .. زيارة مريض في ولاية اوهايو + سياحه في نيويورك وفلوريدا وميامي

اعتقد ان في مقابله مثل ماسمعت .. شتنصحوني اقولهم .. سياحه ولا زيارة مريض ولا السببين ؟؟

شاكر لكم ودمتم بخير

R 7 A L

08-06-2011, 05:05 AM

حياك اللـٌـًـٌـًهِ أخوي
نعم فيه مقابلة سريعة بالسفارة بعد تعبئة الطلب
والى أحسن انك تشرح لهم كل شيء

captin

08-06-2011, 05:31 AM

المقابلة تكون سريعة وخفيفة
يسألونك ليش رايح؟ شتسوي هناك ؟ تعرف احد ؟
اول مرة تزور الولايات المتحدة ؟ ومن هالأسئلة العادية

الأفضل انك تقول لهم أنك رايح تزور مريض تعرفه
وتحدد لهم عنوانه لمزيد من الثقة والمصداقية.

A bin M

08-06-2011, 12:08 PM

حدد ليش رايح افضل لك

الحال مايساعد

08-06-2011, 12:12 PM

الصدق منجي ، قول الأسباب والله معك

الزجاجي

08-06-2011, 12:26 PM

الشباب ما قصرو

بس معلومه حطها في بالك .. اذا موظف تحصل الفيزا في اقل من يومين
لكن اذا كنت رجل اعمال عادي تاخذ شهر

اذا كنت موظف حاول تعطيهم البزنس كارد كدليل في المقابله

Master_qtr

09-06-2011, 05:43 PM

تعبي الطلب..
وترفع معاه الصور..
كتاب من عملك بالراتب ..ويكون بالدولار احسن ..يعني تقول حق شؤون الموظفين في دوامك أبي كتاب وتكتبون العملة بالدولار ..
واذا انت مو وظف ..لازم يكون معاك ضمان مالي..
مثل ماقالو الاخوان ..قول الصج

بالتوفيق

حقيقه

10-06-2011, 04:43 PM

الـقـاسـي

11-06-2011, 02:42 AM

مادري استغرب من اللي يقولون الفيزه متعبه لهدرجه صحيح ان اجرائاتهم شوي معقده لكن مب لهدرجه ,,
اخوي الريان عب الطلب وادفع الرسوم وقولهم بروح العب كوره هناك وبرد مراح ينشبون لك ..
اذا تبي الافضل قول بزور مريض وعطهم عنوانه والرقم وحتى لو عطيتهم العنوان غلط مراح يدققون اصلا ترى اجراءات روتينيه بس ولاتحتاج لشهاده راتب من شغلك على فكره ..

وعلى فكره ترى الاسبوعين ماتكفي حاول تمدد السفره شوي اماكن حلوه اللي بتروح لها ..

R 7 A L

11-06-2011, 08:42 AM

:rolleyes2:

استخراج الفيزه متعبه

تجهز الاوراق المطلوبه منك
وبتوقف بالطابور صوب الدريشه لين توصل وتختم لك الاوراق
وبعدين بتوقف بالطابور الثاني اللي هو صوب الباب
وبعدين بتدخل داخل وبتنتظر في غرفه زحمه بس الاهم انه فيها تكييف
وبعدين بينادون عليك وبتدخل يفتشونك
وبعدين بتروح داخل السفاره وبتاخذ رقم وتنتظر مع الناس بس الاحسن اقعد قدام لانه فيه ناس بتتضايق من ريحتهم

لانه بتكونون واقفين من الصبح لين الظهر برى بالشمس :(

والافضل تقول سياحه

المشكله الانتظار برى بالشمس حررر واغبره وزحمه
لاتنسى تاخذ معاك مااي باارد
وثاني يوم بتاخذ الجواز مرفقه معاه الفيزه اذا قطري بتكون الفيزه مدتها 10 سنوات

وبالتوفيق

ياليت حد يعطينا فكره عن امريكا مايمدحونها للسياحه هل هالكلام صحيح ؟

ماصار لي كل الى قلتي
والامور طيبة وسهلة للغايــــة

والسياحة ( سياحة الطبيعة ) من أجمل بقاع الأرض في امريكا
في اوهايو الى بتروح لها اخوي الريان
منطقة الاميش روعة وطبيعة
شلالات نياجرا ثلاث ساعات بالسيارة
ولاية مشيغان ثلاث ساعات وكلها مطاعم عربية اذا ناوي على الكباب العراقي
نيويورك 8 ساعات وفيها اماكن سياحية حلوة
واشنطن 7 ساعات وفيها اماكن حلوة اذا انت من هواه المتاحف

حقيقه

11-06-2011, 03:53 PM

الريان

الريان ياليت اتبلغنا بإجرائات استخراج الفيزه من السفاره

عشان الكل يصدق

الا اذا بعض الطبقات الألماسيه وغيرها يطلعون الفيزه بسهوله

r 7 a l

رحال اهم شيء اجواء امريكا اشلون فاالصيف

khalid969

11-06-2011, 04:08 PM

حدد ليش رايح افضل لك

مقابلة سريعة وحدد ليش رايح افضل

اذا كانت مرضيه .. بيطلبون منك التقرير الطبي واذا كانت دراسيه سواء ورشات عمل او دورات بتكون مفتوحة لمدة عشر سنين

وحيد-الشوق

11-06-2011, 04:54 PM

ياكرهي لامريكا سفر متعب فوق ال١٤ ساعه وفيزا متعبه

تروح وترجع بالسلامة

clouds

11-06-2011, 05:55 PM

:rolleyes2:

استخراج الفيزه متعبه

تجهز الاوراق المطلوبه منك
وبتوقف بالطابور صوب الدريشه لين توصل وتختم لك الاوراق
وبعدين بتوقف بالطابور الثاني اللي هو صوب الباب
وبعدين بتدخل داخل وبتنتظر في غرفه زحمه بس الاهم انه فيها تكييف
وبعدين بينادون عليك وبتدخل يفتشونك
وبعدين بتروح داخل السفاره وبتاخذ رقم وتنتظر مع الناس بس الاحسن اقعد قدام لانه فيه ناس بتتضايق من ريحتهم

لانه بتكونون واقفين من الصبح لين الظهر برى بالشمس :(

والافضل تقول سياحه

المشكله الانتظار برى بالشمس حررر واغبره وزحمه
لاتنسى تاخذ معاك مااي باارد
وثاني يوم بتاخذ الجواز مرفقه معاه الفيزه اذا قطري بتكون الفيزه مدتها 10 سنوات

وبالتوفيق

ياليت حد يعطينا فكره عن امريكا مايمدحونها للسياحه هل هالكلام صحيح ؟
من قال متعبه؟:anger1:
ولاشي من المكتوب فوق صحيح...
اول شي سوينا موعد المقابله من النت وفي النت مكتوبه الاشياء المطلوبه منك بتروح هناك عادي السفاره بس تشييك عادي ان ماعندك شي حديد نفس اللي يفتشونا بالاعراس اللي هو جهاز الحديد وماتاخذ الموبايل معاك يتم معاهم وبس تروح داخل وتاخذ رقم كانك قاعد بالبنك ولما يجي رقمك بيقابلك موظف طيب لان الشعب وايد طيب اصلا وبيقول لك ليش بتروح امريا قول له لزياره مريض وبيسالك اي ولايه وخلاص كان الله غفورا رحيما
واصلا لو جربتوا لسفاره الفرنسيه بتعرفون الفرق..الفرنسيه شيقه والمكان وايد ضيق وزحمه ومشي وحر مااااساه اما الامريكيه احسن سفاره انا اشوفها

clouds

11-06-2011, 05:57 PM

على فكره مايمدي اسبوعين تروح كل هالولايات لان امريكا تختلف عن اوروبا اللي تفرها فر في اسبوعين
نيويورك بعيده عن اورلاندوو واصلا اورلاندو بالراحه يبيلك اسبوعين يالله تشوف بعض الاماكن وبعدين بتروح بالسياره ظريق 4 ساعات لين ميامي وميامي بعد يبيلها 5 ايام اقل شي لين تشوفها
نيويورك انا مارحت بس ان شاء الله النيه هالصيف موجوده نشوف نيويورك بس دامها اسبوعين انصحك بنيويورك والولايه اللي بتروح لها يادوب تكفيك الاسبوعين

clouds

11-06-2011, 06:02 PM

على فكره المقابله حددوها لنا بعد يومين من طلبناها على النت ولما رحنا املقابله عطونا اياها ثاني يوم

R 7 A L

11-06-2011, 09:02 PM

الريان ياليت اتبلغنا بإجرائات استخراج الفيزه من السفاره

عشان الكل يصدق

الا اذا بعض الطبقات الألماسيه وغيرها يطلعون الفيزه بسهوله

رحال اهم شيء اجواء امريكا اشلون فاالصيف

الاجواء روعة الان في امريكا خصوصاً المناطق الشمالية والوسطى اما الجنوبية اعتقد حر
درجة الحرارة الان بعد صلاة الظهر 25
الشمس حاره لكن الظل هواء منعش جداً ويميل للبرودة

meeemz

11-06-2011, 10:37 PM

نيورك تجنن بس سفره امريكا حلاتها شهر تروح الجزء الغربي .. فيغاس لا تفوت وهاوايي بعد تجربه حلوه خساره اطقون طريج وماتروحونها مع انها شوي بعيده

حقيقه

11-06-2011, 11:33 PM

:omen2:

ALRAYYAN

12-06-2011, 02:17 AM

هلا اخواني

اللي سويته اني شريت راحتي ومريت ريجنسي للسياحه اللي بشارع سحيم بن حمد
وقلت لهم ابي حد يطلع لي فيزة امريكا وفيزة شنغن بما ان جوازي جديد قلت مره وحده

بخصوص فيزة امريكا طلب مني امر البنك التجاري وادفع لهم رسوم طلب الفيزه وهي 511 ريال + صوره 2×2 خلفيه بيضاء وحاسر طبعا وبدون نظاره + الجواز الاصلي

وسالني حوالي 10 اسأله عاديه .. وقالي خلاص انتظر مني تلفون اقولك فيه موعد المقابله

بتروح المقابله وقالي انها مقابله سهله وسلسه جدا .. معلوماتك بتوصلهم قبلك اون لاين مع الطلب
اللهم بيشوفونك وبيسالونك كم سوال
ليش رايح وحد معاك ولا لا
ووين بتسكن وشالولايات اللي حاب تزورها وتعرف حد هناك ولا لا مب اكثر من جذي

وبعدها بكم يوم انا بتصل بك تجي تاخذ جوازك وفيه الفيزا ان شاء الله

الرسوم 150 ريال

اما رسوم فيزة شنغن 870 ريال وتطلع خلال يومين او 3 بالكثير

ALRAYYAN

12-06-2011, 02:26 AM

شاكر لكم كل نصايحكم

انا اجازتي اسبوعين مب اكثر .. يعني ماقدر اطول لظروف العمل

ان شاء الله بروح نيويورك 3 ايام وبعدها بستاجر سياره وبروح فلوريدا
بمر في طريقي خلال 18 ساعه على نيوجرسي وفريجينيا ونورث كرولينا وساوث كرولينا وجورجيا وصولا لفلوريدا وبنستقر فيها اسبوع وخلال 8 ايام بنروح ميامي (3 ساعات بالسياره) بنقعد يومين وبنرجع فلوريدا بنسلم السياره وبنرجع نيويورك بالطياره رحلة طيران 4 ساعات تقريبا

هذا جدولنا

clouds

13-06-2011, 01:06 AM

الله يسر لك امورك بس الرحله بترتيبك وايد متعبه وامريكا كبيره صعب هالجدول في هالمده الزمنيه وخاصه اذا معاك الاهل اما اذا شباب بس فممكن تتحمل التعب او متعود عليه

we-r-sawa

13-06-2011, 01:26 AM

الله يسر لك امورك بس الرحله بترتيبك وايد متعبه وامريكا كبيره صعب هالجدول في هالمده الزمنيه وخاصه اذا معاك الاهل اما اذا شباب بس فممكن تتحمل التعب او متعود عليه
أتفق معاك بهالشيء ووجهة نظري أمريكا تحتاج عالأقل شهر

ALRAYYAN

13-06-2011, 04:10 AM

الله يسر لك امورك بس الرحله بترتيبك وايد متعبه وامريكا كبيره صعب هالجدول في هالمده الزمنيه وخاصه اذا معاك الاهل اما اذا شباب بس فممكن تتحمل التعب او متعود عليه

جزاك الله خير على دعوتك الطيبه

لا اللي معاي كلهم شباب ومجموعنا 5 اشخاص

ALRAYYAN

13-06-2011, 04:20 AM

أتفق معاك بهالشيء ووجهة نظري أمريكا تحتاج عالأقل شهر

والله احنا قاعدين نتشاور الحين بخصوص الفتره الزمنيه وانها قصيره

في تشاور بتغيير الوجهه الى جولة اوروبيه بين المانيا وبلجيكا وفرنسا وسويسرا وايطاليا

بين كل بلد والثاني رحلة 4 ساعات بالسياره

قدام

13-06-2011, 08:45 AM

امريكااا من زمان خاطري ازورهاااا
ارخص وافضل من اوروبا

لطآم

14-06-2011, 04:22 AM

ALRAYYAN

14-06-2011, 07:09 AM

انا توني جاي من امريكا ماصارلي اسبوع
كنت مقدم اجازه شهر من تاريخ 10 ثلاثه
من اللي شفته حلفت مارد لين يطيب خاطري
وتميت 3 شهور ولولا الدوام والله مارد الا عقب رمضان

نصيحه لاتروح لها وانت ماعندك الا اسبوعين بتحسف والله
حاول تاخذ اطول اجازه لأمريكا اسبوعين خلها في اوروبا احسن

ماشاء الله .. الحمد لله على السلامه

ياليت تقولي وين رحت وشنو اللي خلاك تقعد طول هالفتره فيها يالغالي :omen2:

والله انا ماقدر ابعد عن قطر اكثر من شهر
ماتخيل

clouds

18-06-2011, 11:45 AM

والله احنا قاعدين نتشاور الحين بخصوص الفتره الزمنيه وانها قصيره

في تشاور بتغيير الوجهه الى جولة اوروبيه بين المانيا وبلجيكا وفرنسا وسويسرا وايطاليا

بين كل بلد والثاني رحلة 4 ساعات بالسياره

انا رحت الدول كلها الا بلجيكا بس يمدحونها واقول لك شيل المانيا وسويسرا وخلك على ايطاليا لف فيها اكثر من منظقه انا رحت 3 مناظق روما وفينيسيا وميلانو ويمدحون المنطقه اللي فيها برج بيزا والمناطق الساحليه وروح باريس وبلجيكا
سويسرا كيئبه وممله ومافيها شي بس طبيعتها حلوه والمانيا ماعجبتني كلش لا البلاد ولا اهلها كريهين استغفر الله وينهم ووين الامريكان فرق...زي لامسي حلوه انصحك فيها وقريبه من ايطاليا