المساعد الشخصي الرقمي

مشاهدة النسخة كاملة : شباب من بنى عن طريق بنك التنميه (عظم بس) + التشطيبات من السعوديه هل فعلا تسوى!!


Qt.1
08-06-2011, 04:05 AM
شباب اشلون الطريقه سمعت ان العقد الي ادخله بنك التنميه تسليم مفتاح لكن ايكون ملغي بينك وبين المقاول واتسوي عقد داخلي مثلا بينك وبينه عظم بس , اشلون نقدر انسوي هالحركه يالربع لاني ناوي ابني عظم واشطب براحتي ,

وبخصوص التشطيب من السعوديه حد راح منكم شباب في الفتره الااخيره وقارن الااسعار بلي عندنا هل فعلا تسوى العنوه لين اهناك , والي شرى يذكر لنا شنو الي شراه وبكم علشان اتعم الفايده , ومشكورين والله يعطكيم العافيه :)
فريج النجادة
08-06-2011, 08:14 AM
كلامك صحيح انت تحتاج عقدين من نفس الموقاول واحد بينك وبينة وواحد لبنك التنمية

حتى تحصل على مليون 200 الف ريال

والتشطيب اكيد من السعودية فرق

http://www.qatarshares.com/vb/showthread.php?t=285825
ريان
08-06-2011, 08:29 AM
الطريقه اتسوي عقد بمبلغ 1200000 وفي نفس الوقت اتسوي فسخ العقد

وتعمل عقد جديد بالمبلغ الفعلي المتفق عليه .

العقد ابو 1200000 تدخله بنك التنميه لتكملة الاجراءات .

والعقد الثاني هو العقد الملزم بينك وبينه .

ولكن تشترط عليه ختم جميع اوراق الدفعات وخليها عندك مختومه .

وبالتوفيق ان شاء الله
فريج النجادة
08-06-2011, 09:45 AM
ويجب ان تنزل الدفعات عندك وليست عند المقاول
Qt.1
08-06-2011, 12:37 PM
بيض الله اوجيهكم يالربع كفيتو ووفيتو :)
كبير المتداولين
08-06-2011, 12:54 PM
مرحبا اخوي qt1 بالنسبه للعقد عقدين بينك وبين المقاول وللتنميه العقد الثاني بالنسبه للتشطيب من السعوديه انا توي جاي وشريت كم من غرض انا بنصحك نصيحه لله قبل تشتري اي شي لازم اتاكد انه يدخل الدوحه ويسمح بتصديره عشان ماتلعوز لاني تلعوزت انا اما بالنسبه للاسعار اذا الكميات الي تشتريها قليله او فله صغيره مايسوى عليك تروح وتعني وجمرك ونقل وتعب وروحه اذا كميات كبيره تفرق معاك وانصحك قارن اسعار الدوحه الشي الي تبيه قبل تروح السعوديه
Qt.1
08-06-2011, 01:12 PM
مرحبا اخوي qt1 بالنسبه للعقد عقدين بينك وبين المقاول وللتنميه العقد الثاني بالنسبه للتشطيب من السعوديه انا توي جاي وشريت كم من غرض انا بنصحك نصيحه لله قبل تشتري اي شي لازم اتاكد انه يدخل الدوحه ويسمح بتصديره عشان ماتلعوز لاني تلعوزت انا اما بالنسبه للاسعار اذا الكميات الي تشتريها قليله او فله صغيره مايسوى عليك تروح وتعني وجمرك ونقل وتعب وروحه اذا كميات كبيره تفرق معاك وانصحك قارن اسعار الدوحه الشي الي تبيه قبل تروح السعوديه

الله يرحم والديك وماقصرت , انا كنت افكر بس في الرخام والسيراميك واطقم الحمامات بس , اول شي ادور التشكيله الجديده وطبعا الارخص لكن نفس الشي ماظن تفرق.
كبير المتداولين
08-06-2011, 01:37 PM
الله يرحم والديك وماقصرت , انا كنت افكر بس في الرخام والسيراميك واطقم الحمامات بس , اول شي ادور التشكيله الجديده وطبعا الارخص لكن نفس الشي ماظن تفرق.

بالنسبه للرخام تحمل تشتريه لانه ممنوع تصديره من السعوديه وهذا الي ملعوزني انا وللحين ماوصلني وشلكه ماراح يوصل . اطقم الحمامات مافيه فرق بين الدوحه والسعوديه الا في التشكيلات ومحدوده في السعوديه اما السيراميك سوق مفتوح وكبير تشكيلات كثيره واسعار اقل بكثير من الدوحه ونفس ماقلت لك اول شي حط شي في بالك عقب قارن وحدد
Qt.1
08-06-2011, 01:45 PM
بالنسبه للرخام تحمل تشتريه لانه ممنوع تصديره من السعوديه وهذا الي ملعوزني انا وللحين ماوصلني وشلكه ماراح يوصل . اطقم الحمامات مافيه فرق بين الدوحه والسعوديه الا في التشكيلات ومحدوده في السعوديه اما السيراميك سوق مفتوح وكبير تشكيلات كثيره واسعار اقل بكثير من الدوحه ونفس ماقلت لك اول شي حط شي في بالك عقب قارن وحدد

يعني اتهقى بس السيراميك الي يسوى الروحه للسعوديه بس , والباقي انشطبه من الدوحه احسن اشرايك اخوي ؟
كبير المتداولين
09-06-2011, 10:26 AM
يعني اتهقى بس السيراميك الي يسوى الروحه للسعوديه بس , والباقي انشطبه من الدوحه احسن اشرايك اخوي ؟

انا حسب تجربتي من الرياض لاني ماخليت مكان في الرياض مارحته السيراميك والمطابخ افضل شي اذا كميه ومبلغ كبير اذا شي بسيط مايسوى عليك
والله يوفقك
almaf1a
09-06-2011, 11:03 AM
انا حسب تجربتي من الرياض لاني ماخليت مكان في الرياض مارحته السيراميك والمطابخ افضل شي اذا كميه ومبلغ كبير اذا شي بسيط مايسوى عليك
والله يوفقك

يعني لفيلا وحده يسوى على الواحد؟
بوخالد911
09-06-2011, 12:43 PM
هلا


والله سألت 1 من ربعي
راح الرياض وجاب كمن شغلة ؛ بلاط وسيراميك

قال لي : ما يسوى علييه !!!

لأن عنده فيلا وحدة بس


بعدين لا تنسون التكلفة لل :
بترول السيارة
السكن
الأكل+ المشرب
شحن المواد باللوري / تريلا
دفع 4% رسوم جمارك


بصراحة مطلقة : ما تسوى عليييك

والله يسهل عليكم
كبير المتداولين
09-06-2011, 02:13 PM
يعني لفيلا وحده يسوى على الواحد؟

مبلغ اقل من 100 الف مايسوى عليه الواحد يتلعوز
صــوت قطــر
11-06-2011, 11:33 PM
اخوي ترى مايبون لا عقد ولا يبون شي .. المطلوب فقط

تعبي الفورمه الي تاخذها من بنك قطر للتنميه .. وفيها توقيع المقاول وطلب الدفعه
وتوقيع الاستشاري ومايطلبون العقد ولا حاجه وضروري تودي معاك شيك شخصي منك موقع بقيمه الدفعه الاولى وطبعا تعهد مصرفي .. .. وانا مقدم الاسبوع الي طاف ولا طلبوا مني العقد لأن هالنظام جديد بدون عقد .. وقالي الموظف ان عندهم تعميم جديد ان الدفعه تنزل بحساب المالك فقط وممنوع تنزل بحساب المقاول حتى لو المالك طلب مثل ماكان يصير قبل .. واجراءاتهم سهله خلال 5 دقايق انت طالع ..

وبالنسبه للسعوديه والله يالغالي انا اعرف شركه هناك واخوي طلع تشطيبه بالدوحه صيني لكامل البيت 240 تقريبا .. راح السعوديه طلع كامل 110 تقريبا بالشحن بكل حاجه .. وانا رايح من شهرين وجايب تشطيب في فرق كبير في بعض المواد وبعض المواد نفس السعر وممكن اعلى بشوي .. مثل سخانات الخزف السعودي السعر اغلى من الدوحه بـ 20 ريال تقريبا للسخان الواحد ..

واي استفسار انا حاظر ..
Qt.1
11-06-2011, 11:56 PM
اخوي ترى مايبون لا عقد ولا يبون شي .. المطلوب فقط

تعبي الفورمه الي تاخذها من بنك قطر للتنميه .. وفيها توقيع المقاول وطلب الدفعه
وتوقيع الاستشاري ومايطلبون العقد ولا حاجه وضروري تودي معاك شيك شخصي منك موقع بقيمه الدفعه الاولى وطبعا تعهد مصرفي .. .. وانا مقدم الاسبوع الي طاف ولا طلبوا مني العقد لأن هالنظام جديد بدون عقد .. وقالي الموظف ان عندهم تعميم جديد ان الدفعه تنزل بحساب المالك فقط وممنوع تنزل بحساب المقاول حتى لو المالك طلب مثل ماكان يصير قبل .. واجراءاتهم سهله خلال 5 دقايق انت طالع ..

وبالنسبه للسعوديه والله يالغالي انا اعرف شركه هناك واخوي طلع تشطيبه بالدوحه صيني لكامل البيت 240 تقريبا .. راح السعوديه طلع كامل 110 تقريبا بالشحن بكل حاجه .. وانا رايح من شهرين وجايب تشطيب في فرق كبير في بعض المواد وبعض المواد نفس السعر وممكن اعلى بشوي .. مثل سخانات الخزف السعودي السعر اغلى من الدوحه بـ 20 ريال تقريبا للسخان الواحد ..

واي استفسار انا حاظر ..

بيض الله وجهك كفييت ووفيت ياخوي
HSMK
12-06-2011, 12:30 AM
اخوي ترى مايبون لا عقد ولا يبون شي .. المطلوب فقط

تعبي الفورمه الي تاخذها من بنك قطر للتنميه .. وفيها توقيع المقاول وطلب الدفعه
وتوقيع الاستشاري ومايطلبون العقد ولا حاجه وضروري تودي معاك شيك شخصي منك موقع بقيمه الدفعه الاولى وطبعا تعهد مصرفي .. .. وانا مقدم الاسبوع الي طاف ولا طلبوا مني العقد لأن هالنظام جديد بدون عقد .. وقالي الموظف ان عندهم تعميم جديد ان الدفعه تنزل بحساب المالك فقط وممنوع تنزل بحساب المقاول حتى لو المالك طلب مثل ماكان يصير قبل .. واجراءاتهم سهله خلال 5 دقايق انت طالع ..

وبالنسبه للسعوديه والله يالغالي انا اعرف شركه هناك واخوي طلع تشطيبه بالدوحه صيني لكامل البيت 240 تقريبا .. راح السعوديه طلع كامل 110 تقريبا بالشحن بكل حاجه .. وانا رايح من شهرين وجايب تشطيب في فرق كبير في بعض المواد وبعض المواد نفس السعر وممكن اعلى بشوي .. مثل سخانات الخزف السعودي السعر اغلى من الدوحه بـ 20 ريال تقريبا للسخان الواحد ..

واي استفسار انا حاظر ..


اخوي مايطلبون رخصه البلديه والخ ولا بس الفورمه الي عندهم وتوقيع المقاول والاستشاري مثل ماتفضلت لاني سمعت لازم تسوي اجراءات الرخصه الخاصه بالبلديه والخ
والسموحه
ولي العهد
12-06-2011, 07:51 AM
السموحه طال عمرك الخاص توني قاريه بحكم اني مادش وايد

في محل اسمه ((ملحم)) وفي شخص تعاملت معاه اسمه عبدالله وهذا رقم جواله
00966502229656

وفي محل اسمه ((منزل السراميك)) والشخص اسمه جميل وهذا رقمه
00966536165224 قولهم انا جيكم من طرف ابوعبدالله من قطر

وللعلم ترى الروحه تسوى واقل شي بتوفر على نفسك نص السعر
قدام
12-06-2011, 10:22 AM
اخوي ترى مايبون لا عقد ولا يبون شي .. المطلوب فقط

تعبي الفورمه الي تاخذها من بنك قطر للتنميه .. وفيها توقيع المقاول وطلب الدفعه
وتوقيع الاستشاري ومايطلبون العقد ولا حاجه وضروري تودي معاك شيك شخصي منك موقع بقيمه الدفعه الاولى وطبعا تعهد مصرفي .. .. وانا مقدم الاسبوع الي طاف ولا طلبوا مني العقد لأن هالنظام جديد بدون عقد .. وقالي الموظف ان عندهم تعميم جديد ان الدفعه تنزل بحساب المالك فقط وممنوع تنزل بحساب المقاول حتى لو المالك طلب مثل ماكان يصير قبل .. واجراءاتهم سهله خلال 5 دقايق انت طالع ..

وبالنسبه للسعوديه والله يالغالي انا اعرف شركه هناك واخوي طلع تشطيبه بالدوحه صيني لكامل البيت 240 تقريبا .. راح السعوديه طلع كامل 110 تقريبا بالشحن بكل حاجه .. وانا رايح من شهرين وجايب تشطيب في فرق كبير في بعض المواد وبعض المواد نفس السعر وممكن اعلى بشوي .. مثل سخانات الخزف السعودي السعر اغلى من الدوحه بـ 20 ريال تقريبا للسخان الواحد ..

واي استفسار انا حاظر ..
ممكن اعرف شنو الاشياء المهمه من ناحيه التشطيبات
لاني الاسبوع الجاي رايح الدمام او الرياض
صــوت قطــر
12-06-2011, 06:15 PM
بيض الله وجهك كفييت ووفيت ياخوي

ووجهك اخوي واي حاجه انا حاظر :)
صــوت قطــر
12-06-2011, 06:26 PM
اخوي مايطلبون رخصه البلديه والخ ولا بس الفورمه الي عندهم وتوقيع المقاول والاستشاري مثل ماتفضلت لاني سمعت لازم تسوي اجراءات الرخصه الخاصه بالبلديه والخ
والسموحه

اخوي لازم رخصه البناء جاهزه وتوديها الاسكان وبعدها الاسكان يحولك لبنك التنميه وبالنسبه للفورمه الي عندهم مافيها متطلبات تعجيزيه ولا حتى عقد مقاول .. والمطلوب كالتالي :-

1- صورة من البطاقه الشخصيه
2- سند الملكيه ومخطط الارض
3 ـ تعهد مصرفي اوبنكي من البنك المحول عليه الراتب ..
4ـ نسخه من الخرايط (a01) نسخه وحده بس يعني مش الخرايط كامله .
5ـ نسخه من رخصه البناء ساريه المفعول
6 ـ شيك ضمان شخصي موقع بقيمه الدفعه الاولى بدون تاريخ .

وبالنسبه لرخصه البلديه لا تعتمد على الاستشاري بتخليصها .. خله هو يوديها وانت تتابع وتحرك المعامله وراح تخلص بسرعه ان شاء الله ..

اتمنى اني جاوبت على استفساراتك :)
صــوت قطــر
12-06-2011, 06:33 PM
ممكن اعرف شنو الاشياء المهمه من ناحيه التشطيبات
لاني الاسبوع الجاي رايح الدمام او الرياض


والله يالغالي يختلف من شخص لشخص .. وبالنسبه لي انا ركزت على اطقم الحمامات كامله ( الله يعزك ) والارضيات كامله وطبعا الفرق بتشوفه بالخلاطات .. فرق واضح تقريبا النص .. وانت لابد من انك تاخذ لفه بالدوحه وتشوف الاسعار علشان تعرف الفرق بين الدوحه والسعوديه وماتشتري الي يكون نفس السعر لأن مثل ماقلت لك في بعض المواد الاسعار متقاربه وتشتريها من الدوحه احسن ..

وراح ارسلك على الخاص رقم رجال هناك شغال بشركه وعنده كل مواد التشطيب واتصل فيه وان شاء الله ماراح يقصر معاك بيخلص امورك كلها وانت ماعليك الا تدفع له بعد ماتختار كل المواد وتاخذ وصل الدفع وترجع وهو يكمل لك اجراءات التخليص وهو يشحن لك والرجال تعاملت معاه كذا مره وللأمانه ماشفت منه الا كل خيرر .
قدام
13-06-2011, 08:23 AM
والله يالغالي يختلف من شخص لشخص .. وبالنسبه لي انا ركزت على اطقم الحمامات كامله ( الله يعزك ) والارضيات كامله وطبعا الفرق بتشوفه بالخلاطات .. فرق واضح تقريبا النص .. وانت لابد من انك تاخذ لفه بالدوحه وتشوف الاسعار علشان تعرف الفرق بين الدوحه والسعوديه وماتشتري الي يكون نفس السعر لأن مثل ماقلت لك في بعض المواد الاسعار متقاربه وتشتريها من الدوحه احسن ..

وراح ارسلك على الخاص رقم رجال هناك شغال بشركه وعنده كل مواد التشطيب واتصل فيه وان شاء الله ماراح يقصر معاك بيخلص امورك كلها وانت ماعليك الا تدفع له بعد ماتختار كل المواد وتاخذ وصل الدفع وترجع وهو يكمل لك اجراءات التخليص وهو يشحن لك والرجال تعاملت معاه كذا مره وللأمانه ماشفت منه الا كل خيرر .

جزاك الله خير ........ بس الدمام نفس الرياض ولا فيه فرق
صــوت قطــر
13-06-2011, 11:49 AM
جزاك الله خير ........ بس الدمام نفس الرياض ولا فيه فرق

اخوي حاولت ارسلك رساله خاصه .. بس الظاهر انت موقف الرسايل ..

والله يا الغالي انا مارحت الدمام عشان افيدك .. ولكن رحت الرياض وطبعا شارع التخصصي كامل ولكن ماشريت منه لانه غالي وممكن اغلى من الدوحه وارقام خياليه .. وبعدها رحت طريق الخرج والحمدلله توفقت وشريت كل الي ابيه من نفس الشركه .. :)
مضارب دوسري
13-06-2011, 12:21 PM
والله يالغالي يختلف من شخص لشخص .. وبالنسبه لي انا ركزت على اطقم الحمامات كامله ( الله يعزك ) والارضيات كامله وطبعا الفرق بتشوفه بالخلاطات .. فرق واضح تقريبا النص .. وانت لابد من انك تاخذ لفه بالدوحه وتشوف الاسعار علشان تعرف الفرق بين الدوحه والسعوديه وماتشتري الي يكون نفس السعر لأن مثل ماقلت لك في بعض المواد الاسعار متقاربه وتشتريها من الدوحه احسن ..

وراح ارسلك على الخاص رقم رجال هناك شغال بشركه وعنده كل مواد التشطيب واتصل فيه وان شاء الله ماراح يقصر معاك بيخلص امورك كلها وانت ماعليك الا تدفع له بعد ماتختار كل المواد وتاخذ وصل الدفع وترجع وهو يكمل لك اجراءات التخليص وهو يشحن لك والرجال تعاملت معاه كذا مره وللأمانه ماشفت منه الا كل خيرر .

ياليت ترسلي رقمه لو تكرمت
مضارب دوسري
13-06-2011, 12:25 PM
ممكن اعرف شنو الاشياء المهمه من ناحيه التشطيبات
لاني الاسبوع الجاي رايح الدمام او الرياض

اهم التشطيبات حسب علمي
سيراميك او بورسلان ارضيات البيت
بلاط الحمامات
بلاط الحوش
كل شي يخص الحمامات من ادوات صحيه وشاور وخلاطات

هذا اللي اعرفه اخوي وان شاء الله الاخوان يزيدون
Qt.1
13-06-2011, 12:46 PM
السموحه طال عمرك الخاص توني قاريه بحكم اني مادش وايد

في محل اسمه ((ملحم)) وفي شخص تعاملت معاه اسمه عبدالله وهذا رقم جواله
00966502229656

وفي محل اسمه ((منزل السراميك)) والشخص اسمه جميل وهذا رقمه
00966536165224 قولهم انا جيكم من طرف ابوعبدالله من قطر

وللعلم ترى الروحه تسوى واقل شي بتوفر على نفسك نص السعر

ماقصرت والله يرحم لي والديك , لكن لو انك مكمل لنا ياخوي وذاكر اماكنهم بعد بتسوي فينا خير :)
Qt.1
13-06-2011, 12:51 PM
اهم التشطيبات حسب علمي
سيراميك او بورسلان ارضيات البيت
بلاط الحمامات
بلاط الحوش
كل شي يخص الحمامات من ادوات صحيه وشاور وخلاطات

هذا اللي اعرفه اخوي وان شاء الله الاخوان يزيدون


بالضبط , مثل ماذكر اخوي اخوي مضارب , التشطيبات الااساسيه الي هي مثل السيراميك , البورسلان , اطقم الحمامات , المطابخ , الخلاطات , وومكن اذا لقيت ابواب حلوه وتسوى واهم شي اتكون جديده مش مكرره نفس الي عندنا توكل على الله :)
قدام
16-06-2011, 08:53 AM
اهم التشطيبات حسب علمي
سيراميك او بورسلان ارضيات البيت
بلاط الحمامات
بلاط الحوش
كل شي يخص الحمامات من ادوات صحيه وشاور وخلاطات

هذا اللي اعرفه اخوي وان شاء الله الاخوان يزيدون

جزاك الله خير
قدام
16-06-2011, 08:53 AM
اخوي حاولت ارسلك رساله خاصه .. بس الظاهر انت موقف الرسايل ..

والله يا الغالي انا مارحت الدمام عشان افيدك .. ولكن رحت الرياض وطبعا شارع التخصصي كامل ولكن ماشريت منه لانه غالي وممكن اغلى من الدوحه وارقام خياليه .. وبعدها رحت طريق الخرج والحمدلله توفقت وشريت كل الي ابيه من نفس الشركه .. :)
جزاك الله خير وما قصرت
قدام
16-06-2011, 08:56 AM
جزاك الله خير وما قصرت

من اي شركه خذت اغراضك وعساها رخيصه
فقيه زمانه
18-06-2011, 12:56 AM
انا في شهر 2 الي فات كنت في الرياض او حست المحلات فيه بلاط غالي لمتر يوصل 200 او فوق اوفيه بلاط اسباني وايطالي اسعاره من 40 الى 60 وال70 طبعاً انا اتكلم عن السيراميك للحمامات والارضيات فيه محل له ثلاث اسماء الي هي بيت الاباء والمدى ولبايع يطلع معاك من اي واحد من المحلات ويدخلك لمحل الثاني البلاط كله واحد بس تختلف الديكورات شريت كل ارضيات البيت ومعظم سيراميك لحمامات او نصيحة محلات المدى لاتقربونها لان مديرها اعتقد اسمه وليد اول مايستلم فلوسه هات إذا يرد عليك اذا بغيت تسأل عن البضاعة ، جاب لي سياره دفعة لها غير لجمرك 2500 ريال وعقب عرفت ان اسعار السيارات 1800:weeping: اتصله ولا مره رد علي البضاعة وصلت جزء منها مكسور جابو الوان حق لحمامات غير عن الي اخترتهم وا ظطريت اضرب 700 كيلو رايح ونفسها جاي وجبت لبلاط ولم وصلت لبيت طلع بعد ناقص هذي اهم السلبيات والشي الزين ان سوقهم كبير يعني اي شي تبيه واي كميه موجوده تاخذها ثاني يوم اطقم لحمامات ما صلحت لي لانها نفس الدوحة ....... انشا الله اكون وضحت لموضوع :omen2:
Chambray
18-06-2011, 01:54 AM
انا في شهر 2 الي فات كنت في الرياض او حست المحلات فيه بلاط غالي لمتر يوصل 200 او فوق اوفيه بلاط اسباني وايطالي اسعاره من 40 الى 60 وال70 طبعاً انا اتكلم عن السيراميك للحمامات والارضيات فيه محل له ثلاث اسماء الي هي بيت الاباء والمدى ولبايع يطلع معاك من اي واحد من المحلات ويدخلك لمحل الثاني البلاط كله واحد بس تختلف الديكورات شريت كل ارضيات البيت ومعظم سيراميك لحمامات او نصيحة محلات المدى لاتقربونها لان مديرها اعتقد اسمه وليد اول مايستلم فلوسه هات إذا يرد عليك اذا بغيت تسأل عن البضاعة ، جاب لي سياره دفعة لها غير لجمرك 2500 ريال وعقب عرفت ان اسعار السيارات 1800:weeping: اتصله ولا مره رد علي البضاعة وصلت جزء منها مكسور جابو الوان حق لحمامات غير عن الي اخترتهم وا ظطريت اضرب 700 كيلو رايح ونفسها جاي وجبت لبلاط ولم وصلت لبيت طلع بعد ناقص هذي اهم السلبيات والشي الزين ان سوقهم كبير يعني اي شي تبيه واي كميه موجوده تاخذها ثاني يوم اطقم لحمامات ما صلحت لي لانها نفس الدوحة ....... انشا الله اكون وضحت لموضوع :omen2:
2500 مع التأمين
و1800 من غير التأمين
هذي اسعار الشركات في الشحن

اتمنى لك التوفيق مستقبلاً اخوي
صــوت قطــر
18-06-2011, 05:04 PM
للعلم يا اخوان انا رايح من كم شهر الى شركه المدى وشاري من عندهم بضاعه كامله بدون ارضيات .. وشاري من عندهم فوق الــ 130 مغسله والله يعزكم مرحاض وخلاطات اكثر من 150 وتم التفاهم مع شخص اسمه خالد .. والله ماقصر الرجال معانا وقبل لا نرجع دفعت 20000 عربون واخذت وصل ورجعت الدوحه وثاني يوم كملت له الباقي على حسابه في البنك واول ما استلم اتصل فيني وقالي عد معاي اقل من 10 ايام والا البضاعه واصله الدوحه وطبعا لابد من ان يكون عندك رخصه بناء علشان ماتدفع جمرك وتدفع شي بسيط وبالنسبه للسياره دفعت 1800 .. والبضاعه كانت مرتبه ومرصوصه ومبين ان الجماعه مهتمين بترتيبها وطبعا مايمنع اني لقيت تقريبا 4 مغاسل مكسوره والرجال قالي لو حد عندك بالرياض ابدلهم لك عادي ..


للأمـــانه هــذا الــي حصــل معاي
كبير المتداولين
19-06-2011, 08:41 AM
اهم شي الواحد يتعامل مع شركه محترمه وبس
بايع بايع
19-06-2011, 11:32 AM
الله يعينك ويوفقك
حسن
19-06-2011, 01:28 PM
روح الرياض ولا تتردد ارخص من عندنا بكثير وكلها حذفه حصا