للي بنا ويعرف في البنا! ساعدوني! هذي مواصفات تشطيب ديلوكس ولا عادي؟

[AHMK]

السلام عليكم ورحمة الله وبركاته

يالربع رحت عند مقاول وقلت له ابيه يبني لي البيت تشطيب ديلوكس وعطاني سعر 1950 ريال للمتر. المشكلة مب في السعر المشكلة في المواصفات لما قريتها. كاتب لي التالي:

1- تركيب سيراميك لجميع الغرف والحمامات بسعر 35 ريال للمتر
2- تركيب بورسلان للمجلس والمطعم بسعر 40 ريال للمتر
3- أطقم الحمامات بسعر 1500 ريال
4- الحمام الرئيسي بسعر 2500

هذي أمثله للأسعار. من خبرتكم هذا سعر تشطيب عادي ولا ديلوكس!؟ انا ما عندي خبرة بس أتوقع تشطيب عادي.

الله يجزاكم خير

[ام حمادي]

بالنسبة للسراميك ع حسب 35 اي سعره زين لان في انصار ستي نوعين بـ 25 صغار والمربعات الكبار 35 وعلى حسب تشكيلاتها

1500 يجيب لك حمام وسط الراقي أكثر

أنصحك تشتري من انصار ستي الاطقم وتخليه يركبها اذا تبي كشخه وسعرها زين
اذا عادي مادري 1500 زين والا لا

هذي اللي عندي خبره فيه لان تونا معدلين البيت

[بوخالد911]

هلا


بخصووص أطقم الحمامات

الرئيسي : 4000 ريال
والباقي : 3000 ريال

دلللع نفسك

[بوخالد911]

السلام عليكم ورحمة الله وبركاته

يالربع رحت عند مقاول وقلت له ابيه يبني لي البيت تشطيب ديلوكس وعطاني سعر 1950 ريال للمتر. المشكلة مب في السعر المشكلة في المواصفات لما قريتها. كاتب لي التالي:

1- تركيب سيراميك لجميع الغرف والحمامات بسعر 35 ريال للمتر
2- تركيب بورسلان للمجلس والمطعم بسعر 40 ريال للمتر
3- أطقم الحمامات بسعر 1500 ريال
4- الحمام الرئيسي بسعر 2500

هذي أمثله للأسعار. من خبرتكم هذا سعر تشطيب عادي ولا ديلوكس!؟ انا ما عندي خبرة بس أتوقع تشطيب عادي.

الله يجزاكم خير


بخصوص أسعار البورسلان والسيراميك : ممكن تعدل ع السعر وترفعونها اشووي


المقاول يعطيكم المواصفات الفنية المعتمدة عنده

ويحق لكم التعديل بطلب الزيادة او التنزيل من السعر

كلن ع حسب الرغبة والميزانية
التشطيب : ديلوكس ؛ والله اعلم

موووفقيين

:victory::victory::victory:

[بو الجوري]

:eek5:
أنا أشوفه تشطيــب عااااادي من قلب :.. !!!! :rolleyes2:

1- تركيب سيراميك لجميع الغرف والحمامات بسعر 35 ريال للمتر
هاي معناته صيني :.. أو ممكن تلاقي إماراتي :..

2- تركيب بورسلان للمجلس والمطعم بسعر 40 ريال للمتر
هالبورسلان وين بتلاقيــه اللي بـ 40 !!! مستحيييييييل :..

3- أطقم الحمامات بسعر 1500 ريال
4- الحمام الرئيسي بسعر 2500
أطقم الحمامات يمكن تلاقيها في أنصار بهالسعر :.. صيني طبعا :..
إذا الشوّر بروحه أرخض من 1500 ماتلاقي :..
و هل هو حاسبلك الـ فتنق :.. اللي هو الخلاطات :.. !!!!



الصراحـه مب حولـه الـ ديلوكس :rolleyes2:
هاي لو عادي :.. كـم بيحطلك الأسعار :.. :)

[ريان]

كلام الاخوان صحيح

سعره عالي ومواده رخيصه .

الاسعار الحاليه العظم 950 ريال ....يعني 1000ريال في المتر تشطب شي محترم .

[بنت البدر 77]

انا اشوف الاسعار مو اوكي الاحسن ان تخلي التركيب عليه وانت جيب المواد

و 35 للبلاط موجود بس عادي جداً حتى العادي ممكن تلقى ب 30 ريال للغرف بس طبعاً صيني ووعادي الى ابعد الحدود ! وبورسلان ب 40 ريال بعد صعبه ..وبعدين يتحكم فيك في انوعية المختارة !

خله عظم بلاستر مع التركيب والدفان وبدون الالمنيوم والخشب وخل ينزل لك في السعر

على الاقل بتأخذ شئ انت مقتنع به .. بدون ما يفرض عليك شئ ما تبية .

الله المستعان

[ولي العهد]

انا شاري بلاط سراميك وبرسولان ايطالي واسباني حق 6 غرف نوم وصالة ومجلس و6 حمامات مع اطقم الحمامات ( اعزكم الله ) والخلاطات ماركة(( Grohe الماني )) من الرياض بسعر 65 الف ريال تقريبا مع العلم اني خذت عرض سعر حق البلاط والبورسلان 6غرف نوم و6 حمامات وصالة ومجلس فقط بدون الاطقم وبدون الخلاطات من عند ((كافود )) 100 الف ريال ومن عند ((نابينا )) 86 الف ريال ومن عند (( العاصمة )) 65 الف ريال .
يعني بالمختصر المفيد الاسعار الي عطاك اياها المقاول بالنسبه للتشطيب يعتبر تشطيب تجاري نوعا ما والبنسبه لسعر متر البناء غالي .

نصيحه اتفق معاه على عظم وبلاستر بالاضافه الي تمديد الكهرباء والبيب فيتر والصبغ وانت عليك توريد البلاط والاطقم والخلاطات وهو عليه التركيب وطبعا انت عليك البيبان والدرايش وهذولي تركيبهم على المحل الي بتشتري منه وبكذا بتوفر على نفسك

[@north_star@]

مثل ما قالوا الاخوان خله يبنيلك عظم وانت شطب وهو صج التشطيب يعور الراس بس على الاقل تضمن انك ماخذ الشي الزين وبالمقابل اللي يقولك اشتري من انصار فانا انصحك لا لانه بضاعته صيني ونصيحة ابتعد عن الصيني وأسعار السيراميك الايطالي والاسباني تبدا تقريبا من 55 ريال للمتر وفوق وبالنسبه لاطقم الحمامات النوعيات الزينه تبدا من 2500 وفوق ونصيحة لوجه الله ابتعد عن الصيني وصدقني اللي يدور الرخيص بيدفع دبلات عقب

[الـراسي]

سعر السيراميك 60*60 صيني 35 ريال

النوع الزين اسباني 70 ريال

البورسلان نفس السعر الصيني 35 ريال
والنوع الزين 70 ريال

بالنسبة لطقم الحمام وانت بكرامة 2500 سعر مناسب

انا قاعد ابني واي شي تبي تسأل عنه على الخاص حاضر لك يالغالي

والله يكون بعونك على البنيان اهم شي الحفر الاساس اقل شي متر

ارفع البيت متر نصيحه

[ثابت]

يا جماعة الخير انا استغرب من شي يوم تقولون هذا صيني ليش هو في شي غير الصيني عندنا

تاجر كبير بنفسة قال لي 99 من المواد الموجودة صينية حتى الماركات بس اسم لكن صينية والله اعلم

[بوسعيد2]

السلام عليكم ورحمة الله ابن عظم احسن لك وافر لك بعد والتشطيب يا الرياض او الكويت وسلامتك وارضك وخذ نصيحة اخوك بالتوفيق

[المقاول]

بأختصار ... المواصــفات رديه بالمره
ان كنت رجل نشيط ومتحرك وعندك اصدقاء ملمين بالبناء خليه يبنى لك عظم بس وانشاء الله مايتفق مع الاستشاري ويغشك...والسعر لا يزيد على 1000 ريال.. وركز على اعمال البلاستر لانها بدايه التشطيب..يكون الرمل حكومي مغسول مش رمل طعوس.. ويتم تنفيذه بالطريقه الصحيحة.. بعدها :
سافر بعد ماتعرف الكميات المطلوبه للامارات وورد كل ما تحتاج من انواع السيراميك والبورسلان والاطقم .. وبتوفر على نفسك اقل شي 300 الف .. وتذكر ان كنت واعي ونشيط

[هبوب الشمال]

المقاول هذا رافع السعر وااااااااااااااااااااااااااااااايد
الحين المتر مايعدي 1200 ريال
وتشطيب دلوكس
اما الي يبغي يسويه لك الحبيب
الظاهر سكن عمال في الصناعيه
على الاسعار الي حاطها للمواد
يعني الاخ بيظرب عليك اقل شي 800ريال في المتر

[بو الجوري]

المقاول هذا رافع السعر وااااااااااااااااااااااااااااااايد
الحين المتر مايعدي 1200 ريالوتشطيب دلوكساما الي يبغي يسويه لك الحبيب
الظاهر سكن عمال في الصناعيه
على الاسعار الي حاطها للمواد
يعني الاخ بيظرب عليك اقل شي 800ريال في المتر

لا أخوي مب لـهالدرجـــه :.. :)
شدعوه 1200 :..

[المهندس عبدالعزيز]

ما في شي اسمه ديلوكس وسوبر ديلوكس كلها خرابيط هذه اسماء تسويقية لجذب الزبائن فقط

بسنا خرابيط

لقد هرمنا

فاتكم القطار

إلى الأمام

[هبوب الشمال]

ليش اخوي المقاولين كثار ومافي شغل
وانا اعرف كثر من الشباب يبنون
والمتر بين 950 و 1200
شامل البلستر والتمديدات وتركيب المواد
والحين ما في حد يخلي المقاول يجيب له المواد
سيراميك او بورسلان او صبغ او ابواب
والاسعار الي حاطها المقاول
اسعار اردى الانواع
الحين حتى البيوت التجاريه مايركبون منها
يشوف له مقاول ثاني ابرك له
وملاحظه/ اسعار مواد البنا(الحمامات والسيراميك والبورسلان وغيره)
في السعوديه ارحم بكثير
وتتجاوز نص سعر الدوحه
نصيحه للي يبغي يشطب البيت
ماله الا الرياض ولا الاحساء

[القيادي]

الشيخ عندي مقاول من اهل قطر حاليا يشتغل في بيتي وعلى مسؤوليتي انه يعطيك احسن منهالمواصفات الي عندك والشبابيك دبل كلاس وأطقم الحمامات 3000 ريال وديكورات جبس في البيت اب 1800 ريال للمتر وممكن ينزل بعد

[بو الجوري]

أخوي هبوب الشمااال :..
إنت قلت 1200 و تشطيب ديلوكس :.. يعني مب عظـم :..
و أنا على هالأساس قلت لك مستحيل :..

و صادق الحين متر العظم من 900 لين 1300 تقريبا مع البلاستر و الكهرباء :..

و أتفق معاك إنه الأسعار اللي حاطها المقاول تعبانه :..


:)

[مضارب دوسري]

اخوي بصراحه اشوف ان عرض السعر غالي مقارنه باسعار المواد المسجله
صدقني اخوي تلقاه حاط لنفسه مبلغ وقدره
وبتلقاه حاط سعر متر التركيب مساوي لسعر الشراء

تاكد من كل هذه الاشياء
وافضل طريقه عشان تعرف اساله كم سعر البنيان عظم مع بلاستر واذا قالك اغلى من 1100 دور على غيره

[كبير المتداولين]

نصيحه قاول عظم فقط وانت اشتغل البلاستر والتشطيبات على مزاجك
اشتر بلاط لو تبي ب 15 ريال ولا لو تبي 200 ريال

[العولقي]

اضم صوتي الى صوت الاخوه الاعضاء
++++ وبإختصار ++++
شوف مقاول ثاني وخله مع احلامه

بالنسبه للاخوان اللي قالوا ان المقاول يجبرك على شيء معين وقت تشطب ! هاي الكلام مب صحيح ومبالغ فيه احيانا لاني لاحضت تهرب معضم الناس الا بناء البيت عضم ويقول انه بيختار اللي يبيه من سيراميك وصبغ واطقم حمامات والخ .......
كل مقاول يوم يعطي سعر البناء تسليم مفتاح لازم يكون حاط ميزانيه لكل مرحله من مراحل البناء !
وانت بدورك ان اعجبك شيء من الاختيارات المتوفره كان بها واذا لا فمن حقك تلغيه وتورد اللي تبيه حتى ولو من الصين $
ملاحظه ثانيه الا وهي الاسعار للمواد المطروحه من قبل المقاول؟
بعض المقاولين لهم شهره وسمعه في البلد فتلاقي عنده بعض العلاقات مع اصحاب محلات السيراميك والخشب واللامنيوم والحديد المشغول واطقم الحمامات والخ ....
فتحصلهم يعطونه بسعر خاص وقت ياخذه هو من 35 % الى 50 % خصم ^^^^
لازم تسأل اي مقاول اذا الاسعار المحدده شامله الخصم او بدونه . مثال : اذا السعر المحدد للسيراميك هو 35 ريال ! اذا كان شامل الخصم يعني سعره في المحل هو تقريبا 54 ريال اذا كان الخصم 35 % ونفس الشيء في باقي الاشياء.

اتمنى ان الصوره اوضحت الحين والسموحه على الاطاله واعيد واكرر غير المقاول وسلامتك

[بويوسف]

اخوي الاسعار اللي وضعتها حق بناء تجاري .. والسعر مرتفع نوعا ما .. طبعا مواد التشطيب لاتقتصر على الارضيات ولكن بها تفاصيل كثيرة ..

من الافضل ان تضع اسعارا مرتفعة فكلما كان السعر اعلى كانت الجودة أعلى ... خصوصا ان الجيد هو اسباني او ايطالي في الغالب .. أما الصيني فالجيد منه تجده بسعر الاسباني ..

في نظري أن الخيارات الاخرى للسيراميك والارضيات لغير الاسباني هو الاماراتي rak نوعية جيدة وسعرها ممتاز ..

أما عن الخلاطات والاحواض فإذا اردت موادا بسعر جيد فنابينا عنده توتو وهو جيد ايضا ..

بالنسبة للأبواب فللتشطيب الديلوكس الباب لا يقل عن 1500 - 2000 ريال . والباب الخارجي سولد المتر 2000 ريال.

وبالنسبة للنوافذ فليس اقل من 600 متر ويكون دبل جلاس زجاج بلجيكي ..

الصبغ جوتن جوتاشلد خارجي .. وداخلي فينوماستيك .

ولاتنسى مواصفات ارضيات الحوش والانترلوك وموقف السيارات والمطابخ والخزانات المائية والسوكتات الكهربائية والبايبات والعوازل والجبس الداخلي . وبيت عامر ان شالله ..

حاول بقدر الامكان ان تكتب كل شي يخطر على بالك في العقد وضع شرطا بأن تخصم مبلغ المواد من الدفعات في حال انك قررت ان تشتريها بنفسك ..

[صــوت قطــر]

اخوي من الآخر دور لك مقاول ثاني ..

ولو انت تحط لك مواصفات عن طريق المكتب الاستشاري وتوزعها على كذا مقاول وتشوف الاسعار احسن ماكل واحد يألف شوي من عنده ..